Flet Rrufe, Moj Flet Rrufe, ...

[alumni]

Flet Rrufe, medet Flet Rrufe, t'nap dy t'vjetra, m'jep nji t're!

"http://www.balkanweb.com/gazeta/gazeta.htm"
Faqja 4 - POLITIKE Mars 8, 2003
Tryezë e partive të djathta. Berisha nuk fton Lesin e PDK-në
Opozita: Të ndryshohet Kushtetuta për zgjedhjet
--------------------------------------------------------------------------------
Nikolin Todolli
TIRANE

Opozita kërkon heqjen e neneve kushtetutese që kanë të bëjnë me sistemin zgjedhor. Krerët e opozitës vendosën në tryezën e djeshme të përbashkët të kërkojnë ndryshimin e nenit 64 të Kushtetutës, si dhe të neneve të tjera që kanë me zgjedhjet. Sipas tyre, këto nene pengojnë sistemin elektoral proporcional, sistem të cilin e propozon opozita. Ndryshimi i këtyre neneve u synua të ndryshohej nga Nano dhe Berisha disa muaj më parë, por u kundërshtua nga presidenti i Republikës, Moisiu.

Matu ti me ata që me një thes me drogë blejnë votën", deklaroi kështu Berisha. Këto fjalë kreu demokrat i deklaroi që nga vendi drejtues i tryezës së përbashkët të opozitarëve. Në këtë tryezë nuk merrte pjesë kreu i demokristianëve, Lesi. Berisha e quajti Lesin problematik por aleat dhe tha se vendi i tij është në opozitë. Ndërkaq Lesi i kërkon Berishës që të deklarojë qartë pozicionin e partisë së tij demokristiane. Krerët e partive opozitare u mblodhën dje te Kryesia e Kuvendit. Ata kërkuan një sistem zgjedhor proporcional me një raund, ose rajonal. Kjo do të përcaktohet nga ekspertët ligjorë. Ndryshe nga vendet e tjera si parlamenti, apo salla e konferencës së PD-së, Berisha ishte më pak energjik kësaj radhe. Në krah të djathtë ai kishte Pollon, kreun e reformatorëve. Shtrëngimi i duarve midis Pollos dhe Berishës në fillim të takimit u fiksua nga kamerat televizive dhe nga aparatet fotografikë që ndodheshin aty. Krerët opozitarë Berisha, Pollo, Mediu, Laço, Shehi, Rroqi etj., mendojnë se sistemi proporcional zgjedhor është më i përshtatshmi për vendin tonë. Pasi sipas tyre, në këtë mënyrë do të sigurohen zgjedhje të lira dhe të ndershme. Opozita fton më 14 mars në tryezë të përbashkët partitë e tjera parlamentare edhe ato maxhoritare. Me këtë ftesë opozitarët synojnë të arrijnë një qëndrim të përbashkët të të gjitha frocave politike rreth sistemit elektoral në mënyrë që të garantojnë zgjedhje të lira dhe të barabarta. Opozitarët nuk përjashtojnë edhe rritjen e pragut elektoral. Ata theksojnë se për ndërtimin e kodit elektoral shqiptar duhet të respektohet Kodi elektoral i Komisionit të Venecias, i miratuar nga Komisioni Europian.


Faqja 5 - POLITIKE Mars 8, 2003
Nano: Procedura e filluar për përzgjedhjen e drejtorit të përgjithshëm të Doganave është e para në këtë koncept dhe ajo do të shtrihet në të gjitha institucionet në varësi të qeverisë

"http://www.balkanweb.com/gazeta/gazeta.htm"
Këshilli i Ministrave vendos pas procedurave për kryedoganierin
Qeveria: Gjithë Drejtorët të zgjidhen me konkurs
--------------------------------------------------------------------------------
e.m.
TIRANE
LAJMI

Të gjithë zyrtarët në postet e administratës shtetërore do të përzgjidhen me konkurrim. Këtë vendosi dje Këshilli i Ministrave me arsyen e depolitizimit të administratës dhe përfshirjen e sa më shumë njerëzve të zotë e të përkushtuar. Duke nisur që nga drejtorët e drejtorive nëpër ministri e duke vazhduar te drejtuesit e kompanive të mëdha shtetërore, të gjithë do t'u nënshtrohen procedurave të konkurrimit sipas kritereve të përcaktuara më parë.

Të respektojmë parimin e meritokracisë". Deklarata e parë e Fatos Nanos në postin e kryeministrit pas fitores së zgjedhjeve në vitin '97, u përsërit dje në mbledhjen e qeverisë. Në krye të kabinetit ministror, Nano shpalli një sërë masash drastike në kuadër të reformës në administratën publike. Caktimi i një procesi konkurrimi për të gjitha postet e administratës shtetërore dhe përmirësimi i sistemit të caktimit të pagave, janë dy nga angazhimet kryesore të qeverisë. "Procedura e filluar për përzgjedhjen e drejtorit të përgjithshëm të Doganave është e para në këtë koncept dhe ajo do të shtrihet në të gjitha institucionet në varësi të qeverisë", u shpreh kryeministri Nano në mbledhjen e bordit ndërministror të administratës publike. Sipas tij, procesi i konkurrimit duhet të shtrihet në të gjitha institucionet, veçanërisht në sistemin doganor, tatimor, administratën e prefekturave dhe institucionet që kanë kontakte të drejtpërdrejta me qytetarin. "Sfida e integrimit europian kërkon që administrata të jetë e aftë profesionalisht dhe e çliruar nga mendësi të burokracisë abuzive", tha Nano.

Procedura
Të gjithë titullarët e institucioneve në varësi të qeverisë apo të ministrave, do të emërohen nga Këshilli i Ministrave. Sipas vendimit të miratuar në mbledhjen e ekzekutivit, procedurat e konkurrimit për një vend të lirë do të shpallen në dy gazetat me tirazh më të madh për dy ditë rresht. Pas kësaj, qeverisë do t'i paraqiten nga kryeministri ose ministrat, tre nga kandidaturat e paraqitura. Këto tre kandidatura do të shqyrtohen në mbledhjen e qeverisë dhe më pas do të vendoset për njërën prej tyre.

Pagat
Kryeministri Nano urdhëroi dje vartësit e tij që të kujdesen për t'i dhënë fund kaosit që ekziston në sistemin e vlerësimit të pagave të administratës. "Eshtë koha që kompetencat në fushën e pagave të qartësohen, rregullat për caktimin e nivelit të pagave të jenë më transparente", u shpreh kreu i ekzekutivit. Ai ngarkoi ministrin e Shtetit, Blendi Klosi dhe ministren e Punës, Valentina Leskaj që të angazhohen në zgjidhjen përfundimtare të këtij problemi.