Ja zhvillimi në qytetet kryesore shqiptare

[HELEN OF TROY]

Të dhënat e INSTAT tregojnë se qytetet që kishin Produkt të Brendshëm Bruto ...

për frymë në nivel shumë të ulët në vitin 2000, pësuan rritje më të shpejtë ekonomike se sa Tirana dhe Durrësi, të cilat kishin PBB për frymë më të lartë. Ndërkohë, familjet shqiptare që jetojnë në qarqet e varfra kanë më shumë të ardhura nga emigracioni se sa familjet e qarqeve të pasura, gjë që tregon se varfëria ka shkaktuar emigracion më të lartë dhe rrjedhimisht edhe rritje më të lartë ekonomike. Një nga arsyet e rritjes më të shpejtë të PBB-së për frymë në qarqet e varfra duket se është edhe migrimi i brendshëm. ALBNOW po boton një panoramë të detajuar për disa qytete kryesore:

Dibra

Qarku i Dibrës pati 140 mijë banorë në vitin 2010 dhe që nga viti 2001, një e katërta e popullsisë është larguar prej aty. PBB për frymë për vitin 2009 ishte 248 mijë lekë, ose rreth 70 për qind e mesatares kombëtare.
Industria e përqendruar në kompleksin minerar të Bulqizës duket se ka qenë një faktor i rëndësishëm në rritjen ekonomike të këtij qarku, pasuar nga shërbimet. Kjo industri është shumë e ndjeshme ndaj çmimeve të kromit në tregun ndërkombëtar.
Dibra mbetet zona më e varfër në Shqipëri dhe me normën më të ulët të urbanizimit në vend. Dibra është një nga dy qarqet e vetme në vendin tonë, ku popullata urbane është pakësuar më shpejt se sa popullata rurale. Industria e përqendruar në kompleksin minerar të Bulqizës duket se ka qenë një faktor i rëndësishëm në rritjen ekonomike të këtij qarku, pasuar nga shërbimet. Kjo industri është shumë e ndjeshme ndaj çmimeve të kromit në tregun ndërkombëtar.
Dibra mbetet zona më e varfër në Shqipëri dhe me normën më të ulët të urbanizimit në vend. Dibra është një nga dy qarqet e vetme në vendin tonë, ku popullata urbane është pakësuar më shpejt se sa popullata rurale.

Kukësi

Prodhimi i Brendshëm Bruto i Kukësit është nominalisht 335 mijë lekë për frymë për vitin 2009, por kjo është një shifër që nuk shpreh nivelin e jetesës, për shkak se kjo rritje ekonomike është dominuar nga ndërtimi i rrugës Durrës-Kukës, nga e cila një pjesë shumë e vogël e popullatës ka përfituar. Kukësi ka një bazë të papërfillshme industriale, më pak se 3 për qind e aktivitetit ekonomik zihet nga industria, gjë që e bën perspektivën e kësaj zone të zymtë. Kukësi pati 79 mijë banorë në vitin 2010, ndërkohë që në vitin 2001 numëronte 111 mijë banorë. Më shumë se një në tre banorë të Kukësit është larguar për në zona të tjera të vendit gjatë dekadës së fundit, pa përfshirë këtu emigrantët që janë larguar jashtë vendit në mënyrë legale apo ilegale.

Shkodra

Prefektura e Shkodrës është gjithashtu një qark që ka pësuar rënie neto popullate në Shqipëri gjatë dekadës së fundit, por me ritëm shumë më të ulët se sa Kukësi apo Dibra. Shkodra kishte 246 mijë banorë në vitin 2010, nga 257 mijë që kishte në vitin 2001. Prodhimi i Brendshëm Bruto për frymë i Shkodrës është 287 mijë lekë me rritje 2.5 herë në krahasim me vitin 2000. Ndërtimi dhe shërbimet janë sektorët që kanë ndihmuar më shumë rritjen ekonomike të këtij qarku.

Lezha

Pavarësisht se është një zonë fushore pjellore dhe me mundësi për zhvillimin e turizmit, Qarku i Lezhës kishte PBB për frymë prej 270 mijë lekësh në vitin 2009, duke zënë vendin e qarkut të dytë më të varfër në vendin tonë. Edhe këtu industria ka një rol të ulët në ekonomi, ndërkohë që ndërtimi ka furnizuar një pjesë të rëndësishme të rritjes ekonomike gjatë vitit të fundit. Popullata e Lezhës ka shënuar një rënie të lehtë. Ajo në vitin 2009 ishte 158 mijë.

Durrësi

Qarku i Durrësit zotëron një pjesë të konsiderueshme të industrisë kombëtare dhe roli i bujqësisë në këtë rreth është më i ulët se sa mesatarja e vendit. PBB për frymë ishte 339 mijë lekë me rritje 1.7 herë në krahasim me vitin 2000. Ekonomia e Durrësit dominohet nga tregtia, hotelet, transporti dhe komunikacioni në masën 39 për qind. Ndërtimi dhe industria kanë ndihmuar gjithashtu në rritjen ekonomike gjatë dekadës së fundit. Durrësi është një nga qarqet ku popullata është rritur. Në vitin 2010 aty banonin 310 mijë vetë, ndërkohë që në vitin 2001 kishte ende 246 mijë vetë. Një në katër banorë të Durrësit është vendosur aty gjatë dekadës së fundit.

Tirana

Qarku i Tiranës ka një bazë të bollshme ekonomike të furnizuar nga buxheti i shtetit, i cili nga ana e vet ka furnizuar ndërtimin dhe shërbimet bankare. Gjatë vitit 2009, tregtia me shumicë e pakicë dha 40 për qind të prodhimit, pasuar nga ndërtimi me 22 për qind. Roli i industrisë në ekonominë e Tiranës është relativisht i kufizuar. Popullata e Qarkut të Tiranës në vitin 2010 ishte 800 mijë vetë, nga 600 mijë që kishte një dekadë më parë.

Elbasani

Qarku i Elbasanit është gjithashtu një zonë e varfër e vendit me PBB për frymë prej 287 mijë lekësh për vitin 2009 dhe që për fat të keq, rritja e PBB-së gjatë dekadës së fundit ka qenë më e ulët se sa mesatarja kombëtare. Elbasani ka rreth 18 për qind të aktivitetit ekonomik nga industria, por duket se kjo industri nuk jep shumë efekt në gjallërimin e ekonomisë lokale. Elbasani jeton veçanërisht falë emigrimit. Popullata e saj ka rënë në 343 mijë vetë, nga 363 mijë që kishte një dekadë më parë.

Berati

Berati është një nga qarqet e Shqipërisë, ku bujqësia zë një rol të rëndësishëm. Në vitin 2009 pati PBB për frymë prej 324 mijë lekësh me rritje 2.7 herë në krahasim me vitin 2000. Rritja ekonomike është furnizuar veçanërisht nga ndërtimi dhe shërbimet. Popullata ka rënë në 171 mijë nga 193 mijë që ishte një dekadë më parë.
Fieri
Qarku i Fierit ka bazë të konsiderueshme ekonomike si në bujqësi, ashtu edhe në industri. Edhe këtu popullata ka qenë në rënie gjatë dekadës së fundit, ndërkohë që rrethi i Fierit nuk ka njohur rritje të normës së urbanizimit, siç ka njohur pjesa tjetër e vendit.
Gjirokastra
Gjirokastra rezulton në mënyrë paksa surprizë e varfër në krahasim me pjesën tjetër të vendit, si sot, ashtu edhe një dekadë më parë. Pjesa e industrisë dhe ndërtimit në PBB është më e vogël se sa mesatarja kombëtare, pavarësisht se në këtë qark përfshihet edhe Saranda që ka përjetuar bum ndërtimi gjatë dekadës së fundit. Popullata e Gjirokastrës ka rënë në 100 mijë vetë nga 130 mijë që kishte një dekadë më parë.

Korça

Qarku i Korçës rezulton zona më e varfër në jug të Shqipërisë me PBB për frymë prej 278 mijë lekësh. Performanca ekonomike gjatë dekadës së fundit ka qenë pak më e mirë se sa mesatarja kombëtare, por pozicioni gjeografik disi larg tregut të Shqipërisë qendrore duket se përbën disavantazh. Popullsia në këtë qark ka rënë në 257 mijë vetë, nga 265 mijë që ishte një dekadë më parë.

Vlora

Qarku i Vlorës ka njohur rritje të shpejtë ekonomike gjatë dekadës së fundit, duke ngushtuar diferencën në krahasim me mesataren kombëtare. Në vitin 2000, PBB për frymë e Vlorës ishte 112 mijë lekë, ose 70 për qind e mesatares kombëtare, ndërsa në vitin 2009 PPB arriti në 330 mijë lekë ose 91 për qind e mesatares kombëtare. Vlora është gjithashtu një nga qarqet e pakta në vend që ka njohur rritje popullate.
newsit

[derjansi]

Lexoni pak qarkun e dibres e kan perserit te njejtin sen tre a kater here lol