Inferiotet Islamofobia,injoranca...

[Marmara]

Zhurma dhe kundërshtimet e mëdha që po ndodhin kohëve të fundit për propozimin rreth futjes së edukatës fetare dhe shamive (mbulesave) nëpër shkolla, vjen si rezultat i një sërë faktorësh. Duke filluar që nga rrënjët e thella që ka futur komunizmi e deri tek vetëdija e ulët, injoranca dhe Islamofobia, e që për këtë të fundit sa i përket Kosovës nuk kanë asnjë argument për t’u bazuar.

Të fusësh edukatën fetare në shkolla, nuk do të thotë të fusësh vetëm Islamin në plan-programet mësimore, por edhe fetë e tjera. Ky është informacioni i parë që duhet shpërndarë publikut të gjerë. Ajo çka sot hasim më së shumti në opinionin e gjerë sot, është një keq-informim total dhe një inferioritet sa i përket kësaj çështje.

Ajo çka më së shumti vuajmë për momentin janë këto të dy elemente që përmenda me lartë. Thënie të tilla si: ’’Çka na duhet neve feja nëpër shkolla, feja e shqiptarit është shqiptaria’’ ose edhe deklarata e bërë nga Zv. Kryeministrja Edita Tahiri: ’’Kombi para fesë, shteti para fesë’’, krejt në rregull po që se kjo do të ishte e sinqertë, por edhe po të ishte, po t’i bëhej pyetja Edita Tahirit: ’’A mund të ekzistojë Kombi pa Fe?’’, mund edhe të marr përgjigje PO, por kjo nuk qëndron, Feja dhe Kombi janë komplementare, nuk bëjnë njëra pa tjetrën dhe kaq.

Të jesh Musliman, nuk do të thotë të jesh i prapambetur, sepse p.sh. po të ishte ashtu, pranimi i Islamit dhe rritja e numrit të popullit amerikan të cilët pranojnë Islamin, do të thoshte se amerikanët po kthehen mbrapa në kohë dhe po de-modernizohen? Vallë a thua këta njerëz që sot pretendojnë të na përfaqësojnë në parlament e dinë vlerën e fesë, apo kaq thellë i ka futur rrënjët komunizmi deri n’palcë? Duke lënë anash botën dhe duke marrë parasysh vetëm Kosovën, a nuk e ka dëshmuar Islami për më se 500-600 vite se sa tolerant është ndaj feve tjera? A nuk është kjo arsye që të shpërblehet një popull me shumicë muslimane? Dhe ajo çka kërkojnë as nuk ka të bëjë me para, as nuk ka të bëjë me pushtet e as me tërheqje të vëmendjes.

Deklarimet e tilla se feja mund të sjellë përçarje vjen si shkak i injorancës totale dhe mos-dijes për fenë dhe vlerën e saj në shoqëri. Shumica e shteteve evropiane e kanë të rregulluar me ligj këtë çështje, nëse frika jonë është që do ta humbasim perëndimin, atëherë kjo nuk është arsye racionale, është e pabazuar në fakte dhe krejtësisht irelevante. Ndoshta për të futur edukatën fetare në shkolla kërkohet krijim i kuadrove (teologëve) për të dhënë këtë lëndë, por për të lejuar shamitë, nuk duhet kohë dhe as shpenzim parash nga buxheti e as mund dhe kohë. Kosova sipas Kushtetutës është shtet laik, por nuk e mohon dhe nuk e ndalon praktikimin e fesë. Gjatë një argumentimi me një person, më tha: ’’Le t’shkon me shami në Medrese s’ka nevojë n’shkollë publike’’ e unë u përgjigja: ’’Ajo don edhe me u bo shkencëtare e edhe me mbajt shaminë, mos ki gjë kundër ti?’’. E dini çfarë përgjigje mora, KURRËFARE, sepse kjo është mendësia që është krijuar në një pjesë të popullsisë, nuk dinë gjë e flasin sekondë pas sekonde.

E kulmi i të gjithave ishte cirku në Kuvendin e Kosovës ku madje u përmend the teoria e Darvinit mbi evolucionin, e këtë teori vetë bota moderne e ka rrëzuar, sepse po të ishte ashtu a nuk do të evoluonin majmunët e kohës së sotme në njerëz (apo ndoshta kjo ka ndodhur në Kosovë, dhe disa prej tyre tani janë në Kuvend?).

Unë gjithnjë e kam thënë dhe e them edhe tani, ’’Kur nuk ka fuqi ligji për të ndaluar, ndalon feja’’. Këtë thënie mund edhe ta shndërroj në argument, po të ishte mësim-besimi në shkolla, a do të ishte e mundshme që të kishim më pak prostitucion, amoralitet, narkomani, pirje të alkoolit e vrasje të nxënësve nëpër shkolla?

Jan Figel, ish-Komisioneri Evropian për Arsim, Kulturë dhe Shumë-gjuhësinë, thoshte se "Marrëdhënie të ngushta midis arsimit dhe vlerat fetare dhe morale janë si vendimtare për të ardhmen e Evropës". Ai më tej tha: "Mbi të gjitha, Bashkimi ynë duhet të jetë një komunitet vlerash, paqes, solidaritetit, demokracisë, respektimit të të drejtave të njeriut, duke përfshirë të drejtat fetare. Dhe të gjitha këto vlera janë të përqendruara në qenie njerëzore .... Vlerat përbashkëta të traditave fetare të ndryshme mund të sigurojë një ndjenjë kolektive të sjelljes së mirë në jetën private dhe publike. Për të ditur për besimin e njëri-tjetrit dhe vlerat" (cituar nga: Muhamet Brajshori ’’Edukimi Fetar në Evropë’’).

Sot në Kosovë ekziston mendësia, se po që se nuk je si UNË nuk je shqiptar, pra të jesh njeri që përkrahë kauzën për futjen e mësim-besimit dhe shamisë në shkolla atëherë nuk je shqiptar, pse? Sepse po dëshiron përçarje...JO dhe JO, unë dëshiroj diçka ndryshe nga ti, dhe nëse ti konsideron se lejimi i shkuarjes në shkollë me mini-fund, gjysmë zhveshur është më mirë, atëherë është mendimi yt (prej prizmit tim personal për shoqërinë, i gabuar) por duhet mësuar të respektohet dëshira dhe vullneti i tjetrit...

[referi_1]

NJi dalldisje e pakumtpimte e pseudoselefive që mundohen që fenë ta futin patjetër nëpër institucionet e kufrit që u ngjajnë bordeleve dhe ku reklamohet me të madhe amoraliteti dhe çdo e keqe tjetër sikur janë shkollat tona.Kurse e kemi detyrë të distancohemi prej tyre dhe mos të përzihemi me ta sepse do ti prishin edhe ata pak që janë në mesin e tyre.
ska dyshim se kjo fe ka ardhur fshehurazi dhe ashtu edhe do të trijumfon dhe ashtu edhe do të paraqitet.Pse trumpetoni ta shtini fenë në derën e madhe të kufrit????NJerëz pa mend..