Irene Pivetti një antishqiptare e reformuar

[Hyllien]

Irene Pivetti…Po sikur ta hedhim ne në det?


Kristi Pinderi

Vizita në Shqipëri e ish kryetares së Parlamentit të Italisë Irene Pivetti, ishte një rast i jashtëzakonshëm për familjarët e viktimave të tragjedisë së Otrantos për të demonstruar me gjithë forcën e dhimbjes së tyre një indinjatë edhe fisnike, edhe thelbësisht shqiptare.

Irene Pivetti, 48 vjeç, është sot një gazetare pasi ka qenë deputete e Italisë për të paktën 10 vjet, e në mes të kësaj dekade (nga viti 1992 deri në 2001) edhe kryetare e dhomës së ulët të deputetëve në Itali. Në vigjilje të tragjedisë së Otrantos së vitit 1997, ose më saktë tre ditë para asaj tragjedie, deklaroi në Kuvendin italian ku përfaqësonte Lega Nord që “nëse Italia nuk arrin të ndalojë emigrimin e shqiptarëve brenda brigjeve dhe tokës së saj, atëherë më mirë ti hedhim ata sërish në det!”.

Ngaqë fati ndonjëherë eshtë edhe ironik po aq sa është dhe tragjik, tre ditë pas asaj deklarate “Kateri i Radës” u mbyt në Gjirin e Otrantos, një tragjedi ajo që shqiptarët zor se mund ta harrojnë kollaj. Një proçes i gjatë juridik, shumë i anatemuar për mungesë drejtësie ndaj familjarëve të viktimave u bë pjesë e shtypit të përditshëm dhe e historisë së përbashkët të dy popujve që ndahen prej mijëvjeçarësh nga një rrip i ngushtë deti që ka prodhuar historikisht tragjedi. Po të ndalemi dhe njëherë tek Irene Pivetti, që dje takoi krerët më të lartë të shtetit, por teksa po hynte në zyrat e Dhomës së Tregtisë së Vlorës u ndalua nga familjarë të viktimave të Otrantos të cilët e detyruan të kërkonte ndjesë për deklaratat e saj.

Në vitin 2007, gazeta prestigjoze italiane “La Repubblica” shkruante se deklarata e zonjës në fjalë: “t’i hedhim shqiptarët në det” është një prej momenteve historike të racizmit italian të shprehur nga goja e një politikaneje. Pak ditë më vonë, një gazetar i “Corriere della sera” intervistoi Joseph Ratzinger, që sot është Papa Benedikti i VI dhe teksa e pyeti se cilat ishin komentet e tij në lidhje me atë deklaratë, Ratzinger bëri një reagim gati shokues për botën e gazetarisë: “Obobo…. ashtu ka thënë vërtet?!” E pas kësaj heshti… duke mos pranuar të jepte komente të mëtejshme!

Aktivistë të shumtë për të drejtat e njeriut kërkuan pas asaj deklarate nisjen e një hetimi për racizëm, ndonëse Casini, një tjetër politikan edhe ai jo më pak problematik në Itali, kërkoi “mëshirë”! Por as edhe tragjedia e Otrantos nuk e detyroi zonjën Pivetti, motër e aktores Veronica Pivetti, që të tërhiqej nga qëndrimi i saj. “Pse? Mos i hodha gjë unë në det ata…?” tentoi të mbrohej ajo, duke mos treguar as shenjën më të vogël të pendesës.

E rritur në një familje që në thelb nuk ka patur asnjë histori specifike në lidhje me racizmin, Pivetti konsiderohet sot në Itali, si një politikane e rënë nga vakti. Pas përvojës së saj në Parlament, duket se e ka braktisur politikën për t’iu përkushtuar në frontin e parë gazetarisë. Punon në një televizion italian pikërisht si gazetare, pra si një person që fjalët i ka lëndë të parë të punës së saj, e që me të cilat nuk mund të bëjë dot as shaka, e as t’i mohojë dot.

Dje, teksa kishte vizituar Shqipërinë për një aktivitet në dukje “maratonomak” por që në thelb të vetin ka interesa ekonomike për të bërë biznes në Shqipëri, Pivetti u ndal në rrugë nga familjarë të viktimave të tragjedisë së Otrantos. Në sy të medias, ata i thanë: “Sot keni helmuar tokën shqiptare. Në vitin ‘97 ju keni kërkuar që shqiptarët të hidhen në fund të detit dhe pikërisht pas tre ditësh një anije me 115 shqiptarë në bord përfundoi në fund të detit. Sot është helmuar vendi ynë njëlloj si atë ditë që humbëm njerëzit tanë”, tha një grua shqiptare tërë dinjitet, forcë e guxim, e cila përfaqësonte shoqatën “Otranto”.


Lindur: Në vitin 1963
Vendlindja: Itali
Profesioni: Politikane, gazetare, biznesmene

La Repubblica, gazeta prestigjoze italiane, si dhe Corriere della Sera e konsiderojnë si politikanen më raciste të Italisë, pas Umberto Bossit. Ka qenë deputete e Lega Nord që në vitin 1992 dhe në Legjislaturën e XIII të Republikës së Italisë ishte kryetare e Dhomës së Deputetëve. Pas vitit 2002 ka nisur një karrierë si gazetare në televizion, por mbahet akoma mend si personi që kërkoi që shqiptarët të hidheshin në det nëse qeveria nuk menaxhonte dot krizën e emigracionit.

Ndjesa ironike e Irenës…

“Shteti dhe autoritetet bëjnë punën e tyre, por ajo që më prek është raporti mes jush dhe meje. Ju më thoni se është përgjegjësia ime, unë ju kërkoj ndjesë për fjalët që kam thënë. Kërkoj që të shkojmë drejt paqes dhe miqësisë”, tha Pivetti.

[Hyllien]

Otranto, Pivetti: Thashë, "Shqiptarët në fund të detit", më vjen keq!


VLORË- Familjarë të viktimave që u mbytën bashkë me anijen "Kateri i Radës" 14 vjet më parë në Otranto kanë protestuar sot kundër vizitës që po realizon në Vlorë, ish-kryetare e parlamentit italian, Irene Pivetti. Ish-kryeparlamentarja italiane, sot nga Vlora u ka kërkuar familjeve te viktimave falje publike për deklaratën e bërë 14 vjet më parë

E ndodhur në Vlorë në një takim me prefektin Eduart Vecani, Pivetti është gjendur para kontestimit të familjarëve të viktimave ndaj vizitës së saj. “Ju jeni e padëshiruar, për shkakun tuaj ndodhi tragjedia e Otrantos”, - u shpreh Pushime Cala, përfaqësuese e familjarëve të viktimave të Otrantos.
Ajo i kujtoi Pivettit deklaratën që ka bërë në senatin italian. “Ti hedhim shqiptarët në fund te detit, të mos i lejojmë t'i afrohen brigjeve tona”.

“Sot keni helmuar tokën shqiptare. Ju keni kërkuar shqiptarët në fund të detit. Dhe pas 3 vitesh, "Kateri i Radës" përfundoi në fund të detit. Sot na keni helmuar njësoj si atë ditë që u mbyt anija. Kemi shumë shqiptarë ende në fund të detit. Ne kemi 15 vjet që kërkojmë të drejtën tonë, por gjyqe e gjyqe dhe asgjë. Jeni tallur kaq vite me ne. Nese jeni anti-shqiptare, pse shkelni ne token shqiptare, edhe pse jeni te ftuar nga te tjere, se ka dhe shume italiane te nderuar. Por nese jeni e tille, përse i urreni kaq shumë shqiptarët", - u shpreh Cala me lot ne sy.

Pivetti shprehu keqardhjen per tragjedine e Otrantos, por tha se ajo si person nuk i urren shqiptaret, vetem se deklarata u be ne nje kohe kur 2 vendet kishin marredhenie shume te tensionuara. “Kërkoj falje për deklaratat e nxituara. Mua më vjen keq, shumë keq për atë cka u ndodhi familjeve tuaja dhe juve personalisht. Nuk mund të qëndrosh indiferente ndaj një dhimbjeje të tillë, si në Shqipëri, Itali apo vende të tjera. Une jam e nderuar për këtë takim, sepse ashtu sic kam bërë dhe herë të tjera, dua të shpreh dhimbjen dhe solidaritetin ndaj popullit shqiptar sot, për atë ditë. 20 vjet më parë marredhëniet mes dy vendeve kanë qënë të ndryshme, kishte një klime e tension të lartë politik dhe jo vetëm politik. Nga ana ime dhe e shumë të tjerëve nuk ka patur një nënkuptim agresiv, por ka qënë një pakënaqësi. Nuk ka patur asnjë urrejte nga ana ime për shqiptarët, ishte thjesht një tension i fortë politik mes dy vendeve. besoj se cdo shqiptar me vullnet te mire do e kuptonte kete”, - u shpreh Pivetti në takimin me zonjen Cala.
Ne fund ish-kryeparlamentarja italiane i kerkoi zonjes Cala nje shtrengim duarsh, gje qe nuk u pranua nga gruaja shqiptare.

Tragjedia

Më 28 mars të vitit 2011 u mbushen plot 14 vjet nga tragjedia e Otrantos, ku anija shqiptare "Kateri i Radës", u mbyt në mënyrë të qëllimshme nga anija “Sibilla”.
Vitin e kaluar, pikërisht në 13 vjetorin e kësaj tragjedie, News24 dhe Gazeta Shqiptare sollën pamjet tragjike të përplasjes së "Sibillës" me "Katerin e Radës", e po ashtu, edhe pamje filmike të anijes shqiptare në brigjet italiane, në zonën Forte a Mare.

Në trazirat e marsit të vitit 1997, 120 shqiptarë, filluan rrugëtimin që nuk do t’i çonte sërish në tokë, me anijen shqiptare "Kateri i Radës". Nga pamjet filmike siguruar nga prokuroria italiane, shihej qartë anija “Sibilla” një flotëanije luftarake italiane, që i ka rënë në mes anijes së vogël shqiptare. Përfundimi i kësaj tragjedie ishte i dhimbshëm: u gjetën në det 81 kufoma, ndërsa 24 trupa nuk u gjendën asnjëherë. Tragjedia e Otrantos është cilësuar si ngjarja më e rëndë që preku shumë familje vlonjate dhe nga qytete të tjera të vendit.

Ndërkohë ecejaket e shqiptarëve nga Shqipëria në Itali për të gjetur fajtorin e kësaj tragjedie, kanë qenë dëshpëruese. Procesi për këtë tragjedi, vijon prej 14 vitesh. Gjykata e Apelit në Itali ka fajësuar shqiptarët për tragjedinë, por çështja ende nuk ka përfunduar.
Ndërkohë, 16 nga të mbijetuarit e kësaj tragjedie i janë drejtuar Gjykatës së Strasburgut. Një nga të mbijetuarit, Krenar Xhavara, thotë se, "në këtë proces po gjykohet njëkohësisht penalizmi i qeverisë italiane si përgjegjëse dhe autore e kësaj tragjedie, si dhe aspekti civil, që lidhet me dëmshpërblimin e atyre që u mbytën”.

(d.bonollari/BalkanWeb)

[Genti..]

Ndaj mbajeni religjionin e juaj secili per vete ,se sic po e shifni si Turku si Italiani si Sllavi , te gjithe keta kane shfrytezuar "religjionet" e tyre per interesa te vete , pra jane te gjithe te njejte per ne .
Lereni perqarjet fetare , mbajeni , lutuni per veten e per te afermit e juaj , por drejtohuni nga Kombi juaj .
KOMBI MBI TE GJITHA !

[Ziti]

fajin e ka sistemi komunist qe i detyroi shqiptaret te marin rruget e botes
sa refugjate kurt, kinez apo te tjere kane hedhe shqiptaret ne det gjate viteve te para te demokracise!