Probleme me CPU/madherbord/memorjen RAM/ventilatorin.

[P@R4nOi@C_LorD]

Nga ndryshojne keto dy lloj memoriesh ram , ku mund te perdor secilen ? A mund te perdor te dyja ne te njejtin bord?

[altiX]

Dallimet ndërmjet DDR1 (Double Data Rate) dhe DDR2 qëndrojnë para së gjithash në taktin më të lartë frekuencor dhe energjinë e vogël të furnizimit të DDR2, e cila si pasojë ka përmirësimin e fuqisë së marrjes (pra të memorimit). DDR2 punon me tensionin 1,8 V në krahasim me 2,5 V të DDR1. Kjo ka si rrjedhojë gati përgjysmimin e nxehtësisë te DDR2.
DDR2 ka taktin frekuencor 400 MHz, 533 MHz, 667 MHz dhe 800 MHz, ndërsa DDR1 ka taktin frekuencor 100 MHz, 133 MHz, 166 MHz dhe 200 MHz.

[Patrioti]

Pyetja qe kam, ka lidhje me procesoret dual core.
nese psh processori i komputerit ka dy core me nga 1ghz secila dhe momentalisht ne komputer po punon vetem nje program.
A shfrytezon ky program te dyja coret e procesorit (2 x 1ghz = 2ghz) APO shfrytezon veten njeren dhe pjesa tjeter ngelet per programet e tjera qe mund te fillojne pune me vone.

E thene me fjale te tjera:
per nje procesor me (x) core, secila me shpejtesi (v) a mund te them une qe shpejtesia totale procesorit eshte = x*v
APO ngelet = (v) sa ceshte shpejtesia e nje core.

Pyetje prej dembelash po ................

flmnd

[benseven11]

Varet cfare programi eshte ai qe perdoret.
Disa programe jane dizenjuar per te perdorur te dyja berthamat njekohsisht,si psh Fotoshop,3d max,sound forge,adobe premiere pro etj.Nqs programi nuk eshte dizenjuar per te shfrytezuar frekuencen e te dyja berthamave ai do perdori vetem nje berthame dhe nqs nuk ka shume memorje ram programi mund te punoje ngadale nqs ngarkon shume procesorin.

[edspace]

Detyrat bashkëkohore (Threading)
Në programim ekziston koncepti i detyrave bashkëkohore (threading) që lejon një program të kryej dy ose më shumë detyra njëkohësisht. Për shembull, Firefox mund të hapë dy faqe njëkohësisht. Windows Media Player mund të regjistrojë një CD dhe të luaj një këngë njëkohësisht. Antivirusi mund të jetë duke u azhurnuar dhe kontrolluar kompjuterin njëkohësisht. Edhe ato programe që mund të duken të thjeshtë, zakonisht janë duke kryer dy ose më shumë detyra, një për të kryer punën në sfond, dhe tjetrën për të marrë komanda nga përdoruesi nëpërmjet ndërafaqes me dritare, meny, butona, etj. Koncepti i disa detyrave bashkëkohore ka ekzistuar qysh prej fillimit të kompjuterit kur kompjuterat kishin vetëm një procesor, me një bërthamë të vetme.

Ekzekutimi i detyrave prej një procesori / bërthame
Kur kompjuteri ka vetëm një procesor, me një bërthamë të vetme, sistemi operativ (windows, linux, mac) i fillon të dyja detyrat, por i ekzekuton me ndalesa; ekzekuton një detyrë për një kohë të shkurtër, pastaj hidhet menjëherë tek tjetra, pastaj prapë tek tjetra, e kështu me radhë, duke lënë përshtypjen tek njerëzit sikur programet ekzekutohen njëkohësisht.

Ekzekutimi i detyrave prej disa procesorëve / bërthamave
Kur kompjuteri përdor dy procesorë, ose një procesor me dy apo më shumë bërthama, sistemi operativ i ndan detyrat tek të dyja bërthamat/procesorët që të ekzekutohen paralelisht dhe të përfundojnë më shpejt. Pra, që të dyja bërthamat janë të pavarura nga njëra-tjetra dhe mund të ekzekutojnë dy detyra në të njëjtën kohë. Për shembull, nëse u caktojmë të dyja bërthamave nga një detyrë që zgjat 1 sekondë, procesori do kryejë 2 sekonda punë në 1 sekondë kohë. Kjo e bën procesorin dy herë më të shpejtë.

Programet/Aplikacionet nuk kontrollojnë procesorët
Procesorin e komandon vetëm sistemi operativ. Programet ekzekutohen mbi sistemin operativ dhe nuk mund të kontrollojnë detyrat e procesorëve direkt. Programet vetëm krijojnë detyrat dhe i thonë sistemit operativ nëse detyrat duhen ekzekutuar njëra pas tjetrës apo njëkohësisht.

A shfrytëzohen të dy procesorët / bërthamat kur hap vetëm një program?
Siç u përmend më lart, edhe programet më të thjeshtë që duken sikur kryejnë vetëm një detyrë, mund të kenë disa detyra që ekzekutohen njëkohësisht dhe
kjo e lejon programin të kryej punën më shpejt.

Mos harroni se programet ekzekutohen mbi sistemin operativ i cili përbëhet nga qindra programe e shërbime që punojnë të gjithë së bashku njëkohësisht. Pra, edhe sikur të mos hapni asnjë program tjetër, vetë sistemi operativ do punojë më shpejt sepse mund të kryej funksionet e tij me më pak ndërprerje.

Atëherë pse nuk është kompjuteri me dy procesorë dy herë më i shpejtë se kompjuteri me një procesor?
Procesori është vetëm një nga pjesët më kryesore të kompjuterit. Për të ekzekutuar një program kompjuterit i duhet të përdorë procesorin, kujtesën afatshkurtër (RAM), si dhe kujtesën afatgjatë (hard disku, cd/dvd, usb, etj.), kartën e rrjetit, të zërit, të videos, etj. Vërtet mund të kesh një procesor me dy bërthama, por shumica e pjesëve të tjera të kompjuterit mund të kryejnë vetëm një detyrë. Prandaj, edhe pse kompjuterat me disa procesorë ose bërthama i ekzekutonë më shpejt programet, përshpejtimi nuk rritet në lidhje të drejtpërdrejtë me numrin e procesorëve. Për shembull, programet e shkarkimit nuk do shkarkohen apo ruhen dy herë më shpejt sepse shpejtësia e tyre varet më shumë nga shpejtësia e rrjetit dhe e hard diskut sesa nga shpejtësia e procesorit.

[Patrioti]

Faleminderit cuna, te them te drejten e googela pak temen sot ne internet dhe eshte tamam ashtu sic thate ju.
Persa i perket sistemeve operative lexova qe ata me te vjetrit (Win95,98, ME, NT) nuk kane aftesi (ose fare te kufizuara) per realizimin e detyrave te njekohshme.
Win2000 dicka me mire dhe akoma me mire 2000server, XP dhe 2003server.

Arsyeja pyetjes me siper ishte se mu dogj procesori ne njerin nga komputerat dhe po mendoj te blej nje komputer te ri (apo ta bej/konfiguroj vete) dhe nuk desha me harxhu para per fuqi procesori qe ndoshta nuk do me duhet ndonjehere. Momentalisht mendoj te ble intel core duo E8400 me 4gb pc2-6400 DDR2. Karta grafike dhe rraqet e tjera skane shume rendesi se kompjuterin se perdor per lojra.

[edspace]

Persa i perket sistemeve operative lexova qe ata me te vjetrit (Win95,98, ME, NT) nuk kane aftesi (ose fare te kufizuara) per realizimin e detyrave te njekohshme.
Win2000 dicka me mire dhe akoma me mire 2000server, XP dhe 2003server.

Ato që ke lexuar ti kanë qënë në lidhje me aftësitë e Windows 95, 98, ME për të përdorur dy procesorë ose një procesor me disa bërthama, por kjo nuk do të thotë se këto Windows nuk mund të ekzekutojnë disa detyra njëkohësisht.
Windows 95, 98, ME janë të afta të ekzekutojnë disa detyra njëkohësisht duke përdorur vetëm një procesor ndërsa versionet e reja të Windows (XP, Vista) mund të ekzekutojnë po të njëjtat detyra duke përdorur disa procesorë / bërthama.

[Patrioti]

Windows 95, 98, ME janë të afta të ekzekutojnë disa detyra njëkohësisht duke përdorur vetëm një procesor ndërsa versionet e reja të Windows (XP, Vista) mund të ekzekutojnë po të njëjtat detyra duke përdorur disa procesorë / bërthama.

......tout à fait

[benseven11]

Windowsi pamvarsisht cfare versioni eshte,eshte dizenjuar te kryeje disa pune njekohsisht"multitasking".Keshtu ka qene te windows 95 dhe vazhdon te jete ne Vista.E thene me fjale te tjera ne windows mund te degjosh muzike ne windows media player dhe njekohsisht,lexosh,postosh ne forum ketu.Mund te kesh dritare interneti dhe programe te tjera te hapura etj.Shembulli me klasik eshte taskmanaxheri.Ku jane nje numer procesesh windows/jo windows qe funksionojne njekohsisht.Multithreading eshte dicka tjeter qe ka lidhje me sub proceset, se si komunikon windowsi me procesorat e dyfishte dhe 4rsh.Gjithashtu ka lidhje me tekniken e kodimit te programeve qe krijohen per te punuar ne kompjutera me 2 ose 4 procesora.
Ne procesorat e dyfishte(dual) ose katersh windowsi eshte si nje manaxher qe drejton kerkesat per proceset,jo vetem ne nje procesor por te te dyja.
Procesorat marrin porosine nga windowsi me drajverat,skedaret e sistemit etj..Ne kete rast per nje program qe je duke punuar jo te gjitha proceset e nje programi realizohen ne nje procesor te vetem,por nje pjese e proceseve kryen ne procesorin e pare,disa procese ne procesorin e dyte.Programi i krijuar per procesor te dyfishte,kur ti e hap per ta punuar i dergon kerkese windowsit,windowsi i degon porosine procesorave se kush do realizoje nje proces dhe kush do kryeje procesin tjeter( e thene ne metafore,spo perdor fjale si IRQ request etj)

[Xemlo]

Nuk mund ti perdoresh te dyja ne te njejten kohe edhe sikur bordi jot ti kete te dyja si slote. Duke qene se kane ndarje te ndryshme fizike, e kane bere te pamundur qe modulet e ramit ddr2 te vendosen ne nje slot (fole) ddr-je dhe anasjelltas.

Ka dhe disa specifika akoma me rrenjesore qe i ben te ndryshojne po sbesoj se eshte e nevojshme te shkruhen. DDR2 eshte pasuesi i DDR e si rrjedhoje eshte nje permiresim, ndryshim dhe rinovim. E kjo gje duhet te mjaftoje per te bere ndryshimin

Sidoqofte per detaje me te sakta:


Bus (DDR) 64 bits (DDR2)64bits
Shpejtesia (DDR) 200/266/333/400 Mbps (DDR2) 400/533/667 Mbps
Frekuenca Bus (DDR) 100/133/166/200 MHz (DDR2) 200/266/333/ MHz
Frekuenca DRAM (DDR) 100/133/166/200 MHz (DDR2) 100/133/166 MHz
Tipi paketimit
te chipeve te
memories (DDR) TSOP-II (DDR2) FBGA
Densitetet (DDR) 256MB 512MB 1GB (DDR2) 256MB 512MB 1GB 2GB
Voltazhi (DDR) 2.5V (DDR2) 1.8V
Prefetch (DDR) 2 bits (DDR2) 4 bits
Burst Length (DDR) 2/4/8 (DDR2) 4/8
Latenca CAS (DDR) 1.5, 2, 2.5 (DDR2) 3+, 4, 5
Latenca shkrimit (DDR) 1T (DDR2) Latenca leximit -1