Probleme me CPU/madherbord/memorjen RAM/ventilatorin.

[arusha2]

Cfare problemi mund te dale nqs shtoj edhe 256 mb RAM me shpejtesi 400 Mhz kur te parin e kam 256 mb RAM me 333 Mhz.

[benseven11]

Rami i ri 400mhz nuk do njihet nga kompjuteri.Kompjuteri do vazhdojet te punoje me Ramin e vjeter dhe tregoje perseri 256mb 333 mhz.

[conQuist]

Right,

dhe ki mendjen se RAM eshte shume delikat.
mos bej prova.

[arusha2]

Sot e provova kete gje edhe me dolen 512 mb por nuk po shoh ndonji permiresim te dukshem. A thu nuk i pershtaten njeri tjetrit apo .... Po kompjuteri a do kete problemi nqs i le te dyja RAM.

[edspace]

Motherboard, karta kryesore e kompjuterit mund të pranojë shpejtësi të ndryshme të memorjes. Nqs motherboard është ndërtuar për shpejtësi të ndryshme, atëherë nuk do kesh probleme.

Avantazhi i rritjes së hapësirës së memorjes nuk duket tek shpejtësia e një programi, por tek mos-ngadalësimi kur je duke punuar me disa programe përnjëherësh. Për të parë përmirësimin, hap disa programe përnjëherësh, psh: Hap 3-4 faqe interneti, hap ndonjë program që luan këngë ose ndonjë me video, hap edhe photoshop ose ndonjë program tjetër të madh. Tani që ke më shumë memorje, do ta dallosh që kompjuteri nuk do vonohet kur të hidhesh nga një program te tjetri.

Shembulli klasik që jepet për të kuptuar avantazhet e RAM është biblioteka. Mendo se je në një bibliotekë, dhe je ulur në një tavolinë që mund të mbajë jo më shumë se 10 libra. Mqns ti do mësosh për matematikën, zgjedh 10 libra matematike dhe i vendos ato mbi tavolinë. Nëse të vjen një shok dhe të pyet diçka për matematikën, ti ndjek këto hapa:
1. Hap një nga librat e matematikës që ke mbi tavolinë
2. Gjen faqen e duhur për përgjigjen
3. Ja tregon shokut

Nëse të vjen një shok tjetër po të pyet për historinë, ti do ndjekësh këto hapa:
1. Merr një nga librat e matematikës dhe e vendos në raft
2. Gjen librin e historisë në raftet e bibliotekës
3. Tërheq librin
4. Kthehesh tek tavolina dhe e vendos mbi tavolinë, tek vendi ku ishte libri i matematikës.
5. Hap librin e historisë
6. Gjen faqen e duhur për përgjigjen
7. Ja tregon shokut

Pra, për matematikën e jep përgjigjen menjëherë sepse i ke librat mbi tavolinë dhe i ke mësuar mirë, ndërsa për historinë do vonohesh sepse të duhet të kthesh mbrapsh një nga librat e matematikës e të gjesh librin e saktë për historinë.

E njëjta gjë ndodh edhe me kompjuterin. Librat mbi tavolinë janë memorja RAM dhe informacionin në RAM e lexon shumë shpejt, ndërsa raftet e bibliotekës janë hard disku, CD-ROM, Flopi. Këto përmbajnë shumë informacion se RAM, por të duhet të harxhosh më shumë kohë për të gjetur informacionin e duhur, për ta lexuar atë, dhe për ta rikthyer përsëri në raft.

Duke rritur hapësirën e memorjes së shpejtë (RAM) kompjuteri do mund të përballojë disa programe përnjëherësh, njësoj sikur të kishe librat e matematikës bashkë me librat e historisë, në një tavolinë të madhe që mban më shumë se 10 libra. Në këtë rast nuk duhet të kthesh mbrapsh librat e matematikës për të lexuar ato të historisë.

Kur hap disa programe në kompjuter, secili zë një pjesë të memorjes dhe kur mbushet e gjithë memorja, kompjuteri fillon të shkëmbejë informacion me hard diskun, që është shumë herë më i ngadaltë se RAM. Sa më shumë memorje RAM, aq më pak informacion do shkëmbehet me hard diskun.

Inxhinierët mundohen të ndërtojnë kompjutera që të kenë sa më shumë memorje RAM dhe të jetë sa më e shpejtë. Programuesit kanë për detyrë të ndërtojnë softuere që të jenë sa më efikase në përdorimin e memorjes, ndërsa sistemi operativ, softueri kryesor i kompjuterit ka për detyrë që të drejtojë leximin e shkrimin në memorje në atë mënyrë që t'i përshtatet sa më mirë programeve që vë në punë përdoruesi.

[EugeniB]

Tungjatjeta,

Di dikush nga ju të më tregojë se qfarë është CPU Cache dhe Memory Cache ?

Faleminderit

[PcCrack3r]

...

Dihet se të gjitha veprimet të cilat kryhen në CPU duhen të këmbehen me kujtesën RAM. Nga ana tjetër, të dhënat nga RAM duhet të këmbehen me diskun. Në procesin e këtyre këmbimeve vie deri te "fyti i ngusht " ndërmjet CPU dhe kujtesës RAM në njërën anë, dhe kujtesës RAM e diskut në anën tjetër. Për t’u tejkaluar kjo situatë përdoret kujtesa e përkoshme –"kesh" (Cache) e cila dukshëm e zmadhon shpejtësinë e këmbimeve të të dhënave ndërmjet njësive të përmendura. Kujtesa e cila ndimon këmbimet e të dhënave ndërmjet kujtesës RAM dhe CPU quhet Cache ("kesh"), ndërsa kujtesa e cila ndihmon këmbimet e të dhënave ndërmjet kujtesës RAM dhe diskut quhet Disk Cache ("disk kesh").


Mendoj qe kjo eshte ajo qe po kerkon !!!

R35p3cT

[edspace]

Keshi i memories zakonisht ndodhet brënda pllakës së procesorit, prandaj quhet edhe CPU kesh. Keshi ndodhet më afër procesorit, ka kapacitet të vogël, por është më i shpejtë se memorja (RAM) dhe më i shtrenjtë për të prodhuar.

Gjatë ekzekutimit të proceseve është vënë re se në përgjithësi procesorit i duhet të përdorë të njëjtën adresë të memorjes disa herë brënda një kohe të shkurtër. Mqns memorja është shumë herë më e ngadaltë se procesori, procesorit i duhet të presë sa herë që lexon diçka nga memorja. Pra, procesori nuk po shfrytëzohet në maksimum sepse është i varur nga memorja e ngadaltë. Për të zvogëluar efektin e këtij ngadalësimi, adresat që duhen gjatë ekzekutimit i kopjojmë herën e parë në kesh dhe pastaj procesori mund t'i lexojë ose shkruajë sa herë të dojë. Në këtë mënyrë, të dhënat shkruhen e lexohen disa herë në kesh, por vetëm njëherë në memorjen kryesore.

Kapaciteti i vogël i keshit ka të mira dhe të këqijat e veta. E mira është se kushton më pak për të prodhuar dhe lexohet më shpejt. E keqja është se nuk mund të mbajmë aq shumë të dhëna në kesh, dhe duhet të shfrytëzojmë sa më mirë vendin e lejuar. Kur keshi mbushet plot, na duhet të heqim disa pjesë të memorjes që nuk i kemi përdorur dhe të hedhim pjesë të tjera që na duhen. Po cilën pjesë duhet të heqim? Duhet të heqim atë pjesë që procesori nuk do ta përdorë në të ardhmen. E ardhmja mund të parashikohet, por parashikimet nuk dalin gjithnjë, kështu që ndonjëherë keshi heq një pjesë të memorjes që mendon se nuk duhet dhe pak çaste më vonë duhet ta hedhë përsëri në kesh. Për të zvogëluar efektin e gabimeve të tilla mund të përdoren dy ose tre keshe të niveleve të ndryshme.

Sistemet e sotëm zakonisht kanë 2 keshe, L1 zakonisht brënda procesorit dhe L2 brënda ose jashtë. Procesori kontrollon në fillim L1 dhe nëse adresa e kërkuar nuk gjendet aty, shikohet L2 (më i ngadaltë) e nëse nuk gjendet as në L2, atëherë kërkohet nga memorja kryesore.

Keshet janë tepër të rëndësishëm dhe përdoren shpesh në botën e kompjuterit si me harduer, ashtu dhe me softuer.

[x-e-n-i]

Problem me Pllaken?

Kam nje problem qe nuk po mund ta zgjidhi dhe e pashe te arsyeshme ta postoj ketu ndoshta dikush mund te me ndihmoj..

Pllaka eshte e ngjashme me kete foto por nuk ka as shume slote pra eshte Pentium 4,. Problemi eshte se njeri slot apo se di sakt siq i thuhet nuk po punon pra qe eshte e rrethuar me ngjyre te kuqe.
Kur e lidhi nje hardisk me kete slot ja ndrron emrin Hardiskut pra prej Samsung ne nje emer tjeter pra e shikoj ne BIOS a ke njohur,,ndersa sloti tjeter punon..

Bile as CD-Romin nuk e njeh ne kete slot te rrethuar ,,po thash ndoshta ja kam ba Disable prej Biosit apo mos ka ra ndonje xhamper,,,

Flm per mirekuptim!!

[IMG][/IMG]

[Clauss]

ai slot mua me duket si IDE 0. nqs te punon tjetri slot dhe ske me shume se 2 hdd/roms atehere vari qillon. nqs ke atehere meqe slot te dhenka gabime dhe duke supozuar se seshte gabim mekanik, ishalla domethene, mendoj megjithese jam shume shume i pasigurt qe mbase ndonje reflash i bios mund te te beje pune. peace