Wikileaks publikon kabllot e ambasadave amerikane në Tiranë e Prishtinë

[Hyllien]

Kabllogrami tronditës i SHBA-së: Deputetët shqiptarë, të lidhur me krimin

Tom Doshi, Lefter Koka, Sokol Olldashi, Lulzim Basha, Paulin Sterkaj e Gramoz Ruçi i përkasin partive të ndryshme, por për Ambasadën e Shteteve të Bashkuara të Amerikës në Tiranë kanë një element të përbashkët. Janë të gjithë deputetë që kanë lidhje me krimin e organizuar.
Një kabllogram i koduar 09TIRANA552 me titull: “Kriminelët bëjnë ligjin në Parlamentin e Shqipërisë”, liston deputetët e të majtës dhe të djathtës me lidhje me krimin e organizuar. Kabllogramin po e publikojmë të plotë

Titulli: Kriminelët bëjnë ligjin në Parlamentin shqiptar

Pavarësisht qetësisë relative në ditën e zgjedhjeve, në vëmendjen tonë ka ardhur fakti se ka një numër të madh njerëzish të lidhur me krimin e organizuar, të cilët kanë marrë pjesë ose janë përfshirë në manipulime të mundshme në zgjedhjet e 28 qershorit [2009]. Të tria partitë kryesore: Partia Demokratike, Partia Socialiste dhe Lëvizja Socialiste për Integrim, të gjitha kanë deputetë me lidhje me krimin e organizuar. Ndonëse ambasada nuk mund të provojë ligjërisht këto lidhje, dituria konvencionale, e mbështetur nga raporte të tjera, tregon se Parlamenti i ri ka disa trafikantë droge dhe pastrues parash. Gjatë fushatës elektorale, një politikan, Aleks Keka, kreu vendor i Partisë Kristian-Demokrate në Shqipërinë e Veriut u vra me një bombë në makinë. Keka dyshohej se qe përfshirë në trafikimin e armëve dhe drogës. (Shënim: Keka nuk kandidoi për në Parlament, megjithëse shumë anëtarë të tjerë të partisë së tij kandiduan. Fundi i shënimit).

Ligjthyes të kthyer në ligjvënës
Disa nga deputetët më të njohur për lidhje me krimin e organizuar janë:

Tom Doshi: Një deputet socialist nga Shkodra, Doshi është i raportuar në Raportin për të Drejtat e Njeriut, sepse sulmoi një gazetar në hotelin “Sheraton” dhe qe një figurë kyçe në financimin e fushatës elektorale të Partisë Socialiste. Ai është i njohur si deputeti më i pasur, me një pasuri prej më shumë se 15 milionë dollarë dhe është gjithashtu i dyshuar për trafik droge. Doshi ka shërbyer në Parlamentin e mëparshëm si deputet i PD-së dhe ndryshoi krah pak kohë para zgjedhjeve.

Lefter Koka: Përfaqëson LSI-në, nga Durrësi. Koka është një anëtar, i ndoshta familjes së krimit të organizuar më të njohur në Shqipëri, me lidhje në narkotikë, trafikimin njerëzor e aktivitete të tjera ilegale.

Sokol Olldashi: Olldashi është ministri aktual i Punëve Publike, Transportit dhe Telekomunikacionit si dhe deputet i PD-së nga Fieri, është i dyshuar për kontrabandë mallrash dhe droge. Prova rrethanore e lidhin Olldashin dhe Fatmir Kajollin në Fier me ministrin e Drejtësisë, Enkelejd Alibeaj, në një skemë për lirimin e të burgosurve nga burgu për të shërbyer si gangsterë zgjedhorë.

Lulzim Basha: Sipas një burimi nga Partia Socialiste, ministri i Jashtëm, Basha, i cili përfaqëson PD-në në Elbasan, është përfshirë në lehtësimin e lirimit nga burgu të kriminelëve të njohur në Elbasan në këmbim të mbështetjes nga familjet kriminale. Të afërm të kriminelit premtuan të “organizojnë” njerëzit e tyre në Elbasan në mbështetje të Bashës. Krimineli u lirua më 29 qershor, ditën pas zgjedhjeve.

Paulin Sterkaj: Deputeti 48-vjeçar i Partisë Demokratike, nga Shkodra është një ish-mundës profesional me pak ose aspak arsimim formal. Sterkaj ka qenë më herët deputet i PS-së dhe është akuzuar nga një ish-mik për vrasjen e një politikani në Shkodër disa vite më parë. Sterkaj pretendon se ka interesa biznesi në naftë, restorante dhe ndërtim, por shumë pak gjëra dihen mbi aktivitetet e tij.

Gramoz Ruçi: Deputet i PS-së dhe sekretar i përgjithshëm i kësaj partie, Ruçi ka lidhje afatgjata me trafikantët e drogës dhe krimin e organizuar. Ruçi është ndaluar të hyjë në SHBA që nga viti 2005, për shkak se ka marrë refuzim permanent vize.

Koment: Ambasada nuk është e sigurt se çfarë qëndrimi do të mbajë raporti i ODIHR-it mbi zgjedhjet kur të publikohet, por është gjerësisht e pranuar në vend se shumë deputetë që pozojnë si “biznesmenë”, në fakt janë të dyshuar të fortë për lidhje me krimin e organizuar. Këta individë janë tashmë deputetë, kanë imunitet me ligj dhe janë përgjegjës për të bërë ligje që duhet t’i dërgojnë shqiptarët drejt Bashkimit Europian. Sjellja e sëmurë dhe ndoshta kriminale e shumë deputetëve shqiptarë është shqetësuese dhe nuk është e përshtatshme për zhvillimet demokratike. Është gjerësisht i pranuar në Shqipëri se, të gjitha partitë kanë deputetë me lidhje me krimin e organizuar dhe pranojnë para nga krimi i organizuar. Ky është një fenomen shumë shqetësues, që ne dhe bashkësia ndërkombëtare do të duhet të përballemi në një pikë në të ardhmen. Një fakt pozitiv, gjithsesi, është se ka disa deputetë që kanë filluar të kuptojnë se Shqipëria nuk duhet të ketë personazhe të tilla në Parlament. Se sa kohë do të duhet për të hequr këta rufjanë nga pushteti, kjo është një pyetje tjetër. Në fund të fundit, paraja është gjaku i politikës dhe në një vend të varfër dhe me fushatë pa transparencë financiare apo traditë të donacioneve të vogla në mbështetje të kandidatëve, kriminelët janë një burim i lehtë për fonde fushate.

/Tema/


------------------------

SHBA: Agron Kuliçaj i lidhur me krimin. Dyshojmë se ndihmonte Dritan Dajtin

E plote, sipas Wikleaks
Ndryshimet në polici zbulojnë një të “paprekshëm”

Pas vetëm një jave në detyrë, drejtori i ri i Përgjithshëm iI Policisë së Shtetit, Hysni Burgaj, njoftoi ndryshimet në shumicën e drejtorëve rajonalë. Pas dy javësh Burgaj bëri ndryshime të njëjta stafi dhe në Policinë Kufitare. Shpejtësia e ndryshimeve mori kritika dhe suprizoi donacionet ndërkombëtare. Ndërsa Misioni i Asistencës Policore të Bashkimit Evropian, PAMECA vlerësoi se ndryshimet ishin në përputhje me rregulloret dhe ICITAP beson se disa lëvizje janë shumë pozitive. Megjithatë, mbetet shqetësimi për Drejtorin e Inteligjencës, Agron Kuliçaj, i cili nuk u zhvendos gjatë lëvizjeve. Burimet pohojnë se Kuliçaj është i korruptuar dhe donatorët ndërkombëtarë refuzojë për të ndihmuar Policinë Shqiptare pjesërisht për shkak të praninë së tij.

Ambasadori ka shprehur shqetësimin tonë për korrupsionin në radhët e larta të Policisë së Shtetit në përgjithësi tek Ministri i Brendshëm Lulzim Basha, dhe ICITAP- Post ka shprehur shqetësimet tona specifike për Kuliçaj tek Burgaj. Por Burgaj ka theksuar se Kuliçaj është i lidhur ngushtë me Kryeministrin dhe çdo veprim për shkarkimin apo largimin e tij duhet të vijë nga zyra e kryeministrit.

Lëvizja e përgjithshme u vlerësua pozivitisht

Më 29 nëntor, Burgaj është emëruar nga Këshilli i Ministrave për të zëvendësuar Ahmet Prençin. Është përfolur shumë se Prençi paraqiti dorëheqjen e tij për shkak të shqetësimeve shëndetësore, por në realitet ai mori përsipër keqpërdorimin e policisë në arrestimin e Dritan Dajtit në gusht, një figurë e krimit të organizuar. Burgaj ishte më parë zëvendës i Prençit dhe gëzon një reputacion të mirë. Deri më sot, Post (ICITAP) ka qenë i kënaqur me performancën e Burgajt. Menjëherë pas emërimit të tij, Burgaj i ka treguar Post qëllimin e tij për të bërë ndryshime gjithëpërfshirës të personelit në Policinë e Shtetit.

Ndërsa shpejtësia e ndryshimeve që njoftoi Burgaj ishte befasuese, ndryshimet janë vlerësuar pozitivisht dhe kanë qenë në përputhje me rregulloren në Ligjin e Policisë. Një shqetësim i raportuar nga PAMECA është se zakonisht, largimi ose dorëheqja e oficerëve duhet të njoftohet 30 ditë përpara, por në raportin e saj PAMECA-s thotë: “praktika në forcat e Mbretërisë së Bashkuar nuk ka ndryshime të shumta pas emërimit të Shefit të ri të Policisë”, kështu që përgjigja e PAMECA-s ka qenë një përgjigje e balancuar “.

Ambasada e Mbretërisë së Bashkuar ka ngritur shqetësimin fillestar mbi largimin e Arjan Muçës nga drejtoria e krimit të organizuar për të shkuar si një këshilltar për Burgaj. Shqetësimet britanike vijnë për shkak të investimeve të konsiderueshme që BE kishte bërë në drejtorinë e krimit të organizuar, që ata mendojnë se do të jenë të humbura pas pushimit të tij nga puna. Megjithatë, pas shqyrtimit të mëtejshëm, BE-ja arriti në përfundimin se trajnimi do të mbetet i paprekur në cilësinë e stafit. ICITAP beson se largimi i Muçës është i dobishëm pasi Muça ka kundërshtuar këmbimin e informatave me Policinë Kufitare.
Shqetësimet mbi Kuliçajn vazhdojnë….

Një drejtor që nuk u prek nga ndryshimet ishte Agron Kuliçaj, drejtor i intilegjencës në drejtorinë e Policisë së Shtetit, për të cilin besohet gjerësisht se është i korruptuar. Burimet i thanë POST se shumë donatorë evropiane refuzojnë të përfshihen në asistencën për policinë pjesërisht për shkak të prezencës së Kuliçajt. Ne kemi arsye të besojmë se kjo mund të jetë e vërtetë, ashtu si dhe për disa agjensi amerikane. Jo vetëm praktikat korruptive për Kuliçajn janë tashmë të njohura, por ka zëra brenda në polici që besojnë se vetë Kuliçaj, ndoshta ka ndihmuar Dritan Dajtin për t’i shpëtuar arrestimeve të dështuara në të shkuarën. Duke cituar burime brenda Policisë Shqiptare, ambasada amerikane në shqetësimin për zotin Kuliçaj njofton Departamentin Amerikan të Shtetit se operacioni për kapjen e Dritan Dajtit u zhvillua pikërisht në muajin Gusht, kur Kuliçaj ndodhej jashtë Shqipërisë për mos t’i dhënë mundësi sinjalizimi Dajtit”.
Ambasadori ndau me ministrin Basha shqëtësimet tona mbi korrupsionin në nivele të larta të Policisë. Javën e shkuar ICITAP bisedoi me drejtorin Burgaj për shqetësimet tona specifike mbi Kuliçajn. Burgaj u pajtua duke pranuar se ai ka pasur problemet e tij me Kuliçaj dhe se edhe të tjerë në Polici janë të shqetësuar për lidhjet e tij ( përfshirjen në korrupsion) dhe për lidhjet me organizatat kriminale. Sidoqoftë Burgaj theksoi se ai nuk e ka fuqinë për ta transferuar ose shkarkuar Kuliçajn.

Zoti Burgaj është i frikësuar pasi Kuliçaj është një i afërt i kryeministrit dhe ish-bodigard i tij. Sugjerimi i Burgajt lidhur me shqetësimet e ambasadës në lidhje me Kuliçajn duhet t’i prezantohen kryeministrit Berisha, i cili është i vetmi që mund të marrë vendimi për postin se ku mund të punojë ish-bodigardi i tij.

/Tema/

-----------------------------------------------------

Wikileaks/Shkëlzen Berisha kërcënoi gjeneralin Luan Hoxha që të heshte për Gërdecin

Wikileaks vazhdon që të nxjerrë kabllograme që tregojnë fakte skandaloze për qeveritarët tanë dhe fëmijët e tyre.
Në një prej tyre, ambasada amerikane raporton se si Shkëlzen Berisha ka kërcënuar gjeneralin e Forcave të Armatosura, Luan Hoxha, për të mbyllur sytë për atë që po ndodhte në Gërdec. Më poshtë ësht kabllogrami i ambasadës amerikane për këtë rast:

Në një takim të kërkuar me ambasadorin, Hoxha tregoi historinë e tij që qëndronte pas shkarkimit që iu bë kohët e fundit duke e lidhur këtë me shpërthimin e Gërdecit. Në ndryshim nga ish-ministri i Mbrojtjes, Fatmir Mediu, i cili nëpërmjet deklaratave publike u vë fajin operativëve të ushtrisë për Gërdecin, Hoxha deklaroi që nga fillimi se ish-ministri Mediu ka bërë të gjitha vendimet, nga zgjedhja e Gërdecit si vend për shkatërrimin e municioneve, deri tek llojet e municionive që do të shkatërroheshin dhe planifikimi i kohës se kur do të bëhej shkatërrimi.
Hoxha pranoi se stafit të tij ishte thënë të transportonte municionin në atë vend dhe të ruante vendin, asgjë më tepër. Hoxha tha se kur ai vizitoi Gërdecin në mes të 2007-ës, ushtarët e tij po bënin këto dy detyra, dhe në sipërfaqe u duk se s’kishte asgjë të gabuar.
Ai akuzon se gjatë pjesës së dytë të projektit, nisur në dhjetor 2007, ishte urdhëruar nga Mediu, pavarësisht shqetësimit të tij drejtuar me një letër kryeministrit Berisha, zonjës Topalli dhe Mediut. Pas kësaj, presioni mbërriti përmes telefonit nga një ‘djalë i ri”, i cili më pas u konfirmua si Shkëlzen Berisha, djali i kryeministrit, që e urdhëroi të vijonte dërgimin e municionit të kalibrit të lartë në Gërdec, pa patur asnjë vonesë.
I pyetur nëse e kishte raportuar këtë informacion për Prokurorinë e Përgjithshme, Hoxha u përgjigj “po”, ai kishte dhënë të gjitha informatat dhe dokumentet për hetuesit, me përjashtim të informacionit lidhur me djalin e Berishës.
Mbi këtë ai tha se nuk ishte i sigurtë që të fliste. Ambasadori tha se nëse hetimet e prokurisë do të jenë të suksesshme ata që dinë të vërtetën duhet të flasin hapur. Hoxha ishte dakord se në interes të drejtësisë ai duhej të fliste hapur, por nuk e konfirmoi që ai do ta bënte këtë. ( shënim: Hoxha tha se ka plot të tjetë që e dinë këtë informacion)

Koment:
Ky është incidenti i dytë që një zyrtar shpreh një shqetësim të fortë, rrethuar me frikë, për sigurinë personale dhe profesionale, në fshehtësi të plotë me Ambasadorin. (I pari erdhi nga nënkryetari i Këshillit të Lartë të Drejtësisë, Kreshnik Spahiu). Disa jashtë mbështesin versionin e ngjarjeve të Hoxhës. Si shef i ushtrisë marrëdhëniet me ish-ministrin Mediu ishin gjithmonë të tendosura, sikurse në marrëdhëniet tona, ai duket se në mënyrë frekuente ishte jashtë loje duke patur mungesë autoriteti për të përmbushur detyrat në zyrën e tij. Sipas të dhënave publike, Prokurorja e Përgjithshme duket se e ka fokusuar investigimin e saj larg ushtrisë dhe ndaj Mediut, psi provat mbase e kanë çuar në atë drejtim deri më tani. Nëse versioni i Hoxhës përmban elementë të vërtëtë mund të ndihmojë në dhënien përgjigje të elementëve relevantë dhe pyetjes më të madhe: Përse PD ka avancuar me sulmet konstante ndaj institucioneve të pavaruara pikërisht në këtë kohë, duke alarmuar komunitetin ndërkombëtar dhe duke e drejtuar atë drejt pikëpyetjeve për kredencialet demokratike të Shqipërisë kur ndodhet përpara ratifikimit të marrëveshjes më NATO-n?

/Tema/

[Hyllien]

Kabllogrami-bombë: 6 politikanët VIP të lidhur me krimin

Kabllogrami,15 ditë pas zgjedhjeve të përgjithshme: Kryebashkiaku Lulzim Basha, ministri Sokol Olldashi, numri 2 i PS, Gramoz Ruçi, deputetët Tom Doshi, Paulin Stërkaj dhe Lefter Koka, të lidhur me krimin. Amerikanët shkruajnë se për këta të gjashtë kanë prova për trafik droge dhe lirim të kriminelëve nga burgu. Me poshte, kabllogrami i plotë botuar sot në Shekulli Print:

Titulli: Kriminelët bëjnë ligjin në parlamentin shqiptar
Datë 13 gusht 2009
Dërguar nga Ambasada Amerikane në Tiranë
Merr Departamenti Amerikan i Shtetit
Firmosur: Ambasadori Xhon Uidhers
Material i klasifikuar

Fillim i kabllogramit

“Përveç qetësisë në ditën e zgjedhjeve, në vëmendjen tonë kanë ardhur sinjale të forta njerëzish që kanë marrë pjesë ose janë përfshirë në krimin e organizuar që janë përfshirë në manipulimin e mundshëm të zgjedhjeve të 28 qershorit. Janë tre partitë kryesore, PD, PS dhe LSI, ato që kanë lidhje me krimin e organizuar. Në një kohë kur ambasada nuk mund ta provojë zyrtarisht këto lidhje, njohuria e përgjithshme, e mbështetur edhe nga raportime të tjera, tregon se në parlamentin e ri ka goxha trafikantë droge dhe pastruesh parash.Gjatë fushatës elektorale, një politikan, Aleks Koka, kreu i PDK-së në veri të Shqipërisë u vra me një bombë në makinë. Keka dyshohej se ishte i përfshirë në trafikun e armëve dhe drogës. (Shënim: Keka nuk po kandidonte për në parlament, ndërkohë anëtarë të partisë së tij po kandidonin).

Shkelësit e ligjit bëhen ligjbërës
Disa nga politikanët më të rëndësishëm të lidhur me krimin e organizuar janë:

Tom Doshi, një deputet i PS-së në Shkodër. Doshi, i përmendur në raportin e Qendrës për të Drejtat e Njeriut për sulmin fizik ndaj një gazetari në Hotel Sheraton, është një nga figurat kryesore që financon përpjekjet e Partisë Socialiste. Ai njihet si deputeti më i pasur, me një pasuri të deklaruar më të madhe se 15 milionë dollarë dhe i dyshuar për trafik narkotikësh. Doshi ishte në parlamentin e kaluar si deputet i PD-së dhe ndryshoi krah vetëm pak përpara zgjedhjeve.

Lefter Koka: Përfaqëson LSI-në në Durrës. Koka është një anëtar i atij që ndoshta është familja kriminale më e njohur në Shqipëri me lidhje me trafikun e narkotikëve, qenieve njerëzore dhe aktivitete të tjera ilegale.

Sokol Olldashi: Olldashi është momentalisht ministri i Punëve Publike, Transportit dhe Telekomunikacionit. Deputet i PD-së nga Fieri dyshohet për kontrabandë mallrash dhe lëndësh narkotike. Rrethanat lidhin Olldashin dhe F.K. në Fier me ministrin e Drejtësisë, Enkelejd Alibeaj në një skemë për të liruar të burgosur nga burgu për të vepruar si “të fortë” në zgjedhje.

Lulzim Basha: Sipas një burimi në PS, ministri i Jashtëm Basha, i cli përfaqëson PD-në në Elbasan, është përfshirë në lirimin e një krimineli të famshëm në Elbasan në këmbim të mbështetjes së familjes së tij. Kushërinjtë e kriminelit premtuan se “do të organizonin” njerëzit në Elbasan që të mbështesnin Bashën. Krimineli u lirua më 29 qershor, një ditë pas zgjedhjeve.

Paulin Sterkaj: Deputeti 48-vjeçar i PD-së nga SHkodra është një ish-mundës profesionist me pak ose aspak edukim. Sterkaj ka qenë më parë në PS dhe është akuzuar nga një ish-shoku i tij se ka vrarë një politikan në Shkodër disa vjet më parë. Sterkaj pretendon se ka interesa biznesi në naftë, restorante dhe ndërtime, por shumë pak dihet për aktivitetin e tij.

Gramoz Ruçi: Deputet i PS-së dhe Sekretar i Përgjithshëm. Ruçi ka lidhje afatgjata me trafikantë narkotikësh dhe krimin e organizuar. Ruçit i është ndaluar hyrja në SHBA që nga viti 2005 pasi nuk ka të drejtë të marrë vizë të përhershme.

Ambasada nuk është e sigurt se cilin drejtim do të marrë raporti i ODIHR-it pasi të publikohet, por është e pranuar këtu se shumë deputetë që hiqen si “biznesmenë” janë në fakt të dyshuar të fortë për lidhje me krimin e organizuar. Këta individë janë sot deputetë, kanë imunitet nga ligji dhe janë përgjegjës në bërjen e ligjeve që do të shtyjnë Shqipërinë përpara në integrimin Euro-Atlantik. Sjellja e sëmurë, ndoshta kriminale, e shumë prej deputetëve shqiptarë është shqetësuese dhe nuk premton për zhvillim demokratik. Është gjerësisht e njohur në Shqipëri se të gjitha partitë kanë deputetë të lidhur me krimin e organizuar. Ky është një fenomen shumë shqetësues, të cilin ne, komuniteti ndërkombëtar, duhet ta adresojmë në një farë mënyre në të ardhmen. Një shkëndije drite na jep fakti që disa deputetë kanë nisur ta kuptojnë se Shqipëria nuk duhet të prezantohet me personazhe të tillë në parlament. Sa kohë do të ruhet për të larguar këta rrufjanë nga pushteti, është një tjetër pyetje. Në fund të fundit, paraja i jep jetë politikës dhe në një vend të varfër pa transparencë financiare ose traditë donatorësh të vegjël që mbështesin kandidatin e preferuar, kriminelët janë një burim i lehtë për fondet e fushatës”. (fund i kabllogramit i zbardhur nga Wikileaks)

/Shekulli/

----------------------------------------

Shkëlzen Berisha jepte urdhërat për furnizimin e Gërdecit

Emri i Shkëlzen Berishës është shfaqur disa herë në dosjen hetimore të “Gërdecit”, por ai ai, ashtu edhe i ati Sali Berisha, e kanë mohuar këtë fakt. Asnjë dëshmitar nuk ka pranuar të flasë me emër dhe të drejtojë gishtin tek djali i kryeministrit. Një raportim i ish-shefit të Shtabit të Përgjithshëm, Luan Hoxhës, në Ambasadën Amerikane në Tiranë, (kabllogram i zbardhur nga Wikileaks) zbulon arsyen përse askush nuk dëshmon kundër Shkëlzen Berishës. “Shkëlzen Berisha më ka marrë në telefon dhe më kërkonte më shumë fushekë në Gërdec. Unë nuk ia kam thënë këtë gjë prokurorisë pasi kam frikë për jetën. Shumë njerëz e dinë këtë informacion, por askush nuk pranon të dëshmojë:,- ka thënë Hoxha në Ambasadë. Më pas zyrtarët e ambasadës kanë analizuar situatën dhe i kanë raportuar Uashingtonit se të dhënat e tyre tregojnë që Luan Hoxha të ketë të drejtë.

Titulli: Ish-Shefi i Shtabit tregon historinë e tij: Gërdeci pretendon një viktimë tjetër
Datë 20 qershor 2009
Dërguar nga Ambasada Amerikane në Tiranë
Merr Departamenti Amerikan i Shtetit
Firmosur: Ambasadori Xhon Uidhers

Klasifikuar si Material konfidencial/ deklasifikohet më 18 qershor 2018

“Këmbëngulja dhe entuziazmi i ngjarjeve të fundit politike nga ndryshimet e diskutueshme kushtetuese në mes të prillit tek emërimi i anëtarëve të Gjykatës së Lartë në mes të qershorit nuk kanë shumë peshë…

Në klimën e nxehtë politike, ish-Shefi i Shtabit, Luan Hoxha, kërkoi një takim me ambasadorin për të diskutuar shkarkimin e tij pak kohë më parë, bashkëpunimin e tij me prokurorinë dhe këndvështrimin për atë që ndodhi në Gërdec.

Në një takimin e 17 qershorit, Shefi i sapo shkarkuar i Shtabit, Luan Hoxha tregoi anën e tij të historisë së Gërdecit. Ndryshe nga ish-ministri i Mbrojtjes, Fatmir Mediu, i cili ia hedh fajin e Gërdecit ushtarakëve, Hoxha deklaron se nga këndvështrimi i tij, Mediu mori të gjitha vendimet që nga zgjedhja e gërdecit për për të shkatërruar municionet, tek çfarë lloj municionesh do të përdoreshin, në çfarë kohe dhe cili do të ishte programi.

Hoxha thotë se stafi i tij kishte për detyrë vetëm transportimin e municioneve dhe të ruanin perimetrin e jashtëm, asgjë tjetër. Hoxha thotë se kur ka vizituar Gërdecin në mes të vitit 2007, ushtarët e tij po kryenin këto dy detyra dhe në sipërfaqe nuk dukej se kishte ndonjë problem. Ai shpjegon se gjatë gjysmës së dytë të projektit, e cila filloi në dhjetor 2007, ai u drejtua nga Mediu që ti shkruante kryeministrit Berisha (të njëjtin material ta kopjonte për Topallin dhe Mediun) ku të shprehte shqetësimet e tij dhe presionet direkte me telefon nga “një djalë i ri”, i cili më vonë u konfirmua se ishte Shkëlzen Berisha, djali i kryeministrit. Ai i kishte bërë presion që të vazhdonte të dorëzonte municione të një kalibri më të lartë në Gërdec dhe këtë gjë ta kryente pa vonesa.

I pyetur nga Ambasada nëse ia kishte raportuar këtë fakt Prokurores së Përgjithshme, Hoxha u përgjigj: PO. Ai i kishte dorëzuar të gjitha informacionet dhe dokumentet zyrës së prokurorëve, përveç informacionit në lidhje me djalin e Berishës. Për këtë ai tha se nuk ishte i sigurt të fliste

Ambasadori i shpjegoi se hetimi i prokurorisë mund të ishte i suksesshëm vetëm nëse ata që dinin gjëra të thoshin të vërtetën. Hoxha pranoi që në interes të drejtësisë ai duhet të fliste, por nuk konfirmoi që do ta bënte një gjë të tillë. (Shënim: Hoxha tha se shumë të tjerë kishin dijeni për këtë informacion.)

Ky është rasti i dytë ku një zyrtar shpreh shqetësimin e thellë dhe frikën e madhe për jetën dhe karrierën e tij, gjatë një takimi me ambasadorin. (E para ka ardhur nga zv.kreu i KLD-së, Kreshnik Spahiu.) Disa prova të jashtme konfirmojnë variantin e Hoxhës.

Si Shefi i Shtabit, marrëdhëniet e Hoxhës me ish-ministrin Mediu ishin gjithmonë të tendosura dhe nga marrëveshjen tona me të dukej se ishte jashtë loje dhe nuk kishte autoritetin e duhur për të kryer detyrat që kërkonte zyra e tij. Sipas informacioneve publike, prokuroria po fokuson hetimin larg ushtarakëve dhe drejt Mediut, ndoshta sepse atje të shpien provat e deritanishme.

Nëse versioni i Hoxhës përmban elementë të të vërtetës, ai mund të ndihmojë për të shpjeguar pyetjen më të rëndësishme të momentit: Pse kryeministri ka nisur sulme kaq të fuqishme kundër institucioneve kushtetuese duke alarmuar komunitetin ndërkombëtar aq sa të vërë në diskutim kredencialet demokratike të Shqipërisë në një kohë kur kaq shumë gjëra janë në tavë në lidhje me NATO-n.

/Shekulli/

-----------------------------------

[Hyllien]

Reaksione


---------------------

Olldashi: Akuzat tek Wikileaks për mua qesharake. Të verifikohen


TIRANË-Ministri i Transporteve, Sokol Olldashi i ka cilësuar të pabaza dhe qesharake akuzat e fundit bërë në adresë të tij, e publikuar nga Wikileaks në një prej kabllogrameve për Shqipërinë.

Duke iu përgjigjur interesimit të medias, Olldashi, teksa ishte në një konference shtypi për turizmin, ka deklaruar se së pari burimi prej nga dalin duhet verifikuar.

“Nga ato që munda të lexoj në shtyp se nuk kam parë versionin anglisht, stili nuk më duket zyrtar, por më tepër si thashetheme balkanike, sesa referuar nga një administrate serioze si ajo e SHBA”- tha Olldashi, duke shtuar se janë statistikat që duhet t’i referohemi.

Më tej Olldashi i është referuar kohës kur ka qënë Ministër i Brendshëm.
“Unë kam pasur fatin të jem Ministër i Brendshëm, të drejtoj politikisht një institucion në kohë të ngjeshur aktiviteti kundër krimit dhe trafiqeve dhe kam pasur fat të kem rezultate shumë të mira të certifikuara nga DASH, SHBA dhe të tjerë partnerë ndërkomëtarë”.

Olldashi thekson se është gati të vihet para institucioneve të japë llogari. Sipas Olldashit, nëse cilido shqiptar, ndërkombëtar, alien arrin të provojë një grimë fajësie, jo për ato, por shkelje ligj të cfardolloj, ai është i gatshëm të mbaj përgjegjësitë, ligjore, politike, qytetare.

“Pavarësisht burimit apo spekulimit, momenti që një ministër përmendet për akuza monstruoze, meriton një shqyrtim dhe unë jam i gatshëm të vihem në dispozicion të institucioneve, të raportoj para kuvendit, kryeministrit dhe cdo qytetari mbi 18 vjec, gjithkujt që do të di se si kam funksionuar unë gjatë detyrave të mia”- tha ai.

Në një kabllogram sekret që ish-ambasadori amerikan Ëithers ka dërguar në Departamentin e Shtetit në gusht 2009, një vit para se të përfundonte mandatin, Withers raporton për të gjitha lidhjet e disa deputetëve me krimin e organizuar. Mes shumë emrave, për Olldashin citohej:
“Sokol Olldashi: Ministri aktual i Punëve Publike dhe Transportit, dhe deputet i PD-së në Fier, dyshohet për kontrabandë mallrash dhe narkotikesh. Prova rrethanore e lidhin Olldashin me Fatmir Kajollin në Fier, për të cilin ministri i Drejtësisë, Enkelejd Alibeaj, përdori një skemë për ta liruar nga burgu për të vepruar si komisioner”.
Ndërkohë nga ana e së majtës, emri tjetër i lakuar ishte ai i Gramoz Rucit, ku Withers madje sillte në vëmendje se SHBA i ka hequr dhe të drejtën për të marrë vizë amerikane.

/Balkanweb/

------------------------------

Mediat ndërkombëtare dënojnë WikiLeaks-in

TIRANE-Katër nga mediat më të njohura në botë kanë dënuar publikimin e dokumenteve të fundit nga portali WikiLeaks.

“The New York Times”, “The Guardian”, gazeta spanjolle “El Pais” dhe ajo gjermane “Der Spiegel” dënuan WikiLeaks-in për publikimin e më shumë se 250 mijë dokumenteve të pacenzuruara.

Këto katër media kishin bashkëpunuar me WikiLeaks-in që kur ky portal nisi publikimin e dokumenteve, mirëpo përmes një deklarate të përbashkët ato thanë se “bashkëpunimi i mëhershëm me WikiLeaks-in zhvillohej kryesisht mbi bazën se mund të publikoheshin vetëm të dhëna që janë edituar dhe pastruar më parë”.

Përmes deklaratës katër mediat në fjalë “shprehën keqardhje” lidhur me vendimin e WikiLeaksit për të publikuar 251, 287 dokumente të “paredaktuara”.

(d.b/BalkanWeb)

----------------------------------------------

Wikileaks akuzon The Guardian: Publikoi fjalëkalimin e dokumentave sekrete

WASHINGTON- Mosmarrëveshjet kanë shpërthyer mes ëebsajtit të njohur Wikileaks dhe një prej gazetave më të rëndësishme me të cilën ka bashkëpunuar, The Guardian rreth publikimit të kabllogrameve të ambasadave amerikane nëpër botë. Grupi Wikileaks që tashmë ka nisur një fushatë të re publikimi të kabllogrameve bëri të ditur se versione të paredaktuara të 251 000 dokumenteve sekrete kishin rrjedhur në internet dhe për këtë Wikileaks fajëson gazetën britanike The Guardian duke paralajmëruar dhe hapa ligjore ndaj kësaj të përditshmeje. The Guardian nga ana e saj i ka hedhur poshtë akuzat duke fajësuar për rrjedhjen e dokumenteve sekrete të paredaktuara problemet e sigurisë.

Në një mesazh të shkurtër në rrjetin social Twiter, Wikileaks shprehet: Një gazetar i The Guardian në një akt neglizhence dhe veprimi keqdashës pa nxjerrë fjalëkalimet top sekret të të gjithë arkivit të Wikileaks. Për këtë veprim ne kemi informuar Departamentin Amerikan të Shtetit dhe se kemi në plan të ndërmarrim veprime gjyqësore. Kabllogramet e ambasadave amerikane nëpër botë kanë nisur të publikohen që në dhjetor të një viti më parë në gazeta të rëndësishme ndërkombëtare. Por një version i paredaktuar i kabllogrameve raportohet se po qarkullon në internet dhe se Wikileaks bën të ditur se një libër i botuar në muajin shkurt nga dy gazetarë të The Guardian zbulon fjalëkalimet që nevojiten për të hapur arkivin e Wikileaks. Fjalëkalimi i arkivit quhej Temporary dhe tashmë ai është ndryshuar me një emër tjetër. Gazeta The Guardian pranon se libri përmban fjalëkalimin por nuk tregon vendosjen e dosjes.

Një informacion i tillë dëshmon se publikimi i këtyre kabllogrameve është i rrezikshëm dhe mund të dëmtojë shumë njerëz.
(m.a/NEWS24/BalkanWeb)


---------------------------------------------

Olldashi: Provoni që kabllogramet i ka shkruajtur Withers, për të qenë të besueshme

Qeveria reagon për herë të parë publikisht në lidhje me kabllogramet e Ambasadës Amerikane në Tiranë që u publikuan nga faqja e internetit Wikileaks.
Sokol Olldashi, ministër i Transporteve vë në dyshim vërtetësinë e tyre, sidomos për pjesën që lidhet me rrugën Durrës-Kukës.
“E para unë nuk kam asnjë konfirmim që ky është një informacion që ka dalë nga Ambasada Amerikane dhe informacioni vjen nga faqja e Wikileaks. E dyta është një informacion tërësisht i provueshëm. Ju keni arkivat tuaja dhe mund t’i hapni dhe verifikoni. Tuneli është shembur në datën 5 nëntor të vitit 2008, ndërkohë që është rihapur. Ceremonia e inaugurimit është bërë në qershor të 2009-s dhe nga ky muaj nëse ka një ditë që tuneli nuk ka qenë funksional, atëherë keni të drejtë”, tha Olldashi.

Ai mohon që Bechtel të ketë kërkuar mos hapjen e tunelit në qershor, edhe pse në shkresat e Ambasadës Amerikane thuhet se vetë drejtori i Bechtel, Michael Adams është përpjekur të bindë kryeministrin Berisha të mos e hapë tunelin në qershor.
“Nuk ka asnjë deklaratë të drejtorit të Bechtel, ju mund t’i drejtoheni vetë Bechtel zyrtarisht dhe të merrni një përgjigje. Nuk ka asnjë deklarim të drejtorit të Bechtel, janë të gjitha spekullime. Ne kemi qenë në bashkëpunim të përditshëm me kompaninë, veçanërisht për tunelin, sepse ai ishte pjesa më e vështirë e rrugës. E gjitha ajo është një çartje e madhe e cila as nuk e di se nga vjen dhe as për ku është nisur”, theksoi Olldashi.

Por a janë informacionet ne lidhje me Durrës-Kukës që Ambasada Amerikane i ka nisur Departamentit të Shtetit të pasakta, sipas kreut të Transporteve?
“Nuk mund të them nëse ka gënjyer ambasadori Withers për sa kohë që nuk di nëse kjo është një shkresë ose jo e zotit Withers. Kjo është një shkresë që del nga Wikileaks. E provoni dot që është shkresë e zotit Withers? Nëse e provoni atëherë hajdeni më pyesni dhe unë do ju përgjigjem”, theksoi Olldashi.
Tuneli i rrugës Durrës-Kukës u shemb për herë të parë në dhjetor të vitit 2008, kur ishte ende në ndërtim.

Shembja u riparua nga Bechtel dhe në 27 qershor të vitit 2009 qeveria shqiptare inaguroi rrugën.
Por siç vërteton edhe ky dokument zyrtar i Ministrisë së Punëve Publike vetëm pak muaj pas hapjes së tij, në 11 tetor 2009, tuneli u rimbyll sërish, në të dy kahet e tij për shkak se paraqiste rrezikshmëri dhe që kompania duhet të kryente edhe disa punime të tjera.
Siç thuhet edhe në deklaratën për shtyp të Ministrisë, kalimi në rrugën e re Durrës-Kukës do të ishte i pamundur për një periduhë disa javore, por që në fakt zgjati disa muaj.

-----------------------------------


Olldashi: Kabllogramin për ‘Durrës-Kukës’ e ka bërë Julian Assange, jo Withers
Kryeministri Berisha me homologun turk, Erdogan, gjatë inagurimit të rrugës Durrës-Kukës


Qeveria reagon për herë të parë publikisht në lidhje me kabllogramet e Ambasadës Amerikane në Tiranë që u publikuan nga faqja e internetit Wikileaks.

Sokol Olldashi, ministër i Transporteve vë në dyshim vërtetësinë e tyre, sidomos për pjesën që lidhet me rrugën Durrës-Kukës, duke pretenduar se nga miliona informacione qe kane tronditur diplomacine boterore, ato qe jane shkruar per Olldashin e Shqiperise, jane hartuar nga vete Wikileaks, jo nga diplomatet amerikane

“E para unë nuk kam asnjë konfirmim që ky është një informacion që ka dalë nga Ambasada Amerikane dhe informacioni vjen nga faqja e Wikileaks. E dyta është një informacion tërësisht i provueshëm. Ju keni arkivat tuaja dhe mund t’i hapni dhe verifikoni. Tuneli është shembur në datën 5 nëntor të vitit 2008, ndërkohë që është rihapur. Ceremonia e inaugurimit është bërë në qershor të 2009-s dhe nga ky muaj nëse ka një ditë që tuneli nuk ka qenë funksional, atëherë keni të drejtë”, tha Olldashi.

Ai mohon që Bechtel të ketë kërkuar mos hapjen e tunelit në qershor, edhe pse në shkresat e Ambasadës Amerikane thuhet se vetë drejtori i Bechtel, Michael Adams është përpjekur të bindë kryeministrin Berisha të mos e hapë tunelin në qershor.

“Nuk ka asnjë deklaratë të drejtorit të Bechtel, ju mund t’i drejtoheni vetë Bechtel zyrtarisht dhe të merrni një përgjigje. Nuk ka asnjë deklarim të drejtorit të Bechtel, janë të gjitha spekullime. Ne kemi qenë në bashkëpunim të përditshëm me kompaninë, veçanërisht për tunelin, sepse ai ishte pjesa më e vështirë e rrugës. E gjitha ajo është një çartje e madhe e cila as nuk e di se nga vjen dhe as për ku është nisur”, theksoi Olldashi.

Por a janë informacionet ne lidhje me Durrës-Kukës që Ambasada Amerikane i ka nisur Departamentit të Shtetit të pasakta, sipas kreut të Transporteve?

“Nuk mund të them nëse ka gënjyer ambasadori Withers për sa kohë që nuk di nëse kjo është një shkresë ose jo e zotit Withers. Kjo është një shkresë që del nga Wikileaks. E provoni dot që është shkresë e zotit Withers? Nëse e provoni atëherë hajdeni më pyesni dhe unë do ju përgjigjem”, theksoi Olldashi.

Tuneli i rrugës Durrës-Kukës u shemb për herë të parë në dhjetor të vitit 2008, kur ishte ende në ndërtim.

Shembja u riparua nga Bechtel dhe në 27 qershor të vitit 2009 qeveria shqiptare inaguroi rrugën.

Por siç vërteton edhe ky dokument zyrtar i Ministrisë së Punëve Publike vetëm pak muaj pas hapjes së tij, në 11 tetor 2009, tuneli u rimbyll sërish, në të dy kahet e tij për shkak se paraqiste rrezikshmëri dhe që kompania duhet të kryente edhe disa punime të tjera.

Siç thuhet edhe në deklaratën për shtyp të Ministrisë, kalimi në rrugën e re Durrës-Kukës do të ishte i pamundur për një periduhë disa javore, por që në fakt zgjati disa muaj.

[Antiproanti]

Keto gjera te Wikileaks jane kryesisht pa vlere.
Ato vetem vertetojne apo i plotesojne disa thashethena qe i ka ditur secili i interesuar.
Qellimi i publikimit dhe perdorimit te tyre eshte ne mase ekstreme per lufte politike.

Pershendetje

[juanito02]

Wikileaks qe tronditi boten paska ngelur ne dore te shqiptareve qe ti quajne llafe pazari.
Aman more cvete.
Vazhdon diktatura nuk egziston wikileaks se keshtu me pelqen mua.
Shyqyr qe shpiot skan ngel ke forumi shqiptar i Fari Balliut per me lexu kablogramet e wikileaks.

[Maqellarjot]

Po këtu është puna se. Pse nuk ka gjë në dorë ? ...

...por mungesa e një opozite të shëndoshë në një shtet pluralist dhe demokratik nuk më duket gjë fort e mirë.

I ke rene kozhdes mu ne koke!

Nuk e di ne qoftese ke nenkuptuar ate qe mendoj une, por megjithe ate do te them mendimin time.

Shqiperia qe ne fillim te Diktatures komuniste dhe deri sote nuk ka pasur kurre nje shtet Demokratike. Atje nuk egziston pluralizmi. gjera te tilla egzistojn vetem ne leter. Ne rrealitet gjithcka eshte ndryshe. Nuk e kuptoj se cfar "provash" nevojiten per te "vertetuar" dicka te tille qe te binden njerezit njehere e pergjithmone. Ne qoftese dokumentet e Wikki-Leaks nuk do te ndikojn sado pak, atehere me vjen shume keq ta them nje gje te tille, por ne si popull na paska marr lumi me kohe dhe me te veret jetojm per inerci!

[Dito]

E dhimbshme, c'mund te thuash tjeter per kete vend kaq te vogel me kaq shume zullumqare.

[Hyllien]

Mediu qau në zyrën e ambasadorit amerikan para dorëheqjes

Në një kabllogram të veçantë të Ambasadës Amerikane për shpërthimin e Gërdecit tregohet me detaje takimi i Mediut me ambasadorin amerikan disa orë para se ai të jepte dorëheqjen si ministër i Mbrojtjes. Mediu kishte bërë disa pyetje nëse dorëheqja e tij do të ndikonte në vendimin e NATO-s për ti bërë ftesë Shqipërisë. Ai kishte thënë se po tentonte të mbronte qeverinë dhe kryeministrin nga poshtërimi. Ndërsa në komentin e tij ambasadori Withers pranon se ky veprim i ministrit është në fakt një skemë e kryeministrit Berisha, i cili sipas tij “mendon të sakrifikojë Mediun menjëherë, si zgjidhja më e mirë në mesin e zgjidhjeve të këqija”.

Më poshtë kabllogrami i plotë:

Në një takim më 17 mars, Ministri i Mbrojtjes Fatmir Mediu i tha ambasadorit se ai do të jepte dorëheqjen më vonë pasdite. Shkaku i kësaj lëvizje, vazhdoi ai, ishte “përgjegjësia morale” për shpërthimin e 15 marsit në një depo të armëve ushtarake që deri më tani kanë rezultuar në dhjetë vdekje të konfirmuara, qindra të plagosur, dhe shkatërrime të mëdha të dy komuniteteve të afërta civile. Mediu pohoi se ai i kishte telefonuar kryeministrit Berisha duke i dhënë lajmin e dorëheqjes së tij dhe se ai me gjysmë zemre u pajtua. Ai këmbënguli se kryeministri nuk i kishte kërkuar atij të japë dorëheqjen. Ministri gjithashtu raportoi se ai kishte folur në mirëbesim me kreun e opozitës Edi Rama dhe se Rama i kishte thënë se thirrjet e opozitës që Mediu të japë dorëheqjen erdhën pas rezervave personale të Ramës. Së fundi, Mediu tha se ai është i patrazuar për çdo hetim që Qeveria mund të nisë, se ai do të jetë plotësisht bashkëpunues me hetimet e Prokurorisë së Përgjithshme, dhe se rezultati i fundit do të tregojë ligjshmërinë e veprimeve të tij që kanë lidhje me shpërthimet e Gërdecit.

Mediu në mënyrë specifike ka ngritur shqetësimin e tij nëse këto veprime nuk do të ndikojnë në vendimin e ardhshëm në Samitin e Bukureshtit, që mund të japë një ftesë të mundshme të NATO-s për Shqipërinë. Ai kërkoi pikëpamjen e ambasadorit nëse aleatët mund të shohin dorëheqjen e tij si paqëndrueshmëri në qeverinë shqiptare në këtë kohë vendimtare. Ambasadori u përgjigj se tragjedia në Gërdec ishte një aksident dhe nuk duhet të ketë ndikim në vlerësimin e NATO-s. Ajo do të jetë e rëndësishme, megjithatë, jo për të lejuar që ky episod të përcjellë përshtypje të paqëndrueshmërisë, gjë që Mediu dëshironte të shmangte. Ministri buzëqeshi në mënyrë të çuditshme dhe tha: “Pra, ne duhet të jemi të shpejtë për këtë?” Ambasadori u përgjigj,”Për fat të keq, po.”

Mediu gjithashtu shfaqi problemet e tij duke përmenur një shkrim që pritet të dalë në Neëë York Times, për të cilin ai pohoi se do të sulmojë atë si të përfshirë në një marrëveshje të armëve kineze dërguar në Afganistan. Ndërsa nuk është e paligjshme në ligjin shqiptar, çështja është duke u hetuar nga Departamenti i Mbrojtjes. Artikulli, sipas Mediut, u nxit nga armiqtë e tij politikë që duan të mbrojnë veprimet e korrupsionit duke i hedhur në kurriz të Mediut. Edhe pse Mediu protestoi për pafajësinë e tij, ai pranoi se koha e shkrimit, i cili pritet të dalë shumë shpejt, do të jetë thellësisht e turpshme për qeverinë në një kohë shumë të ndjeshme. Ai tha se dorëheqja e tij do të kursejë qeverinë shqiptare dhe veçanërisht kryeministrin nga poshtërimi, të cilin ai e lavdëron në raste të shumta si një vizionar dhe figurë historike.

Koment:
Mediu tregoi shenja të një stresi të madh. Në pika të ndryshme gjatë bisedës, ai lotoi dhe i dridhej zëri. Në të tjerat, ai ishte mospërfillës dhe tha se ai do të provojë se ka drejtë në një afat të gjatë. Ai tha se nuk do të marrë këtë shpatë helmi mbi vlerat e tij. Në vlerësimin tonë, Berisha e bëri këtë “gjuajtje” të veçantë, siç ai shpesh bën, me një tjetër ide në mendje. Në mes të një stuhie të brendshme vendos Mediun në qendër të saj, me nevojën që të përballet me projektin më të mirë të mundshëm për NATO-n. Nën rrethana të vështira, Kryeministri qartë mendon të sakrifikojë Mediun menjëherë, si zgjidhja më e mirë në mesin e zgjidhjeve të këqija. Ne do të ndjekim deri në ditët e ardhshme, por shqyrtimi ynë i parë i situatës është se ai e ka kuptuar drejt.

/Tema/

----------------------------------

Basha, lobim me Athinën për largimin e kreut të misionit të ODIHR-it

Ambasadori Withers i tha ministrit të Jashtëm, Basha, më 30 prill (2009) që SHBA është surprizuar nga kundërshtimet e Shqipërisë për emërimin e zonjës Glover në krye të delegacionit të ardhshëm të misionit vëzhgues të ODIHR-it në zgjedhjet parlamentare në Shqipëri. Ai paralajmëroi ministrin e Jashtëm se kundërshtimi i Shqipërisë krijon një precedent fatkeq te shtetet anëtare që mund të influencojnë për emërimet e OSBE, një precedent që SHBA, OSBE dhe vendet e tjera synojnë ta mënjanojnë.

Ministri i Jashtëm, Basha, theksoi se “objeksioni i fortë” i Shqipërisë për emërimin e Glover, edhe pse qeveria nuk ka “asgjë personale” kundër Glover apo kualifikimit të saj, por qeveria është e bindur ngaqë Gloveri drejtoi ODIHR-in në zgjedhjet e këqija të 1996-s dhe emërimi i saj mund “të hapë dyert e një periudhe të shëmtuar të historisë sonë”. Basha dha pak indikacione për një lëkundje nga pozicioni dhe insistoi duke kërkuar ndihmën e SHBA-së për të gjetur një “zgjidhje të qetë” që mund të arrihet nga britanikët dhe të tjerët (diplomatët perëndimorë)-kërkesë kjo e kundërshtuar nga ambasadori. Menjëherë pas mbledhjes, kreu i misionit të OSBE-së në Shqipëri, Robert Bosch, i telefonoi ambasadorit Withers dhe i tha që ODIHR dëshiron caktimin e Gloverit në krye të misionit, duke besuar se Shqipëria nuk ka autoritet të kundërshtojë emërimin e saj.

Basha: “Asgjë personale”

Ambasadori hapi takimin duke nënvizuar se pozicioni i SHBA-së është që kundërshtimi i emërimit të Gloverit është një precedent i rrezikshëm, pasi mund të shtojë etjen e të tjerëve që mund të bëhen me kritikë se Shqipëria ndaj ODIHR-it. Ambasadori tha se reagimi i Shqipërisë ka çuditur SHBA dhe shtoi që fakti se drejtimi i Gloverit në zgjedhjet 1996 dhe ekzistenca e raportit shumë negativ të ODIHR-it në atë kohë nuk është justifikim për qeverinë shqiptare që të kundërshtoi emërimin e saj tani. Basha i tha ambasadorit Withers që qeveria nuk ka asgjë personale, por insistoi se opozita dhe media do ta përdorin emërimin e Gloverit

Si “hapja e kapitullit” të 1996, një periudhë që Basha e përshkroi si “pika më e ulët” e marrëdhënieve ndërmjet Shqipërisë dhe ODIHR-it. Basha theksoi se ODIHR pas raportit (për zgjedhjet e 26 majit 1996), ODIHR nuk u lejua të kthehej në Shqipëri për të vëzhguar zgjedhjet lokale të tetorit, pasi marrëdhëniet mes qeverisë shqiptare dhe ODIHR-it ishin zhytur në nivelin më të ulët. Basha theksoi se opozita, media dhe publiku do ta shikojë emërimin e Gloverit si një mosbesim te qeveria shqiptare për të zhvilluar zgjedhje të mira, duke theksuar se “nëse unë do të isha në opozitë do të bëja të njëjtën gjë”. Basha shtoi se nga të njerëzit e që punojnë për ODIHR-in “ka një lidhje të madhe me ditët e errëta të 1996-s”. Ai i kërkoi ambasadorit të gjendet një “zgjidhje e qetë”, por ambasadori theksoi se pozicioni i SHBA-së është i qartë. Menjëherë pas takimit, kreu i Prezencës së OSBE-së, Robert Bosch, i telefonoi ambasadorit Withers duke theksuar se Shqipëria nuk ka asnjë autoritet në këtë kërkesë.

Kërkesa e qeverisë vjen nga lart

Koment: Qëndrimi i palëkundur i Bashës pati jehonë dhe u përsërit me një manovër diplomatike më 29 prill. Basha tha se ai ka folur gjithashtu me ministren e Jashtme greke, Bakoyanni dhe ambasadorin gjermane në mënyrë që çështja të zgjidhej drejt. Diskutimet e Bashës ishin mirë të përgatitura, por nuk mund të fshehin faktin që të gjitha kundërshtimet e qeverisë shqiptare për Gloverin kishin rrënjët tek armiqësia e gjatë e Kryeministrit Berisha me Gloverin, pasi ajo ishte kreu i ODIHR-it në zgjedhjet 1996, një nga kohët më të errëta të Berishës që kanë njollosur karrierën e gjatë politike. Pozicioni i qeverisë shqiptare reflekton sërish tendencën e Berishës, besimin e tij se ai kërkon të kontrollojë gjithçka dhe çdo gjë në lidhje me zgjedhjet e ardhshme, duke përfshirë edhe të caktimin e të mandatuarve dhe komentet mbi ta.

Shqip

-------------------------------------------------------

Beteja e Berishës për të mbrojtur Damir Fazlliç

Emri biznesmenit Damir Fazlliç përmendet në të paktët 14 kabllograme të Ambasadës Amerikane përfshi tentativat e kryeministrit Berisha për ta shpëtuar boshnjakun nga hetimet e prokurorisë.
Problematika që rrethon Damir Fazllië trajtohet në kabllogramin e datës 14 Tetor 2008 me titull: “Berisha fillon sulmin e ri ndaj Prokurores së Përgjithshme”, ku thuhet:

“Duke nisur nga data 10 Tetor dhe gjatë fundjavës kryeministri dhe Ministria e Drejtësisë nisën një fushatë të re për të intimiduar dhe minuar punën e Prokurorisë së Përgjithëshme me pretendimin se prokuroria ka thyer ligjin duke tentuar të marrë në pyetje biznesmenin boshnjak, Damir Fazllië.
Ministria e Drejtësisë tentoi të sekuestrojë dosjen hetimore për Fazllië dhe më pas po kjo ministri kërcënoi se do të ngrinte akuza për prokurorët në hetimin e Fazllië. Por zoti Berisha në një konferencë shtypi mohoi kategorikisht se ka tendencë për të ndërhyrë në punën e Prokurorisë së Përgjithshme”.
Kabllogrami hedh dritë se cili ishte qëllimi i daljes në një televizon nga ku Damir Fazllië shpjegoi versionin e historisë së tij për atë që akuzohej.

Një përpjekje e përbashkët nga të dy për të pastruar emrin, vijon kabllogrami, me qëllim për t’i ngulur gishtat në sytë e opozitës. Berisha organizoi fluturimin e Fazllië për të ardhur në Tiranë dhe të jepte një intervisë televizive në television Klan. Prokurorët që kishin nisur hetimin për pastrim parash ndaj Fazllië kur mësuan për ardhjen në Tiranë formuluan një kërkesë për ta marrë në pyetje. Fazllië u njoftua nga policia e cila e shoqëronte nëpër qytet. Ai u largua me urgjencë nga Tirana një orë më parë nga ç’e kish planifikuar.

Ambasada Amerikane ia komenton Uashingtonit këtë ngjarje bazuar në disa burime, se sulmet ndaj Prokurores së Përgjithshme janë tentativë për nxjerrë nga binarët e hetimit për një mori cështjes korruptive si Gërdeci dhe akuzat ndaj Lulzim Bashës për rrugën Durrës-Kukës. Duke ndjerë natyrën shpërthyese prej të tilla investigimeve, Berisha ka arsye përse ta shtojë presionin ndaj Prokurores së Përgjithshme.

/TCH/

[Hyllien]

SHBA: Berisha dhe familja e tij i tremben hetimit nga qeverisja socialiste

Pak nga pak duket se po zbardhen edhe fijet e fshehta dhe prapaskenat përse kryeministri Sali Berisha nuk hapi kutitë dhe grabiti zgjedhjet e vitit 2009 duke përdorur si “mashë” elektorale edhe LSI-në e Ilir Metës, të cilin tashmë e ka fundosur po vetë me vidopërgjimin e përgatitur. Në një kabllogram të ish zëvendës ambasadorit amerikan në Tiranë, Stephen Christina, e zbardhur nga Wikileaks, thuhet qartë se përse Berisha sillej në atë mënyrë pas skandalit të Gërdecit ku u vranë 26 vetë dhe plagosën 300 të tjerë dhe ishte i përfshirë djali dhe familja e tij. Ish numri dy i ambasadës thekson se pasi dështoi te ligji i Lustracionit me hapjen e dosjeve, por largoi Zamir Shtyllën që hetonte Gërdecin, Berisha kishte nisur lëvizjet pak muaj para zgjedhjeve të 28 qershorit 2009 për të fituar me patjetër. “Duke menduar se zgjedhjet janë të frikshme, Berisha po mendon se ai dhe familja e tij nëse nuk fitojnë mund të përballen me një hetim nën qeverisjen socialiste, duke bërë që Berisha të bëjë gjithçka deri në qershor për të siguruar fitoren në zgjedhje”, thuhet në kabllogram./Ama-News/

COMMENT: Going for Broke

------------------------

6. (C) Passing the Lustration Laë over the strong public
objections of the OSCE, U.S. and Council of Europe and
throëing economic caution to the ëind and booting the IMF -
all are clear redlines PM Berisha has chosen to cross in
recent ëeeks, and all for the sake of ëinning the upcoming
elections. The stakes in these elections are high - Berisha
likely fears that he or members of his family could face
prosecution under a Socialist government, meaning Berisha
ëill likely pull out all the stops betëeen noë and June to
ensure a victory.

CRISTINA

-------------------------------------------------------------------------------------

Si e ka zbardhur SHBA dosjen “Gërdeci”


Hyrje: Withers “zbulon” se Berisha ngatërron si “pa dashje” emrin e kompanisë amerikane që bashkëpunoi me djalin e tij, SAC, me një projekt zyrtar amerikan të quajtur SAIC.

Në raportimet e shumta për Gërdecin, ambasada ndjek çdo hap të kësaj çështje në gjyq, në problemet për kompensimin e viktimave dhe informacionet që rrjedhin nga dosja hetimore ku përfshihet dhe djali i Berishës, Shkëlzen Berisha. Për këtë çështje, ambasada flet gjatë dhe me detaje, se si ministri i atëhershëm i Drejtësisë Aldo Bumçi detyroi sekretaren e tij që të mohonte dëshminë e saj për një projekligj të dërguar nga Bumçi tek Mediu, në kapakun e së cilit shkruhej “Për Shkëlzen Berishën”. Gjithashtu ambasada tregon se dosja nxjerr se miku i Shkëlzenit, biznesmeni Selamllari kishte dhënë dëshmi të rreme, pasi provat e tregonin këtë. Ambasada vëren jo pa bezdi se si Berisha e mbështeste Mediun dhe rikthimine tij në politikë në këmbim të “mbylljes së gojës”


Kabllo-grami i krijuar më 17 mars 2008 pasi bën një përshkrim të asaj çfarë ndodhi në Gërdec dhe dëmeve në njerëz dhe material ambasada e SHBA tregon se si Berisha ngatërronte emrin e kompanisë që operonte në Gërdec.

Kryeministri Berisha tha për mediat se një kompani amerikane, Southern Company municion, Inc (SACIQ me bazë në Karolinën e Jugut, kishte rinovuar kohët e fundit kontratën me ministrinë e Mbrojtjes për të çmontuar municione dhe shitur skrap. (Shënim: Raportet e medias fillimish e quajtën gabimisht Kompania “SAIC”, një kompani amerikane që më parë kishte punuar në një projekt të financuar nga USG, dhe kishte përfunduar me sukses dhe siguri të plotë shkatërrimin e 2,700 tonë metrik të armëve të mëdha detare në dhjetor.)

SACI është një kompani private, pa asnjë lidhje me USG. Në fakt POST ka kërkuar të kontaktojë me kompaninë, kur kemi dëgjuar që ata ishin duke punuar në demilitarizimin, por SACI ka shmangur kontaktet. Presidenti i SACI, Patrick Henry III ka kontaktuar shefin e ODC pas shpërthimit, kur dolën akuzat që një kompani amerikane mund të ketë qenë përgjegjëse. Henry deklaroi se SACI nuk ishte e përfshirë në çmontimin e municioneve në atë kohë dhe asnjë punonjës i SACI-t ose nënkontraktorë nuk ishin të pranishëm në objekt.

….Më tej ambasada tregon për ndihmën që i është dhënë qeverisë për të përballuar situatën brenda tri orëve pas shpërthimit të parë. Gjithashtu me kërkesë të qeverisë shqiptare ajo ka ofruan ndihmë të ekspertëve më të mirë amerikanë, edhe nga marina amerikane duke përfshirë madje dhe FBI-në. “Një ekip i FBI ofroi një hetim për vendin e krimit dhe identifikimin e viktimave, që të dyja u pranuan nga zyra e Prokurorit. FBI është duke koordinuar arrdhjen.”
Sipas komentit të ambasadës situata pas shpërthimit është e rëndë: “Përveç humbjes tragjike të jetëve nga ky aksident, qeveria përballet tani me nevojat humanitare të të mbijetuarve. Fshati Gërdec dhe një fshat fqinj ishin rrafshuar duke lënë qindra të pastrehë. Shumica e fshatarëve ishin fermerë, të cilët nuk do të jetë në gjendje të përdorin tokën e tyre deri sa të jetë pastruar nga mjetet e pashpërthyera”.

Kush do ta paguajë çmimin ?

Kabllogrami tjetër i marsit 2008 shfaq shqetësimet e ambasadës për lidhjet korruptive që çuan në shpërthimin e Gërdecit. Pasi e quan shpërthimit me përmasa bërthamore por pa rrezatim, ambasada flet për përgjegjësinë që duhet të dalë nga kjo tragjedi. “Raportet fillestare sugjerojnë se kushtet jashtë standardeve dhe mungesa e zbatimit të rregullave për shkak të praktikave korruptive lidhet direkt me tragjedinë”.
Më tej me pyetjen “kush do ta paguajë çmimin” ambasada raporton: “Në ditët e fundit, shoku dhe simpatitë kanë nisur të ndahen nga zemërimi. Populli e ka bërë të qartë se ai e ndjen se shteti i la në baltë dhe se drejtësia duhet të vihet në vend. Ndërsa hetimi qeveritar vazhdon, pyetje serioze janë duke u ngritur në lidhje me vendndodhjen e fabrikës, aq afër zonave të mëdha të banuara dhe pranë të vetmit aeroport ndërkombëtar. Pas një “muaji mjalti” së fundmi për shkak të pritjes së ftesës së NATO-s, skena politike ka shpërthyer në shkëmbimet e nxehta në mes liderit të opozitës dhe Kryeministrit, i cili kërkon çdo ditë dorëheqjen e këtij të fundit. Një analist politik vuri në dukje se Gërdeci tregoi se “muaji i mjaltit ishte virtual dhe se kanceri është aty.” Pas largimit të ministrit të Mbrojtjes, Mediu, i cili tha se dorëheqja ishte një përgjegjësi morale, kritika u kthye me shpejtësi tek Kryeministri, i cili është hedhur në ofensivë për të shpëtuar karrierën e tij politike.
Ambasada vë theksin tek puna e Ina Ramës në hetimin për Gërdecin duke pranuar se ajo është para një sfide të madhe për shkak të përballjes me njerëzit me imunitet politik.

“Berisha dhe Mediu ndërtojnë koalicionin e Gërdecit”

Në një tjetër raport të ambasadës amerikane një vit më vonë kur hetimet e Gërdecit nuk po nxirrnin gjë në dritë, thuhet se “Berisha dhe Mediu ndërtojnë koalicionin e Gërdecit’. Ambasada ngre shqetësimin për zvarritjen e gjyqit ndaj Mediut dhe tentativave që duken në horizont për ta shpëtuar më në fund atë nga ky gjyq dhe mbrojtjen publike që mori nga kryeministri Berisha duke deklaruar publikisht firmosjen e një koalicioni politik mes dy partive të tyre.
“Kryeministri Berisha vazhdon mbrojtjen e tij të hapur ndaj Mediut dhe në 20 mars, shpalli publikisht një koalicion zgjedhor me Partinë Republikane të Mediut dhe përsëri shau rëndë Prokuroren e Përgjithshme për akuza të motivuara politikisht. Disa analistë shqiptarë besojnë se fushata zgjedhore e Berishës është marrë peng nga Mediu dhe rasti i Gërdecit. Ata spekulojnë se në këmbim të heshtjes e Mediut në lidhje me përfshirjen e anëtarëve të familjes Berisha në skandalin e Gërdecit, Berisha ka rënë dakord ti japë mbështetje të plotë politike Mediut. Mediu ishte gjithashtu organizuesi i udhëtimit të shkurtër të Berishës në Uashington për të marrë pjesë në “Lutjet e Mëngjesit”. Anëtarët e opozitës e kanë etiketuar koalicionin PD-PR si “koalicioni i Gërdecit”.”

Përfshirja e Shkëlzen Berishës, Mediu e delijogji e telefonuan pas shpërthimit

Kabllogrami i majit 2009 me titull “Rrjedha nga hetimi i Gërdecit shkakton një qark politik” flet herë të parë për përfshirjen e djalit të kryeministrit Berisha në këtë çështje.

“Shumë gazeta kombëtare pohuan se kishin marrë kopje të raportit hetimor të prokurorisë dhe filluan botimin e dëshmive dhe dëshmitë çdo ditë. Gazetat janë përpjekur shumë për të përdorur rrjedhjet e tyre të përditshme që të provojnë përfshirjen e djalit të kryeministrit Berisha, Shkëlzenit. Të enjten, 14 maj persona të panjohur (por dyshohet të jenë pranë qeverisë) kanë blerë dhe kanë hequr nga tregu të gjitha kopjet e ‘Gazeta Shqiptare’ , gjoja për shkak se ajo përmbante prova inkrimunuese për përfshirjen direkte të Shkëlzenit. Megjithatë, kompania ribotoi shpejt dhe rishpërndau kopje të reja në mesditë. Në një shfaqje mbështetjeje, ambasadori italian bëri një vizitë personale në zyrat e gazetës. Qeveria nuk është përgjigjur për këtë incident. Nga ana e saj, Prokuroria e Përgjithshme ka hapur një hetim për rrjedhjet e informacionit, që mund të dëmtojë seriozisht çështjen e saj në Gjykatën e Lartë, ose të shtojë peshën e akuzave nga qarqet pro-qeverisë se Prokuroria është disi pro opozitës.
Në ditën e parë të çështjes në gjykatë, prokuroria kërkoi tërheqjen e tre gjyqtarëve, duke përfshirë edhe kryetarin e gjykatës, Besnik Imeraj. Ata akuzuan Imerajn se ka lidhje të ngushta me të pandehurit. Megjithatë, gjykata nuk pranoi kërkesën e akuzës. Disa editoriale kanë kritikuar vendimin e gjykatës, duke lidhur atë me dëmin që shkakton në besimin publik se me çështjen e Gërdecit do të merret një gjykim i drejtë. Ata vënë në dukje vendime të ngjashme nga Gjykata e Lartë, duke përfshirë edhe mbylljen e çështjes kundër Ministri Basha dhe kundër biznesmenit serbo-kroat Damir Fazliç.”

Synohet djali i Berishës

Në të njëjtën ditë që gjyqi u hap, disa gazeta pohuan se kishin në dorë gjithë çështjen kundër të pandehurve dhe filluan publikimin e dëshmive të ndryshme dhe dëshmive nga çështja. Shumica e këtyre dëshmive janë përqendruar në përfshirjen e djalit të Berishës, Shkëlzenit. Për shembull, rrjedhjet e regjistrimeve telefonike zbulojnë se vetëm disa orë pas 15 marsit 2008 kur ndodhi shpërthimi në Gërdec, Ministri i Mbrojtjes Mediu e telefoni djalin e Berishës katër herë. Më tej, Mihal Delijorgji, pronar i Albademil (kompania që punonte në Gërdec) telefonoi Shkëlzenin vetëm 30 minuta pas shpërthimit. Gazetat gjithashtu vunë në dukje se nga janari deri në ditën e shpërthimt, Delijorgji e telefononte Shkëlzenin 56 herë. Përveç kësaj, janë konfiskuar shënime nga sekretaret e Ministrisë së Mbrojtjes që tregojnë se gjatë vitit 2007 dhe 2008 ish/ministri Mediu pati takime të shpeshta me Shkëlzenin. Në një takim thuhet se Shkëlzeni kërkoi që Mediu të rriste ritmin e furnizimit me municione të Gërdecit.

Në një dëshmi, sekretarja e ministrit të drejtësisë Albo Bumçi tregoi për të paktën dy takime mes Bumçit dhe Shkëlzenit në 2007-ën. Dhe kur u pyet për një letër që Bumçi i dërgonte Mediut për aprovim të prjekt-ligjit që do ti hapte rrugë çmontimeve në Gërdec, ajo konfirmoi që Bumçi kishte shkruar mbi kapak “Për Shkëlzen Berishën”.

Pas kësaj dëshmie, Bumçi, ende një deputet (dhe një zagar sulmi i Partisë Demokratike), akuzoi ish-sekretaren e tij për shpifje dhe e paditi atë. E frikësuar, sekretarja publikisht deklaroi se dëshmia kishte qenë e falsifikuar.
Provat në fjalë përfshijnë një dëshmi të rreme nga miku i ngushtë i Shkëlzenit, Rahman Selmanllari. Në dëshminë e tij Selmanllari konfirmon se ka qenë mik i ngushtë i Shkëlzeni për më shumë se dhjetë vjet, por mohon çdo përfshirje dhe të ketë dijeni të skandalit të Gërdecit. Megjithatë, të dhënat shoqëruese dëshmojnë ndryshe. Në dëshminë e tij Patrick Henry, pronari i SAC ( kompania amerikane që nënkontraktoi Albdemil për tu përfshirë në Gërdec), pranon se nuk u takua me Selmanllarin, por ai pretendon se drejtori MEICO Ylli Pinari (tani në gjyq për Gërdecin), bindi Henry për të caktuar Selmanllarin si përfaqësuesin e tij në Shqipëri. Dokumentet e sekuestruara e tregojnë Selmanllarin si përfaqësuesi i SAC. Në një rast, Sellmanlari ka nënshkruar për pranimin e dy raste të municioneve për në Gërdec.


---------------------------------------------------------------

Wikileaks: Rusmajli e Islami, “spiunët” e ambasadës

Nga: ELIRA ÇANGA


TIRANË- Ministra, deputetë dhe përfaqësues të shoqërisë civile: Është e gjatë lista e informatorëve të ambasadës amerikane lidhur me ngjarjet më delikate në Shqipëri. Shumë prej tyre jo vetëm kanë zbuluar sekretet shqiptare për përfaqësuesit amerikane, por edhe kanë spiunuar shefat e tyre te ata. Në një prej kabllogrameve të dërguar në nëntor 2009 në Departamentin e Shtetit nga ambasada amerikane në Tiranë, vihet në dukje se Partia Demokratike do të ndryshojë strategjinë e saj të sjelljes ndaj PS-së, duke e ashpërsuar tonin. Informatat janë dhënë nga Ilir Rusmajli, zyrtar i lartë në PD dhe zëvendëskryeministër që për një kohë të gjatë ka qenë kontakt i oficerit politik të ambasadës, theksohet në kabllogram.

Informatat nga PD

Sipas tij, Partia Demokratike kishte bërë një përpjekje të madhe duke ruajtur qetësinë përballë protestave të rivales së saj më të madhe, Partisë Socialiste dhe kërkesave për të hapur kutitë e votimit. Por, ai shtoi se thirrjet e PD-së për zgjedhje të parakohshme e kanë nevrikosur Berishën dhe e kanë bindur atë se mënyra e vetme për t’u marrë me PS-në është gjuha e ashpër. Rusmajli tha se thirrja e PS-së e ka radikalizuar Partinë Demokratike që tani kërkon një përgjigje të vijës së ashpër. “ne u përpoqëm për kompromis, por Rama u bë më radikal. Kryeministri beson se tani është koha për të mbrojtur zgjedhjet. Ne do të tregojmë forcën dhe vendosmërinë për këtë”, - tha ai. Rusmajli këmbëngul se retorika e nxehur politike nuk do të çojë drejt dhunës dhe hodhi poshtë edhe paralelizmat me vitin 1997, kur Shqipëria shkoi në prag të luftës civile. Rusmajli pohon se mendimi që nuk ka asnjë rrugë tjetër veç vijës së ashpër është e trishtueshme, por është e vërtetë, pasi kultura politike në Shqipëri kërkon që partitë të konfliktohen me njëra-tjetrën të paktën në fazat e para të konfliktit mes tyre. Për fat të keq sipas Rusmajlit, rruga e vizionit dhe kompromisit nuk është rrugë e shpeshtë në politikën shqiptare.

Lajmet nga PS

Informatat nga Partia Socialiste kanë dalë kryesisht nga kontakti i oficerit politik të ambasadës, që në këtë rast ka qenë Kastriot Islami. Duke folur për apelin e PS-së dhe Edi Ramës për zgjedhje të reja, Islami bën të ditur se Rama ka për qëllim të nxisë bazën me këtë thirrje dhe ta përgatisë atë për fushatën zgjedhore para votimeve të majit 2011, ku do të kandidojë sërish për Bashkinë e Tiranës. Islami i tha oficerit politik në nëntor 2009 se pavarësisht nga synimet e Ramës, askush nuk beson dhe as Berisha dhe as komuniteti ndërkombëtar nuk do të lejojnë zgjedhje të parakohshme në vend, gjë që do të thotë se Rama do të vazhdojë presionin e tij dhe do të rrezikojë një krizë më të madhe politike për ti arritur ato. Berisha është i stërvitur në artin e politikës së fshikullimit, ndaj edhe do të bëjë të pamundurën për të shkatërruar kundërshtarin e tij. Anëtarë të tjerë të parlamentit shqiptar i thanë oficerit politik të ambasadës se bojkoti vetëm e nxit PS-në të bëhet më agresive, ndërsa Islami tha se Berisha shpreson të shkatërrojë mbështetjen e bazës për Edi Ramën duke afruar pas vetes oligarkët e lidhur me PS-në dhe deputetët e pasur të kësaj partie në mënyrë që ta dobësojë Ramën. Rusmajli nga ana e tij tha se Berisha po u shkak pas këtyre biznesmenë, pasi ata kanë ndikim te Edi Rama. Ka edhe informatorë të tjerë mes politikanëve shqiptarë, mes të cilëve edhe Pandeli Majko, i pyetur nga ambasada lidhur me profilin e Ilir Metës apo përfaqësues të shoqërisë civile që janë afruar së fundmi me politikën.
(e.m/GSH/BalkanWeb)

---------------------------------------------------


Wikileaks: Meta, në ministrinë e Jashtme me qëllim përfitimet personale

Nga: ELIRA ÇANGA


TIRANË- Ardhja e Ilir Metës në postin e ministrit të Jashtëm do të sjellë në këtë ministri një performancë krejt tjetër nga ajo e ish-ministrit, Lulëzim Basha. Vetëm se Meta është më i përqendruar te përfitimet e tij personale në çdo hap të karrierës. Këto janë mendimet e ambasadorit amerikan Xhon Withers në një kabllogram të dërguar më 24 shtator 2009 në Departamentin e Shtetit. Sipas këndvështrimit amerikan, Meta do të ketë një kontrast të mprehtë në stil dhe substancë krahasuar me Lulzim Bashën. Meta përshkruhet në këtë kabllogram si një njeri luftarak, gjë të cilën e demonstroi edhe në parlament kur pati një konfrontim fizik me diplomacinë shqiptare. Ambasada amerikane i shikon ato si një mundësi për të rindërtuar të mirat personale që sjell politika përfshi ato të LSI me shpresën që një ditë do të mund të jetë përsëri kryeministër. “Disa prej kontakteve të ambasadës ndjehen komod që kjo ministri po drejtohet nga Meta i cili është mbi mesataren e mundshme për të performuar pasi Lulzim Basha shikohej gjerësisht si një menaxher i dobët”, - thekson kabllogrami. Nuk mbetet jashtë analizës bashkëpunimi Berisha-Meta ku thuhet se “pavarësisht garancive të dhëna nga Meta dhe Berisha se ata do të punojnë së bashku në grup, tensionet dhe konfliktet janë të paevitueshme. Ndërsa Lulzim Basha ishte një besnik i PD, shërbëtor i kryeministrit, Meta vjen në Ministrinë e Jashtme me një axhendë të tijën duke qenë më shumë i pavarur në krahasim më Bashën. Meta mbase nuk do të hezitojë t’u thotë partnerëve ndërkombëtarë kur dhe si ai nuk do të bjerë dakord me kryeministrin.
(e.m/GSH/BalkanWeb)

[Hyllien]

Wikileaks: Topi, Presidenti është i vetmuar në krye

Nga: ELIRA ÇANGA


TIRANE- Presidenti i Shqipërisë, Bamir Topi, është një njeri i vetmuar në krye të shtetit. Pozicioni i tij është delikat dhe së fundmi konfliktet me qeverinë janë shtuar edhe për shkak të ligjit të dosjeve. Kështu shkruan i dërguari me punë i ambasadës amerikane në Tiranë, Stephen A. Cristina, në një kabllogram të dërguar në Departamentin e Shtetit më 9 janar 2009. Në një takim me Christinën, Topi duket se ka përshkruar izolimin e tij politik dhe arsyet e tij, duke e lidhur këtë me debatin e fundit për ligjin e dosjeve. Sipas tij, ky ligj i shumëdiskutuar dhe konflikti i lindur prej tij duket se do ta rrezikojë seriozisht imazhin e tij dhe të ardhmen brenda Partisë Demokratike. “Topi ka bërë përpjekje për të ulur në një tryezë të përbashkët eksponentët socialistë dhe demokratë të politikës shqiptare, por është ankuar për mungesën e një opozite efektive në vend, duke e përshkruar Partinë Socialiste si thuajse të padukshme në këtë rol”, - thuhet në kabllogram. Presidenti shqiptar ndryshon në pozicionin e tij nga ai i Presidentit në shumë republika parlamentare. I zgjedhur nga parlamenti, presidenti edhe pse më i dobët se kryeministri, ka të drejtë sipas kushtetutës të zgjedhë prokurorin e përgjithshëm si dhe gjykatësit e Gjykatës së Lartë. Presidenti mundet edhe të vendosë veto ndaj legjislacionit, edhe pse parlamentit i duhet një shumicë e thjeshtë për ta tejkaluar veton.

I ekspozuar politikisht

Topi i tha Cristinës gjithashtu se debate i fundit për ligjin e dosjeve e kishte lënë atë tepër të ekspozuar politikisht. Topi shprehu frikën se kundërshtimi tij ndaj ligjit të dosjeve do ti kushtojë atij mbështetjet e bazës së politikës, njerëzve të persekutuar nga regjimi komunist. Ai tha se nëse vendos veten ndaj tij, PD do të niste një sulm kundër tij personalisht dhe do ta përshkruante atë si një njeri që mbron komunistët. Topi gjithashtu tha se nuk mund të mbante shpresat edhe te mbështetja e liderit të opozitës, Edi Rama pasi ai e përshkruan atë si të frikësuar dhe të dobët dhe me Berishën do të cenonte pushtetin e presidencën. Presidenti tha se të dy, Rama e Berisha, e përdorën mundësinë për të reduktuar pushtetin e presidentit.

Ankesat e Topit

Presidenti tha gjithashtu se vullneti i tij për të mbrojtur institucionet e pavarura e ka vendosur atë përballë konfliktit me kryeministrin Berisha. Topi tha se donte të mbronte Prokuroren e Përgjithshme ndaj sulmet e politikës dhe të medias, por bëri të ditur se ndryshimet kushtetuese të miratuara në vitin 2008 e reduktuan tej mase aftësinë e tij për ta bërë këtë. Komentet he Christinës theksojnë se ndërsa Berisha ishte anëtar i elitës komuniste, Topi nuk ishte anëtar partie dhe familja e tij është persekutuar nga komunistët. “Ai po e gjen veten në një pozitë absurde, ku nëse vendos veton ndaj ligj, do të përshkruhet si mbrojtës i komunistëve. Izolimi i tij ka lidhje edhe me ambicien e tij, Topi e konsideron veten si pasues të Berishës në PD dhe ndaj nuk do ta kundërshtojë shumë atë. Mënyra se si do të veprojë me ligjin e dosjeve do të tregojë shumë për balancën e tij”, - thekson Cristina.
(GSH/BalkanWeb)

-------------------------------------------------

Ambasada e SHBA: Si vidhen votat me “albanian style”

Në prag të zgjedhjeve parlamentare të vitit 2009, Ambasada Amerikane në Tiranë informon Uashingtonin për atë që mund të ndodhë. Duke u fokusuar në mënyrat e vjedhjes së votave, zyrtarët e ambasadës analizojnë gjerë e gjatë mënyrat që përdoren në Shqipëri.


Titulli: Si të vjedhësh zgjedhjet, stili shqiptar

Datë 12 qershor 2009

Dërguar nga Ambasada Amerikane në Tiranë
Merr Departamenti Amerikan i Shtetit
Firmosur: Ambasadori Xhon Uidhers
Klasifikuar si Material konfidencial



“Edhe pse zgjedhjet shqiptare kanë shënuar përmirësime ndër vite, misionet e ODIHR-it që nga viti 1996 kanë dhënë vlerësime për të të meta dhe probleme. Akuzat për blerje të votës, dhënie parash për komisionerët, dokumente të falsifikuara votimi, frikësim të votuesve dhe në disa raste edhe dhunë kanë shënuar zgjedhjet e mëparshme. Edhe pse ky raun zgjedhjesh duket i qetë deri më tani, raportet e ODIHR-it kanë qenë kryesisht pozitive.. por anëtarë të PS-së deklarojnë çdo ditë se PD në pushtet po planifikon të vjedhë zgjedhjet (por japin shumë pak prova për të mbështetur këtë akuzë). Edhe PD akuzon për vjedhje nga ana e PS-së, edhe kjo pa prova.

Për të pasur një panoramë më të qartë se si mund të ndodhin këto vjedhje, ambasada ka folur me shumë kandidatë të PS-së dhe PD-së, si dhe anëtarë të shoqërisë civile që të marrë më shumë informacion mbi atë që mund të ndodhë. Është e rëndësishme të shënohet se vëzhguesit e ODIHR-it dhe vëzhguesit e tjerë nuk kanë parë prova konkrete të planeve apo përpjekjeve për të manipuluar zgjedhjet e ardhshme parlamentare nga ndonjëra palë. Trishtueshëm, teksa ky kabllogram po dërgohej, një aktivist i PD-së është vrarë nga një aktivist i PS-së me një kallashnikov jashtë qytetit të Durrësit, pas një sherri për posterat elektoralë. Kryeministri Berisha dhe kreu i opozitës, Edi Rama, dënuan ngjarjen dhe bënë apel për qetësi.

Gjithçka nisi më 1996…

Zgjedhjet e manipuluara keqas në vitin 1996 shënojnë pikën më të ulët për zgjedhjet në Shqipëri. Në to janë shënuar parregullsi serioze, përfshirë dhunë, mbushje kutish, frikësim policor ndaj opozitës dhe paaftësi në administrimin e procesit. Zgjedhjet ishin një katastrofë dhe kjo ndikoi pjesërisht në rrëzimin e rendit një vit më pas.

Kokat e mashtrimit në zgjedhjet e vitit 1996 ishin Sali Berisha, atëherë president dhe sot kryeministër, dhe Ferdinand Poni, atëherë ministër i Brendshëm, sot zv.ministër i Brendshëm. Fakti që berisha është sërish në krye të qeverisë dhe Poni në krye të procesit të kartave të identitetit kanë bërë që shumë socialistë të shqetësohen për faktin që historia mund të përsërisë vetveten në këto zgjedhje.

Vetëm hidh votën në kuti të lutem

Një taktikë e përdorur në Shqipëri dhe në të gjithë botën është ajo që njihet si “votimi karusel” dhe ndodh kështu: herët në ditën e zgjedhjeve një militant do të marrë një bllok votash bosh nga qendra e votimit. (Shënim: Militant është emri që preferohet për një aktivist të çmendur të partisë ose ndonjë person tjetër të përfshirë në proces). Militanti do të mbushë votat një nga një për partinë që dëshiron. Ai do të qëndrojë në hyrje të qendrës së votimit dhe do ti japë votën e plotësuar votuesve që pranojnë shkëmbimin. Ata duhet të kthehen me një fletë votimi bosh ndërsa në kuti të hedhin votën e plotësuar. Në këmbim do të marrin 50 mijë lekë të vjetra. Ky proces përsëritet tërë ditën në të gjithë vendin. Në versione të tjera të kësaj skeme, militantët më pak të mëshirshëm nuk do të të ofrojnë para, por do të të kërcënojnë se do të të rrahin ose do të të kërcënojnë se do humbasësh vendin e punës nëse nuk i përmbahesh planit. Ky plan është i provuar dhe nuk mund të dështojë. Nëse ti i jep dikujt një fletë votimi të plotësuar dhe merr mbrapsht fletën bosh duke mos lejuar asnjë devijim, ke rezultatin e sigurt.

Do një fletë votimi me picën tënde?

Një tjetër teknikë e përdorur me shumë efekt në zgjedhjet e kaluara, sipas disa kontakteve të ambasadës, është të dërgosh fletë votimi të mbushura së bashku me picat në vendin e numërimit të votave. Këto fletë hidhen më pas në kutitë e votimit dhe numërohen si të vlefshme. Me sa duket askush nuk numëron nëse një grup numërimi gjen më shumë vota se sa njerëz që kanë votuar, por kjo mund të ndryshojë këtë vit.

Komisionerët janë të njohur për marrjen e pagesave deri në 500 euro, për të mbyllur sytë disa minuta gjatë procesit të numërimit për të lejuar militantët të kryejnë punën e tyre të pistë. Kodi i ri zgjedhor ka lejuar vendosjen e kamerave për të luftuar këtë lloj sjelljeje, por mendohet se ato do të fiken për pak çaste ose dikush do të kalojë përpara tyre duke bllokuar pamjen. Të dyja partitë kanë akuzuar njëra-tjetrën për ryshfete dhe tentativa për të paguar komisionerët, edhe pse deri më tani askush nuk ka dhënë prova për këtë gjë.

Emri im është Edi ose Bardi ose Vjosa ose Ardi

Një tjetër taktikë është votimi i shumëfishtë. Sipas kësaj skeme, dikush do të përpiqet të votojë disa herë në të njëjtën zonë duke përdorur të njëjtat dokumente identifikimi. Disa skema më komplekse janë kur votuesi përdor disa dokumente identifikimi. Sipas këtij plani, militantët do të aplikojnë dhe marrin dokumente identifikimi në emër të personave të vdekur, emigrantëve ose atyre që nuk kanë ndër mend të votojnë. Dokumentet do të kenë fotografinë e militantit dhe gjeneralitete të tjera. Edhe pse PS mendon se kjo skemë është e mundshme, prodhuesit e kartave të identitetit, firma Aleat dhe Ministria e Brendshme pretendojnë se nuk bëhet. Ata thonë që kontrollet biometrike mbi kartat e reja pengojnë këtë gjë dhe ndalojnë njerëzit të kenë disa dokumente të vlefshme.

Gjithsesi manipulimi me kartat e identitetit mbetet shqetësimi më i madh i opozitës. Një zyrtar i lartë socialist i tha ambasadës më 11 qershor se qeveria shqiptare ka shtyrë me qëllim procesin e kartave në pesë zona kyçe. Vonesa e pretenduar po shkakton rradhë të gjata në procesin e pajisjes me karta dhe në këtë pikë votuesit e PD-së e kanë më të lehtë të pajisen me karta se sa ata të PS-së. Por më 11 qershor një zyrtar i PD-së i tha ambasadës se zyrtarët lokalë socialistë po bllokonin procesin e kartave të identitetit në disa zona të Tiranës. As PD e as PS nuk dhanë prova për akuzat e tyre.

E shikon, unë votova për PD-në, mos më hiq nga puna!

Sistemi aktual në Shqipëri është shumë i ngatërruar dhe lejon frikësimin e votuesve. Për shembull, është e mundshme për një pastrues shkolle në Elbasan të humbasë vendin e punës nëse ndryshon qeveria. Në të shkuarën, punonjësit e institucioneve shtetërore dhe të bashkive detyroheshin që të shkonin në mitingje elektorale, të bënin fushatë ose të votonin për partinë nëse nuk donin që të humbitnin vendin e punës.

Zgjedhjet e kaluara kishte votues që kishin fotografuar votën e tyre në mënyrë që ti tregonin shefave besnikërinë. Rreziku i humbjes së vendit të punës pasi nuk ka votuar siç duhet është i madh. Një kandidate e PS-së i ka thënë ambasadës se e ëma do të votonte PD-në nga frika e ndryshimit të pushtetit. Për të shtuar konfuzionin, edhe pse PD-ja kontrollon qeverinë qendrore, shumë qeveri lokale kontrollohen nga PS ose LSI, që do të thotë se punonjësit publikë janë objekt sulmesh nga të gjitha krahët.

Raporti i ODIHR-it shpjegon se janë marrë shumë raportime të paverifikuara se punonjës shtetërorë, madje edhe fëmijë shkolle, janë përdorur për të ndjekur mitingjet e PD-së.

Sigurisht përgjegjësi kryesor për të siguruar zgjedhjet është qeveria. Gjithsesi asnjë nga këto taktika nuk është specifike. Ato janë parë në të shkuarën nga çdo parti për të arritur avantazh. Këtë vit të dyja partitë janë zotuar të zhvillojnë një fushatë të qetë dhe kryeministri Berisha ka “garantuar: në mënyrë të përsëritur se këto do të jenë zgjedhjet më të mira në historinë e Shqipërisë.

Por risku i Berishës në këto zgjedhje është shumë i lartë, veçanërisht me zërat e shumtë që flasin për anëtarë të familjes Berisha të implikuar në skandalin e gërdecit. Fituesi ka avantazhin e pushtetit. Nga ana tjetër, ndërsa krerët e partive mund të mos falin mashtrimet elektorale, anëtarët e nivelit të dytë, nga dëshira e madhe për të bërë emër, mund të përdorin taktika të ashpra.

Edhe pse ODIHR ka parë shumë pak fakte që të mbështesin këto, potenciali i vjedhjes së votave është real. Më shumë se tre mijë vëzhgues do të shohin me shumë kujdes zgjedhjet”, përfundon kabllogrami i zbardhur nga Wikileaks.

/Shekulli/