Shqiptar i besimit ortodoks në Maqedoni kërkon rikthim të vetëdijes kombëtare!

[yllbardh]

Mos harro se behet fjale per nje pjese te shqiptareve, te izoluar nga ata po shqiptare ( me fe te ngjashme me turqit ) por qe tashme simpatizonin me pushtuesin te indoktrinuar dhe per aresye mbijetese..., harruan vellezerit e tyre qe mbeten me besimin e te pareve..., keta te fundit detyrimisht dhe eshte ligj natyror, u bashkangjiten me komunitete joshqiptare..., gjithashtu per ti mbijetuar izolimit dhe here here persekutimit te mirefillte.
Gjithesesi, tema shtron nje çeshtje qe sot ndoshta eshte heret akoma, por qe shpejt do te dale ne siperfaqe, eshte e pashmangeshme!
Le tja leme kohes, ajo do ta gjykoje dhe sheshoje gjendjen mire.
Une personalisht nuk bej dallime, por qe ketu flitet per nje pjese te shqiptareve, qe me bese kane mbetur shqiptar..., por qe propaganda "perça e sundo" e pushtuesit, solli rrethanat qe te zotin e shtepise ta vinin ne fund te baçes e jo ne krye te tavolines.............
Pra ketu u behet thirrje shqiptareve me shumice myslimane, te ndryshojne qendrim karshi vellezerve te krishtere, jo si u kane propaganduar turqit dhe serbet, por ti afrojne pa paragjykime dhe si i ka hije...
At'here punet do te shkojne mire!
Pershendetje,
Niko.

Unë nuk e di se sa ju keni njohuri rreth politikës hegjemoniste dhe asimiluese ndaj shqiptarëve, pa marrë parasysh drejtimin fetar, që është ndjekur nga sllavët qysh nga krijimi i Mbretërisë SKS. Asimilimi ndaj shqiptarëve, si një nga kombi me numër të popullsisë në vendin e tretë, është bërë pa dallim feje. Vetëm në Sanxhak, ku para tri gjeneratave kishte një numër i madh i cili kishte shqipen si gjuhë amtare sot po thuaj se askush nuk fletë më këtë gjuhë dhe gjithashtu edhe emrave të tyre i'u është vënë prapashtesa sllave.
Një shembull konkret, gjatë solidarizimit të studentëve të Universitetit të Prishtinës me minatorët e Trepçës në fundin e '80-ve unë personalisht kam takuar student nga Sanxhaku që tregonin mjaftë rreth kësaj dukurie të asimilimit të gjyshërve të tyre, atëherë ata student flisnin gjuhën serbo-kroate sepse kishin harruar gjuhën e tyre shqipe, por ata me krenari tregonin se gjyshërit e tyre ende dinin dhe flisnin shqip.
Kështu që të thuhet që një pjesë e popullit tonë e ka shtyer një pjesë tjetër në duart e sllavëve më duket si anakronizëm që të përsëritet dhe të komentohet më tepër sepse asimilimi është kryer ndaj mbarë shqiptarëve në Ballkan.

[Sharri-Liburna]

Unë nuk e di se sa ju keni njohuri rreth politikës hegjemoniste dhe asimiluese ndaj shqiptarëve, pa marrë parasysh drejtimin fetar, që është ndjekur nga sllavët qysh nga krijimi i Mbretërisë SKS. Asimilimi ndaj shqiptarëve, si një nga kombi me numër të popullsisë në vendin e tretë, është bërë pa dallim feje. Vetëm në Sanxhak, ku para tri gjeneratave kishte një numër i madh i cili kishte shqipen si gjuhë amtare sot po thuaj se askush nuk fletë më këtë gjuhë dhe gjithashtu edhe emrave të tyre i'u është vënë prapashtesa sllave.
Një shembull konkret, gjatë solidarizimit të studentëve të Universitetit të Prishtinës me minatorët e Trepçës në fundin e '80-ve unë personalisht kam takuar student nga Sanxhaku që tregonin mjaftë rreth kësaj dukurie të asimilimit të gjyshërve të tyre, atëherë ata student flisnin gjuhën serbo-kroate sepse kishin harruar gjuhën e tyre shqipe, por ata me krenari tregonin se gjyshërit e tyre ende dinin dhe flisnin shqip.
Kështu që të thuhet që një pjesë e popullit tonë e ka shtyer një pjesë tjetër në duart e sllavëve më duket si anakronizëm që të përsëritet dhe të komentohet më tepër sepse asimilimi është kryer ndaj mbarë shqiptarëve në Ballkan.

Ket duhen ta kuptojm nji her e mir qe kjo qe keni cekur eshte ajo qe ka ndodh,por eshte duke u tentuar prap edhe sot te ndodh e njejta.

[Sharri-Liburna]

Un po te them nje diqka,asnji shqiptar pa marr parasysh besimin me vetedije te plot nuk do ta kishte ndihmu nji anmik te shqiptareve qe ta asimolon ji pjes te trungut te vet ne serb,makedhon,grek,boshnjak,turketj,por keto asimilime jan ber nga shteti ose nga qeverit perkatese,serbe ,greke etj.Kto asimilime jan ber me ndihmen e klerkeve te besimeve perkatese,ja nji shembull, ne si femij duke i ruajtur bagetin apo duke lozur me shum femi tjer te fshatit dhe fshatrav tjer per rreth, kur uleshim dhe bisedonim per gjana te ndryshme,tregonim ngjarje te ndryshme etj.gjat bisedav si femij,pastaj na bashkoheshin dhe gjenerat me te vjetra dhe mesun nji kang"Dinka ka dinka po vijn do llatinka ardhshin e mos ardhshin(psh,)sharrin e marrshin"pasi perfunoj kenga mu me than tani ty kan me te ardh e me te marr llatinkat,e spjegojshin qe llatinkat te marrin te qojn ne ndonji kish e aty ka dhampira eshte shum e erret kisha e ty do ta pin krejt gjakun,un nga frika me vrap iksha ne shtepi duke bertit se mos po me marrin deri sa te shkoj ne shtepi,kur i tregojsha nanes ,ajo u mundonte te me qetson,jo bir se llatinkat nuk vin se ato shkojn ku ka fmi te halitshem se te ne nuk vin etj etj.
Kjo ishte nje nder propagandat e radhes qe benin kundrejt femijeve kishes dhe kristianizmit.Kur ishte ndonji rast vdekje, para hoxha,apo pa i dhan leje nuk kishte mundesi askush me fol,hoxha ishte ai i gjithdituri,i benin lloj lloj pyetje,kishte pyetje nese je me niqah ne rrug hoxhefendi e takohesh me nji mik apo njeri tjeter si me vepru, ai thoshte gruja duhet me mlu gojen dhe me hec ma larg e me prit po jo me kqyr kah ju,po thoshte ,"burra ,kur te jesh me niqah e takohesh me nji shka dhe nji katolik,ma sevap asht me mshef gruen mbas shkaut e mos me ta pa kotliki,se me fen e shkaut na dan nje perde e holl sa maza e kepes(allium khepa),a me katalikin na dajn kodra burra.)
Un nuk po muj me i perfshi te gjitha se ka shum,por deshta ti marr disa shembuj qe ta kuptosh se si eshte ber asimilimi,dmth,shqiptari musliman me u taku me nji katolik e me bisedu apo me i ndihmu diqka ka qen shum "gjynah",katoliki eshte bojkoto apsolutisht ngta vllaznit e vet musliman,nuki eshte ble asgje nga katoliki,nuk i eshte shit asgje katolikit,nuk eshte nderu katoliki,kush ka tentu nji gje te till ta ben, eshte denu apo (leqit)izolu prej katunit ku ka jetu,femijen ia kan nenqmu,ja kan rreh,nuk e kan lan me lujt me bashkmoshataret e vet, dmth ka qen diskriminim total nga bashk fshataret shqiptar musliman,kjo kategori kan qen te diskriminuar edhe nga qeverit,don te thot ,vllaznit e vet i kan shkel me te gjitha mundesit dhe shteti pastaj ua ka mundesu nje jet me te mir me qellime te caktuara qe kjo kategori te gjen mbeshtetje nga shteti,ti shkollon femijet ne klas me gjuh serbe apo tjeter,pasi ne klas me shqiptar musliman ai femij ka mundur te regjistrohet por as ne bank me te nuk eshte ul dikush.
Kto jan disa z.hamza,mos i merr ti sendet kallaup,sikur po mendon se jan qu muslimant edhe ju kan than hajde ju me u asimilu ne shka,jo hamzo.
Ka shum sende qe duhesh ti mesosh dhe kuptosh pastaj vetvetiu vjen ne perfundim se si ka ardh deri te asimilimi i tyre,nese ke gjyshin dhe pyete se si kan rrjedh punet asaj periudhe e ndoshta te tregon.

Ah priton hamza me lexu kaq gjat.

http://www.yllpress.com/35853/branko...-maqedoni.html

hajt lexoje edhe ket se u ben mir.

[Explorer]

ti sharri - Liburna si grek po m'dukesh kur thua "makedhon"

[Sharri-Liburna]

ti sharri - Liburna si grek po m'dukesh kur thua "makedhon"

Jo more djal,pse a greket kan fillu me fol shqip a ?

[Sharri-Liburna]

http://de-de.facebook.com/note.php?n...18503191530578

[Sharri-Liburna]

ti sharri - Liburna si grek po m'dukesh kur thua "makedhon"

E kam nji dham te prish ne vend te (d) po e shqiptoj (Dh), se ndoshta me e drejt eshte te shkruhet (Meqedhan),ndoshta nuk tingllon greqisht

[Sharri-Liburna]

Shqiptarët ortodoks, popull i ndaluar në Maqedoni


Ngritja e zërit dhe të së vërtetës historike të shqiptarëve ortodoks në Maqedoni, është një nga konkluzat e Simpoziumit shkencor “Shqiptarët ortodoksë dhe katolikë në Maqedoni”, që u mbajt në Çikago (SHBA), nën organizimin e Komuniteti Shqiptaro – Amerikan dhe në bashkëpunim me asociacionet e tjera, raporton INA.

“Shqyrtimi dhe shtruarja e çështjes shqiptare në Maqedoni në të gjitha rrafshet, pa kufizuar dhe pa përjashtuar asnjë komb nga të drejtat që i takojnë, është fryt i udhës së demokracisë dhe të marrëdhënieve në këtë shkallë që objektivisht i kemi sot. Shtruarja e çështjes ortodokse shqiptare në Maqedoni si temë e simpoziumit në Çikago ka për qëllime hapjen dhe jopolitizimin e marrëdhënieve të shtyrë nga politika ditore mbi shqiptarët”, kanë qenë thekset kryesore të simpoziumit të mbajtur.

Kryetari i KSHA-së, Xhevat Sherifi, me rastin e hapjes së simpoziumit deklaroi se është i nevojshëm ndriçimi objektiv i nëpërkëmbjes gati një shekull të ortodoksëve shqiptarë në Maqedoni. “Gjithë kjo golgotë ka ndodhur përmes strategjive dhe skenarëve të mekanizmave shtetërore dhe kishës ortodokse serbo- maqedonase, me qëllim të asimilimit të këtij kolektiviteti me gjak shqiptar”, theksoi Sherifi, duke shtuar se është bërë një gjenocid i paparë ndaj kësaj popullsie në Evropë.

“Nëna ime nuk dinte maqedonisht”, theksoi në fjalën e tij Branko Manojlovski, shqiptar ortodoks nga Reka e Epërme e Gostivarit, i cili ishte i pranishëm në sallën e simpoziumit dhe që u përlot në përshkrimin e jetës së kësaj popullsie të lënë dhe të distancuar në harresë.

Ai ka thënë se sot ndjehet i vetëm në këtë betejë të tij dhe vetëm një xixë në rrugëtimin për të ndriçuar të vërtetën. “Por mos harroni se ndonjëherë një xixë mund të kallë tërë malin. Unë jam sot i vetëm, por me mua do të niset i tërë kombi shqiptar në trojet e veta, pa marrë parasysh besimet tona fetare, sepse jemi një komb, një gjuhë, një flamur!”, theksoi Manojlovski. Sipas tij, ortodoksët e Rekës së Epërme të kësaj krahine shqiptare nuk janë maqedonas, bullgar, serb dhe grekë, por ato i takojnë trungut të gjakut shqiptar.

Profesor Ilaz Kadriu ofroi një përshkrim të asimilimit të kësaj popullate nga rrënjët e lashtësisë shqiptare. Ai ka sjellë si fakt zbulimin e një dorëshkrimi në shqip të vitit 1868, të shkruar në alfabetin cirilik por një dorëshkrim shqiptar ortodoks dhe me një dialekt të së folmes së Rekës së Epërme.

“Pushteti i kohës ka shfrytëzuar të gjitha mekanizmat e vet për të pezulluar nënsqetull ortodoksët shqiptarë, duke iu afruar shkollim falas,vende të punës dhe funksione të larta në hierarkinë e shtetit maqedonas”, theksoi Kadriu.

Në simpozium i përmendën edhe personalitete që i`u nënshtruan apo pranuan asimilimin si Video Smilevski-Bato i lindur në Nikitorovë të Rekës së Epërme i njohur ndër figurat e para shtetërore dhe partiake në ish Jugosllavi dhe në Maqedoni,djalë i hallës së Branko Monojlovskit.

Mateja Matevski me prejardhje shqiptare që familja e tij nuk dinte asnjë fjalë maqedonishte ka qenë madje edhe kryetar i Akademisë së Shkencave dhe Arteve të Maqedonisë.

Gligor Jovanoski nga Nistrova e Rekës së Epërme,stërnip biologjik i Josif Bagerit, doktor i shkencave të kimisë në Universitetin e Zagrebit si dhe emra të tjerë.

“Ky simpozium duhet ti dërgojë mesazh të qartë shqiptarëve ortodoks që e ndjejnë akoma origjinën e tyre dhe gjakun e tyre, që ti rikthehen të vërtetës, sepse e dijmë se ajo ndodhi në rrethana të rënda, të papranueshme, por të detyrueshme të asaj periudhe, duke ndërlidhur shumë faktorë. Ata të mendojnë në kthimin në trungun e tyre dhe pranë gjakut të tyre aty ku e kanë vendin”, theksoi Kadriu, duke shtuar se ky mesazh i drejtohet edhe dy shteteve si Shqipërisë dhe Kosovës, të cilat duhet të merren me punime dhe hulumtime shkencore për trevat shqiptare të Maqedonisë, për të ndriçuar historinë e vërtetë.

Prof. Rasim Bebo theksoi se maqedonasit kanë përvetësuar edhe emrin maqedonas, pasi që ata nuk kanë të përbashkët me këtë popullsi dhe që erdhën nga Karpatet. Ky emër maqedonas dikur kishte të përbashkët me shqiptarët.

Krejt këta skenarë sipas Bebos,kanë të bëjnë me një traditë sllave e njohur se kur bisedojnë me kushërinjtë e vetë të gjakut serb apo rus, ata bëhen sllav, kurse me bisedat me Perëndimin anglezë, amerikanë etj ata kthehen dhe bëhen maqedonas!

Prof. Skënder Karaçica në kumtesën e tij asimilimi dhe përkatësia kombëtare e shqiptarëve ortodoksë në Maqedoni, e nisi me një të dhënë nga udhëpërshkruesi anglez H.N.Brailsfort,në librin e tij me titull “Maqedonia,racat e saj dhe ardhmëria e tyre” të botuar në Londër(1906), i cili ka vërejtur se: “Nga racat që jetojnë sot në Maqedoni, vetëm shqiptarët mund të thuhet se janë autoktonë”.

Sipas tij, shqiptarët janë popull autokton, që jeton me shekuj në trojet e veta dhe që ka vazhdimësi historike që nga antikiteti. “Shqiptarët ortodoksë ishin të pranishëm njëlloj në krahasim me shqiptarët e besimeve të tjera, afërsisht njëlloj në gjithë Shqipërinë e Mesme sa ishin të pranishëm në Durrës, Tiranë, Elbasan, Librazhdë, Pogradec, aq ishin edhe në Strugë, Prespë, Dibër, Gostivar, Krushevë, Manastir këto janë venerimet shkencore të kohës. Pas luftërave ballkanike në Maqedoninë e sotme situata pati ndryshuar shumë në katrahurën e përgjakur të kombit tonë, pasi u zvogëlua numri i ortodoksëve, duke përjetuar dramën e asimilimit në forma dhe skenare të dorës së fortë shtet – kishë maqedonaso- serbe. Në këtë rrugë të asimilimit mbetën të paprekur për një kohë shqiptarët ortodoksë të Rekës së Epërme të Dibrës me fshatrat Duf dhe Jellovicë të Gostivarit, pastaj të fshtatraved Labinishtë afër Shën Naumit (Ohër) e ndonjë tjetër dhe pjesa tjetër nëpër qytete”, theksoi Karaçica.

Më tutje, ai përmendi intelektualin e Rekës së Epërme Josif Bageri,i cili duke qëndruar i fortë në tabanin kombëtar shqiptar, i ra grusht propagondës antishqiptare pati thënë më zë të lartë: Gjithë sa jemi shqyptra/,Kemi një gjak dhe një farë.../Nona që na rriti n,gji,/Të gjithë ne na ka fëmi. Për të vazhduar protestën intelektuale shqiptare:O,sa keq tash na turpnuet,/Se gjuhën e vet mohuet!/Dhe serbishten zut të msoni:/,,Vake take,,të na thoni. Kumtesa e Karaçicës zuri në gojë disa segmente historike të Republikës së Krushevës(1903),në organet e së cilës shqiptarët dhe vllehët kanë qenë të përfaqësues në mënyrë plotëisht të barabartë me maqedonasit.

Në punimet e simpoziumit folën Ilir Ademi për spektrin e jetës ortodokse në Çamëri,prof.dr.Lirim Neziri për disa kahe të trajtimit doviologjik dhe gjuhësor në ruajtjen e identitetit kombëtar të shqiptarëve në Amerikë në këto 25 vjetët e fundit,ndërsa Vait Kurtishi i bëri një vështrim asimilimit të shqiptarëve ortodoksë në kohën e pushtetit komunist(1945-1999).Me këtë rast u lexuan letrat përshëndetse të Departamentit të Historisë të USH të Tetovës të nënshkruar nga Prof.dr.Vebi Xhemaili,letra e Prof.dr.Lutfi Istrefi dhe urimi i ish konzulit në Çikago Muhamet Rakipi.Ndërkaq Prof.dr.Astrit Mehmeti(Universiteti Devraj)uroj nismën dhe punën e simpoziumit ndërsa Mahmut Skenderi shtroj nevojën që për temat e nxehta kombëtare shqiptare në Maqedoni si kjo e shqiptarëve të asimiluar ortodoksë në Maqedoni përmes një memorandumi të njoftohen përfaqësuesit në Kongres dhe Senatin amerikan në Shtëpinë e Bardhë në Ushington.

[Sharri-Liburna]

Shqiptarët ortodoks i sllavizuam krejt, muslimanët pjesërisht

Baki Sulejmani

Politika shqiptare kundër “Naçërtanies” dhe “Megaliideas” së Gruevskit (2)

Në fillim, shteti sllav komunist maqedonas menjëherë pas Luftës së dytë botërore, duke e shfrytëzuar kishën dhe fenë ortodokse dhe duke emëruar priftërinj me origjinë sllave nëpër kishat shqiptare në “ Maqedoni”, tjetërsuan shqiptarët e krishterë nga pjesa e Rekës , Tetovës, Dibrës , Shkupit e Gostivarit.

Kisha shqiptare ortodokse në Maqedoni u tjetërsua plotësisht

Me këtë akt, ata realisht edhe tjetërsuan pronësinë e kishës shqiptare në kishë sllavo-ortodokse. Pastaj ky tjetërsim i shqiptarëve ortodoks në sllavo-ortodoks, neve madje edhe na kushtoi shumë! Ngase shpeshherë në poligonin e dëshmive autoktone mbi kishat shqiptare , goditja më e forte na vinte nga këta të fundit. Kjo ka edhe një shpjegim të vet teorik e praktik, të tjetërsuarit nga kombi i vet, kanë qenë më të zellshëm kundër kombit që i takojnë realisht. Bile edhe më shoven e më të ashpër! Në vitet e 90-ta, politika dhe Akademia sllavomaqedonase përgatiten dhe realizuan edhe një akt tjetër me trajta të tjetërsimi , gjegjësisht ata nëpërmjet vasalëve dhe satelitëve të vet në trojet autoktone shqiptare , sërish në pjesën e Dibrës dhe të Rekës e gjetiu realizoi procesin e tjetërsimit absurd. Të gjithë ata mysliman-shqiptar që po flisnin gjuhën e imponuar sllave nga koha e sundimit serb i shndërruan në musliman-sllavomaqedonas, në cilësi të kombit, që edhe sot në fletët e regjistrimit të popullsisë i gjen nën grafën (kolonën) e veçantë si të tillë. Ndërsa shqiptarët autokton që janë me punë të përkohshme jashtë vendit i fshijnë nga këto lista. A ka absurditet më të madh se kjo, a njihni ndonjë sllav – mysliman? E ne, këtë e përtypim! Vaj halli ç’na prêt!? Politika e sotshme sllavomaqedonase dhe pushtetit të tyre absolut me asgjë nuk dallon nga këta të parat. Bile kjo politikë tipike naciste e unitariste vrastare sllavomaqedonase, në krye me një hibrid serbo-grek, po kalon edhe logjikën njerëzore. As që mund të bëhet fjalë për demokraci, vlera demokratike , standarde demokratike apo hapësira demokratike. I vetmi model i realizimit të së drejtës për të qenë në pushtet dhe i pushtetshëm është modeli totalitar. Dhuna dhe terrori shtetëror ushtrohet e manifestohet gjithandej. Shqiptarët janë element tallës e poshtërues për pushtetin, robëria , varshmëria dhe varfëria po troket në dyert e çdo qytetari shqiptar në “ Maqedoni” , premtohet shumë, politika shqiptare edhe sot e kësaj dite është pa projekt strategjik kombëtar, ata sillen sikur asgjë nuk ndodh! Turren pas shkeljes së lirisë së fjalës të një medium sllav, e heshtin për robërinë e popullit të vet, heshtin për burgosjet e kota, heshtin për vrasjen e Harun Aliut dhe shokëve të tij, heshtin para terrorizmit shtetëror sllavomaqedon mbi shqiptarët! Paradokse kohore politike, shëmtime intelektuale, gjumësia studentore dhe agonia popullore vërehet gjithandej.

Lufta për përvetësimin e Skënderbeut dhe Nënë Terezës

Pushteti unitarist sllavomaqedon, edhe pas një lufte e sakrifice, që në fillim atakoi indin shqiptar me trillimet e tyre për heroin tone kombëtar Gjergj Kastrioti – Skënderbeu-un, duke sajuar gënjeshtra dhe huti në vend, me ato pretendimet e paskrupullta për prejardhjen e heroit tonë, duke e përshkruar atë me origjinë mijake-sllave nga lindja e vendit, dhe kjo nuk është rastësi, cenimi i përkatësisë etnike të nobelistes shqiptare Nënë Tereza , nuk është rastësi, projekti “Shkupi 2014” me ato luanë dhe heronjtë jo maqedonas si dhe sllavizimi i qytetit me para shqiptare , nuk është edhe kjo rastësi. Enciklopedia famëkeqe, vrasjet dhe burgosjet të aktivistëve të çështjes shqiptare, nuk janë rastësi, shtypja institucionale, ligji natalitetit, ligji regjistrimit, dhuna dhe ofendimet , nuk janë rastësisht , por të gjitha këta janë të planifikuara dhe aranzhuara mirë nga pushteti dhe shteti vrastar sllavomaqedon dhe kanë një mesazh : “ O do të nënshtroheni, o do t’iu nënshtrojmë “ !

Përkundër kësaj politike, përkundër këtyre programateve sebo-greke, e që realizohen mbi supet e shqiptarëve e nga dora e këtij xhuxh-maxhuxhi histerik, i cili për çdo ditë e më tepër po i rikombinon dhe dizajnon politikat antishqiptare, politika shqiptare vazhdon të jetë fortifikatë dhe legjitimuese besnike e këtij shteti vrastar dhe politikave të saja shfaruese e ofenduese. Në instancë të fundit , politika shqiptare pas gjithë atij kapitali të luftës e rrënojave, hirit dhe shpresës, nuk arriti që së paku shqiptarët t’i inkoprorojë në sistemin juridiko-kushtetues si komb sovran dhe shtetformues. Ata edhe më tej mbeten me një status mjaft qesharak dhe poshtërues në margjinat e pakicës kombëtare. Këtë e dëshmojnë shumë gjëra. Gjuha shqipe mbetet gjuhë lokale, ashtu siç ka qenë, së paku politikanët të kërkonin zbatimin e parimit të reciprocitetit. Gjuha serbe është gjuhë zyrtare në të gjitha institucionet e territoret e Kosovës. Flamuri në nivel lokal, statusi juridik i shqiptareve i pazgjidhur, sikur edhe statusi i dëshmoreve , invalidëve etj, etj. Të gjitha këta flasin për politikën defanzive që po zbaton politika aktuale shqiptare në “Maqedoni”. As që them diçka për rolin e zëvëndëskryeministrit i cili njëherësh edhe as që është i thirrur për implementimin e MO-së, ngase ai ka më tepër rolin e “ kukullës” “ sesa rolin e vërtet politik e diplomatik.

Kjo cirkusiadë e nënshtrimit politik, ka toaletin e bukurisë surealiste-moderniste, pikërisht derisa dje politikanët tanë pritnin e takonin Maks Van Der Shtulin, i cili merr rrogë për realizimin e të drejtave të minioriteteve, tash partia në pushtet me zell të madh prêt e përcjell minoritarin tjetër, me ato sajesa integruese ( asimiluese),arsimore , z. Knut Volebek ! Me këso lloj politikash ne vetëm se e vulosim vdekjen tonë, me kësi soj politikash e takimesh anormale në një situatë të “ ceteris-parubus-it” politik,social e ekonomik ne lirisht edhe mund të tjetërsohemi. Këto lëshime janë lëshime të rënda teorike dhe praktike, dhe me pasoja edhe më të rënda politike. Tash pason një pyetej logjike : Çka jemi ne minoritet , apo komb ? Kujt i shërbejmë ? (Autori është koordinator politik në LDSH)

[Sharri-Liburna]

http://agim.poeticforum.com/t18751-p...-te-maqedonise

http://www.youtube.com/watch?v=u2YbB6ryIDU