Miqte e Presidentes

[Gameness]

Miqte e Presidentes

Qendra.info

Prishtinë, 23 gusht - Presidentja Atifete Jahjaga nuk ndodhet në Vlorë vetëm për pushime. Ajo po punon për krijimin e Grupit “Miqtë e Kosovës”, ku do të përfshihen ish-diplomatë ndërkombëtarë. Ata do të angazhohen për përmirësimin e imazhit të Kosovës dhe për njohje. MPJ’ja dhe Behgjet Pacolli nuk dinë gjë për këtë nismë. Presidenten po e ndihmojnë edhe përfaqësues të shoqërisë civile, shkruan Express.
Presidentja Atifete Jahjaga do të kthehet nga pushimet në Vlorë me ide të qartë për krijimin e Grupit “Miqtë e Kosovës”, të cilën e ka paralajmëruar disa herë gjatë muajve të fundit.
Ajo synon të mbledhë në një grup “figura të shquara ndërkombëtare që do të lobojnë dhe do të punojnë për imazhin e vërtetë të Kosovës”.
Burime të kësaj të përditshmeje kanë thënë se Presidentja do të diskutojë për këtë çështje të martën dhe të mërkurën në Vlorë. Për konkretizimin e kësaj ideje, atë do ta ndihmojnë edhe përfaqësues të shoqërisë civile. Sipas burimeve, atje ka udhëtuar edhe Luan Shllaku nga Fondacioni i Kosovës për Shoqëri të Hapur (KFOS), për të cilin thuhet se është i pari që ka lansuar idenë për krijimin e grupit të miqve ndërkombëtarë, në vitin 2008.
Burime të kësaj gazete kanë folur me kusht anonimiteti për funksionalizimin e grupit të miqve të Kosovës. “Kjo ide aktualisht ndodhet në fazën embrionale, por megjithëkëtë nga e marta gjërat do të fillojnë të hidhen në letër për funksionalizim të shpejtë të grupit. Kjo ide e Presidentes po bëhet tani për t’u përfshirë edhe ajo në procesin e lobimit, por në një mënyrë tjetër, nëpërmjet anëtarëve të këtij grupi që do të formohet”, ka thënë ai. /Qendra/

[Vidasusi]

Një ide shumë e mirë, që besoj të ketë fryt, pasi që dihet se edhe ish-ambasadorët kanë një fuqi ndikimi!


P.S. I love her!

[Brari]

cdo shqiptar duhet te bej dicka per kosoven pamvaresisht ku eshte e cfar kapaciteti ka..

edhe presidentja mir ben ne se ben dicka..
edhe pacolli mir ben..

pra suksese te gjithve..