Greva e minatoreve, Bulqize

[drague]

http://www.youtube.com/watch?v=C-GFqhCq2HA

ne kohen e joplin keta minatoret hanin Dhe dhe nuk e hapnin gojen.

trecereku kane spiuna te sistemit.na u bene trima tani?

[prenceedi]

Te shkretet minator........shkaterojne shendetin e tyre per te mbushur xhepat e dikujt tjeter.

[Brari]

zbor po i ben celulari beqo xhelil ilirave ketire minatoreve kokeshplare me enverizem kuqobulqizak..

futi dil..futuni..dilni.. cingeron celulari tek ai sindikalisto kurt kol nikolla kolaj a si e ka..
o po mir u a bën o shoku bllokqën qe e ke per detire nga qendra ti ngordhesh ata minjtë.. per llogari te allateve te ed vin mimo kordheles..

..

[DYDRINAS]

Më shumë se dhimbje për qytetin tim, Bulqizën

SELAMI XHEPA

Nuk e kam aspak emocionin dhe as pështjellimin që të më mundojë së brendshmi nëse do të rivotohem të jem deputet ose jo. Fatmirësisht jetojmë në një botë me mundësira të pakufishme dhe po aq sfiduese, qoftë në planin profesional, apo dhe të përgjegjësisë qytetare. Gjëja më e rëndë dhe peshuese që besoj se rëndon te çdo person publik apo politik i ndershëm, është një shprehje hidhëruese e të madhit Mark Tuen, që shkruante diku: “Sot më ka ndodhur gjëja më e çuditshme në jetë; kam parë një politikan të fuste duart në xhepin e tij”. Por, në pozicione të tilla, gjithkujt, herët apo vonë, mund t’i qëllojë të bëhet pjesë e debateve të tilla dhe pendesën apo barrën më të madhe të ndërgjegjes gjithkujt i bie ta ballafaqojë me moralin e vet individual. Dramat më të mëdha dhe të rënda për një njeri janë ato të ndërgjegjes, që individi i vuan brenda shpirtit të tij. Zoti i mëshiroftë këta njerëz, kushdo qofshin ata – do të ishte një fjali kristiane për raste të tilla, edhe pse njerëz të tillë i kanë harruar apo kurrë nuk i kanë mësuar leksione të tilla të moralit të shëndoshë.
Si deputet i Bulqizës e kam përcjellë dhe vazhdoj ta përjetojë me shumë dhimbje dhe keqardhje gjendjen në qytetin tim, paraqitjen në ekranet televizive të jetës në qendrat minerare, siç është Bulqiza, por jo vetëm ajo, me një paralele të dukshme për standardet e një shoqërie paraindustriale të fillimshekullit të 19-të. Sipas meje, kjo është drama e dhimbshme e kushteve të jetesës së banorëve në pothuaj të gjitha qendrat minerare të krijuar rishtas në vitet e komunizmit dhe që vazhdojnë të jenë trashëgimia më e trishtë e asaj kohe. Nga Martaneshi në Kurbnesh, nga Selishta në Tërrnovë, nga Kërraba e Valiasi, tek Memaliaj e Përrenjasi, sot ndesh vetëm histori – kryesisht trishtuese – tek vështron gjeografinë e transformuar dhe mjedisin e shkatërruar që kanë lënë pas, si dëshmi të çmimit të suksesit të viteve të socializmit! Burimet e dikurshme të pasurimit të Shqipërisë u shndërruan në “varreza” gjigande për banorët e këtyre zonave. Malet me gur që i rrinë mbi kokë qytetit tim, janë perdja e trishtueshme e zezë e viteve të komunizmit, të viteve kur minatorët dërgoheshin në “të dielat e Enverit” drejt vdekjes së sigurt dhe kur varfëria ishte rraskapitëse (edhe pse në memorien e dikujt mund të jenë ngulitur si mallëngjyese ditët kur në klub dilte birrë dhe qyteti dukej se ishte në festë apo kur në dyqan shiteshin këmisha sintetike, si gjithmonë me një numër të mjaftueshëm për më të fortët dhe stoikët e radhëve të gjata). Edhe pse gjendja është disi ndryshe sot, sërish në raport me standardet e kohës ku jetojmë realiteti vazhdon të peshojë rëndë në të gjithë ndërgjegjen e kombit – sepse me ato ton kromi të nxjerra, u ndërtua Shqipëria, por u varfërua dhe u rrënua Bulqiza dhe qytetet e tjera tashmë më shumë fantazma të së shkuarës.
Zakonisht thuhet se djalli qëndron te detajet, dhe unë nuk i njoh detajet e kontratës koncesionare, kush punon e kush nuk punon si kontraktor apo nënkontraktor, si transportues apo si tregtar, sepse asnjëherë nuk kam menduar dhe nuk mendoj se këto hyjnë në detyrat e një deputeti. (Dhe unë jam i parimit që në jetë bën mirë që secili të shohë e të bëjë mirë punën e vet.) Por, nuk përjashtohet aspak që persona të caktuar, me apo pa asnjë lidhje politike, që duken herë si qengja e herë si ujqër të veshur me lëkurën e qengjit, të nxjerrin përfitime të pamerituara dhe të mos e marrin kurrë ndëshkimin e drejtësisë. Edhe pse, pra, çështja e këtij koncesioni është shumë komplekse, disa të vërteta janë më se të dukshme.
Kjo çështje filloi në vitin 2001, me një kontraktor të “psonisur” diku nga vendi fqinj, në një mënyrë që nuk është bërë asnjëherë publike e transparente, për të cilën nuk ka asnjë dokument të bërë publik se si është përzgjedhur, si është negociuar, si është arritur në lidhjen e kontratës dhe kjo kontratë mbeti jetime deri në vitin 2006-2007, kur minatorët filluan protestën e tyre. Në më shumë se 5 vite kompania kishte krijuar një mal me borxhe të pashlyera si ndaj subjekteve private apo publike dhe nivelet e pagave ishin të barabarta me ato të fasonistëve që presin e qepin këmisha nëpër shtëpi.
Kontraktori i ri, me gjithë të metat dhe mosrealizimet që janë evidentuar dhe bërë publike nga raportet e zyrtarëve të qeverisë (nuk mund të ketë raporte konfidenciale kur ato shkruhen nga 20 specialistë) dhe për të cilat janë vendosur edhe penalitete sipas rregullave të kontratës, ka bërë disa përpjekje për ta ndryshuar jetën në minierë, duke përmirësuar pagat, kushtet e punës, standardet e sigurisë dhe disa vepra bamirësie, si një zhvillim modest i përgjegjësisë sociale të firmës. Koniunktura e favorshme e çmimit të metaleve në tregje, sigurisht që rrit me të drejtë edhe pretendimet e punëtorëve, të komunitetit dhe të gjithë shoqërisë që edhe përfitimet e tyre të jenë më të mëdha dhe në raport të drejtë me fitimet që krijohen në këto rrethana. Për këto arsye, gjithmonë i kam konsideruar të drejta kërkesat e tyre dhe në kërkimin e këtyre të drejtave minatorët kanë pasur si mbështetje edhe qeverinë dhe të gjitha strukturat e shtetit. Megjithëse me vonesë dhe në një mënyrë të sforcuar, kompania koncesionare i pranoi kërkesat e minatorëve dhe, kur ishte gati të nënshkruante marrëveshjen, u shtua edhe një kusht tjetër për ndryshimin e drejtorit lokal të firmës, një çështje që prek direkt në të drejtën private të çdo individi më raport me punëdhënësin e vet. Një çështje e tillë, të cilën po e sjell në këtë shkrim vetëm për aq sa me të lidhet ky ngërç që është krijuar, pasi kjo është një çështje tërësisht private e atyre dy personave – drejtorit dhe pronarit të kompanisë, – në mendimin tim nuk mund të përdoret si një kauzë minatorësh, njerëz që në perceptimin tim dhe besoj edhe të publikut, mbeten simbol i dëlirësisë dhe pastërtisë shpirtërore, sepse djallëzinë jua kanë lënë njerëzve të mbitokës. (Meqenëse dëgjova në një emision të TCH një kryesindikalist që po aludonte sikur unë si deputet mbështes drejtorin, do të shuaj kuriozitetin e lexuesit, të ndonjërit që mund të ketë ndonjë kuriozitet të tillë, se në minierën e Bulqizës kam lidhje personale dhe interesi të drejtpërdrejtë vetëm me dy njerëz, të cilëve u kërkoj shumë ndjesë që po i përmend publikisht – me kunatin dhe me vëllanë tim që punojnë si punëtor krahu duke shtyrë vagonët e kromit në galeri. Me gjithkënd tjetër më lidh vetëm interesi publik dhe përgjegjësia ime qytetare ndaj tyre).
Ajo që po ndodh në Bulqizë sigurisht që ka ngritur shumë pikëpyetje dhe pyetje të ligjshme, që kërkojnë të adresohen në interesin më të mirë publik. Por, përtej efikasitetit dhe ekonomizimit të shfrytëzimit të burimeve natyrore, çështja e korrupsionit është kryetema me pasojat më shkatërrimtare për moralin dhe të gjithë fabrikën sociale të shoqërisë. Në gjithë historinë njerëzore, njeriun më shumë se varfëria e ka munduar padrejtësia. Prandaj, si deputet i këtij qyteti kam ndërmend t’i propozoj grupit tim parlamentar dhe parlamentit të mbështesë një iniciativë ligjore për rritjen e transparencës publike të kompanive koncesionare që punojnë në shfrytëzimin e pasurive natyrore të vendit. Në një përpjekje ligjore për të rritur detyrimin e kompanive për informim publik, do të propozoj që në ligjin minerar të përfshihen nene specifike për të detyruar kompanitë të publikojnë çdo pagesë që ata kryejnë (Publish what you pay!) dhe regjistri i pagesave të jetë i hapur për inspektim publik, sipas një mekanizmi që të lejojë transparencën më të lartë të publikut për çdo transaksion të kompanive koncesionare. Po kështu, publiku dhe këshilli i qytetit të jenë administratorët e të ardhurave që krijon qyteti nga vjelja e rentës minerare, një risi që është futur për herë të parë në praktikën e vendit tonë që nga ky vit. Të jenë vetë minatorët dhe ish-minatorët që të përcaktojnë se çfarë projektesh të zhvillojnë për qytetin.
Si një apel të fundit, u drejtohem sërish minatorëve në grevë që t’i bëjnë thirrje arsyes për të rikthyer normalitetin në jetën e qytetit. Të dëgjojnë zërin e familjeve që po hyjnë në vështirësi për mbijetesë, të fëmijëve të shkollave që nuk kanë me se të paguajnë librat dhe mjetet mësimore. Kushdo që po e instrumentalizon këtë lëvizje sindikaliste për qëllime personale apo për llogari politike, do të mbajë mbi vete edhe peshën e rëndë të padrejtësisë që po i bëhet qytetit tim, Bulqizës.

*Deputet i qarkut Dibër

panorama

[DYDRINAS]

Opozita tek minatorët në Bulqizë

21/09/2011 21:00


Përfaqësues nga opozita e bashkuar kanë udhëtuar mesditën e së mërkurës drejt Bulqizës për të parë nga afër gjendjen e minatorëve grevistë.

Deputeti Saimir Tahiri, Kurt Kola dhe Petro Koci janë takuar me minatorët grevistë të cilët krahas përballjes me këtë grevë urie kanë shprehur edhe shqetësimin për një hakmarrje ndaj fëmijëve të tyre të orkestruar nga Drejtoria Arsimore.

“Fëmijët tanë nuk kanë lekë për të shkuar në shkollë. Dil nga greva, shko në shtëpi, fëmija të lutet për 100 lekë. Kjo është një katastrofë! Sot Bulqiza, që duhet të ishte thesari më i cmuar, po
Genc Ruli duhet të ishte para drejtësisë. Të paktën të kishte mirësinë ky shtet që t’u jepte përgjigje minatorëve. Të gjithë ata nuk janë skellevër as të Rulit e as të kujtdo tjetër vuan”, ka deklaruar një minator.

Nga Bulqiza deputeti Saimir Tahiri ka komentuar edhe deklaratat e ministrit të Bujqësisë Genc Ruli, i cili ftoi opozitën t’i dërgonte provat në prokurori.

“Genc Ruli ka dalë prapë sot në konferencë për shtyp dhe ka thënë se do ta zbardhë cështjen e Bulqizës dhe sipas tij, ne kemi bërë akuza të padrejta ndaj tij. Ruli duhet të ishte para drejtësisë. Të paktën të kishte mirësinë ky shtet, ose kjo qeveri, që t’u jepte përgjigje minatorëve. Të gjithë duhet të thoni se, nuk jeni skellevër, as të Rulit e as të askujt tjetër”, ka deklaruar Tahiri.

PS: Të tjera fakte për kromin

Deputeti dhe kreu i Partisë Socialiste për Tiranën, Saimir Tahiri ka ritheksuar akuzat ndaj Genc Rulit dhe zv/drejtorit të Përgjithshëm të Policisë, Agron Kuliçaj si të lidhur me kondrabandën e kromit dhe shkelje të tjera në sektorin minerar.

Pavarësisht padisë së dy zyrtarëve të lartë, zoti Tahiri tha se socialistët do të vazhdojnë hetimet e tyre mbi skandalet e njëpasnjëshme ku janë të përfshirë jo vetem Kuliçaj e Ruli, por sipas tij edhe drejtues të tjerë qendrore e lokalë.

“Nuk kam gënjyer kur kam thënë se në Bulqizë po konsumohet një Gërdec i heshtur, nuk kam gënjyer kur kam thënë se minatorët po vuajnë korrupsionin e qeveritarëve, nuk kam gënjyer se sot bëhet kontrabandë minerar, nuk kam gënjyer kur kam thënë se Genc Ruli ka shtyrë gjobat për firmën konçesionare në Bulqizë”, thotë deputeti Tahiri.

Sipas socialistit Tahiri, çështja e kromit në Bulqizë do të zbardhet plotësisht ndaj, sic tha ai, zyrtarët e qeverisë bëjnë mirë të japin përgjigje për to e të mos ngrenë padi të kota që synojnë të shmangin vëmendjen nga skandalet

“Është për të ardhur keq që po të njëjtët njerëz të cilët duke korruptuar drejtësinë kanë mbyllur skandalet e tyre, sot po keqpërdorin drejtësinë për t’i mbyllur gojën opozitës. Ulja e reputacionit është cinike dhe qesharake. Nëse Ruli reputacionin e fiton me milionat që fiton me korrupsionin, unë nuk mund të heq dorë nga e vërteta”, deklaron zoti Tahiri.

Pak ditë pasi deputeti Tahiri publikoi në parlament dokumente që sipas tij provojnë abuzimet e Rulit, në kohën kur drejtonte Ministrinë e Ekonomisë, Ruli njoftoi dorëzimin e një padie për shpifje ndaj Tahirit. Të njëjtën padi ngriti edhe zv/drejtori i Përgjithshëm i Policisë, Agron Kuliçaj.

“ACR e krijuar nga njerëzit e Rulit”

Që nga shfrytëzimi i pasurive minerare të Bulqizës nxirren përfitime të konsiderueshme, këtë e dëshmon numri i dhjetëra firmave private që punojnë në minierën e Bulqizës.

Në këtë histori të komplikuar shoqërish tregtare, që kanë përfituar disa dhjetëra miliona dollarë në vit nga shfrytëzimi i minierës së Bulqizës, opozita dëshmoi se ka patur marrëveshje zyrtare për të toleruar shkeljen e marrëveshjes nga ACR-ja.

Një marrëveshje, që sipas deputetit Sajmir Tahiri, është shndërruar në një marrëdhënie korruptive, ku në epiqendër ai vendos ish-ministrin e Ekonomisë Genc Ruli. Fillimisht, Tahiri deklaroi emrat dhe lidhjet e përfaqësuesve të Darfo dhe me pas të ACR-së, të cilët sipas tij rezultojnë të jenë pothuajse të njëjtët.

“Përfaqësuesit kanë qenë Eduard Belegu, ish-funksionar i Metës dhe Kristo Robi, që Genc Ruli e njeh shumë mirë. Ky i fundit, shok klase dhe mik i ngushtë me Rulin. Duket se me miratimin e Rulit, shoku i tij të drejtën për të shfrytëzuar minierën e kaloi nga Darfo tek ACR, që e kishte krijuar vetë”, deklaroi Tahiri.

Për ish-ministrin e Ekonomisë Genc Ruli, deputeti Tahiri tha se në 17 shkurt 2009 kishte pezulluar marrëveshjen me ACR-në dhe vetëm dy ditë më vonë kishte firmosur më ta një marrëveshje për të shtyrë me disa vjet planin e investimeve.

Më pas, sipas zotit Tahiri, ministri Ruli kishte pranuar më 9 korrik, një ditë pas kërkesës së ACR-së, të modifikonte sërish marrëveshjen, këtë herë për të shtyrë shlyerjen e penaliteteve, të vendosura po prej tij.

Modifikimi i kësaj marrëveshjeje nuk u miratua në Parlament dhe Partia Socialiste thotë se ajo është e pavlefshme.

“Më e pakta që mund të kuptohet ishte qarku i shkurtër dhe kontrata nën tavolinë e bërë nga Genc Ruli dhe shoku i tij në ministri”, theksoi deputeti Tahiri.

top-channel

http://www.top-channel.tv/artikull.php?id=219157&ref=fp

[shigjeta]

Ne cilin vend te botes drejtuesit ne kompani private shkojne e vine sipas kerkesave te puntoreve?!

Minatorët e Bulqizës ende pa marrëveshje me kompaninë ACR


Në Shqipëri ka dështuar edhe sot përpjekja për arritjen e një marrëveshjeje mes minatorëve të Bulqizës dhe drejtuesve austriak të shoqërisë “Acr” e cila ka në administrim minierën.

Pas një takimi disa orësh në Tiranë, përfaqësuesit e minatorëve kanë dalë të pakënaqur duke deklaruar se nuk ishte arritur një rezultat dhe se drejtuesit e “Acr” sipas tyre nuk I kanë plotësuar të gjithë kërkesat.
Prej tre ditësh minatorët e Bulqizës kanë nisur grevën e dytë të urisë në një ambient pranë zyrave të “ACR”. Shoqëria sot ofroi një marrëveshje me 7 pika ku pranohet rritje e pagës me 20 përqind, përmirësimi I kushteve të punës dhe realizim i investimeve. Cështja kryesore e pazgjidhur mbetet ajo që lidhet me kërkesën e minatorëve për largimin e drejtorit të minierës.

Greva e minatorëve të Bulqizës u vu në qendër edhe të seancës së javës së shkuar të parlamentit. I thirrur në një interpelancë ministri I Ekonomisë Nasip Nace fajësoi sindikatat për mosarritjen e nje zgjedhjeje duke i akuzuar ato se janë të mbështetur nga grupe të tjera financiare. Ndërsa deputeti socialist Saimir Tahiri, akuzoi përfaqësuesit e qeverisë për korrupsion në marrëveshjen koncesionare të minierës së Bulqizës.

Armand Mero - VOA

[shigjeta]

Ruli, Ramës: Bulqiza, flluskë si skupi i Griseldës

TIRANË- Ministri i Bujqësisë, Genc Ruli ka reaguar sot përmes një deklarate për mediat për akuzuat e opozitës dhe kreut të saj, Edi Rama për koncensionet në minierën e Bulqizës.
Ruli ka deklaruar se korrupsioni nuk luftohet me mllef dhe skandale të sajuara, si eka zakon Rama por me hetime serioze, që i besohen institucioneve. Deklarata vjen pak dite pas thirrjes se Rames drejtuar prokurorise, per marrjen e Rulit si te pandehur per shkaterrim te prones publike dhe shperdorim detyre.
“Rama i ka mundësitë t’i shfrytëzojë, por ai nuk ka motiv se ka historikun e tij në marrëdhëniet e tij me drejtësinë, kur atë e mbërtheu paniku për skandalet e bëra në bashki dhe në vend të jepte shpjegime në komision, këndonte, apo kur e shndërroi në bunker bashkinë për të asgjesuar provat dhe manipuluar shkreat dokumentare”- tha ai.
Sipas Rulit do të zbardhet shumë shpejt i quajturi megaskandali i kromit dhe Bulqizës, që nuk është tjetër vecse një flluskë e ngjashme me skupin e Griseldës.
Skup, që sipas tij nuk ndryshon as nga ligësia dhe as nga paturpësia me të cilën u shfrytëzua.
Ruli i ka kujtuar Ramës se ai ka ardhur në politikë jo si individ i dështuar në porofesion, por me reputacion të konfirmuar. “Edi Rama është udhëheqësi më i dobët i opozitës që ka krijuar tipar unik, këdo që sheh si shkaktar të humbjes e konsideron armik”- tha Ruli, duke shpjegur mllefin në sulmin ndaj tij, humbjen e bujshme të njësisë 5 në zgjedhjet për kreun e bashkisë, njësi që Ruli kishte në patronazh. “E siguroj Ramën se mbetem kockë e sertë për dhëmbët dhe intrigat e tij”- tha ai.

Panorama

[Brari]

bravo edvini i anetes..

ne athine.. e zadrime.. ne qishbardhe e zalldardhe.. ne frakull vadhize e bulqize.. gjen raja qe behen gjize.. per allatet e edvin roze selisë..

sa te gatshem te mjeret per te ngordhur per shokin ed ver..

me otopuza vijne te han plumba ne bulevard e beu vete rri atje lart..
tak me sy tak me qepalle.. ed e ruc e tak ngjale.. tek fideli bejne pallë..

nga sardenja ben nje xërr..
bulqizaket.. belldum ne minierë..

ai ha berxolla karkaleca..
ata zvarre posht 1000 metra..

mir u a ben ore usta..
kijua nenat qe te te thon baba..

..

mir tha arvizu..
edvinua tha eshte artist i vertete.. magjistar fare..

..

[Brari]

u arrit marrveshja para ca ditesh..
u plotsuan kerkesat e minatorve..

mirpo.. seli rozi..ka pllan tjater..
bulqizaket duhet te perdoren si zivera..

dhe ata per partine nuk pyesin..
u mjafton nje celular nga seli rozja e yxhym perseri ne greve..
vetem na gjeni ndonje "arsye" o shokëni nga qendra se ne gati jemi ty hyjme si zhapiker besnike ku te na thoni ju..ndac 1000 ndac 1500 metro poshte..
dhe qendra cefesht u a xhejti .. klecken..e ata.. si perhere ne sherbim te partise sokoleshe..
partia shokë do ndonje te ngordhur nga ju.. nuku beni mire qe duallet pa ngordhur ndonje m.ut prej jush.. sepse.. ju e dini qe kemi nevoje si seli parti.. ti themi saliut o vrases ..qe vret hekurana e minatore azgana.. prandaj o qelbaniker.. futuni perseri..e mo dilni pa ngordhur ore..
si urdheron o shoku i deleguar.. ne vërrë te semes do hyjme e pa ngordhur nuku e lëmë..

he me ta lumsha moj parti..

---


Paga e 13-të, minatorët e Bulqizës bllokojnë galerinë 39, kërcënojnë me grevë




BULQIZE- Minatort e Bulqizës ashtu scic kishin paralajmëruar një ditë më parë kanë rinisur mëngjesin e sotëm rreth orës 7:00 protestat.

72 minatorët e zonës D në minierën e Bulqizës kanë bllokuar galerinë 39 dhe kërcënojnë se do rinisin grevën nëse kërkesat e tyre nuk plotësohen.

Ky paralajmërim vjen pasi ata nuk kanë marrë pagën e 13-të e premtuar nga ACR.

Sipas minatorëve kompania koncensionare austriake ACR ka deklaruar se pagesa e minatorëve do bëhet nga nënkontraktorët. Nga ana tjeter, këta të fundit pretendojnë se pagesa e 72 minatorëve duhet tu jepet nga ACR.

Përplasja ACR –nënkrontraktorë ka lënë në një gjendje të vështirë minatorët të cilët shprehen se ACR dhe nënkontraktorët nuk mbajtën premtimet e bëra gjatë arritjes së marrëveshjes ndërmjet palëve.

Minatorët deklarojnë se asnjëra palë nuk paguan rrogën e 13 dhe ditën e lejes, duke hedhur përgjegjësitë njëra-tjetrës ndërsa janë shprehen të vendosur se do të vijojnë protestat në zonën D të galerisë së Bulqizës deri në marrjen e rrogave dhe plotësimin e gjithë kërkesave që u janë premtuar.

Minatorët e Bulqizës u rikthyen në punë pas 3 muajve ndërprerje të saj, pas arritjes së marrëveshjes me kompaninë konçesionare ACR.

(e.m/BalkanWeb)

[Brari]

me ne fund.. edvini e korri fitoren ne bulqize..

dha e mori per te sajuar ndonje te vdekur atje..dhe me ne fund i buzeqeshi djallezia..

he me lumte o edvin rucaj..

hekuranin nga zalldardha vate e gjete ne athine dhe e cove ne bulevard ku ja ndreqe mire samarin..
nashti dhe nje bulqizak.. e cove ne te semes..

---


ja cthot ballkan vebi i edvinit te ina rames..


---


18 Tetor 2011 - 15:35 | Shqiperi TRANSLATE



Bulqizë, shpërthen gazi në pus, vdes 1 minator 8 plagosen, 3 rëndë




BULQIZE-Sot një shpërthim i fuqishëm në një pus të minierës së Bulqizës tronditi qytezën e vogel. Disa minatorë kishin hyrë në nivelin e 16 të minierës për të matur gazin, kur ndodhi shperthimi. 8 minatorë qe punonin nje nivel me poshte, ne te 17-in u nxorrën të plagosur fillimisht. Gjendja tepër e rëndë e 3 prej tyre solli nevojën për transportim me helikopterë drejt Tiranës. 2 minatorë rezultuan të zhdukur. Pas 1 ore kërkimi, 1 prej tyre u gjet i pajetë në pus, kurse një tjetër u nxorr gjallë. Pusi administrohet nga firma ACR, ndaj së cilës minatorët prej 3 muajsh vijojnë greva e protesta me qëllim përmirësimin e pagave dhe kushteve në punë. RISHM dyshon se pati shperthim gazi te paparashikuar. Nderkohe vijojne hetimet per zbardhjen e ngjarjes, drejtori i minieres, Medi Zogu sjell fakte sesi mund te kete ndodhur ngjarja. ACR disa ore pas ngjarjes u shpreh se hetimet do percaktojne shkakun e ngjarjes se rende. Minatorët nuk kanë qenë duke punuar në minierë. Ka qenë përfundimi i mbledhjes së Task Forcës për shpërthimin nga i cili humbi jetën një minator dhe u plagosën 8 te tjerë. Bdërkohë që Task Forca ka kërkuar të verifikohet leja e ACR për ndërhyrjen ne minierë. Gjendja e 2 prej 3 minatorëve që u sollën në gjëndje të rëndë në Spitalin Ushtarak nuk dihet. Prej mëse 5 orësh ato ndodhen në sallën e operacionit.

2 MINATORË VIJONË TË JENË NË SALLËN E OPERACIONIT
Ora 15:35 Dy prej minatorëve të cilët janë sjellë për kurim në Spitalin Ushtarak të Tiranës vijojnë të jenë në sallën e operacionit. Ndërkohë mësohet se mjekët nuk japin ende një përgjigje për gjendjen shëndetësore të minatorëve të plagosur. Pak minuta më parë një mjek i Spitalit Ushtarak doli para gazetarëve ku bëri vetëm një ekspoze të dëmtimeve të tre minatorëve.

Bazri Toska dhe Hajri Koci janë dy minatorët të cilët prej 5 orësh po i nënshtrohen një ndërhyerje kirurgjikale, ndërkohë mësohet se minatori Zaim Përkola ndodhet në gjendje më të mirë për jetën.

Nga spitali gazetari i NEWS24 raporton se ka pasur edhee mungesa me furnizimin e gjakut të të lënduarve.


KËSHILLTARI I PRESIDENTIT TAKON MINATORËT
Ora 15:18 Këshilltari i Presidentit Maksim Cikuli ka vizituar tre minatorët e shtruar në spitalin Ushtarak në Tiranë.

Këshilltari i Presidentit ka zhvilluar takime edhe me familjarët e të plagosurve duke shprehur gjithë mbështetjen e Presidencës për gjendjen në të cilën ndodhen minatorët e Bulqizës.

TASK-FORCA: TË NISIN VERIFIKIMET PËR NGJARJEN
Ora 15:15 Të nisin verifikimet për ngjarjen. Ky ka qenë vendimi i Task Forcës në përfundim të mbledhjes ermegjente pas shüpërthimit të sotëm në Bulqizë. Task Forca ka kërkuar që të kryhen të gjitha verifikimet për ngjarjen e ndodhur, ndërkohë që ka kërkuar të verifikohe edhe leja e ARC për ndërhyrjet që ka bërë në galerinë ku ndodhi shpërthimi.

Zv/ministri Alibali kërkoi të verifikohen të gjtiëh dokumentat e nevojshme tek firma ACR nëse Reparti i Inspektim Shpëtim Minierave ka dhënën urdhër apo jo që të fillojë puna në këtë front.

Nga ana tjetër drejtuesit e RISHMN se minatorët nuk kanë qenë duke punuar në në momentin e shëprthimit, ndërkohë që konfirmuan se minatorët kanë qenë duke punaur në një tubacion pët të cilin nuk ishin të specializuar pasi ato oi përkisnin vetëm sektorit të grumbullimit.

RAMA VIZITON MINATORËT E PLAGOSUR, OPOZITA DO VENDOSË DREJTËSI
Ora 14:46 Kryesocialisti Rama ngushëlloi minatorët për humbjen e kolegut të tyre, ndërkohë i uroi shërim të shpejtë të plagosurve. Kryesocilisti Rama premtoi se opozita me të ardhur në pushtet do vendosë drejtësi për atë që ai e quajti plagë e korrupsionit shtetëror.

“Kryetari i opozitës garanton bulqizakët dhe mbarë qytetarët shqiptarë se me të ardhur në qeveri Aleanca për të Ardhmen do të bëjë drejtësi për të gjitha plagët e tmerrshme të korrupsionit shtetëror”,- theksoi Rama.

KOL NIKOLLAJ: TË DORËHIQET MINISTRI
Ora 14:40-Krerë te sindikatave kane vizituar sot në Spitalin Ushtarak tre te plagosurit e Minieres së Bulqizës që po trajtohen ne kete spital. Kreu i konfedereateve Kolë Nikollaj në një konferencë për shtyp kërkoi dorëheqjen e Ministrit të Ekonomisë, Nasip Naco pasi ka shpërfillur kërkesat e minatorëve.

“Ne sot nuk mund të nxjerrim përgjegjësi, i takon organeve të hetimit. Sindikata ka kohë që soliadarizohet me protesta e greva. Greva mbaroi, por jo historia,. Historia e Bulqizës është e dhimbshme, e vështirë. Dhe sot situata shoqërohet me vdekje. Ministri sot mblidhet për të marrë vendimet, për të heq licena etj, ndaj do ishte e ndershme që ministri të largohet nga detyra. Në cdo vend ministri dorëhiqet nga ngjarje të tilla, vetëm në kinë nuk dorëhiqet. Nëse jemi vend i qytetarëruar duhet që ministri të dorëhiqet.”

ACR NGUSHELLON FAMILJET E PREKURA
Ora 13:00-Kompani ACR ka reaguar në lidhje me ngjarjen më të fundit në minierën e Bulqizës ku 1 minator humbi jetën , ndërkohë 8 të tjerë mbetën të plagosur.
ACR ka shprehur ngushëllimet e saj për humbjen e minatorit naim Shyti, ndërkohë nënvizon se do të kujdeset për trajtimin shëndetësor të të plagosurve .
“ACR shpreh hidherimin e thellë për humbjen e jetës së punëtorit të ajrimit Naim Shyti. Ndërkohë po merr të gjitha masat për trajtimin shëndetësor të minatorëve të plagosur”,- thuhet në reagimin e ACR.
ACR në reagimin e saj ka sqaruar mënyrën si ka ndodhur shpërthimi, ndërkohë që thekson se do jenë ekpertët e e Repartit të Inspektim Shpëtim Minierave do të përcaktojnë shkakun e shpërthimit.

ZV/MINISTRI I EKONOMISË ALIBALI: KEMI DHËNË URDHËR PËR NDALIMIN PUNIMEVE
Ora 12:50-ZV/Ministri i Ekonomisë Neritan Alibali theksoi sot në një deklaratë për TVNEWS24 se ministria ka urdhëruar ndëprerjen e punimeve në minierë dhe se tani do të verfikohet nëse është shkelur ky urdhër. “Do zhvilloj një mbledhje me drejtuesit e minierës”, tha Alibali.

SHPËRTHIMI NË BULQIZË, 8 TË PLAGOSUR, 3 RËNDE
Ora 12:35-Pas ngjarjes së rëndë në minierë, Zv.ministri i Ekonomisë Neritan Alibali i cili mberriti ne spitalin e Bulqizes deklaroi për News 24 se gjendja e minatorëve në spitalin e rajonal është e mirë dhe se ata ndodhen jashtë rrezikut për jetën. Në spitalin e Bulqizës ndodhen 5 të plagosur. Ndërkohë 3 minatorë ndodhen në Spitalin Ushtarak. 2 prej minatorëve i janë nënshtruar operacionit kirurgjikal, ndërsa një prej tyre mbërriti në mesditë me helikopter.

MINISTRI NACO MBLEDH SHTABIN E EMERGJENCES
Ora 12:00-Pas njoftimit per ngjarjen ne Bulqize, Ministri i Energjitikës, Nasip Naço vendosi të mbledhë urgjentisht Shtabin e Emergjencës për të diskutuar rreth shkaqeve të shpërthimit. Me urdhër të ministrit të Ekonomisë, Nasip Naço u ngrit sot një grup pune, i drejtuar nga zv/ministri Nertian Alibali, i cili është nisur urgjentisht drejt minierës së Bulqizës në verilindje të vëndit. Zv/ministri Alibali deklaroi se "grupi do të verifikojë direkt situatën në minierë", ndërsa shtoi se sipas informacionit nga drejtori i minierës, atje janë marrë masat për bllokimin e gazit.

DREJTORI I MINIERËS: GAZI SHPËRTHEU SEPSE DIKUSH E NGACMOI
Ora 11:50-Drejtori i minierës së Bulqizës, Medat Zogu bëri të ditur se shpërthimi i gazit nuk ka qenë pa arsye. “Dikush e ka ngacmuar, ndonjë shkëndijë, gazi nuk shpërthen nëse nuk do ishte ngacmuar nga jashtë”.
Sipas tij në minierë para se të kryhen punime në një sektor maten niveli i gazrave. Zogu tha se një grup i matjes së gazrave që përbëhet nga gazmatës dhe punonjës ajrimi ka qenë në nivelin e 16 të minierës dhe kanë kryer matjet e ajrimit, kurse minatorët ndodheshin në nivelin e 17, pra 200 metra larg zonës ku kryheshin matjet. Sipas Zogut kanë qenë 2 punëtorë që po kryenin matjet, një prej tyre dhe Naim Shyti, minatori që u gjet i vdekur në minierë. “Vala e shpërthimit ka goditur minatorët që ndodheshin larg zonës ku ndodhi shpërthimi”.

NISIN HETIMET
Ora 11:40-Specialiste te minieres po verifikojne terrenin ku ndodhi ngjarja e rende.

ACR ASNJE REAGIM PER NGJARJEN
Ora 11:35-Ndersa ngjarja e rende ka ngritur ne kembe gjithe Bulqizen, firma ACR ka mbyllur zyrat. Nderkohe familjare, te aferm kane marre rrugen per ne Tirane per tu ndodhur prane 7 te plagosurve.

TE PLAGOSURIT
Ora 11:30-Kater prej të plagosurve që po mjekohen në Spitalin Ushtarak në Tiranë janë minatorët Bastri Toska, Hajri Koçi, Xhelal Ruçi, Zaim Perkola, pritet të mësohen emrat dhe të tre të tjerëve.

RISHM: KA PATUR SHPËRTHIM HIDROGJENI, I PAPARASHIKUAR
Ora 11:15-Reparti i Inspektimit të Shpëtimit të Minierave (RISHM) reagoi menjëherë pas incidentit të sotmë në minierën e Bulqizës, zonë ku ky repart kreu inpektimet për të verifikuar nëse miniera plotësonte kushtet e sigurisë në punë.
RISHM deklaron se në nivelin e 16 të minierës në pusin nr 2 punohej për strukturën e pusit. RISHM thekson se një shpërthim i paparashikueshëm hidrogjeni ka shkaktuar sot incidentine rëndë qe preku dhe nivelin e 17 ku punonin minatoret.
Drejtori i Repartit të Inspektimit dhe Shpëtim Minierave RISHM, Saimir Zekaj, i pyetur në lidhje me shpërthimin e gazit në minierën e Bulqizës, deklaroi se “Inspektorët tanë, kanë shkuar menjëherë në vend ngjarje për të hetuar mbi shkaqet e saj".
"Ajo që mund të them është se para një muaj, RISHM ka kryer vëzhgimin e fundit në këtë zonë të minierës dhe i ka lënë detyrat të caktuara për rehabilitimin e minierës specialistëve të kompanisë Albanian Crom ACR”, bëri me dije drejtori i RISHM.
I pyetur për shkaqet e ngjarjes u shpreh se "është herët për ti përcaktuar, pasi gjendja është tepër kaotike, dhe momentalisht po punohet për pastrimin e zonës dhe më tej do filloj ekspertiza të kryej hetimet e saj”, përfundoi Zekaj.

GJENDET I VDEKUR, NJE PREJ 7 MINATOREVE TE HUMBUR, SHPETOHET NJE TJETER
Ora 11:10-Nje prej minatoreve te humbur ne miniere eshte gjetur i pajete. Ne pusin ku ndodhi shperthimi i fuqishem sot paradite humbi jeten minatori Naim Shyti. Nderkohe eshte nxjerre i gjallë nga galeria minatori tjetër që konsiderohej i humbur, Astrit Cupi. Minatori i u nxorr nga forcat e emergjencës.

SHPERTHEN GAZI, NE MINIERE PLAGOSEN 7 MINATORE
Ora 10:15-Një ngjarje e rëndë është shënuar sot paradite në minierën e Bulqizës ku 7 minatorë kanë mbetur të plagosur e djegur nga shpërthimi i gazit në galeri.
Mësohet se shpërthimi i gazit ka ndodhur në pusin numër 2 te nivelit te 17 të minierës ku minatorët ishin duke punuar. 7 minatorë janë plagosur dhe janë dërguar fillimisht me urgjencë në spitalin e Bulqizës, por për shkak të gjendjes së rënduar është rekomanduar dërgimi i tyre në Spitalin Ushtarak në Tiranë. Drejt Bulqizës u nisën 2 helikopterë, ku një prej tyre po transporton 7 të plagosurit drejt spitalit Ushtarak ne Tirane.
Nuk dihet ende fati i 2 minatorëve që besohet se ishin brenda në pus. Nuk konfirmohet nëse ata ishin brenda në pus, apo nuk e kishin nisur ende turnin e punës së bashku me 7 të tjerët. Sipas inxhinierit të ashensorëve, në galeri janë futur 10 minatorë, por nuk dihet nese ne pusin nr 2 kane qene te dhjete apo vetem 7 prej tyre.

Mësohet nderkohe se pusi ishte në administrimin e firmës austriake ACR, ndaj të cilës minatorët prej 3 muajsh janë hedhur në grevë e protesta ku kërkojnë përmirësimin e kushteve të punës dhe pagat.
Minatoret e plagosur ishin ne radhet e minatoreve qe kane protestuar dhe marre pjese ne greven ndaj firmes ACR.

Pas grevës në nivelin e 14 të minierës, RISHM ditët e fundit ka bërë inspektimin e këtyrë minierave, ku disa fronte pune i ka nxjerrë të pafunksionueshem për shkak të mungesës së kushteve teknike. Nuk dihet nëse ky pus ishte kosntatuar më defekte ose jo

(d.b/e.m/BalkanWeb)


-


ja cka thene vrasesi...

-

“Kryetari i opozitës garanton bulqizakët dhe mbarë qytetarët shqiptarë se me të ardhur në qeveri Aleanca për të Ardhmen do të bëjë drejtësi për të gjitha plagët e tmerrshme të korrupsionit shtetëror”,- theksoi Rama.

--


mir u a ben o dobic kur nuk u duallen 50 vjet te njohin sojin tuaj..

he me te lumte..