Saint Lucia njohu Kosovën

[Illyrian_King]

Saint Lucia njohu Kosovën

Saint Lucia, shtet anëtar i Komunitetit të Karaibeve, respektivisht CARICOM-it, ka njohur pavarësinë e Republikës së Kosovës. Lajmi është bërë i ditur në një konferencë për gazetarë nga këshilltari për media i Ministrisë së Punëve të Jashtme, Artan Behrami. Me këtë njohje, numri i vendeve që kanë pranuar shtetësinë e Kosovës shkon në 81.

“Kjo njohje është rezultat i angazhimit të Ministrit të Punëve të Jashtme të Kosovës, Enver Hoxhaj, i cili më 18 maj 2011 në New York ka marrë premtim nga Ministri i Punëve të Jashtme të Santa Lucias, Rufus Bousquet, se vendi i tij do ta njoh shumë shpejt Kosovën”, tha Behrami.

Ndërkohë një ditë më parë zyra e zëvendëskryeministrit të parë të Qeverisë së Republikës së Kosovës, Behgjet Pacolli, ka njoftuar një ditë më parë se vendimin për njohjen e kosovës e kanë marrë edhe shtetet tjera anëtare të Komunitetit të Karaibeve. Kosova, sipas zëvendëskryeministrit Pacolli do të pranojë konfirmimet zyrtare përmes përfaqësive të veta diplomatike në botë, respektivisht në Londër, New York, Gjeneve, Paris, etj., edhe notat verbale për njohje nga këto shtete.

Anëtarët e Komunitet të Karaibeve respektivisht CARICOM-it janë: Antigua dhe Barbuda, Bahamas, Barbados, Belize, Dominicia, Grenada, Guyana, Haiti, Xhamajka, Montserrat, Saint Kitts and Nevis, Saint Lucia, Saint Vincent, Suriname dhe Trinidad – Tobago. Deri më tash nga Organizata e CARICOM-it Kosovën e ka njohur edhe Belize.

Saint Lucia është një ishull në pjesën lindore të detit të Karaibeve. Ajo ka një sipërfaqe prej 620 km2 dhe ka një popullsi prej rreth 173,765. Saint Lucia është anëtare e Kombeve të Bashkuara që nga 18-09-1979.

Me këtë njohje, numri i vendeve që kanë pranuar shtetësinë e Kosovës shkon në 81. Këtë javë shteti kosovar është njohur edhe nga Guinea, Nigeri dhe Benini. Njohjet e fundit janë rezultat i implementimit të Strategjisë për njohjen e Republikës së Kosovës, e cila tashmë ka filluar të jap efektet e pritura me rastin e miratimit nga Qeveria e Kosovës. /Telegrafi/

[loneeagle]

U vendos tani do e vizitoj ket vend te bukur. Urime do zoti e njofin edhe me shume shtete.

[murik]

Behxhet Pacolli po ben nje pune fenomenale.Uroj qe te kemi me shume njerez te kalibrit te Pacollit.Ky vizionar i madh meriton respektin e te gjithe shqiptarve kudo qe jane.Ishallah realizohet idea e Pacollit per nje hapesire ekonomike e kulturore panalbane.