Postuar më parë nga
Maqellarjot
Orët e vështira në qeli të trakt-hedhësve anti-Berishë”
2011-08-18“Orët e vështira në qeli të trakt-hedhësve anti-Berishë”
Lirohen katër të arrestuarit e trakteve kundër Berishës
Posteri satirik i çoi në pranga
Dritan Broka: Na arrestuan si të ishim kriminelë
Ata nuk kishin thuajse një orë që dolën nga ambientet e komisariatit ku ishin ndaluar dhe i takuam në një lokal ku po pinin diçka të ftohtë. Vetëm Geraldo Durda kishte ikur në shtëpi, ndërsa Dritani, Klevisi dhe Arlindi, edhe pse nuk e dinin se rrobat e kujt kishin veshur dhe e ndjenin veten të lodhur, qëndruan të bisedonin me ne. Dritan Broka, në cilësinë e kreut të “Kuvendit Civil”, tregoi gjithçka kishte ndodhur me ta që nga momenti i arrestimit e deri sa erdhi urdhri i prokurorit për t’u lënë të lirë.
Ju jeni kryetari i “Kuvendit Civil”, si ndodhi që u arrestuat së bashku me tre senatorë të tjerë të kuvendit?
Unë zakonisht nuk marr pjesë në aksionet e ngjitjeve të posterave, por në aksionin e djeshëm mora pjesë për vetë faktin sepse kisha frikë se policia e Sali komunistit do arrestonte aktivistët e mi. Ne filluam ngjitjen e posterave në rrugët e Tiranës, kur ishim në makinë, fare pranë Ministrisë së Mbrojtjes, në mënyrë demonstrative, vijnë rreth tre makina policie dhe një furgon me shpejtësi të madhe dhe i vënë prangat dy aktivistëve tanë. Mua më morën me forcë dhe më futën në një makinë të veçantë policie dhe na çuan në komisariat dhe na lanë në një dhomë gjithë natën.
Ajo që më shqetësoi ishte se më morën me një furgon ku ndodheshin tetë policë dhe më thanë se do të më sekuestronin të gjithë kompjuterët dhe dokumentacionin e zyrave. Pas debateve të forta dhe këmbënguljes nga ana ime, pasi kërkova që ky sekuestrim të bëhej dhe në prani të avokatit, shoqëruesit pas komunikimit me shefat e tyre në telefon, më thanë që nuk do të sekuestronin asgjë, por do të më shoqëronin në zyrë për t’ju dhënë vetëm një kopje të NIPT-it. Më shoqëruan si terroristin e shekullit, me një batalion policësh për të marrë NIPT-in pranë zyrave të “Kuvendit Civil”.
Sa postera kishit shpërndarë deri në momentin që ju kapën?
Nuk e mbaj mend sa saktësisht, por di që kishim mbuluar disa zona si Rrugën e Kavajës, Rrugën e Durrësit, zonën te Ministria e Mbrojtjes, te zona e “21 Dhjetorit”. Do të vazhdonin më pas në të gjitha rrugët dhe zonat kryesore.
A komunikoi kush me ju për t’ju thënë arsyet e ndalimit?
Po. Na thirri polici gjyqësor dhe na komunikoi se nuk mund të dilnim, pasi do arrestoheshim pasi kishim shkruar kundër Kryeministrit të Shqipërisë dhe se ai ishte i detyruar të jepte atë vendim. Na morën celularët, lidhëset e këpucëve dhe çdo gjë tjetër dhe na futëm në birucën e paraburgimit dhe na komunikuan se letrat për ne do t’i referoheshin prokurorisë dhe se do të dilnim para gjykatës dhe se rrezikonim deri në pesë vjet burgim.
Çfarë ndodhi më tej?
Ditën tjetër, më thërrasin, në fillim nënkryetarin në një dhomë dhe më pas mua. Në atë dhomë m’u duk se ndodhesha në mbledhjen e Partisë Komuniste, që realizohej për ekzekutimin e personave që kishin dalë kundër regjimit, në atë dhomë ishte i gjithë shteti; shefat e antikrimit, antiterrorit, antidrogës dhe shumë shefa të tjerë. Na kishin lënë një karrige, ku në njëfarë mënyre donin të ushtronin trysni ndaj nesh. Më pas, na futën në qeli.
Si ishin kushtet e qelisë dhe si ju trajtuan atje?
Kushtet e qelisë ishin mizerabël, na ofruan bukë, por ne e refuzuam, sepse kishim frikë se kushedi mos na kishin futur ndonjë gjë brenda. Nuk na keqtrajtuan, mendoj se policët ishin në anën tonë, pra na jepnin të drejtë, por ishin të detyruar të mos e jepnin veten, pasi kishin frikë se i largonin nga puna.
Kur ju liruan?
Sot (dje) rreth mesditës, avokatët tanë konstatuan se vendimi ishte i paligjshëm dhe vetë prokurori e quajti të paligjshëm arrestimin tonë dhe urdhëroi policinë që në mënyrë të menjëhershme të na lironte.
Kush ua komunikoi lirimin?
Inspektori i Policisë dhe avokati. Ata na thanë se ishte prokurori që vendosi lirimin tonë, sepse konstatoi që vendimi i policisë ishte i paligjshëm.
Çfarë kërkonit të arrinit me këtë fushatë?
Me këtë fushatë ne donim të tregonim rikthimin e Shqipërisë në sistemin komunist të diktatorit Hoxha. Vitin tjetër është viti 2012, dhe mendoj se nuk është fundi i botës, por fundi i Shqipërisë, pasi ka rrezik që të gjitha institucionet të bien në dorë të Berishës, duke filluar që nga zgjedhja e Presidentit me 71 vota, e vazhduar me Kryeprokurorin që zgjidhet nga Presidenti. Do të zaptohen dhe institucione të tjera si KLD-ja, gjykatat, SHISH-i dhe kështu ne ligjërisht jemi në komunizëm.[
B]Gazeta-Shqip[/B]
Përgjigju Duke Cituar
Krijoni Kontakt