Kosova i do produktet e Shqipërisë e jo të Serbisë

[Nice_Boy]

Me qëllim të ngritjes së shkëmbimeve tregtare në mes të Kosovës dhe Shqipërisë si dhe plotësimin e tregut të vendit tonë me produkte shqiptare, Aleanca Kosovare e Bizneseve (AKB) dhe Këshilli i Agrobiznesit Shqiptar (KASH) të premten nënshkruan memorandum mirëkuptimi për bashkëpunim tregtar.

Me këtë rast, kryetari i AKB-së, Agim Shahini, u zotua para biznesmenëve se të dyja organizatat, AKB dhe KASH, nga tash e tutje do të kenë një bashkëpunim bilateral sa i përket shkëmbimit tregtar. Ai njëherësh falënderoi shtetin shqiptar për plotësimin e tregut të Kosovës me produkte shqiptare.

Sipas tij, kjo dëshmon se produktet serbe mund të zëvendësohen me ato nga shteti shqiptar. Ai njëherësh bëri të ditur se marrëveshje të këtij lloji pritet të ketë edhe me shtete tjera të regjionit.

Nga ana tjetër, kryetari i Këshillit të Agrobiznesit, Enver Ferizaj duke përshëndetur vendimin e Qeverisë së Kosovës për masat reciproke ndaj Serbisë, premtoi se nuk do të ketë pengesa në lidhje me shkëmbimin tregtar ndërmjet Kosovës dhe Shqipërisë.

Ambasadori i Shqipërisë në Kosovë, Islam Lauka, ka përsëritur edhe një herë mbështetjen e Qeverisë shqiptare pro zbatimit të masave të reciprocitetit ndaj Serbisë dhe Bosnjës.

Ai vlerësoi se reciprociteti është një parim që çdo qeverie i jep të drejtë të vendosë brenda territorit të shtetit të vet kur e vlerëson se është i domosdoshme.

Për më tepër, Lauka ka porositur biznesmenët nga Kosova dhe Shqipëria, duke thënë se janë to që do të gjejnë format dhe mënyrat e shkëmbimit tregtar mes dy vendeve.

[Bamba]

Mire do ishte, nuk ka kuptim te konsumohen produkte serbe ne Kosove dhe Shqiperi.

[Kanina]

mire do ishte por nuk besoj se shqiperia do te mund te permbushi gjithe nevojat e kosoves sespe shqiperia sic diehet eshte importuese per vete dhe jo prodhuese. gjithsesi nje pjes do te mund te sigurohet nga shqiperia pjesa tejter nga vende te tjera te rajonit.

[metinsk]

Shqipnija importon per veti, ska per me bo eksport, ose ka ama shume pak.Shqipnia ka potencial me i ushqy Kosoven-Maqedonin, amo nese bohet pak ma e mencme, se tash ekonomisht ka me u rrit shume, besoj.