Pse po na braktis Perëndimi?

[Edvin83]

Pse po na braktis Perëndimi?
Naser Aliu

- Çka do të ndodhë pas vrasjes së policit kosovar? Asgjë! Qeveria mori një vendim pa u konsultuar me amerikanët dhe me ata që i konsideron si aleat. Problemi mirëpo qëndron diku tjetër: ata nuk na konsiderojnë më aleat si dikur. Kjo shihet, por nuk dëshiron të besohet. Kjo shihet edhe nga trajtimi i Serbisë. Më poshtë do të arsyetohet ky konstatim, ky mutacion, duke parë si perceptohet tani Kosova jashtë dhe motivet.

Perëndimi është duke u përpjekur të gjejnë një rrugë pa humbur nderin të dalë nga Kosova. Përpiqen ta bëjnë këtë sepse koston e lartë duhet ta arsyetojnë para tatimpaguesve dhe para atyre që nuk u pajtuan me intervenimin ushtarak. Çka do të bëjnë ata tani? Ata do të ngulim këmbë të qetësohet gjendja, të ulen gjakrat dhe të kthehemi në gjendjen e mëparshme. Forcat speciale të Kosovë u kthyen prapa me helikopter të NATO-s. Qeveria nuk duhet të dërgojë policët aty, ku nuk është e sigurt se do të mbeten. Ajo e bëri këtë aksion për të përmirësuar imazhin e vet, që dëmtoi me nënshkrimin e marrëveshjes, ku cënohej suvereniteti i Kosovës. Perëndimi nuk dëshiron konflikt të ri, as nuk do të na përkrahë ta çlirojmë veriun. Vet nuk mundemi ta bëjmë atë. Ne nuk kemi ushtri…

Pos deklaratave të ekuilibruara dhe rekomandimeve, nuk do të bëjnë gjë tjetër. Gjendja do të qetësohet. Hashimi do të arsyetohet. Pse? Perëndimi ka kuptuar shumë gjëra më mirë se sa na pëlqen neve t’ i besojmë. Kosova nuk është më ajo e pafajshmja, properëndimorja, ajo e virgjëra, që e propagandonte Rugova. Ka ndërruar pamja e saj, dukja. Kosova është tjetërsuar aq shumë sa edhe banorët e saj në Perëndim, kanë vështirësi të identifikohen apo të pajtohen me shfaqjet atje, me atdheun e vet. Imazhin që propagandoi Rugova në Perëndim, gati e kemi shkatërruar. Ai konsideronte mik të madh SHBA-të dhe Perëndimin. Thaçi drejtoi barkën kosovare drejt Detit të Zi. Ai bëri vëlla Erdoganin, të cilit akoma nuk iu dëgjua zëri për “vëllanë “ e vockël në gazep. Këtu shihet se vëllazëria e tyre kishte prapavija tjera dhe nuk ishte e sinqertë, as në dobi të Kosovës. Ai donë ta kthejë krenarinë osmane. Të bëhet faktor në Ballkan. Asgjë më pak. Ajo nuk mund ta ndihmojë Kosovën, ka Bullgarinë dhe Serbinë në mes, e as nuk ka fuqi t’ i ndihmojë palestinezët. Për ta qetësuar Turqinë, do të kujdeset Rusia. Mundësitë tjera janë përralla dhe potere turke.

Pse mund të thuhet se Perëndimi është largim e sipër? Kjo mund arsyetohet me sjelljet tona pas luftës. Në vitin 2004, pas djegies së kishave, nisi ndryshimi i madh i perceptimit të Kosovës jashtë. Këtu qe humbur ai virgjinitet i Kosovës të cilën e kishte besuar Perëndimi duke u mbështetur në veprimtarinë e Rugovës. Trajtoheshim gati me aq dhembshuri dhe empati si hebrenjtë. Kjo ndryshoi. Në një anë të krishterët mbronin shtetin tonë nga Serbia, në anën tjetër vandalistët shqiptarë digjnin kishat. Mjerimi dhe injoranca botëkuptuese e disa shqiptarëve qëndron në njësimin e Krishterimit me serbet. Pas kësaj ngjarje, nisi rehabilitimi i ngadalshëm, por i sigurt i Serbisë.

Amerika na solli nga mali në shtëpi, madje edhe na transferoi me avion në SHBA dhe sapo arritëm atje, ia nisëm përgatitjeve për të ushtruar terrorizëm ndaj atyre që na çliruan nga Serbia. Për fat të mirë, ata u arrestuan para se ta kryenin veprën. Kjo ngjarje tronditi skenën politike perëndimore. Ata menduan se ishte një rast i izoluar dhe e kapërdinë këtë realitet të hidhur. Sidoqoftë, ata konstatuan se me popullin e Nënë Terezës dhe Rugovës, nuk ishte diçka në rregull apo se ky popull, paska edhe një fytyrë tjetër: njërën ku i ka punët pisk dhe tjetrën në paqe. Aq sa më shumë largoheshim nga lufta, aq më shumë faktorizohej radikalizmi fetar, saqë në fund edhe Thaçi, e pa të nevojshme të fotografet duke u lutur. Kjo lutje nuk i solli asnjë njohje. Në gazetat perëndimore si dhe televizion, herë pas here shfaqen fotografi nga Kosova duke u falur në rrugë apo duke demonstruar për shami. Si pasojë, çdo qytetar në Perëndim, pyet veten: ku i kemi dërguar djemtë dhe pse? Pastaj doli imami i Prishtinës dhe tha: “Nënë Tereza gjendet në xhehenem, sepse nuk ka besuar Allahun…”. Kur dëgjuan këtë deklaratë perëndimorët, e përkthyen ashtu siç kishte dashur ta thotë imami: “ “Nënë Tereza është ne ferr, por edhe ushtarët krishterë që na mbrojnë, vendin e keni atje. Të gjithë krishterët e kanë vendin atje. Atje vendin e kanë 80% e banorëve të popullsisë së kësaj Toke!” Ky njeri mbeti përsëri imam. Me vrasjen e katër amerikanëve imazhi jonë mori vulën mbi letër, vepër dhe perceptim. Edhe pse ai ishte rritur në Gjemani, shteti i Kosovës është dashur t’ i dëmshpërblejë familjet e tyre. Skena politike perëndimore ishte në rezignacion dhe vështirësi për ta shpjeguar: na vranë aq ta që i shpëtuam dhe u falëm shtet! Nuk vranë serbet amerikan, por shqiptarët! Në anën tjetër, në Luginë, Serbia toleron mësimin e religjionit në shkollat shqipe dhe nuk do t’ ishte e çuditshme, nëse dikujt i pëlqen më shumë demokracia serbe me miqësi të mëdha arabe, se sa demokracia amerikane me miqësi izraelite.

Gabimet tragjike të lartpërmendur mund të jenë faktorët kryesor, që kanë çuar në humbjen e simpatisë dhe në ngrirjen e konfliktit në veri si dhe trajtimin e Serbisë me dorëza. Ndihma që i jepet tani Kosovës, nuk bëhet nga dhembshuria dhe empatia, por për të dalë ata nga Kosova ballëlart. Rastet e lartpërmendur janë arsyet se pse Kosova dalëngadalë por sigurt, do të rrëshqasë nga dora amerikane në atë europiane ose turke.

Religjioni është e drejtë bazë e çdo njeriu, por ata që shndërrojnë religjion në ideologji politike, luftarake, nuk kanë vendin as në gazeta, as televizor e as në rrugë.

Si do të përfundojë? Thjesht do të qetësohet gjendja, Kosova nuk do të ketë kontroll atje dhe do te ngelet ashtu si ishte para vdekjes së policit shqiptar. Serbia paguan për t’ u krijuar ngjarje në Kosovë, që i shkojnë asaj në favor. Brenda pesë viteve, aq sa është paraparë të zgjasin bisedimet, Kosova do t’ i prodhojë edhe disa gabime të mëdha dhe një ditë do të kuptohet Serbia, insistimi i saj, do të mëshirohet dhe veriu do t’ i jepet. Serbia e pret këtë, e dinë këtë, ka njerëzit e vetë në Kosovë dhe një ditë do ta fitojë atë për të cilën angazhohet me shumë përkushtim dhe me shumë miliona. Për fat të keq, në Kosovë, ata që dëmtojnë imazhin e vendit,si radikalët fetar dhe kriminelët, posedojnë imunitet…

Rasti në Norvegji, vrasja e amerikanëve nga një shqiptar, tregojnë se religjioni duhet mbajtur larg nga shkollat, sepse ndikon në helmimin e të rinjve dhe kultivon urrejtjen ndërnjerzore! Europa ka si bazë humane shumëllojshmërinë, jo zhdukjen e diferencave. Vlerat universale njerëzore burojnë nga filozofët dhe nismën e kanë tek revolucioni francez. Jo nga librat fetarë. Urrejtjen fetare mund t’ i a lejojnë vetes iranianët, por jo shqiptarët e Europës. Ai shqiptar që është kundër SHBA-së dhe Perëndimit, ai shqiptar është në shërbim të Serbisë dhe paguhet prej saj.

[xfiles]

Realiteti i hidhur.

[Milkway]

Mos mendoni se Thaqi do te kishte intervenu pa lejen e Ambasades Amerikane .

Kjo ndoshta nuk eshte e perbashket me Europen por amerikanet nuk guxojne ti lene anash .

[loneeagle]

Pyetja duhet te ishte pse e braktisem perendimin. Vetem ne muajet e fundit jane bere shume gabime qe shprehin qarte qe ne jemi kunder perendimit. Do zoti na vjen mendja heret e nuk behemi si bosnja, god forbid.

[ajzberg]

Le te degjojme Qosen tani se c do te thote ,keto kembana kane rene qekur.............

[Kavir]

Qosja nuk mbronte islamizmin por tregonte absurditetin e barazisë "krishtërim=Europë". Edhe vetë artikulli pohon që Fetarizmi (jo Islamizmi) është i dëmshëm dhe Europa është Laike (Revolucioni Francez ta marrsha) dhe jo Papizmi apo Luterizmi-Kalvinist.

Në politikë gjithshka është letër bixhozi. Feja, arsimi, gjuha, kultura dhe çdo gjë tjetër e dukshme apo imagjinare është letër bixhozi.

Islamizmi mund të përdorej fare mirë si As nga pala shqiptare: Europa, Amerika, Azia dhe Afrika kanë probleme ndër-fetare??? Welcome in Albania. Katër fe, asnjë problem.

Rusi ka në dorë Lidhjen Arabe dhe OKI-n. Nëpërmjet këtyre na sajon ca hajvanë të tipit Krasniqi dhe ja ku Asi na u kthye në bombë në dorë.

Pra problemi nuk është islamizmi por si e rrotullon islamizmin.

[Edvin83]

Ja pra pse duhet qe punojme me strategji e jo si pula pa koke. Serbia ka strategji, vepron e zbaton, kurse Shqiperia, Kosova (Dardania) dhe shqiptaret ne Maqedoni, Mal te Zi e Greqi nuk kane asnje strategji, asnje plan dhe gjithcka eshte nje reagim i rremujshem e kaotik i momentit. Nuk po permenden fare shqiptaret ne luginen e Presheves e Bujanocit, per te cilet shume mire mund te kerkohet autonomi dhe te behet presion me ane te tyre. Nga ana tjeter, nese Ministri i jashtem i Serbise ka qendruar ne Serbi vetem 10 dite nga 365 ditet e vitit sepse ka qene gjithe kohen duke penguar njohjet e Kosoves si shtet, Ministrat e jashtem te Shqiperise e Kosoves shellehen plazheve e hoteleve luksoze.
Ne politiken e brendshme duhet te menjanojme cdo lloj ekstremizmi fetar, dhe te shkurajojme njerezit qe te merren me fe. Cdo lloj feje eshte rrezik per vendin tone. Dhe BE nuk eshte e krishtere, eshte shumica agnostike e ateiste.

[OPARI]

nuk na ka braktisur perendimi por e kemi braktisur ne ate

ne kujtohemi per perendimin kur e ndiejme keq

[Kavir]

Perëndimi nuk është Jezu Krishti që na vjen e na shpëton dhe ne jetojmë të lumtur në Parajsë në Përjetësi.
Perëndimi dhe Lindja janë biznes. I interesoi Amerikës dhe ndërhyri. Marrëveshja mes superfuqive e ka lënë Kosovën as në qiell as në Tokë, as Serbi as Pavarësi.
Ne nuk jemi martuar në Kishë me Perëndimin që ta "braktisim" apo të na "braktisë".

Gjithsesi artikulli ishte shumë interesant.

[Hyllien]

Normale, kam shkruar për këtë gjë, kur del cdo ditë "Duam Xhami", kur ke korrupsion, varfëri dhe një politikë të cuditshme edhe nën një mbikqyrje të fortë, Perëndimi nuk ka si mos habitet. Duan liri këta, duan edukim, duan shkollim, apo duan vec me ndërtu minare në cdo cep dhe të radikalizohen.

Ju ka futur Serbi në qorrsokak me Tërnavat, Jazexhinjte-Faqezinjtë dhe tani po i thirrni mendjes ? Se besoj, pendesa vjen gjithmonë pa faktit të kryer. Ka akoma vend për ta menderosur fare situatën në Kosovë.