Atentat terrorist ndaj Prof. Ylli Pango

[Patrioti]

Pershendetje!

Po te ishte se Pangon deshin me "e heq qafe" per hir te fjales se lire do e kishin bo dite-nate. Mu me duket se ai e ka krujt me nonji studente dhe tani flet brockulla se ska ca thote,(precedtente kohore gjehen sa te duash ) gjithsesi uroj sherim te shpejte Pangos dhe qe kjo ngjarje te zbardhet nga policia.
-------------------
dhe tani nja dy fjale jashte teme, vecanerisht per Albon.
Kur flet me aq nderim per figuren e profesorave ne Shqiperi pyet nje here sesa jane "gjobat" per futje ne universitet vecanerisht per dege te tilla si: juridik, gazetari, psikollogji, dipllomaci, mjeksi, dentist etj.
A ka prof. qe e kalojne cakun e maredhenieve prof.-studente vecanerisht ne periudhen e para sesionit.
Per me teper lexo dhe shkrimet e Brarit ketu ne kete teme dhe formo nje opininon tendin dhe mos na caj drasa me artikuj gazetash.

[Henri Anderson]

Ylli Pango eshte nje nga kokat e sociologjise Shqiptare. Por kjo sigurisht qe nuk e ben ate njeri te kulluar. Ai eshte i dalluar per problemet qe ka pasur me studentet. Kjo eshte dhe nje nga arsyet qe eshte divorcuar me gruan e tij te pare.
Nese nuk do kete qene nje aksident sikurse pretendon policia ne versionin e saj te fundit ku thote se [bomba mund te isht vene vete nga Pando si mjet sigurimi per garazhdin] atehere lidhja eshte shume e thjeshte. Larje hesapesh dhe hakmarrje. Mund tju tingelloje pak e habitshme se c'ne nje profesor te kete armiq. Nese do keni qene te vemendshem do e keni vene re se permendet qe pango jetonte ne nje vile. Mundet qe nje profesor te kete vile??????????? sigurisht qe jo. Mirqeni e familjes Pango eshte e larte pasi vellai me i vogel Ylli Pangos eshte nje nga kryekriminelet me te spikatur ne Tirane. Quhet Armando. NJihet per krimet qe ka bere dhe qe ka shume probleme me armiqte e tij.
Besoj se e verteta do te dali shume shpejt.

[Brari]

Ja c'thote Shekulli sot:

-------------

I dëmtuari dhe e motra, Luljeta Mazniku kundërshtojnë versionet e hetimit, duke këmbëngulur në motivin politik
Dy pista për motivet e plagosjes së Pangos

Prokurorët janë duke hetuar në pistën e një krimi për motive personale dhe të një aksidenti

Ardita Bala
TIRANË – Grupi hetimor që është duke punuar me plagosjen e dekanit të Sociologjisë, Ylli Pango, ka lokalizuar dy pistat kryesore të ngjarjes, por pa përjashtuar edhe versionin që është paraqitur nga vetë i dëmtuari. Ngjarja më e fundit ku mbeti i plagosur dekani Pango është kthyer në “një ekuacion me disa të panjohura”. Sipas burimeve nga grupi hetimor, ngjarja dyshohet të ketë ndodhur për motive private, kryesisht të lidhura me jetën e përditshme të Pangos, ose aksidentalisht. Të dy këto versione kanë marrë prioritet për shkak të disa rrethanave të kryerjes së krimit apo detajeve që janë siguruar gjatë këqyrjes së vendngjarjes nga grupi hetimor. Ndërkohë e motra e Pangos, Luljeta Mazniku, që jeton në të njëjtën vilë me të, gjatë vizitës së saj në spitalin ushtarak e përjashtoi kategorikisht mundësinë e një aksidenti të ardhur nga ndonjë pakujdesi e të vëllait.
Hetimi
Burime të prokurorisë së Tiranës kanë deklaruar dje se dyshojnë që ngjarja të ketë patur motive personale të cilat janë të lidhura me jetën private të Pangos. Sipas tyre, ngjarja mund të ketë ardhur si pasojë e ndonjë problemi personal që profesori mund të ketë patur me ndonjë në jetën e përditshme duke mos përjashtuar këtu ndonjë konflikt me studentë të tij. Në këto kushte granata mund t’i jetë vënë profesorit në shenjë hakmarrjeje. Versioni bëhet më i besueshëm po të kemi parasysh mënyrën e aktivizimit të granatës, që sipas policisë, është realizuar nga një person joprofesionist. Për më tepër hetuesit këmbëngulin në faktin se në atë mënyrë një granatë mund ta aktivizojë çdo person që ka dhe njohuritë më minimale mbi një mjet të tillë luftarak. I dëmtuari e ka përjashtuar mundësinë e një motivi të tillë, duke përjashtuar kategorikisht autorësinë e krimit nga ndonjë student i tij. Ngjarja nga Pango u komentua si e ndodhur për arsye të shprehjes së mendimit dhe fjalës së lirë nga ai dhe u dënua nga i gjithë spektri politik. Pango, menjëherë pas ngjarjes, deklaroi se ai kishte marrë edhe herë të tjera kërcënime të formave të ndryshme.
Versioni
Burime të grupit hetimor deklaruan se kanë dyshime për një version të dytë mbi ngjarjen, ku mendohet që plagosja e Pangos të ketë ardhur aksidentalisht nga ndonjë pakujdesi e tij. Ky version mbështetet në faktin që afro dy muaj më parë Pangos i është grabitur autovetura e tij dhe autorët e këtij krimi ende nuk janë identifikuar. Në këto kushte specialistët mendojnë se i dëmtuari ka marrë masa për të mos u përsëritur më një gjë e tillë. Sistemi më i thjeshtë dhe me më pak shpenzime për të siguruar garazhin e tij ka qenë pikërisht sajimi i një mekanizmi artizanal mbrojtjeje. Një granatë dore ofensive (mësymëse) me rreze të shkurtër veprimi, është vendosur në tubin e shkarkimit që gjendet në krah të qepenit të garazhit. Në siguresën e granatës është vendosur një fill najloni që është kapur më pas në dorezën e qepenit. Nëse dikush tentonte të hapte qepenin, granata aktivizohej menjëherë për shpërthim. Sipas ekspertëve një mekanizëm i tillë artizanal mund të prodhohet nga kushdo që ka njohuritë minimale mbi një mjet të tillë luftarak. Një tjetër fakt që mbështet këtë version është shmangia e të dëmtuarit në krahun e kundërt të shpërthimit, gjë që i ka shpëtuar atij jetën. Për ekspertët, një lëvizje e tillë është e vështirë të bëhet nga një person që nuk e di se kush është e vendosur granata apo mjeti shpërthyes. Në vendin e ngjarjes, ekspertët e kriminalistikës kanë gjetur fillin e najlonit me të cilin ishte aktivizuar granata. Pranë vendit të ngjarjes, në brendësi të garazhit janë gjetur dy thasë që janë thurur me të njëjtin material. Familjarët e Pangos e kanë përjashtuar në mënyrë kategorike një version të tillë, ndërkohë që drejtori i policisë së Tiranës Ilirjan Zylyftari nuk e ka hedhur poshtë. Zylyftari deklaroi se “nuk e përjashtoj një version të tillë, por detajet janë çështje të hetimit që nuk mund të publikohen për arsye të sekretit”.

-----------

----------nga shekulli sot-------

[Brari]

""Në vendin e ngjarjes, ekspertët e kriminalistikës kanë gjetur fillin e najlonit me të cilin ishte aktivizuar granata. Pranë vendit të ngjarjes, në brendësi të garazhit janë gjetur dy thasë që janë thurur me të njëjtin material."""

------


Kjo eshte e verteta.

Shqiptari i pasuruar rrufeshem mbron gjahun e tije me egersi te pashoqe.

Po sikur dy tre femije camarrok te hynin ne oborr te Illit per te gjetur nji top futbolli qe i ka rene ose per te pire uje te cezma e oborrit te Viles..e te preknin deren e garazhit..Cdo ndodhtee..

Do thoshin ..ca femij kan hyre me bomb ne oborr.e u ka plasur..

Nuk eshte mire te mbrohet prona kaq barbarisht..


Karrocieri Shqiptar vetem se i varen mbrapa karroces (qe ai e konsideronte te veten megjithse ish e komunales) ca femije te vegjel nuk perton qe befasisht te godase me kamxhik mu ne fytyre femijet camarroke 5-7- 9 vjecare.
Ai qellimisht me dinakeri rrit shpejtesine e Karroces qe femijet te mos guxojn te hidhen ose zbresin dhe qe mbas kamxhikut te tije ne ftyrat e femijve dhe me perplasjen ne toke te femijve mbas kamxhikut te arrije maksimumin e Demit .
Kur kamxhiku qellonte ne Shenje dhe femijet e kamxhikuar ne fytyre rrezoheshin ne guret e rruges te dermuar karrocieri zgerdhihet i kenaqur..

Ky eshte Shqiptari..
Ska popull ma i poshter..lol.

E vrasin Drinin bandat e Limes dhe asnji nuk proteston..
E kap PONTE ..ne hage LIMEn cohen te gjithe protestojne..

Ju kujtohen kur internonin ndonji familje ne Shqiperi??

Gjith lagja dilte te shikonte..
Mos valle ti jepnin ndoj pako sheqer o ndoj batanije atyre qyqareve??

Jooo..jo.. thjesht sehir dhe solidarizim me pushtetin..me me te FORTIN..

Ylli ja ka bere vetes..

Policia duhej ta kish gjetur vjedhesin e makines se Yllit..heren e pare qe ai te mos mbrohej vet me bomba si ne Shekullin 12 te feudalizmit..

Po ku gjejne gje policet tone..

Boset e policise jane hajdute tenderash..
Banda hakmarrja vjedh e vret lirisht ne Tirane.

.....

[alvi]

Amon o Braro ku na kujtove karrocat.
Un qe thu ti, nga sSelvia e deri ke Fan Noli ashu maj karrocave si majmun, ashu te bishin me verte qenat me kamxhik, me gjith i shokun tim Ervinin (rafmet past) ashu ikshim ne shkolle, e u gjete gjithmon i mizerje qe gerthishte Kuc gastari mrapa karroces(lol)
ncncncncncncncncncn
Braro mos vdeksh kurr, se kto jan ato gjonat qe i kishim myll me i harru per fare.


Oooops, per temen, ishalla po sherohet si fillim, se dyti atje qeka me hap biznes me alarme (joeksplozive) po me nai korent a, nai gaz helmues a kush e di.
He ju shkencetaret e forumit, shpikeni sistemin se jau financojn Pangajt e Shqipnis.

[Randi]

Deri sa te dale e verteta per vrasjen e Pangos ne kemi se cfare te shkruajme per versionet dhe menyrat e plagosjes se tij.
Une mendoj nga versionet qe jane ngritur deri tani me i besushem eshte ,duke mos perjashtuar vendosjen e grenates nga ai vete per te ruajtur pasurine,qe dikush ta kete bere pasi ai e ka prekur ne kallo.Duke pasur parasysh jeten e tij teper te ngjeshur private,dhe "hobin"e tij per seks, pasi eshte edhe i divorcuar ,detyrimishte qe ka prekur dike atje ku sduhet.
Sa per versionin qe ngre ai vete, pra ate qe dikush ka dashte ta vrase per motive politike, per fjalen e lire qe ka shpreh une mendoj qe ai asnjhere nuk ka dalur me "flamur"(qeni me topa kuci dhe pulla blui), dh si profesor i sociologhise ai ka ditur te pershtatet me te gjithe qeverite.Duke ditur mentalitetin e shqipetarve(tani nuk u intereson politika)per ceshtjen e moralit (kam parasysh faktin qe tani ne shqiperi cdo dite ka viktima per ceshtje morali) eshte me i besushem ky variant.
Sido qe te jete une i uroj sherim te shpejte profesorit se tani i kemi me pakice.

RANDI

[Brari]

KJ shkruan:

-----

Ç’ESHTE KJO BALTE NDAJ PROFESORIT?

NGA EDI LESI

Ciflat qe mori nga atentati i ngritur ndaj tij, nuk i dhembin profesor Pangos, sa spekulimet banale te disa mediave. Disa gazeta per te shituar 23 kopje me shume, disa te diktuara, kane hedhur ne treg llojlloj idesh, çmendurirash ne lidhje me sulmin ndaj dekanit te Fakultetit te Shkencave Sociale. Keshtu, varianti me fantastik dhe i pabesueshem, eshte ai, sikur Pango paska vene vete eksploziv ne deren e garazhit te tij, gjoja per te ruajtur makinen.

Mirepo, a ka njeri ne bote qe beson se nje dekan i shkencave sociale, nje profesor i lidhur me auditorin prej vitesh, te kurdise te tilla marifete, per te ruajtur makinen e tij. Aq me teper, a ka njeri, nga ata qe e njohin se afermi zotin Pango, qe te mendoje vetem per nje çast qe keto versione te hedhura nga disa gazeta te cilat shquhen per shkelje te perditshme dhe brutale te etikes, kane nje baze sadopak te qendrueshme.

Duke mos perjashtuar keshtu faktin se disa gazeta qe ngrene dolli ne raste fatkeqesish, nxjerrin opsione nga me te çuditshmet, duke bere hi ne menyren me barbare dinjitetin e njeriut, prape vihet re nje levizje e mireorganizuar kunder Profesorit. Si te thuash, nje vazhdim i atentatit. Keshtu, eksplozionet e ketyre gazetave, ku e ku me te renda se sa shperthimi i para kater diteve, megjithese nuk e arrijne synimin perballe personalitetit te Pangos, serish kane nje shpjegim dhe nuk ndodhin rastesisht.

Eshte e besueshme qe dirigjuesit e “denigrimit”, te figures se dekanit, te jene ata qe nuk kane pelqyer stilin e tij te te berit oponence. Kishte kohe qe Pango ishte i rreshtuar fort, ne krah te zerave te lire, te papajtueshem me fenomenet me te keqia te ketij vendi. Do te ishte e vlefshme per prokurorine, qe nepermjet entuziaszmit te varianteve kunder dinjitetit te profesorit, te gjeje gjurme te çmuara te atentatoreve te Pangos.

Sepse nuk kemi te bejme thjesht me betejen e mediokerve ndaj inteligjences, ku siç dihet aleanca dhe shoqerizimi i ketyre te pareve eshte i tmerrshem dhe i padepertueshem dhe fitues. Por kemi te bejme me perfaqesues konkret te ketij mediokriteti, qe synuan ne fillim vdekjen dhe me pas perbaltjen e Profesor Pangos. Ne keto rrethana, çdokush, i pergjegjshem, duhet te beje sot punen e tij, per te mos e lene pushtetin e heshtjes qe ta mbylle edhe kete dosje, si shume te tjera.

---------

[Brari]

gsh
-------

S'ka ndal

Dhunti


--------------------------------------------------------

Edmond TUPJA

Rastësi apo domosdoshmëri? E shtroj këtë pyetje pikërisht për fjalën shqipe "dhunti". Përse? Sepse çuditërisht kjo fjalë përmbledh tri nocione: dhunë, unë e ti. Të jetë kjo diçka e rastësishme apo diçka e pashmangshme? Mos vallë ne shqiptarët e paskemi të gjithë këtë "dhunti" brenda vetes? Çka do të thotë së unë, vetvetja, dhe ti, tjetri, paskemi marrëdhënie që realizohen vetëm e vetëm përmes dhunës? Ndërsa motoja e Dekartit ishte "Mendoj, pra, jam", mos ndoshta motoja jonë qenka "Dhunoj, pra, jam"?

Në këto mendime drithëruese më krodhi atentati kundër profesor Ylli Pangos. Nuk është hera e parë që atentate të tilla kryhen kundër intelektualëve shqiptarë nga vetë shqiptarët. Por ajo që më habiti në këtë rast është se të gjithë, me këtë rast, nxituan të ngrenë pyetjen: "Atentat për motive politike apo jopolitike?". Për mendimin tim, kjo sigurisht që ka rëndësinë e vet, por nuk është parësore. Më thelbësorja është se sot intelektuali shqiptar është krejtësisht i pambrojtur, madje jo vetëm intelektuali, por edhe punëtori, fshatari, plaku, i riu, fëmija etj., etj. Me një fjalë, të gjithë ne që jetojmë në këtë vend të quajtur Shqipëri në fillim të këtij shekulli të quajtur XXI, jemi fare të zbuluar para dhunës në mos vdekjeprurëse, poshtëruese. Dhe kjo dhunë mund të të vijë nga e kur nuk ta pret mendja, për një fjalë goje, për një vështrim syri. Po, po, për një vështrim syri. Më kujtohet një kronikë televizive gjatë trazirave të fillimvitit 1997. Diku në jug, një djalë i ri, me pistoletë në brez, kur e pyeti gazetari i huaj përse i duhej ajo armë, u përgjigj fare gjakftohtë: "Që t'ia zbraz ndonjërit që do të më shikojë në sy!". Pra, që të shmangim rreziqet që mund të na kërcënojnë edhe fizikisht, edhe psikologjikisht, duhet të heshtim, të mos dëgjojmë, të mos vështrojmë, të mos japim mendim për tjetrin, mundësisht të jemi të padukshëm, pa erë, pa ngjyrë, pa shije, pa seks, domethënë të mos jemi.

Nuk kam ndër mend t'i bëj një analizë të hollësishme dukurisë "dhunë" kaq karakteristike për shoqërinë e sotme shqiptare, por dëshiroj të kthehem edhe një herë te titulli i këtij shkrimi; kur saktësova pak më lart se fjala "dhunti" përmban tri elemente konceptuale: dhunë, unë e ti, kjo s'do të thotë se njëri nga ne të dy, ta zemë ti, je gjithnjë viktima ime, kurse unë, gjithnjë xhelati yt; jo, gjatë marrëdhënieve tona të dhunshme, na qëllon t'i ndërrojmë herë pas here rolet, ti bëhesh xhelati im e unë viktima jote. Me këtë dua të them se në shoqërinë tonë të sotme nuk kemi viktimat e dhunës, nga njëra anë, dhe autorët e dhunës, nga ana tjetër, të ndarë me një mur kinez; jo, nganjëherë viktimat kthehen në autorë dhune dhe autorët e dhunës në viktima. Kjo kategori e fundit disi e veçantë, ku individët shfaqen njëherazi si burim dhe si shënjestër dhune, më duket të jetë më e rrezikshmja, sepse përligj dhunën e ushtruar me dhunën e pësuar nga i njëjti individ. Eshtë pikërisht ky dyzim apo bipolaritet i theksuar që i ndërlikon gjërat dhe e bën tejet të rrezikshme dhunën në shoqërinë tonë të çekuilibruar.

Sikur të gjithë shqiptarëve t'u bëhej një pyetje test e tipit "Nëse do të vdisnit e për t'u ringjallur do t'ju kërkohej të zgjidhnit midis ekzistencës si qengj dhe asaj si ujk, cilën do të zgjidhnit?", unë nuk jam i sigurt se të gjithë do të zgjidhnin të gdhiheshin qengja. Kur ia bëra këtë pyetja komshiut dhe mikut tim të vjetër Aqif Qifa, ai m'u përgjigj: "Sigurisht qengj, por me kusht që rreth e përqark meje të mos ketë ujqër". Por unë ngula këmbë: "Po sikur të ketë ujqër?" Ai m'u përgjigj: "Atëherë ujk, po me kusht që rreth e përqark meje të mos ketë qengja". Por unë ngula këmbë përsëri: "Po sikur të ketë qengja?". Përgjigja që mora ishte logjike, çarmatosëse dhe cinike njëkohësisht: "Atëherë edhe qengj, edhe ujk". Kësaj, po, i thonë dhunti!

-------- gsh.....

[Albo]

PANGO, SAJESA E AKSIDENTIT

Artur Qorraj

Tirane  Policia hedh poshte pistat e vendosjes aksidentale te bombes ne tubin e shkarkimit dhe faktin se autori eshte studenti i vitit te katert Ilir Dobrozi. Per momentin, mbeten pistat qe lidhen me detyren e tij si dekan dhe keshilltar i presidentit dhe ajo politike qe ka deklaruar vete Pango. Zyrtare te larte te policise se kryeqytetit kane shkuar perseri ne vendngjarje, shtepine e dekanit Ylli Pango dhe kane rikryer keqyrjen e saj. Drejtori i Policise Ilirian Zylyftari ka shkuar personalisht drejt Spitalit Ushtarak per te kontaktuar me Ylli Pangon, por gjendja jo e mire, nen efektin e narkozes, e ka bere qe te bisedoje me te afermit dhe te konfirmoje faktin se nuk behet fjale per nje rast aksidental. Grupi i ekspertizes ende nuk ka perfunduar hetimet, por nga procedurat e zbatuara deri ne keto momente, nuk ekziston asnje mundesi qe dekani ta kete vendosur granaten vete. Po burime te policise thane se kane kryer disa shoqerime, mes te cilave dhe studentin nga Laçi, i cili u perjashtua dy muaj me pare, pasi fyeu dhe goditi nje pedagoge per shkak te notes se ulet qe i kishte vene ne provim. Ai eshte mbajtur i shoqeruar per disa ore dhe me pas eshte lene i lire. Hetuesit nuk kane dyshuar tek ai, por fakti qe ishte perjashtuar duke humbur diplomen, ka lene hijet e nje mundshmerie. Studenti kishte kerkuar rikthimin ne fakultet pas incidentit, por kjo gje siç treguan pedagoget ishte e pamundur sepse gjithçka ishte hedhur ne leter. “Nese kishte nje inat ai do ta kishte zbrazur tek pedagogia qe i vuri noten negative dhe jo tek dekani”, u shprehen koleget e Pangos. Por perseri burime te policise heshten rreth pistave e motiveve te mundshme qe te çojne tek zbardhja e ngjarjes se plote. Te afermit mohuan kategorikisht qe Ylli ta kishte vendosur granaten pse i kishin vjedhur nje benz. “Nuk kishte pse te rrezikonte jeten me nje veprim te tille dhe nese do ta kishte vendosur vete do te ruhej patjeter”, tha nje nga familjaret, qe konfirmoi faktin e vjedhjes se makines. Te vetmet pista per blute dhe hetuesit lidhen me postin e vete Pangos dhe detyrat qe ai kryente, pasi dihet qe eshte keshilltar i presidentit Moisiu dhe ajo e nje hakmarrje te mundshme politike qe ai e ka deklaruar vete. “Versioni qe profesori ka vendosur vete granaten eshte nje sajese, nje shpifje per ta ulur si figure”, u shpreh nje nga pedagoget dje ne spital.

Pango drejt permiresimit

Pas nje konsultimi te gjate mbi dhjete mjeke specialiste te Spitalit Ushtarak kane vendosur pasditen vone te se premtes qe Ylli Pango t’i nenshtrohej menjehere nje operacioni. Jane kryer te gjitha grafite e skanerat e plageve qe kishte, ku me rrezikshmeri paraqiteshin kater ne bark dhe gjoks. Dy prej tyre ishin me te thella dhe pjeset metalike kishin depertuar ne brendesi te shtresave te barkut. Disa kirurge kane marre persiper operacionin qe ka zgjatur dy ore dhe ka perfunduar me sukses. “Gjendja paraqitet e mire dhe nuk ka nevoje per nje nderhyrje tjeter kirurgjikale. Vetem se eshte i lodhur dhe po kalon situaten e pasoperacionit”, u shpreh kunati i tij, ne te njejten kohe dhe doktor. Madje dhe presidenti Moisiu ka anulluar viziten e tij te programuar pasditen e se premtes. Ai kishte shtyre per nje dite me vone kete vizite, qe do te varej nga gjendja shendetesore e keshilltarit te tij. “Mendojme se eshte e nevojshme qe te qendroje dhe per pese dite ne spital”, tha nje nga doktoret.

Moisiu per vizite

Por dekanin e Fakultetit te Shkencave Sociale Ylli Pango e ka vizituar dje edhe presidenti Alfred Moisiu. Pango ne te njejten kohe eshte dhe keshilltari i presidentit. Vizita e numrit nje te shtetit, eshte bere rreth ores 18.30 te mbremjes se djeshme, ndersa ishte programuar nje dite me pare. Por operacioni i papritur beri qe kjo izite te shtyhej. Presidenti eshte interesuar per gjendjen e keshilltarit te tij dhe mjeket i kane shpjeguar se shume shpejte ai do te lere spitalin dhe se eshte mire. Moisiu e denoi aktin si shembull te keq dhe goditje te inteligjences shqiptare.

[Albo]

Njerezit qe nuk respektojne nje profesor, nuk respektojne vetveten.

Jeni te gjithe viktima te nje manipulimi te shtypit shqiptar qe po vazhdon atentatin ndaj Pango, me shprese qe te denigroje figuren e tij e ta beje mendimin e tij te pabesueshem ne syte e publikut. Hidhuni nje sy se sa bukur te gjitha gazetat po hedhin ne faqet e tyre te njejtat lajme.

Ashtu si atentati, edhe post-atentati eshte organizuar bukur.