Pas ngjarjes së 25 korrikut, sa janë funksionale rrugët dytësore në Veri të Kosovës

[projekti21_dk]

Pas ngjarjes së 25 korrikut ( unë nuk po i bëj kurrfarë emërtimi kësaj ngjerjeje, sepse ka mendime të ndryshme), Qeveria doli me kumtesën se do të gjenden rrugë të tjera ( meqë ajo kryesorja është bllokuar ) për të kaluar në ato vise.

Tema nuk ka karakter politik, prandaj do të kërkoja prej jush të sillni informata:

Si është gjendja e popullatës shqiptare atje, sepse gjatë gjithë kohës jemi dhënë vetëm pas ngjarjes dhe gati kemi harruar se atje janë një mori fshatrash shqiptare me një popullsi të konsiderueshme. Besoj kanë përkujdesje të mjaftueshme?

[projekti21_dk]

Serbët ua bllokojnë rrugën tri fshatrave shqiptare në veri Mitrovicë,

2 gusht 2011 (Kosovapress) Koha: 17:35

Serbët ua kanë bllokuar rrugën tri fshatrave shqiptare, Bistricë, Serajë dhe Koshtovë, në veri të vendit. Rruga e bllokuar me drunj e rërë, lidh tri fshatrat shqiptare me magjistralen Mitrovicë – Leposaviq.

Banorët shqiptarë kanë kërkuar nga autoritet e Kosovës dhe forcat e KFRO-it që tu dalin në ndihmë, për t’ua mundësuar qarkullimin e lirë.

Me urdhër të kryetarit të Komunës së Mitrovicës, Avni Kastrati, nga dje kanë filluar punimet për të hapur një rrugë malore, e cila do t’ua mundësonte fshatrave shqiptare të veriut qarkullimin.

Deri sa të kryhen punimet në hapjen e kësaj rruge, apo nëse nuk merret ndonjë aksion nga forcat e rendit, për hapjen e rrugëve të bllokuara nga serbët, fshatrat shqiptare Bistrica, Seraja, Koshtova, Boletini e Kelmendi, do të mbesin të bllokuara dhe me rrezik që banorët e këtyre fshatrave të mbesin dhe pa ushqimet elementare për jetë./Kosovapress/