Makbule Ceco: PS po perjeton krizen e saj me te rende, qe nga themelimi

[shigjeta]

Islami: Rama nuk e tërheq dot më karrocën e PS

Tiranë- Deputeti Kastriot Islami ka shtuar dozën e kritikës për kreun e PS-së, duke pohuar mbrëmë se: “Edi Rama nuk e tërheq dot më karrocën e PS”. Gjatë emisionit “Fakt”, Islami tha mbrëmë se, që prej vitit 2009, është krijuar idea se Rama nuk i ruan dot më votat e tij. “Që nga viti 2009, është krijuar idea në bazë të fakteve dhe rezultateve se Rama ose nuk i grumbullon, ose nuk i ruan dot votat e tij. Ka arritur një situatë që Edi Rama nuk e tërheq më dot karrocën e PS-së” – u shpreh Islami. Ndërkohë, i pyetur në lidhje me fituesin e Bashkisë së Tiranës, ai është shprehur se do të presë vendimin përfundimtar të Kolegjit Zgjedhor. “Deklarata e Kantrimenit, për të mos vendosur interesat personale mbi ato partiake, i drejtohej Ramës, i cili nuk duhet të bëjë më presione dhe kërcënime, se nuk shkojnë. Mendoj se pas vendimit të Kolegjit do të vijnë mesazhe nga ndërkombëtarët, që Rama të pranojë rezultatin. Me këtë sjellje politike, Rama nuk është në rrugën e sjelljes së të majtës në pushtet. Gjithashtu, Rama nuk është më garant, as i fitores, e as i bashkimit të së majtës” – deklaroi Kastriot Islami. I pyetur për zgjidhjen e situatës që është krijuar brenda PS-së, pas humbjes së supozuar në Tiranë, Islami u shpreh se të gjithë drejtuesit në nivel politik, vendor e qendror të reflektojnë. “Janë dy rrugë, që mund të çojnë në zgjidhjen e kësaj situate. E para: Rama merr përsipër të korrigjojë filozofinë e bashkimit të së majtës, koalicionet me aleatët, forumet dhe të lirive të brendshme në PS. Dhe e dyta, duhet të shkohet në një Kongres, ku secili të konkurrojë në të. Në një farë mënyre, një rithemelim i së majtës” – tha Islami.

Në fund të intervistës, deputeti i Partisë Socialistë është pyetur në lidhje me thashethemet që qarkullojnë, sipas të cilave ai është një kandidaturë kryesore për postin e Presidentit të Republikës. Islami u shpreh se është shumë larg në kohë, zgjedhja e Presidentit dhe e dyta, sipas tij, kjo është një çështje e marrëveshjes Berisha-Meta. “Do të isha shumë naiv, po të thosha, po ose jo në këtë moment” – mbylli fjalën e tij Kastriot Islami.

MAPO

[Guri i Kuq]

Sonte Kastriot Islami ishte në ABC-News,me Sonila Meço dhe të them të drejten,përkundër rezervave të natyrshme që kam për këtë njeri, që nga koha kur ishte një nga ministrat e PS dhe një nga ideologët kryesor të saj, dhe ndër kundërshtarët më të zëshëm të PD,sonte më ka bërë shumë përshtypje elekueca e tij,fjalori,rezoni e mbi të gjitha qartësia e mendimeve të tij, rreth të ardhmes së PS e sidomos, të Edvin Kristaq Ramës...
Logjika e ftohtë,herë-herë burokratike e tij imponon rrespekt,thënë më së buti..
Mjerë Rama- çka e pret,nëse realizohet vetëm gjysma e asaj çka tha sonte Kastriot Islami.....

[juanito02]

Asnjehere ska per tu bere ajo qe thote Islami. Nje palo socialist i Nanos qe kerkon te mbaje statukone e Katovices shqiptare.
Harron Islami se bashku me Meten qe jane bashkuar Berishes po i bejne sherbim te madh vijes serbe te Berishes kunder kombit e shqiptareve.
Eshte koha e nacionalisteve te vertete sot qe sduan as komuniste as pro serbe e as pro greke dhe fshesa sociale ska per te vonuar per te gjithe keta.

[Prometeu2]

Asnjehere ska per tu bere ajo qe thote Islami. Nje palo socialist i Nanos qe kerkon te mbaje statukone e Katovices shqiptare.
Harron Islami se bashku me Meten qe jane bashkuar Berishes po i bejne sherbim te madh vijes serbe te Berishes kunder kombit e shqiptareve.
Eshte koha e nacionalisteve te vertete sot qe sduan as komuniste as pro serbe e as pro greke dhe fshesa sociale ska per te vonuar per te gjithe keta.

Mund te te kuptoj nese ke rezerva ndaj Berishes, Metes e Islamit, por te shohesh shpetimin tek Rama, kjo tingellon absurde, sidomos nese ke parasysh ato cfare ke cekur ne shkrimin tend, pra qe eshte koha e nacionalisteve.... Mos me thuaj se Rama, Ruci & Co. jane ata!!!

[juanito02]

Rama e Ruci nuk jane te prosllavet e te progreket po sjane ata qe do realisht Shqiperia.
Komunist 24 karatesh mbetet Ruci pa diskutim po ja qe ska Fazllice as Nicholas Gage pas vetes.
Nga ky llum social qe na la komunizmi do qemtojme kush e do Shqiperine e kush nuk e do, skemi trashegimi tjeter.

[shigjeta]

Edi Rama fton Nanon në festën e 20-vjetorit të PS

Partia Socialiste feston të dielën 20-vjetorin e krijimit të saj. Për këtë ditë, selia rozë ka marrë të gjitha masat që të dielën pasdite, në hotel “Sheraton”, të ftojë një numër jo të vogël, mbi 700 veta, në një ceremoni festive. Një ftesë të veçantë ka marrë ai që njihet nga të gjithë si themeluesi apo ai që mori drejtimin e partisë së re që doli pas Kongresit të qershorit 1991.Fatos Nano dhe disa personalitete të larta të kësaj partie ndër vite, si ish-sekretari i Përgjithshëm dhe nënkryetari i saj e më pas kryetar i Kuvendit, Servet Pëllumbi, ish-presidenti Rexhep Meidani, njeriu që bëri kthesën në kongresin e themelimit të PS, shkrimtari i njohur Dritëro Agolli, kanë marrë ftesa të veçanta për të qenë të pranishëm në këtë ceremoni festive. “Me rastin e 20 vjetorit të krijimit të PS, kam kënaqësinë t’ju ftoj në ceremoninë festive që do të organizohet në hotel “Sheraton”, ditën e diel, dt.12.06.2011″, thuhet në ftesën zyrtare të dërguar e firmosur nga kryetari Edi Rama. Të ftuar në ceremoninë festive të 20 vjetorit të themelimit të Partisë Socialiste janë ish-deputetë socialistë, ish-kryetarë bashkish dhe komunash, por edhe ata aktualë të konfirmuar në zgjedhjet e 8 majit. Gjithashtu, të ftuar janë ish-prefektë dhe të mandatuar socialistë ndër vite në postet administrative dhe politike. Nuk janë lënë jashtë liste dhe personalitete akademike, Ylli Popa, Arben Puto etj., kostitucionalistë, si Luan Omari, Njazi Jaho, juristë, historianë si Kristo Frashëri e shumë të tjerë. Nuk mungojnë në këtë festë dhe trupi diplomatik i akredituar në Tiranë, por edhe përfaqësues të partive politike pjesë të koalicionit “Aleanca për të ardhmen”.
Ftesat
Mësohet se ftesa i është dërguar Fatos Nanos përmes një miku të tij dhe ka rënë në dorë të ish-kreut socialist. Nuk dihet nëse Nano do të jetë prezent të dielën. Pas zgjedhjeve të 8 majit, për herë të parë, kryesocialisti Rama ka risjellë në vëmendje paraardhësin e tij, Fatos Nano, pas vendimit të Kolegjit Zgjedhor për rezultatin e Tiranës. Duke shprehur rezervat e veta ndaj kredibilitetit të gjykatave, Rama tha në një komunikim me mediat se “këto gjykata çuan në burg kryetarin e opozitës”. Nano, që pas zgjedhjes së Presidentit të Republikës në korrik 2007, është vënë në shënjestër të akuzave të Edi Ramës, duke vënë shenjën e barazimit mes tij dhe Sali Berishës. Në jo pak raste, veçanërisht në zgjedhjet e pushtetit vendor 2007, por edhe ato parlamentare të 2009, Nano është inkuadruar nga Rama në treshen e së keqes së vendit, bashkë me kreun e maxhorancës, Berisha, dhe kreun e Lëvizjes Socialiste për Integrim, Ilir Meta. Pjesëmarrësit në këtë ceremoni festive do të jenë nga fusha të ndryshme. Një pjesëmarrje e tillë, me mbi 700 veta, nuk jep mundësi për ndonjë spektakël në festim, por pritet që të ketë një fjalë përshëndetëse të kryetari Edi Rama, i cili pritet që ta lidhë këtë moment dhe me situatën aktuale politike pas 8 majit dhe të ardhmen e Partisë Socialiste. Ftesa ka mbërritur edhe te deputetët që kanë dalë kohët e fundit kundër vendimit politik të grupit parlamentar, si Kastriot Islami dhe Andis Harasani, të cilët kanë qenë prezent në seancat parlamentare pas zgjedhjeve të 8 majit, kur grupi i deputetëve vendosi marrëdhënie të “ngrira” me Kuvendin. Ceremonia festive e 20 vjetorit të krijimit të PS zhvillohet një muaj pas zgjedhjeve administrative të 8 majit, e kur rezultati i Tiranës ka mbetur dyerve të Gjykatës së Apelit.

ARISTIR LUMEZI - Panorama

[shigjeta]

Rama bën sikur fton Nanon në 20-vjetorin e Partisë Socialiste

Sot një pjesë e shtypit shqiptar u hap me titujt “Rama fton Nanon në 20-vjetorin e Partisë Socialiste”.

I kontaktuar nga “TV Klan”, Fatos Nano, ka sqaruar nëse kishte marrë ose jo ftesë nga lideri aktual i Partisë Socialiste Rama, tha se nga Rama ai priste ndjesën dhe jo ftesën.

Më pas, ai shtoi se nuk kishte marrë asnjë ftese nga Rama dhe se nuk ishte hera e parë që Rama bënte të tilla lojëra politiko-mediatike.

Pak javë më parë, Rama kishte hapur fjalë se po darkonte me Nanon në një restorant në Tiranë, ndërkohë që kamerat e “TV Klan” vërtetuan se ata vërtet ishin në një restorant, po në tavolina të ndryshme dhe nuk komunikuan fare me njëri-tjetrin.

Ftesa e sajuar e Ramës për Nanon vjen jo thjesht në 20 vjetorin e Partisë Socialiste, por një ditë përpara vendimit të Kolegjit, ku sipas të gjithë ekspertëve ligjorë, humbja e tij është e çimentuar.

Ndërkohë, njerëz të afërt me Ramën thanë për “TV Klan” se kjo ftesë e sajuar e Ramës, vjen nga komplekset e vjetra që ai ka me liderin historik të PS-së.

Një njeri i afërt pranë Ramës tha se të gjithë këtë, Rama e bën që Nano të mos vijë në 20-vjetorin e partisë, por nga ana tjetër e ka të vështirë të justifikohet para socialistëve që nuk e ka ftuar liderin e partisë në këtë jubilar.

KLAN

[mesuesi_1]

Rama bën sikur fton Nanon në 20-vjetorin e Partisë Socialiste

Më pas, ai shtoi se nuk kishte marrë asnjë ftese nga Rama dhe se nuk ishte hera e parë që Rama bënte të tilla lojëra politiko-mediatike.

ne fakt i paftyri Edver edhe kur u "martua" hapi fjalen se i kishte bere ftese Nanos gje te cilen ky i fundit e hodhi poshte si nje genjeshter te radhes te Edverit ....

eshte i paftyre, i palare, i parruajtur, thonj-paprere gjithashtu .....

*
a di gje njeri nese e ka ftuar edhe Armand Pezen ky thonj-papreri ?


.

[Hyllien]

Po car o mësus duhet me u ndje keq ndaj Nanos me këtë shkrimin tënd, a duhet me vlerësu "integritetin" e Nanos në relatë me Edvinin a si ? Një dreq janë të dy. Se kuptoj pse Nano po ngrihet me disa akrobacira mediatike duke sulmuar Edvinin, kur që të dy sikur të shporren, më mirë do ishte.

[juanito02]

Nano bashke me Saline e Meten le te festojne diten e katovices kur Alia i dha atyre shansin qe te ndertonin neokomunizmin ne Shqiperi.