Pazari u hap, vraponi dhe bëni pazarin

[ramazan_it]

Pazari u hap, vraponi dhe bëni pazarin

Muaji i shenjë i Ramazanit është si nji pazar, kush vrapon dhe e kap këtë pazar, do të jetë fitues. Në këtë pazar vlera e madhe është përfitimi i sevapeve, mbasi nuk kemi të bëjmë me dinarë, euro, dollarë, flori, etj.. Kemi të bëjmë me përfitimin e gjërave që All-llahu i pëlqen dhe na ka urdhëruar që ti bëjmë ne, për të përfituar në këtë botë dhe në botën tjetër.

Sevapet që fitohen në këtë muaj janë të mëdhaja, por ne duhet ditur se si ti fitojmë ato dhe ti shumfishojmë për të qenë nga ata fituesit më të pasur.

A ka kush që don me u pasuru në këtë pazar të begatshëm, mbasi e dimë se për nji sevap i ke 10 sevape, kurse në këtë pazar nji sevap arrin deri në 700 sevape dhe më tepër.

Deshta me i përmendur se njerëzit që gjatë pritjes së këtij muaji janë disa llojesh:

- Ka nga njerëzit që gëzohen me tregëtinë që bejnë në këtë muaj, për shkak të fluksit të madh të klientëve besimtarë ,që blejnë për të ngrënë në këtë muaj, e si pasojë kjo u sjell atyre shumë të mira materiale, pra këta njerëz nuk i gëzohen muajit të Ramazanit porse tregtisë në të.

- Ka nga njerëzit që me hyrjen e këtij muaji janë edhe më të lirë se në muajt tjerë dhe i gëzohen kësaj kohë të lirë për ta kaluar natën duke shikuar seriale të ndryshme, duke u zbavitur me shoqërinë, duke luajtur lojra të ndryshme, duke ndëgjuar muzikë, duke ndejt natën deri në syfyr kurse të nesërmen duke u zgjuar vonë vetëm e vetëm që të kaloj sa ma pak kohë i agjërueshëm sepse shpesh për këtë lloj njerëzish agjërimi është i vështirë dhe i pavlefshëm.

- Porse ka nga njerëzit të cilët përveç që ia din vlerën këtij muaji, ata garojnë në vepra të mira, e planifikojnë kohën në mënyrë më të mirë të mundshme dhe atë për të lexuar Kur'an, për të bërë dua, para iftarit dhe syfyrit, për të falë namaz natë dhe taravi, për të vizituar farefisin, duke u marë me organizime të ndryshme të cilat janë në dobi të shoqërisë ku jeton ai sikurse është organizimi i mbledhjes së zekatit, shpërndarjes së fitrave, pregatitjes së iftareve etj.

Për këtë muaj i Dërgauri i Allahut (paqa dhe mëshira e Allahut qofshin mbi të):

” Kur vjen muaji i ramazanit happen dyert e xhenetit…”

Hapen dyert e kujt…o rob i Allahut, përse!?

Ato janë dyert e xhenetit! Dyer të cilat kur happen nuhatet era e xhenetit sa udhëtari që kalon duke ecur dyzet vjet. Dyert e xhenetit në të cilat ka atë që syri nuk e ka parë, veshi nuk e ka ndëgjuar e as që mendja e njeriut mund ta ketë imagjinuar, do të happen këta dyer pas pak ditësh, kështu që pregatitu për të se ndoshta një prej banorëve të tij e ti nuk e di një gjë të tillë.

Po ashtu i Dërguari i Allahut (paqa dhe mëshira e Allahut qofshin mbi të) ka thënë:

” …mbyllen dyert e xhehenemit…”.

Po o robi i Allahut xhehenemi në muajin e Ramazanit mbyllet. Pos kësaj Allahu liron nga zjarri i xhehenemit njerëz çdo natë gjatë muajit të ramazanit.

Prandaj mendo o rob i Allahut pse ndodh kjo pikërisht në këtë muaj?! E gjitha kjo për shkak mëshirës së madhe që zbret Allahu në këtë muaj. Mos harro vëlla i dashur kërcënimin që përmban hadithi i të Dërguarit të Allahut (paqa dhe mëshira e Allahut qofshin mbi të):

” i shkatëruar qoftë, i shkatëruar qoftë, i shkatëruar qoftë ai i cili e arin muajin e Ramazanit dhe nuk i falën mëkatet.”

Kurse për të na u falur mëkatet e dim se çduhet bërë, pasi edhe për këtë na tregon hadithi tjetër i të Dërguarit të Allahut (paqa dhe mëshira e Allahut qofshin mbi të) ku thotë:

” Ai i cili e agjëron muajin e ramazanit me besim dhe shpresë tek shpërblimi i Allahut do ti fallen mëkatet e kaluara.”

Pra ky është muaji i zbritjes së mëshirave, muaji i faljes, thjesht thënë muaji i shanseve të mëdha me pak mund dhe sakrificë.

Po o robi i All-llahut, kjo është kështu dhe atë që nuk e kemi përmendur akoma është nata e kadrit, që vlerën e ka sa 83 vjet adhurim, që ajo gjendet po në këtë pazar.

Kush është prej tyre që don me përfitu nga ky pazar, urdhëroni se nuk dihet se a do ta arrini në pazarin tjetër.

Kur i vjen fundi pazarit, kush fitoi, ka fituar dhe kush nuk e mori për seriozisht këtë, do të jetë nga ata që ka humbur pasurinë më të madhe të tij. Mos pritni fundin se do të jetë vonë për ata që nuk përfituan nga ky pazar i bollshëm dhe përfitues.

Ju urroj pazar të mbarë dhe ju urroj këtë muaj të begatshëm me adhurim dhe agjërim të lehtë të gjithë besimtarëve mysliman kudo që të jenë.

All-llahu va lehtësoftë dhe ju shpërbleftë m shpërblimin më të madh.

Esselamu alejkum ue rahmetull-llahi ue berekatuhu.

[ramazan_it]

Urime muajin e bekuar të Ramazanit dhe Allahu ju bekoftë me të gjitha të mirat! Agjërim të lehtë, falje mëkatesh dhe largim nga zjarri i xhehenemit!

[ramazan_it]

Disa këshilla për këtë muaj të bekuar

1. Lute Allahun që ta mundësojë ta arrish Ramazanin dhe të bësh sa më shumë vepra të mira siç kanë bërë të parët tanë!

2. Përpiqu të agjërosh çdo ditë me iman dhe qëllim të pastër duke kërkuar vetëm shpërblimin e Allahut! I dërguari i Allahut, lavdërimi dhe paqja e Allahut qofshin mbi të, ka thënë: “Kush e agjëron Ramazanin me besim dhe duke kërkuar shpërblim (prej Allahut), mëkatet e tij të kaluara do t’i falen”. (Buhariu)

3. Lexoje tërë Kur’anin së paku një herë gjatë këtij muaji, siç ka vepruar i dërguari i Allahut, lavdërimi dhe paqja e Allahut qofshin mbi të!

4. Hani syfyr, sepse i Dërguari, lavdërimi dhe paqja e Allahut qofshin mbi të, ka thënë: “Hani syfyr se në të ka bereqet”.

5. Bëni dua gjatë agjërimit, sepse i dërguari i Allahut, lavdërimi dhe paqja e Allahut qofshin mbi të, ka thënë se lutjet e tre personave nuk refuzohen, njëri prej tyre është agjëruesi! Kërko të mira në këtë jetë dhe në tjetrën për veten, familjen tënde dhe myslimanët në përgjithësi!

6. Bë dua para se të fillosh iftarin! I dërguari i Allahut, lavdërimi dhe shpëtimi i Allahut qofshin mbi të, ka thënë: “Agjëruesit i pranohet duaja kur e fillon iftarin”.

7. Jep sadaka dhe bëhu e mirë me njerëzit! I dërguari i Allahut, lavdërimi dhe paqja e Allahut qofshin mbi të, ishte më bujari prej njerëzve dhe ai ishte më bujari në Ramazan.

8. Largoju çdo gjëje që e dobëson agjërimin, si: rrena, thashethemet, mashtrimet, zemërimi etj. I Dërguari, lavdërimi dhe paqja e Allahut qofshin mbi të, ka thënë:
“Kush flet fjalë të pavërteta, bën punë të liga dhe iu thotë fjalë të këqija të tjerëve, Allahu nuk ka nevojë për (agjërimin e tij) braktisjen nga ai të ushqimit dhe pijes.” (Buhariu)

9. Mos hani shumë ushqim gjatë iftarit!

10. Kërkoni falje, pasi në këtë muaj Allahu i liron njerëzit nga zjarri!

11. Falni teravitë me përqendrim! Nëse faleni në xhami, kompletoni namazin me imamin! Nëse faleni në shtëpi, zgjateni namazin aq sa të mundeni! I dërguari i Allahut, lavdërimi dhe paqja e Allahut qofshin mbi të, ka thënë:
“Kush falet në Ramazan me iman dhe duke kërkuar shpërblim (prej Allahut), mëkatet e tij të kaluara do t’i falen”.

12. Ushqe të varfrit dhe ftoji të tjerët për iftar! I dërguari i Allahut, lavdërimi dhe shpëtimi i Allahut qofshin mbi të, ka thënë: “Kush i jep iftar dikujt që agjëron, ai do të ketë shpërblim të njëjtë pa iu pakësuar shpërblimi personit që agjëron”.

13. Mundohu shumë për ibadet gjatë dhjetë netëve të fundit, posaçërisht gjatë netëve të tek! I dërguari i Allahut, lavdërimi dhe paqja e Allahut qofshin mbi të, është përpjekur në Ramazan më shumë sesa në ndonjë muaj tjetër dhe posaçërisht është përpjekur në dhjetë netët e fundit.

14. Thuaje këtë dua në ndonjërën prej netëve që ka gjasë të jetë Nata e Kadrit:
“Allahumme inneke afuwun tuhibbul afwe fa’fu anni”. (O Allah, Ti je Falës dhe e do faljen, kështu që më fal mua!)!

15. Lute Allahun që t’i pranojë të gjitha veprat tua të mira gjatë këtij muaji!


Esselamu alejkum ue rahmetull-llahi ue berekatuhu

[ramazan_it]

Disa hadithe që flasin për Ramazanin

Transmetohet nga i Dërguari i Allahut, Muhamedi alejhi selam, se ka thënë:

"Zoti i Madhëruar ka thënë: "Çdo vepër e birit të Ademit i takon atij, përveç agjërimit. Ai është për Mua dhe Unë shpërblej për të. Agjërimi është mburojë (nga epshet dhe zjarri), prandaj kur të agjërojë ndokush, le të mos flasë fjalë të ndyta dhe mos ta ngrejë zërin. E, nëse dikush e ngacmon apo e sulmon, le të thotë: "Unë jam agjërues, Unë jam agjërues!"Dhe pasha Atë në dorën e të Cilit është shpirti i Muhamedit, aroma e pakëndshme që del nga goja e agjëruesit është më e mirë tek Allahu sesa era e miskut. Agjëruesi i përjeton dy gëzime: kur të hajë iftar, gëzohet dhe kur ta takojë Zotin e vet, gëzohet për agjërimin e tij (për shpërblimin)."

Në një transmetim tjetër qëndron:

- Pejgamberi alejhi selam thotë:

"Çdo vepër e birit të Ademit i takon atij. Një e mirë shpërblehet sa dhjetë e bile deri në shtatëqind herë shumëfishohet shpërblimi", e Zoti ka thënë: "Përpos agjërimit. Ai është për Mua dhe Unë shpërblej për të, për shkak se njeriu e braktis ushqimin për Mua, e braktis pijen për Mua, i braktis të këndshmet për Mua, e braktisë gruan e tij për Mua. Era e keqe e gojës së agjëruesit është më e mirë tek Allahu se aroma e miskut. Agjëruesi i ka dy gëzime: njërin gëzim kur të hajë iftar dhe tjetrin kur të takojë Zotin e vet."



- I Dërguari i Allahut ka thënë:

"Në xhenet ekziston një derë që quhet rejjan, nga e cila hyjnë agjëruesit në Ditën e Kiametit dhe askush tjetër nuk hyn nga ajo derë. E kur të hyjnë ata, ajo mbyllet e askush tjetër nuk hyn."

- "Kush thotë: Nuk meriton të adhurohet askush përveç Allahut (La ilahe il-lallah) dhe jeta e tij mbaron me këtë, hyn në xhenet. Kush agjëron një ditë duke pasur për qëllim fytyrën e Allahut dhe jeta e tij mbaron me këtë, hyn në xhenet. Kush jep një sadaka (lëmoshë) duke pasur për qëllim fytyrën e Allahut dhe jeta e tij mbaron me këtë, hyn në xhenet."


- Tregon Ebu Umame:

"Shkova tek i Dërguari i Allahut, paqja e Allahut qoftë mbi të, dhe i thashë: "Më urdhëro me një vepër që të kem dobi tek Allahu me të."
Më tha: "Të urdhëroj të agjërosh, ngase nuk ka diçka të njëjtë me të."


- Muhamedi alejhi selam ka thënë:

"Çdo rob (njeri a xhin) që agjëron një ditë në rrugë të Allahut, Allahu e largon fytyrën e tij nga zjarri (i xhehenemit) në një distancë sa ecën njeriu shtatëdhjetë vjet."


- Pejgamberi alejhi selam thotë:

"Kush e agjëron Ramazanin me besim në Allahun dhe me shpresë në shpërblimin e Tij, i falen mëkatet e kaluara dhe kush falet në natën e Kadrit me besim në Allahun dhe me shpresë në shpërblimin e Tij, i falen mëkatet e kaluara."


Gjithashtu ka thënë:

"Pesë namazet në ditë, namazi i xhumasë deri në namazin tjetër të xhumasë, dhe agjërimi i Ramazanit deri në agjërimin e Ramazanit tjetër, i fshijnë mëkatet që janë ndërmjet tyre, nëse njeriu largohet nga mëkatet e mëdha."


Në një rast i Dërguari i Allahut u tha shokëve të tij:

-Ejani te minberi!

Thotë Ka'b ibën Uxhra: "Dhe iu afruam, e kur hipi një shkallë tha Amin! dhe u ngrit edhe një shkallë e tha Amin! E, kur u ngrit në shkallën e tretë tha përsëri Amin! Pasi zbriti, i thamë: -O i Dërguar i Allahut, sot dëgjuam nga ti diçka që s'kemi dëgjuar më parë."

Ai tha: -M'u paraqit Xhibrili alejhi selam dhe tha: "U largoftë (nga mëshira e Allahut, shprehje mallkimi) ai që e zë Ramazani dhe nuk i falen mëkatet!" E unë thashë: "Amin!" Kur u ngrita në të dytën, ai tha: "U largoftë ai që kur përmendesh ti në prezencë të tij, nuk të përshëndet (me selam e salavat)!" (Unë) Thashë: Amin! E kur hipa në të tretën, ai tha: "U largoftë ai që prindërit e tij apo njërin prej tyre e zë pleqëria tek ai, e pleqëria e prindërve të tij nuk e fut në xhenet!" (Unë) Thashë: Amin!

-Thotë Pejgamberi alejhi selam:

"Kur të vijë Ramazani hapen dyert e mëshirës, mbyllen dyert e xhehenemit dhe lidhen shejtanët."

- "Ju erdhi muaji Ramazan, muaji i bekuar. Zoti ua ka obliguar agjërimin në të. Gjatë këtij muaji hapen dyert e qiellit dhe mbyllen dyert e xhehenemit."


-"Syfyri është përplot bereqet. Pra mos e lini, po edhe në qoftë një gllënjkë ujë, sepse Allahu i Lartësuar i mëshiron ata që hanë syfyr dhe melekët e Tij luten për ta."


- "Sa i mirë është syfyri i besimtarit me hurmë."

- "Kush i jep iftar një agjëruesi, atij i takon shpërblim sikur i agjëruesit, pa iu mangësuar agjëruesit shpërblimi."

- "Kush nuk e lë fjalën e rrejshme dhe punën me të (shpifjen), Allahu nuk ka nevojë që i tilli ta lërë ushqimin dhe pijen e tij."

- "Nuk është agjërimi (vetëm) prej të ngrënit dhe të pirit, por agjërimi është zmbrapsje nga e kota (fjalë dhe punë) dhe e ndyra. E nëse dikush të ngacmon apo sillet ashpër me ty, thuaji: "Unë po agjëroj, unë po agjëroj!"


Esselamu alejkum ue rahmetull-llahi ue berekatuhu