Thuaj JO produkteve serbe! Mos e ushqe kontrabanden!

[Gameness]

Thaçi: Të krijohen vende të reja pune

Nga Express më 24 gusht 2011 në ora 18:01

Kryeministri i Kosovës, Hashim Thaçi, ka theksuar se aktivitetet ekonomike të qeverisë që ai e drejton, do të kenë ndikim në “promovimin e punësimit dhe krijimit të vendeve të reja të punës, fuqizimin e sektorit privat, dhe krijimin e një ambienti të sigurt dhe stabil për investitorët vendorë dhe ndërkombëtarë”, me qëllim të inkurajimit të tyre për investime të përbashkëta në Republikën e Kosovës.

Këto komente ai i bëri sot në Prishtinë, gjatë fjalimin në Forumin e Biznesit Kosovar-Kroat.

Thaçi ka theksuar se vendimi i institucioneve të Kosovës për vënien e masave të reciprocitetit për mallrat, ka krijuar “një fazë të re në përpjekjet tona për shtrirjen e ligjshmërisë në tërë territorin e Kosovës”.

Ai është shprehur, se përveç përcaktimit të prioriteteve nga aspekti i rregullimit të brendshëm ekonomik, “ne besojmë se është e rëndësishme që të orientohemi dhe të fokusohemi drejt fuqizimit të marrëdhënieve tona ekonomike bilaterale në kuadër të Marrëveshjes multilaterale rajonale CEFTA”. /rel/

[Gameness]

Kosova dhe Kroacia nënshkruajnë marrëveshje për transport

RTK, 24 gusht 2011

Në praninë e kryeministrit të Qeverisë së Kosovës Hashim Thaçi, dhe kreyeminstres së Kroacisë, Jadranka Kostor, ministri i Infrastrukturës, Fehmi Mujota dhe homologu i tij nga Kroacia Duro Popijaç, nënshkruan marrëveshjen ndërkombëtare për transportin rrugor të udhëtarëve dhe mallrave....
Postuar: 04:22:25 / 24.08.2011
Njëherit, kjo është marrëveshja e parë ndërkombëtare që po nënshkruhet mes dy shteteve, përkatësisht në mes të Republikës së Kosovës dhe Republikës së Kroacisë, thuhet në njoftimin e Ministrisë së Infrastrukturës.

Me këtë marrëveshje rregullohet transporti rrugor ndërkombëtar i udhëtarëve, mallrave si dhe transporti transit, nëpër territorin shtetëror të palëve kontraktuese, në këtë rast Republikës së Kosovës dhe Republikës së Kroacisë.

Qëllimi kryesor i kësaj marrëveshje qëndron në faktin se përmes kësaj: promovohet bashkëpunimi në transportin ndërkombëtar në suaza të ekonomisë së tregut, lëvizjës së lirë të njerëzve dhe mallrave, avansohet zhvillimi i tregtisë së lirë dhe marrëdhëniseve ekonomike ndërmjet dy shteteve, Shtohet niveli i sigurisë në komunikacionin rrugor dhe lehtësohen procedurat administrative dhe eleminohen të gjitha barrierat që eventualisht janë paraqitur si pengesa administrative për kompanitë transportuese të të dyja vendeve.

[Gameness]

Bizneset kroate të interesuara për tregun kosovar

Kosova dhe Kroacia kanë potenciale për rritjen e bashkëpunimit ekonomik, vlerësuan kryeministri i Kosovës, Hashim Thaçi dhe homologia e tij kroate, Jadranka Kosor, në forumin e biznesit të këtyre dy vendeve. ...

RTK, 03:15:16 / 24.08.2011
Në forumin e biznesit pjesëmarrës ishin rreth 45 biznese serioze kroate dhe rreth 70 afaristë. Ky numër, sipas kryeministres kroate Jadranka Kosor, tregon qartë interesimin e Kroacisë si dhe të bizneseve kroate për tregun e Kosovës. “Është rast i madh në aspektin ekonomik, kështu ne e perceptojmë në qeverinë kroate, pra për investime në projekte kapitale energjetike dhe infrastrukturore në Kosovë dhe posaçërisht jemi të interesuar për forcimin e lidhjeve tregtare. Këtë interesim tonë për të investuar këtu, më së miri e pasqyron pjesëmarrja e mbi 45 bizneseve dhe rreth 70 afaristëve”.

Kosor njoftoi se investimet kroate jashtë ishin në vlerë rreth 4 miliardë euro, prej tyre rreth 1 miliardë në vendet e rajonit. Kurse në Kosovë këto investime ishin në nivele të ulëta, vetëm rreth 10 milionë euro.

Kryeministri, Hashim Thaçi ndërkaq, theksoi se bashkëpunimit ekonomik duhet ti paraprijë nënshkrimi i marrëveshjeve të rëndësishme. “Ky bashkëpunim ekonomik duhet ti paraprijë krijimit të bazës ligjore mes dy shteteve me nënshkrimin e marrëveshjes së bashkëpunimit ekonomik, marrëveshjes për eliminimin e taksimit të dyfishtë, marrëveshjes për promovimin dhe mbrojtjen e investimeve dhe marrëveshje tjera”.

Thaçi tha se janë në dispozicion një numër i konsiderueshëm i faktorëve të rëndësishëm për të bërë biznes, si afërsia gjeografike, mundësitë për ti zvogëluar kostot e përgjithshme të prodhimit etj. Ndryshe, shkëmbimet tregtare ndërmjet Kroacisë dhe Kosovës në vitin 2010 ishin në vlerë mbi 57 milionë euro. Eksporti kroat ishte në vlerë mbi 54 milionë euro kurse eksporti kosovarë drejt Kroacisë ishte në vlerë prej vetëm 3 milionë euro.

[Gameness]

S'preferohen produktet e Serbisë

Koha.net, 24.08.2011 - 16:31

Prishtinë, 24 gusht - Importuesit e produkteve serbe dhe përfaqësues të bizneseve kosovare thonë se ende ka produkte të Serbisë në tregun kosovar, por se ato nuk janë shitur për shkak të masave të reciprocitetit që Qeveria e Kosovës i kishte marrë një muaj më parë, raporton radio Evropa e Lirë.

Pronari i kompanisë “Elkos”, Ramiz Kelmendi, thotë se reciprociteti ndikoi që kosovarët të mos konsumojnë produktet serbe.

“Vendimi i qeverisë gjithmonë është obligativ dhe ndikues edhe te tregtarët dhe qytetarët. Qytetarët kanë filluar të zvogëlojnë konsumin e këtyre produkteve dhe prania e këtyre produkteve në dyqane po mbetet në raftet e dyqaneve me pakicë”, thekson Kelmendi.

Të dhënat e fundit të doganave dhe Policisë së Kosovës tregojnë se javëve të fundit ka pasur futje të mallrave serbe të tregun e Kosovës në mënyrë ilegale.

Janë mbi 30 raste të kontrabandës që janë identifikuar nga Policia dhe Doganat e Kosovës ne javët e fundit.

Mallrat të cilat kanë hyrë në mënyrë ilegale nga pikat kufitare në veri dhe nga pika kufitare në Gjilan sipas policisë ishin sekuestruar.

Milazim Abazi nga Aleanca Kosovare e Biznesit thotë se nuk ka produkte serbe që kanë hyrë në mënyrë legale në tregun e Kosovës.

“Sipas vlerësimeve tona nuk ka produkte serbe që kanë hyrë në mënyrë legale, mund të ketë në mënyrë ilegale që kanë hyrë nga enklavat serbe, por nuk kemi informacione që ato produkte mund të kenë depërtuar në pjesën tjetër të Kosovës. Tani mund të ketë ndonjë produkt serb që ka hyrë para vendosjes së masave të reciprocitetit dhe gjendet ende në treg”, thekson Abazi.

Kosova kishte bllokuar produktet serbe nga 20 korriku i këtij viti. Që nga aplikimi i kësaj mase produktet serbe nuk kanë mundur të futen në Kosovë. Reciprocitetit ishe vendosur për shkak të mos njohjes së vulave doganore të Kosovës nga ana e Beogradit zyrtar.

Ndërkaq, Serbia që nga viti 2008 ka bllokuar produktet kosovare, në kuadër të marrëveshjes për tregtinë e lirë CEFTA

Mungesa e produkteve serbe, sipas përfaqësuesve të biznesit nuk është ndier në Kosovë, Ato janë zëvendësuar me produkte e vendeve tjera.

“Kryesisht janë zëvendësuar me produktet e Shqipërisë, Maqedonisë, Turqisë, Kroacisë dhe një pjesë e madhe është zëvendësuar më produktet vendore”, thekson Abazi.

Zëvendësimin e produkteve serbe me produktet e vendeve tjera e konfirmon edhe pronari i kompanisë “Elkos”, Ramiz Kelmendi.

“Kanë filluar të zëvendësohen nga shtetet fqinje, nga shtete e Evropës, nga Turqia dhe një sasi e madhe po zëvendësohet nga vet prodhuesit vendorë. Pra ata çka po prodhojnë prodhuesit vendorë po rritet kapaciteti i tyre dhe po zëvendësohet, pasi që produktet serbe nuk po ekzistojnë më, apo nuk po dëshirojnë të konsumohen nga qytetarët”, thotë ai.



Ndryshe, ndalimi i hyrjes së mallrave serbe në tregun kosovar, ka ndikuar në rritjen e kërkesave për prodhimet vendore dhe kjo ka bërë që të ketë përmirësim të gjithëmbarshëm ekonomik.

[Gameness]

Rriten eksportet në Shqipëri

telegrafi, 13:33 / 24.08.2011

INSTAT ka deklaruar se janë rritur eksportet për muajin korrik 2011. Alma Mezini, specialiste e tregtisë me jashtë në INSTAT tha se eksportet janë rritur me 32.4 për qind në krahasim me një vit më parë.

Ndërkohë që importet kanë pësuar një rritje me 7.4 për qind. Si rezultat i rritjes së eksporteve deficiti tregtar ka pësuar një ulje me 0.4 për qind në krahasim me muajin paraardhës ndërkohë që në krahasim me një vit më parë është ulur me 3.5 për qind.

Partnerët kryesorë në tregtinë me jashtë janë kryesisht vendet e BE sidomos Italia dhe Greqia. Nëngrupi i cili ka pësuar edhe rritjen më të madhe të eksportit për këtë muaj është grupi ”minerale,lëndë djegëse energji elektrike”. /Telegrafi/

[illyrian rex]

Shqipëri, trefishohet eksporti drejt Kosovës
24.08.2011

Prodhimet bujqësore në Shqipëri kanë përmirësuar këtë muaj bilancin tregtar, në krah të eksporteve.

Llogariten rreth 20 milionë dollarë mallra bujqësorë të eksportuar drejt vendeve të huaja.

Sipas, zëvendës-ministrit të Bujqësisë, prodhimet e vendit tonë po tregtohen kudo në Europë, deri në Gjermani e Slloveni.

Gjithashtu, sipas tij, është trefishuar edhe eksporti drejt Kosovës.

Fruta-perimet shqiptare po tregtohen kudo nëpër tregjet e Europës, deri në Gjermani dhe Hungari.

Për çdo vit prodhimet bujqësore po njohin një rritje të konsiderueshme.

Zv/ministri i Bujqësisë, Ndoc Fasllia, thekson në një intervistë për “ABC News” se eksportet për këtë vit janë rritur me rreth 40 për qind.

Gjithashtu, sipas numrit 2 të Bujqësisë, gjatë kësaj periudhe janë shtuar eksportet e prodhimeve bujqësore edhe drejt Kosovës.

Fasllia thekson edhe se dikasteri i bujqësisë dhe i mbrojtjes së konsumatorit, ka bërë monitorimin e çmimeve në tregje, duke konfirmuar se ato kanë rënë me 10 për qind.

Ai parashikon mos-ndryshim të këtyre çmimeve edhe për tre muaj të tjerë.

Fruta-perimet që eksportohen vijnë nga Ultësira Perëndimore e vendit, si Lushnjë, Fier dhe Berat. Ndërsa më pas nis, eksporti i frutave që rriten në zonën e Korçës.

gazetaexpress.com

[Genti..]

Shqipëri, trefishohet eksporti drejt Kosovës
24.08.2011
gazetaexpress.com

Ku ishim me heret behet pyetja !
Imagjinoni sa leku i shqiptarit ka shkuar ne duart e armiqeve keto 10 vitet e fundit .....
Ne rradhe eshte "Greqia" .

[Gameness]

Reciprociteti, 5 milionë euro më shumë në buxhet

Qendra, 25 gusht 2011

Rreth pesë milionë euro janë më tepër të hyra doganore, vetëm për tri javët e para pas aplikimit të masave të reciprocitetit ndaj produkteve serbe, thonë zyrtarë të qeverisë. Ministrja e Tregtisë dhe Industrisë Mimoza Kusari-Lila, tha për Radion Evropa e Lirë, se këto matje janë bërë në periudhën korrik-gusht të këtij viti dhe periudhës së njëjtë të vitit paraprak.

Në periudhën 20 korrik deri 8 gusht të vitit 2010, të hyrat doganore kanë qenë 48.9 milionë euro, kurse në të njëjtën periudhë të këtij vitit të hyrat doganore kanë arritur në 53.8 milionë euro.

“Është vërejtur një rritje e dukshme e të hyrave në dogana, si rrjedhojë e rritjes se importit formal dhe si rrjedhojë e mallrave që hyjnë nga vendet me të cilat nuk kemi marrëveshje të tregtisë së lirë, gjegjësisht që nuk janë anëtare të marrëveshjes CEFTA. Dukshëm ka rritje të të hyrave, vetëm në periudhën e parë, do të thotë për tri javët e para, ka pasur një ngritje prej pesë milionë eurosh inkasim të të hyrave doganore, krahasuar më periudhën e njëjtë të vitit të paraprak”, tregon Kusari- Lila.

Kjo rritje sipas saj, është realizuar për shkak se shumë mallra nga shtete tjera kanë hyrë në Kosovë si zëvendësim për produktet serbe, ndërsa kontrabanda e mallrave serbe që është zhvilluar nga pikat kufitare 1 dhe 31, që gjenden në pjesën veriore të Kosovës, është zvogëluar dukshëm. “Jemi në pritje të rezultateve për tri javorin e dytë, pasi tani kemi hyrë në gjashtë javorin që Kosova ka aplikuar masat e reciprocitetit ndaj Serbisë dhe presim që ky trend të vazhdojë në raport me importin e produkteve të cilat formalisht tani zhdoganohen në pikat ku ka doganiere dhe janë pika funksionale në krahasim me periudhën, kur kanë hyrë mallrat pa u doganuar dhe pa u evidentuar nga pika 1 dhe 31 në veriun e Kosovës”, thekson Kusari- Lila.

Rritja e të hyrave doganore që nga bllokimi i mallrave serbe në Kosovë, do të forcojë arkën shtetërore, thotë edhe Ahmet Shala, ish-ministër i Ekonomisë dhe Financave.

Shala është optimist se trendi i rritjes se të hyrave doganore do të vazhdojë edhe në të ardhmen, kështu që sipas tij, kjo do t’i mundësojë autoriteteve kompetente zbatimin e planit të qeverisë, çoftë për projekte zhvillimore, çoftë për ato sociale. “Unë jam optimist se ky trend do të mbahet ashtu siç është planifikuar, këto masa do të ndikojnë pozitivisht edhe në rritjen e zhvillimit ekonomik”, thekson Shala.

Ai tregon se në bazë të të dhënave nga institucionet vendore dhe ndërkombëtare, deri në 60 milionë euro ka humbur buxheti i Kosovës, vetëm gjatë një viti, nga kontrabanda e zhvilluar në veriun e Kosovës.

[Gameness]

Presheva: Embargo ndaj Serbisë sjell Coca Colat në gjuhën shqipe në Preshevë

Presheva.com, 31 gusht 2011

Se a po rrespektohet reciprociteti dhe embargo ndaj mallrave të Serbisë që i ka vën Kosova, flet fakti se të gjitha pijet freskuese nga kompania Coca Cola, që janë të prodhuara për Kosovë, kohën e fundit janë transportuara për tregun e Luginës së Preshevës.

Këto pije, siç po shihet edhe në foto të dërguaga nga vizitorë tanë në rubrikën iPresheva, janë të dedikuara për tregun e Kosovës, dhe për shkak të reciprocitetit dhe embargos dhe nuk po mund të depërtojnë në tregun Kosovar, ato kanë përfunduar në tregun e Preshevës.

Kosova i shpalli embargo mallrave nga Serbia kohëë më parë, pasi kjo e fundit nuk i pranonte mallrat e Kosovës me vulat e autoritetit doganor përkatës, nën pretendimin se Kosova nuk ekziston si shtet. /presheva.com/

[Genti..]

Thaçi: Më 16 shtator hapen doganat me Serbinë




PRISHTINË- Kryeministri i Kosovës, Hashim Thaçi ka deklaruar se data zyrtare e hapjes së doganave me Serbinë është 16 shtatori, dhe jo data 10 sic ishte paralajmëruar më parë nga zëvendëskryeministrja, Edita Tahiri.

Këto komente kryeministri kosovar i bëri gjatë mbledhjes së sotme të qeverisë, ku sqaroi se në pikat 1 dhe 31 do të hiqet vetëm bllokada ndaj mallrave serbe, ndërkohë mallrat me akcizë nuk do të kalojnë në këto pika.

Sipas shefit të qeverisë së Kosovës këto mallra do të lejohen të kalojnë në pika të tjera doganore midis dy vendeve.

Thaci ripërsëriti ehde një herë se aksioni i 25 korrikut pë vendosjen e barrikadave me Serbinë ka qenë në përputhje të plotë me partnerët ndërkombëtarë.
(e.m/BalkanWeb)