Thuaj JO produkteve serbe! Mos e ushqe kontrabanden!

[Gameness]

Gërxhaliu: Po vijnë ditë të mira për biznesin

Nga Express më 05 gusht 2011 në ora 18:06

Ministri i Financave, Bedri Hamza, e ka vizituar sot Odën Ekonomike të Kosovës (OEK), me ç\'rast ka zhvilluar takim me kryetarin e OEK-ut, Safet Gërxhaliu dhe përfaqësues të komunitetit të biznesit. Në takim merrnin pjesë edhe drejtori i ATK-së, Behxhet Haliti, dhe ai i Doganave, Naim Huruglica.

Sipas një komunikate të lëshuar pas takimit, Gërxhaliu e ka çmuar lart gatishmërinë e ministrit Hamza për bashkëpunim me komunitetin e biznesit.

“Është një shprese e re që krahas reciprocitetit, i cili ka filluar të implementohet me Serbinë, politikat zhvillimore të jenë të orientuara në funksion të zhvillimit sidomos të përkrahjes të sektorit privat dhe të sektorit prodhues. Ajo që është elaboruar sot nga ministri, vërtet ka qenë një shpresë shumë e madhe që ditë më të mira po vijnë edhe në aspektin ekonomik në përgjithësi në Kosovë ditë më të mira po vijnë për sektorin prodhues. Me siguri, me këto politika do të përmirësohet dukshëm ambienti biznesor ne Kosovë, i cili do të ketë efekte pozitive edhe në aspektin intern edhe në atë ekstern”, tha Gërxhaliu.

Më tutje kryetari i OEK-ut theksoi se zhvillimi ekonomik do të mundësonte krijimin vendeve të reja të punës dhe minimizimin e tensioneve sociale. Po ashtu, ai konstatoi se, në të njëjtën kohë do të përmirësohet bilanci tregtar dhe ambienti biznesor vendor do të jete me atraktiv.

Ndërsa, ministri Hamza theksoi rolin e OEK-ut në favor të krijimit të një ambienti më të përshtatshëm më miqësor për biznesin që ka të bëjë me reduktimin e normës për tatim në korporata, në zvogëlimin e tatimit në të ardhurat individuale dhe veprime të tjera.

“Kemi diskutuar për lirimet nga dogana për lëndët e para dhe ambalazhin. Kemi diskutuar për lirimet nga pagesa e TVSH për pajisjet kapitale. Kemi biseduar për lirimin në tatim nga pagesa të korporatave për të gjitha bizneset e reja në vitet e para të afarizmit të tyre varësisht nga niveli i investimeve dhe numri i të punësuarve. Zvogëlimi i kamatave të cilat i aplikojnë institucionet e Kosovës me rastin e vonesave të pagesave nga tatimpaguesit. Lirimi i pagesave për studentë nga TVSH-ja, përshkallëzimi i TVSH-së, lirimi i pajisjeve te teknologjisë informative nga dogana”, theksoi Hamza.

Ministri i Financave foli edhe për reformimin e bordit te pavarur për rishqyrtimin e ankesave. Në të njëjtën kohë, ai bëri me dije se është në proces ndryshimi dhe amandamentimi i disa ligjeve, të cilat mundësojnë masat lehtësuese për biznesin.

[Gameness]

Bregasi: Embargoja e Kosovës ndaj Serbisë, favorizon eksportet shqiptare
30.07.2011

Vendimi i fundit i Qeverisë së Kosovës për embargo ndaj produkteve serbe, ka rritur interesin e biznesit shqiptar për të eksportuar në këtë vend.

Presidenti i "Biznes Albania", Luan Bregasi, tha të premten se, për momentin, vendimi i qeverisë së Kosovës prodhon rezultat pozitiv sa i takon eksporteve shqiptare dhe shtoi se një situatë e tillë mund të favorizojë eksportet shqiptare të materialeve të ndërtimit, të cilat Shqipëria i eksporton sakaq në Kosovë.

Në këtë kuadër, zoti Bregasi tha se së shpejti do të organizohet një mision biznesi në Kosovë, ku do të diskutohet mbi gjetjen e rrugëve të bashkëpunimit për rritjen e shkëmbimeve tregtare mes dy vendeve, raportoi BW.

Shkëmbimet tregtare me Kosovën gjatë viteve të fundit kanë pasur rritje, favorizuar edhe nga përmirësimi i infrastrukturës rrugore. Vetëm gjatë gjysmës së parë të këtij viti, eksportet drejt Kosovës kapën vlerën e 5.7 miliardë lekëve, nga 4.1 miliardë lekësh që ishte në të njëjtën periudhë të një viti më parë.

telegrafi.com

Shqipëria zëvendëson Serbinë

Nga Express më 06 gusht 2011 në ora 19:30

Shqipëria është e aftë që të plotësojë kërkesat e tregjeve kosovare për produkte agro-ushqimore.

Në një prononcim për mediet, kryetari i Këshillit të Agrobiznesit Shqiptar, Enver Ferizaj, tha se fermerët shqiptarë duhet të përfitojnë nga embargoja reciproke mes Serbisë dhe Kosovës.

Sipas tij, bashkëpunimi bilateral Shqipëri-Kosovë do të sjellë një dyfishim në eksportin e produkteve bujqësore vendase drejt Kosovës.

Ferizaj tha gjithashtu se, falë marrëveshjes që nënshkruam pak ditë më parë në Prishtinë ndërmjet KASH dhe Aleancës Kosovare të Biznesit (AKB), do të rriten edhe investimet private në sektorin bujqësor të të dy vendeve, raporton gazeta Start.

[Gameness]

Reciprociteti, koncentrim te mallrat e Kosovës

Nga Express më 08 gusht 2011 në ora 20:00

Vendosja e masave të reciprocitetit tregtar me Serbinë është vlerësuar se ndikon pozitivisht në ekonominë e Kosovës, për faktin se ka një koncentrim më të madh në mallrat vendore. Këtë e thonë edhe drejtues të Lëvizjes Vetëvendosje, të cilët pas arritjes së marrëveshjes mes Qeverisë së Kosovës dhe KFOR-it, kanë vlerësuar se ky reciprocitet ka rënë në ujë. Megjithatë, sipas tyre, reciprociteti duhet të jetë i bazuar në një logjikë, sipas të cilës, Kosova duhet të deklarojë se nuk i pranon doganat e Serbisë, për shkak se nuk e njeh shtetin e Serbisë.

Nënkryetari i Vetëvendosjes, Shpend Ahmeti ka thënë se një reciprociteti i bazuar në këtë logjikë u tregon edhe shteteve tjera se Kosova nuk është e kryekëput e varur nga asnjë shtet për furnizimin me mallra dhe se Kosova nuk është për marrëdhënie të këqija, por është e detyruar të mbrohet nga politikat e mbrapshta ekonomike të Serbisë.

“Unë mendoj se ky reciprocitet është i rëndësishëm për ekonominë, për shtetin e Kosovës, sepse fundja, edhe si Lëvizje Vetëvendosje edhe unë personalisht e kam kërkuar reciprocitetin që nga viti 2008, mirëpo ai duhet të jetë i bazuar në njëfarë logjike. Vendimi thotë: parimi i reciprocitetit vendoset, nuk pranohen vulat e doganave të Serbisë. Mendoj se duhet të jetë më e arsyeshme kjo, nuk i pranojmë doganat e Serbisë për shkak se nuk e pranojmë shtetin e Serbisë, për atë arsye nuk i pranojnë vulat tona. Me këtë i dërgojmë mesazh edhe shteteve tjera se kush sillet keq me neve, ne nuk jemi për marrëdhënie të këqija me shtete tjera, por kur dikush ka politikë të mbrapsht që e dëmton ekonominë e Kosovës, atëherë ne detyrohemi të mbrohemi nga këto politika ekonomike”, ka thënë Ahmeti për Kosovapress.

Sido që të jetë, Lëvizja Vetëvendosje ka vlerësuar se marrëveshja e arritur mes Qeverisë së Kosovës dhe KFOR-it, ka hedhur poshtë reciprocitetin.

Por, njësoj nuk mendon Lekë Musa, kryetar i Odës Ekonomike Amerikane, i cili ka thënë për Kosovapress se ka reciprocitet të plotë se nuk lejohen të hyjnë mallrat për qarkullim komercial në territorin e Kosovës.

“Sipas mendimit tim ekziston reciprocitet i plotë, për momentin, përveç se kemi të bëjmë me mallra humanitare, domethënë për plotësimin e nevojave të kishës edhe të grupeve të caktuara përndryshe ekziston një reciprocitet i plotë. Domethënë mallrat që vijnë nga Serbia nuk lejohen për lëvizje të lirë në Kosovë”, ka thënë Musa.

Për më tepër, Musa ka thënë se pas 15 shtatorit duhet gjetur një mekanizëm, apo një formulë, sipas së cilës duhet të ketë një aplikim të masës reciproke në mënyrë të barabartë ashtu siç aplikon edhe Serbia.

Musa shpreson se pas 15 shtatorit do të ketë një mekanizëm, sipas cilit, sa i përket qarkullimit të mallrave komercialë duhet të ketë një aplikim komercial nga të dy anët, çfarë aplikohet nga shteti i Serbisë do duhej aplikuar nga Qeveria e Kosovës.

Qeveria e Kosovës dhe KFOR-i kanë arritur të premten marrëveshje për veriun, përderisa një ditë më pas, Lëvizja Vetëvendosje ka akuzuar Qeverinë e Kosovës se me marrëveshjen e arritur me KFOR-in ka hequr dorë nga dy pikat kufitare 1 dhe 31 dhe nga vendimi për reciprocitet.

[Gameness]

Beqaj: Mallrat serbe po zëvendësohen pa probleme

Nga Express më 10 gusht 2011 në ora 18:54

Ministri i Zhvillimit Ekonomik, Besim Beqaj e ka vizituar të mërkurën komunën e Gjilanit për të parë nga afër efektet e reciprocitetit, me ç’rast kryetari Qemajl Mustafa ka thënë kjo pjesë e vendit gjatë këtyre ditëve nuk ka pasur asnjë pengesë për t’u furnizuar me mallra ushqimorë elementarë.

Pasi Qeveria mori vendim për reciprocitet, ministrat e kabinetit qeveritar po i vizitojnë komunat për t’u informuar lidhur me furnizimin e tyre me mallra dhe nëse ka ndonjë tendencë të keqpërdorimit të situatës nga ndërmarrjet apo individët.

Gjatë qëndrimit në Gjilan, ministri Beqaj ka thënë se reciprociteti duhet të respektohet në tërësi dhe vlerësoi se procesi i zëvendësimit të produkteve të importuara nga Serbia po shkon jashtëzakonisht mirë dhe pas probleme.

“Procesi i zëvendësimit të produkteve të importuara nga Serbia po shkon jashtëzakonisht mirë dhe ka ndërmarrje dhe partneritete të cilat janë duke u ndërtuar nga ndërmarrjet kosovare me ndërmarrje në nivel rajonal dhe kjo po tregon se ndërmarrësit tonë kosovarë janë shumë fleksibil dhe janë shumë të përgjegjshëm për situatën e krijuar dhe kanë treguar një bashkëpunim të jashtëzakonshëm”, është shprehur ai, siç transmeton Kosovapress.

Beqaj ritheksoi se me vendimin për reciprocitetit edhe ndërmarrjeve publike u ndalohet çdo lloj importi i mallrave me origjinë nga Serbia dhe ato duhet të gjejnë rrugë tjera të furnizimit me mallra të nevojshme.

Kurse kryetari i komunës së Gjilanit, Qemajl Mustafa tha se aplikimi i masës së reciprocitetit me Serbinë nuk ka sjell asnjë problem, por vetëm në furnizimin më kualitativ dhe të bollshëm me artikuj të domosdoshëm ushqimorë dhe të tjerë.

“Prej momentit kur është aplikuar masa e reciprocitetit, në komunën e Gjilanit nuk ka ndonjë pengesë të veçantë sa i përket furnizimit me artikuj ushqimorë themelorë, por edhe me të mira të tjera qofshin ato të mira që vijnë për funksionalizim të bujqësisë, të prodhimeve të tjera të aktiviteteve të tjera ekonomike dhe jetësore”, ka thënë ai.

Një çështje tjetër që është diskutuar në mes ministrit Beqaj dhe kryetarit Mustafa, ishin edhe orientimet afatgjata zhvillimore, qoftë në parapërgatitjet përmes rregullimit të ligjeve.

Ndërkaq ministri i Zhvillimit Ekonomik, Besim Beqaj me bashkëpunëtorë në kuadër të vizitës në komunën e Gjilanit ka vizituar edhe Kompaninë e Ujësjellësit Rajonal të Gjilanit “Hidormorava” si dhe fabrikën e çelikut “Mega”, ku ka parë për së afërmi punët që zhvillohen në këto dy ndërmarrje

[Gameness]

Produkte serbe as përmes rajonit

Edhe tri javë që nga zbatimi i masave të reciprocitetit, autoritetet përgjegjëse nuk kanë lejuar asnjë produkt serb të hyjë në tregun kosovar. Mallrat me origjinë nga Serbia nuk po lejohen të hyjnë në Kosovë as nga vendet tjera të rajonit.

Nga Express më 12 gusht 2011 në ora 14:00

Edhe tri javë që nga zbatimi i masave të reciprocitetit, autoritetet përgjegjëse nuk kanë lejuar asnjë produkt serb të hyjë në tregun kosovar. Mallrat me origjinë nga Serbia nuk po lejohen të hyjnë në Kosovë as nga vendet tjera të rajonit.

Autoritetet kosovare janë të vendosura që të zbatojnë në përpikëri masat e reciprocitetit. Edhe tri javë që nga aplikimi i këtyre masave, përfaqësues të doganave nuk kanë lejuar asnjë mall me origjinë nga Serbia të futet në tregun kosovar.

Me gjithë përpjekjet e shtetit serb që t’i shfrytëzojë vendet tjera të rajonit për futjen e mallit të tij në Kosovë, çdo gjë ka rezultuar pa sukses.

Adriatik Stavileci, zëdhënës në Doganat e Kosovës, thotë se në ditët e para të aplikimit të këtyre masave, ka pasur disa tentime, por jo edhe më vonë.

“Të gjitha degët doganore janë udhëzuar që të kenë kujdes në këtë qasje. Faktikisht, për secilin mall që ka dyshime, bëhet edhe verifikimi fizik i tij”, thotë Stavileci.

Menjëherë pas vendimit të Qeverisë së Kosovës për ndalimin e futjes së mallrave serbe, kompanitë e Serbisë janë angazhuar që Maqedoninë ta shfrytëzojnë për eksportin e mallrave të tyre në territorin e Republikës së Kosovës.

Por, të gjitha këto mallra me origjinë nga Serbia janë kthyer mbrapsht, thotë Stavileci.

“Mallrat kalojnë nga Maqedonia, por edhe pas ndërrimit të dokumentacionit, prapëseprapë origjina mbetet e njëjtë. Origjina mbetet e Serbisë dhe ai dokument mbetet i vulosur me vulën e Serbisë”.

“Këto raste, doganat i kanë kthyer mbrapa. Ato kanë ndodhur në ditët e para, menjëherë pas aplikimit të parimit të reciprocitetit. Në ditët e fundit nuk kemi pasur raporte, të cilat tregojnë se ka pasur tentime të tilla”, thekson Stavileci.

Mimoza Kusari Lila, ministre e Tregtisë dhe Industrisë, rithekson se hyrja e mallrave serbe nuk do të lejohet nga asnjë vend fqinj.

Sipas saj, kompanitë e vendeve rajonale janë të interesuara që të rrisin importin e mallrave të tyre në tregun kosovar, për t’i zëvendësuar produktet serbe.

Një interesim të tillë tashmë e kanë shprehur autoritetet maqedonase, thotë zëvendëskryeministrja e Kosovës, Mimoza Kusari Lila.
Maqedonia është e interesuar që vetë ta mbulojë pjesën e tregut që e ka pasur Serbia në Kosovë.

“Shteti i Maqedonisë e bën për dy arsye - e para është se kthejmë, siç kemi kthyer edhe nga pikat tjera kufitare, dhe arsyeja e dytë është se Maqedonia është e interesuar që vetë ta mbulojë pjesën e tregut që e ka pasur Serbia në Kosovë", thotë Kusari Lila për Radion Evropa e Lirë.

Kompania “Agro Trade-Group” nga Prishtina është distributor i vetëm për “Coca-Cola”-n nga Serbia për në Kosovë.

Sadudin Humolli, udhëheqës i kësaj kompanie, tregon se që nga 20 korriku, nga Serbia nuk ka pasur asnjë tentim për hyrjen e këtij produkti në vend

“Kemi në rajon fabrika të tjera, kështu që nuk jemi të varur vetëm nga një pikë. As nuk kemi tentuar dhe as që ka qenë çështje bisede. Coca-Cola mund të hyjë nga pikat tjera rajonale, si Bullgaria dhe Maqedonia”, thotë Humolli.

Më 20 korrik, Qeveria e Kosovës ka vendosur masa reciproke ndaj produkteve serbe, ndërsa taksë doganore prej 10% për produktet e Bosnjë e Hercegovinës

[Gameness]

marre nga Zeri

Reciprociteti rriti 20% punësimin

Visar Duriqi | 11-08-2011 11:32 CET


Sipas Aleancës Kosovare të Biznesit (AKB) që nga fillimi i masave të reciprocitetit me Serbinë e Bosnjën është rritur numri i të punësuarve në vend për 20 %. Kreu i AKB-së, Agim Shahini, këtë shifër e ka bazuar duke iu referuar një hulumtimi që kanë bërë me bizneset, anëtarë të AKB-së dhe konsumatorë.

Ai ka shtuar se prodhimi është në drejtim të rimëkëmbjes, bizneset tregtare kanë treguar fleksibilitet në gjetjen e partnerëve të rinj dhe zëvendësimin e shpejtë të mallrave nga Serbia dhe Bosnja.

Hulumtimi gjithashtu nxjerr në pah se numri i të punësuarve në sektorin e ndërtimtarisë është rritur me 40 %, në industrinë ushqimore me 12 %, te transporti me 20 %, te tregtia dhe shërbimet me 10 %.

Sipas Shahinit, reciprociteti ka ndikuar në ngritjen e lehtë të çmimeve, ndërsa ka shtuar se mungesa e mallrave serbe nuk ka çrregulluar tregun dhe as nuk ka mungesë të produkteve.

Shahini ka pohuar se Kosova nga kjo situatë po përfiton si në aspektin ekonomik, duke ndaluar evazionin fiskal tash e 12 vjet dhe po i ndalon humbjet me miliarda euro në këtë periudhë, ndërsa në aspektin politik po tenton që të vërë nën kontroll tërë territorin e Republikës së Kosovës.

Ai ka thënë se duke iu referuar shifrave të hulumtimit, del se bizneset pozitivisht e kanë pritur vënien e masave të reciprocitetit dhe se pos rritjes së punësimit, vënia e masave të reciprocitetit ka ndikuar në uljen e importit nga Serbia në masën prej 99 %.

“Prodhimi vendor është rritur rreth 20 %, po ashtu edhe punësimi në kompanitë vendore është rritur rreth 20 %, besimi te prodhuesit vendorë është rritur me 55 %, njëkohësisht është rritur për 96 %, por importi nga Serbia ka rënie 99 %”, ka thënë ai.

Shahini ka shtuar se te materiali ndërtimor është një mungesë më e theksuar, te lënda e parë, paketimi dhe po ashtu dhe te disa medikamente. Duke elaboruar pyetjen e hulumtimit në fjalë se konsumatorët a kanë besim në prodhim vendor, në krahasim me ato të huajat, 55 % deklarojnë që është rritur besimi, 20 % thonë jo, kurse 25 % deklarohen që nuk kanë përgjigje.

Në pyetjen se nga cilat vende i preferoni produktet më së shumti, përgjigjet e konsumatorëve ishin se 40 % nga BE-ja, 40 % nga Kosova, 10 % nga Azia dhe 10 % nga vendet e tjera.

AKB-ja ka pyetur konsumatorët edhe se a ishte vendimi i drejtë i Qeverisë për marrjen e pikave 1 dhe 31 nën kontroll, dhe 95 % kanë deklaruar që po, 3 % jo dhe 2 % janë shprehur se nuk e dinë.

Ndryshe, hulumtimi i AKB-së i prezantuar të mërkurën është zhvilluar nga periudha 21 korrik deri më 5 gusht, ku numri i kompanive që janë pyetur ka qenë 450, kurse numri i konsumatorëve 200, në 8 komuna të Kosovës.

[Gameness]

ky eshte nje lajm jo super i fresket, por ja vlen te ndiqet sikur shembull nga te gjitha produktet qe potencialisht Kosova mund ti prodhoje..

Kosova prodhon dredhëza për vete e për eksport

Në Skenderaj sot është mbajtur manifestimi “Dita e Dredhëzës – Kosova 2011”, i organizuar nga Ministria e Bujqësisë, Pylltarisë dhe Zhvillimit Rural, në bashkëpunim me Komunën e Skenderajt dhe Iniciativën për Zhvillimin e Bujqësisë në Kosovë (IADK) dhe Agjensionin për Zhvillim Rajonal....

RTK 04:27:49 / 16.06.2011

Përveç dhjetëra kultivuesve të dredhëzës, dhe qindra konsumuesve të saj, kanë marrë pjesë edhe përfaqësues të institucioneve organizuese të këtij manifestimi. Duke folur para të pranishmëve, ministri Blerand Stavileci, ka thënë se dredhëza është një nga produktet me të cilën mburremi për shkak se me të i mbulojmë në tërësi kërkesat e tregut vendor e po ashtu eksportojmë.

Ai mandej ka premtuar përkrahje për sektorin e pemëve të imta, siç janë dredhëza, mjedra dhe manaferra dhe ka treguar se është duke u punuar edhe në dy drejtime: përmirësimin e politikave fiskale dhe politikat kreditore. “Për herë të parë do të bëjmë një kthesë të madhe për sektorin e bujqësisë, jo vetëm për sektorin e pemëve të imta, por edhe për sektorë të tjerë, i cili do të jetë një prej prioriteteve kryesore të Qeverisë. Me këtë do të krijohen vende të reja pune dhe do të zvogëlohet importi”, ka thënë ministri Stavileci.

Fermeri Sami Doroci, nga Broboniqi i Mitrovicës, ishte njëri prej 5 të shpërblyerve në këtë eveniment. Ai u shpreh shumë i kënaqur me kultivimin e dredhës, me të cilën mban familjen 7 anëtarësh. “Kam filluar me sipërfaqe prej 10 ari, e sivjet kam 60 ari dredhëza. Jam shumë i kënaqur me përfitimin nga kjo punë, kurse me plasmanin nuk kam problem”, ka treguar ai.

[Gameness]

Gjermanet të interesuar për investime në Kosovë


Zëvendëskryeministrja e Kosovës dhe ministrja e Tregtisë, Mimoza Kusari-Lila, sot në ambientet e Odës Ekonomike të Kosovës, takoi investitorët gjermanë, të cilët u njohën me zhvillimet ekonomike në Kosovë, si dhe për kushtet që ofron Kosova për investitorët e jashtëm...

RTK 03:25:09 / 03.08.2011

Me këtë rast, Zv.kryeministrja/ministrja e MTI-së, Mimoza Kusari-Lila, tha ‘’Për ne është e rëndësishme që bashkëpunimi i ndërsjellë në mes bizneseve kosovare dhe bizneseve nga vende të tjera të vazhdojë derisa të prezantohet Kosova jo vetëm si treg, por edhe ku mund të prodhohet, të ndërtohet dhe nga ku buron edhe mirëqenia. Prandaj si facilitatorë të këtij takimi ndjehemi shumë mirë dhe shpresoj që edhe në të ardhmen të kemi mundësi edhe më të mëdha, të ndihmojmë në ndërmjetësim me kompani tjera, ku ta tregojmë faktin se Qeveria e Republikës së Kosovës mbështet fuqishëm biznesin qoftë atë të sektorit të prodhimit, ndërtimit, shërbimit dhe të tregtisë dhe se çdo gjë që kalon nëpër qeveri tregon se të gjitha politikat tona janë në fokus të agjendave zhvillimore’’, theksoi Zv.kryeministrja Kusari-Lila. Afaristët gjermanë ishin të interesuar më shumë rreth fushës së ndërtimtarisë, se ku dhe çka mund të investojnë në fushat përkatëse, që atyre u intereson për të investuar në Kosovë.
Afaristët kosovarë dhe ata gjermanë shqyrtuan mundësitë e bashkëpunimit në mes tyre për të investuar në fusha me interesa të përbashkëta.

[Gameness]

marre nga qendra.info


Shqipëria rrit eksportet drejt Kosovës


Tiranë, 10 gusht - Shqipëria mund të përfitojë nga masat e reciprocitetit të vendosura nga Kosova ndaj Serbisë. Kjo e fundit është furnizuesi kryesor i tregut kosovar me mallra. Drejtuesit e Këshillit të Agrobiznesit Shqiptar (KASH) argumentojnë se është momenti i duhur që mangësitë që janë krijuar në këtë moment në tregun kosovar të plotësohen nga Shqipëria, raporton 24News.

“Ne jemi orientuar drejt Kosovës për të kapur këtë boshllëk, për të gjetur veten tonë atje me ato prodhimet e stinës, të cilat tashmë janë të eksportueshme në Kosovë, janë dyfishuar. E njëjta gjë ka ndodhur edhe me materialet e ndërtimit, që biznesi kosovar të mos e ndjejë mungesën”, u shpreh Enver Ferizaj, kryetar i KASH.

Shqipëria mund të eksportojë drejt Kosovës një gamë të gjerë mallrash, duke filluar nga produktet ushqimore e deri te materialet e shërbimet e sektorit të ndërtimit.

“Eksportojmë produkte të përpunuara, edhe nga mishi. Po tentohet të çojmë edhe produktet e qumështit, por edhe në fusha të tjera si ajo e ndërtimit”, shtoi Ferizaj.

Për të furnizuar këtë periudhë tregun kosovar me produkte ngaShqipëria, Këshilli i Agrobiznesit Shqiptar ka nënshkruar me Aleancën Kosovare të Biznesit edhe një marrëveshje, të përbërë nga 9 pika. Serbia furnizonte rreth 70 për qind të tregut kosovar me mallra, me një vlerë që kalon 300 milionë euro në vit.

[Gameness]

marre nga Zeri

Reciprociteti rriti 20% punësimin

Visar Duriqi | 11-08-2011 11:32 CET


Sipas Aleancës Kosovare të Biznesit (AKB) që nga fillimi i masave të reciprocitetit me Serbinë e Bosnjën është rritur numri i të punësuarve në vend për 20 %. Kreu i AKB-së, Agim Shahini, këtë shifër e ka bazuar duke iu referuar një hulumtimi që kanë bërë me bizneset, anëtarë të AKB-së dhe konsumatorë.

Ai ka shtuar se prodhimi është në drejtim të rimëkëmbjes, bizneset tregtare kanë treguar fleksibilitet në gjetjen e partnerëve të rinj dhe zëvendësimin e shpejtë të mallrave nga Serbia dhe Bosnja.

Hulumtimi gjithashtu nxjerr në pah se numri i të punësuarve në sektorin e ndërtimtarisë është rritur me 40 %, në industrinë ushqimore me 12 %, te transporti me 20 %, te tregtia dhe shërbimet me 10 %.

Sipas Shahinit, reciprociteti ka ndikuar në ngritjen e lehtë të çmimeve, ndërsa ka shtuar se mungesa e mallrave serbe nuk ka çrregulluar tregun dhe as nuk ka mungesë të produkteve.

Shahini ka pohuar se Kosova nga kjo situatë po përfiton si në aspektin ekonomik, duke ndaluar evazionin fiskal tash e 12 vjet dhe po i ndalon humbjet me miliarda euro në këtë periudhë, ndërsa në aspektin politik po tenton që të vërë nën kontroll tërë territorin e Republikës së Kosovës.

Ai ka thënë se duke iu referuar shifrave të hulumtimit, del se bizneset pozitivisht e kanë pritur vënien e masave të reciprocitetit dhe se pos rritjes së punësimit, vënia e masave të reciprocitetit ka ndikuar në uljen e importit nga Serbia në masën prej 99 %.

“Prodhimi vendor është rritur rreth 20 %, po ashtu edhe punësimi në kompanitë vendore është rritur rreth 20 %, besimi te prodhuesit vendorë është rritur me 55 %, njëkohësisht është rritur për 96 %, por importi nga Serbia ka rënie 99 %”, ka thënë ai.

Shahini ka shtuar se te materiali ndërtimor është një mungesë më e theksuar, te lënda e parë, paketimi dhe po ashtu dhe te disa medikamente. Duke elaboruar pyetjen e hulumtimit në fjalë se konsumatorët a kanë besim në prodhim vendor, në krahasim me ato të huajat, 55 % deklarojnë që është rritur besimi, 20 % thonë jo, kurse 25 % deklarohen që nuk kanë përgjigje.

Në pyetjen se nga cilat vende i preferoni produktet më së shumti, përgjigjet e konsumatorëve ishin se 40 % nga BE-ja, 40 % nga Kosova, 10 % nga Azia dhe 10 % nga vendet e tjera.

AKB-ja ka pyetur konsumatorët edhe se a ishte vendimi i drejtë i Qeverisë për marrjen e pikave 1 dhe 31 nën kontroll, dhe 95 % kanë deklaruar që po, 3 % jo dhe 2 % janë shprehur se nuk e dinë.

Ndryshe, hulumtimi i AKB-së i prezantuar të mërkurën është zhvilluar nga periudha 21 korrik deri më 5 gusht, ku numri i kompanive që janë pyetur ka qenë 450, kurse numri i konsumatorëve 200, në 8 komuna të Kosovës.

marre nga qendra.info

Reciprocitetit, rritet punësimi në kompanitë vendore

Prishtine, 10 gusht- Rreth 40 për qind është rritur numri i të punësuarave vetëm në sektorin e ndërtimtarisë, ndërsa 55 për qind është rritur kapaciteti prodhues në këtë sektor, që nga zbatimi i masave të reciprocitetit. Kështu thuhet në një hulumtim të zhvilluar nga Aleanca Kosovare e Biznesit, por edhe nga përfaqësues të kompanive prodhuese dhe ndërtimore.

Parimi i reciprocitetit apo ndalimi i hyrjes se mallrave serbe në tregun kosovar, ka ndikuar në rimëkëmbjen ekonomike dhe rritjen e numrit të të punësuarve.

Kështu thuhet në një hulumtimi që ka përgatitur Aleanca Kosovare e Biznesit, të quajtur “ndikimi i masave të reciprocitetit në ekonominë kosovare në periudhën 21 korrik - 05 gusht të këtij viti”.

Kjo periudhë është kur Qeveria e Kosovës vendosi masa të plota reciprociteti ndaj produkteve të Serbisë, ndërsa taksë doganore prej 10 për qind për produktet e Bosnjës dhe Hercegovinës.

Agim Shahini, kryetar i Aleancës Kosovare të Biznesit, tregon se hulumtimi është zhvilluar në 8 komuna të Kosovës, me 500 përfaqësues të bizneseve dhe 200 konsumatorë.

Është rritur shkalla e kërkesës së prodhimeve kosovare, është rritur numri i të punësuarve.
“Nëse merret parasysh përgjigjja e bizneseve prodhuese dhe tregtare, të gjitha përgjigjet janë pozitive. Është rritur shkalla e kërkesës së prodhimeve kosovare, është rritur numri i të punësuarve. Arsyeja kryesore është se mallrat nga Serbia nuk vijnë. Kjo del se këto masa janë të mirëpritura nga bizneset dhe qytetarët dhe këto masa kanë rimëkëmbur ekonominë, sidomos ato prodhuese në Kosovë”, thotë Shahini.

Sektori i prodhimit të ndërtimtarisë është sektori që më së shumti ka përfituar nga ndalimi i futjes së mallrave serbe në Kosovë, thotë Shahini, për të shtuar se ky sektor vetëm gjatë 20 ditëve, ka rritur numrin e të punësuarve deri në 40 për qind.

“Sektori i ndërtimtarisë është më i godituri, por njëkohësisht është një ndër sektorët që më se shumti ka rritur prodhimin dhe punësimin. Mbi 55 për qind është rritur prodhimi ndërtimor, ndërsa vetëm gjatë këtyre ditëve, për 40 për qind është rritur numri i të punësuarve në këtë sektor”, shprehet Shahini.

Një ndër kompanitë vendore e cila bën prodhimin e blloqeve ndërtimore, është “Muqa Company’ në Suhareke.

Xhevat Muqa, menaxher në këtë ndërmarrje, tregon se që nga zbatimi i masave të reciprocitetit, rreth 20 për qind është rritur kërkesa për këtë produkt, pasi që, siç thotë ai, më herët një sasi e madhe e blloqeve janë importuar nga shteti i Serbisë.

Muqa, ndërkaq thotë se tashmë janë duke shikuar mundësitë për rritjen e numrit të të punësuarve.

“Po është rritur dukshëm kërkesa e blloqeve, për arsye se është bërë bllokomi i kufirit atje, dhe kështu që ne kemi kërkesa më të mëdha se sa kemi pasur”, tregon Muqa.

Ndërsa, Jahir Morina, udhëheqës i kompanisë ndërtimore “Princesha”, thotë se pas zbatimit të këtyre masave, ka lidhur kontrata me kompani kosovare për prodhimin e produkteve ndërtimore.

Dhe kjo ka një sukses të madh sepse të gjitha kompanitë vendore kanë shtuar prodhimin dhe numrin e punëtorëve.
Duke e quajtur të suksesshëm veprimin e qeverisë për parimin e reciprocitetit, Morina thotë se gjatë këtij muaji ka rritur numrin e punëtorëve deri në 50 për qind.

“Sepse masat e reciprocitet na kanë dhënë mundësinë që të lidhemi më kompanitë vendore dhe këto kompani kanë shtuar prodhimin dhe bashkëpunimin me kompanitë ndërtimore, siç jemi edhe ne. Dhe kjo ka një sukses të madh sepse të gjitha kompanitë vendore kanë shtuar prodhimin dhe numrin e punëtorëve”, thotë Morina.

Ndryshe, Agim Shahini, nga Aleanca Kosovare e Biznesit, thotë se ky punësim nuk mund të jetë i qëndrueshëm nëse masat e reciprocitetit do të ndërpriten.