Thuaj JO produkteve serbe! Mos e ushqe kontrabanden!

[Nete]

Cfare kan pruduktet serbe?

Jane me afat te skaduar..

[illyrian rex]

Jane me afat te skaduar..

Lere ate se nuk meriton pergjigje.

Pershendetje Nete.

[elidonuk]

Jane me afat te skaduar..

Ohh ok

[elidonuk]

Lere ate se nuk meriton pergjigje.

Pershendetje Nete.

Per cfare arsyeje nuk meritoj pergjigje une? Cfare te keqe ka nese jan produkte serbe apo turke apo evropjane apo amerikane?
Une thjesht bera nje pyetje se se dija per cfare arsyeje, por sic duket ti mik i dashur opaske shume urrejtje brenda vetes. Une vet sja ve veshin se cfare produktesh jan, po me pelqeu e blej, po sme pelqeu se blej.

[PORTI_05]

Per cfare arsyeje nuk meritoj pergjigje une? Cfare te keqe ka nese jan produkte serbe apo turke apo evropjane apo amerikane?
Une thjesht bera nje pyetje se se dija per cfare arsyeje, por sic duket ti mik i dashur opaske shume urrejtje brenda vetes. Une vet sja ve veshin se cfare produktesh jan, po me pelqeu e blej, po sme pelqeu se blej.

te befshin mire

[illyrian rex]

Reciprociteti ndaj Bosnjës
10.08.2011

Vendimi i fundit i Kosovës për masa reciprociteti ndaj importeve të Serbisë dhe për vënien nën kontroll të pikave kufitare në veri, ka bërë bujë të madhe ndërkombëtare. Por, Prishtina ka vendosur edhe taksë doganore prej 10 për qind në importet nga Bosnja. Ky hap është projektuar për, siç thuhet, nxitjen e Sarajevës për të njohur pavarësinë e Kosovës.

Në fund të muajit të kaluar, Prishtina vendosi masa reciprociteti kundër të gjitha importeve nga Serbia, në hakmarrje të masave të ngjashme, të vëna nga Beogradi. Vendimin e pasoi urdhri i Prishtinës për të vënë nën kontroll pikat kufitare në veri me Serbinë – çfarë çoi në përleshje dhe një polic të vrarë.

Më 20 korrik, Prishtina mori edhe një tjetër vendim – vendosjen e taksës doganore prej 10 për qind për të gjitha mallrat që vijnë nga Bosnja fqinje. Ndonëse dy masat janë maskuar me gjuhën e reciprocitetit të tregtisë, çështja e vërtetë është fakti se asnjëri nga këto dy vende nuk e ka njohur pavarësinë e Kosovës.

Ministrja e Tregtisë dhe Industrisë, Mimoza Kusari Lila, thotë për Radion Evropa e Lirë se taksa e re për mallrat e Bosnjës, është masë reciproke për taksën e njëjtë që ka vënë Sarajeva për produktet kosovare, në dhjetor të 2008-ës. Bosnja po ashtu ka refuzuar të njohë vulat doganore të Republikës së Kosovës.

“Ne nuk kemi parë ndonjë lëvizje pozitive nga ana e Qeverisë së Bosnjës, në raport me vulën doganore të Kosovës, edhe pse vula doganore e Kosovës ka qenë në përputhshmëri me Rezolutën 1244, ka qenë e pranuar nga të gjitha institucionet tjera dhe vendet e Bashkimit Evropian, përfshirë dhe ato që nuk e kanë njohur Kosovën”, shpjegon Kusari - Lila.
Taksa e re mund ta godasë rëndë Bosnjën. Kosova është vendi i vetëm, me të cilin Bosnja ka një bilanc pozitiv tregtar. Eksportet e saj në Kosovë kapin shumën prej 100 milionë eurosh në vit, ndërsa importet llogariten në vetëm 20 milionë euro.

Dulko Hasiq është kreu i seksionit për tregti të jashtme në Dhomën Tregtare të Bosnjës. Ai thotë se kjo organizatë ka paralajmëruar Sarajevën me vite për dëmin potencial.

“Për fat të keq, vendimi i Qeverisë së Kosovës është thjesht politik. Të mos harrojmë se autoritetet e Bosnjës nuk e kanë njohur zyrtarisht Republikën e Kosovës, apo nuk kanë njohur vlefshmërinë e vulave të autoriteteve të saj doganore. Qeveria e Kosovës është kundërpërgjigjur dhe ky nuk është një problem i ri. Ne, Dhoma e Tregtisë dhe Shoqata e Eksportuesve të Bosnjës, kemi paralajmëruar një kohë të gjatë se problemi mund të rritet".

"Ai është pikërisht kjo çfarë ka ndodhur. Me fjalë të tjera, grindjet politike mes Bosnjës dhe Kosovës kanë kaluar në marrëdhëniet tregtare dhe tani duhet të përballemi me pasojat, efektet e të cilave janë të vështira për t’u parashikuar. Ne kemi humbur një treg në vlerë prej 100 milionë eurosh”, thotë Hasiq.

Në fakt, shton ai, eksportet në Kosovë kanë kapur vlerën prej 80 milionë eurosh në gjysmën e parë të 2011-ës, çfarë ka treguar për një rritje të shpejtë, e cila sot është e rrezikuar.

Kosova ka paralajmëruar se nëse nuk zgjidhet çështja e vulave doganore, Prishtina do të imponojë masa reciproke për mallrat e Bosnjës, identike me atë që ka vendosur kundër Serbisë.

Bosnja nuk e ka njohur Kosovën për shkak të shqetësimeve të separatistëve të saj në Republikën Serbe – entitet me shumicë serbe, i cili mban marrëdhënie të ngushta me Beogradin.

Sylejman Konushevci është menaxher në kompaninë “Inter” në Prishtinë, e cila prodhon lëngje dhe ushqime. Ai thotë se firma e tij ka eksportuar në Bosnjë, porse biznesi ka rënë kur Sarajeva ka refuzuar të njohë vulat doganore të Kosovës.

“Masat e reciprocitetit është dashur të merren më parë. Kjo është një vonesë e qeverisë sonë. Produktet e Bosnjës, të cilat ndodhen në tregun tonë, mund të zëvendësohen lehtë”, thotë Konushevci.

Dushko Tomiq, është udhëheqës i formës “TT Kabel”, e cila prodhon kabllo telekomi në Shiroki Brijeg të Hercegovinës. Ai thotë se taksat e reja e kanë larguar kompaninë e tij nga tregu kosovar.

“Që kur TT Kabel ka nisur me prodhimin e kabllove tre vjet më parë, tregu i Kosovës ka qenë gjithmonë tërheqës për ne. Me taksën e re mbi produktet tona, të vënë nga autoritetet kosovare, ne nuk mund të jemi më konkurrues në atë treg”, thotë Tomiq.

Mosmarrëveshjet midis Kosovës e Bosnjës dhe Kosovës e Serbisë paraqesin një sfidë të rëndësishme për Marrëveshjen për Tregti të Lirë në Evropën Qendrore – CEFTA – nënshkruese të së cilës janë të gjitha vendet e rajonit.

Bosnja ka shprehur pakënaqësi te presidenca e CEFTA-s në lidhje me taksën e re doganore, të vënë nga Kosova, por këtë vit është Prishtina ajo që drejton presidencën e radhës së këtij mekanizmi. (v.t.)

http://www.evropaelire.org/content/a.../24291507.html

[javan]

Vendim i drejte i qeverise se Kosoves.

[ganimet]

Se prodhimet e shkieve vershuan tregjet kosovare menjiher pas luftes ku te vrar e sakatosur dolen shqiptaret ,sdon as me te vocklin argument shtes per ata qe i thon vetes shqiptar.
Mbyllja e syve nuk i tjeterson gjerat sepse ato mbeten ashtu po sa te hapen syt e atij qe gjyko me gjakftohtsi dhe pa makiazh.
Dikush po trumbeton se tani kan ndryshuar kohrat..pajtohem pore njerzit kan mbet po ata.
Kan mbet ata qe menjiher harruan klithmat e femijve te pa ngren e te pa pire,te atyre qe u dogjen te gjallë podrumeve te ahrijeve e stallave te plemevet.
Si ne gjne e kemi ne shqiptaret qe gjerat ti shofim ne pozivitet edhe kure zjarri na i djeg te mbathurat shpresojm ne shiun qe do sjell Allahu ne qiellin e paster pa re te bardha a te zeza.
E harruan gjith ate gjenocid te ushtruar mbi ta nga egersirat e Balltikut,sikur u betuan se gjithqa mbet mbrapa si nji enderr e keqe ja behen politi.qaret tan te pa fie dinjiteti kombtar.

Dikush du thot ,vaj per ket ganietin sa pesimist eshtë
Mir po dakordohem ,por si esht e mundur qe vrasja e nji polici te shkaktoj mllef per serbet se sa mizoria e kryer nga doragjakatare serbe mbi mira shqiptar.

Mallrat serbe jon ushqim i kriminelve dhe kontrabandistve qeveritar.Tani ne raftet e tyre te stermbushura u duhet ngritja e qmimeve.
Mos shifni jerma o shqipesepse kto lojra te pista jon te qeveritarve qe vetem per tu treguar se ja nuk po mundemi me .,se e provuam ashtu e keshtu dhe per ti dhen kohe popullit te mesohet te jetoi i neneshtruar si gjer me tani.
Mos dalshin kto fjal te mia ..pe dini qa thojshin pleqt.

[Gameness]

Kërkesat e biznesmenëve

Nga Express më 06 gusht 2011 në ora 18:50

Komuniteti i biznesit në Kosovë ka kërkuar nga ekzekutivi i vendit të përgatisë politika të favorshme për stimulimin e prodhimeve të vendeve të rajonit dhe të Bashkimit Evropian, të cilat nuk janë anëtare të CEFTA`s.

Lidhur me këtë, sipas tyre, është i nevojshëm eliminimi i taksës doganore prej 10 për qind. Situata e krijuar pas fuqizimit të masave reciproke ndaj produkteve serbe dhe vënies së taksave doganore prej 10 për qind për mallrat boshnjake, ka shtyrë komunitetin e biznesit që t’i propozojë ekzekutivit të vendit ndryshimin e politikave fiskale - me theks të veçantë uljen e taksave doganore për produktet bazike të vendeve të Bashkimit Evropian. Të gjitha vendet e Bashkimit Evropian, të cilat dëshirojnë të hyjnë në tregun e Kosovës, duhet të paguajnë taksë doganore prej 10%. Ndërsa, shtetet që janë nënshkruese të Marrëveshjes për Tregti të Lirë, CEFTA, janë të liruara nga kjo pagesë.

Kroacia, Maqedonia, Shqipëria, Bosnjë e Hercegovina, Moldavia, Mali i Zi dhe Serbia janë anëtare të marrëveshjes CEFTA. Por, në tregun kosovar janë të pranishme edhe produkte të vendeve anëtare të Bashkimit Evropian. Berat Rukiqi, nga Oda Ekonomike e Kosovës, konsideron se Qeveria e Kosovës duhet aplikojë masa të përkohshme, duke eliminuar taksën doganore vetëm për produktet bazike, të cilat në mënyrë zinxhirore mund të ndikojnë në ngritjen e çmimeve të artikujve të tjerë.

“Realisht, një veprim i tillë duhet të pritet kur Kosova do të kishte ndonjë marrëveshje tregtare me Bashkimin Evropian dhe kjo do të duhej të bëhej gradualisht”, tha ai.

“Por, në situatën e re të krijuar, qeveria duhet të mendojë që në disa produkte bazike, të cilat janë të rëndësishme për tregun, të aplikojë masë të përkohshme të uljes së taksës doganore në zero për qind”.

[Gameness]

Lufta tregtare e Kosovës

Nga Express më 04 gusht 2011 në ora 21:00

Lufta tregtare mes Kosovës dhe Serbisë ka ndezur tek ekspertët debatin se si mund të zgjidhet kjo situatë me sa më pak kosto.

Eksperti i tregtisë, Ilir Ciko, thotë se fillimisht qeveria e Kosovës duhet të nisë urgjentisht negociatat për anëtarësim në Organizatën Botërore të Tregtisë, pasi kjo do i jepte avantazhe në këtë konflikt.

"Duke e vendosur Kosovën në një pozicion me të drejta të barabarta me Serbinë që ende nuk është anëtare e OBT, nga ana tjetër do t'i impononte edhe Serbisë mësimin e trajtimit të duhur të marrëdhënieve tregtare, jo vetëm me vendet anëtare të OBT-së por edhe me ato të rajonit", tha Ciko.

Në kushtet e bllokadës një zgjidhje tjetër do të ishte orientimi i tregtisë së Kosovës drejt Shqipërisë, e nxitur edhe nga ndërtimi i rrugës Durrës-Kukës. Vitin e kaluar tregtia mes dy vendeve u rrit me 30 për qind, por mbetet sërish shumë e ulët dhe do kërkojë vite të arrijë në nivelet e Serbisë.

"Është ende më e ulët se sa potencialet që mendohej që do të kishte, por ky është një realitet që duhet ta pranojmë dhe që do të ndryshojë gradualisht, pasi nuk është thjesht infrastruktura që ndihmon, por edhe zhvillimi i kanaleve të reja të tregtisë", thotë Ciko.

Por ndërsa tregtia mes dy vendeve sapo ka filluar të rritet qeveria shqiptare po planifikon të taksojë kalimin në rrugën Durrës-Kukës.

"Qeveria nuk duhet ta shohë në kuadrin e interesave të drejtpërdrejta të Ministrisë së Transportit, për shkak të problemeve që mund të ketë me buxhetin, por duhet të ketë një vizion më të gjerë", shpjegon Ciko.

Për koincidencë apo jo, zyrtari që drejton projektin për koncesionin e rrugës në Bankën Botërore është serb, që në këto kushte mund të përbëjë konflikt interesi.

"Nëse këshilla të tilla vijnë nga zyra të cilat ndodhen në vende që janë në konflikt të drejtpërdrejt interesi me këtë çështje, duke e parë nga pikëpamja politike situatën, padyshim që veprime të tilla, ose këshilla të tilla duhet që të injorohen", tha Ciko.