Udhetimi ne kohe merr pergjigje

[xfiles]

bravo A.prendi, ajo qe the eshte nder pak gjerat e sakta ne kete teme konfuze.

[ATMAN]

Pershendetje,
Per mendimin tim celesi i makines se kohes eshte ndryshimi i frekuences dhe jo arritja e shpejtesive te medha. Nga teoria e "transormimi Furie", eshte shume e qarte se me rritjen e frekuences ngadalesohet koha, dhe anasjelltas.
Dhe nga ato qe kam lexuar kam vene re se pothuajse ne cdo rast qe pretendohet se ka patur nje udhetim ne kohe, gjithje eshte bere me ane te valeve shume te fuqishme elektromagnetike. Pra frekuenca e trupit ka ndryshuar si pasoje e nderhyjes se fushes elektromagnetike.

po ke te drejte ne perkufizimin tend

nje entitet indian jo vetem qe udhetonte ne kohe por edhe ishte ne gjendje ti kthente ne kohe mbrapa apo ti conte perpara deri ne 15,000 vjet dishepujt e vet

[Bajraku]

E çuditshme por e vërtetë: Shpiket makina që parashikon të ardhmen
Nga ENKELEDA BEQIRI
Vetëm nëpër filma vizatimor kemi parë shpikjen e “Makinës së kohës”, por tashmë mesa duket do ta kemi dhe realitet. Një shpikës nga Irani ka marrë patentën për shpikjen e tij madhështore. Ali Razeghi ka deklaruar se: “Në këtë projekt kam punuar në dhjetë vitet e fundit. Shpikja ime mund të përshtatet në kutitë e kompjuterëve personal dhe mund të jap detaje të jetës të përdoruesve për pesë deri në tetë vitet e ardhshme. Makina nuk ju shpie në të ardhmen, por të ardhmen tek ju me saktësi prej 98%”.
Ai dndër të tjera a thënë se Qeveria e Iranit mund të parashikojnë mundësinë e konfliktit ushtarak me një vend të huaj dhe se me ndihmën e pajisjeve të tij mund të parashikojnë luhatjet në kurset e këmbimit dhe çmimet e naftës. Përveç që është drejtor i Qendrës për zbulime strategjike, Razeghi është shkencëtar që ka patentuar edhe 179 zbulime tjera./alb-observer.com/

[iliria e para]

Udhëtimet drejt yjeve do të bëhen realitet!

A është e mundur të fluturohet deri në sistemet jo-diellore planetare me shpejtësi më të madhe se sa ajo e dritës? Po, është plotësisht e mundur, konfirmon Harold White. Me ekipin e tij në NASA ai po zhvillon aktualisht motorin superluminal (super-dritë), të destinuar për realizimin e udhëtimeve ndëryjore.

Deri në sistemin e Alpha Centauri, që ndodhet 4 vite dritë nga Dielli, anija kozmike me një motor të tillë do të fluturonte gjithsej për 2 javë.
Hulumtimet e Harold White janë një përpjekje e guximshme për përsosjen e konceptit të fizikanit meksikan Miguel Alcubierre, që ka shkaktuar në vitin 1994 një debat mjaft të gjallë në botën shkencore. Shkencëtari sugjeroi, siç i thonë fjalës, të kompresohet (të ngjeshet) hapësira para anijes kozmike, kurse në pjesën e pasme të saj të dekompresohet. Anija do të vendoset në këtë mënyrë në një "flluskë" hapësire të lakuar (të shtrembëruar) dhe do të mbetet në gjendje statike, në mënyrë që njerëzit, të cilët ndodhen në bordin e saj, të mos ndjejnë mbingarkesa trysnie. Përreth rend, zhvendoset me shpejtësi vetë hapësira dhe për llogari të kësaj kryhet lëvizja. Dhe mund të kompresohet dhe dekompresohet hapësira me një shpejtësi më të madhe se shpejtësia e dritës.

Për krijimin e "flluskës" nevojitet një substancë misterioze - masa negative, e cila gjatë shpërbërjes totale do të çlirojë energjinë e "errët" të nevojshme. Në llogaritjet e mbështetësve të teorisë së Miguel Alcubierre ofrohen madhësi të ndryshme të saj - ekuivalenti i tri masave diellore, masa e Jupiterit e kështu me radhë. Harold White në llogaritjet e veta e ka reduktuar atë akoma dhe më shumë, duke e sjellë deri në 700 kg. Me kusht që "flluska" të mos ketë formën e sferës, por të një torus-i (figurës në formë të gjevrekut), (angl. doughnut shape). Ai thotë se rezultatet e punës hulumtuese janë mjaft inkurajuese. Ekipi i tij me anë të përdorimit të rrezeve lazer po konstrukton një model në miniaturë të motorit të Alcubierre, ku hapësira të jetë e shtrembëruar, edhe pse në një madhësi jashtëzakonisht të vogël tani për tani - 1/10.000.000.

Shefi i Departamentit të Institutit të Fizikës me emër të “Lebediev” të Akademisë së Shkencave të Rusisë, Oleg Dalkarov, beson se financimi i këtyre ideve është i leverdisshëm vetëm për autorët e tyre dhe se, në të vërtetë, këto janë para të hedhura në erë:

- Dikastere e agjenci të ndryshme, ndër të tjera edhe tek ne në vend, japin fonde për hulumtime e punë shkencore të kësaj natyre për disa arsye. Një prej tyre konsiston në faktin se, me sa duket, grupi i punës, i cili u zgjodh në këtë rast, nuk është aq sa duhet kompetent. Arsyeja e dytë, ndonjëherë kjo i leverdis disa korporatave për të përfituar financime. Do të kalojë njëfarë kohe, ajo periudhë për të cilën është dhënë kredia, dhe grupi i punës do të shpërbëhet. Ndërsa më tej nuk do t’i kthehen më kurrë realizimit të kësaj ideje.

E megjithatë, a ka vallë ndonjë shpresë që një anije e tillë të ndërtohet në të ardhmen? Pikë së pari duhet gjetur mënyra e “zbutjes” së masës negative - me të lidhin zhvendosjen e galaktikave dhe zgjerimin e Universit. Ndërsa tani për tani fizikanët janë të gatshëm për të diskutuar vetëm modelin matematik dhe eksperimentet laboratorike.
(e.m/kohaditore/BalkanWeb)