Një familje shqiptare në Greqi, përveçse ka përballuar humbjen e njeriut të dashur, ka ndërmarrë edhe një veprim tejet humanitar duke dhuruar organet e tij. 41-vjeçari shqiptar Ardian Arapaj, baba i dy vajzave 19 dhe 11 vjeç, me origjinë nga Përmeti, që punonte dhe jetonte në këtë qytet prej më se 20 vitesh, ka pësuar një hemoragji cerebrale dhe pavarësisht përpjekjeve të mjekëve nuk ka mundur të mbijetojë.
Pesë vëllezërit dhe motrat e tij kanë kapërcyer dhimbjen dhe kanë marrë vendimin që organet e tij t’u jepeshin tre pacientëve që ishin prej vitesh në listën e pritjeve për transplant. Falë Ardian Arapajt, një pacient në Athinë dhe dy të tjerë në Selanik e kanë fituar betetjën me vdekjen.
Trupi i 41-vjeçarit është kthyer në atdhe, i shoqëruar nga dhimbja dhe krenaria e të gjithë komunitetit shqiptar në Greqi. Greqia njihet për numrin më të vogël të dhuruesve të organeve në Europë, ku vetëm 100 persona në vit, ose 10 në 1 milion bëhen dhurues pas vdekjes.
Shekulli
Përgjigju Duke Cituar
Krijoni Kontakt