Babai ju flete Femijve nga Varri

[fegi]

Një histori sa e dhimbshme aq dhe e çuditshme ka ndodhur në Britaninë e Madhe. Bëhet fjalë për familjen Flanagan, e cila para pak ditësh ka humbur kreun e saj. Mendi dhe Pol Flanagan do të festonin 10-vjetorin e martesës.

Por Paul u sëmurë nga kanceri një vit më parë dhe vdiq. Çifti ka dy fëmijë: Toms dhe Lusi, me të cilët Pol ishte shumë i lidhur. Aq shumë sa vendosi t’u linte një manual me 28 rregulla se si të bëheshin njerëz të arritur kur të rriteshin.

Sipas “Daily Mail”, Pol që nga momenti që mësoi sëmundjen e tij filloi të mendonte për mënyrat e ndryshme me të cilat do të mund të komunikonte me fëmijët në kohën që nuk do të ishte më.

Një nga gjetjet e tij ishte krijimi i një biblioteka me të gjitha librat më të mirë që ai kishte lexuar, duke lënë në çdo faqe të parë të çdo libri nga një mesazh për fëmijët e tij.

Rregullat e një babai, për t’u ndier i plotësuar

1- Bëhuni të sjellshëm dhe korrekt. Zbatoni rregullat e tavolinës. Shumë njerëz mund t’ju etiketojnë vetëm nga mënyra se si mbani pirunin dhe thikën.

2- Ndihmoni të tjerët edhe pse mund të keni problemet tuaja. Kjo gjë do të vlerësohet nga njerëzit dhe


Mendi me fëmijët Tomas dhe Lusi, Udhëzimi

do t’ju gjenden afër kur të keni nevojë.

3- Tregohuni kurajozë. Është e rëndësishme të shikoni veten në pasqyrë dhe mos t’ju vrasë ndërgjegjja.

4- Jini të thjeshtë. Mos mendoni kurrë se mund të turpëroheni.

5- Mësoni nga gabimet tuaja. Ju siguroj që do të bëni shumë, por të paktën përdorini.

6- Mos flisni kurrë pas krahëve të dikujt. Do të dukeni shumë keq në sytë e të tjerëve.

7- Ruani qetësinë. Nëse dikush ju mërzit, mos reagoni menjëherë.

8- Kënaquni. Nëse kjo do të thotë që duhet të rrezikoni ndonjë gjë, ashtu qoftë.

9- Bëni bamirësi nëse mundeni, është shumë e lehtë dhe shpërblyese.

10- Për ju gota duhet të jetë gjithnjë gjysmë plot, asnjëherë e kundërta.

11- Fjalën “Po” bëjeni instinktin tuaj. Kërkoni arsye për të bërë diçka dhe jo një arsye për të thënë “Jo”.

12- Jini dorëlëshuar. Mund të merrni gjithnjë më shumë nëse u jepni të tjerëve më shumë nga sa meritojnë.

13- Pranoni gjithnjë një ftesë për festa.

14- Kurrë, në asnjë rast, mos e braktisni një shok në nevojë. Do të fshihja dhe një të vdekur për shokët e mi, nëse ma kërkojnë. Kjo është dhe arsyeja përse i kam zgjedhur me shumë kujdes.

15- Gjithnjë kërkoni një shërbim shumë të mirë dhe asnjëherë mos lavdëroni shërbimin e keq të dikujt.

16- Trajtojini të gjithë si të barabartë me ty, pavarësisht nëse i përkasin një shtrese tjetër sociale.

17- Respektoni gjithnjë moshën, sepse mosha tregon drejtësi.

18- Jini gjithnjë gati të vini në plan të parë interesat e të afërmve tuaj.

19- Jini krenarë për veten dhe për familjen nga vini.

20- Bëhuni ambiciozë, por jo lakmitar. Gjithçka duhet ta arrini me shumë punë.

21- Jetojeni ditën, bëni gjithnjë diçka që ju bën për të qeshur.

22- Jepni më të mirën në shkollë.

23- Gjithnjë paguani aq sa mund të përballoni.

24- Kurrë mos u dorëzoni. Dy ushtarët e mi të vegjël nuk kanë baba, por ju jeni të fortë, me zemër të madhe dhe trima. Keni mbështetjen e familjes dhe miqve.

25- Të qash nuk rregullon asgjë. Kurrë të mos ju vijë keq për veten, të paktën jo për një kohë të gjatë.

26- Kujdesuni për trupin tuaj dhe ai do të kujdeset për ju.

27- Mësoni një gjuhë të huaj, ose të paktën tentoni.

28- E fundit: Bëni të lumtur nënën tuaj dhe kujdesuni shumë për të.

Ju dua shumë të dyve.

Me gjithë zemër

Babi.

[Hyllien]

Gjynah, histori e dhimbshme. Ka gjetur mënyrën më të mirë se si ti udhëzoj ndër vitet kyce të formimit psikologjik, ku dhe mund menjëherësh të shkosh në rrugën e dreqit.

[mia@]

Mu renqeth mishi! Do kete qene vertet baba i mire gjersa eshte munduar kaq shume te gjeje nje menyre se si tu gjendet prane femijeve dhe kur te mos jete me.
Ka zgjedhur vertet keshilla te vlefshme e praktike qe u nevojiten cdo njeriu ne jete!

[Nete]

Sa e dhimbeshme,baba i veqante...

[s0ni]

Sa prinder i mire. Edhe pse pati kohe te shkurter me djemt e tij, i la keshilla qe ne te vertete do ti nevojiten gjate jetes.

Mesazhi me domethenes: "Jini krenarë për veten dhe për familjen nga vini."

Edhe kjo tjetra me pelqeu: "Trajtojini të gjithë si të barabartë me ty, pavarësisht nëse i përkasin një shtrese tjetër sociale." ~ Sa e vertete, edhe nese kemi me shume ose me pak se tjetri qe te gjithe jemi vetem kalimtar ne kete jete.