Maica me Qerqiz e Hasan....

[fegi]

Nga Entela Resuli


Kanë gjetur një mënyrë për të mbajtur gjallë patriotizmin. Duke parë njerëzit që kërkonin bluza me stampime të ndryshme nga më të çuditshme, dy djem nga Kosova kanë servirur një ide krejt origjinale. Bluza me heronjtë tan kombëtare. E ku ka më mirë!. Ç për Ç, ata propozojnë më mirë një Çerçiz se sa një Çe Guevarë. Më mirë një Hasan Prishtinë se sa David Backam.

Tani janë ende në fillim të punës së tyre por për këtë ide interesante kanë rënë në sy të të gjithëve dhe shumë shpejt kanë marrë porosit e para. Janë të shumtë ata që duan një bluzë të stampuar, në dyqanet përkatëse kanë marrë sugjerimet nga ata që i realizojnë ato. Këtë herë djemtë nga Kosova i kanë rënë pikës me atë çka u ka shkuar në mendje. E pse duhet të mbajmë veshje ku është i stampuar Ernest Chegevara, ku shumë mirë kemi një hero të ngjashëm me të e shqiptare.

Ne kemi folur me një nga djemtë, Donik Karaqin dhe na ka treguar më shumë për këtë punë të re, vështirësitë e fillimit dhe projektet e tyre.


Donik, si ju lindi ideja për tu marrë me ketë punë?

Ideja lindi duke e parë fluksin e madh të bluzave dhe veshjeve me flamur dhe simbole të shteteve të tjera në trojet shqiptare. Kjo shërbeu si stimulim për ne, gjithashtu simbolet tona mjaft të bukura autentike shqiptare luajten një rol mjaft të veçantë. Dhe në fund unë dhe Qendrim Daka vendosëm ta formonim këtë kompani, që të promovojmë simbolet tona kombëtare.

Çfarë është kjo kompani dhe cili është misioni i saj?

Folkan Shqip është një kompani e re në tregun shqiptar, që prodhon maica unike me karakter dhe simbole kombëtare-shqiptare. Misioni ynë primar është që shqiptarët të fillojnë te ndihen krenar me kombin e tyre, dhe sa më shumë ti përdorin simbolet tona autentike shqiptare. Ne përmes dizajnëve tona qe është një gërshetim i traditës shqiptare dhe dizajnit bashkohor, do të mundohemi që sa më shumë të promovohen simbolet tona.

Keni zgjedhur një ide origjinale për të përdorur figura kombëtare, kujt i shkojë mendja për këtë?

Po duke i parë se çdo shtet vazhdimisht tenton sa më shumë ti promovoj figurat emiente kombtare, edhe ne e menduam një gjë të tillë për figurat tona, por edhe duke parë se edhe shtetet tjera përreth vazhdimisht tentonin t’i përvetësonin figurat tona kombëtare.

Çfarë lidhje ka Çerçiz Topulli me Che Guevaren sipas jush?

Së pari të dy ishin heronj, dhe që të dy e kanë bërë stilin e njëjtë të luftës “guerile”, gjithashtu ka ngjashmëri edhe në figurën e tyre pak a shumë.

Me cilat figura të tjera keni luajtur?

Ne kemi zgjedhur personat kyç, që kan luajtur rol të veçantë në historinë e kombit tonë, si p.sh Çerçiz Topulli, Skenderbeu, Hasan Prishtina, Isa Boletini, Lek Dukagjini etj.

Cila është figura më e kërkuar nga njerëzit?

Për momentin me e kërkuara është modifikimi i logos së Supermanit me shqiponjën tonë.

Keni marrë komente, cilat janë ato?

Po kemi marrë komente vazhdimisht, dhe të gjithë janë shprehur të kënaqur me iden, iniciative, seriozitetin dhe qasjen ndaj çështjes kombëtare.

Si është procedura e punës suaj?

Procedura e punës nuk është aq e thjesht, kërkon një kohë të gjatë. Në para se ti publikonim këto modele, rreth 8 muaj kemi punuar në grumbullimin dhe ri-modelimin e këtyre dizajneve.

Po ju vetë me çfarë merreni, si është një ditë e juaja?

Unë jam student i vitit të parë ne Stomatologji, kurse kolegu im Qëndrimi Daka,ka përfunduar studimet për farmaci. Çështjen kombëtare e kemi pasion të përbashkët, ajo që edhe çoi në formimin e Folkan Shqip.





Jeta

Donik Karaqi

Ky djalë është vetëm 20 vjeç dhe tregon se asnjëherë nuk ka ndenjur në një vend. Gjithmonë ka pasur diçka për të bërë përveç studimeve që e kanë shoqëruar deri më tani dhe vazhdojnë ta shoqërojnë. 20 vjeçari nga Prishtina ndjek studimet në Fakultetin e Mjekësisë dega; stomatologji. Jeton në kryeqytetin e Kosovës Prishtinë. Tani që është në sezon pushimesh i kushton më shumë kohë biznesit të tij më të ri që ka hapur së bashku me shokun e tij Qendrim Daka. Edhe pse vetëm pak muaj me këtë punë, kanë tërhequr vëmendjen e medias dhe të njerzëve.



“The Original Che”,

Përderisa mbani Che Guevaren pse mos ta mbani Çerçiz Topullin apo “The Original Che”,siç e quan “Folkan Shqip”, heroin kombëtar Çerçiz Topulli në bluzet e tyre unike, të cilat i kanë hedhur në treg dhe kanë karakter kombëtar. Nuk është vetëm Çerçiz Topulli që është në këto fanella. Aty zë vend patrioti Hasan Prishtina, shqiponja dykrenore dhe personalitete të tjera kombëtare të historisë së Kosovës dhe Shqipërisë.

[Anesti_55]

Kjo puna e tregetise eshte kerkon njohuri te shkecave fillozofike.Ps.me ka bere gjithmone pershtypje fakti qe dyqnet mbushen me disa artikuj qe me mi fale me fyen,ps ,sikur te me faledh 1000 kollare me dizenjo qe preferohen nga .........sinqerisht qe me fyen.Por investitori,modelisti dhe tregetari arrin te njohin psikollogjine shijen e grupimeve kulturore dhe marrin guximin ti prodhojne.Ps. une nuk do te m,baja kurrenje rryp me shqiponje,apo me percina.Por nje bluze me Cerciz, apo me ndonje figure kombetare,ore qofte dhe nje flamur ne dore do ta mbaja vetem ne raste te vecanta, nese do te ftohesha ne nje dite perkujtimore.
atp bluza masive qe ju shikoni nder te rijte, jane me njerez publik te artit ,muzikes ,sportit etj dhe normal qe nje moshe e caktuar ka nevoje dhe per te shpreh preferencat e tyre ne keto fusha.Ushqimi i ndjenjave nacionaliste ,eshte i rrezikshem ne nje shoqeri te hapur dhe qe pretendon te bashkejetoje me kultura e rraca te tjera.

[Brari]

o po nuku kan hall ndjenjash keta tregetaret o nest..
biznis bejn...
kurse blersit.. hipokrizi..