Rukie Rama,

[Brari]

Rukie Rama: Beqir Balluku më mësoi komunikimin përmes murit në burg
Argument, Speciale e Hënë, Korrik 11th, 2011

RUKIE RAMA DUKE RRËFYER PER “PANORAMA” (MAJTAS) BEQIR BALLUKU
Kthimi në të shkuarën është i pashmangshëm, edhe pse tanimë ajo ka mësuar të jetojë me të. Përpiqet të mos e dëmtojë veten duke e ngarkuar shpirtin me urrejtje. “Ai stan atë bylmet kishte”, thotë Rukie Rama.

Atë çka ajo nuk arrin dot ta përtypë është fakti që ca nga ata që e burgosën, torturuan apo bën dëshmi të rreme për të, sot kapardisen, madje kanë edhe poste. “Ky është dënimi ynë i dytë”, thotë ajo. Ashtu si përherë, ajo erdhi në Shqipëri për të takuar njerëzit e saj të afërt e për të vënë një tufë lule në varrin e prindërve. Por, veç kësaj, e kishte një dilemë prej vitesh. A duhet të shkonte e ta shihte edhe një herë atë qeli sa një bojë njeriu, ku ishte e pamundur të shtriheshe horizontalisht, aq e ngushtë qe…? Atë qeli ku qau aq shumë sa i dukej se do të mbytej në lotët e vet. Një dilemë shumëvjeçare, së cilës i dha zgjidhje kësaj here. Ndihmuar nga shefi i Edukimit dhe punonjësi social i institucionit të Paraburgimit, Dritan Dollapi, ajo shkoi e fotografoi qelinë Nr. 7 në Bajram Curr. Në këto kushte, e pamundur të mos kthehej në të shkuarën. Atëherë kur 43 dëshmitarë i dolën kundër duke sajuar gjithfarë situatash të rrejshme që e akuzonin atë për “agjenturë”. Historia do të kishte qenë e njëjtë me shumë të tjera të ndodhura në kohën e diktaturës, nëse një operativ Sigurimi, që nuk e kishte marrë parasysh se vajza mund të qe edhe kokëshkretë, pretendoi se ajo kishte qenë e dashura e tij. Rukia, asokohe 25 vjeçe, kërkoi t’i bënin ekspertizën mjeko-ligjore. Ka qenë pa dyshim një nga periudhat më të tmerrshme të saj. Ekspertiza e vlerëso të virgjër. Por ajo nuk mundi t’i shpëtonte dot 7 viteve burg. E Rukia na tregon për arrestimin e çuditshëm, për bashkëbisedimin me një tjetër të arrestuar në Burgun e Tiranës. As më shumë e as më pak, por Beqir Balluku, i cili i mësoi komunikimin me anë të goditjeve në mur. Ajo na tregon për shoqet e burgut, me ato që kishte miqësi. Për gratë ruse e episode që nuk mund t’i fshijë dot nga mendja.

Zonja Rukie, arrestimi juaj ishte po aq i jashtëzakonshëm sa e gjithë historia, na tregoni, si ndodhi?


Rukie Rama, duke vizituar qelinë ku ka vuajtur dënimin, në Burgun e Bajram Currit, pas 36 vitesh
Unë nuk jam arrestuar sikur gjithë bota, por jam vjedhur. U nisa gjoja me shërbim në Tiranë. Gjithçka ishte e kurdisur. Të gjithë këtë organizim e kishin planifikuar operativët e Sigurimit në bashkëpunim me Feçorr Shehun. Operativi i zonës, Seiti, kishte shumë miqësi me Feçorr Shehun, i cili aso kohe ishte ministër. U nisa në Tiranë gjithë qejf dhe, kur mbërrita këtu, përfundova në burg, por jo me arrest direkt, por më futën nga një hyrje tjetër. Vajtja ime atje u shoqërua me shumë kuriozitet. Ishte arrestuar një vajzë nga Tropoja, një “agjente”… vetëm pas 10 ditësh më thanë se isha arrestuar. Ndërkohë, u munduan të më bindnin të bëhesha agjente e tyre.

Atë vit në Tiranë kishin ndodhur disa arrestime të bujshme, hasët ndonjë figurë të njohur në korridoret e burgut?

Më futën në qelën 27, në katin e dytë dhe më nxorën për ajrim pas 3 ditësh. Dhomat me ajrosje në Tiranë ishin të vendosura diagonalisht. Kur dal në ajrosjen e fundit, shoh një burrë të shtrirë, të rrëzuar. Më kujtohet i veshur me ato pizhamet me vija blu. E njoha figurën e tij. Ishte kudo nëpër stenda… E pashë edhe njëherë dhe u binda se ishte Beqir Balluku. Vuri dorën te buza, duke bërë shenjë që të mos flisja. Kur u futa në qeli dëgjova që diçka pëshpëritej në mur. Ai po përpiqej të më thoshte diçka. Prej tij mësova të komunikoj me anë të murit.

Ç’komunikuat me të?

E vetmja gjë që më kujtohet të më ketë thënë është: Ki kujdes veten! Me sa duket e hoqën prej aty dhe nuk mësova më asgjë se çfarë u bë me të.

Thatë se u përpoqën t’ju bënin bashkëpunëtore…


Me ish-nxeneset
U përpoqën të më përfshinin. Duket se edhe ata e vlerësonin zgjuarsinë, faktin që kisha memorie shumë të mirë. Isha mësuese Matematike dhe mbaja mend gjithë ato formula.. Ndoshta donin të shfrytëzonin edhe pamjen time. Mbaj mend se sollën një hetues, që e quanin Belul Zoto, dhe më tha: “Përse të mos shoqërohemi ne të dy bashkë, bëhemi një çift i mrekullueshëm dhe shëtisim botën!” Kur më tha direkt që të bashkëpunoja, unë kundërshtova në maksimum, aq sa nga frika se mos bëja ndonjë akt kundër vetvetes, më vunë në kokë një skafandër dhe më kontrollonin vazhdimisht përmes sportelit. Në mënyrë absolute nuk pranova që të bëja një marrëveshje me ta. Më kthyen në Bajram Curr, ku nisën akuzat e tjera për “agjenturë” etj.

Në Bajram Curr ju futën në qelinë më të keqe, kaq e “rrezikshme” ishit ju?


Rukie Rama në moshë të re
Me thënë të drejtën u zmadhua pak si shumë çështja ime. Unë kam qenë një vajzë me karakter paksa të çuditshëm. Në jetën time s’më ka bërë përshtypje: “Çfarë the ti, po kush jam unë..”. vija nga një familje e respektuar, që jetonim me djersën e ballit e ku në çdo cep të shtëpisë kishim një libër. Im atë vërtetë ishte i vjetër, i ditëlindjes 1880 dhe çlirimi e gjeti 64 vjeç, por megjithatë na shkolloi, në luftë të vazhdueshme me pushtetarët. Ka qenë nacionalist dhe shtëpia jonë ka qenë bazë e Kryezinjve të Kosovës. Tërë jetën ka luftuar me ta. Vdiq 93 vjeç me krenari të madhe dhe me një personalitet të fortë. Ishte i respektuar nga e gjithë Malësia e Gjakovës. E ndoshta unë kisha pak karakterin e tim ati. Kam qenë drejtoreshë e shkollës në Zogaj që është në kufi me Kosovën, që do të thotë Shqipëri-Shqipëri. Unë nuk kisha frikë të përshëndetesha me vëllezërit tanë të Kosovës, ndonëse për hir të së vërtetës nuk na lejohej të flisnim me ta. Nuk dua të ngre aludime, por një vajzë e bukur, e shkolluar, me karakter të fortë, që nuk i nënshtrohej kujt, lë edhe dyshime, me kë është e lidhur, çfarë, bën etj. Kjo ndoshta nxiti edhe një operativ të zonës, që ishte nga Vlora, Seit Zeqiri, e që ndoshta sot mund të ketë ndonjë post të ngritur. Ai e futi në qorrsokak gjithë sistemin, duke shpifur se unë isha në shërbim të njërit e të tjetrit, që isha agjente, që s’përfillja kënd etj. Unë nuk kisha pse të frikësohesha, i kisha gjithë fshatarët me vete. Jetova 5 vjet në Zogaj, një popull i mrekullueshëm, me tradita, shumë punëtor dhe i ndershëm. Nuk më thoshin drejtoreshë, po drejtor dhe çdo derë e sofër e tyre ishte e hapur për mua.

Ju doli ndonjë prej bashkëfshatarëve dëshmitar në gjyq?

Në qoftë se 43 dëshmitarët u bënë kundër meje, plus një kontingjent i fshehtë nga krahina Zogaj, Kepenek, nuk doli asnjë person kundër meje. Çfarë pretendonin dëshmitarët e rremë? Ata ishin të gjithë të përpunuar. Edhe dëshmitë i kishin të mësuara. Ata ngrinin gjithfarë pretendimesh, përmendnin emra fshatrash, vendesh, situatash, por askush nuk dinte t’i argumentonte. Dikush më akuzonte se i kisha dhënë ndonjë libër të ndaluar.. Ata vazhdonin me të tyret, ndërsa nuk e dinin se në Tiranë kishte dalë ekspertiza. Gjyqi vazhdoi 4 ditë.

I njihnit?

Të gjithëve u kisha dhënë bukë.

Kush ishte gjyqtare e çështjes?

Askush nuk guxonte ta merrte përsipër çështjen time. E vetmja që pranoi ishte Tamara Mala. Pranoi në këmbim të një tesere partie. Ajo ishte kandidate për anëtare partie dhe i vunë kusht që ose të pranonte çështjen, ose ta harronte anëtarësimin. Gjithsesi, nuk dua ta gjykoj.

Thatë se kur ishit në burgun e Kuçovës ju fusnin në dhomë edhe provokatore, po miqësi a kishit me ndokënd?

Në burg gjeta Mynever Zaimin, e cila kishte qenë drejtoreshë e Bibliotekës së Elbasanit, me dy djem të mrekullueshëm, njëri nga ata kishte mbaruar Matematikë dhe më futi në burg përmes së ëmës, “Të gjeturit e sipërfaqes së 17-këndëshit”. Ishte ende e diskutueshme atëherë të përdorej a të mos përdorej apotema. Nga ajo mësova disa gjëra që i pata parasysh gjatë gjithë kohës së burgut. Ajo e dinte historinë time dhe më këshillonte me kë të shoqërohesha, të mos i besoja gjithë njerëzve. Myneveri për mua ishte mësuesja që gjeta në burg. Me shumë dhimbje kujtoj një vajzë nga Berati, Thëllëza Lundra, e cila ishte shoqëruar me të birin e Teme Sejkos. Ishte shumë e re dhe trajtohej shumë keq nga gardianet e Kuçovës apo Qytetit Stalin, siç quhej atëherë. Më kujtohet një skenë kur i ktheu fjalën një gardianeje dhe ajo e lidhi me zinxhirë dhe e godiste me çelësa. E rrahën në mënyrë çnjerëzore dhe ajo vazhdonte të kundërshtonte e të shante gardianen.

Ju kujtohet ndonjë episod i veçantë?

Në burg na sollën një bashkëfshatare timen, që ishte e shtatzënë. Së gjorës i kishte shkuar mendja për një qepë, e gardianët nuk ia sollën. Një kuzhiniere nga Korça, edhe ajo e dënuar, tinëz e vodhi një nga kuzhina e ia solli. E çuan për të lindur, por ai fëmijë edhe sot nuk është i zhvilluar fizikisht, ndoshta për shkak se kushtet e lindjes ishin shumë të vështira. Fëmijën ia hoqën pas një jave dhe e çuan në Befotrof. T’ia heqësh nënës foshnjën nga gjoksi, është shumë e dhimbshme.

Në të njëjtin burg vuanin dënimin edhe gratë ruse, si ishin ato, ç’komunikim kishit?

Ruse kishte shumë. Ishin mbi 13. Ishin të gjitha të shkolluara me nga dy fakultete, inxhiniere, gra me personalitet. Shumica ishin nëna. Ne ishim në të njëjtin kapanon, por dhoma e ruseve ishte në një kënd në formë L-je. Ato rrinin bashkë, punonin si të gjitha ne të tjerat në kanale dhe në punë nga më të ndryshmet e me kulturën e tyre, ato na mësonin edhe ne. Ka qenë Taisa Pisha, një shkencëtare e vërtetë, Ina Shahu, modeli i një gruaje të mrekullueshme, Vigel Minaveshi. Ato ishin shumë të heshtura, nuk na jepnin shumë muhabet. Mjaftoheshim vetëm me një përshëndetje, apo një interesim për shëndetin. Kaq ishte komunikimi ynë me to. Ato nuk prononcoheshin asnjëherë për asnjë gjë politike e ideologjike. Ishin të burgosura me një disiplinë të jashtëzakonshme, ishin shumë korrekte në komunikim me njëra-tjetrën dhe me ne. Shumicës u vinin fëmijët, një pjesë ishin divorcuar nga burrat.

Keni mbajtur kontakte pas daljes nga burgu me ndonjërën prej ish- të burgosurave?

Nuk kam mbajtur kontakte me to, edhe pse jam munduar të lidhem me ndonjërën prej tyre. Veç ruseve atje kishim edhe rumune, jugosllave e greke, kurse shqiptare ishim më pak. Sot po i nxjerrin shumë të burgosurat politike, por jo, jo, nuk kemi qenë shumë në numër. Secila kishte jetën e vet dhe nuk përziheshim me njëra-tjetrën. Një komunikim të mirë kam pasur me Bardha Markagjonin, së cilës i thoshim Princesh Bardha. Ishte 60 vjeçe e na ka mësuar shumë gjëra. Më vonë, kur dola nga burgu, kam shkuar dhe e kam takuar në Shkodër. Ishte një grua me kulturë, shumë e rregullt.. Ne të politikës nuk kishim shumë fjalë dhe asnjëherë nuk kemi pasur ndonjë zënkë me njëra-tjetrën, siç ndodhte te të dënuarat e krimeve ordinere.

Pas Kuçovës, do të vinte një transferim tjetër, u përmirësuan ndopak kushtet për ju?

Në Kuçovë shkova në vitin 1975, pastaj më çuan në Kosovë të Elbasanit. Në Kosovë hapën një shkollë për vajzat dhe unë u caktova nga komanda si mësuese e Matematikës. Atje kishte vajza nga 13 deri 16 vjeçe, të dënuara për krime nga më të ndryshmet. Pas shumë vitesh, ndodh që nëndrejtori i Burgut punon me time mbesë në Durrës dhe në bisedë e sipër kujtuan edhe historinë time. Piva kafe me të. Ruaj respekt të madh për atë njeri, sepse një 7 Mars, edhe pse kontrolloheshin nga gardianët e Burgut, më kishin prurë një kartolinë.



ALMA MILE

Te nderuar komentues! Duke mos dashur te cenojme opinionet tuaja, lutemi qe ato te mos permbajne fyerje dhe ofendime personale dhe te kene lidhje me shkrimin, apo temen per te cilen komentohet. Ne te kundert, nuk do te publikohen. Ju falenderojme qe na ndiqni dhe ju ftojme te vazhdoni te jeni pjese e Panorama Online. Moderatori

18 Komente per “Rukie Rama: Beqir Balluku më mësoi komunikimin përmes murit në burg”ola
11 Korrik, 2011 - 12:08
Z. Rukie kam pare nje emision lidhur me historine tuaj. Me vjen vertet sh. keq per ato qe ju kane ndodhur, eshte nje tragjedi, nuk gjen fjale, vetem shpirti juaj e di……..Jeni per t’u admiruar per forcen dhe kurajon qe keni ne vetvete. Ju uroj gjithe te mirat.

Përgjigjjuni KL
11 Korrik, 2011 - 12:14
Ajo kohe mos u kthefte me kurre ,Persona qe atehere kane qene ne krye eshte turp ti shohim perseri ne poste jo ata por 7 brezat me pas te tyre ata ishin gjakepires vrases e me cfare ti krahasosh ata njerez perbindesh qe e perdoren ate sistem per te vrare burgosur dhe shtypur popullin kush ka vuajtur di ta vleresoi lirine e sotme ,por jo per ta perdorur ate liri per te vrare te tjeret ja pse kemi shume vellavrasje vetem nga trashgimenia e atij sistemi te keq qe me se shumti perkrahet nga socialistet.

Përgjigjjuni X
11 Korrik, 2011 - 13:20
Une jam nga Berati, dhe me kujtohet fare mire Ina Shahu injxhinjere ne SMT e Beratit, grua zonje edhe i shoqi ne mos gaboj quhej Engjell,kishte dy vajza si yje ishin kaq te bukura sa Kucova dhe Berati kthenin syte kur keto dy vajza dilnin ne rruge.
Me sa di une jane Rusi tani,oh zonje po me hap plaget, sepse edhe prinderit e mij paten kete fat si puna juaj.
Te pershendes nga Parisi dhe te uroj gjithe te mirat.

Përgjigjjuni arian
11 Korrik, 2011 - 13:52
shume gjynah

Përgjigjjuni alketa
11 Korrik, 2011 - 15:27
E kam degjuar nga afer kete histori para 20 e ca vjetesh dhe na rreqethej mishi nga mostrat e asaj epoke.Ne ato vite zonja Rukie kishte fituar pafajesine. Respekte zonjes Rukie!

Përgjigjjuni tafa
11 Korrik, 2011 - 15:50
Zonja Rukie i lexoj shum këta artikuj për të mësuar për vuajtjet e popullit shqiptar nga katilat dhe klyshët e rusëve dhe kam pasur rastin kur isha në Shqipëri të dëgjoj nga goja vuajtjet e njerzëve sikur ju jeni herojt e parë të demokracis aj rexhim shkoft e kurr mos i ktheft e duhet punur që ata të cilët janë sot në disa poste të deklasohen dhe të izolohen dhe demaskohen ju uroj gjith të mirat shëndet e jetë të lumtur për të gjith të burgosurit e rangut të juaj.

Përgjigjjuni Sali Mostra
11 Korrik, 2011 - 17:11
Znj Rukie:
Me sinqeritetin me te madhe ndieje shume keqeardhje per ju dhe shume njerez si ju qe kane vuajtur burgim nga shpifje apo sajesa te temerreshmem, eshte cnjerezore, kuptohet qe me shpifje nga ndokush qe kishte pushtet ne kohen e komunizmit te bente gropen.

Kam nje pyetje ndaj jush, mos i keni patur gje shoke ata qe te kane groposur juve? mos jane gje ne pushtet ata qe kane shpifur juve? a eshte Sali Berisha ndoshta ai qe ju ka groposur juve pasi ai njihet si nje personazh qe ka groposur shume Shqiptare per nje karrike? neser po mos e mbro dil para gjykates se ai eshte llumi i kobitShqiptare.

Une jame demokrate i flaket por kurr me saliun qe ju ka shpifur.

Përgjigjjuni Sigurim Kalemi
11 Korrik, 2011 - 18:16
Nuk eshte hera e pare qe njihem me kete histori.Te them te drejten me ka rrenqethur qysh heren e pare qe jam njohur.Historia Jote Rukie eshte vertet e vecante ne mes te denuarve te tjere politike.Shume histori te dhimshme i mesova pas renjes se diktatures,megjithse vete kam punuar ne organet e diktatures.Une vete kam qene nje oficer i sigurimit te shtetit,dhe sic thashe,per cudi historite rrenqethese i kam mesuar vetem ne vitet e demokracise.Vite te shkuara se bashku me bashkeshorten,bije ish komunisti,ndiqnim nje emision per historine e te internuarve ne nje kamp pune diku ne Tepelene,ku vuanin denimin edhe femijet e grate.Mbaj mend se kur nje prej protagonisteve tregoi nje detaj se edhe kur na vdiste ndonje prej te afermve,ne nuk e denonconim ne komande,vetem qe te konsumonim rracionin ushqimor te tij,se bashku me bashkeshorten,kemi shperthyer ne lote.Brenda nesh u thye dickadhe i thame njeri tjetrita kush na paska qene sistemi komunist.Per hir te se vertetes,ne ato vite ne i perkisnim shtreses me te indokrinuar.Historia jote Rukie,e Avzi Neles si dhe e poeteve te rinj Blloshmi e Leka te pushkatuar kane patur nje ndikim aq te dobishem per ne.Eshte e vertete se historine tuaj e nderuara Rukie Rama eshte trajtuar ne nje drame te shkruar nga Ismail Kadare,por per specifiken qe ka mund te realizohet edhe nje film.Zonja Rama,te falenderoj nga zemra per emocionin qe me krijove nepermjet intervistes t’uaj dhe te uroj jete te gjate dhe te lumtur.Nderim dhe respekt figures t’uaj.

Përgjigjjuni Edvin Mostra
11 Korrik, 2011 - 19:05
Zoti Kalemi ju falenderoj per sinqeritetin tuaj ne kete koment. Natyrisht, edhe midis komunisteve dhe sigurimsave ka patur edhe njerez te ndershem qe i besuan dhe i sherbyen atij sistemi pa u inkriminuar…Por, thuaj diçka zoterise, te vetquajturit ketu Sali Mostra…qe edhe ne s’ka qene sigurims i llojit te Seit Zeqirit, i merr ne mbrojtje keta bisha duke vene ne dyshim , me njefar tallje, historine e njohur dhe te bujshme qe ne kohen e diktatures te kesaj heroine te madhe…se une i thashe diçka, ndoshta njeçikez ashper,

Përgjigjjuni Prroka
11 Korrik, 2011 - 20:22
Ne emer te komunizmit ne SHqiperi u bene krimet me te renda qe njef historia jone Kombtare,internimet,burgosjet,pushkatimet,te gjitha keto krime u bene me qellim qe te mund te sundojne me lehte dhe te shpallin armiq pjesen me inteligjente te Kombit,eshte per te ardhur keq kur sot pas nje periudhe prej 60 vjetesh prape ne pozita gjenden femijet e atyre politikajve qe i kane duart e perlyera me gjak.
Sa per njoftim edhe ne Kosove ka qene e njejta gje,komunistat SHqiptare si Xhavit Nimani e Ali SHukriu qe burgosen eliten SHqiptare dhe tradhtuan gjakun tone duke bashkepunuar me shkije.

Përgjigjjuni anton
12 Korrik, 2011 - 03:49
perse nuk ben nje liste kjo grua dhe shume te denuar te tjere me kriminelet dhe ta botoje ne gazete qe te njohim personat se drejtojne akoma sot vendit po te njejtet kriminele

Përgjigjjuni afroviti PANO
13 Korrik, 2011 - 22:56
Faleminderit Zonja Rukie per kete interviste dhe per detajet qe tregon. Komunizmi dhe mizorite e tij ndonjehere kishin per shtytje nje kapricio te ndonje operativi ne zone i cili ishte i plotfuqishem te shpikte cfaredo qe ti thoshte mendja e tij e semure. Enveri nderseu shqiptaret kundra njeri tjetrit, i ndau ne klasa dhe mbolli urrejtjen. Zelli i disa njerezve te liq i kaperceu kufijte e kompetencave qe u jepej dhe mendonin se duke qene me mizore dhe kriminele i sherbenin me mire sherbetorit te tyre. Kohe e ashper dhe e shemtuar, qe duhet harruar sa me shpejt, por edhe nuk duhet harruar, per ti treguar njerezimit se ca gjera nuk duhen perseritur kurre. Te uroj shendet dhe gjithe te mirat. Faleminderit

Përgjigjjuni vitore Biba
14 Korrik, 2011 - 04:14
Zonja Rukije ju drejtohem me peruljen me te madhe per vuajtjet qe keni kaluar, per menyren se si ju jeni perballur dhe e keni sfiduar ate rregjim monstruoz.Kam respekt te vecante sidomos per guzimin tuaj qe pa dyshim do tu a kishin zili edhe burrat me ne ze.Gjithashtu cmoj zgjuarsine tuaj , por ne menyre te vecante faktin qe ju nuk kerkoni hakmarrje, me sa kuptoj une ju vetem kerkoni qe historia te mos harrohet, nje histori qe harrohet , perseritet.
ne mundemi me shkrujt me dite te tana per historine tane e prape nuk kemi thane asgja , ma do mendja se as Kadareja nuk do te ishte ne gjendje te na e jepte te plote figuren tane.Se fundi do te lutesha nese ti deshiron, adresen time te email-it e ke ne redaksi dhe do te ishte nje kenaqesi per mua qe te mund te komunikoja me nje grua si ti. Me shume respekt Vitoria USA

Përgjigjjuni gaqo boci
14 Korrik, 2011 - 22:02
ZONJA RUKIJE me pikellon shume kjo ngjarje e cila nuk eshte e vecante per ato kohera por me ben cudi nje gje pse nuk del dikush nga ata mijera te vuajtur qe te vere gishtin duke thene emrat e xhelateve qe e bene me zell te madh zbulimin e nje agjenteje pse asnje nuk akuzon me emer dhe mbiemer ata qe i moren jetn nderin dhe frymen PSE? mos valle akoma kane frike? une them qe po se per deri sa nexhmijen e denoj saliu per kafe dhe sot nezhmia jep intervista dhe flet per jeten e mrekullushme qe ka kaluar me lark qoftin dhe ne i degjojme blejme gazeta dhe revista per te mesuar se sa shume ajo dhe ai mendonin (per ti prere koken simbas radhes) per popullin e tyre prandaj ka ardhur koha qe populli shqiptar ti dije ata me emra dhe te sillet me ta ashtu si e meritojne dhe joti lere ata te bejne akoma ligjin dhe te tallen akoma me ne ashtu si ben edhe z. liljana hozha kur si punonjese ne A.T.SH nuk e DINTE QE POPULLI MBANTE RADHE PER TE MARE NJE KILE QUMESHT PO TE ISHTE ME FAT TE ARINTE TA MERTE prandj armata e madhe e te vuajturve jo e (hajduteve qe sot hiqen te persekutuar dhe jane ne krye te biznesit dhe te politikes sone) por e atyre qe ju vu damka e armikut te popullit duhet ti vere para pergjegjesise dhe me emra ti akuzoje per bemat e tyre po ju jap nje shembull te vogel se si u per balla une me demokracine.u ketheva ne shqiperi ne vitin 1992 (se vajta ne greqi per nje jete me te mire )dhe beja pune per grekun ne burel montoja nje fure buke kur mberia atje u intersova per nje shokun tim Namikun me te cilin kishim punuar bashke ne hidrocentrale ai ishte ingjinjer elektrik dhe punonte ne piken me nevralgjike ne stacionin e pompave sa here qe kishte prurje te medha stacioni rezikohesh dhe namiku si pergjegjes rinte atje dit dhe nete dhe merte rogen si ingjiner ndersa une si puntor merja dy fishin por ai kishte mekatin qe e kishin bere komunist pa bere lutje per shembell si nje ingjiner ijoni Vladimir Biba qe u hodh ne liqen qe te shtuposte porten devijimit qe u mbyll me urdher te nexhmije hoxhes (qe ajo vetem per ate dem qe i solli vendit po te akuzohesh ishte mjaft) vetem e vetem qe te behesh komunist por qe perfundimisht nuk e bene dhe me vone ne vitet 90 ai doli biznesmeni i pare qe u be pronar i uzines mekanike te elbasanit dhe me vone u zhduk nga shqiperia do me thene i shkreti namik (komunisti) me tha qe me kane pushuar nga puna se isha komunist dhe punova me ndergjegje per ate pune pra bura kjo nuk eshte as demokraci as e drejte si ka mundesi qe saliu qe ishte sekretar partije dhe ne rethin e familes hoxhapushon nga puna komuniste qe i kane bere te tille per te treguar qe jemi shume dhe te cilet nuk kane abuzuar as nje here ne emer te partise. Prandaj miqte e mij denonconi ato farera te keqija tani sa nuk eshte vone sa pa dale edhe ndonje tjeter gramos pashko qe te na sjelle ndonje cek tjeter te bardhe por kete radhe nga arabija saudite me qender ne MEKE !

Përgjigjjuni asita
15 Korrik, 2011 - 18:24
Rrno per me tregue…jane shume domethense,sic ka shkruar franceskani martir ZEF PELLUMBI.Akoma habitemi me cdegjojme.Nuk ka si te dilnim ndryshe ne 90-ten,te rrenuar gjithandej.Keto rrefenja te jetuara,duhet ti degjojne me mire politikberesit.Te gjejne fjalen,te kapercejne tranzicionin…te behemi si Europa…

Përgjigjjuni SHQIPONJA
15 Korrik, 2011 - 19:30
Une do te drejtohem thjesht me mesuese Rukija,se keshtu te kam njohur qe ne fillim.
Nuk dua te te shpreh ketu keqardhjen time,sepse as ti vete nuk do ta kishe shume per zemer shprehjen: sa gjynah
por dua te shpreh mirenjohjen time,per ate mosperuljen tende edhe pse nen tortura,ate kokefortesine tende (ne kuptimin e mire) prej malesore,ate krenarine tende qe na jep kurajo te gjitheve ne,qe kurre mos te dorezohemi nga veshtiresite qe na sjell jeta.Ajo ka qene nje periudhe e hidhur e jetes tende,por ti dite si te ecje prap perpara,ti nuk ndenje duke lenguar pertoke por gjete forca e u ngrite prape.Une te uroj vetem SHENDET ne jeten tende.
Te Perqafoj!

Përgjigjjuni Kreshnik Arberi-dr,New Jersey
16 Korrik, 2011 - 19:12
Rukia esht nje simbol i rezistences te atj regjimi.
Ne tropoj shume vajzave te mira u ngjtshin bishta kur nuk arrinin te benin dashuri apo sex.
baterit kudra tyre fillonin nga sekretsri pare shef pas shefi deri tek operativet.
Per provokim i ngrenin ne detyre sigurisht qe ishein te zgjuara e dia me shkool e shume pa shklooll.
Kur i provokonin dhe e kupronin se jan me karajkter te forte fillont crregjistrimi,degradimi hiqeshin nga funksinet partiake e shterore dhe liheshin ne pune dosido.kuptohet te gjith keto ishin nje presion
nje goditje psikologjike morale jo vtem personale por ne opinin cfare ka bere?
kushedi cfar kane zbuluar??
Nga ato femra q kishin frik se do flisni me marifet i largonin nge rrethi.
ku pas nje trysnie e vuajtje shirtore shkonin ne boten tjeter
Aji femer qe guzonte ti denanconte ose ti kritikonte vihej bden vretje.
Rukia
ne poste sillni femra qe u shkonin per shtat per poitil te pa afta pa arsim perkates vetem pse thonin urdhro per cdo gje.
Cuditeshim gjith ajo armet specialistesh dhe te afte rrinin ne pune te thjeshta dhe ne pozita ata pa arsim ose pa arsim perkates per sektorin qe dretonte sic ishte rasti i fecoor sehut vinte ne rrethie,dhe ju a nderpriste fjalen gjeologve inginjerve s due me dite justifikimi ka apo ska minerale dua plani te realizohet
Ing A>B i tha epo une mineral nuk behem dote>
Deshmitaret i denoj ashper 43 veta jane shume.
rukien e kam takuar para e pas burgut.
ka qen vajze e shkath tip intelektualje e pa perkulshme ,masovike gzonte respekt dhe autoritet.
Por kur e arrestusn u cuditem.por ato pune i dinte partia e sigurimi e nuk mund te diskutonim.sepse ata thonin ka dikumenta
rukia dicka kishte ne biografi qe ndofta e traton qe babaj ka qen me gani begun
me gani begub dalin sikur kane qene nje brogade.
pse sepse ne deekdemokraci vetem gani begu paska bere lufte.
I thsh njerit pas demokracise .
po ti ke aen me Clirimtaren??
Cne me gani begun qe ju ka pri 30000 forcave mercenare per ti derguar ne shkoder si kladestin ne luft kunder Malit zi nga sghkodra.
por qe nikaj merturi e shal e shoshi i shkatrruen ne pprijet e qafet e atyre zonave se per nje periush te gjat nuk mund te kalonte kush ne ato vende nga era e kufomave,
nje grau esht gjall forcat e gani begun na muaren miellin ne magje-Katua tuj gatue be buken kaq keq esht sjell gani begu
Per gani begun duhet shifen dokumentat e itaklise esht nje dosje me shume faqe.
Malsoret shkonin tek gani begu sepse gani begu kishte buk gruni me kv e malsoret ase buk misri.Ai luftetari ka patur pozita ne pushtet deri shef seksioni e antar komiteti ilidhur me udheheaqjen e rrethit.por ne demokraci i pelqej pensjoni i gani begut dhe beri dokumenta fallso e mori pensine.
R i nje antar i G.b ne fillim thote ne hanim e pinim dhe kur vinte puna per aksione na dergonin ne zona jasht luftes.
forcat tone gjith jeten ngelen CETE jo kompani ase batalin.Ne fakt thote regjistroheshin shume nga ata qe merrnin veshmbathje armatim buke ushim e tj.por nuk ishin efekti.vinte Z>H .por ai ishte baza e levizjes gani kishta hall ta terhite.
Z.merrte armatim vazhdimisht ushim rroba dhe ju a jepte partizanve.
Edh babaj i rikise mund te jet nje nga keta.
Nuk kan ditur tropojasit cfare esht NACINALISTI dhe nuk e
dine ase sot por e thone nacinalist ne ven qe me thene patrior,
atdhetar kombetar
Ne nacinalist i hemi Titose,rankovicit Milloshevicit ata jane nacinalist te therksuar ose ndryshe Shoviniste
bars me nje njeri qe done me mbajt ose me pushtue nje vend tjeter.Pra qellimi i keq.
e kjo thuhet per atipod gjija te Komunizmit
Pse nuk thone antikomuniste.
Sepse internacjanalja komuniste qe bere shtet ne europe e azi
dia thone kam qen antikumunistr anti fashsite antinazjiste.
nuk luftohet ne tre dretime.
edhe amerika franca kina jan perqafuar me rusin stalinin gjat luftes pas luftes ne jalt i nadne zonat e iinfluences e filloj lufta e ftofte
a ma gjat luftes kan qene ALET dhe jane qujatur mbledhejte tyre
Mbledhja e “TRE TE MDHEJVE”
po e vejm Curcil RUSvent-Stalin
Por ne rezulucin thuhet kishim vendo mos te ngrim ne kem kur te vine Stalini
kur te k dera ka hy stalin Cercilli e fuill pas revelti kane levize nga vendi.
Bile thuhet qe Rumania ander pressur stalin,NDEN PRESIONIN E STALINIT JU LA LINDJES,’
rEFEROJUN NETYRAVE DESHMITAR E VEPRIMTAR KAPITEN E GJENRALVE ANGLEZ PRESENT NE SHQIPERI CFARE THONE PER bALLIN KOMBETAR E LEGALITETIN.
NUK JAM E NUK KAM QEN KOMUNIST ASE DEMIKATRT.ME PERQEN LIRIA IME.
pAS LUFTES JO ATEHER POR ME VONE KAM PATUR DYSHIME E LKUBDJE PER QENDRIMETE VEPRIMET NE POLITIK EKONOMI POR KUR I KAM SHPREHUR NE FORMA TEKNIKE JAM SHPERFTYRUAR E CRREGJSTRUAR NGA UDHEEQJ PER MENDIMIN NDRYSHE..
RUKIA MERITON TE HYJNE NE HISTRIT SI NJE femer e hekur NJA MALSORE SI zane
aSAJ U RA BARRA TE PERFAQSOJ GJITH ATO FEMRA TE INJORUARA NGA AI SISTEM.
kRAHINA E pACI KAN BASHKPUNUAR ME AFER ME GANI BEGUN SEPSE G,B JETOJ NE ATE ZONE DHE GJEOGRAFIA E PRANON AFERSIN E QENDRAVE..mE GJITH ATERUKIA ESHT DEMTUAR ME FORTE PER KRENARIN,ZOTSIN PAVARSIN AUTORITETIN E PRESTOGJIT FAL AFTSIVE PERSONALE.
pOR A U FUTEN NE BERGU KOT SE KOTI SHE NJA iNG GJEOLOGJIE QE U BE I PA QENE E NJE AGRONOME E VETEM NE ATE KOHE NE TROPOJE.
pO THONI ATA TE mINISTRISE CFARE BERI??
aSGJE
ASE ATA ASE TROPJA NUK FLISTE kOMITETEI HESHTIN
DEGA E BREDSHME LUANTE SI MACA ME MIUT ME NJERZIT
jo
jo
jO
GJUMI I NATES NA PRISHSHE KUR BININ NJERZIT NE BURH
SEPSE KISHIM PI NJE KAFE OSE KISHIM UDHTUAR OERS BERE BISED,DHE NUK DINIM CFATE DO TE THOTE fJALET E TIJ ISHIN LIGJ PER NE SKISHT ARSYTIM ASE GJUKIN E PRokurorim qe ngrihej me sigurimin
ai i bente gjemien e sekretarit e kryetarit.Edhe ai kishte frik cdi thonim ne per ate.
por sigurimi kishte arnamaten e vet dhe i thirrte dhe intruktonte.

Nje i brugosur politik intelektuar i klasit larte thote me erdhen shume deshminbtar
nder ta nje djale qe kurr se kisha pare ase degjuar e mrin.e pyete nga je e kujtna je.
une ju thash per her te pare po e shoif.????

Pra esht bere nje mish mash i jashtzakonshem.Rendesi ka shoqria te hec perpara.te merremi me te arhmen ka rrezik qe ngelim ne dosje e dokumnet e fillon nje lufte e re klassh.
me gjithse egziston lufta e klasave dhe shume e ashper..edhe korrupsioni po i thone nje fjale ky stan kete bylmet ka’sic e thkesion me lart znj.Rukie.
po sa pa dretsi jane bere athere sa behen sote.vec sote behen me forcen e monedhese shumica

Përgjigjjuni Zherka
17 Korrik, 2011 - 17:46
Mu duket nje Tragjedi shume e rende
3 here kam lexuar tre intervista te ndryshme
tre here mu kan mbushur syte me lote
mendoj mendoj
mendoj po cfare ka ndodhur
po sa tragjedi
trdhti jane mbyllur e kane humbur
gjurmet
Nuk mundemi me te degjojm
edhe kjo esht nje vuajtje
presione
tension
shkurtum jete
ndrydhje
pa besi.demokracia ketej e ne Kosove nuk bene asgje
ti dekorojn keta njerze
ti vlesojn ata qe dhene jeten
Nuk shpresojm as tek demokratet ase te socialiste
gjith veprojn me
NEPOTIZEM
vetem tarafin
farefisin.

Përgjigjjuni


--

panorama


-