Elhaida Dani

[Archon]

Elhaida Dani shkon në finalen e "The Voice Of Italy"

Dëshira e mijëra admiruesve të 20-vjeçares nga Shkodra tani është realitet: Elhaida Dani është në finale me 110 pikë kundrejt 90 të Mattia në "The Voice Of Italy" (Zëri i Italisë).

Pak minuta pas orës 23:00, në skenë ngjtet Elhaida Dani, e cila ka kënduar këngën “I believe I can fly” dhe në përfundim të preformancës së saj i gjithë publiku është ngritur në këmbë.

“Talent i mrekullueshëm. Elhaida është emocion dhe teknikë”, thotë profesori i saj, kantautori i famshëm italian, Riccardo Cocciante.

“Krijon një atmosferë shumë të bukur”, thotë Noemi.

“Do ta ketë shumë të vështirë të zgjedhë Cocciante”, thotë Carrà, duke lavdëruar kështu të dy të rinjtë e sjellë në gjysmëfinale nga kolegu i jurisë.

Cocciante zgjedh t’i japë asaj 60% të votës së tij, 40% Mattias. Publiku voton thuajse njësoj: 50% për Mattian e po aq për Elhaidën. E kaq mjafton për ta çuar 20-vjeçaren nga Shkodra në finalen e 30 majit.

“Zëri i Whitney Houstonit, ëmbëlsia e Celine Dionit, në skenë siguria e Madonnas dhe hovi i Tina Turnerit... Të gjitha këto në një vajzë të mrekullueshme 20-vjeçare. ELHAIDA”. Kështu komenton Marco Conti, një prej mijëra admiruesve të saj në Facebook.

SHEKULLI

[Archon]

Nje interpretim magjik i Elhaidas qe e coi ate ne finalen e "The voice of Italy"

[sirena_adria]

Elhaida kalon në finale, por italianët duan që fituesi të mos jetë i huaj

Elhaida Dani ka kaluar sprovën e madhe duke u klasifikuar në finalen e “The Voice Albania” në “Rai 2”. Këtë herë ajo këndoi këngën “I believe I can fly” të kantautorit amerikan me ngjyrë, R. Kelly, ndërsa konkurroi me të vetmin “teammate” të sajin, Matia Lever-in, i cili performoi një këngë italiane. Matia u shfaq shumë në formë në perfomancën e tij, saqë e emocionoi Cocciante-n. Ndërsa Elhaidës ai i kapi një defekt teknik në fund të interpretimit, por që kjo nuk e pengoi publikun në sallë të çohej në këmbë e të kërkonte një bis me fjalët “ancora, ancora”. Gjithashtu edhe vetë Cocciante-n nuk e pengoi që t’i jepte asaj 60 pikë të tij, nga 100 që kish në dispozicion, ndërsa 40 pikët e tjera ia dha Matia-s. E në fakt, ishte ky parapëlqim i Cocciante-s për Elhaidën, që vendosi fatin e garës e saj, pasi votat e publikut ishin ndarë në gjysmë, 50% me 50%. Ndërkohë pas kësaj perfomance që e kualifikoi Elhaidën në finale, në faqen zyrtare të “The Voive of Italy”, ka pasur mjaft komente në italisht nga shqiptarët që jetojnë jashtë vendit, të cilët edhe e kanë votuar Elhaidën. Komentet e tyre mbështetëse për Elhaidën janë kontestuar nga komentet e fansave italianë, të cilët pavarësisht pëlqimit që kanë për artisten nga Shqipëria, nuk do të dëshironin që kupa e “The Voice of Italy” të mos i shkojë një konkurrenti të huaj. Le të shohim se si do të vazhdojë më tej gara e 19-vjeçares shkodrane, dhe sa do të mbështetet ajo nga publiku.

http://www.panorama.com.al/2013/05/2...s-jete-i-huaj/

[sirena_adria]

ELHAIDA DANI - SONTE ne FINALEN e " THE VOICE OF ITALY "

Tek “Amici” më eliminuan me të parën

Sot në mbrëmje nuk ka politikë! Këndon Elhaida Dani, vajza që si asnjë tjetër i ka bërë shqiptarët të ndihen krenarë. Edhe pak orë na ndajnë nga finalja e “The Voice of Italy”, ku kampionia shqiptare Elhaida Dani ka arritur të hyjë në katërshen finaliste, duke lënë pas konkurrentë shumë të fortë, duhet thënë. Me një armë më pak, që është gjuha, por me një superzë, vajza nga Shqipëria ka arritur të bëjë për vete jo vetëm trajnerin e saj, kantautorin Riccardo Cocciante, por edhe anëtarët e tjerë të jurisë, që qysh në krye të herës donin ta merrnin për vete. Vlerësimet e tyre kanë qenë maksimale, duke e quajtur “vullkan”, “uragan”, “forcë e natyrës”. Elhaida nuk është më pak e pëlqyer edhe nga publiku italian. Këtë e kanë treguar ovacionet gjatë interpretimit të saj, por edhe televotimet e shumta. Tashmë e gjithë vëmendja mediatike është përqendruar te finalistët e pa dyshim edhe te vajza shqiptare, që jo vetëm me zërin, por edhe me energjinë pozitive që ajo përçon, ka tërhequr shumë vëmendje rreth vetes. Gjatë këtyre ditëve ajo ka folur për mediat italiane, ku ka rrëfyer se kjo nuk është prova e saj e parë në Itali. Përpara 3 vjetësh ka provuar edhe tek “Amici”, por duket se aty dyert ia kanë mbyllur që në përballjen e parë. “Tek ‘Amici’ më kthyen mbrapsht që me provën e parë në vitin 2010″, është shprehur ajo. Gjatë kësaj jave, ajo ka dhënë disa intervista. Një për “Sorrisi e canzoni”, si dhe për faqen ueb, melty.it, gjatë një takimi me shtypin organizuar në studiot e RAI-t në Milano. Sot Elhaida do të “ndeshet” me tre finalistët e tjerë Silvia Capasso, Veronica De Simone e Timothy Cavicchini.

Frika nga paragjykimi

Elhaida Dani, para “The Voice”, kishte provuar të hynte tek “Amici” i Maria De Filippit, por nuk kishte kaluar në provimin e parë. “Mora pjesë në përzgjedhjet që u bënë për ‘Amici 2010’. Por nuk kalova as provën e parë”, kështu tregon ajo vetë për melty.it, pa shtuar asgjë mbi mënyrën e seleksionimit apo arsyet e përjashtimit të saj nga programi i famshëm i “Canale5”. Ndërkaq, mësohet se edhe një tjetër pretendente për çmimin e madh, Silvia Capasso, është eliminuar pa asnjë justifikim si nga “Amici”, ashtu dhe nga “Uomini e donne”. Duket se Maria de Filippi ka humbur dy nga zërat më të bukur të vitit.
Sa i përket pjesëmarrjes së saj në “The voice”, Elhaida Dani kujton pikërisht momentin kur të katër anëtarët e jurisë shtypën butonin e kuq. “Kur të katër anëtarët e jurisë u kthyen nga unë, gjatë ‘blind audition’, zgjodha Riccardo Cocciante-n, sepse ishte idhulli im që e vogël; teksa këndoja, lutesha që ai të kthehej i pari, në zemrën time tashmë e kisha zgjedhur. Nëse kam arritur deri në finale, është edhe falë tij e falë mbështetjes së publikut”.
E pyetur nëse i erdhi keq që për të kaluar ajo në finale duhej të skualifikohej Mattia Lever, Elhaida përgjigjet me sinqeritet: “Isha në siklet. Kur arrin në finale, pyet veten nëse e meritoje vërtet”. Por duket se druajtja e Elhaidës ishte tjetër gjë: frika se mos publiku do të kushtëzohej për shkak të kombësisë së saj shqiptare. Një frikë e tretur ose thuajse: “Në internet qarkullojnë lloj-lloj gjërash të shëmtuara mbi shqiptarët dhe pata frikë se mos suksesi im do të nxiste ndokënd të më sulmonte për origjinën time. Fatmirësisht nuk ndodhi kështu”.
Pse “the voice”
Elhaida Dani është zbulimi i vërtetë i këtij talent show: pavarësisht se ka fituar çmime të tjera të rëndësishme në vendin e saj të origjinës, në Shqipëri (“Star Academy 2009”, “TopFest 2012”) ka ditur të guxojë në moshën 19-vjeçare në një vend tjetër, në një gjuhë të panjohur. “Kam marrë pjesë në të tjera talent show në vendin tim, por ‘The Voice’ është formati më i mirë për këngëtarët, pasi është një spektakël i vërtetë muzikor”. Kur gazetarët italianë e pyesin mbi vdekjen e Little Tony, nëse e njihte, Elhaida Dani mendohet pak dhe thotë ‘jo’, por kur dikush nis të këndojë strofat e “Cuore matto”, sytë e saj shkëlqejnë: “sigurisht që e njoh! “Cuore matto” është një këngë shumë e njohur në Shqipëri, në të gjitha klubet shqiptare”. E menjëherë të dhuron një interpretim të mrekullueshëm të këngës së Little Tony-t, që me shumë gjasë që së larti nuk mund të mos e mbështesë në pritje të finales.
Elhaida Dani do të këndojë në finale këngën e saj të re “When love calls your name”, të shkruar nga mësuesi i saj Riccardo Cocciante. Një këngë në gjuhën angleze, që nuk përjashton edhe ndonjë interpretim të saj në gjuhën italiane, së shpejti. “Nuk dua të them asgjë paraprakisht”, thotë ajo. Sipas melty.it, gjuha italiane është ndoshta pengesa e vetme drejt titullit të madh në Itali. “Kur erdha në Itali, dija pak italisht. Por Riccardo Cocciante më bëri të ndihesha si në shtëpinë time. Ai është këngëtar shumë human. Mësimi më i rëndësishëm që më ka dhënë është të mos mbaj për vete emocionet, por t’ia përcjell ato publikut”. Sa u përket planeve të së ardhmes, Elhaida Dani i ka idetë shumë të qarta. “E rëndësishme është të vendos vetë rrugën time, të realizoj planet e mia. Mendoj që të gjithë ne (finalistët e ‘The Voice’), jemi në rrugën e duhur”.


“Nëse bëhem e famshme, do përpiqem të mos ndryshoj”
Përpara finales së mbrëmjes së sotshme që transmetohet drejtpërdrejt në ekranin e Rai2, gazetarët e “Sorrisi e Canzoni” i kanë bërë nga një intervistë të shkurtër, me të njëjtat pyetje, të katër finalistëve të “The Voice of Italy”. Mes tyre pa dyshim dhe Elhaida Danit
Cila nga këngët e trajnerit tënd, Cocciante, të pëlqen më shumë?
“Margherita”, kënga italiane më e bukur e të gjitha kohërave.
Ç’të ka befasuar më shumë tek ai?
Humanizmi i tij dhe përgatitja e jashtëzakonshme.
Cila është këshilla më e rëndësishme që të ka dhënë?
Të zbuloj zemrën time e ta vë në shërbim të zërit. Për këtë duhet ta falënderoj.
Është dikush që duke të parë në “The Voice” ka thënë: E kam pasur gabim?
Ka gjithmonë persona që nuk besojnë te ne, e pranoj.
Kush është personi i parë që do të telefonosh nëse fiton?
Mendja do të më shkonte menjëherë te mamaja e babai.
Çfarë nuk do të bëje kurrë nëse do të bëheshe e famshme?
Nuk do të qëndroj kurrë larg publikut, fansave.
Cila është gjëja e parë që do të bësh nëse bëhesh e famshme?
Besoj se do të përpiqesha të mos ndryshoja asgjë.
Cila është kënga që do kishe dashur ta shkruaje ti?
“Adagio”. Është këngë që adhuroj.


http://www.panorama.com.al/2013/05/3...n-me-te-paren/

[Diella1]

Urime, urime Elhaida, me te vertete ishe me e mira!

[Fleur Blanche]

Urime, urime, urimeeeeeeeeeeeeee Elhaidës dhe i lumtë!
Na emocionoi dhe na bëri të ndihemi krenarë me talentin e saj! Meritojnë të përshëndeten edhe italianët që, vlerësuan Artin mbi të gjitha sepse, s'është pak që t'i japësh çmimin e "Zërit të Italisë" një Shqiptareje!

Përgëzime dhe suksese të mëtejshme kësaj mrekullie të Natyrës që mban emrin: Elhaida! :)

[Diella1]

Dhe nje here urime! Kete kenge e qau fare,

[BOKE]

A vincere questa prima edizione di “The Voice of Italy” è Elhaida Dani, diciannovenne di Tirana, ha iniziato a cantare a soli sei anni. Nel suo paese, l'Albania, Elhaida è nota per aver vinto, nel 2009, l'edizione albanese di "Star Accademy" e per essersi classificata prima, nel 2012, a "TopFest" con una canzone inedita che ha riscosso grande successo.

Me poshte momenti kur u shpall fituesi:

http://www.rai.tv/dl/RaiTV/programmi/media/ContentItem-f40c4114-4049-4996-b102-b011ee37b8b0-tvoi.html#p=0

[angmokio]

Elhaida Dani (Team Cocciante) - The Voice of Italy 28.03.2013

wow...... fenomenale..... nuk egziston asnje fjale per ta pershkruar talentin e Elhaides. Me vjen mire qe talentin e saj e shprehu ne Itali e jo ne Shqiperi. Ne Shqiperi behesh e njohur vetem duke nxjerre shalet perjashta.

[angmokio]

Elhaida me shami duke i kenduar profetit Muhamed a.s