Imuniteti i deputetëve nën akuzë: Krasniqi e Thaci refuzojnë këshillën e SHBA

[Llapi]

Mustafa përkrah Qeverinë për imunitetin

Nga Express më 21 korrik 2011 në ora 12:29

Kryetari i partisë më të madhe opozitare në vend, LDK-së, Isa Mustafa ka përkrahur vendimin e Qeverisë së Kosovës për t’i referuar Gjykatës Kushtetuese kërkesën për interpretimin e çështjes së imunitetit për presidentin, kryeministrin, ministrat dhe deputetët.

Në një deklarim për medie Mustafa ka thënë se Qeveria e Kosovës ka bërë mirë që ka shfrytëzuar një kompetencë të vetën, duke iu drejtuar kushtetueses për imunitetin, pasi që sipas tij kjo çështje filloi të bëhet problem politik.

“Unë mendoj që Qeveria ka bërë mirë që e ka shfrytëzuar një kompetencë të saj kushtetuese, e ka hequr nga rendi i ditës një çështje e cila filloi të bëhet problem politik për Kosovën”, ka theksuar ai, siç transmeton Kosovapress.

Sipas tij ky vendim i Qeverisë së Kosovës kontribuon në sqarimin e shumë dilemave të EULEX-it, dhe për këtë mbetët që Gjykata Kushtetuese të jap mendimin e saj, i cili duhet të respektohet nga të gjithë.

“I kontribuon sqarimit të një neni të Kushtetutës, për të cilin edhe EULEX-i edhe të tjerët thanë që nuk është mjaft e qartë, dhe mbetët tani në Gjykatën Kushtetuese, që ajo ta japë mendimin, dhe natyrisht se mendimi i Gjykatës Kushtetuese do të jetë mendim i cili duhet të respektohet nga të gjitha instancat, edhe të drejtësisë, edhe të politikës”, tha ai.

Të mërkurën Qeveria e Kosovës ka marrë vendim që t’i drejtohet Gjykatës Kushtetuese, lidhur me qartësimin e imunitetit të të gjithë bartësve të institucioneve shtetërore të Kosovës, duke u nisur nga presidenti, kryeministri, anëtarët e Qeverisë dhe deputetët e Kuvendit të Kosovës.

[chino]

Kryesorja e asaj qe kam dashte me thane une eshte kjo:
"Faktet krijohen e ne baze te nevojave eliminohen, varesisht nga vullneti politik".
Ndersa ti e sheh te mungesa e kapaciteteve.. qe per mua s'eshte e vertet. Jo qe s'ka mungesa.. s'diskutohet(mjafton me jau pa ftyrat.. gjysemongoloide) por mendoj se nuk eshte kryesorja.

Nuk e thashe vec ne lidhje me udheheqesine, e thashe edhe ne krahasim me popullin. Nuk e di se si jane shkijet, a diskutojne edhe ata sikur ne keshtu si lopa ne terfoje (per shembull ne kete teme), por ne e bejme kete gje. Plakemi e nuk dime te dallojme ne mes te hamendjes dhe argumentit/faktit. E me kete hamendje i "mesyejme" temat, politikanet tane dhe boten. E knaqim krejt!

[chino]

Ne ka nje moment kur protestat ne Kosove duhet te beheshin, eshte pikerisht ky moment. Kryeparlamentari refuzon qe tu heqi imunitetin e deputetit njerezve te akuzuar per korrupsion e krim dhe qe sherbejne ne instancat me te larta te shtetit kosovar.

Ja ku tregon mentalitetin antidemokratik qe ta infekton Janullatosi. Populli nuk eshte jurist, nuk di se si duhet kuptuar ceshtja rreth heqjes se imunitetit, e cila eshte e reglementuar ne kushtetute. Te kerkosh nga populli zgjedhje ne kete pyetje, eshte sikur te kerkosh nga kleri me prejardhje greke ne Shiqperi aftesi logjikimi.

Krasniqi mbron te korruptuarit, qe vjedhin fondet te cilat nderkombetaret japin per popullin e Kosoven, vjedhin te ardhmen e femijeve te Kosoves. Ku jane rinia e Kosoves qe te protestojne para parlamentit te Kosoves e te kerkojne me ngulm heqjen e imunitetit e nxjerrjes para drejtesise se te korruptuarve? Ku eshte Albin Kurti e kompani, qe te ngrejne zerin ne parlament e te kerkojne heqjen e imunitetit te deputeteve nen akuze?

Kudo. Ne Prishtine, ne diaspore, ne Gjakove, ne Shqiperi, ketu ne forum dhe presin qe EULEX-i te tregoje deshmi per akuzat qe i ka ngrite. Tregimi i deshmive eshte i nevojshem para se te hiqet imuniteti.

Jakup Krasniqi nuk po perfaqeson interesat e zgjedhesve te Kosoves, po perfaqeson interesat e mafies se Kosoves. Dhe per aq kohe sa ju do te zgjidhni te heshtni, dhe zerin e ngrejne vetem nderkombetaret, atehere mafiozet kane per tu vjedhur te ardhmen dhe nderkombetaret kane per t'iu braktisur duke iu lene ne meshire te fatit.

J. Krasniqi po mbron Kushteutten e Kosoves. Po i tregon amerikaneve, fqinjeve dhe botes se shqiptaret (e Kosoves) nuk jane si shqitaret si ti qe thirren cdo dite ne "demokraci", "shtet te se drejtes", "rendin kushtetutor", por nuk ia kane haberin ketyre termeve. Njeri qe popullin e sheh si definues te pyetjeve rreth normave kushtetutore. Hahahah

Ngrini zerin tuaj e protestoni, se keni per ti kallur friken ne palce Krasniqit e kompani. Eshte turp qe te ngreje zerin ambasadori amerikan dhe jo populli i Kosoves.

Albo

Populli amerikan do te kuptoje nga kjo sjellje e J. Krasniqit se shqiptaret (te pakten ata nga Kosova) e kane seriozisht, kur thone duam shtet te se drejtes. Jo si shylybylat e Shqiperise qe parimin me te larte te demokracise e kuptoni nenshtrakizmin.

[halla mine]

E paskan shly nje koment te mire qe e kam fut mbram..
S'di a e ka pare kush.. gjynah.. i paspjeguar madje..

[Albo]

Kantrimen: Zoti Krasniqi t’i drejtohet Gjykatës për opinion mbi imunitetin



Në një intervistë për Zërin e Amerikës, Zv/Ndihmës Sekretari amerikan i Shtetit Tomas Kantrimen, i bëri thirrje Kryetarit të Parlamentit të Kosovës, Jakup Krasniqi që Parlamenti t'i drejtohet Gjykatës Kushtetuese për opinion lidhur me imunitetin e deputetëve. Zyrtari i lartë amerikan ndalet në intervistë edhe tek roli i Ambasadorit amerikan në Kosovë, Kristofer Dell. Me zotin Kantrimen bisedoi shefi i Shërbimit Shqip të Zërit të Amerikës, Arben Xhixho.

Zëri i Amerikës: Zoti Kantrimen, ju falemnderit për kohën që na kushtuat. Le të fillojmë me Kosovën. Duket se ka paqartësi përsa i përket procedurave që duhen ndjekur për heqjen e imunitetit të deputetëve nën hetime. Të krijohet përshtypja sikur palët duan t’ia lënë njera tjetrës përgjegjësinë se kush do ta hedhë hapin për këtë nismë. Cili është mendimi juaj?

Tomas Kantrimen: Më lejoni t’ju përgjigjem duke thënë se gjëja më me fat në historinë e Shteteve të Bashkuara është se, kur ishim një republikë e re, kur sa kishim fituar pavarësinë, ne patëm një brez politikanësh që mendonin se kushtetuta dhe respektimi i ligjit ishin më të rëndësishme se politika. Që nga ajo kohë, kjo ka qënë në themel të stabilitetit tonë. Pyetja që ju shtroni nuk ka të bëjë vetëm me paqartësinë ose shmangien e përgjegjësive, por është një çështje po aq e rëndësishme për të ardhmen e Kosovës sa atëherë, kur Shtetet e Bashkuara ishin një vend i ri. Ashtu siç u shpreh edhe ambasadori Dell në intervistën për Zërin e Amerikës, kjo ka të bëjë me atë nëse Kosova dëshiron të jetë një shtet ku sundon ligji apo ku sundon politika. Dallimi është thelbësor. Ajo që presim të shohim sot, janë udhëheqës që vihen në krye, të cilët marrin përgjegjësi për institucionet që drejtojnë dhe për rendin kushtetues të vendit. Kjo është ajo që ne presim nga Kryetari i Parlamentit, zoti Krasniqi, as më pak e as më shumë. Pra, se është koha të tregohet që Kosova është e aftë të ketë të njëjtat standarte të sundimit të ligjit për të gjithë qytetarët e saj, përfshirë anëtarët e parlamentit. Gjykata Kushtetuese duhet të japë opinionin e saj, për të sqaruar disa nga paqartësitë që përmendni ju, por Gjykata nuk mund ta kryejë detyrën e saj nëse parlamenti, dhe konkretisht kryetari i tij, nuk janë të gatshëm të kryejnë detyrën. Nëse nuk e bëjnë këtë, nëse bien pre e tundimit për të mos bërë asgjë dhe për t’u mbrojtur pas imunitetit parlamentar, kjo nuk do t’i shërbente sundimit të drejtësisë në Kosovë. Kjo do të dëmtonte emrin e Kosovës jo vetëm në Bruksel, por edhe këtu në Uashington. Pra është koha që të mos drejtohet gishti tek tjetri për përgjegjësinë, por që parlamenti të mbajë përgjegjësi për vendimet e veta.

Zëri i Amerikës: Por përse duhet pritur që rekomandimin ta bëjë parlamenti dhe jo qeveria, siç thotë zoti Krasniqi?

Tomas Kantrimen: Për dy arësye. Së pari, Kushtetuta e Kosovës, ashtu si ajo e Shteteve të Bashkuara dhe si shumë të tjera në Evropë, parashikon ndarjen e pushteteve, mes ekzekutivit, legjislativit dhe gjyqësorit. Që dega ekzekutive të kërkojë opinion për imunitetin e legjislativit, kjo e dëmton parimin e ndarjes së pushteteve. Së dyti, çdo institucion duhet të jetë përgjegjës për veten e tij. Nuk ka dyshim se kjo është një çështje shumë serioze. Ajo që duhet të sqarohet është se sa i gjerë është imuniteti që ofron Kushtetuta për anëtarët e parlamentit. Në se anëtarët e parlamentit, nuk janë në gjendje të marrim përgjegjësi për veten e tyre, dhe, në bazë të kushtetutës, të kërkojnë mendimin e Gjykatës Kushtetuese, kjo do të ishte një ditë shumë e keqe dhe një precedent shumë i keq për atë që ne presim nga udhëheqësit politikë. Kryetari i parlamentit duhet të marrë një vendim, ashtu siç morën politikanët në historinë e Amerikës, nëse dëshiron të veprojë si një politikan tipik ballkanas, apo dëshiron të kujtohet në histori si një politikan që, në një moment jetik të historisë së një vendi të ri, u tregua i vendosur.

Zëri i Amerikës: Çfarë tregon një rast i tillë për funksionimin e institucioneve në Kosovë, pra në një moment kur bëhet fjalë për akuza serioze, gjithë energjia harxhohet për procedurat?

Tomas Kantrimen: Është e natyrshme që, në një shtet i cili ka qënë i pavarur për vetëm 3 vjet, të ketë manovra proceduriale, para se të gjendet përgjigja e duhur. Megjithatë, mua më ka lënë mbresë pjekuria e sistemit politik të Kosovës gjatë vitit të fundit. Ai nuk është i përkryer, nuk është aq i efektshëm dhe aq i pastër sa ç’meritojnë qytetarët e Kosovës, por megjithatë shumë çështje të komplikuara politike dhe ligjore i ka zgjidhur si duhet përmes Gjykatës Kushtetuese. Gjykata e ka angazhimin për të kryer detyrën e saj, qeveria e ka angazhimin për të kryer detyrën e saj, tani i takon parlamentit të tregojë të njëjtin angazhim.

Zëri i Amerikës: Shtetet e Bashkuara kanë qënë shumë të angazhuara në Kosovë që nga dita e parë e pavarësisë. Sot Ambasadori Dell po luan një rol shumë aktiv, kam këtu parasysh rastin e zgjedhjes së presidentit apo edhe tani për çështjen e imuniteteve. Kjo mund të ketë krijuar perceptimin se ambasadori amerikan mund të jetë angazhuar më tepër se ç’duhet, duke e kapërcyer rolin e tij. A është angazhimi i tij i justifikuar? Ai po përpiqet të ndihmojë, por a nuk mund të sjellë pasoja të kundërta kjo për një vend të ri, që po përpiqet të rritet?

Tomas Kantrimen: Komenti im i parë është se edhe ata që e kritikojnë duke thënë se ai është shumë aktiv, kërkojnë ndihmën e tij. Ne nuk ndihemi të turpëruar nga fakti që gëzojmë një besueshmëri të madhe në Kosovë, që banorët dhe politikanët e të gjithë spektrit politik, na besojnë si një palë që vepron në të mirë të Kosovës dhe jo si një palë që vepron në të mirë të këtij apo atij politikani, për këtë apo atë parti. Ky është roli që luajnë Shtetet e Bashkuara në Kosovë. Dhe amabasadori Dell e bën këtë punë jashtëzakonisht mirë. Ai gëzon besimin e plotë të Uashingtonit në këtë drejtim. Pa dyshim është e vërtetë se me pjekurinë e demokracisë në Kosovë, do të ishte plotësisht e drejtë që roli i Shteteve të Bashkuara të ishte më shumë ai i një partneri dhe më pak ai i një këshilltari, ose i një “vëllai të madh”, në se mund të shprehem kështu, çka nuk ka qënë kurrë synimi ynë. Dhe Kosova do të arrijë në këtë pikë. Një nga gjërat më të rëndësishme që mund të bëjë Kosova, qeveria, publiku dhe shtypi, është të çojë përpara marrëdhëniet me Bashkimin Evropian. Ne do të donim të shihnim që Bashkimi Evropian të gëzonte të njëjtin respekt në Kosovë që kanë Shtetet e Bashkuara. Kjo do të ishte rruga e Kosovës drejt pjekurisë së plotë të demokracisë së saj.


Zeri i Amerikes

[halla mine]

banorët dhe politikanët e të gjithë spektrit politik, na besojnë si një palë që vepron në të mirë të Kosovës dhe jo si një palë që vepron në të mirë të këtij apo atij politikani, për këtë apo atë parti. -thote Kantrimen.

Shume pallavra paska thane ky amerikani.. sidomos kjo qe e theksova eshte rren e madhe.. gjigande.