Imuniteti e ndan PDK-në grupacione !!!!

[ARIANI_TB]

Jeton Llapashtica | 10-07-2011 12:59 CET Kërkesa e EULEX-it që Kuvendi i Kosovës ta nxjerrë një rezolutë, me të cilën do t’i “zhveshë” disa deputetë nga imuniteti, ndaj të cilëve janë duke u zhvilluar hetime, kryesisht të Partisë Demokratike të Kosovës (PDK), ka bërë që kjo parti të ndahet në tre grupacione rreth kësaj çështjeje.

Burime të afërta me PDK-në thonë se një pjesë e deputetëve që njihen si persona të afërt me kryeministrin dhe kryetarin e kësaj partie, Hashim Thaçi, mbajnë qëndrim pro heqjes së imunitetit, një pjesë e deputetëve nuk kanë fare qëndrim, pra janë neutralë, ndërsa pjesa tjetër, kryesisht deputetë që tashmë kanë probleme me ligjin dhe që janë të afërt me ish-ministrin e Transporteve, Fatmir Limaj, shprehen ashpër kundër heqjes së imunitetit.

Ky burim thotë se aktualisht Grupi Parlamentar i partisë më të madhe në vend është duke kaluar “ditë të nxehta”, meqenëse heqja e imunitetit të disa ligjvënësve mund të përfundojë me arrestimin e ndonjë bashkëpartiaku të tyre. Pakënaqësi lidhur me këtë kërkesë mund të pritet edhe nga deputet të partive të tjera të përfolur si nën llupën e drejtësisë.

Megjithatë, deputetët e partisë më të madhe në vend mohojnë se në Grupin e tyre Parlamentar ka përçarje, ngase, sipas tyre, ky grup ende nuk është mbledhur për të diskutuar për çështjen në fjalë.

“Lidhur me secilën kërkesë, jo vetëm të kësaj që ka shkruar gazeta ‘Zëri’, Grupi Parlamentar i PDK-së vendos në mbledhjen e tij. Ne i kemi mbledhjet e rregullta javore, i kemi edhe mbledhjet tjera kur ka kërkesa për seanca të jashtëzakonshme.

Brenda grupit deri tash ka pasur vazhdimisht unitet, dhe unë besoj që për secilin rast kemi vendosur me unitet”, thotë deputeti i PDK-së, Berat Buzhala. Ai pohon se pavarësisht nëse rezoluta do të kalojë ose jo në rend të ditës, Partia Demokratike e Kosovës do të jetë unike lidhur me këtë rast.

“Deri tash Grupi Parlamentar nuk është mbledhur. Nuk ka pasur arsye që të ketë mbledhje, sepse ky rast ende nuk ka kaluar në çështje formale, ende nuk është vendosur të futet në kurrfarë rendi të ditës, as të Kuvendit dhe as të ndonjë instance tjetër”, shprehet Buzhala.

PDK pa qëndrim për imunitetet

Ndërkaq, nënkryetari i Partisë Demokratike të Kosovës, Rrustem Mustafa, thotë se kjo parti ende nuk ka qëndrim për kërkesën e EULEX-it, ndërsa thekson se ka forma ligjore dhe kushtetuese se si duhet të veprojnë institucionet nëse kërkohet që një deputeti t’i hiqet imuniteti.

“PDK-ja nuk ka qëndrim. Unë personalisht sot e kam marrë vesh nga gazeta juaj, nuk e kam ditur se ka ndodhur kjo punë. Ne të hënën do të kemi mbledhje dhe mund të ndodhë që do të bisedojmë edhe për këtë punë, sepse ende nuk kemi diskutuar në kryesi”, thotë Mustafa.

Sipas tij, deputetët e PDK-së janë të përgjegjshëm dhe si të tillë janë të gatshëm të heqin dorë nga imuniteti nëse kjo kërkohet për zhvillimin e hetimeve ose arrestimin e tyre.

“Kisha pasur dëshirë që të mos ketë nevojë që të kërkohet heqja e imunitetit, por deputetë, të cilësdo parti, janë të përgjegjshëm dhe do të veprojnë konform normave dhe rregullave”, thotë Mustafa.

Në anën tjetër, njëri nga zyrtarët e lartë të kësaj partie dhe me ndikim shumë të madh në PDK, që ka folur në kushte anonimiteti, ka thënë se në kryesinë e partisë ka persona që në asnjë formë nuk pajtohen me heqjen e imunitetit të deputetëve.

Ai është shprehur i sigurt se gjithçka që ka të bëjë me këtë kërkesë për imunitetit është rezultat i politikës ditore dhe jo përpjekje e organeve të rendit për të vendosur rend dhe drejtësi.

Kërkesa e EULEX-it duket se nuk e ka përkrahjen as të partive opozitare. Deputeti i Lëvizjes “Vetëvendosje”, Rexhep Selimi, thotë se me këtë kërkesë misioni i BE-së po pretendon ta fusë kuvendin në një rol që nuk i takon.

“Kuvendi nuk është i thirrur ta ndihmojë, as ta pengojë EULEX-in në çfarëdo lloj hetimi dhe si i tillë nuk do të duhej të ishte i involvuar”, thotë Selimi.

Nga ana tjetër, analisti Ardian Arifaj thotë se kërkesa e EULEX-it vetëm sa do të thellojë përçarjen në PDK, që, sipas tij, ka filluar kaherë.

“Brenda në PDK çarjet tashmë ekzistojnë. Pyetja është a do të thellohen dhe ka gjasa që të thellohen edhe pse çarjet në PDK duket se janë shumë të thella qysh tani”, thotë Arifaj.

Ai thekson se veprimi më i mirë do të ishte sikur deputetët që janë nën hetime të heqin dorë vullnetarisht nga imuniteti dhe në këtë formë ta lehtësojnë jo vetëm hetimin por edhe arrestimin e tyre.

Baraliu: Veprim antikushtetues

Nisma e misionit të BE-së për sundim të ligjit, nga eksperti për çështje juridike dhe kushtetuese, Mazullum Baraliu, nuk shihet si hap i qëlluar për të zhveshur ndonjë deputet nga imuniteti.

“Procedurën duhet ta iniciojë prokurori shtetëror kompetent dhe ajo duhet t’i drejtohet përmes kërkesës kryetarit të kuvendit, e pastaj ai e ka për detyrë ta procedojë këtë te Komisioni për Mandate dhe Imunitete dhe kështu me radhë vazhdon dhe janë disa procedura. Dhe jo në këtë mënyrë siç e ka nisur EULEX-i për të kërkuar nxjerrjen e një rezolute”, thotë ai. Baraliu që thotë se është i befasuar me kërkesën e misionit të BE-së thekson se rruga që ka zgjedhur EULEX-i nuk është as rrugë kushtetuese dhe as ligjore.

Qeveria pretendon të shfajësohet

Deputeti i Lëvizjes “Vetëvendosje”, Rexhep Selimi, thotë se Qeveria e Kosovës po pretendon që t’ua heqë imunitetin disa deputetëve, dhe për këtë të shfajësohet para qytetarëve duke ia hedhur përgjegjësinë Kuvendit të Kosovës.

“Qeveria në këtë rast po mundohet që ta shpërndajë fajësinë edhe me Kuvendin edhe me subjektet tjera politike”, shprehet ai, duke shtuar se nëse në Qeveri ka gatishmëri për të dërguar çështjen në Gjykatën Kushtetuese, atëherë kjo duhet të bëhet pa e marrë lejen nga Kuvendi.


http://www.zeri.info/artikulli/1/1/2...ne-grupacione/

[halla-raz]

Burime të afërta me PDK-në

Ky burim thotë se aktualisht Grupi Parlamentar i partisë më të madhe në vend është duke kaluar “ditë të nxehta”



Në anën tjetër, njëri nga zyrtarët e lartë të kësaj partie dhe me ndikim shumë të madh në PDK, që ka folur në kushte anonimiteti



http://www.zeri.info/artikulli/1/1/2...ne-grupacione/

krejt rrena e pollavra me tha i thash ka than ka me than duhet me than etj.

[G-2]

hashim thaci me klanin e udebashve te parashutuar ne pdk eshte per heqjen e imunitetit te fatmir limajt azem syles dhe atyre qe jane ne mbeshtetje te ketyre dy 'clirimtarve'!

hashim thaci po e sofistikon luften brenda llojit duke i kerkuar ndihme euleksit ne menyren sekrete per ta bere luften brenda lloit ne formen e hapur dhe kinse nderkombetaret po e kerkojn nje gje!

hashim thaci brenda nje kohe te shkurt do ia ven zingjiret fatmir limajt ,azem syles e shume tjerve!

halla raz e di qe keto zhvillime nuk te pelqejne por pdk-ja ka marre teposhtzen!
nuk ka fuqi berthamore qe e ndalon rrokullisjen e saj deri ne fund jam i sigurt %!

halla raz kete luften brenda lloit (lufta e klaneve kriminale ne pdk) nuk mund te ndaloi as nje mashkull me dimi nga forumi e le me ti veq zoti te lasht shnosh ty e ishalla perparon ne forume me nofka te reja se sa per pdk e ka marr lumi!

[beni33]

nja 15 deputet te PDK-S ME BO MEJAV HEK IMUNITETIN E DEPUTETIT MOS VET NENEHETIME JAN TE MEJRIT

[B.C.B]

nuk dita ku me postu kete lajm,nese eshte ne vend te gabuar ia nderroni vendin.

ja pra shikoni si i pengon hashim thaqit "perzierja e sali berishes ne politiken kosovare".hashim thaqi thote"kosova eshte shtet i pavarur dhe jo krahine e shqiperise"..
qe kush osht hashim thaqi kryeshpiuni i shqiptarise,shume shpejt kan me dal ne shesh te gjitha dallaveret qe i ka ba ne emer te uck-se dhe deshmoreve te luftes,ushtareve te vrare ne beteja....



WikiLeaks: Frikë e Thaçit nga ndikimi i Sali Berishës në Kosovë



Prishtinë, 11 korrik– Vizita dhe ndikimi i politik i Sali Berishës në Kosovë, e kishin brengosur kryeministrit Hashim Thaçi, verën e vitit 2009, pak muaj para zgjedhjeve lokale të 15 nëntorit. Në një bisedë private zyrtarë të Ambasadës amerikane në Prishtinë, më 13 gusht 2009, Thaçi ishte shprehur i brengosur nga “përzierja në politikën e Kosovës” që sipas tij bën kryeministri i Shqipërisë.

Kështu thuhet në një kabllo ende të pabotuar diplomatike, pjesë e dosjes së WikiLeaksit, që është dërguar nga Ambasada amerikane në State Departament, dhe një kopje të së cilës e posedon “Koha Ditore”.

“Në një bisedë private menjëherë pas takimit, Thaçi i tha të ngarkuarit me punë se ishte i brengosur nga përzierja e kryeministrit Sali Berisha në politikën e Kosovës”, thuhet në kabllo, që flet për takimin e Thaçit me të ngarkuarin me punë në Ambasadë, Michael Murphy.

Takimi i Thaçit me zyrtarin amerikan kishte ndodhur disa ditë pas pritjes që Sali Berisha i kishte bërë Ramush Haradinajt, në Tiranë, me të cilin nënshkroi marrëveshje bashkëpunimi mes Partisë Demokratike të Shqipërisë dhe Aleancës për Ardhmërinë e Kosovës.

Sipas kabllos diplomatike, Thaçi kishte përmendur se Berisha planifikon një vizitë në Prishtinë për vjeshtë të atij viti, dhe shtoi se “ai do ta mirëpriste një vizitë nga Berisha në Kosovë për të diskutuar marrëdhëniet bilaterale, por nuk kishte dëshirë ta shihte atë duke bërë fushatë në Kosovë për LDK-në, apo për opozitën e AAK-së”.

Asokohe, PDK-ja e Thaçit ishte në koalicion qeverisës me LDK-në, derisa AAK-ja ishte në opozitë, sikur edhe sot.

Për më tepër, Thaçi kishte ishte shprehur se përzierja nga Shqipëria në politikën kosovare paraqiste “kërcënim” për Kosovën, ndërsa ka kërkuar ndërhyrje amerikane te Berisha, duke theksuar se “Kosova është një shtet i pavarur, dhe jo krahinë e Shqipërisë”.

“Thaçi tha se përfshirja shqiptare në politikën në Kosovë paraqet një kërcënim për Kosovën dhe kërkoi nga Ambasada që të kundërshtojë një përfshirje të tillë”, thuhet në kabllon diplomatike. “Ai po ashtu kërkoi nga Qeveria e SHBA-së që, përmes Ambasadës në Tiranë, të peshojë me Berishën dhe të kërkojë nga ai të përmbahet nga deklarimet apo veprimet që ngritin frikë në rajon nga panshqiptarizmi”.

Në komentet që përmbyllin kabllon diplomatike, i ngarkuari me punë Murphy shton se “pajtohet që përfshirja e politikanëve nga Republika e Shqipërisë (dhe nga Kosova) në garat jashtë vendeve të tyre është problematike dhe nuk ndihmon”.

“Edhe pse dyshojmë që nëse Berisha do të përqafonte PDK-në, Thaçi do të kishte më pak brenga për kërcënimin nga politika panshqiptare për Kosovën dhe rajonin, ne po ashtu besojmë se do të mund të ishte e dobishme t’i përkujtojmë bashkëbiseduesit tanë në rajon për dëmin potencial që manovrat e tyre afatshkurta politike mund të kenë në interesat tona afatgjata të përbashkëta”, thuhet në komentet në fund të kabllos diplomatike.

Sali Berisha e vizitoi Kosovën dy muaj më vonë, më 6 tetor 2009, u prit nga kryeministri Thaçi, dhe gjatë qëndrimit tha se bashkimi kombëtar i shqiptarëve do të ndodhë në Evropë.

“Sot ideali kombëtar i shqiptarëve është ideali evropian. Po sepse ne aty kemi përcaktuar të ardhmen tonë dhe të shkëlqyer. Ne nuk dimë ndonjë të ardhme më të ndritur sesa integrimi në Evropë”, ka thënë Berisha gjatë vizitës së tij.

Vetë kablloja e 13 gushtit është raport që flet për takimin mes Thaçit dhe të ngarkuarit me punë, Murphy, temë kryesore e të cilit ishin zhvillimet aktuale të asaj kohe në Kosovë, prej decentralizimit deri tek përgatitjet për zgjedhjet lokale të nëntorit 2009.

Sipas kabllos, në takim kryeministri Thaçi kishte “shprehur dëshirën e tij për bashkëpunim të vazhdueshëm me Ambasadën” dhe “është zotuar se nuk do të marrë asnjë vendim të rëndësishëm politik pa konsultime paraprake”.

Në anën tjetër, i ngarkuari Murphy thuhet të ketë theksuar se SHBA-ja ndanë prioritetet strategjike të Kosovës – ndërtimin e saj si një demokraci tolerante, prosperuese dhe multietnike.

Ambasada e SHBA-së në Prishtinë nuk ka komentuar këtë pjesë të dosjes së WikiLeaks-it.

“Departamenti i Shtetit nuk komenton lidhur me materiale të supozuara, përfshirë dokumente të klasifikuara që mund të kenë rrjedhur”, thuhet në përgjigjen e Ambasadës së SHBA-së, dërguar gazetës nëpërmjet zyrës së saj për informim.

Gazeta nuk ka arritur të sigurojë edhe qëndrimin e Qeverisë së Kosovës. Në mungesë të një zëdhënësi të Qeverisë, gazeta ka provuar disa herë të kontaktojë me zëvendëskryeministrin Hajredin Kuçi, por ai nuk u është përgjigjur thirrjeve.