Dhulkarnejni a eshte Aleksandri Maqedonise?

[~Geri~]

Tek Njerzit jane shperndare shume mendime se Jexhuxh Maxhuxhet qe jane permendur ne suren kehf jane japonezet dhe Kinezet dhe tenda e permendur eshte Muri i madh Kinez.Disa te tjere thojne qe Dhulkarnejni eshte Aleksandri Maqedonise.Mirepo per asnjeren nga keto nuk kemi argumenta nga feja pervec se jane fjale njerzish.



Falënderimi i takon Allahut Krijuesit të botërave, kurse përshëndetjet tona të përzemërta i dërgojmë Muhamedit, paqja dhe shpëtimi i Allahut qoftë mbi të, mbi familjen e tij të pastër dhe të zgjedhur mbi shokët e tij besnik dhe mbi mbar ata që pasojnë rrugën e tij deri në ditën e gjykimit.

Dhulkarnejni i përmendur në kuranin Fisnik : “Ata (hebrenjtë) të pyesin ty (Muhamed) për Dhulkarnejnin, thuaj: “Unë do t’ju tregoj disa lajme për të” (Kehf, 83),

Ai ishte mbret nga mbretërit e tokës dhe një nga adhuruesit e mirë besimtarë. Ai shëtiti tërë botën duke thirrur në fenë e Allahut të Lartësuar, dhe luftoi ata që kundërshtuan atë (fenë). Ai përhapi Islamin e çrrënjosi pabesimin, ndihmoj atë që ju bëhej padrejtësi duke e vendosur drejtësinë në tokë.

Transmetohet nga Muxhahidi të ketë thënë për Dhulkarnejnin : “Mbretërit e tokës prej lindjes deri në perëndim ishin katër persona: Dy ishin besimtar dhe dy jobesimtar, si : Dy besimtarët ishin: Sulejmani alejhi selam dhe Dhulkarnejni, kurse dy pabesimtarët ishin: Bahtensari dhe Nemrud ibn Kenani, dhe se nuk ka pasur tjetër pos tyre” (Shënon Taberiu në Tefsirin e tij 433/5).

Dijetari ibn Haxher Elaskalani Allahu e mëshiroftë lidhur me Dhulkarnejni thotë: “Ka mospajtim mes dijetarëve lidhur me Dhulkarnejnin. Disa thonë se ka qenë pejgamber disa të tjerë thonë se ka qenë engjëll kurse disa thonë se nuk ishte as i dërguar e as engjëll por ishte mbret prej mbretërve të tokës dhe se këtë mendim e ndajnë shumica”.

Dijetari Uthejmin Allahu e mëshiroftë thotë: “Ai ishte mbret i mirë, jetoi në kohën e Ibrahimit alejhi selam dhe se thuhet se ai kishte bërë tavafin bashkë me Ibrahimin alejhi selam, Allahu e dinë më së miri”.

Kurse sa i përket asaj që thuhet se ai ishte Aleksandër Maqedoni (Greku) ai që ndërtoi Aleksandrinë luftoi Kinën, Indin dhe pushtoi Persin, ky mendim është i gabuar duke u bazuar në fjalët e dijetarëve dhe hulumtuesve.

Dijetari Ibn Haxher Askalani Allahu e mëshiroftë thotë: “Aleksandri Grek ishte afër kohës së Isaut alejhi selam, kurse mes periudhës së Ibrahimit dhe Isaut alejhima selam ka ma shumë se njëmijë vite. Ajo që mund të vërtetohet është se ky i fundit u quajt me emrin Dhulkarnejn sepse i ngjasoj Dhulkarnejnit të parë në zgjerimin e mbretërisë së tij, pra ai pushtoj Persin, Romën dhe mu për këtë u quajt Dhulkarnejnë. Kurse ai që është përmendur në Kuran është Dhulkarnejni i vjetër.

Dallimi mes këtyre dy personave është : Ajo që thamë se kanë jetuar në një kohë shumë të largët pastaj se Dhulkarnejni i përmendur në Kuran ishte besimtar kurse ky i dyti pabesimtar ku merrte mësimet e Aristotelit dhe se Dhulkarnejni i parë ishte Arab kurse ky i dyti ishte Grek” (Shkurtimisht nga Ibn Haxher Elaskalani).

Ibn Kethiri Allahu e mëshiroftë thotë: “Elazruki e ka përmendur se Dhulkarnejni ka pranuar islamin nga Ibrahimi alejhi selam dhe kishte bërë tavaf me të dhe me Ismailin alejhi selam”.

Kurse dijetari Ibn Tejmije lidhur me këtë thotë: “Aristoteli jetoj para Isaut alejhi selam diku afro treqind vite dhe se ishte ministër i Aleksandër Filipsit i cili pushtoj Persin dhe për të cilin shënon historia romake gjithashtu edhe çifutët me të krishterët. Ky Aleksandër nuk është Dhulkarnejni i përmendur në Kuran ashtu siç mendojnë shumë njerëz. Ai Dhulkarnejni i parë jetoj para këtij të dytit dhe ishte ai që ndërtoj pendën mes Jexhuxhve dhe Mexhuxhëve, gjithashtu ai ishe musliman kurse ky greku ishte pabesimtarë (Idhujtarë). Ky dhe populli i tij ishin idhujtar që adhuronin planetët dhe putat” (Minhaxh Esuneti Enebevijeti 220/1), shiko gjithashtu në (Mexhu Elfetava 172-171/11), dhe (Igathetu Elhfan – Ibn Kajim 264-263/2).

Pra Dhulkarnejni ishte musliman, ishte Arab dhe se ata që pretendojnë se ishte Persian apo ishte i dërguar i një populli veç kanë pretenduar diçka të pavërtetë ashtu siç pohojnë hulumtuesit e dijes dhe historisë.

Sa i përket vendit ku ka ndërtuar pendën nuk ka ndonjë informatë të saktë për vendndodhjen e saj .

Allahu e dinë më së miri.