Gana njeh pavarësinë e Kosovës

[DYDRINAS]

Gana njeh pavarësinë e Kosovës

23/01/2012 18:15


Republika e Ganës u është bashkuar vendeve që kanë njohur pavarësinë e shtetit të ri të Kosovës.

Lajmin e ka bërë të ditur numri dy i qeverisë kosovare, Behgjet Pacolli, në një konferencë për shtyp, ku ka raportuar edhe për fushatën e tij lobuese nëpër botë.

Afrika është kontinenti ku aktualisht është përqendruar lobimi i diplomacisë kosovare për të siguruar njohje të reja, ndërkohë që nuk mungon interesi edhe në Amerikën Latine.

Me njohjen e Ganës shkon në 88 numri i vendeve që kanë pranuar Kosovën si shtet të pavarur e sovran, ndërkohë që duhen rreth 120 që vendi ballkanas të bëhet anëtar i OKB-së.

Në kontinentin e vjetër janë pesë vendet e Bashkimit Evropian, Spanja, Rumania, Sllovakia, Greqia dhe Qipro që refuzojnë ta njohin atë, disa nga frika e separatistëve dhe disa nga marrëdhëniet me Serbinë.

top-channel

[Qyfyre]

Bravo gana

Duhet te njihesh nga 120 vende qe te pranohesh ne OKB?

[DYDRINAS]

Bravo gana

Duhet te njihesh nga 120 vende qe te pranohesh ne OKB?

Sivjet mbyllet kjo pune. Edhe 5 vendet e BE do ta njohin Kosoven brenda vitit.

[Meriamun]

Nga e di ti ?

[Hard]

...Thnx Gana

[Pika-Kufi.1-31]

FTESË 5 VENDEVE TË BE-SË PËR NJOHJE TË KOSOVËS

Nga Express 24 Janar 2012 15:04


Komiteti për politikë të jashtme i Parlamentit Evropian me shumicë të madhe, 54 vota dhe vetëm 6 kundër, ka miratuar të martën raportin e raportueses Ulrike Lunaçek për Kosovën, me të cilin u bëhet ftesë 5 vendeve anëtare të BE-së që nuk e kanë njohur Kosovën, që ta bëjnë këtë.

Raporti po ashtu kërkon shpërbërjen e strukturave paralele në veri të Kosovës, ndërkaq nga Këshilli dhe Komisioni Evropian kërkon po ashtu që të arrihen marrëveshje kontraktuale në mes të BE-së dhe Kosovës.

Por, raporti ka edhe shumë kritika për autoritetet e Kosovës...

Kritika më e ashpër është ajo për mungesën e gatishmërisë për të dënuar përgjegjësit për parregullsi në zgjedhje.

Sa u përket zgjedhjeve të vitit 2010, në këtë raport, që do të bëhet edhe rezolutë në muajin mars , bëhet ftesë për hetime të mirëfillta të parregullsive në zgjedhje dhe për dënimin e përgjegjësve për mashtrime në procesin zgjedhor.

Po ashtu, opozitës dhe qeverisë u bëhet ftesë që të përshpejtojnë diskutimet dhe adaptimin e një ligji zgjedhor, në mënyrë që të pamundësohen parregullsitë në zgjedhjet e ardhshme.

Ulrike Lunaçek, raportuese për Kosovën në Parlamentin Evropian, pas votimit të së martës shprehu kënaqësi për mbështetjen e madhe qe mori ky raport dhe tha se është e rëndësishme që u është përsëritur ftesa vendeve që nuk e kanë njohur Kosovën, që ta bëjnë një gjë të tillë.

Ajo tha se e rëndësishme është edhe ftesa që i bëhet Komisionit Evropian për të përshpejtuar procesin e dialogut të vizave me Kosovën, pasi që, sipas saj, Kosova në këtë aspekt është vonuar shumë deri më tani. /rel/