Calciopoli bis - Edhe Inter me faj

[RaPSouL]

Udhëheqësi i federatës së futbollit Italian Abete mohon zërat për një stopim të futbollit italian për disa vite, për më shumë e keni lajmin e mëposhtëm.

http://www.goal.com/en-us/news/86/it...tion-says-figc

[puroshkodran]

Pse i fshi postimet? Lexoni se çfarë shkruani ju apo jo?

Fjalët, biseksual, kurvë, q. robt etj etj duhet tu lejoj juve ti përdorni këtu jeni në lagjen tuaj apo si? Cilin nga ju e kam quajtur un psikopat e ku ta di çfarë?

Mos vazhdoni këto gjëra se jeni toleruar në maksimum keni sharë e përdorur fjalë të pista në maksimum, njeriu tju lut edhe për mirkuptim ju bëni si ata fëmijë që ndonjë më i madh ua merr topin nga dora.

Ja puro nuk do ta fshi të shohim çdo arrish me ato kurvat e biseksualat që i përmend në çdo postim, tregon vetëm edukatën tënde familjare asgjë tjetër.

Nuk i thashe asnji anetari te forumit biseksual, mos ban demek se nuk kupton. Nuk fyej askend perveç kur me duhet me u kunderpergjigj.

Lapo Elkann thashe asht biseksual. Kjo dihet nga te gjithe, kerko ne google. Kur ra ne koma per overdoze kokaine ishte me nji travestit.
Kjo vetem si pergjigje e asaj qe shkruve per Berlusconin, me te tregu se nuk duhet me dale jashte futbollit, se nuk me intereson se ç'a ban Lapo. Biles asht i vetmi per te cilin nuk kam antipati ne ate familje

Edhe mos guxo me permend ma edukate familjare se me t'vertete mandej qe kurvat e biseksualet i gjej andej nga e jotja. Se je tuj e egzagjeru shume.

[puroshkodran]

allegri ka dal i pafajshem ne 2001-shin. si gjithmone juventinet tregojne vetem pjesen e historise qe i pelqen.
shif tash kur ta fshijne se nuk lejohet gjuha e huj

http://it.wikipedia.org/wiki/Massimiliano_Allegri

nel maggio del 2001, la Commissione di Appello Federale ha accolto il ricorso dei legali di Atalanta e Pistoiese, prosciogliendo tutti i calciatori coinvolti nel presunto illecito ed annullando quindi anche la squalifica di Allegri.

[MaDaBeR]

Hetimet, Interi shpreson pjesëmarrje në Champions

Askush nuk e thotë se Interi mund të shkojë në Champions së bashku me Juventusin dhe Milanin, por një gjë e tillë edhe mund të ndodhë. Edhe pse duket qesharake, fati i Interit është i lidhur ngushtë me atë të mbrojtësit të Juventusit, Bonuçi, për të cilin Prokuroria e Kremonës po heton për trukimin e ndeshjes Udineze-Bari 3-3 (më 9 maj 2011), kur asaj kohe Bonuçi luante me Barin. Sipas Prokurorisë së Barit, e cila po bashkëpunon me Prokurorinë e Kremonës, Bonuçi së bashku me tre futbollistë barezë, si Belmonte, Parisi dhe Masielo, kanë manipuluar sfidën Udienze- Bari 3-3, për të cilin kishin vënë bast se do shënoheshin minimumi tre gola. Ka qenë Salvatore Masielo, i cili ka kontaktuar në telefon futbollistin e Udinezes, Simone Pepe, duke e pyetur: “nëse donte të blinte një Ferrari”. Më vonë vetë Masielo pohon në prokurori se rezultati i asaj ndeshjeje ishte i trukuar. Dhe faktikisht, Simone Pepe (aktualisht te Juventusi) shënoi golin e 2-1 në minutën e 26-të të ndeshjes.
UEFA - Faktikisht UEFA refuzon të pranojë në kompeticionet e saj klube të përfshira në skandale bastesh dhe Udineze është një ndër këto. Dhe, në rast se gjykata do ta shpallë fajtor klubin e Udinezes, UEFA minimumi do të përjashtonte klubin bardhezi nga pjesëmarrja në Champions. Por, nëse një gjë e tillë ndodh, atëherë lind pyetja: kush do ta marrë vendin e bardhezinjve? Edhe pse skuadrat pas shpatullave të Udinezes janë Lacio 62 pikë, Napoli 61, Inter 58, ne themi se Interi do jetë e përzgjedhura. Për këtë ju shpjegojmë arsyen. Lacio, që është skuadra e katërt në klasifikim, vështirë se mund të luajë në Champions, përderisa ka Maurin prapa kangjellave. Për më tepër, ndeshjet që klubi Lotitos dyshohet të ketë trukuar janë minimumi tre. Napoli, i cili pozicionohet i pesti, ka probleme të ngjashme, për të mos thënë akoma më serioze se ato të Udinezes. Kjo, sepse portieri rezervë i napolitanëve, Xhianelo, ka pranuar se sfida e fundit e sezonit 2009-2010 Sampdoria- Napoli 1-0 ka qenë e manipuluar. Ja pse Interi, nga e gjashta në tabelën e klasifikimit mund të ngjitet direkt në vend të tretë, duke parakaluar kështu Napolin, Lacion dhe mbi të gjitha Udinezen, si dhe duke i marrë klubit bardhezi biletën e vetme për në Champions- in 2012-2013.

“Kristian Vieri, në dijeni mbi trukimin e Inter-Leçe”

Ish-futbollisti i Interit, Kristian “Bobo” Vieri, dyshohet të ketë marrë pjesë në manipulimin e ndeshjeve të Serisë A. Emrin e ish-sulmuesit zikaltër e ka përmendur në dëshminë e dhënë në prokurori ish-futbollisti i Barit, Antonio Belavista: “Ne donim të luanim lart me gola ndeshjen Inter- Leçe, por kur u takova me Vierin, ai më komunikoi se ishte në dijeni të trukimit të kësaj sfide. Se nga e kishte marrë këtë informacion nuk e di”. Ndërkohë, avokati i Kristian Vierit është shprehur se klienti i tij nuk ka bërë asnjë krim: “Vieri është i pafajshëm, pastaj të luash nëpër sallone bastesh nuk është e paligjshme. Ai është i qetë dhe vazhdon të shijojë pushimet e tij në Meksikë”.

Ja si dështoi trukimi i sfidës në tunel

Masimo Erodiani, një bastexhi që punonte për bandën e bolonjezëve, e kujton kështu takimin Inter-Leçe, që përfundoi me rezultatin 1-0: “Ndeshja ishte përgatitur mjaft mirë, – tregon Erodiani, – por kur skuadrat po futeshin në tunel u prish gjithçka, sepse futbollistët e Interit nuk pranuan ta manipulonin rezultatin e saj. Synimi ynë ishte që Leçe të kalonte e para në avantazh dhe më pas zikaltrit ta fitonin takimin, minimalisht në shifrat 2-1, sepse ne kishim vënë bast mbi shifrën 3+”. Kujtojmë se vetëm në kompaninë e basteve “Bet Fair”, për këtë takim se do shënoheshin të paktën tre gola, ishte luajtur shuma e 700 mijë eurove.

Panorama Sport

[MaDaBeR]

Filipo Karobio: Presidenti Mexaroma urdhëroi të humbnim

Nga dita e hënë, Antonio Konte është bërë zyrtarisht pjesë e personave që do hetohen për skandalin e basteve në Itali. Pasi i janë sekuestruar telefonat dhe kompjuteri i tij, trajneri aktual i Juventusit është futur në telashe nga ish-futbollisti i tij, Filipo Karobio, pjesë e Sienës kur Konte ishte në krye të klubit toskan. Për të tretën herë, ishmesfushori që u arrestua në dhjetor pas hapjes së dosjes “Last Bet”, ka konfirmuar tek të gjithë prokurorët që është marrë në pyetje se Antonio Konte dinte për paracaktimin e rezultatit por, nga ana tjetër, telashin më të madh pritet ta ketë presidenti i klubit, Masimo Mexaroma, i cili ka urdhëruar humbjen e skuadrës së tij, pasi kishte vendosur të vinte personalisht bast. “Disa ditë përpara ndeshjes Siena- Vareze, Ferdinando Kopola (portieri i skuadrës) hyri në dhomat tona të zhveshjes, ndërsa ne të gjithë u habitëm, sepse ishte zverdhur i gjithi në fytyrë. Para se të vinte te ne, ai ishte ndalur jashtë dhomave të zhveshjes nga një prej ndihmësve të presidentit Mexaroma, i cili i kishte kërkuar Kopolas nëse ekzistonte mundësia që ne ta humbnim ndeshjen me Varezen. Këtë gjë Kopola ma tha personalisht, madje më tha edhe emrin e atij që transmetoi urdhrin e presidentit, por unë nuk e mbaj mend për momentin. Ai më saktësoi, – vazhdon Karobio deklaratën e tij, – se ideja për të humbur sfidën ishte e presidentit tonë, sepse Mexaroma do të vinte një bast për disfatën tonë. Por, pasi lajmi na u transmetua të gjithëve ne futbollistëve, asnjëri nuk pranoi të humbnim kundër Varezes. Pse na u kërkua ne? Sepse Kopola këtë gjë ia kishte transmetuar fillimisht stafit drejtues, por Antonio Konte dhe ndihmësit e tij e kishin refuzuar kategorikisht këtë gjë, prandaj më vonë kjo kërkesë për të humbur na u ofrua neve. Pas disa orësh, Stelini (ndihmësi i Kontes te Siena) më konfirmoi vetë se presidenti Mexaroma kishte kërkuar të humbnim, por ata nuk kishin pranuar, ashtu sikurse edhe ne lojtarët. Konte dinte për ndonjë rezultat tjetër? Unë them që dinte diçka në lidhje me ndeshjen Novara- Siena, sepse përpara kësaj sfide ne na nevojitej një barazim dhe Konte hyri në dhomat e zhveshjes te ne dhe na tha që klubet kishin gjetur një akord mes tyre për barazimin e ndeshjes dhe kjo është ajo që di unë”, – tha Karobio.

Panorama Sport

[MaDaBeR]

Konte rrezikon një vit skualifikim, sepse s’ka denoncuar

Situata e Antonio Kontes nuk mund të duket e rëndë në krahasim me futbollistë të implikuar që tashmë kanë përfunduar në pranga, por gjithsesi, edhe aq e lehtë nuk është. Prokuroria italiane, lidhur me këtë çështje, ka saktësuar pas aksionit në verën e kaluar se, thjesht fakti që një person ka qenë në dijeninë e një paracaktimi rezultati, e një pakti mes klubesh apo e një trukimi, nëse ai nuk e ka denoncuar atë, atëherë është fajtor për fshehjen e një akti kriminal. Vendimi për këtë gjest parashikon skualifikimin e lojtarit, trajnerit apo drejtuesit të një klubi me një vit, ndaj Antonio Konte bën mirë që të ketë thënë të gjithë të vërtetën e tij në deklaratat, pasi është akuzuar nga ish-lojtari i tij, Filipo Karobio, sepse përndryshe, një vit skualifikim do të jepet automatikisht për të. E thënë në fjalë të tjera, trajneri i Juventusit nuk duhet të jetë dhe të ketë qenë kurrë në dijeni të një pakti mes Sienës dhe ndonjë ekipi tjetër, ose përndryshe për 12 muajt e ardhshëm bën mirë të prenotojë një hotel dhe të nisë pushimet e tejzgjatura, pa marrë parasysh faktin e prishjes së imazhit të tij, pas një suksesi fantastik sivjet. Pasi atij i janë sekuestruar kompjuteri personal dhe celularët që do kontrollohen me imtësi, beteja më e madhe e Kontes është që të mundë me fakte deklaratat e Karobios, i cili thekson se i gjithë klubi i Sienës ka qenë në dijeni të 3 ndeshjeve të paracaktuara në sezonin e kaluar, por edhe pse ai nuk ka pranuar të humbë kundër Varezes, ndonëse me urdhër të presidentit, prokuroria do ta shpallë fajtor atë për fshehje informacioni, mungesë denoncimi.

Panorama Sport

[AlbaneZ]

Panorama Sport eshte Made in Tuttosport Madaber ndaj nuk ke pse e hedh kete artikull ketu te nje gazete lokale (sic e quan ti)

Keto qe solle ti tashi i kam lexu qe dje ne Tuttosport

[MaDaBeR]

Keto jane edhe artikujt te Corriere Dello Sport dhe La Gazzeta Dello Sport. Edhe Tuttosport u referohet ketyre 2 gazetave kur behet fjale per lajme te verteta.

[AlbaneZ]

Hahaha e mar me mend

Por sa per informacion,une njo nje gazetar te panorama sport dhe me ka treguar vete qe shumicen e lajmeve i marin nga Tuttosport.

[MaDaBeR]

E njoh edhe une nje gazetare te Panorama Sport, Suaden, e cila me ka thene qe lajmet qe botohen per Milani, Inter dhe klube te tjera te Serie A meren nga Gazzeta Dello Sport ose Corriere Della Sera. Mbase ai qe i mer lajmet te Tutto duhet te jete tifoz Juventin dhe i pelqejne ato titujt