Calciopoli bis - Edhe Inter me faj

[freeopen]

''L'avviso di garanzia è uno strumento a tutela degli indagati, non un giudizio di condanna''

Meqenese jane 7-8 ndeshje te Sienes nen hetim eshte natyrale qe cdo i punesuar i kesaj shoqerie te hetohet ne lidhje me kete ceshtje,por s'do te thote se nese je nen hetim je fajtor.

ps : nuk po mundohem te mbroj Conte apo Juventus.

[puroshkodran]

''L'avviso di garanzia è uno strumento a tutela degli indagati, non un giudizio di condanna''

Meqenese jane 7-8 ndeshje te Sienes nen hetim eshte natyrale qe cdo i punesuar i kesaj shoqerie te hetohet ne lidhje me kete ceshtje,por s'do te thote se nese je nen hetim je fajtor.

ps : nuk po mundohem te mbroj Conte apo Juventus.

jo çdo i punesuar
ata qe dyshohen

[freeopen]

jo çdo i punesuar
ata qe dyshohen

pak ndryshim ka.

[BlueBaron]

Contes i kane sekuestruar pc (as nuk e kam idene si perdoret kishte thene Conte ). Gjithashtu kishin kerkuar per pendrive dhe celulare te vjeter ...

[BlueBaron]

Hidhini nje sy ketyre fotove. Eshte nje personazh me emrin Kujtim Qoshi (miku i Safet Altic), ndoshta eshte shqiptare.

[puroshkodran]

pak ndryshim ka.

ka shume ndryshim se jane 30 lojtare e shume drejtuesa por pak prej tyne jane ne hetim

[MaDaBeR]

Xhixhi Bufon mbron “trukimin” e Kontes

“Ata që e njohin futbollin dhe e jetojnë çdo ditë, e dinë fare mirë se çfarë ndodh. Në disa raste thuhet, më mirë 2 të plagosur se një i vdekur. Kjo do të thotë se ka ndodhur që 2 skuadra të bien dakord për rezultatin, për të mos dëmtuar njëra-tjetrën”. Xhixhi Bufon ka hapur polemika të mëdha me deklaratat e tij, me të cilat i ka dalë në mbrojtje Antonio Kontes, në lidhje me skandalin e basteve ku mendohet të jetë i përfshirë. “Nuk kam frikë se mos e marrin, sepse e njoh mirë. E njoh edhe futbollin, sepse kam dëgjuar shumë prej lojtarëve të Sienës që kanë dhënë një version totalisht të ndryshëm nga ai i Karobios. A është më mirë barazimi? Janë punët e tyre, është e qartë se ndeshjet janë bërë për t’u fituar dhe kështu do të jetë gjithmonë. Por ndonjëherë, nëse disa skuadra bëjnë disa llogari, janë të justifikuara”. Janë fjalë që kanë ngjallur menjëherë reagime ato të portierit të Juventusit dhe kombëtares italiane. Por, kjo nuk është hera e parë që Bufon është treguar kaq i drejtpërdrejtë, pasi edhe pas golit fantazmë të Muntarit në ndeshjen me Milanin, gardiani i portës së bardhezinjve ka bërë një deklaratë po kaq të fortë: “Nëse do ta kisha kuptuar që topi e kishte kaluar vijën fatale, nuk do ia kisha treguar arbitrit, – ka deklaruar në atë kohë Bufon, i cili aktualisht e ka ndryshuar mendimin e tij. – Gjithsesi nuk e pashë. Sepse, nëse do ta kisha vënë re, do ta thosha”. I pyetur për merkaton portieri bardhezi ka theksuar se Baloteli do ishte një lojtar më se i përshtatshëm për Juventusin: “Marion e shoh shumë mirë në skuadrën tonë, do përshtatej mrekullisht me lojën e Kontes. Nëse do të vinte te ne, do bëhej idhull i tifozëve. Titujt? Në fushë ka ndodhur diçka, në seli diçka tjetër. Nëse do më pyesnin sa tituj kam fituar unë, di përgjigjesha pesë, edhe pse më kanë dhënë vetëm tre”. Bufon ka caktuar edhe objektivat e kombëtares: “Duam të paktën gjysmëfinalet e ‘Euro 2012′-ës, edhe pse ‘thembra jonë e Akilit’ është gjithmonë faza e grupeve. Kësaj here do ta kemi më të vështirë, sepse na pret menjëherë përballja me Spanjën”.

Tomazi dhe Abete mbrojnë Bufonin

Damiano Tomazi, presidenti i Shoqatës së Futbollistëve Italianë, i ka dalë në krah Bufonit, duke theksuar se deklaratat e portierit të Juventusit dhe kombëtares janë keqkuptuar: “E dimë, Xhixhi përpiqet gjithnjë që ta shpjegojë atë që mendon duke u treguar shumë i drejtpërdrejtë. Sidomos në këtë periudhë që nuk ka ndeshje, fjalët që nuk lidhen me atë çka ndodh në fushë ngjallin reagime të mëdha. Besoj se qëllimi i tij ishte të shpjegonte atë që e shohin të gjithë”. I të njëjtit mendim është edhe presidenti i Federatës Italiane të Futbollit, Xhankarlo Abete: “Nga fjalët e Bufonit kuptohet qartë vetëm nevoja për të fituar ose barazuar. Është gjë tjetër marrëveshja, që nuk është e pranueshme. Fjalët e tij dëshmojnë transparencën për tema të nxehta. Bufon ka qenë gjithnjë i drejtpërdrejtë”.

Panorama Sport

[MaDaBeR]

Kapiteni i Lacios, në pranga për trukim

Kapiteni i Lacios, Stefano Mauri, është arrestuar sot në mëngjes së bashku me 18 persona të tjerë nën akuzën e trukimit të ndeshjeve. Urdhërarrestet u lëshuan nga prokuroria e Kremones. Në pranga përfundoi edhe ish-lojtari i Xhenovës, tani në Padova, Omar Milanetto. Sipas prokurorëve, Mauri dhe Milanetto ishin në dispozicion që në këmbim të parave të fiksonin rezultatin e ekipeve të tyre përkatëse. Operacioni u krye sot në Kremona, Breshia, Bolonja dhe Alesandria. Prokuroria e Kremonas lëshoi në total 19 urdhër-arreste, 10 prej të cilave ishin për lojtarë dhe ish lojtarët e Serisë A e B. Nën hetim është edhe trajneri i Juventusit, Antonio Konte. Në apartamentin e tij është ushtruar kontroll. Emri i teknikut të Juventusit u përmend nga Filipo Carobi, “i penduar”, i cili e akuzonte se kishte dijeni për barazimin në ndeshjen Novara- Siena. Midis të dyshuarve është edhe Domenico Criscito, përsëri nën akuzë për komplot. Mauri dhe Milanetto, sipas mediave italiane, do të kundërshtonë akt-akuzën e prokurorisë për trukim të ndeshjeve. Arrestimet janë në vazhdën e 17 arrestimeve të kryera më 17 dhjetor. Ndërsa në qershorin e 2011 u arrestuan 16 persona të tjerë, mes tyre Beppe Signori. Mes të arrestuarve ndodhen dhe pesë shtetas hungarezë. Dyshohet se celula hungareze ka manipuluar një sërë ndeshjesh të kampionatit italian të futboollit.

Panorama Sport

[MaDaBeR]

Pranga kapitenit të Lacios, hetohet Konte

Përgatitjet e Italisë për finalet e “Euro 2012″ janë goditur nga lajmi se një numër i madh i figurave me profil të lartë në futbollin e Seria A janë nën hetime për rolin e tyre në skandalin e fiksimit të ndeshjeve, i cili quhet “Scommessopoli”. Kapiteni i Lacios, Stefano Mauri, është arrestuar sot në mëngjes së bashku me 18 persona të tjerë nën akuzën e trukimit të ndeshjeve. Urdhërarrestet u lëshuan nga prokuroria e Kremones. Në pranga përfundoi edhe ish-lojtari i Xhenovës, tani në Padova, Omar Milanetto. Operacioni i sotëm i koduar”Last Bet” është vijim i operacionit 17 dhjetorit 2011 ku u arrestuan 17 persona, mes tyre edhe Beppe Signori. Sipas prokurorëve, Mauri dhe Milanetto ishin në dispozicion që në këmbim të parave të fiksonin rezultatin e ekipeve të tyre përkatëse. Operacioni u krye sot në Kremona, Breshia, Bolonja dhe Alesandria. Prokuroria e Kremonas lëshoi në total 19 urdhër-arreste, 10 prej të cilave ishin për lojtarë dhe ish lojtarët e Serisë A e B. Nën hetim është edhe trajneri i Juventusit, Antonio Konte. Në apartamentin e tij është ushtruar kontroll. Emri i teknikut të Juventusit u përmend nga Filipo Carobi, “i penduar”, i cili e akuzonte se kishte dijeni për barazimin në ndeshjen Novara- Siena. Midis të dyshuarve është edhe Domenico Criscito, përsëri nën akuzë për komplot. Mauri dhe Milanetto, sipas mediave italiane, do të kundërshtonë akt-akuzën e prokurorisë për trukim të ndeshjeve. Arrestimet janë në vazhdën e 17 arrestimeve të kryera më 17 dhjetor. Ndërsa në qershorin e 2011 u arrestuan 16 persona të tjerë, mes tyre Beppe Signori. Mes të arrestuarve ndodhen dhe pesë shtetas hungarezë. Dyshohet se celula hungareze ka manipuluar një sërë ndeshjesh të kampionatit italian të futboollit.

19 urdhër-arreste Kapiteni i Lacios, Stefano Mauri, ish-lojtari i Xhenoas, tani në Padova, Omar Milaneto, u arrestuan, ndërsa janë lëshuar edhe 19 masa arresti. Po hetohet trajneri i Juventusit, Antonio Konte, mbrojtësi i ekipit kombëtar, Domeniko Krishito, sulmuesi i Kievos, Serxhio Pelisier, dhe sulmuesi i Xhenoas, Xhiuzepe Skuli. Krishito, pjesë e kombëtares axurre, ishte target i policisë, që mbëriti për të në Koverciano. Sipas njoftimeve, mbrojtësi blu është akuzuar për komplot, për mashtrim në hetimin sportiv të “Kremonese”, që çoi në disa arrestime. Zyrtarët që kanë kryer hetimet dhe arrestimet ia kanë dorëzuar njoftimin Krishitos në Koverciano, të hënën, në orën 06.25. Dy makina dhe pesë zyrtarë të Prokurorisë kanë kaluar pragun e qendrës teknike, kur ekipi kombëtar që drejtohet nga Prandelli ishte ende në gjumë. Nga ana e vet, avokati i Krishitos tha: “Unë dua të dëgjohem së shpejti nga ana e Prokurorisë së Kremones, ndoshta që nesër, për të sqaruar gjithçka.”

Konte Edhe Antonio Konte gjithashtu gjendet nën hetim. Trajneri i Juventusit është nën hetim për lidhje me një shoqatë kriminale, që synonte mashtrimin sportiv me ndeshjet. Dyshohet se përfshirja e Antonio Kontes në këtë aktivitet të paligjshëm i përket kohës kur ai ishte trajner i Sienës. Avokati i Kontes tha: “Pres të njihem me faktet e Prokurorisë. Jam fuqimisht i vendosur që të provoj pafajësinë e tij të plotë në ato vepra të supozuara.”
Policia ka uhtruar një kontroll të imtësishëm në mëngjesin e së hënës edhe në shtëpinë e Pelisierit. Në emër të ndjekjes penale, skuadra e prokurorëve të Kremones kontrolluan në Aosta në orën 4 të mëngjesit shtëpinë e Serxhio Pelisier, sulmuesit të Kievos, i përfshirë në hetim për fiksim ndeshjesh. Brenda vilës së tij u konfiskuan disa kompjutera, USB dhe iPad, që do të vihen në dispozicion të hetuesve.

Shqiptari Në këtë skandal duket se është përfshirë edhe një shtetas shqiptar, ortak me një boshnjak. Kujtim Qoshi është emri i shqiptarit, që është ortak me boshnjakun Safet Altiç. Të dy këta janë fotografuar me Krishiton dhe me futbollistin tjetër, Xhiuzepe Skuli, në një moment gjatë të cilit mendohet se kanë trukuar një ndeshje.

Prokurori Martino: Hetimet fokusohen mbi Sienën

“Masat që po marrim kanë përfshirë 19 persona. Një prej të rejave më interesante është prezenca e një grupi hungarezësh. Ndeshja mbi të cilën jemi përqëndruar më shumë është Lece–Lacio, por janë edhe 7-8 takime të vitit 2011 në lenten tonë, ku janë të përfshirë presidenti i Sienës, Mezorama, dhe trajneri i asaj kohe, Konte”. Këto kanë qënë fjalët e para të prokurorit të Kremonës, Roberto Di Martino, pas masave të fundit të marra në hetimin e cështjes “Last Bet”. Ai mundohet të shpjegojë më pas edhe pozicionin e Sienës, që është klubi më shumë i përfshirë në këtë cështje: “Masat e marra në këtë hetim i përkasin më shumë cështjes së Sienës më 2011. Ka disa deklarata që tregojnë se mund të kemi patur manipulime. Masat e marra nuk kanë qënë vetëm për futbollistët, por edhe për persona që bënin pjesë në stafin drejtues të skuadrës, përfshirë këtu edhe presidentin Mezaroma dhe trajnerit e atëhershëm Konte. Mbi Sienën është përqëndruar më shumë vëmendja jonë, por akoma nuk mund të thuhet gjithcka”.
Dyshime ka edhe mbi takimin Lece–Lazio të kampionatit 2010-2011, që sipas dëshmive që kanë dhënë disa prej elementëve të grupit hungarez, të dy klubet ishin në dijeni të trukimit. Sipas të akuzuarëve për këtë takim u investuan 2 milionë e 600 mijë euro për të korruptuar futbollistët. Di Martino shpjegoi gjithashtu edhe pozicionin e hungarezëve: “Ky grup ka zëvendësuar pjesërisht atë të ciganëve që pësuan arrestime në Kroaci për ndeshje të kampionatit vëndas. Megjithatë ka të dhëna për bashkëpunime ndërmjet hungarezëve dhe sllavëve ku ndeshja mbi të cilën bëhet fjalë është ajo Lece–Lacio por edhe Xhenoa–Lazio. Por grupi hungarez është i përfshirë edhe në ndeshje të tjera të Serisë A, si ajo Bari–Sampdoria”.
Në fund, Di Martino foli edhe për mbrojtësin e përfaqësueses italiane, Krishito, por edhe për kohëzgjatjen e këtij procesi. “Ndërhyrja në Koverciano nuk dëshiroj të zmadhohet, pasi u bë vetëm për Kriscito, asnjë prej futbollistëve të tjerë të Italisë nuk është i përfshirë. Nuk e di nëse jemi në fillim apo në fund, edhe sepse nëse një njeri dëshiron mund t’i shkojë deri në pafundësi një cështjeje. Do të jetë e pamundur që ky proces të zgjatet për shumë kohë, pasi edhe zyra ime nuk ka më vend për të përballuar të gjithë këtë punë”.

Reagimet

Trapatoni “Lajme shkatërruese.” Ky ka qenë reagimi i parë i Xhiovani Trapatonit në lidhje me zhvillimet e reja në futbollin italian. “Nëse gjyqësori është duke lëvizur për shkak se nuk është diçka e sigurt, – tha trajneri italian i Irlandës, – edhe pse unë jam jashtë shtetit për disa vite, duhet të them se kemi të bëjmë me një imazh të keq të futbollit tonë. Janë duke na përqeshur jashtë vendit. Fakti mbetet që ne jemi quajtur gjithmonë si mafiozë dhe kjo më dhemb shumë. Ky hetim, megjithatë, mund të japë një imazh të pastër në fund të tij, për të treguar fytyrën e futbollit.”

Spaleti “Krishito? Për të vija dorën në zjarr. Dhe besoj ende në pastërtinë e këtij futbollisti. Unë e njoh atë mirë, kam një marrëdhënie të përditshme, edhe pse jam në Rusi.” Kështu e ka komentuar trajneri italian i Zenitit, Luciano Spaleti, produktin më të freskët të Prokurorisë së Kremonezes, i befasuar nga përfshirja e Krishitos në këtë cështje. “Unë kam dyshime të forta për përfshirjen e tij në trukime ndeshjesh, duke ditur qetësinë dhe njohur mirë Krishiton, por është gjyqësia, duhet të bëjë punën e saj. Vetëm ajo duhet të hedhë dritë mbi cka po dëgjojmë. Unë ngul këmbë që Krishito është një njeri i madh, edhe lojtar i madh. Flas me dorë në zjarr për të, por drejtësia le ta thotë më mirë fjalën e vet përfundimtare.”
Përjashtimi i Krishitos nga kombëtarja? Spaleti jep mendimin e tij: “Është vetëm Prandelli që duhet të vendosë për këtë gjë.”

Galiani “Milani nuk është i përfshirë. Sot është dita për të folur drejtësia, ndaj ne duhet të heshtim,”- tha shefi ekzekutiv i Milanit, Adriano Galiani.

Moxhi “Konte i përfshirë? Unë e njoh atë si një njeri të punës dhe përpjekjeve për të arritur dicka vetëm përmes saj. Jini të kujdesshëm para se ta gjykoni një person, që nuk është shpallur i fajshëm.Dhe mos harroni se prapa ka edhe familje, që ka nevojë për mbrojtje, – ka thënë Luaciano Moxhi gjatë një lidhjeje telefonike me “Morning Five ‘. – Nëse këto akuza vërtetohen, Mishel Platini ka të drejtë kur thotë se këta lojtarë nuk duhet të luajë më futboll.”

Panorma Sport

[BlueBaron]

Listes se te hetuarve i eshte shtuar edhe Leonardo Bonucci.

Prandellit pak nga pak po i tkurret lista e lojtareve te grumbulluar ...