Blendi Fevziu: Përse humbi Edi Rama?

[REALIST]

Nga Blendi Fevziu

Perse humbi Edi Rama.


Një njeri që ulet përpara televizionit për të parë lajmet e shumta dhe shpesh tejet të bezdisshme politike; një shqiptar që navigon në internet në kërkim të një lajmi nga vendi i tij; një lexues gazete që u hedh një sy titujve të ditës për të marrë vesh diçka më shumë se ç’ndodh, nuk ka se si të mos jetë konfuz me atë që po ndodh ende në Tiranë. Të dyja forcat shpallin…fitoren dhe të dyja forcat falënderojnë votuesit për besimin që u dhanë në këtë sfidë. Natyrisht, rezultati i ngushtë të jep mundësi që ta quash veten fitues edhe kur ke humbur, ai mund të jetë ngushëllues në një farë mënyre edhe kur e di që administrimi i kryeqytetit do t’i takojë konkurrentit tënd; ai mund të lexohet edhe politikisht si një lloj barazie në qytetin më të rëndësishëm të vendit, por ai nuk mund të jetë në asnjë rast një rezultat ambig. Në Tiranë, dy konkurrentë e kanë humbur garën dhe një i tretë e ka fituar atë. Pa asnjë dyshim, së paku pas përmbylljes së procedurave të tejzgjatura dhe shpesh bezdisëse, Lulzim Basha është fitues i Tiranës, ndërsa Edi Rama dhe Hysni Milloshi e kanë humbur atë. Por, ndërsa përfaqësuesi i komunistëve të rrallë dhe besnikë të një kohe të harruar nuk ka pasur ndonjë pretendim, Edi Rama ende nuk duket se e pranon rezultatin në fjalë. Në disa raste rresht vetë ose përmes zëdhënësve të partisë, ai ka shënuar se fitorja e opozitës ka qenë mbresëlënëse dhe i është referuar momentit të mbylljes së numërimit, kur ende kryesonte me 10 vota ndaj Bashës.
Nuk dua të hyj në analizën e procedurës së numërimit të votës, në atë nëse Rama duhej shpallur fillimisht dhe nëse votat e kontestuara duheshin numëruar para apo mbrapa; nuk dua të gjykoj vendimet e KQZ apo të Kolegjit Zgjedhor. Shumë vetë e kanë bërë këtë me apo pa të drejtë. Çdo proces zgjedhor ka anët e tij të diskutuara dhe të komentuara. Dua të merrem me diçka tjetër. Përse unë besoj se Rama e ka humbur Tiranën dhe cilat qenë sipas meje shkaqet kryesore për këtë.
Rama ka humbur në Tiranë me afro 90 vota dhe këtë e kemi parë të gjithë. Pak rëndësi ka nëse votat e kontestuara numëroheshin para apo mbrapa, pavarësisht se opozita ka këmbëngulur që të quhen të pavlefshme. Ato vota janë shprehje e një vullneti të qartë dhe pas leximit të këtij vullneti në afro 250 mijë votues të Tiranës, Edi Rama është humbës i katërfishtë. I katërfishtë sepse:
Edi Rama ka humbur votën për Kryetar Bashkie i Kryeqytetit
Edi Rama ka humbur Këshillin Bashkiak të Tiranës, duke ia lënë këtë për herë të parë direkt nga zgjedhjet të djathtës që prej vitit 1996.
Edi Rama ka humbur 7 nga 11 minibashki në kryeqytet, gjë që s’kish ndodhur kurrë që nga viti 2000 kur ato u kompozuan.
Edi Rama ka humbur këshillat e Minibashkive, gjë që po ashtu s’kishte ndodhur për thuajse një dekadë.
Dhe e pesta, pa dyshim shumë e rëndësishme, i ka humbur këto duke mos qenë një kandidat i thjeshtë, por lideri i opozitës dhe kandidat për Kryeministër i Shqipërisë.
Nuk ka asnjë dyshim se një njeri që ka humbur në katër plane njëherazi, më shumë sesa të flasë për fitore, duhet të analizojë shkakun se përse e ka humbur këtë betejë. Përse ka hyrë në një betejë me një politikan që e ka quajtur sozi të Berishës dhe befas e ka parë veten të mundur nga sozia. Pyetja është ç‘do t’i kishte ndodhur shefit të opozitës sikur në vend të sozisë (siç pretendon ai), të ishte Berisha vetë?!
Arsyet e humbjes janë shumë komplekse dhe gjithkush mund të rendisë argumentet e tij. Po nuk ka asnjë dyshim se arroganca, mungesa e një programi, mungesa e sinqeritetit dhe besueshmërisë dhe mbi të gjitha teoria e përjashtimit kanë qenë faktorët kryesorë të humbjes së tij.
Arroganca është elementi kryesor që ka ndëshkuar politikanët më të rëndësishëm të këtij vendi në këto 20 vite të pluralizmit politik. Berisha në zgjedhjet lokale të 1992 dhe në referendumin e 1994; Meta në ngjarjet e 2002; Nano në zgjedhjet e vitit 2005 më shumë se sa nga gabimet e tyre janë ndëshkuar nga arroganca që kanë dëshmuar në pushtet. Ky element i patolerueshëm për shoqërinë shqiptare, çuditërisht është shpërfillur këtë herë nga Rama pa asnjë kuptim. Lideri i opozitës i dha vetes të drejtën të fyente kundërshtarin. Ta quante sozi, njeri që s’ekziston, një person që thjesht ha përshesh dhe merr urdhra nga shefi i tij. Rama e bëri këtë kudo, në kontrast me konkurrentin e tij që nisi një fushatë me disavantazh në pikë, por që e ngriti ndjeshëm nga dita në ditë falë thjeshtësisë, komunikimit normal e qytetar dhe një plani konkret. Shpërfillja e profesionistëve të fushave të ndryshme, tallja me televizionet, mungesa e një programi, fyerja ndaj kundërshtarëve erdhën e u bënë problematike duke i humbur çdo ditë liderit të PS mbështetjen në qytet. Në fund, edhe Rama vetë do ta ketë kuptuar që strategjia e një fushate civile dhe pa tension figuron më efikase sesa ajo e përbaltjes. Tirana dhe Durrësi janë shembujt më të mirë për këtë.
Mungesa e besueshmërisë dhe sinqeritetit qenë problemi i dytë i madh i tij. Rama nuk u tha qytetarëve se ai e donte Bashkinë thjesht për qeverinë, që nuk kishte më as kohë dhe as nerva për t’u marrë me Tiranën. Ai premtoi një fushatë mirëfilli politike, por në këtë fushatë nuk dha asnjë argument. Përkundrazi. U kompleksua në maksimum nga Basha dhe filloi ta imitonte atë si një diletant. Arriti deri aty sa veshi xhup të zi si Basha apo tentoi të imitojë të qeshurën simbolike të Bashës në postera me një ngërdheshje të sforcuar. Si çdo kopje e bërë me nxitim, edhe fushata e kopjuar e Ramës prodhoi premtime të pakuptueshme dhe asnjëherë të zbatueshme. Foli për qindra-mijëra vende pune, për qindra-mijëra metra katrorë gjelbërim, foli për tram e për tren, por e bëri këtë në mënyrën më të pabesueshme të mundshme. Kjo hallakatje e tij, por dukshëm e pasigurt, i bëri qytetarët të jenë dyshues dhe, nga ana tjetër, Bashën të duket një politikan i pjekur dhe shumë i qartë. Më shumë sesa fitore e Bashës, kjo ishte një humbje e Ramës.
Besueshmëria ishte po ashtu një dimension tjetër i munguar. Rama nuk e vendosi dot marrëdhënien e tij me qytetarët. Ai nuk u bë njeri i së nesërmes dhe besimit. Në vitin 2000 kam qëlluar ta ndjek nga afër fushatën e Ramës dhe kam qenë një mbështetës pa rezerva i tij. Ai u dha besim qytetarëve, ai i bëri ata të besojnë në një Tiranë më të mirë, të jenë entuziastë për Kryetarin e tyre të ardhshëm. I sinqertë apo fals, ai e arriti këtë. Ai ishte stari i ekraneve, ai ishte njeriu i planeve të detajuara, i frymës së re që sillte nga Perëndimi. 11 vjet më pas, ai shfaqej me një fytyrë të ngrysur, refuzonte të përballej në panele të pakontrolluara dhe donte t’i bindte qytetarët se jetojnë në Libi apo Tunizi, se e ardhmja do të ishte ndryshe, por fjala e tij nuk kishte inspirim. Ai e humbi këtë betejë dhe kjo betejë do ketë pasoja afatgjata për të.
Së fundmi dhe më e rëndësishmja është teoria e tij e përjashtimit. Një teori në kundërshtim me frymën dhe filozofinë që e solli atë në krye të PS. Në tetor 2005, kur Rama zuri vendin që Nano i kishte lënë vakant në krye të opozitës, ai pati vetëm një teori. Atë të bashkimit të së majtës. Rama e dinte që Nano doli në opozitë falë Metës dhe premtoi ta ndreqte këtë gabim. Ai e bëri këtë më 2007-n, por refuzoi ta bënte në 2009-n, kur çelësin e zgjedhjeve e kishte ai në dorë. Një koalicion me LSI do ta nxirrte atë fitues. Rama vendosi të luajë të gjitha për gjithçka. Në vend të përfshirjes, ai zgjodhi përjashtimin. Largoi Metën, flaku Nanon, nuk u dha asnjë rol aleatëve dhe përfundimi qe ai.
Në 2011-n, ai hyri në një betejë edhe më radikale. Kundër Berishës, Metës, Nanos, Idrizit, Bashës, Blushit, Malajt, Islamit, Harasanit e, madje edhe kundër Hysni Milloshit, që ia ktheu duke e nxjerrë nga zyra në Bashki.
Rama zgjodhi të përjashtonte dhe të ndante. Të ndante politikanë, parti, media, duke besuar tek një fitore deux ex machina, që natyrisht deri më sot, s’ka ndodhur në Shqipëri. E derisa s’ka ndodhur deri më sot, s’kishte pse të ndodhte këtë herë. Midis të mundurës dhe të pamundurës, Rama zgjodhi këtë të dytën dhe fitoi atë që desh, një humbje të shumëfishtë. Rama nuk duhet të përkëdhelet nga filozofia që i ofrohet nga disa, se një humbje kundër të gjithëve bashkë është më dinjitoze sesa një fitore me të gjithë bashkë. Natyrisht, as ai s’duhet ta ketë harruar që fitorja e Berishës në 2005-n erdhi pas 4 vitesh modelimi, në një kohë kur lideri i atëhershëm i PD thirri në ndihmë gjithë ata individë e parti që i kish përjashtuar dhe luftuar për 14 vjet me radhë.
Së fundi, Rama duhet ta kuptojë se rezultati i këtyre zgjedhjeve është kambana më e keqe për partinë e tij. Rezultati tregoi që votat nuk transferohen thjesht; se ato nuk merren pa një program dhe pa sinqeritet, por mbi të gjitha pa një koalicion të besueshëm dhe pa ndarë pushtet. Ndaj, më shumë sesa të merret me bindjen e të vetëve që i ka fituar zgjedhjet, Rama duhet të bindë partinë e tij se si do ta shmangë një humbje të re, se ç’do t’u ofrojë shqiptarëve për të ngjallur besim në zgjedhjet e vitit 2013 dhe si do ta justifikojë bilancin e tij. Një bilanc që s’po e bëj në këtë shkrim, por që pas 6 vitesh në krye të PS është katastrofë. Ndaj, kam bindjen se Rama duhet të shohë se si të ndryshojë filozofinë e tij politike, që të mos mundet për të katërtën herë.

Panorama.com.al

[Noellag]

Realisto, un mendoj qe Fevziu nuk ka te drejte, sepse fitorja eshte humbje dhe humbja eshte fitore

[Ozzy]

Ne kete rast me duket sikur po shan i dhj..ri m...in. Te dy kermojne ere antishqiptare.

[Hajrush]

Humbi sepse, Rama është ai tipi i cili pohon para zgjedhësve se dhe breshka leshet!



SALOFOBIA

Nuk e kam të qartë fobinë që e ka ky “alamet”burri ndaj Kryeministrit të Shqipërisë,Sali Berisha.Në një “studim”të sajuar pak më herë e të publikuar nëpër mediumet shqiptare,Salihun e krahason apo edhe e identifikon me kolonel Gadafin, tash paska ecur edhe një hap më tutje me shkrimin tjetër: “Berisha përçan shoqërinë shqiptare”.
Këtë “studim” e lexova me shumë vëmendje. E, sipas “analizës” që paska bërë Qosiqi, na dalka se shoqëria shqiptare na qenka shoqëri e përçarë,pra jo pluraliste e as demokratike. Pastaj,gjithënjë sipas gjurmimeve të tij , u ditka edhe adresa e kësaj përçarje. Prapë po them sipas shpurthjes së Qosiqit, fajtori na qenka Sali Berisha. Dhe-dhe, sipas hasllakatjes që paska bërë, e paska zbuluar edhe “ilaçin”, “barin shërues", për ta kthyer shoqërinë e përçarë, në shoqëri pluraliste, civilizuese,përparimtare,demek,demokratike.
Që të jem sa më besnik në pohimet e këtij pseudoananlisti,ja,lexojeni në original këtë pjesë të tekstit.Citim me Copy Paste:
” E unë, si pjesëmarrës në këtë shqyrtim të madh, që tani, me përgjegjësi politike, materiale, intelektuale dhe morale, të përtashme dhe historike, shpreh bindjen që do ta shprehja edhe në atë shqyrtim: shoqëria shqiptare do të fillojë të shërohet prej përçarjes së sotme, prej zvetënimit të sotëm dhe do të bëhet shoqëri pluraliste, domethënë demokratike, atë ditë kur Partia Demokratike e Shqipërisë të lirohet prej kryetarisë së Sali Berishës,dhe kur në Qeverinë dhe në Kuvendin e Shqipërisë të mos dëgjohet më Sali Berisha.
Atë ditë të pritshme, gjithnjë e më të afërtë, atë ditë edhe kryetarja e sotme e Kuvendit të Shqipërisë, prej së cilës atë ditë, po ashtu, do të lirohej ky Kuvend, do të fillonte të sillej si grua dhe partiake “normale”, atë ditë edhe pretorianet e tjera dhe pretorianët e tjerë të Sali Berishës do të fillonin të sillen si qytetarë normalë dhe si anëtarë normalë, domethënë si shumica e anëtarëve të tjerë, të Partisë Demokratike të Shqipërisë.
Dhe, atë ditë të bekuar Shqipëria jonë do të mund të fillojë të funksionojë si shtet i qytetëruar dhe demokratik, kurse shoqëria shqiptare si shoqëri pluraliste, e qytetëruar dhe demokratike.
Asaj dite i kushtohet puna ime mendore që prej shumë vitesh, prandaj edhe këto shkrime për Gazetën shqiptare”.

Ha, ha, haaaa!
Nuk po qeshëm me Rexhën, jo ore jo, por me xha Dylin.
Shumë vite më parë,në një odë burrash,plasi një sherr. Rastin e sherrit e kam harruar, ama përralla që pat treguar axha Dyl, ndjesë pastë, më kujtohet përpikë.
Ja verzioni origjinal i meselesë:

“Moti, në kohën e Turkut,mileti kishin marrë tërthurë. Nja, dy, përditë, kudo e kushdo shante keq e ma keq. Shka a ma e keqja, nisen me sha edhe gojën.Ky maskarallak ra në vesh te hyqymetit.Hyqëmtarët me kanun e sosen me nalue këtë pisllak. U tha trup e shkurti qi nihet dhe zihet tuj sha gojën, e pret denimi me vjerrje ne konop.Dhe, për ni kohë të gatë u shukat ky ves. Po, ni ditë, ni taksiratli e shau njanin mu në gojë.Shau rrast dhe ashiqare. E kapën përmenihere dhe e çuen te kadiu.
Kadiu nisi e po e pvetë:
-A asht e nimeshme se ti ke sha gojën?
-Po kadiefeni, e nimeshme a, ama nuk kam pas qare për pa e sha.
-A e din ti se për këtë qyfër dënohesh me vjerrje në konop?
-Po kadiefeni, e di, po nuk kam pase qare për pa e sha.
Kadiu pe kqyrë dhe po çuditet.
Kur, fap, me të shpejtë u çel dera.Njani me yrysh hini mrena dhe tuj dihat,nisi po i flet kadiut:
-Kadiefeni,para ni jave më ka dekë baba, a nana më ka pas dekë ma herët. Pra, baba e ka pas marrë ni nuse të re e te mirë. Tashti, ajo ka metë vejushkë. A ban me marrë unë për grue gruen e babës?
Kadiu ja zgurdulloi sytë e nuk po di shka me i than,kurse ai taksiratlia plasi.
-Uh gojën pata q…mos metsha! Bre gojën ta q.., po a mirret gruja e babës për nuse, he ta q… atë gojë të flliçtë!
Kadiu u kthye kah taksiratliu e po e ngon mirë tuj sha.
-O evlad, a qesi gojash shan ti, a?
-Po kadiefeni, qesi, qesi gojash shaj.
-Me kanun, ti je i lirë Djali jem, kurrë mos u nal tuj sha qesi gojash.Aferim të koftë!!!’’
Po më duket sikur po e shoh axhën Dyl duke e treguar meselenë.
Hadi Feri

[Sofi _]

Fevziu harron qe Rama ka plot 12 vjet si kryetar bashkie! Ato qe arriti Rama (per ato qe ishin ne te mire te qytetit po flas, jo te tjera) nuk e justifikojne mbajtjen e karriges per aq gjate.

Per krahasim, per aq vite Zogu (me italianet) ndertoi te gjithe qendren e Tiranes, perfshi rruget etj etj!

[juanito02]

Rama ka humbur se ka bere dhe ben gafen e madhe qe se quan regjimin e Salise diktature dhe ne baze te saj te gjeje mjetet adekuate per ta kundershtuar ate.
Ai eshte si gjithe dhjakonaret shqiptare qe pritnin qe Ahmet Zogu te semurej a ti binte ndonje fatkeqsi, qe iken nga syte kembet nga komunizmi dhe ju luten perendimit ta luftonte komunizmin e tu jepnin karriket e humbura.
Edhe Rama njelloj po pret qe Saline te keqen e madhe te kombit shqiptar tja heqin qafe te huajt, a ti ndodhe Salise nje semundje a nje fatkeqsi.

[OO7]

Do i thoja Fevziut dhe shum te tjerve qe mendojn si ai se ne Tirane kan votuar rreth 30 mij votues te terhequr ne Tirane kastile nga makineria e pushtetit, te ardhur nga veriu e qytete bastione te PD-s, por shumica te ardhur nga Kosova. Per 3 muaj rresht ne gjendjet civile ne minibashkite ka qen nje radhe jashtzakonisht e madhe e njerezve per regjistrim dhe pasaportizim ne Tirane, te gjith te ardhur nga zonat qe ju thash. Po ju tregoj nje rast qe e kam jetuar vet diten e zgjedhjeve, komshiu im demokrat i flakte nje nate perpara e kishte shpin e mbushur plot me Kosovare, reth 20 veta kan fjetur ne shpin e tij dhe ne mengjes kishin pushtuar lokalin e lagjes, skishte karrige per tu ulur, e pyeta pronarin e lokalit pse eshte gjith ky milet, ai me tha qe jan Kosovare qe kan ardhur te votojn, jan miqt e filanit, kan fjet te shpia e tij mbreme.
Kjo histori e vogel i jep kuptim shum te madh rezultatit te zgjedhjeve. Ne Tirane PD vetem ne mynyra te tilla mund te fitoje, edhe pse nuk fitoi realisht sepse tashme e dim te gjithe fatin e kutive te shqyera dhe fletve qe kan dal me shume se nr i votuesve. E dim te gjithe se kush i ka ruajtur ato kuti dhe se cfare mund te ken ber ata me ato kuti gjat kohes se pauzes.
Numerimi u be ne 11 KZAZ-t e Tiranes dhe fituesi doli. Ky fitues nuk u pranua nga Sali Berisha dhe beri kto qe beri qe i ka mar vesh gjith bota.

[Ozzy]

Blendi Fevziu nuk e ka piken e idese se cdo te thote politike ai eshte vetem nje spiun i shpifur pa moral e pa nder qe vjell vrerer per cdo njeri vetem po ti hedhesh nje cope kocke.
Duket ai qysh kur ben nje emision per identitetin e shqiptareve duke thirrur grekun asocial kurve piro misha zagari i qelbur.

[xhori]

Do i thoja Fevziut dhe shum te tjerve qe mendojn si ai se ne Tirane kan votuar rreth 30 mij votues te terhequr ne Tirane kastile nga makineria e pushtetit, te ardhur nga veriu e qytete bastione te PD-s, por shumica te ardhur nga Kosova. Per 3 muaj rresht ne gjendjet civile ne minibashkite ka qen nje radhe jashtzakonisht e madhe e njerezve per regjistrim dhe pasaportizim ne Tirane, te gjith te ardhur nga zonat qe ju thash. Po ju tregoj nje rast qe e kam jetuar vet diten e zgjedhjeve, komshiu im demokrat i flakte nje nate perpara e kishte shpin e mbushur plot me Kosovare, reth 20 veta kan fjetur ne shpin e tij dhe ne mengjes kishin pushtuar lokalin e lagjes, skishte karrige per tu ulur, e pyeta pronarin e lokalit pse eshte gjith ky milet, ai me tha qe jan Kosovare qe kan ardhur te votojn, jan miqt e filanit, kan fjet te shpia e tij mbreme.
Kjo histori e vogel i jep kuptim shum te madh rezultatit te zgjedhjeve. Ne Tirane PD vetem ne mynyra te tilla mund te fitoje, edhe pse nuk fitoi realisht sepse tashme e dim te gjithe fatin e kutive te shqyera dhe fletve qe kan dal me shume se nr i votuesve. E dim te gjithe se kush i ka ruajtur ato kuti dhe se cfare mund te ken ber ata me ato kuti gjat kohes se pauzes.
Numerimi u be ne 11 KZAZ-t e Tiranes dhe fituesi doli. Ky fitues nuk u pranua nga Sali Berisha dhe beri kto qe beri qe i ka mar vesh gjith bota.

kjo eshte e vertete, nje i afermi im qe eshte ketu ne itali i hipi avionit e shkoi ne tiran per te votuar per lulin, ky me banim eshte ne vlore

[Albo]

Po ju tregoj tre episode nga fushata e fundit, qe te kuptoni se perse humbi Rama ne zgjedhje, e pse do te humbi akoma me thelle ne zgjedhjet e ardhshme nese vazhdon te qendroje ne krye te PS.

- Nje mesuese ne Tirane, rreth te 50, qe per 18 vjet kish votuar per PS, kur doli nga qendra e votimit ne Tirane, pranoi qe ti jepte pergjigje njeriut te Exit Poll, qe po mblidhte informacion ne ate qender votimi. Kur personi e pyeti:

- Per ke votuat ne keto zgjedhje per Bashkine Tirane?
- Votova kunder Edi Rames, votova per Lulzim Bashen.
- Mund ta di se cila ishte arsyeja perse votuat per Bashen?
- Nuk do t'ia fal kurre Edi Rames ate qe beri ne 21 janar, kur im bir ishte ne shesh, mes plumbave dhe ai maje pallatit. Nuk jam shqetesuar me shume ndonjehere ne jeten time nga meraku per femijet, se sa ate dite.


Kurse nje pensionist qe doli nga nje qender tjeter votimi, i bene te njejten pyetje. Edhe ky komunist i thekur qe gjithe keto vite kish votuar per PS.

- Per ke votuat ne keto zgjedhje?
- Per here te pare ua dhashe voten demokrateve.
- Cila ishte arsyeja qe votuat per demokratet?
- Saliu me rriti pensionin, kurse socialistet e mi kur ishin ne pushtet nuk u kujtuan per ne pensionistat.


Ne nje fshat te Durresit, nje vezhgues vendor po vezhgonte zgjedhjet ne nje zone rurale. Takohet me nje fshatarin e zones qe sapo kish votuar dhe e pyet:

- A mund t'iu pyes se per cilin kandidat votuat?
- Votova per kandidatin e demokratikes. Me beso, qe eshte hera e pare qe votoj per demokratet, kam votuar gjithmone per socialistet, jemi familje komunistesh.
- Perse zgjodhet qe kesaj here te votonit per demokratet?
- Ne keto 18 vjet, ne te gjitha zgjedhjet qe jane bere, kam takuar 2 here kreun e PD, Sali Berishen, i cili ka ardhur dhe ne zonen tone per fushaten, bile me ka dhene edhe doren, edhe pse une asnjehere nuk kam votuar per te. Kurse keta te PS, asnjehere nuk kujtohen qe te vijne te bejne fushate ne fshatin tone, por na dergojne socialistet e Durresit qe te na kujtojne te votojme.

Keto tre episode, deshmojne me se miri, se perse Rama humbi zgjedhjet vendore ne Tirane e ne mbare Shqiperine. Nese do ta permblidhja me nje fjali, Rama humbi pasi ai kujton se shqiptaret jane budallenj, dhe ai eshte aq i zgjuar, sa i ushqen shqiptaret edhe me lugen bosh.

Albo