Publikuar: 28.06.2011 - 14:48
Graçanicë, 28 qershor – Patriku serb Irinej në ditën e Vidovdanit, sot, u është drejtuar besimtarëve e të tjerëve në Graçanicë me porosi nacionaliste e luftënxitëse, pavarësisht nga frazat që ndonjëherë tingëllojnë paqësore. Në fjalimin përfundimtar, patriarku serb Irinej thirri popullin serb që nëse të jetë nevoja të flijohen, për këtë, siç e quajti ai tokë të shenjtë serbe.
“Kosova është tokë e bekuar, ku ka vend për të gjithë njerëzit e vullnetit të mirë”, ka thënë ai dhe ka shtuar se do të bëhet çdo gjë që ajo të jetë e të mbetet serbe, ashtu siç ka qenë gjatë gjithë historisë.
“Sot kur janë shtrirë shumë duar drejt Kosovës, asnjëherë nuk duam dhe nuk mund të pranojmë që Kosovën ta marrim nga Serbia. Ky është vend i shenjtë serb i lagur me gjak, i çimentuar me eshtrat e martirëve të shenjtë. Çmimi i gjakut është çmimi më i shtrenjtë i paguar në diellin e qiellin. Me këtë çmim është paguar Kosova”, është shprehur patriku duke iu drejtuar besimtarëve pas liturgjisë, në portin e Manastirit të Graçanicës, citojnë mediet serbe.
“Si mund të lihet toka e cila është njomur me gjak, si të lihet toka në të cilën ndodhen tempujt tanë më të mëdhenj dhe i gjithë farës kristiane, si të lihet toka pa kokë e zemër e shpirt, prandaj jemi sot këtu, në këtë ditë të shenjtë t’i tregojmë botës, para se gjithash vetes se ne jemi pjesë e pandarë e kësaj toke të shenjtë dhe të bekuar”, citojnë atë mediet.
Patriku Irinej ka pyetur: “Si mund të mbetet Serbia pa Kosovën e të jetë e të mbetet Serbi? Ky do të ishte trup ka kokë, pa bukë, pa diell dhe pa drejtësi”, ka thënë patriku. Manifestimet e Vidovdanit pastaj kanë vazhduar me ndarjen e mirënjohjeve “Nëna e Nëntë Jugoviqve” për familjet që kanë 4 fëmijë e më shumë.
Në këtë manifestim të pranishëm ishin shumë figura nga jeta publike serbe, si Oliver Ivanoviq, ministri Goran Bogdaniviq, Rada Trajkoviq dhe princi Aleksandar i Serbisë me gruan e tij.
Koha.net
---------------------------------
Nese deshironi ta dini se cfare kane ne zemer serbet,degjojini fjalet e klerikeve te tyre,ata perfaqesojne me se miri mentalitetin e egersirave ruse qe gjinden ne ballkan.
Çmenduria e te ashtuquajturve klerik ska te ndalur as sot,12 vite pas perfundimit te luftes ne Kosove.Pas gjithe atij masakrimi kunder shqiptareve,perndjekjes,gjenocidit ende i njejti mentalitet si i kohes se Millosheviqit,i kohes se Rankoviqit etj.
Retorike e njejte urrejteje ndaj shqiptareve,shovinizem.
Mentaliteti serb ende ska nderruar per Kosoven dhe sic duket nuk do nderroj.
P.S. Gjersa nenat shqiptare qanin dhe qajne per bijte e vrare te tyre ,serbet "qajne"per kishat e tyre.Qfare çmendurije.
Përgjigju Duke Cituar
Postuar më parë nga _MALSORI_
Krijoni Kontakt