Berisha kundër FMN: S’do rrisim taksat, do rrisim pagat e pensionet

[Albo]

Deklarata e ministrit te Financave në konferencën e përbashkët për shtyp me shefin e misionit të FMN-së dhe Guvernatorin e Bankës së Shqipërisë.

Edhe në vitin 2011 Shqipëria pritet të jetë në krye të rritjes ekonomike, me nivelin 5 %

Deklarata e ministrit te Financave në konferencën e përbashkët për shtyp me shefin e misionit të FMN-së dhe Guvernatorin e Bankës së Shqipërisë


Prej disa ditësh misioni i FMN-së për Shqipërinë ka qenë në Tiranë në vizitën e rradhës për të verifikuar zhvillimet më të fundit në ekonominë e vendit tonë dhe njëkohësisht për t’u njohur me programin e qeverisë për periudhën në vijim.
Në vlerësimet më të përgjithshme dëshiroj të shpreh edhe një herë pozicionin e Ministrisë së Financave. Viti 2011 po vijon përsëri me një trend pozitiv në rritjen ekonomike dhe sikurse në dy vitet e shkuara kur presioni i krizës globale ka qenë i dukshëm dhe kur zhvillimet në rajon dhe më gjerë kanë qenë tërësisht të padëshirueshme dhe negative, edhe në këtë vit pritet që Shqipëria të jetë në krye të rritjes ekonomike, por sigurisht jo në nivelet e shpresuara në programimin e fundvitit të kaluar. Mendohet që rritja ekonomike të shkojë në 5 % të PBB-së nga rreth 4 % që ishte në vitin 2010.
Zhvillimet për gjatë kësaj periudhe kanë vërtetuar një devijim nga programi në drejtim të realizimit të të ardhurave dhe kjo për motive që lidhen me ritmin e rritjes së ekonomisë, por njëkohësisht dhe për efekte të tjera zhvillimi në ekonominë reale dhe në sistemin financiar, të cilat kanë në thelbin e tyre përpjekjet për të riadoptuar strategjitë e bizneseve, për të ristrukturuar në mënyrë të brendshme secila prej kompanive por edhe gjithë tregu ekonomia reale dhe ajo monetare në tërësi, strategjitë e tyre me zhvillimet më të fundit në ekonominë globale dhe realitetin shqiptar. Në këtë kuptim pra, janë një sërë ndryshimesh nga ecuria e deritanishme e ekonomisë reale që kanë të bëjnë me kërkesën për të riadoptuar konkurencën më të fortë në nivelin e çmimeve në kushtet e reja, për të përmendur këtu tregun e telekomunikacioneve i cili jep impaktin e drejtpërdrejtë në nivelin e të ardhurave buxhetore dhe njëkohësisht një sërë kompanish dhe biznesesh të tjera që kërkojnë riadoptimin e tyre. Patjetër që është një periudhë e kryerjes së investimeve në ekonominë reale. Mjafton të përmend që duke krahasuar 5 mujorin e parë të këtij viti, rreth 25 % më shumë është vlera e importeve të makinerive dhe pajisjeve, të cilat janë jashtë taksimit dhe kanë afat shlyerje. Kjo do të thotë se e gjithë rritja e importeve të këtij viti është për efekt të shtimit të makinerive dhe pajisjeve. Dhe së fundmi përpjekje edhe nga administrata për të përmirësuar raportet dhe sjelljen me bizneset, duke përshpejtuar rimbursimin e TVSH – së. Nëse në vitin e kaluar, vlera totale e rimbursuar arriti në shumën 9 miliardë lekë të reja, në 5 mujorin e parë të këtij viti kemi një rritje me rreth 25 % më shumë nga viti i kaluar. Kjo është për shkak se administrata tatimore ka krijuar një bazë të dhënash elektronike me të gjitha raportet dhe veprimet që ka me biznesin, ndërkohë që vitet e mëparshme ky lloj raporti nuk ekzistonte.
Nisur nga këto zhvillime pra, qeveria ka njoftuar nismën e saj për rishikimin e buxhetit gjatë muajit qershor dhe për ta kaluar për miratim në Kuvendin e Shqipërisë. Ky rishikim do të synojë të adaptojë objektivin për të mbajtur një deficit për gjatë vitit 2011 në nivelin 3.5 % të PBB-së dhe për të ulur në këtë drejtim një sërë shpenzimesh sipas institucioneve që do të mundësonte arritjen e këtij objektivi. Qeveria shqiptare është e përcaktuar për të rivendosur ekuilibrat makroekonomik në pozicionet më të përshtatshme për zhvillimin shpejtë të ekonomisë reale. Ajo që u vërejt vitin e kaluar, deklarimi i prosperitetit financiar të qeverisë, financave publike, ajo që është duke u ndërmarrë nga një sërë vendesh do të vijojë edhe për vitin 2011 dhe do të jetë në perspektivë njëri prej objektivave kryesorë të qeverisë. Stabiliteti financiar i vendit, stabiliteti fiskal i vendit do të mbeten objektivave qenësorë të qeverisë për të ndihmuar ekonominë reale që të progresojë me ritmet e saj të natyrshme. Në këtë drejtim është e domosdoshme që programimi dhe modelet programuese të qeverisë të jenë sa me realiste, duke abstraguar në këtë fazë nga një optimizëm që ne e kemi pasur për shkak të dinamizmit që ka pasur vetë ekonomia shqiptare dhe duke ju drejtuar objektivave më realiste.
Në kuadër të këtij stabilizimi afatmesëm, ne do të synojmë që borxhi publik i vendit të mbetet në të njëjtat nivele ose të fillojë të ulet në mënyrë graduale drejt një objektivi për një borxh publik më të ulët.
Duhet thënë që është pozitive për vendin tonë që në periudhën e krizës, shtimi borxhit publik ishte inekzistent ose me rritje prej 1 – 2 pikësh, ardhur kryesisht nga zgjidhja e borxheve të huaja të vendit përgjatë periudhës komuniste. Por duke qenë se ne kishim një nivel të lartë të borxhit publik, konsiderohet i lartë nga partnerët tanë ndërkombëtarë, mbetet objektiv për qeverinë shqiptare që ky borxh të mund të shërbehet në mënyrë më të sigurt përmes instrumenteve financiarë tashmë të njohura. Ne jemi pjesë e tregut financiar global dhe përmes instrumenteve të brendshme, të cilët do të synojnë zgjatjen e maturimit të mëtejshëm të shërbimit të borxhit publik të vendit. Edhe pse kemi trefishuar në krahasim me pesë vitet e shkuara, afatin mesatar të shërbimit të borxhit të brendshëm, përsëri mbetet në strategjinë tonë një shërbim më i qëndrueshëm për të mënjanuar çdo risk që mund të vijë nga borxhi publik dhe mbetemi të përcaktuar në strategjinë tonë, që gjithnjë e më shumë projektet e investimeve të mëdha publike të mund të financohen përmes bankave të zhvillimit, me afat të gjatë maturiteti dhe me norma të ulëta interesi. Kjo do t’i jepte një frymëmarrje më të madhe tregut tonë të brendshëm financiar dhe financimit të ekonomisë reale. Në tërësinë e tyre çmoj se konsideratat përputhen dhe aksionet e ndërmarra nga qeveria po ashtu. Dua të deklaroj se në programin tonë të stabilitetit financiar afatmesëm, nuk do të ketë instrumente të rritjes së taksave. Ne mendojmë që është e mjaftueshme që në krahun e shpenzimeve të veprohet me maturi, duke përzgjedhur prioritetet dhe duke mbështetur në mënyrë graduale prioritetet më kryesore dhe që kanë efektshmëri kthimi më të lartë për ekonominë shqiptare.
Falënderoj edhe një herë misionin e FMN-së për angazhimin, seriozitetin e punës që bënë këto ditë, duke garantuar bashkëpunim të vazhdueshëm me Fondin por edhe me institucione të tjera që asistojnë Shqipërinë përgjatë kësaj periudhe.

Ministria e Financave

[Albo]

Buxheti, Bode: Shkurtime shpenzimesh në masën e 18.3 mld

TIRANE-Komisioni i Ekonomisë ka nisur diskutimin per sot rishikimin e buxhetit të shtetit ku sipas ndryshimeve të bërë shkurtimet parashikohen të kapin shifrën e 18.3 miliardë lekëve.

Ministri i Financave, Ritvan Bode ka deklaruar sot se buxheti duhet të rishqyrtohet dhe për këtë do të duhen 18.3 miliardë lekë ulje e shpenzimeve administrative.
Duke u ndalur në projektin e buxhetit për pjesën tjetër të vitit, Bode tha se shkurtimet në buxhet parashikohen 18.3 miliardë lekë, ndërsa të ardhurat do të jenë 14 miliardë lekë më pak se parashikimi në fillim të vitit. "Shkurtimet e parashikuara në këtë p/buxhet suplementar nuk do të prekin prioritetet, që do të thotë investimet publike, por shpenzimet operative në të gjitha institucionet", deklaroi kreu i financave publike.

Pasi paraqiti situatën ekonomike për gjysmën e parë të vitit, Bode tha se ekonomia shqiptare i bëri ballë krizës ekonomike globale, por gjithsesi, tha ai, ndjeu efektet e saj. Megjithë ngadalësimin e pranuar të rritjes ekonomike për shkak të situatës në eurozonë, vijoi ministri i Financave Bode, normat e interesit janë të stabilizuara.
Ministri tha se madje se këtë vit ka patur një ngadalësim të rritjes ekonomike dhe kjo për faj të situatës ekonomike në rajon.
"Efektet e krizës ekonomike globale në vendet e eurozonës u ndjenë edhe në ekonominë tonë dhe kjo pasqyrohet në nivelin e të ardhurave, të cilat do të jenë rreth 14 miliardë lekë më pak se parashikimi në fillim të këtij viti, por normat e interesit janë të stabilizuara", deklaroi Bode.

Por, kreu i financave publike siguroi se rritja ekonomike e vendit do të jetë pozitive dhe më e lartë se një vit më parë. Rritja ekonomike për vitin 2011, bëri të ditur Bode, do të jetë 5%.

Bode siguroi gjithashtu se borxhi publik i vendit nuk do të pësojë rritje, por do të mbetet në të njëjtët parametra prej 59.7 % dhe se defiçiti buxhetor do të jetë 3.5 %.
Ministri Bode u shpreh se edhe këtë vit do të ketë rritje të pagave dhe pensioneve. Sipas tij, fondi për pensionet, sigurimet shoqërore dhe shëndetësore, nga 54 miliardë lekë në vitin 2005, në vitin 2011 llogaritet 135 miliardë lekë.
Komisioni Parlamentar i Ekonomisë dhe Financave miratoi në parim vetëm me votat e maxhorancës, pasi deputetët e opozitës nuk ishin të pranshëm në mbledhjen e komisionit, p/buxhetin suplementar të vitit 2011.
Ndërkohë, p/buxheti pritet të kalojë të enjten në seancë plenare për diskutimin në parim dhe më pas do të rikthehet sërish në Komisonet Parlametare për diskutimin nen për nen.
Në buxhetin e shtetit për vitin 2011 të miratuar, të ardhurat llogariteshin 362 223 milionë lekë, shpenzimet 409 035 milionë lekë dhe defiçiti 46 812 milionë lekë. Ndërkohë, të ardhurat nga pushteti vendor llogariteshin 31 772 milionë lekë.

(d.b/BalkanWeb)

[Albo]

Fjala e Guvernatorit të Bankës së Shqipërisë z. Ardian Fullani në konferencën e përbashkët për shtyp me Ministrin e Financave dhe Shefin e Misionit te FMN në Shqipëri

Data e publikimit 22.06.2011

Të nderuar përfaqësues të medias,

Sikurse jeni vënë në dijeni, gjatë dy javëve të fundit ka qenë i pranishëm në Shqipëri një ekip i Fondit Monetar Ndërkombëtar (FMN), i kryesuar nga zoti Bell. Gjatë kësaj periudhe kemi patur diskutime intensive në lidhje me zhvillimet aktuale ekonomike, ecurinë e pritur të tyre në të ardhmen, dhe natyrisht mbi orientimin e duhur të politikave makroekonomike. Më lejoni të theksoj se kjo vizitë, duke qenë në kuadrin e Diskutimeve të Artikullit 4, u përqendrua gjithashtu në çështje strukturore të ekonomisë shqiptare, duke vënë theksin në hapat që duhen ndjekur për të garantuar një zhvillim të qëndrueshëm e afatgjatë të vendit.

Cilat kanë qenë shkurtimisht çështjet kryesore të diskutuara?


Së pari, të para në tërësinë e tyre, zhvillimet ekonomike e financiare të vitit 2010 dhe ato të muajve të parë të vitit 2011, treguan se ekonomia shqiptare përballoi me sukses efektet e krizës botërore dhe gëzon parakushtet e nevojshme për të prodhuar rritje ekonomike edhe në të ardhmen. Kërkesa e huaj ka qenë kontribuuesi kryesor në rritjen ekonomike të vitit 2010, ndërkohë që viti në vazhdim pritet të karakterizohet nga një gjallërim i kërkesës së brendshme, por edhe një rritje më e ngadaltë e eksporteve shqiptare. Në aspektin makroekonomik, situata paraqitet përgjithësisht e balancuar, e karakterizuar nga inflacion i ulët dhe nën kontroll, nga një sistem financiar i sigurt, likuid e i mirëkapitalizuar, nga tregje financiare në përmirësim dhe nga një pozicion i përmirësuar i llogarisë korente. Këto zhvillime pasqyrojnë ndër të tjera edhe politikat e ndjekura për këtë qëllim, të cilat kanë rezultuar efektive në amortizimin e goditjes së madhe që morëm nga kriza botërore. Gjej me vend të theksoj se puna e Bankës së Shqipërisë për të kontrolluar inflacionin dhe për të ankoruar pritjet inflacioniste, si dhe masat tona rregullatore e mbikëqyrëse për të siguruar qëndrueshmërinë e sistemit financiar, ulën kostot e përballimit të goditjes dhe shmangën pasojat më të padëshiruara të saj.

Së dyti, në lidhje me ecurinë e pritur të ekonomisë në horizontin afatmesëm e afatgjatë, përfundimi i arritur pas konsultimeve të dy javëve të fundit ishte se ekonomia shqiptare pritet të mbetet në territore pozitive të rritjes ekonomike. Megjithatë, ritmi i rritjes ekonomike do të varet dukshëm nga rigjallërimi i kërkesës së brendshme, e cila vuan ende nga pasiguria që lidhet me zhvillimet e brendshme dhe të huaja. Konsumi dhe investimet vijojnë të vuajnë nga një dozë e shtuar kujdesi e agjentëve ekonomikë, ndërkohë që kushtet financiare dhe aftësia e sistemit bankar për të mbështetur ekonominë me kredi paraqiten në përmirësim. Nga ana tjetër, inflacioni i rritur i muajve të parë të vitit 2011 pritet të vijë duke rënë në periudhën e ardhme. Kjo pasqyron si origjinën e tregut të huaj të goditjeve që sollën rritjen e çmimeve, ashtu edhe kushtet e brendshme ekonomike e financiare, si dhe politikën tonë monetare.

Diagnostikimi i përbashkët i ekonomisë shqiptare, identifikoi sektorin fiskal dhe atë jashtëm të ekonomisë si dy fusha të cilat do të kërkojnë vëmendjen dhe punën tonë në të ardhmen.

Për sa i përket financave publike, Banka e Shqipërisë e ka theksuar me kohë se qëndrueshmëria afatgjatë e tyre përbën një parakusht për rritjen e qëndrueshme ekonomike. Kanalet nëpërmjet të cilave tregues si deficiti buxhetor dhe borxhi publik ndikojnë tregjet financiare dhe më tej ekonominë reale, i kemi përditë të ilustruara në shtypin botëror. Duke mbetur të bindur se ekonomia shqiptare do të përfitonte në terma afatmesëm dhe afatgjatë nga reduktimi i borxhit publik, ne kemi inkurajuar dhe mbështetur të gjitha masat e marra për këtë qëllim. Gjykojmë se kjo filozofi duhet të qëndrojë në bazë të rishikimit të pritur të buxhetit për vitin 2011, por edhe të projekteve afatmesme e afatgjata të financave publike.

Sektori i jashtëm i ekonomisë është një tjetër fushë e cila përbën një dobësi strukturore të ekonomisë shqiptare. Pjesërisht edhe në përgjigje të këtij shqetësimi, Banka e Shqipërisë ka theksuar vazhdimisht nevojën për thellimin e reformës strukturore, në mbështetje të një modeli të ri të rritjes e të zhvillimit të ekonomisë shqiptare. Ky model duhet të kalojë detyrimisht nga një rritje e produktivitetit dhe konkurrueshmërisë së produkteve e shërbimeve tona në të tregjet e brendshme dhe të huaja.


Nga ana tjetër, ai kërkon edhe një qëndrim më racional të sektorit privat të ekonomisë ndaj kontekstit ekonomik në të cilin ndodhemi, si dhe një administrim më të kujdesshëm të rreziqeve financiare që e shoqërojnë atë. Përtej kësaj, ekonomia shqiptare duhet të bëhet sa më atraktive për investitorët e huaj, nëpërmjet përmirësimit të vazhdueshëm të klimës së biznesit, përmirësimit të kuadrit ligjor dhe të zbatimit të tij, si dhe të ofrimit të një fuqie punëtore të edukuar dhe me kosto atraktive.

Së treti, dhe të para në kontekstin e ekspozuar më sipër, politikat tona duhet të mbeten të kujdesshme për të garantuar ekuilibrat makroekonomikë të vendit. Siç e theksova dhe më parë, një nga mësimet e periudhës së krizës është se parandalimi është mënyra më e mirë e kurimit. Në këtë kontekst, të gjitha masat politike e strukturore që i shërbejnë stabilitetit, kanë një ndikim pozitiv në afatin e gjatë.

***

Gjatë këtyre diskutimeve kam konstatuar me kënaqësi se ndajmë vlerësime të njëjta me Fondin Monetar Ndërkombëtar dhe Ministrinë e Financave mbi nevojën për ruajtjen dhe forcimin e mëtejshëm të stabilitetit makroekonomik. Po kështu, gjykoj se ekziston një konsensus modern e funksional në ndarjen e detyrave midis dy institucioneve qendrore të administrimit makroekonomik (bankës qendrore dhe Ministrisë së Financave), si dhe një angazhim konkret për vazhdimin e këtij bashkërendimi edhe në të ardhmen. Duke mbyllur këtë komunikim, dëshiroj të theksoj edhe një herë se Banka e Shqipërisë mbetet tërësisht e angazhuar në respektimin e objektivit të saj të inflacionit prej 3 %, duke vazhduar të orientojë politikën e saj monetare ekskluzivisht në funksion të tij.

Banka e Shqiperise

[fattlumi]

Sec kam nje pershtypje se kjo FMN,jo rralle here ka gabuar,kemi rastin ne Kosove kur ndaloi 140 milion euro gjersa Greqise i jap me miliarda,dhe ate pa mbulesa,sepse po i jep nje shteti qe eshte duke falimentuar.Po te ishte ne nje gjendje te tille Shqiperija a besoni se do e jepte te njejten ndihme edhe per Shqiperine??

Ja dyfytyresija e FMN-se kundruall shteteve te ndryshme,gjersa kritikon Shqiperine dhe Kosoven i jep Greqise 3.2 miliarde euro.


Publikuar: 09.07.2011 - 11:45

Washington, 9 korrik Fondi Monetar Ndërkombëtar tha se po i lëshon Greqisë 3.2 miliardë euro, si pjesë të paketës së përbashkët të shpëtimit me Bashkimin Evropian, për shtetin e kapluar nga kriza e borxheve.

Shefja e re e FMN-së, Christine Lagardw theksoi se pakoja e shpëtimit për Greqinë “do të japë rezultate të rëndësishme”, njofton REL.

FMN tha se Athina ka bërë “përparim” në reforma, dhe parashikoi se vendi do t’i kthehet rritjes pozitive ekonomike në gjysmën e parë të vitit 2012.

koha.net

[martini1984]

Ja dyfytyresija e FMN-se kundruall shteteve te ndryshme,gjersa kritikon Shqiperine dhe Kosoven i jep Greqise 3.2 miliarde euro.


Publikuar: 09.07.2011 - 11:45

Washington, 9 korrik Fondi Monetar Ndërkombëtar tha se po i lëshon Greqisë 3.2 miliardë euro, si pjesë të paketës së përbashkët të shpëtimit me Bashkimin Evropian, për shtetin e kapluar nga kriza e borxheve.

Shefja e re e FMN-së, Christine Lagardw theksoi se pakoja e shpëtimit për Greqinë “do të japë rezultate të rëndësishme”, njofton REL.

FMN tha se Athina ka bërë “përparim” në reforma, dhe parashikoi se vendi do t’i kthehet rritjes pozitive ekonomike në gjysmën e parë të vitit 2012.

koha.net

Qeveria jone ti bej kerkese zyrtare me goje FMN perse ndihmon Greqine?
Ne borxhe nuk kemi prandaj do rrisim propaganden........dhe populli do kenaqet.
PS: 1700 leke dieseli????????????????
Hajde........

[Gordon Freeman]

Qeveria jone ti bej kerkese zyrtare me goje FMN perse ndihmon Greqine?
Ne borxhe nuk kemi prandaj do rrisim propaganden........dhe populli do kenaqet.
PS: 1700 leke dieseli????????????????
Hajde........

kur i Berisha i ngrit taskat dhe ul pagat at`here Shqiperia merr fonde

[kleadoni]

Ja dyfytyresija e FMN-se kundruall shteteve te ndryshme,gjersa kritikon Shqiperine dhe Kosoven i jep Greqise 3.2 miliarde euro.


Publikuar: 09.07.2011 - 11:45

Washington, 9 korrik Fondi Monetar Ndërkombëtar tha se po i lëshon Greqisë 3.2 miliardë euro, si pjesë të paketës së përbashkët të shpëtimit me Bashkimin Evropian, për shtetin e kapluar nga kriza e borxheve.

Shefja e re e FMN-së, Christine Lagardw theksoi se pakoja e shpëtimit për Greqinë “do të japë rezultate të rëndësishme”, njofton REL.

FMN tha se Athina ka bërë “përparim” në reforma, dhe parashikoi se vendi do t’i kthehet rritjes pozitive ekonomike në gjysmën e parë të vitit 2012.

koha.net

Po ca dyftyresi ore fatlum? FMN-ja eshte e "detyruar" ti japi ndihma greqise sepse eshe pjese e BE, e demet e kesaj gjendje demtojne tere shtet pjesemarrese ne BE. Nuk eshte e njejta gje te japesh nje mendim-kritik e te japesh leket per dalje nga kriza... Te mos ishte pjese e BE nuk do ishte ne kete gjendje greqia, por do kishte shitur gjysmen e ishujve, se shtetet e europes do e ndihmonin njehere por jo tre here ( e behet fjale per ndihma me miliarda euro).

[Deni_Boy]

TIRANE- Tatimet dhe doganat po hasin vështirësi në mbledhjen e shumë taksave, që janë bazë për arkën e shtetit. Në raportin fiskal për periudhën janar-prill 2011, të hartuar nga ministria e Financave vihet re se të ardhurat në buxhet kanë qënë 103, 7 mld lekë, ose 4,4% më pak se parashikimi.

Kundrejt një viti më parë, kemi një rënie më 0,8%. Nga analiza që ka bërë dikasteri i Financave rezulton një rënie e të ardhurave nga TVSH-ja. Gjithsej për 4-mujorin, nga kjo taksë janë grumbulluar 34,9 mld lekë, ose 0,4% më pak se një vit më parë. Ndikimin kryesor për mosrealizim, e të ardhurave nga TVSH-ja e ka njësia e tatimpaguesve të mëdhenj, pasi një numër i konsiderueshëm kompanish të mëdha, kanë pagesa më të ulëta se një vit më parë, një diferencë që vlerësohet në 2,3 mld lekë. Të ardhurat nga taksat doganore gjithashtu janë në rënie me 8% kundrejt parashikimit, ndërkohë që të ardhurat nga akciza kanë mbetur në të njëjtin nivel të një viti më parë, në rreth 10,3 mld lekë.

Rënie konstatohet edhe tek të ardhurat që mblidhen nga pushteti vendor. Sipas ministrisë së Financave, për periudhën janar-prill ato arritën në 4,9 mld lekë, nga 5,1 mld të planifikuara në buxhetin 2011. Ndërkohë që kundrejt një viti më parë janë rreth 3% më të ulta. Probleme bashkitë dhe komunat po hasin edhe në mbledhjen e taksës së pasurisë. Ministria e Financave shpjegon se për nivelin ende të lartë të informalitetit, ka mjaft vështirësi në vlerësimin e bazës së taksueshme, për arsye të mangësive në deklarimin real të pasurive. Për 4-mujorin taksat mbi pasurinë arritën në 862 mln lekë, ose 3,3% më të ulëta se një vit më parë.

Një ndër taksat që ka mundësuar mbushjen e arkës së shtetit është tatimi mbi të ardhurat personale, që paguhet në masën 10% të pagës mujore, nga cdo punonjës në sektorin publik dhe privat. Nga kjo taksë u mblodhën në 4 muajt e parë të vitit 9 mld lekë, me rritje 9% në krahasim me të njëjtën periudhë të vitit të kaluar. Rritje vihet re edhe te të ardhurat nga tatimi mbi fitimin, ku për 4 mujorin u mblodhën 7,7 mld lekë, me rritje 21% kundrejt vitit të kaluar.

Performancë pozitive konstatohet edhe tek të ardhurat nga taksat nacionale, ku në total janë mbledhur për 4 muajit e këtij viti 6,4 mld lekë me rritje 25,6%. Mosrealizimi i të ardhurave të planifikuara detyroi qeverinë që të rishikonte buxhetin e këtij viti duke reduktuar me 14 mld lekë planin. Drafti u miratua në parim vetëm me votat e mazhorancës, të enjten e kaluar në parlament.