TIRANE- Kryeministri Berisha deklaron se nuk do të ndjekë sugjerimet e Fondit Monetar Ndërkombëtar por do të vazhdojë me reformat ekonomike duke mos rritur taksat por duke rritur pagat dhe pensionet.
Në mbledhjen e sotme të Grupit Parlamentar PD, Berisha nënvizoi se qeveria do të vazhdojë me reformat ekonomike, dhe se modeli ekonomi i Shqipërisë funksionon. "Ka qenë i sukseshëm, dhe është shoqëruar me investimet më të mëdha në infrastrukturë dhe në rënie të ndjeshme të papunësisë. Janë shifra reale"- nënvizoi Berisha.
BASHKEPUNIMI ME OPOZITEN
Fillimisht kryetari i maxhorancës u ndal në vizitën që zhvilloi javën e kaluar në Bruksel, ku ishte i futar në samitin e Partisë Popullore Europiane.
Kryeministri përshëndeti 35-vjetorin e themelimit të Partisë Popullore Europiane. Ai vlerësoi takimin me liderë të shteteve, si Merkel, dhe zyrtarë të lartë të PPE si moment “i shkëlqyer” për të informuar për zgjedhjet në Shqipëri dhe rezultatin e tyre.
“Përgëzimet ishin shumë të përzemërta. Ne dhamë garanci të plotë se qeveria do bëjë reformat dhe do bashkëpunënojmë me opozitën në kuadrin ligjor e Kushtetues dhe me çiltërsinë më të madhe”- informoi Berisha deputetët e grupit parlamentar të PD-së
REFORMAT EKONOMIKE
Duke u ndalur në krizën ekonomike botërore, si një pikë kyçe e diskutuar edhe në Bruksel, Berisha tha se “Modeli ynë ekonomik, është model i suksesit” dhe vlerësoi si një nga arritjet historike të këtij vendi suksesin e reformave ekonomike.
“Këto bënë që Shqipëria të ketë rënie papunësie, dhe kjo është reale. Bënë që Shqipëria të vazhdojë projektet e saj transformuese të vendit, të vazhdojë në mënyrë të qëndrueshme rritjen e rrogave e pensioneve, ndërkohë që vendet e tjera i kanë ulur rrogat dhe pensionet, dhe u kërkohet të bëhen sërish ulje”
"Jo vetëm që nuk pësuam rënie të të ardhurave, i dyfishuam në një hark kohor 4 vjecar"- nënvizoi Berisha, duke cilësuar sukses privatizimin e disa koorporatave të mëdha.
“Modeli ynë ekonomik funksionoi pavarësisht nga lumi me baltë që u përpoq të hedhi opozita"- tha më tej ai.
BERISHA KUNDER FMN
Kryeministri shprehu “mirëkuptim” për disa nga kërkesat që FMN përcolli për Shqipërinë nëpërmjet kreut të këtij misioni, Gerwin Bell, por u shpreh hapur se nuk do i zbatonte, i bindur se "modeli ekonomik që ka ndërmarrë funksionon”.
“Kam mirëkuptim për disa kërkesa që FMN ka bërë për vizitën e fundit. Nuk mund të them të rrisim taksat. Nuk do i rrisim, do rrisim performancat. Besojmë se duke konsoliduar disiplinën fiskale dhe mos rritur takstat krijomë më shumë vende pune. FMN jo pa arsye kërkoi rritje të taksave, duhet të jemi realist por modeli ynë funksionin. Kemi nevojë për biznese dhe suskes të biznesit”- tha Berisha duke nënvizuar “Do qëndrojmë vendi me taksa më të ulëta në Europë.”
Sa i përket shqetësimit për rritjen e rrogave, Berisha tha “Kjo është e kuptueshme, por kjo ka të bëjë me investimet në burimet njerëzore, ndaj dhe ne do vazhdojmë me politikën e rritjes së rrogave, jo vetëm se është zotim elektoral por besoj se investimi më frytdhënës ështe tek njeriu ".
Më 23 qershor Misioni i FMN-së, i kryesuar nga Gerwin Bell vizitoi Tiranën për të analizuar rishikimin e buxhetit të këtij viti, dhe borxhin publik. Ai porositi rritjen e taksave, dhe mosrritje të pagave. FMN-ja këshilloi gjithashtu të ulet borxhi publik në 50 për qind të PBB-së, nga afro 60, që është aktualisht, por kjo do të arrihej në pesë vjet.
Përgjigju Duke Cituar
Postuar më parë nga Onyx91
Krijoni Kontakt