Banka sekuestron birra Norga, reagon kompania: S'ka vendim gjykate

[Albo]

TIRANË- Shoqëria ‘A&B Group’ shpk nëpërmjet një letre të hapur drejtuar përfaqësuesve më të lartë të vendit, pesidentit Bamir Topi, kryeministrit Sali Berisha, kryeparlamentares Jozefina Topalli, prokurores Ina Rama, Ministrit të Financave dhe gjithë mediave të vendit, ka reaguar për konfliktin midis Shoqërisë 'A&B Group' shpk me seli në Vlorë dhe Raiffeisen Bank.

Shoqëria ‘A&B Group’ shpk denoncon publikisht veprimet kundra ligjore të Raiffeisen Bank sic thuhet në letër, e cila që prej ditës së djeshme ka bastisur paisje dhe makineri të kësaj shoqërie pa marrë parasysh koston materiale me qëllim mospërmbushjen në kohë të detyrimeve që burojnë nga kontrata e kredisë midis dy subjekteve.

“Ndaj subjektit ‘A&B Group’ shpk po aplikohet cuditërisht një terror masiv, i përqëndruar, i gjithëanshëm, i frikshëm. Që prej ditës së djeshme në mungesë të plotë të një urdhëri ekzekutimi të gjyqësorit shqiptar, kopetent, bazuar në procedurat ligjore në fuqi, Raiffeisen Bank e pajisur me mjete të rënda të transportit dhe polici ka filluar bastisjen dhe shkatërrimin e biznesit që ushtron prej disa vitesh subjekti ‘A&B Group’ shpk, duke cmontuar makineri e paisje, linja prodhimi duke i tranportuar në vende të pasigurta, pa menduar që vlera e tyre minimale është e barasvlefshme me miliona euro”- thuhet në letër.

Në letrën e shoqërisë ‘A&B Group’ shpk, citohet më tej se Raiffeisen Bank me këtë veprim po tenton të nxjerrë jashtë tregut një konkurrent të fortë pavarësisht se ajo i ka shlyer të gjitha detyrimet e kredimarrjes që kishte me bankën në fjalë, ndërkohë që i ka bërë thirrje intstitucioneve më të larta të vendit që të sensibilizohen për precedentin.

“Kjo edhe se subjekti kredimarrës ka likujduar për një periudhë kohore katër vjecare që kur ka filluar marrëdhënia e kredisë, në favor të kësaj banke është 8.000.000 euro. Dhe në një kohë kur afati i kredimarrjes është 6 vjet. Kjo luftë e madhe e drejtpërdrejtë, e pa precedentë dhe pa asnjë lloj baze ligjore ka thjesht si synim jo likujdimin korrekt të kredisë, por shkatërrimin dhe nxjerrjen jashtë tregut të kompanisë ‘A&B Group’ shpk, konkurrente e rëndësishme në tregun shqiptar”- thuhet më tej në letrën e hapur të Shoqërisë ‘A&B Group.

(e.m/BalkanWeb)

[Albo]

Bregasi: Bankat të njëanshme me biznesin

TIRANË- Presidenti i Business Albania Luan Bregasi ka reaguar për veprimet që Raiffeisen Bank ka ndërmmarë ndaj kompanisë së birrës Norga.Sipas Bregasit Raiffeisen Bank po kryen veprime të njëanshme ndaj kompanisë së birrës Norga, duke dëmtuar kështu sipas tij një biznes në funksion. Ndërkohë që ka theksuar faktin se banka ka interesa të tjera që e nxisin në të tilla veprime.

"Dje ka mbërritur edhe një letër e birra Norga në zyrat e shoqatës Bisnes Albania. Sigurisht që kontratat që nëshkrojnë sipërmarrjet kur marrin kredi janë gjithmonë të njëanshme, janë gjithmonë kontrata që favorizojnë bankat, sepse ne sipërmarrësit konsiderohemi si njërëz që lypim lekë nëpër banka dhe raporti që është vendosur midis bankës dhe sipërmarrjes nuk është një raport partnerësh që në momentin kur nënshkrohet kjo kontratë kështu që nga kjo pikëpamje unë e kuptoj që elementët që i japin avantazh një kontrate janë gjithmonë në anën e bankave”,- deklaroi Bregasi.

Bregasi theksoi faktin se bankat duhet të sillen si partnerë me sipërmarrjen private, pasi përgjegësia është e dyanshme dhe ëpr këtë arsye bankat duhet të sillen ndryhme me sipërmarrjen.
“Pa dashur të implikoj palë të ndryshme mendoj se në këtë situatë ekonomike që ka vendi, në vështirësitë ekonomike që ka gjithë sipërmarrja private unë mendoj që bankat duhet të sillen si partnerë me sipërmrrjen private. Sepse në një kontratë që ka dy palë, bankën dhe kompaninë private përgjegjësia nuk është vetëm tek ai që mer lekët në rastin kontkret të biznesit, por edhe tek ata që japin lekët, pra tek bankat. ”,- nënvizoi Bregasi.

Presidenti i Business Albania Luan Bregasi i ka bërë apel Bankës së Shqipërisë për të ndërhyrë në mënyrë që Raiffeisen Bank të rishikojë vendimin e saj.
“Kam kuptuar që nuk është një sjellje që rrjedh nga një marrëdhënie, por është një sjellje që mesa duket ka interesa të tjera. Banka e Shqipërisë nuk duhet të jetë në anën e sipërmarrjes, nuk mund të jetë edhe kaq hapur sa ka qënë kohët e fundit në mbështetje të plotë të bankave, sigurisht banka duhet të mbrojë, por Banka e Shqipërisë është një institucion që monitoron bankat e vendit. Unë mendoj që Raiffeisen Bank duhet ta shohë vendimin e vet”,- përfundoi fjalën e tij presidenti i Business Albania Luan Bregasi.

(e.m/BalkanWeb)

[Albo]

Sekuestrimi i birrës Norga, pronarja: Mu dëmtua biznesi

VLORË- Pas sekuestrimit që i është bërë fabrikës së birrës Norga në qytetin e Vlorës, sot është bërë edhe sekuestrimi i aseteve të tjera të kësaj firme dhe pronarëve të tyre. Përmbarimi ka sekuestruar fabrikën e lëngjeve të frutave si dhe magazinën e tyre.

Ndërkohë vjen edhe reagimi i pronares së firmës, e cila e quan veprimin e bankës të nxituar, si dhe ka kërkuar ndërhyrjen e shtetit.

“Lufta ka një vit që ka nisur, ndërsa sekuestro ka nisur dje pa asnjë urdhër pezullimi. Unë jam e përgjegjshme, kam punuar. Këtu ushqehen rreth 300 persona. Ne kemi lënë si kolateral 60 mijë metër katror tokë, 2 fabrika, 22 metër katror ambiente të mbuluara dhe 40 milion euro kapitale. Shpresojmë që shteti, ky shtet demokratik ta mendojë që këtu po shkatërohet një biznes vetëm për interesa personale”, u shpreh pronarja Bukurie Haxhiraj.

(m.a/NEWS24/BalkanWeb)

[Albo]

Vlorë, punëtorët e birrës Norga në protestë

VLORË- Punëtorët e birrës Norga janë ngritur sot në një protestë aps sekuestrimit të fabrikës nga banka Raiffeisen.
Me sekuestrimin e fabrikës dhe aseteve të tjera të saj nga përmbarimi, nuk lejohet që punëtorët të hyjnë në ambjentet e saj.

Punëtorët kanë tentuar sot të hyjnë në fabrikë, ndërsa kërkojnë zgjidhjen sa më shpejt të kësaj situate.

Rreth 300 punëtorët e kësaj fabrike mbetën pa punë pas sekuestrimit të birrës Norga.

(m.a/BalkanWeb)

[Albo]

Sekuestrimi i birrës Norga, Malaj e Uldedaj të shqetësuar

TIRANË- Për sekuestrimin e birrës Norga nga Raiffeisen Bank kanë reaguar edhe anëtarët e Komisionit Parlamentar të Ekonomisë, ish-ministri i Financave Arben Malaj dhe deputeti Gjok Uldedaj. Ata argumentojnë se banka duhet t’i ofrojë një tjetër mundësi kompanisë për të vazhduar ciklin e prodhimit, pasi sekuestrimi nuk është një zgjidhje dhe ka kosto të mëdha ekonomike dhe sociale.

“Marrëdhëniet bankë me kompantitë private janë specifike, je thjesht marrëdhënie që banka i shet para një kompanie dhe ku një kompani merr një kredi dhe që këtu marrëdhëniet mes tyre mbarojnë me kthimin e kësteve. Cdo ndërhyrje qoftë edhe me të drejtën formale të bankës, mbi një kompani të cilën e ka kredituar dhe ka vonesa në kthimin e kreditimit, ndërhyrje në procesin teknologjik, veprime vulgare të ndërprerjes në mes të procesit teknologjik besoj se dëmtojnë rëndë edhe kompaninë edhe bankën. Kur ndërpritet procesi teknologjik, humbjet shtohen. Ndoshta kolaterali i kompanisë i mjafton bakës për të mbuluar kredinë e dhënë por humbjet që pëson kompania, pasojat ekonomike dhe sociale që krijohen nga marrëdhëniet midis një kompanie që është jo e vogël, kreditorëve që e kanë furnizuar, pra efekti zinxhir mund të vijë edhe tek firmat e tjera. Kështu që jo thjesht për këtë rast, por si ekonomist i përmbahem një qëndrimi dhe besoj që kur cikli ekonomik është në vështirësi zbatimi në mënyrë apriori i disa marrëdhënieve burokratike dëmton interesat e kompanive dhe të bankave dhe jep efekt negativ në ekonominë e vendit”, u shpreh Malaj.

Deputeti Gjok Uldedaj i bën thirrje për të ndërhyrë edhe Bankës së Shqipërisë, e cila nuk duhet të mbrojë vetëm interesat e bankave por të vlerësojë edhe situatën e bizneseve, si partner për zhvillimin e ekonomisë.

“Duhet të gjendet një gjuhë e përbashkët komunikimi edhe me ndërhyrjen e Bankës së Shqipërisë. Kemi të bëjmë këtu me biznesin, që mban peshën e ekonomisë. Banka e Shqipërisë nuk duhet të mbajë vetëm anën e bankave të nivelit të dytë por të shikojë edhe marrëdhënien me biznesin jo vetëm në afat të shkurtër”, tha Uldedaj.

Raiffeisen Bank Bank ka sekuestruar birrën Norga për shkak të mos shlyerjes së kësteve të kredisë. Kjo komani ka mbi 300 të punësuar dhe ka ndikim në zhvillimin ekonomik dhe social të zonës.

(m.a/NEWS24/BalkanWeb)

[Albo]

Vlorë, Birra "Norga", punonjësit protestë para bankës Raiffeisen

VLORE- Punonjësit e fabrikës së birrës "Norga" protestuan paraditen e sotme para degës së Raiffeisen Bank në Vlorë.

Në ditën e tyre të pagave, dhjetra punonjës janë vendosur që në orët e para të meëgjesit para hyrjes së kësaj banke, duke kërkuar zgjidhjen e menjëhershme të situatës.

Protestuesit, të cilet prej disa ditësh gjenden të papunë, kanë kërkuar ndërhyrjen e krerëve të shtetit për të zgjidhur këtë ngërc të krijuar, ndërsa i kanë bërë thirrje edhe drejtuesve të Raiffeisen Bank që të tërhiqen nga vendimi i tyre për bllokimin e aktivitetit të kompanisë A&B grup.

Ndërkaq, punonjësit e fabrikës së birrës Norga shprehen të vendosur në vijimin e protestave edhe në ditët e ardhshme.

(s.g/balkanWeb)

[Albo]

Avokati i birrës Norga: Nuk jemi në falimentim, do i drejtohemi gjykatës

TIRANE- Avokati i birrës Norga Arianit Roshi gjatë një interviste për NEWS24 ka deklaruar se kjo kompani nuk është drejt falimentimit, përkundrazi sipas tij kompania ka gjendje të mirë ekonomike

“Birra Norga nuk është në proces falimentimi, apo në prag të falimentit, thjesht ndodhet në një pozitë të tillë ku ka mungesë likuiditeti por që është në situata mjaft të mira ekonomike. Kjo gjë provohet, jo vetëm nga kolaterali që birra Norga ka vendosur për të siguruar kredinë që ka ndaj Raiffeisen Bank por edhe fakti që është në proces prodhimi, është në treg, ka klientë, qëndron fuqishëm. Duhet të informohet opinioni publik, kompania nuk ka probleme me falimentin”, tha Rroshi.

Duke e quajtur të paligjshëm veprimin e bankës për të konfiskuar të gjithë pasurinë e kompanisë, avokati tha se për këtë cështje i janë drejtuar gjykatës.

“Së fundmi birra Norga ka bërë një investim prej 8 mln euro, ka investuar në linjën e prodhimit dhe shteti shqiptar i detyrohet birrës Norga rreth 1 mln e dicka euro, që është vlera e 20% të këtyre makinerive të blera, vlera e TVSH që duhet t’i kthehet, t’i rimbursohet. Aktualisht banka Raiffeisen ka filluar konfiskimin e gjithë pasurive të birrës Norga, nga një veprim i tillë i jemi drejtuar gjykatës”, theksoi Rroshi.

(m.a/BalkanWeb)

[benseven11]

Nuk paska probleme ekonomike?
Huaja qe kjo firme ka marre nga banka eshte gjigande.Makinerite nuk i ka blere me parate e veta por del qe jane blere me parate e bankes.
Kontrata eshte thyer nga firma qe nuk ka bere pagesat ne kohe + interesin.
Cfare ka thyer firma ne kontrate...merret me mend nuk ka paguar huane me keste
sipas kushteve ne kontrate.
Kjo histori ka nje vit.Eshte falimentim,ska para te likujdoje banken,kete emer ka,perndryshe firma do kish paguar banken dhe nuk do kishte situate te tille.
Firma eshte ne faliment,Kush ja jep te drejten bankes te hyje vet dhe cmontoje makinerite dhe konfiskoje.Duhet te hyje shteti dhe jo banka vete dhe heqja cmontimi duhet te jete i mbeshtetur ne nje vendim gjykate qe do te thote duhet te ishte bere nje gjyq me pare dhe banka te padiste firmen ne gjykate.
Firma duhet te marre avokat per dhunim te prones private,hyrjes pa leje dhe terheqja e makinerive nga vete banka eshte shume shume gabim,tingellon si akt vandal,pa pasur vendim nga gjykata/prokuroria qe i jep te drejte te futet dhe marre makinerite.

[Sofi _]

Ku mund te bazohet nje kompani permbarimi private per te mos respektuar vendimin e gjykates ne lidhje me kthimin e te mirave materiale...???
---------------------------------------------------------
Vlorë, përmbarimi nuk kthen asetet e Norgës

Vlorë, përmbarimi nuk kthen asetet e Norgës

VLORË- Fabrika e kompanisë A&B Group vijon të mos jetë në gjendje pune, duke i shkaktuar kësaj kompanie një dëm të madh ekonomik, në një kohë kur kanë kaluar rreth 7 ditë nga vendimi i Gjykatës së Vlorës për kthimin e aseteve të kësaj fabrike, nga kompania private përmbaruese, e cila kreu më parë sekuestrimin, ende nuk ka ardhur zbatimi i tij.

Geri Haxhiraj, administratori i A&B Group ka deklaruar për NEWS24 se procesi i prodhimit në këtë kompani vijon të jetë i pezulluar, për shkak se kompania përmbaruese, vijon të mbajë pjesët kompjuterike kryesore të cilat mundësojnë këtë proces.

“Të gjitha pjesët kompjuterike janë shkulur dhe asetet kryesore të fabrikës, të cilët ndihmojnë për procesin e prodhimit në këtë fabrikë nuk janë kthyer ende nga kompania përmbaruese, e cila nuk respektoi një vendim gjykate. Gjykata e Vlorës kishte dhënë një urdhër ekzekutiv që bazohet tek rikthimi i aseteve kryesore të fabrikës, të cilat kishin qënë të sekuestruara”, thekson Haxhiraj.

Ndërkaq pritet ndërhyrja e organeve të drejtësisë, për tërheqjen e aseteve të A&B Group, të cilat aktualisht, i ka kompania private përmbaruese.

“Kemi bërë kallëzim në Prokurori dhe është Prokuroria ajo që do veprojë në këtë rast dhe do gjykojë. Dëmi është i pallogaritshëm, shumë i madh. Thjesht ambientet e fabrikës janë liruar, por ajo s’mund të punojë pa pjesët kompjuterike”, u shpreh më tej administratori i Norgës.

Fabrikat e kompanisë A&B Grup u sekuestruan rreth 2 javë më parë nga Raiffeisen Bank, pasi ky institucion deklaroi se kompania nuk kishte shlyer kredinë e marrë.
(m.a/NEWS24/BalkanWeb)

[skipetar]

Raiffeisen Bank
Tirane 1 Qershor 2011, Deklarate per shtyp

Me keqardhje njoftojmë sekuestrimin e pronave të Groupit A&B, si pasojë e borxhit prej me shume se 11 milionë Euro që pronarët e kësaj kompanie i kanë bankës. Grupi A&B jo vetëm nuk ka paguar detyrimet për më shumë se një vit tashmë, por gjithashtu edhe kanë refuzuar çdo lloj bashkëpunimi me bankën duke bërë vetëm premtime boshe për kryerjen e pagesave.

Duke patur parasysh ineresat e grupit A&B dhe të punonjësve të saj, dhe duke qënë se jemi të fokusuar në gjetjen e një zgjidhjeje për pagesën e borxhit, banka Raiffesien i ka ofruar pronarëve të grupit A&B disa opsione ku përmendim:

• Kemi siguruar disa ristrukturime gjatë vitit të kaluar për të reflekutar vështirësitë e kompanisë.
• I kemi ofruar mundësinë pronarëve të kompanise disa herë gjatë vitit të kaluar të bënin analizën financiare nga një vlerësues i jashtëm ndërkombëtar, kostot e të cilit do të mbuloheshin nga banka.
• Javë më parë i kemi ofrurar bashkë-administrimin e kompanië me një ekspert ndërkombëtar të caktuar nga banka, një periudhë nderprerje (grace period) për pagesën e borxhit dhe heqjes së gjithë penaliteteve - kjo ofertë gjithashtu u refuzua.

Gjithë sa më lart u bënë me qëllimi për të shpëtuar kompaninë, sigurimin e punës së punonjësve të saj, mbledhjes së parave që grupi A&B I ka borxh bankës, dhe sjellja e kompanisë në një gjëndje të mirë për pronarët e saj. Megjithëatë, çdo përpjekje jona është refuzuar nga pronarët.

Si rrjedhojë, ne u detyruam të vazhdonim me hapat ligjorë. Ne kemi marre vendimin e ekzekutimit nga Gjykata e Tiranes në muajin tetor 2010 proçedurat e përmbarimit bazuar në kuadrin ligjor kanë filluar ne Dhjetor 2010. Për 6 muaj kemi qënë në gjyq për këtë urdhër me Grupin A&B deri kur pak dite me pare gjykata e Apelit me vendimin e saj te formes se prere krijoi mundesine e vazhdimit te procedurave permbarimore. Te gjithe veprimet e bankes jane korrekte dhe ligjore ashtu si i parashikon procedura ligjore per ekzekutimin e kredive.

Banka Raiffesien ka vendosur të paguajë rrogat e muajit maj për punonjësit që janë akoma në listën e pagave te grupit A&B. Do të donim të theksonim se situata aktuale e Groupit A&B është rezultat i vendimeve manaxheriale të kompanisë, duke përfshirë këtu refuzimin e ofertave që banka I ka bërë pronarëve te Grupit A&B.