Universiteti i Europës Juglindore, një mundësi më shumë.

[RaPSouL]

Universiteti i Europës Juglindore me destinacion në Tetovë një qendër e arsimit e shkallës së avancuar që ofron shumllojshmëri të mundësive për çdo student, që efekti drejt suksesit të jetë sa më i organizuar.

Pse të zgjedh UEJL-ën?


Sepse ofron:

• mbi 160 bursa për studentët e rinj, që mbulojnë 90% të shkollimit;
• përkrahje financiare nëpërmjet programit “Punë dhe studim”;
• kredi studentore me interes të volitshëm;
• kalim të shpejtë në tregun e punës nëpërmjet shërbimit profesionist të Qendrës së Karrierës;
• mësimdhënie me metoda bashkëkohore, si mësimi interaktiv dhe mësimi në distancë, nëpërmjet softuerëve MySEEU, Libri, e-Grading, etj.;
• profesorë të njohur nga vendi, nga rajoni dhe profesorë ndërkombëtarë;
• Wireless Campus - qasje në internet për çdo student;
• qendër e vetme në rajon për kërkime shkencore;
• bibliotekë universitare me mbi 40.000 libra;
• mjedis universitar multikulturor;
• përkrahje për studentë me aftësi të kufizuara;
• mjedis të sigurte 24 orë;
• konvikte bashkëkohore brenda kampusit universitar.


UEJL

[RaPSouL]

Programet akademike

Biznesi dhe Ekonomia

Agrobiznesi

Drejtimi i Agrobiznesit të Qëndrueshëm,ka për synim parësor t’i pajisë studentët me njohuri nga fusha e agrobiznesit, duke i aftësuar për të qenë kompetentë për të planifikuar politika të reja në këtë fushë, të cilat janë të rëndësishme për shtetin dhe për shoqërinë.Programi interdisiplinar i pajis studentët me njohuri të gjera nga fusha e agrobiznesit dhe ndikimin e tij në shoqërinë globale. Ky program është fokusuar në agrobiznes, sjelljen e subjekteve të biznesit, aftësitë dhe operacionet. Programi është orientuar në zbatimin praktik të mjeteve, teknikave dhe koncepteve të tilla.

Drejtimi i Agrobiznesit të Qëndrueshëm ka për qëllim:

T’i përgatisë studentët në zhvillimin esipërmarrësisë në fushën e agrobiznesit përmes shfrytëzimit të resurseve lokale të tokës dhe fuqisë punëtore njerëzore.
T’i përgatisë studentët që të ndërtojnë karrierë në sferën e agrobiznesit, por edhe në sektorin privat dhe joqeveritar, lidh teorinë dhe praktikën që t’u mundësojë studentëve të fitojnë njohuri themelore për ndryshimet ekonomike, politike, shoqërore dhe teknologjike, të cilat e ndryshojnë mënyrën e jetesës dhe të punës.
T’i rrisë aftësitë komunikuese dhe hulumtuese dhe të mundësojë fitimin e përvojave të reja në fushën e menaxhimit, marketingut dhe ekonomisë.
Të ofrojë një sërë modulesh që përfshijnë bazën e njohurive për afrimin me profesionet, të cilat janë në zhvillimin e vetëdijes për mjedisin jetësor dhe realizimin e zhvillimit të qëndrueshëm me ndihmën e zhvillimit të bujqësisë.
Zhvillimin e MSP-së me veprimtari bujqësore, ballafaqimin e suksesshëm në konkurrencë dhe adaptimin ndaj rregullativave të UE-së për mbrojtjen e konsumatorëve.
Të krijojë kuadër të aftë, i cili do të udhëheqë me kompanitë publike dhe private, si kuadër i cili profesionalisht është i aftë tëbëjë analiza të përgjithshme dhe specifike në fushën e agrobiznesit dhe t’i elaborojë dallimet dhe nevojat e shoqërisë në tërësi nga aspekti shkencor dhe praktik.

Administrimi i Biznesit

Drejtimi i Administrimit të Biznesit ka për synim parësor t’i pajisë studentët me njohuri nga fusha e administrimit të biznesit duke ofruar programe, të cilat sipas natyrës janë dinamike, integruese dhe interaktive. Ky program është dizajnuar për të ofruar qasje integruese në tema të biznesit ndërkombëtar duke i zbatuar këto koncepte përmes programeve mësimore. Lëndët e përfshira në këtë program paraqesin perspektiva të cilat bazohen në teorinë, e cila është e lidhur ngushtë me zbatimin praktik në botën e biznesit. Programi është i akredituar nga këshilli i akreditimit të MASH-së.

Qëllimi parësor i drejtimit të Administrimit të Biznesit është:

T’i përgatisë studentët për pozicionin e liderit në organizatat fitimpruese dhe jofitimpruese në vend dhe gjithkund në botë.
T’i përgatisë studentët të ndërtojnë karrierë në fushën e administrimit të biznesit, por edhe në sektorin privat dhe joqeveritar.
Të ofrojë analizën e modeleve të cilët do të përfshijnë bazën e njohurive për afrimin e profesioneve, të cilat më pak ose më shumë janë të lidhura me fushat e biznesit.
Të mundësojë përvetësimin e aftësive dhe përvojës hulumtuese në menaxhment, marketing, në financat e organizatave publike, private dhe joprofituese.
Të krijojë një gjeneratë të re të të diplomuarve në administrimin e biznesit, e cila do t’u përgjigjet sfidave të shoqërisë bashkëkohore.
Të zhvillojë konceptin e mendimit kritik të studentëve.
T’u mundësojë studentëve të marrin pjesë në mënyrë aktive në ligjërata dhe të bëjnë hulumtime të pavarura në të gjitha fushat e administrimit të biznesit.
T’u mundësojë zhvillimin e aftësive personale, komunikimin, hulumtimin dhe aftësitë e tjera të rëndësishme, të cilat janë të nevojshme për punësim.

Ekonomiku

Drejtimi i Ekonomisë ka për synim parësor t’i pajisë studentët me njohuri të gjera nga fusha e ekonomisë duke ofruar programe të cilat sipas natyrës janë dinamike, integrative dhe interaktive. Programi interdisiplinar i furnizon studentët me njohuri të gjera nga fusha e ekonomisë dhe ndikimin e saj në shoqërinë globale. Ky program është fokusuar në: ekonomi, sjelljen e njeriut, organizatat, aftësitë dhe operacionet tëcilat bazohen në teorinë e cila është e lidhur ngushtë me zbatimin praktik në botën e biznesit dhe ekonomisë.

Drejtimi i Ekonomisë ka disa qëllime kryesore edhe atë:

T’i diagnostifikojë ngjarjet reale të tregut, t’i parashikojë tendencat e atyre ngjarjeve, si dhe t’i analizojë efektet e masave të ndërmarra të politikës ekonomike ndaj lëvizjeve të tregut.
T’i llogarisë agregatet themelore makroekonomike dhe në mënyrë kritike t’i rregullojë dhe t’i analizojë politikat ekzistuese makroekonomike.
T’u bëjë analizë kritike elementeve kompatibile të sistemit ekonomik.
Të jetë në gjendje t’i zbatojë modelet kuantitative të analizës makroekonomike në formulimin e modeleve të reja dhe në analizën e modeleve ekzistuese të zhvillimit ekonomik që zbatohen në ekonomitë nacionale.
T’u bëjë vështrim kritik politikave zhvillimore dhe zbatimit të tyre në ekonomitë nacionale.
Të jetë në gjendje t’i analizojë proceset e përgjithshme të zhvillimit ekonomik në botë dhe posaçërisht proceset e tranzicionit, rajonalizimin dhe globalizimin e rrjedhave ekonomike botërore.

[RaPSouL]

Shkencat dhe Teknologjitë Bashkëkohore

Teknologjitë e Informacionit dhe Komunikimit (Inxhinieria Kompjuterike)

Programi i Shkencave Kompjuterike është bazuar në modelin e aprovuar të Bolonjës për organzimin e studimeve 3+2. Fushat specifike të Fakultetit të Shkencave dhe Teknologjive Bashkëkohore, në programin e Teknologjive të Informacionit dhe Komunikimit (Inxhinieria Kompjuterike) janë: hardueri kompjuterik dhe softueri sistematik, sistemet e integruara kompjuterike (embedded) me projektimin dhe programimin e të njëjtave, konceptet themelore të inxhinierisë kompjuterike, bazat e elektroteknikës dhe elektronikës, sistemet e rregullimit automatik, sistemit e drejtimit në kohë reale, rrjetet kompjuterike, rrjetet kompjuterike me dhe pa kabllo, përllogaria “Grid” dhe sistemet distributive kompjuterike, Multimedia dhe sistemet mltimediale, transmetimi i të dhënave dhe rrjetet e telekomunikacionit, bazat e të dhënave, sistemet e informacionit dhe projektimi i tyre, etj.. Këto disiplina kanë potencial të madh për ngritjen dhe cilësinë e arsimit.

Riorganizimi i mësimit është projektuar ashtu që i plotëson kërkesat e tregut lokal (duke i analizuar kërkesat e firmave të TI-së dhe organizatave në RM), njëkohësisht duke mundësuar perspektivë globale moderne.

Qëllimet e këtij programi janë:

t’u mundësojë studentëve që të pajisen me shkathtësi më të gjëra komunikative, gjuhësore dhe analitike;
t’u mundësojë studentëve që të pajisen me dituri teorike dhe praktike nga fusha e teknologjive informatiko-komunikative dhe të njëjtat t’i aplikojnë në jetën reale dhe praktikën profesionale;
t’i aftësojë studentët që të kyçen në zhvillimin dhe implementimin e zgjidhjeve të ndryshme në fushën e teknologjive informatiko-komunikative;
t’i aftësojë studentët që të punojnë në projekte individuale apo në grupe, të cilat për nga natyra mund të jenë: shkencoro-hulumtuese, zhvillimore dhe punëpraktike;
t’u mundësojë bazë të mirë për përshtatje të mëtutjeshme drejt teknologjive të reja,ndryshimeve të tregut dhe aplikimi i tyre;
të mundësojë shkathtësi për përkahje gjatë organzimit, realizimit dhe implementimit të metodave dhe procedurave në fusha të tjera.

Informatika e Biznesit

Programi i studimeve trevjeçare (Bachelor of Science) në Informatikën e Biznesit,e bashkon më të mirën e qarqeve të biznesit dhe perspektivat teknologjike, duke i dhënë impulse gjithëpërfshirëse rritjeve bashkëkohore të industrisë dhe njëkohësisht i përgatit studentët për pozitat e liderëvenë organizata gjithandej nëpër botë. Tregu i aftësive tashmë është duke kaluar nëpër një ekspansion rapid, njësoj si edhe shoqëria dhe ekonomia e këtij vendi që po ecin drejt stadardeve të Unionit Evropian dhe globalizmit në përgjithësi.

Programi studimor (kurrikulumi) Informatika e Biznesit, është dizajnuar të adresojë nevoja specifike dhe trende të tregut që i përmbushin nevojat e tashme dhe të ardhshme të tregut të punës,në fusha të caktuara të zhvillimit korporativ,në fushën e menaxhmentit dhe drejtimit të sistemeve informative dhe zhvillimit të tyre. Programi, gjithashtu përfshin edhe:zhvillimin e portalëve, teknologjive multimediale dhe projekteve, aplikacioneve TI për biznese të reja, bazat e të dhënave,rrjetet e ndërlidhjes, e-commerce, marketingun interaktiv, menaxhimin e marrëdhënieve me konsumatorët (CRM), konvergjizimin e biznesit dhe biznesin virtual, financat korporative dhe kontabilitetin.

Qëllimet arsimore të programit:

t’u mundësojë studentëve hulumtim të pavarur, duke hyrë në ato fusha të informatikës
së biznesit, të cilat nuk kanë qenë të përfshira me plan-programin mësimor;
të zhvillojë aftësi kritike, analitike, qasje funksionale, aftësi krahasuese,për zgjidhjen e problemeve që mund të aplikohen në fushën e informatikës së biznesit;
të ofrojë mundësi për aftësi personale, komunikim, hulumtim dhe aftësi të tjera të rëndësishme që janë të nevojshme për punësim;
të ofrohet mundësia për njohjen dhe fitimin e përvojave të para të punës,në një mjedis pune,nga fusha e studimit përmes punëspraktike dhe staxhionimit;
të potencohet mësimi shumëgjuhësor dhe të promovohet dialogu ndëretnik dhe ndërkulturor;
të fitohen njohuri dhe shkathtësi nga parimet, disiplinatthemelore të informatikës së biznesit: programimi, bazat e të dhënave, rrjetet kompjuterike, web-teknologjitë e avancuara, financat korporative, menaxhmenti, marketingu dhe implementimi i tyre në fusha të ngjashme.

[RaPSouL]

Gjuhët, Kulturat dhe Komunikimi

Gjuhë dhe letërsi gjermane

Departamenti i Gjermanishtes ekziston që nga themelimi i UEJL, 2001 dhe funksionon në kuadër të Fakultetit të Gjuhëve, Kulturave dhe Komunikimit. Që nga viti akademik 2005/06, në Departamentin e Gjermanishtes ofrohen studimet Bachelor të cilat zgjasin 3 vite akademike dhe ligjerohet sipas ECTS. Për studentët e ciklit të dytë ofrohen studimet Master për studime gjermane (German Studies), të cilat mund të përfundohen brenda 2 viteve akademike.

Qëllimi kryesor i këtij programi studimor është, para së gjithash, përgaditja sa më e mirë mundshme e studentëve tanë për profesionin e mësimdhënësit të gjuhës dhe letërsisë gjermane për shkollat fillore dhe të mesme të Republikës së Maqedonisë dhe të regjionit.

Disciplinat më të rëndësishme të Departamentit të Gjermanishtes janë: linguistika, letërsia, kultura, metodat e mësimdhënies së gjermanishtes si gjuhë e huaj (DaF) si dhe gjithashtu kompetencës gjuhësore i kushtohet një rëndësi e madhe, ngase kemi të bëjmë me studime të gjermanistikës së huaj.

Departamenti ka përfunduar me sukses reformën e Bolonjës, kështu që studentët e këtij Departamenti, tashmë modulet e tyre mund t’i zgjedhin nga një ofertë, që u përgjigjet standarteve moderne të dijes. Çdo vit në Departamentin e Gjermanishtes pranon 30 studentë të rinjë, të cilët pas përfundimit të studimeve gjashtësemestrale kanë mundësinë, të përfundojnë studimet e tyre dhe të marrin titullin Bachelor of Arts ose të vazhdojnë studimet e Master për studime gjermane (German Studies). Në kuadër të programit Master, që zgjat 4 semestra ofrohen këto disciplina: linguistika, letërsia, kultura dhe didaktika. Momentalisht Departamenti i Gjermanishtes numëron më tepër se 100 studentë.

Me një përbërje nga mësimdhënës lokal dhe nga vende gjermanofolëse,të cilët janë të kualifikuar në mënyrë të shkëlqyeshme për të ligjëruar sipas metodave më moderne, Departamenti ynë luan një rol shumë të rëndësishëm jo vetëm në nivel shtetëror, por edhe në regjion dhe më gjerë. Para së gjithash, në këtë drejtim, vlen të përmendet zhvillimi dhe aplikimi modern i kurrikulumit si dhe kualiteti i theksuar nga fusha e përgaditjes së mësimdhënësve të gjermanishtes si gjuhë e huaj. Momentalisht në Departamentin e Gjermanishtes janë angazhuar 7 mësimdhënës universitar (nga to një profesor inordinar, një docent, një lektore si dhe 4 profesorë vizitues nga vendet gjermanofolëse). Bashkëpunëtorët e Departamentit janë ndër të tjera aktiv në asociacione të ndryshme, organizojnë konferenca ndërkombëtare shkencore, zhvillojnë projekte të përbashkëta shkencore dhe bashkëpunojnë me germanistë të vendit dhe të jashtëm (Bashkëpunimi meUniversitetin e Edukimit në Zvicrën Qëndrore (PHZ), Universiteti i Bambergut, Universiteti i Humboldtit në Berlin, Universiteti Jena, Universiteti i Erlangen-Nürnbergut si dhe me një numër të Departamenteve të Gjermanistikës nga vendet jo gjermanofolëse etj.). Departamenti ynë i kushton rëndësi shumë të madhe mobilitetit të mësimdhënësve dhe studentëve. Kështu mësimdhënësit dhe studentët tanë kanë mundësi të marrin pjesë në programe të shkëmbimit akademik si për shembull në Universitetin e Edukimit në Zvicrën Qëndrore (Zug, Luzern dhe Schwyz), DAAD, BAYHOST, SOKRATES dhe ERASMUS si dhe në programe të tjera të kësaj natyre.

Gjuhë dhe Letërsi Shqipe

Qëllimi i këtij programi është të përgatisëkuadroprofesionalepër njohjen e gjuhës shqipe, që njëkohësisht do t’u përgjigjen sfidave të shekullit 21. Përveç njohjes së gjuhës shqipe, të diplomuarit e ardhshëmduhettë formohen edhe si specialistë të fushe në përputhje me standardet evropiane, duke filluar nga njohuritë e përgjithshmegjuhësore dhe letraretë Unionit Europian, institucioneve dhe politikën e saj përfshirë këtu edhe atë gjuhësore. Qëllimi iUEJL-së është t’ju ofrojë gjeneratave të ardhshme shanse më të mëdha, të cilat do t’ju mundësojnë të përsosen edhe më shumë për të qenë në nivel të njëjtë me kolegët e tyre të UE-së, dhenjëkohësishtpërparësi dhe mundësi më të madhe për vetedhe gjeneratat e ardhshme.Ky program mundëson përkryerje të mëtejshme në ciklet tjera të mësimit në kuadër të UEJL apo institucioneve tjera të përafërta, duke e shprehur fuqinë akademike dhe hulumtuese të UEJL.Kjoështënjëherit njëbazë e mirë për të dilomuarit të cilët më vonë do të dëshironin të regjistroheshin në studimet pasuniversitare në programet eksistuese në vend, por edhe në programet që ofrohen jashtëvendit.Mësimi ofrohet në bazë të rregullt (full-time). Programetstudimorenë kohëzgjatjeprejtriviteve(gjashtë semestra) përstudimetderinë diplomim, gjegjësisht180 ECTS-kredi. Studentët ndjekin mësimin nga lëndët obligative dhe zjedhore. Lëndët përfshijnë kredi, që përafërsisht korrespondojnë me 25-30 orë, nga kohëzgjatja e mësimdhënies së ligjëratave. Në secilinvitakademikfitohen 60 kredi për 1.500 -1.800 orë në vit. Lëndët ndahen në njësi semestrale. Studentët i nënshtrohen provimit në të gjitha lëndët, sipas zhvillimit të programit të obliguarstudimor. Pjesëmarrja në ligjërata është e obligueshme dhe paraqet kusht parësor që ta kalojnë lëndën me sukses. Çdo lëndë duhet të përfundojë, duke i plotësuar kërkesat e parashtruara në program (silabusin) e lëndës. Në semestrin e fundit, të gjashtin, studentët pajisen me dituri dhe shkathtësi përmes punës praktike, që është kusht për të diplomuar në studimet deridiplomike.

Gjuhë dhe Letërsi Angleze

Departamenti i anglishtes në UEJL është departamenti më i madh i Universitetit me mbi 300 studentë të regjistruar në nivel deridiplomik dhe pasdiplomik. Si i tillë, ai ofron një program të integruar deridiplomik ku kombinohen studimet e gjuhës, letërsisë, gjuhësisë, metodologjive të mësimdhënies dhe hartimit të kurseve. Ne ofrojmë një arsimim të shkëlqyeshëm në gjuhën dhe letërsinë angleze, që përgatit profesorë të gjuhës angleze për karrierë në këtë fushë. Të diplomuarit në këtë departament po krijojnë karrierë të mirëfilltë në mësimdhënien e gjuhës angleze në Maqedoni. Ky program ofron mundësi edhe për ata që duan të punojnë si përkthyes. Programi i UEJL përgatit studentë studime master në universitet regjionale dhe ndërkombëtare. Sidoqoftë, një numër i madh studentësh vazhdojnë me studimet master në programin dyvjeçar Mësimdhënia e gjuhës angleze, të ofruar nga UEJL.

Departamenti I anglishtes numëron afër 20 mësimdhënës me punë të rregullt dhe 20 të angazhuar përkohësisht, përfshirë këtu edhe 5 profesorë ndërkombëtarë nga SHBA-të, Kanada dhe Irlanda. Studentët e ardhshëm ipret një atmosferë përkrahëse me shumë burime në disponim si biblioteka Max van der Shtoel, Kompjuterët me internet anekënd Universitetit, sistemi për menaxhimin e mësimit Libri, Qendra e burimeve për gjuhë dhe shumë të tjera.

Studentët studiojnë gjuhën angleze tre herë në javë dhe përparojnë nga niveli mesatar në nivele të larta gjatë tërë studimeve. Profesorët tanë përdorin metodologji të ndryshme të mësimdhënies që u mundësojnë studentëve pjesëmarrje aktive në klasë dhe që u mundëson studentëve një thellim të mirëfilltë në procesin mësimor. Stafi I Departamentit të anglishtes është skajshmërisht I motivuar, ku sipas vlerësimeve të skemës Universitare, vazhdimisht shkëlqen në mësimdhënie. Studentë do të binden vetë se studimi në UELJ është një përvojë sfiduese dhe që ia vlen.

Shkencat e Komunikimit

Programi studimor për Shkencat e Komunikimit në UEJL ofron dy module të mundshme studimore, për të cilat studentët mund të përcaktohen:

studime të mediave dhe gazetarisë; si dhe
studime të komunikimit organizativ dhe marrëdhënieve me publikun.
Shkencat e komunikimit në UEJL përfshijnë studime dinamike interaktive dhe interdisiplinare. Programi i shkencave të komunikimit në UEJL është i dizajnuar në bashkëpunim me disa fakultete të njohura të shkencave të komunikimit në Evropën Perëndimore dhe SHBA.

Nga këto studime pritet që të gjenerohen rezultate pozitive profesionale të përshtatura sipas nevojave të tregut të integruar global medial, sferën bashkëkohore të marrëdhënieve me publikun dhe komunikimit korporativ. Gjatë programit studimor të shkencave të komunikimit studentëve u ofrohen mundësi të rregullta për pjesëmarrje në punëtori e seminare të ndryshme të organizuara me ligjërues dhe ekspertë lokalë dhe ndërkombëtarë. Studentët rregullisht mund të marrin pjesë në projekte praktike të komunikimit dhe mediave, nëpërmjet të cilave ata kanë mundësi të fitojnë përvojë në aspektin aplikativ të shkencave të komunikimit (media, marrëdhënie me publikun dhe komunikim korporativ).

Për studentët më të mirë janë paraparë mundësi për qëndrime studimore në disa prej fakulteteve më prestigjioze evropiane dhe amerikane nga lëmi i shkencave të komunikimit.
Për studentët më të mirë të shkencave të komunikimit që nga viti i parë i studimeve janë paraparë bursa studimi.

[RaPSouL]

Drejtësia

Kriminalistika dhe Siguria

Ky program në kuadër të Fakultetit juridik nënkupton zgjerimin dhe thellimin gjegjësisht diferenciminin e arsimimit të lartë në kuadër të studimeve të drejtësisë.

Nga ky program studimor studentët do të mund të:

fitojnë njohuri bazike lidhur me konceptet dhe çështjet nga sfera e kriminalistikës dhe sigurisë;
zhvillojnë shkathtësi për përdorim të terminologjisë adekuate dhe koncepte nga lëmi i kriminalistikës dhe sigurisë;
identifikojnë dhe analizojnë çështjet lidhur me kriminalistikësn dhe sigurinë;
të jenë në gjendje që në mënyrë kritike t'i analizojnë konceptet dhe nocionet;
të fitojnë shkathtësi dhe njohuri të veçanta me rëndësi praktike që do t'ju ndihmojnë në zhvillimin e karrierës së tyre në sferën e kriminalistikës dhe sigurisë;
njohuritë e tyre të fituara t'i zbatojnë në zgjidhjen e çështjeve duke përdorur teknika specifike në fushën e kriminalistikës dhe sigurisë;
integrojnë njohuritë e fituara gjatë procesit të sjelljes së vendimeve;
në mënyrë efikase të zbatojnë vendimet dhe njohuritë;
të zhvillojnë aftësistë e tyre personale për komunikim, hulumtim, dhe aftësi tjera të rëndësishme dhe të nevojshme për punësim të studentëve të diplomuar në këtë program studimor.
të zhvillojnë mësimxënen shumëgjuhësore me qëllim të promovimit të dialogut ndëretnik dhe ndërkulturor.

Studime për Drejtësi

Programi studimor i Fakultetit Juridik ka për qëllim që:

të plotësojë nevojat e të gjithë atyre të cilët mendojnë të vazhdojnë karrierën në fushën e së drejtës;
të ofrojë një tërësi modulesh që përfshijnë bazën e njohurive juridike për qasje në profesionet që kanë të bëjnë me lëminë e drejtësisë;
të sigurojë njohuri dhe kuptim sistematik të institucioneve dhe procedurave themelore të legjislacionit pozitiv në R. e Maqedonisë;
të sigurojë njohuri themelore të koncepteve dhe parimeve kryesore të legjislacionit pozitiv të R. së Maqedonisë dhe mënyrës së implementimit edhe në aspektin evropian dhe ndërkombëtar.
të ofrojë mundësinë për ligjërata nga stafi vizitues akademik ndërkombëtar;
të zhvillojë vetëdije kritike të së drejtës në kontekstin krahasues, historik, shoqëroro-ekonomik dhe politik dhe t’u paraqesë studentëve një sërë qasjesh të ndryshme teorike, të cilat kanë të bëjnë me studimet e së drejtës;
t’u ofrojë studentëve mundësinë për të qëndruar dhe studiuar jashtë vendit në kuadër të programeve për këmbimin e studentëve;
të ofrojë një sërë opcionesh që u mundësojnë studentëve të studiojnë në disa fusha specifike të drejtësisë;
t’u mundësojë studentëve të angazhohen në hulumtimet kërkimore lidhur me çështjet konkrete që do t'i përfshijnë studimet e tyre;
të ofrojë mundësi për zhvillimin e aftësive personale, komunikimit, hulumtimit dhe aftësive tjera të rëndësishme dhe të nevojshme për punësim të juristëve të diplomuar, në institucionet me të cilat paraprakisht ka vënë kontakte Qendra e Karrierës e UEJL-ës;
të vejë në dukje mësimnxënien shumëgjuhësore dhe të promovojë dialogun ndëretnik dhe ndërkulturor.

[RaPSouL]

Administrata Publike dhe Shkencat Politike

Studime të Administrimit Publik

Ky program është një ndër programet e para studimore, nëse jo edhe i vetmi në vend, i dedikuar për shkollimin e gjeneratave të nivelit të lartë të nëpunësve shtetërorë dhe publikë. Programi studimor (Bachelor of Arts) i Fakultetit të Administrimit Publik dhe Shkencave Politike, drejtimi përgjithshëm Administrim Publik, u ofron studentëve mundësi për arritjen e aftësive të tyre komunikuese dhe hulumtuese, si dhe të fitojnë eksperiencë në menaxhim, analizë të politikave, ekonomi dhe metoda kuantitative. Të diplomuarit tanë janë të përgatitur për të dhënë kontributin e tyre në hartimin e politikave, menaxhimin e burimeve njerëzore në organizata publike, private dhe jofitimprurëse.

Shkencat Politike

Programi studimor (Bachelor of Arts) i Fakultetit të Administrimit Publik dhe Shkencave Politike, drejtimi Shkencat Politike, u ofron studentëve,gjatë tri viteve të studimit, të meren me studimet mbi qeverinë, politikat publike dhe proceset, sistemet politike dhe sjelljet politike, të përmirësojnë aftësitë e tyre komunikuese dhe hulumtuese si dhe të fitojnë eksperiencë në menaxhim të politikave dhe analizë të politikave ekonomike qeveritare. Nënfushat e shkencave politike ngërthejnë në vete: teori politike, filozofi politike, ideologji politike, ekonomi politike, studime dhe analiza politike, politika krahasuese rajonale dhe ndërkombëtare dhe një mori lidhjesh të tjera në këtë fushë. Shkencëtarët politikë përdorin perspektiva humane e shkencore, si dhe mjete e variacione metodike që të kontrollojnë procesin, sistemin dhe dinamikat politike të të gjitha shteteve dhe rajoneve të botës.

[loneeagle]

Thjesht kurioze cfare eshte fee te mbarosh studimet ne ket universitet?

[RaPSouL]

Përvec studimeve deridiplomike, UEJL ofron edhe studime pasdiplomike.

Biznesi dhe Ekonomia

Studime pasdiplomike

Financa 4+1
Finance dhe kontabilitet
Menaxhment 4+1
Menaxhment
Ndërmarrësia dhe Zhvillimi Ekonomik Lokal
Menaxhmenti në Shëndetësi

Shkencat dhe Teknologjitë Bashkëkohore

Studime pasdiplomike

Informatika e Biznesit
Menaxhimi me Bazat e të Dhënave
Zhvillimi i Softuerit dhe Aplikacioneve 4+1
Studime për Inxhinieri Softuerike

Gjuhët, Kulturat dhe Komunikimi

Studime pasdiplomike

Studime gjermane
Letërsi
Gjuhë shqipe
Mësimdhënia e Gjuhës Angleze
Studimet për Mësimdhënie
Marrëdhëniet me Publikun dhe Komunikimi i Marketingut

Drejtësia

Studime pasdiplomike

E Drejta Penale
E Drejta Civile
Studimet e Sigurisë
Marrëdhëniet Ndërkombëtare

Administrata Publike dhe Shkencat Politike

Studime pasdiplomike

Studime për Diplomaci
Studime të Administrimit Publik
Studime të Shkencave Politike

[RaPSouL]

Thjesht kurioze cfare eshte fee te mbarosh studimet ne ket universitet?

Diploma e cila merret nga UEJL nuk është diplomë shtetërore por ndërkombëtare, nqs je njohës/e e mirë e ndonjë gjuhe tjetër me atë diplom mund të punësohesh në vende të huaja varësisht nga puna dhe suksesi i arritur nga ana e studentit.

[RaPSouL]

Jeta studentore


Shumëllojshmëria është fjala kryesore në përshkrimin e mundësive të shumta për zbavitje që ofron qyteza e Universitetit. Në frymën e pasurimit të përvojës së studimeve, UEJL bën përpjekje të përhershme për të siguruar përmbajtje cilësore rekreative me qëllim të përmirësimit të jetës shpirtërore, mentale dhe shoqërore të studentëve, profesorëve dhe punëtorëve të administratës. Për këtë qëllim, qyteza pasurohet, në mënyrë të vazhdueshme, me vende të rehatshme për çlodhje, për mësim dhe për shoqërim të studentëve. Aktualisht në qytezën universitare ekzistojnë objekte të nevojshme për aktivitete sportive si: futboll, basketboll, hendboll, volejboll, pingpong, etj. Po ashtu, në kuadër të universitetit ekziston Sektori për Sport, ku studentët kanë mundësi të inkuadrohen në klubet e ndryshme, të cilët garojnë në ligat lokale dhe në nivel të shtetit.

Bufetë dhe ushqimi

Në kuadër të Universitetit të Evropës Juglindore, funksionojnë disa bufe të cilat frekuentohen nga studentët, gjatë pushimeve mes ligjëratave dhe në kohën e lirë. Për ushqim brenda kampusit, studentët kanë mundësi të zgjedhin mensën, e cila funksionon në kuadër të kampusit të UEJL-ës, por kanë zgjedhje edhe në restorantet e shumta, të cilët gjenden në afërsi të kampusit.

Ushqimi është i llojllojshëm dhe nuk është i shtrenjtë. Në mensë servohet sipas parimit të mensës klasike, ku servohet ushqim i freskët. Janë disa bufe, që funksionojnë brenda kampusit. Stafi akademik dhe ai administrativ shfrytëzojnë bufenë, e cila gjendet në objektin e rektoratit. Po ashtu, në kuadër të kampusit funksionon edhe një supermarket, ku studentët mund të furnizohen me lloje të ndryshme të produkteve ushqimore dhe produkte të tjera.




Aktivitete sportive


Aktivitete sportive për studentet në kampus: futboll, basketboll, volejboll, ping-pong, tenis, shah, skijim .

Gjatë ditës mund të shfrytëzohen terrenet e futbollit, basketbollit dhe të volejbollit dhe objektet e mbyllura për shah dhe ping- pong.

Për rekuizita sportive (topa për futboll, basketboll, volejboll, shah dhe ping – pong) dhe për zhvillimin e aktiviteteve sportive, mund të drejtoheni në Departamentin e Sportit, që gjendet afër fushave sportive, në objektin nr. 202.01/3 .



Klubet studentore

KLUBI I MENAXHMENTIT


Menaxhmenti, si një ndër degët ekonomike më të rëndësishme, zgjon interesim të posaçëm tek studentët, për shkak të natyrës së tij që kërkon: vëmendje, kreativitet, organizim të mirë, përpunim të saktë të informatave, udhëheqës të mirë si dhe mundësi që për raste të caktuara të kërkohen zgjidhje të reja.

KLUBI I MARKETINGUT


Arsyet e formimit të këtij klubi janë të shumta: rritja e vetëdijes së studenteve për degën e Marketingut, si dhe dhënia e mundësisë së shprehjes së talentit dhe aftësive të tyre. Jemi dëshmitarë se marketingu gjithnjë e më shumë po bëhet vendimtar në suksesin e kompanive, prandaj ata i kushtojnë rëndësi të veçantë pikërisht sektorit të marketingut.

KLUBI JURIDIK


Arsyet e formimit të këtij klubi janë të shumta: rritja vetëdijes së studenteve për degën e Drejtesisë si dhe dhënia e mundsisë së shprehjes së talentit dhe aftësive të tyre në lëmin e jurispodencës. Klubi u themelua më 21 Janar 2008 dhe vepron në kuadër të Unionit të Studentëve të UEJL-ës.

KLUBI I ADMINISTRIMIT PUBLIK


Duke e parë të nevojshme themelimin e Klubit te AdministrItimit Publik të universitetit tonë, Unioni i Studentëve, më 21 Janar 2008, formoi Klubin e Adminisrimit Publik. Arsyet e themelimit janë të shumta: rritja e vetëdijes së studentëve për drejtimin e tyre, si dhe mundësia e përsosmërisë profesionale mbi vlerat e mirëfillta të këtij drejtimi.

KLUBI I PUNËS DHE POLITIKËS SOCIALE


Arsyet e formimit të këtij klubi janë të shumta: rritja e vetëdijes së studenteve për çështje sociale të shoqërisë si dhe dhënia e mundësisë së shprehjes së talentit dhe aftësive të tyre në lëmin e Punës dhe Politikës Sociale. Klubi përbëhet prej studentëve të Programit Studimor të Punës dhe Politikës Sociale që meret me çështjet sociale të shoqërisë dhe ka për qëllim zgjidhjen e problemeve nga sfera sociale.

Konviktet

Një veçori unike e UEJL-ës është mundësia e akomodimit në qytezë,e cila posedon 7 konvikte, me kapacitet strehimi për 450 studentë. Objektet e konviktit janë të ndara në objekte për meshkujt dhe objekte për femra. Për të gjitha kërkesat dhe problemet, që mund të kenë studentët, kujdeset kujdestari i konvikteve. Siguria e studentëve është pjesa e veçantë dhe për këtë qëllim, në tërë kampusin, bëjnë kujdestari ekipet e sigurimit të universitetit. Pas orarit të përcaktuar me rregulloren e brendshme të universitetit, çdo hyrje dhe dalje nga kampusi evidentohet. Siguria e studentëve është në nivelin maksimal.

Kushtet

Objektet e konvikteve janë moderne, kurse dhomat janë të pajisura me inventarin e nevojshëm. Karakteristikë është se në kuadër të dhomave janë edhe kuzhinat, të cilët janë të pajisura me aparaturën e nevojshme. Të gjitha konviktet kanë qasje në rrjetin e universitetit (internet) dhe janë të dizajnuar për të përmbushur standardet e konvikteve moderne, duke u ofruar banuesve mundësinë e një vendi adekuat për studime. Të gjithë të interesuarit për vendosje në qytezë duhet, për shkak të kërkesës së madhe, të aplikojnë në afat sa më të shkurtër. Prioritet kanë studentët që vijnë nga qytetet që janë më larg.