Makbule Ceco: PS po perjeton krizen e saj me te rende, qe nga themelimi

[Albo]

Harasani: Rama, përgjegjës për shkatërrimin e PS-së

Qamil Xhani

Ideja e hedhur nga kryetari i Partise Socialiste, Edi Rama per ndryshimet ne Kushtetute shihet si zhvillim jo pozitiv, jo vetem nga radhet e mazhorances, por edhe nga nje pjese e deputeteve te Partise Socialiste. Andis Harasani deklaron se "pendesa" e Rames per ndryshimet e bera ne vitin 2008 ne ligjin themelor te shtetit nuk eshte e sinqerte. Ne nje bisede dje me gazeten "Koha Jone", deputeti socialist, thekson se e vetmja gje per te cilen duhet te pendohet kryesocialisti eshte fakti qe "mori ne qafe" Partine Socialiste me strategjine e ndjekur deri me sot. Nga ana tjeter, kete mungese sinqeriteti, Harasani e sheh edhe te deklarata per rikthimin e Partise Socialiste ne Parlament ne shtator, ose ne ate qe njihet si "kursi i ri politik". "Rama duhet te pendohet vetem qe mori ne qafe PS! Cdo gje tjeter eshte pa rendesi. Pendimi i Rames per Kushtetuten nuk eshte i sinqerte, ashtu si dhe kthimi ne parlament ne shtator", the dje Harasani. Ai vlereson se kerkesa e liderit socialist lidhet me momentin e zgjedhjes se Presidentit te Republikes dhe sipas Harasanit, Rama do te mundohet te evitoje zhvillimet per te cilat dha konsensusin e forces qe ai drejton. Por oferta e re e liderit te Partise Socialiste, sipas Harasanit tregon edhe nje tjeter problem te lidershipit ne menyren e drejtimit te partise. Sipas tij, Rama po tregon paaftesi politike kur kerkon bashkepunim vetem per ceshtje qe i interesojne. Ne kete kuptim, Harasani nuk e sheh dialogun apo bashkepunimin si nje tabu, por thekson se me e rendesishme eshte qe opozita te kete objektiva te qarta. Sipas tij bashkepunimi nuk mund te jete vetem per ceshtje qe i interesojne njeres pale. "Rama e kupton qe po vjen momenti qe te provoje supen qe gatoi per Presidentin dhe mundohet me te gjitha menyrat qe ta evitoje. Nga ana tjeter Rama vazhdon te tregoje paaftesi kur mendon se mund te bashkepunoje vetem per ato qe ka interes ai, duke harruar qe bashkepunim do te thote tolerance", tha dje Harasani. I njohur per qendrimet kunder modelit opozitar te ndjekur gjate dy viteve te fundit nga lideri i opozites, Harasani, edhe per qendrimin e fundit te kryesocialistit, shprehet per nje strategji me te qarte te opozites dhe jo levizje te momentit. Se bashku me deputetet Kastriot Islami dhe Arben Malaj, Harasani ka kerkuar kthimin e Partise Socialiste ne Kuvend, kohe me pare sesa kjo gje qe deklarohej nga kryesocialisti Rama. Ne qendrimet e tij publike Harasani ka theksuar se Grupi Parlamentar i Partise Socialiste do te ishte me eficent ne Kuvend, duke kundershtuar nismat e mazhorances dhe jo duke bojkotuar institucionet. Sipas tij, pjesemarrja ne Kuvend ka qene e rendesishme edhe per faktin se gjate mbylljes se sesionit po kalojne nje sere ligjesh te rendesishem.

KJ

[Albo]

Makbule Ceco: PS po perjeton krizen e saj me te rende, qe nga themelimi

Ndersa deputetet e Partise Socialiste thone se kjo force eshte duke hartuar nje "kurs te ri" politike, ish-drejtuesit e forumeve te saj, qe e kane drejtuar qe nga viti 1991 thone se keto jane momentet me te veshtira per kete force politike. Ish-nenkryetarja e Kuvendit gjate qeverisjes socialiste dhe nje prej figurave kryesore ne kete force deri ne vitin 2005, bene nje analize te zhvillimeve ne seline roze. Sipas saj "Partia Socialiste po perjeton krizen me te rende qe nga krijimi i saj". Duke analizuar gjithe qendrimet gjate gjashte viteve ne opozite, Ceco bene pergjegjes menyren e drejtimit te kesaj force, por nga ana tjeter shpreh bindjen se PS-ja nuk mund te shperbehet nga individe te vecante. Ndersa per humbjet elektorale, ajo fajeson liderin e PS-se, Edi Rama, i cili sipas saj ka justifikuar disfatat personale. "Do ta quaja humbes te madh ate lider partie, si z. Rama, qe flet ne emer te partise qe perfaqeson per vjedhje votash, per te justifikuar disfatat personale, si nje deshmi e pafuqise dhe e mos mbajtjes se premtimeve, se me cdo kusht do te ruaje voten, si nje lider qe humbet kreditet per t'u besuar nga elektorati dhe per tu ndjekur me besim nga ky elektorat", thote Ceco ne nje interviste per "Koha Jone".



Zonja Ceco beni pjese ne politikanet qe kane dhene kontribut ne PS gjate kohes qe ka qene ne opozite dhe ne qeverisje. Si do e vleresonit opoziten e sotme te PS-se?

Gjate 6 vjeteve ne opozite, PS,vecanerisht me reagimet dhe veprimet e dy vjeteve te fundit, pas zgjedhjeve te qershorit 2009, per kedo, eshte e qarte, se coroditja, konfuzioni qe ka ngerthyer lidershipin e saj, ka shkuar tashme deri ne ate pike sa PS po perjeton krizen e saj me te rende ne keto 20 vite qe nga krijimi i saj. Kriza po shfaqet me dukshem pas zgjedhjeve vendore te 8 majit dhe sidomos me rezultatin e Tiranes, cka perforcon mendimin se kjo krize eshte e lidhur drejtperdrejt me lidershipin e saj, qe duket dhe deshmon se e ka shnderruar forcen me te madhe politike ne vend ne nje instrument per t'i sherbyer vetem lidershipit dhe interesave te ngushta dhe personale te tij. Ndonese me dhimbje, por eshte e domosdoshme te flitet hapur, pa doreza, se PS eshte ne krize, pavaresisht se per shume socialiste mund te duket sakrilegj, por sikurse thote Ajnshtanji "Kur do te thuash nje te vertete lere delikatesen tek rrobaqepesi".

Ne radhet e socialisteve por dhe ne opinionin publik, ka filluat te ndihet perhere e me teper se qendrimet, pozicioni, statusi, strategjia, veprimtaria politike e PS qe zuri fill nga 2009-ta e ne vazhdim, pas kaq zvarritjesh dhe konceptesh dilentateske per politiken, domosdoshmeria imperative per te konsideruar, reflektuar seriozisht dhe rikonfiguruar ndryshimin e kursit, perpunimin e nje programi dhe nje alternative qe deri me sot ka munguar, per te krijuar nje status tjeter te opozites ne teresi, e te PS ne vecanti, sepse opozita ne nje sistem parlamentar demokratik eshte pjese e rendesishme e sistemit. Ne shkencen politike roli i opozites konsiderohet domosdoshmeri, roli i saj vleresohet si "nje levizes tjeter i politikes", pare kjo ne dy aspekte: se pari me vullnetin dhe shansin per te ndikuar ne proceset politike aktuale, dhe se dyti, me planin dhe mundesine per te marre pushtetin ne te ardhmen si e vetme ose ne koalicion me subjekte te tjera politike.

Pra, funksioni kryesor i PS ne opozite, sikurse pergjithesisht cdo opozite, ne nje sistem demokratik parlamentar, eshte paraqitja e alternativave te qeverisjes. Ne kete kontekst, opozita jo vetem qe duhet te profilizohet si alternative politike, por ajo duhet te jete vazhdimisht e gatshme, ne rruge legale, legjitime dhe kushtetuese per te marre pushtetin duke luajtur rolin e saj ne tri drejtime themelore veprimi: kritike, kontroll dhe alternative. Pra PS ne opozite duhet te kritikoje veprimet e qeverise, te kontrolloje pushtetin dhe te shfaqe alternativat e saj.

Si do e vleresonit rezultatin e zgjedhjeve te fundit vendore ne raport me pretimet e kreut te PS-se per nje vote politike dhe humbjen e Tiranes?

Politikat dhe drejtesia e tyre, efektiviteti, realizmi dhe mbeshtetja per keto politika, qe ndjek nje force politike, maten me rezultatet konkrete ne betejat me kundershtaret politike, vecanerisht ne ballafaqimet zgjedhore, qofshin keto zgjedhje te pergjithshme politike, qofshin zgjedhje administrative vendore. Ne kete kuptim edhe zgjedhjet administrative vendore e mbartin ne vetvete karakterin politik, per sa kohe nenkuptojne ballafaqim midis forcave politike, por venia e theksit, ne zgjedhjet vendore te 8 majit, tek karakteri i thjeshte dhe kryesisht politik i tyre, sic deklaroi z. Rama, pare ne driten e rezultateve te arritura, vecanerisht ne Tirane,nuk eshte tjeter vecse nje boomerang per vete z. Rama, i cili kandidoi me nje status te dyfishte si kryetar i PS dhe si kryetar i bashkise, duke zgjedhur kete pozicion dhe status te dyfishte edhe kryetar partie edhe kryetar bashkie, duke synuar, si gjithnje, t'i kishte te gjitha per vete, ne rast fitoreje, packa se nje mori faktoresh dhe argumentesh te cilat ai jo vetem nuk i konsideroi, por i injoroi, diktonin reflektim dhe shtronin nevojen per te korrektuar dhe korrigjuar kete status edhe /edhe,ne statusin ose/ ose, (ose kryetar partie ose kryetar bashkie) ne zgjedhjet vendore te 8 majit, megjithese, sipas gjykimit tim, ky status edhe/ edhe duhej te ishte ndrequr shume kohe me pare, qe ne zgjedhjet vendore te 2007, madje dhe me heret, qe ne 2005 kur si kryetar i bashkise, z. Rama, u kurorezua edhe kryetar i partise.

Ju beni pjese ne politikanet ne PS qe kane kundershtuar qe ne fillim mungesen e vendimmarrjes se forumeve dhe frymen autoritariste ne PS, pas vitit 2005. Ne mbledhjen e fundit te Asamblese Kombetare te Partise Socialiste u vendos edhe nisja e zgjedhjeve per forumet brenda partise. Mendoni se ky eshte nje shans per ridimensionimin dhe hapjen e partise?

Gjykoj dhe besoj se nisja e procesit per zgjedhjen e forumeve brenda partise nuk perben e nuk duhet konsideruar thjesht si nje shans per riformatimin e se majtes, ne kete moment ky ridimensionim e riformatim eshte dhe perben domosdoshmeri dhe imperativ akut. Opozita duhej riformatuar shume kohe me perpara, por me mire vone se kurre.

Deputeti Arben Malaj ka prezantuar nje platforme qe synon moderiznimin e PS, nderkohe qe Kastriot Islami dhe Andis Harasani perbejne disa nga zerat me oponente ndaj kreut aktual te PS. Si i vleresoni keto zhvillime dhe a jane te mjaftueshme per te ndryshuar gjerat ne partine me te madhe te opozites?

Tashme, pothuajse pranohet nga nje shumice jo e vogel e anetaresise dhe e opinionit te gjere publik se z. Rama gradualisht, hap pas hapi, i dha PS-se fizionomine e nje partie centraliste, me fryme autoritariste e totalitariste te lidershipit, ku alternativat e ndryshme nuk ekzistojne si mundesi, perjashtohen, ndersa imponohet mendimi i "njeshit" e njerezve te tij, sipas motos "beni si them une, mos beni si bej une" dhe zbatohet nepermjet nje politike represive, perjashtuese, nihiliste, agresive, radikale, bizantine.

Por, sigurisht, PS nuk mund te mbetet e tille, prone e njeshit, kushdo qofte ai, themelues apo rishtar. PS eshte parti e anetaresise dhjetera-mijeshe dhe e mbeshtetur fuqishem nga simpatizantet dhe perkrahesit e saj nga shtresa, kategori, grupe sociale e grupmosha qindra-mijeshe,qe te PS shohin shpresen per progres e per nje te ardhme me te mire te tyre dhe te vendit. PS eshte nje pasuri politike e shoqerise shqiptare dhe nuk mund te shperbehet e te shformohet nga individe te vecante, ndonese perkohesisht edhe mund te bjere ne kete gjendje. Situata, ne te cilen eshte aktualisht PS, eshte kalimtare.

PS qe nga krijimi i saj ka kaluar jo pak procese ndryshimi, demokratizimi, zhvillimi permes te cilave jane konturuar elemente te rendesishem modernizimi dhe emancipimi te saj. Keto procese kane qene e do jene te vazhdueshme,permes te cilave ajo ka perballuar sfidat e zhvillimit te shoqerise shqiptare. Ne kete kuader dhe levizja qe ka nisur nga brenda PS, eshte nje levizje qe nuk mund e nuk duhet te behet nen moton e nje emri, Malaj, Islami apo Harasani etj. Demokraci do te thote komunikim,do te thote njerez qe bisedojne me njeri-tjetrin per shqetesimet e perbashketa, qe ndertojne te ardhmen e tyre, ka nenvizuar nje publicist amerikan. Kjo eshte e nevojshme per cdo parti politike, sikurse dhe per marredheniet ndermjet partive aleate. Nen kete filozofi, duhet te ndertohen edhe marredheniet me partite e tjera te opozites, edhe per zgjidhjen e problemeve te dites apo te perspektives. E rendesishme eshte shfrytezimi i situates per interesa me te medha politike. Per te arritur keto synime, gjykoj, jane me se te nevojshme perpjekjet dhe presioni i anetaresise per te programuar e konturuar ne menyre gjithnje e me rezultative alternativen e majte, per te frenuar rrugetimin, e hapur apo latent, per centralizimin e metejshem te partise, per t'i thene ndal rruges se konsolidimit te PS si parti e njeshit e ne varesi te interesave personale te tij,nga kushdo qofte "nga lart e per larte, per reformim e modernizim te vazhdueshem e real dhe jo imazhist apo fasadist te PS.

Nga te gjithe dihet dhe njihet se, levizjet e proceset emancipuese, modernizuese, demokratizuese e kane shoqeruar gjate gjithe historise se vet PS-ne. Levizja e tanishme ne PS e shprehur ne emra te pervecem si Malaj etj, kunder dukurive autoritariste e antidemokratike qe jane lehtesisht e qartesisht te identifikueshme, eshte e nevojshme te konturohet si levizje gjitheperfshirese dhe jo e izoluar brenda nje grupi individesh, qofshin me autoritet, kredibilitet, te zgjedhur ne struktura drejtuese apo deputete, qe te marre trajtat, mbeshtetjen dhe forcen e nje levizjeje per zhvillim, progres e demokratizim te vazhdueshem, mbasi demokracia eshte proces i hapur, nuk jepet njehere e pergjithnje,ajo fitohet, rritet, thellohet. Ky proces nuk eshte atribut i disave, as vetem i lidershipit apo as i te larguarve qe gjoja kerkojne revansh, sic mund te konceptohet siperfaqesisht, por eshte nje proces per ceshtje parimore te zhvillimeve te nje partie demokratike. Ky eshte nje proces qe kerkon obligim, angazhim, perkushtim te te gjitheve, te cdo anetari te partise, te cdo intelektuali anetar, simpatizant apo i paanshem, te te rinjve dhe te rejave,te burrave dhe grave,te veteraneve dhe pensionisteve,te cdo progresisti.

Per PS, aktualisht, eshte ne rend te dites, si per cdo parti me te vertete demokratike, qe ne filozofine politike dhe veprimtarine e praktiken konkrete te saj, te mos pajtohet as me udheheqjen absolute te nje personi dhe as me sundimin e nje burokracie anonime, eshte e rendesishme qe permes percaktimeve ne statutin e programin e saj te siguroje bashkeveprimin e te gjithe anetareve ne pervijimin dhe materializimin e linjes politike partiake, perfshi dhe aleancat e koalicionet, zgjedhjen e drejtuesve partiake si dhe paraqitjen e kandidateve per detyra parlamentare dhe shteterore.

Ne kete menyre domosdoshmeria e rikonfigurimit te PS, do te sjelle ndryshime reale te tilla qe PS te mos jete e mos mbetet sic eshte transformuar aktualisht, vetem ne emer e tille, por te risjelle e rivendos ne filozofine politike,ne strategjine e programin e saj parimet dhe idealin e se majtes, sepse sic thote Ernest Fraenkel "perkunder pohimit te domosdoshmerise se qendrimit pragmatik ndaj politikes,....bota qeveriset nga parimet", ide kjo e formuluar para afro 50 vjeteve por qe eshte e vlefshme edhe ne ditet e sotme.

Ne kete kendveshtrim, ze nje vend paresor ideja, se mundesia e ndertimit te nje godine solide te nje partie demokratike, moderne e progresiste qendron ne zevendesimin e konceptit voluntarist, subjektivist te ligjit (statutit dhe programit te PS) me "filozofine e ligjit", me respektimin dhe jo injorimin e mosperfilljen e institucioneve e strukturave drejtuese te zgjedhura demokratikisht te partise.

Thenia e Hipokratit te lashtesise se: "Natyra nuk toleron asgje te ekzagjeruar" duket sikur eshte formuluar per te terhequr vemendjen e anetaresise socialiste te PS per ta adresuar drejt nje reflektimi serioz e te thelle per zhvillimet ne kete parti.

Ajo qe i duhet te beje sot PS, eshte te gjeje ekuilibrin e humbur, midis perpjekjes ekstremale, por joefektive, per t'u dukur e re, dhe humbjes se identitetit duke rrezikuar te huazoje kontributin dhe elementet baze te vlerave te se majtes.

Vetem e riformatimuar dhe e udhehequr nga nje filozofi politike moderne dhe strategji e "deres se hapur ndaj te gjithe vlerave e kontributeve" nder vite, duke u mbeshtetur ne gjithe trashegimine pozitive njerezore, programore, filozofike e politike te nje partie te vertete moderne te majte, PS do te mundesoje realizimin e misionit dhe te synimit per t'i dhene politikes shqiptare pluraliste dimensionin e se majtes reale, e nje opozite te vertete si ne forme, ashtu edhe ne permbajtje.

Pak jave me pare u festua 20 vjetori i Partise Socialiste. Si rralle here ne kete ceremoni mungonin nje pjese e mire e njerezve qe kane dhene kontribute ne kete force politike. Cfare pjese dhe vlere mendoni se ze ne historine e PS-se drejtimi i saj nga Edi Rama ?

PS ne keto 6 vjet te drejtuar nga z. Rama eshte shnderruar nga nje parti e hapur, dora dores, ne nje parti te hermetizuar nepermjet diktatit e urdhrit te njeshit- kryetarit, i cili qe nga momenti i marrjes se drejtimit te kesaj partie shpalli publikisht idene, qellimin dhe pikesynimin e transformimit radikal-ekstrem te saj nen nje frazeologji e retorike te perpunuar, te kamufluar. I frymezuar nga nje filozofi nihiliste, mohuese e negativiste sipas se ciles cdo gje e bere nga socialistet pergjithesisht, e ne vecanti ne 8 vjet qeverisje eshte e pavlere, iu hap rruga aplikimit te terapise "shock per crrenjosjen" e gjithckaje ne PS dhe per konfigurimin e nje partie te epokes "Rama" krejtesisht e ndryshme nga partia socialiste e periudhes se krijimit, zhvillimit, demokratizimit, evropianizimit, modernizimit te saj me kontributin real, dhe jo fasade, te anetaresise dhjeteramijeshe. Sigurisht, per cdo mendje te kthjellet e racionale, nje drejtim i tille i PS nga z. Rama do te sillte ate cka sot pas gati 6 vjetesh nen drejtimin e tij e shohim qartesisht te materializuar ne zhvillimet e gjendjen aktuale te kesaj partie qe per fat te keq, ka korrur vec humbje te njepasnjeshme ne betejat ballafaquese me maxhorancen qeverisese. Madje,ne kete kendveshtrim, do ta quaja humbes te madh ate lider partie, si z. Rama qe flet ne emer te partise qe perfaqeson per vjedhje votash per te justifikuar disfatat personale si nje deshmi e pafuqise dhe e mos mbajtjes se premtimeve, se me cdo kusht do te ruaje voten si nje lider qe humbet kreditet per tu besuar nga elektorati dhe per tu ndjekur me besim nga ky elektorat.

Ndersa flitet per 6 vitet e drejtimit te PS-se nga Rama, natyrshem behet dhe krahasimi me kohen qe kjo parti drejtohej nga Fatos Nano. Mendoni se pas kaq kohesh karriera e Nanos mund te quhet nje kapitull i mbyllur ne PS?

Ne pyetjen tuaj mbartet dhe pergjigja. Per te mos rene ne perseritje do evidentoj cfare e ka karakterizuar ne fryme dhe ne realitet drejtimin e PS nga z. Rama, c'ka ben dhe dallimin dhe diferencen e madhe nga drejtimi i lidershipit te meparshem te kesaj partie.

Drejtimi i lidershipit Rama ne pothuajse keto gjashte vjet per gjykimin tim por jo vetem timin, eshte karakterizuar nga autoritarizmi personal, nga interesat private, nga etja per rritjen e pushtetit e autoritetit te njeshit,nga mendesia per ta pare e poseduar partine si prone vetjake, nga nevoja qe ndjen z. Rama per te afirmuar "identitetin" politik "socialist", nderkohe qe deklaron paradoksalisht me pompozitet infantil se nuk eshte politikan, per t'i hapur rruge implementimit te platformes qe ai ka shpallur qe ne fillim, me retoriken e tij te sofistikuar e te perpunuar, e cila flet qarte per nje largim gjithnje e me te dukshem nga e majta moderne, e emancipuar, vizionare,dhe nga mungesa e objektivitetit. Thuhet, por dhe eshte provuar nga pervoja e zhvillimeve politike, se mungesa e objektivitetit ne politike pothuajse eshte nje (e njejte) me papergjegjshmerine. Duke iu referuar thenies se njohur te Rusoit "se nuk ka gje me te rrezikshme sesa ndikimi i interesave private ne punet e shtetit", me zevendesimin e termit shtet me parti politike, sepse ne fund te fundit institucione politike perfaqesojne, si shteti, ashtu dhe partite politike, atehere behet me se e qarte gjendja e sotme ne PS dhe domosdoshmeria imperative e ndryshimit te filozofise, mentalitetit, frymes, stilit, metodes se drejtimit te saj.

PS dhe gjithe opozita ka perpara sfida te veshtira, sfida qe, ne fund te fundit, kerkojne fitoren e se majtes. Dhe keto sfida, para se gjithash, kerkojne mendim te qarte politik, struktura efikase, shtabe te afta politike, kerkojne realizim te nje procesi te pandalshem per reformim te vertete, real te PS, per t'i mbajtur socialistet te bashkuar, per te mbajtur opoziten e majte te bashkuar. Por, ne gjendjen ne te cilen ndodhet sot PS, eshte ravijezuar e konturuar nje mosperputhje midis synimeve te partise dhe anetaresise se saj dhe qendrimeve e veprimeve te z. Rama me perkrahesit e tij, me prirjen e tij autoritariste, radikale te drejtimit te PS. Zhvillimi dhe realizimi i pikesynimeve nuk mund te arrihet duke krijuar ne parti "turma te bindura" dhe struktura te predominuara nga njerez "pa goje", as me injorim te gjithckaje te arritur perpara ardhjes se lidershipit te ri. "Liria,ne pergjithesi, ka thene Hegeli, ze fill aty ku zoteron ligji (per cdo parti politike ligji eshte statuti) dhe jo arbitrariteti i nje individi te vetem". Vetem keshtu ne filozofine politike dhe mentalitetin e lidershipit te sotem te PS nuk do te vendoset e keqja perpara se mires, mbasi sic shprehet nje historian i degjuar francez, kjo lloj filozofie shfaqet se pari si filozofi e urrejtjes. Qendrimi i z. Rama ndaj z. Nano, deshmon urrejtjen qe e karakterizon ate, por dhe pamundesine e pafuqine per te nderprere karrieren (ndonese perkohesisht mund ta ndale,frenoje ate) apo per te eliminuar vlerat e kontributet e padiskutueshme te kujtdo ne PS e jo me te z. Nano si themelues e drejtues per gati 15 vjet te PS.

Te udheheqesh partine dhe krejt opoziten,kerkohet nje kohezion midis qellimit dhe qendrimeve e veprimeve konkrete si brenda partise qe drejton,ashtu dhe me partite aleate ne opozite. Ky kohezionin brenda PS dhe midis gjithe partive te majta opozitare,mund te arrihet permes nje projekti te qarte e konkret politik, ashte retorikave pa permbajtje, jashte fasades pa substance, jashte terminologjise politike makiazhiste, jashte frymes se perjashtimit e urrejtjes etj, te cilat jane karakteristika te qenesishme te z. Rama. Ky projekt politik duhet te kaperceje kufijte e ceshtjeve te dites, dhe te behet promotor i shfrytezimit maksimalisht te situates aktuale politike ne vend, per interesa me te medha politike, per zgjidhje realiste, jo thjesht ne interes te fitores se opozites se majte, si qellim ne vetvete, por per krijimin e gjithe hapesirave,mundesive e kushteve per fitore te progresit, zhvillimit, forcimit, persosjes se sistemit tone demokratik ende te brishte, per integrimin e Shqiperise, te cilat i mungojne teresisht z. Rama. Prandaj, si konkluzion, pse jo, dhe si rekomandim bazuar ne ate cka misheron z. Rama si individ "jo politikan" dhe si lidership i PS, do te citoja thenien lapidare te te madhit Gete se, "nuk mund te arrish aq larg, nese nuk di se ku shkon".

Gjithashtu,ne kete linje logjike arsyetimi, do te shtoja se eshte rasti per tu ndare nga pozicionet e politikat e perjashtimit, te diktatit, te urrejtjes, te nihilizmit, te komandimit e frymes se njeshit, e vecanerisht te ngutjes ne te cilat eshte orientuar PS nga Edi Rama, pozicione e politika te kushtezuara e lidhura dukshem me ngutjen e egon e tij per tu bere zot jo vetem ne parti por dhe ne shtet, per tu bere sovran mbi sovranin popull, per tu bere i gjithpushtetshem.Per arritjen e ketyre synimeve z. Rama vrapoi dhe dha konsensusin per ndryshimet kushtetuese te 21 prillit, te cilat preken shtyllat kryesore te Kushtetutes se miratuar me referendum popullor dhe qe ishin, pervecse te pajustifikueshme, te papranueshme, edhe tejet te ngutura, te nxituara dhe perseri po per keto qellime z. Rama po vrapon te beje te penduarin e ketyre ndryshimeve kushtetuese.

Perpara PS sot me shume se kurre, del si imperativ, nevoja e nje zgjedhje e zgjidhje te tille qe te shenoje ndryshimin e frymes qe eshte injektuar ne PS nen lidershipin Rama, tek i cili gjen misherim te plote dhe materializohet katerciperisht thenia e Belinski-t se"...Pas egoizmit, pasioni me i madh eshte ai per pushtet..."

Ne perfundim si konkluzion, por dhe si deshire dhe si shprese dhe si mesazh apo rekomandim, per z. Rama e per kedo tjeter politikan te djathte e te majte apo te qendres, aktiv apo jo ne politike, do referoja nje thenie te vjeter filozofike se: "C'vlere ka te vraponi, nderkohe qe jeni ne rruge te gabuar?...", duke e plotesuar mesazhin e kesaj sentence me tezen e Karl Popper, tek "Mjerimi i Historicizmit" fq. 81, i cili parashtron per politikanet nevojen dhe domosdoshmerine per te pare me kujdes rrugen qe kane ndjekur "ne ka gabime, t´i gjejne ato, t´i nxjerrin hapur ne shesh, t'i analizojne e te mesojne prej tyre, ja cfare duhet te beje nje politikan ....".

Ju faleminderit

KJ

[Albo]

Islami: Rama, opozitë me stilin e Zhvejkut pasi humbi Tiranën

Më poshtë po bëj një analizë të thjeshtë për Bashkinë e Tiranës, e cila u bë sebepi që edhe dy vjet të tjera politika shqiptare të mbetet me shumë gjasa në “ngërç” dhe të sorollatet në labirintet e politikës së vjetër, me mentalitet komunist e ballkanik, ku edhe shumë nga lojtarët me moshë të re mendojnë se “më i miri është ai që sillet më keq” dhe “më i zoti është më i paafti që sulmon të aftët”. Edhe për dy vjet të tjera, deri në 2013-n, gjasat janë që të vazhdojë e njëjta situatë si në dy vitet 2009-2011, por me formë dhe stil ndryshe… Nuk duket asnjë sinjal optimist që të ndodhë çudia dhe ky nuk është as pesimizëm dhe as skepticizëm; ndonëse pres me shumë vigjilencë të ndodhë ndryshe, nuk shikoj asnjë shenjë pozitive, madje më rezulton e kundërta kur gjithçka është fokusuar tek zgjedhja e Presidentit, duke e kthyer këtë institucion nga pjesë e zgjidhjes në pjesë të problemit…

“Ngërçi politik vazhdon”: Donkishoti ja lë vendin Shvejkut

“Kriza/ngërçi” me anë të “bojkotit dyvjeçar donkishotesk” do t’ja lërë vendin “krizës/ngërçit” tanimë “pa bojkot përmes luftës me stilin e Shvejkut”, ku palët do të përgjërohen për demokracinë dhe integrimin, por nuk do të merren dot vesh duke u përpjekur vetëm për t’u mbushur mendjen ndërkombëtarëve se fajin e ka pala kundërshtare. Zgjedhja e Presidentit për shkak të zgjedhjes nga ana e tij të prokurorit të Përgjithshëm dhe të shefit të Shërbimit Inteligjent (por jo vetëm), do t’i hedhë në mënyrë naive më shumë benzinë zjarrit. Bashkia e Tiranës do të lakohet në të gjitha rasat në median shqiptare dhe në takimet me ndërkombëtarët si argumenti më i fortë për të justifikuar krizën që do të vazhdojë të jetë prezente deri në vitin 2013; “perëndia u tregua e madhe duke i ofruar humbësit legal në çastin e fundit ‘vjedhjen’ e Bashkisë”. .. E gjithë “kriza/ngërçi politik” dhe të gjithë “krizat e tjera shoqëruese e të sajuara” do të vazhdojnë edhe në dy vitet në vijim dhe do të lidhen me “datën 14 maj 2011….”, “fitoren e ‘vjedhur’ me 10 vota, me KQZ ‘kanibale’, me Kolegjin Zgjedhor të ‘blerë nga studio Berisha’…” e të tjerë, e të tjerë…

Lufta e “maces me miun” duket se do bllokojë marrjen e statusit te vendit kandidat për në BE…

Tema tabu që PS fitoi apo nuk fitoi në Tiranë, tani është kthyer në temë të zakonshme, çdo ditë e më shumë pas daljes së Ramës nga zyra e Bashkisë. Pas pak ditësh, raporti i OSBE/ODHIR do të rihapë debatin e “nxehtë” për cilësinë e zgjedhjeve përmes të cilit secila palë do t’i japë të drejtë vetes duke i mëshuar pjesës që i pëlqen apo duke mohuar pjesën që nuk i pëlqen. Në shtator fillon pra “lufta e maces me miun”, se kush t’ia hedhë njëri-tjetrit në betejën politike për 12 pikat e BE dhe/ose reformën kushtetuese e zgjedhore; kjo lloj beteje duket do të bllokojë procesin e marrjes së statusit të vendit kandidat për në BE dhe nuk do të prodhojë progres për sa i përket reformave, duke u përpjekur t’i tregojnë partnerëve ndërkombëtarë se përgjegjëse është pala kundërshtare dhe pa shumë shqetësim që, edhe këtë radhë, Shqipëria me shumë gjasa do të humbasë trenin europian.

E Majta mbetet e përçarë dhe rezulton humbëse në Bashkinë e Tiranës në 2011-n..

Në 2007-n e majta e bashkuar (PS bashkë me LSI) fitoi 1) kryetarin e Bashkisë, 2) Këshillin Bashkiak, 3) Njësitë bashkiake në raportin 9 me 2 dhe 4) këshillat minbashkiake në raportin 9 me 2. Në 2011-n, PS në krye të se majtës, më të përçarë se kurrë (PS në konflikt me LSI, e cila pas 2009 iu bashkua koalicionit të PD) 1), humbi “legalisht” (e debatueshme/e papranueshme nga opozita politikisht) kryetarin e Bashkisë; 2) Këshillin Bashkiak me 385 vota më pak; 3) Njësitë bashkiake nga 9 me 2 në favor të saj, në 7 me 4 në favor të së djathtës dhe 4) po në të njëjtën masë edhe këshillat minibashkiakë. Nëse e majta do të ishte shfaqur e bashkuar si në 2007-n në konkurrimin për Bashkinë e Tiranës në zgjedhjet e vitit 2011, atëherë 1) kandidati i majtë do të fitonte Bashkinë e Tiranës me 40376 vota (ose me 57.37 % kundrejt 41.04 % të kandidatit të PD) më shumë; dhe 2) me këtë rezultat 55 mandatet në Këshillin Bashkiak do të ishin shpërndarë në 32 mandate për të majtën e bashkuar dhe 23 mandate për të djathtën, duke fituar kështu e majta jo vetëm shumicën e qartë, por edhe kryetarin e Këshillit Bashkiak. Dhe PS nuk do të ishte futur në ngërçin “fitoi Rama me 10 vota apo jo..” duke e mbajtur kështu përsëri PS në krizë, të majtën të përçarë dhe vendin në ngërç e për rrjedhojë të humbur edhe momentin për fitimin e statusit të vendit kandidat për në BE. Për të reflektuar sinqerisht në funksion të suksesit në vitin 2013, duhet të fillojë sipas kësaj mënyre të kryhet analiza realiste e situatës në PS dhe në të majtën shqiptare, përndryshe shanset e humbjes në 2013-n janë shumë të larta…

PS me aleatë të “dobët”, kurse PD me aleatë të fuqishëm…

Një përfundim tjetër është se PS ka menduar më shumë për veten e saj sesa për të ndërtuar koalicion të fuqishëm e të suksesshëm; koalicioni Aleanca për të Ardhmen (AA) i drejtuar nga PS ka fituar 121 232 vota, nga të cilat 104 465 vota (ose 86 për qind të tyre) i ka fituar PS dhe vetëm rreth 16 500 vota (ose 14 për qind) aleatët. Vetëm PDS ka mundur të fitojë rreth 3000 vota, ndërkohë që të gjithë aleatët e tjerë mbeten të “dobët”. Edhe aleati i saj i ri nga e djathta PDK, rezulton i zvogëluar në 2011-n me rreth 30 për qind krahasuar me 2007-n. Kurse PD ka aplikuar një politikë më fleksibël ndaj aleatëve, duke i lënë më shumë terren atyre të rriten për vetë natyrën më të “decentralizuar/dispersive” të votave në zgjedhjet vendore. Koalicioni Aleanca për Qytetarin ka fituar 121 617 vota në 2011-n, nga të cilat PD ka fituar vetëm 77 142 vota (ose vetëm 63 për qind të votave, pra rreth 23 për qind më pak se PS) dhe aleatët e saj kryesore (të gjithë më të mëdhenj se aleatët e PS) kanë fituar si më poshtë: i) LSI ka fituar 21 213 vota (17 për qind të votave të koalicionit), ii) PDIU ka fituar 7217 vota (5.9 për qind të votave të koalicionit), iii) PR ka fituar 4460 vota (ose 3.7 për qind të votave dhe iv) PLL ka fituar 3170 vota (ose 2.6 për qind të votave të koalicionit). Vetëm këto katër aleatë kanë fituar (gjithsej 36 060 vota) më shumë se dyfishi i votave të fituara nga aleatët e PS (gjithsej 16 500 vota). Kjo taktikë është ndjekur qëllimisht për të motivuar më mirë aleatët dhe për të rritur kështu efikasitetin e tyre elektoral në zgjedhje ku votat shpërndahen dhe nuk mundet vetëm partia kryesore t’i mbledhë të gjitha.

PS ka përkeqësuar më “shumë” marrëdhëniet me aleatët tradicionale sesa PD me aleatët e saj …

Ndonëse PS ndodhet në opozitë, ajo i ka përkeqësuar marrëdhëniet me aleatët tradicionale më “shumë” sesa PD me aleatët e saj, ndonëse ajo ndodhet që prej 6 vitesh në drejtimin e qeverisjes së vendit dhe normalisht edhe marrëdhëniet me aleatët duhet të ishin konsumuar. Dy parti “të rëndësishme” kanë bërë lëvizje me 180 gradë, për shkak të keqësimit të marrëdhënieve me partitë kryesore, përkatësisht LSI me PS dhe PDK me PD: i) LSI në 2007-n (me 18 615 vota ose 10.71 %) ka qenë në koalicion me PS dhe në 2011-n (me 21 213 vota ose 8.58%) është në koalicion me PD dhe ii) PDK në 2007-n (me 2363 vota ose 1.36 %) ka qenë në koalicion me PD dhe në 2011-n është në koalicion me PS (1777 vota ose 0.72 %), ndërkohë që një pjesëz e saj (afërsisht sa një e treta) e quajtur Lidhja Demokristiane, LDK (me 698 vota ose 0.28 %) është ndarë prej saj dhe ka mbetur në koalicion me PD. Por, LSI ka pasur një ndikim përcaktues në humbjen e PS, sepse është gati dhjetë herë më e madhe sesa PDK, aq më tepër që PDK ka pësuar një çarje duke formuar 2 parti demokristiane a) LDK, që ka fituar 698 vota dhe b) AAK që ka fituar 209 vota; ndërkohë që të dyja se bashku duke mbetur në koalicion me PD i kanë hequr PDK rreth 35 për qind të votave. Kurse LSI jo vetëm nuk është përçarë dhe as rrudhur, por është rritur në krahasim me vitin 2007 me rreth 3 vota ose 14 për qind.

Në vend të një përfundimi…

Nga kjo analizë e shpejtë për Bashkinë e Tiranës rezulton se arsyet e humbjes së PS në krye të së majtës së përçarë mbeten po ato të humbjes në zgjedhjet e vitit 2009, sepse PS jo vetëm nuk ka reflektuar, por edhe ka ndjekur një taktikë veprimesh jashtë dhe kundër sistemit politik me efekt negativ elektoral:

1) Arsyeja kryesore mbetet përçarja midis PS dhe LSI deri në atë masë sa LSI “detyrohet” të testojë pas koalicionit politik të 2009-s edhe koalicionin elektoral. Për shkak të përçarjes, PS pëson humbje në krahasim me 2007-n në të gjithë parametrat: i) kryetari i Bashkisë, iii) Këshill Bashkiak dhe iii) numër të kryetarëve dhe këshillave të minibashkive.

2) LSI mbetet një faktor vendimtar për caktimin e fitimtarit të zgjedhjeve, qofshin të përgjithshme, qofshin vendore. Koalicioni midis PD dhe LSI në 2011-n rezultoi i suksesshëm, sepse LSI (me 21 213 vota) jo vetëm nuk u rrudh, por u rrit me 14 për qind në krahasim me zgjedhjet e vitit 2007.

3) Një faktor i rëndësishëm shfaqet PDIU (e drejtuar nga një ishsocialist ), i cili duke qenë në koalicion me PD, rezulton forca e katërt në Tiranë me rreth 3 për qind. PDIU e “fortë” rrit shanset e fitores së PD në 2013-n.

4) Aleatët e PD rezultojnë më të suksesshëm sesa ato të PS dhe koalicioni AQ më efikas sesa koalicioni AA, sepse PD aplikoi një taktikë më fleksibël sesa PS, gjë që i motivoi me shumë të gjithë aleatët dhe i lejoi të rriten më shumë ato në funksion të rritjes së koalicionit; kjo taktikë rezultoi efikase, sidomos po të kemi parasysh dispersionin e votave që rezulton në zgjedhjet vendore dhe nevojën për aleatë të “fuqishëm” për t’i mbledhur ato.

5) Nëse PS nuk reflekton si për sa i përket koalicionit me LSI, por edhe të marrëdhënieve me të gjithë aleatët e saj tradicionale (deri tani Rama ka zgjidhur vetëm sesi ish-kryetari i G99 do të bëhet deputet në 2013-n) apo edhe aleatët e rinj të majtë apo të djathtë ka shumë gjasa që në 2013-n PS elektoralisht të ndodhet përsëri në opozitë.

6) Po ashtu, nëse PS nuk heq dorë sinqerisht nga alibitë e humbjes dhe nuk futet në mënyrë të sinqertë në një proces të kryerjes së reformave për integrimin e vendit, ka shumë gjasa që vendi të vazhdojë të ndodhet në krize/ngërç politik me pasoja negative për socialistët, shqiptarët dhe vendin dhe integrimin e tij në BE…

Në këtë shkrim për Bashkinë e Tiranës nuk janë marrë në shqyrtim arsyet që lidhen me funksionimin dhe performancën e PS dhe sidomos drejtimin e saj, të cilat përbëjnë një nga arsyet themelore të humbjeve të PS në zgjedhjet e përgjithshme të 2009-s, në zgjedhjet vendore të 2011-s dhe në menaxhimin e mundësive gjatë zgjedhjes së Presidentit në vitin 2007.

KASTRIOT ISLAMI