Makbule Ceco: PS po perjeton krizen e saj me te rende, qe nga themelimi

[shigjeta]

Pak a shume, "te re" ne politiken shqiptare, do veçoja Bashen me fushaten elektorale te fundit.

Islami apo Zeqo nuk po diskutojne idete e reja, por po bejne analiza te partise se tyre te mbeshtetura ne argumente.

[Redi]

Rama nuk duhet besuar dhe ndjekur per vete faktin se mori kreun e PS-se me nje moto komplet ndryshe nga cfare aplikoi me vone.

PS-ja sot eshte me e ndare dhe me konfliktuale se kurre. Rama po ben te Plotfuqishmin atje dhe mendimi kundra apo demokracia e brendshme qe dikur "Reklamohej" si diferencuesi midis PS-se dhe PD-se nuk ekziston me.


Rames i duhen akoma shume vite experience per te kuptuar qe pa aleate nuk mund te qeverisesh dot ne nje vend me te tille sistem elektoral (Rama eshte perkrahesi NR. 1 i ketij sistemi). Edhe ne rast se mund ta marresh pushtetin, eshte teper e veshtire ta mbash ate apo te qeverisesh i qete.

Ketu qendron dhe ndryshimi me i madh midis Rames dhe Berishes.

Tek Berisha u kthye shumica derrmuese e atyre u larguan. U kthyen shume nga nuk lane akuza nga me monstruozet pa hedhur mbi te.

Dhe jo vetem kaq. Me te u bashkua Fatos Nano, i cili i beri hallall vitet e burgut, vetem te mos shikonte Ramen ne pushtet.

Me Berishen u bashkua Ilir Meta qe cfare nuk ka thene e bere gjate gjithe ketyre viteve, vetem qe te mos lejonte Ramen ne pushtet.


Edi Rama mund te fitonte shume thjeshte e te qeveriste pa probleme ne rast se do te mbante afer Nanon, Meten dhe gjithe te tjeret qe iu larguan dhe ketu po flas per parti apo individe te krahut te vete, dmth majtiste.


Ndersa Berisha jo vetem qe konsolidoi te djathten, por zgjeroi aleancat me kundershtaret e tij.

Kjo gje quhet Pjekuri Politike dhe te arrish krahun tjeter "Reaching Across the Aisle" sic thuhet ne SHBA, eshte domosdoshmeri politike qe te mbash pushtetin. Meqe ra fjala, asnje President ne SHBA nuk ka mundur te marre pushtetin dhe te qeverise pa marre vota dhe mbeshtetje nga krahu opozitar, si ne popull ashtu dhe ne dhomat parlamentare.

Edi Rama duhet te kuptoje qe politika nuk behet me inate. Duhet te mesoje nga humbjet dhe te studioje kundershtaret e tij dhe te mesoje nga ata.

Pas 1997-es, shume pak e besonin se Berisha nje dite do te kthehej perseri ne pushtet. E konsideruan te vdekur politikisht. Por ai mesoi nga gabimet e veta. Mesoi qe edhe kur 70% e popullit eshte me ty sot, pas 2-3 vitesh te hedh poshte ne rast se shumica e partive sado te vogla, qofte dhe me 50 anetare te vihen kundra, sic ishte rasti i votimit te Kushtetutes.

Ai mesoi se aleancat ne politike jane me te vlefshme sesa egoja personale. Dhe e dini se nga e mesoi kete gje?
Nga Fatos Nano, kundershtari i tij politik, pasi Nano sikurse Berisha me vone, mori pushtetin kur askujt nuk ja merrte mendja.
Nano zgjeroi aleancat ne ate kohe (kujtoni Dushkun) dhe mbajti qeverine per nje kohe te mire.

Edi Rama duhet te ule koken sado pak dhe te mesoje.

[juanito02]

S'ka pas nevoje te ftonte ata qe krijuan PKSH ne vitin 1941 dhe ata qe ja nderruan emrin ne vitin 1991, sepse te gjithe pasardhesit e tyre jane sot anetare te denje dhe besnik!

PSSH e sotme eshte nje kenete, siç shprehej Dritero Agolli para disa vitesh dhe atehere e quante Nanon "buf kenete", ndersa sot ky "buf kenete" eshte Rama.

PSSH eshte force politike e ngurtesuar, pa program dhe nuk perfaqeson shtresen qe ajo pretendon qe te perfaqesoje dhe te mbroje.

Ajo qe nga viti kur eshte krijuar, pra 1941, ka mbetur dhe vazhdon te mbese ne nje grupim klanesh.

Ja ke fut si kau peles plako.
Ps eshte vite drite larg nga pd kanunore e Berishes, ndonse seshte akoma parti e majte europiane.
Nuk jane te gjit pasardhsit e komunisteve vetem ne ps po ke me shume ne pd.
Dhe asnje ligj ne bote nuk con fajesine nga i jati te i biri vec kanunit tend.

[DYDRINAS]

Sheraton Party

2011-06-15

Sokol Shameti


BETEJAT POLITIKE PËR PUSHTET...

Ndodhi vetëm tri ditë më parë dhe sa për t’ua hequr merakun atyre që e kishin këtë merak: po, u duk sexy në televizor. Një nga party-t më mondane të muajve të fundit, ajo e SP (që në këtë rast duhet lexuar jo si “Sheraton” por si “Socialist” Party) of Albania, u kremtua në një moment kur opozita shqiptare ndien se ka prekur realisht fundin.

Të marrë tek e tek, shumë nga përfaqësuesit socialistë flasin këto ditë të zymta qershori për një klimë të rrënuar moralisht brenda organizatës së tyre, për diçka të thyer, për një lloj zie që mbahet për dyzetë ditë pasi vdes dikush, për helmim përfundimtar të atmosferës, për këputje të shpresave. Janë zhdukur nga ekrani propagandistët kinse të pavarur. Janë tretur trumbetat luftarake të dekorit të aleatëve. Mbeten ende teknicienët juridikë që i thërrasin në skenë vetëm në raste pazarllëqesh të pamundura apo tentativash për të interpretuar të zezën për të bardhë. Gjithsesi, në “Sheraton” gjithçka shkëlqente para tri ditësh, fytyrat, buzëqeshjet, kostumet madje edhe orët e florinjta, duke të kujtuar ty pak a shumë atë që ndodhi vitin që shkoi për Krishtlindje, kur në mes të “krizës” së hapjes së kutive, befas kupola socialiste shpalli një ndërprerje publicitare, sa për të lejuar udhëheqjen e saj të kalonte disa ditë pushime. Jashtë shtetit, sigurisht.

Të kthehemi te party i “Sheratonit”: gjithçka ishte ujdisur kasten për të ofruar pak relaks në pauzën kur luanët socialistë duhej të shkonin pas pak sërish të përlesheshin në mbrojtje të votës nga sistemi i korrupsionit. Dukej se një dorë e kujdesshme dhe nikoqire kishte marrë masat me merak atje për çdo detaj. Edhe për pijet e shtrenjta, edhe për ceremonialin dhe radhën e kronometruar të lëvizjeve, edhe për këndin e kalkuluar të objektivit të kamerave e deri edhe për një fashë dritash rozë që derdhej gjithë lezet mbi sallë duke krijuar një dekor fluoreshent që ishte adapt për të bërë efekt te teleshikuesi i lajmeve të darkës. Nën këtë kujdes prej gruaje, imperfeksionet s’binin fare në sy dhe shkëlqimi ekzaltohej në maksimum. Fjalë të mira thuheshin nga të gjithë. Në parkingun e hotelit më luksoz të Shqipërisë mund të prezantoheshe në ato momente të paharrueshme me katalogun më të fundit të automjeteve më potente, më të kushtueshme dhe më të zeza të ndoshta mbarë gadishullit ballkanik. Por, me tërë mend? A është kjo Partia Socialiste? A janë këta njerëzit që lypin solidaritet nga shtresa e të paprivilegjuarve të këtij vendi? Një muaj pas zgjedhjeve vendore të cilat Partia Socialiste i fitoi, do të ishte i mirëkuptueshëm gjithsesi ky entuziazëm dhe ky afishim brutal arsenali pasuror si ai i tri ditëve më parë në “Sheraton”.

Por kujdes. Në Partinë Socialiste nuk flasin aspak për fitore. Atje këto zgjedhje konsiderohen të vjedhura e të manipuluara. Ndaj më shumë sesa një manifestim i bujshëm luksi, kremtimi në “Sheraton” duhet parë thjesht si një stil i rëndomtë jetese, si një ritual i zakonshëm i lidershipit rozë, që s’ka të bëjë aspak me gëzimin e fitores a hidhërimin e humbjes. Socialistët kremtojnë dolce vita-n, e kjo e “Sheratonit” është mënyra sesi ata e bëjnë këtë, ndonëse siç thotë një proverb skocez, një festë është vendi ku secili shfaqet si njeriu që do donte të ishte. Në këto vite të modelit socialist Rama, kjo ka qenë në të vërtetë Partia Socialiste. Një spekulim festiv me detaje të kuruara vizualisht që ngjan bukur nga jashtë, ndonëse përmban asgjënë përbrenda.

E megjithatë, pavarësisht imponimit të këtij modeli piktural, nuk mund të themi se në rastin e Partisë Socialiste kemi të bëjmë me asgjënë perfekte në ekspozim të plotë. Anëtarësisë e shumë prej militantëve të thjeshtë anekënd sivjet u doli prapanica vendit dhe kjo u shpërblye: Partia Socialiste fitoi për herë të parë në një shkallë aq të gjerë qytetesh saqë 8 maji mund të arkivohet si një datë suksesi për ta. Kandidatë të kësaj partie që garonin për herë të tretë a të katërt korrën fitore edhe më të thella se në zgjedhjet e kaluara në bastionet e tyre tradicionale. Njerëzit tejpërtej Shqipërisë thanë se duan të qeverisen në mënyrë socialiste, se ua besojnë atyre pushtetin dhe ua delegojnë atyre administrimin e të ardhurave në nivel lokal në shumicën e qyteteve të mëdha e të vogla.

Krejt ndryshe ndodhi me njërin prej kandidatëve socialistë, që përkon edhe me kryetarin e kësaj partie. Zoti Rama pavarësisht fushatës së nderë që udhëhoqi, pavarësisht gjuhës së ashpër, pavarësisht inkuadrimit shpesh edhe haptas të një numri tmerrësisht të madh opinionbërësish që thuajse e “bënë” vërtet opinionin sikur fitorja e tij ishte e padiskutueshme, nuk e arriti dot këtë fitore të padiskutueshme. Pas shock-ut, zjarrmisë dhe skandalizimit të ditëve të para, më në fund duket se ka ardhur bashkë me davaritjen e zhurmës, edhe konfirmimi se sa pak e besonin edhe vetë mbështetësit e Ramës legjendën e fitores së merituar, por të grabitur. Askush nuk del më në favor të tij, sepse shumë nga ish-zyrtarët e administratës socialiste të dërguar në media me mision agjitatori e ndiejnë që Rama tashmë është i pambrojtshëm. Kauza e tij është e humbur ndaj dhe argumentet e mbështetësve janë përherë e më të zvargur. Njerëz të ndryshëm po ftohen ndaj tij për arsye të ndryshme. Industrialistë e biznesmenë të fuqishëm që e shihnin deri tani si një bashkëpunëtor dhe partner në punën e tyre, s’e shohin më si të tillë. Idealistë dhe dashnorë të rinisë së përjetshme në politikë, e quajnë atë tani një avaz të vjetër. Eksperimenti i tij për kapitalizimin e socializmit dështoi ndërkohë që të gjithë e dinë se ishte pikërisht e kundërta që ai duhej të advokonte. Bashkë me të humbi edhe shpresa për të ardhur në pushtet e për t’u shpërndarë nesër ofiqe sekretarësh ministrie shërbyesve të sotëm. Deri edhe Muç Nano ndihet i ofenduar nga Edi Rama kur bën zbulimin (më mirë vonë se kurrë) se kryesocialisti është katandisur në atë derexhé saqë askush nuk e merr më seriozisht as kur shkruan letra të hapura.

S’ia vlente të tërhiqej edhe ky shkrim në katakombën miniatureske rreth numërimit të asaj a kësaj kutie, a të aq apo kaq votave, por diçka duhet thënë edhe për këtë histori të fryrë e të mitizuar këto kohë kaq shumë. Mendimi është pak a shumë i njëjtë dhe i hasur e i artikuluar në forma të ngjashme nga shumë e shumë njerëz të thjeshtë që e klasifikojnë veten përgjithësisht majtas: dhjetë votat e avantazhit të Ramës mbi Lul Bashën janë njolla më e turpshme që një lider opozite mund të mbartë mbi ndërgjegjen e tij. Dhjetë vota të mjera më shumë se një kandidat i konsideruar vrasës, hajdut ordiner, sahanlëpirës dhe tradhtar i atdheut, janë prova se kjo retorikë nuk të bind, ose më mirë akoma, se e thënë prej një lideri aq jo-frymëzues dhe jo të besueshëm sa Edi Rama, të nxisin vetvetiu të bësh të kundërtën. E nëse brenda katër vjetësh numri i atyre që kanë votuar kundër teje ka shkuar nga 75 mijë në thuajse dyfishin, para kësaj situate çdo njeri normal që ka lypur rikonfirmim me votë duhej të arratisej një orë e më parë nga sytë këmbët duke i vënë më pas edhe gishtin kokës për të zbuluar se çfarë u ka bërë këtyre njerëzve që e neverisin në këtë shkallë. Në të kundërt, Rama po na servir përrallën e ulët të “kosovarëve që janë shpërngulur në Tiranë për të votuar Bashën”, një shaka pa kripë dhe pa bazë për sa kohë askush ndër ne banorët e Tiranës s’ka qenë dëshmitar i halucinacionit të këtij bumi kaq të madh demografik të qytetit, e për sa kohë pasaportizimet në këtë qytet i administron po ajo Bashki e kontrolluar gjatë gjithë kohës nga zoti Rama.

Partia Socialiste dhe e majta në Shqipëri, nuk kanë nevojë për një fitore të Tiranës me 10 a 100 vota plus, ose të përftuar përmes ankesave të pafundme në Kolegj Zgjedhor e zvarritjes deri në mërzi të një procesi tashmë të marrë vesh sesi do të jetë edhe pa kallauzin përkatës. Zgjedhjet morën fund ditën kur dy kandidatët rezultuan ngjitur me njëri-tjetrin dhe të paktën për ata që i kishin mëshuar për dy vjet rresht teorisë së hendekut të thellë që ndante dy palët dhe “të vetmes rrugë”, ato, zgjedhjet, janë të humbura përfundimisht e pa kthim. Ky rezultat nuk është fitore e askujt, por dëshmi sesa identik është kandidati i së majtës me atë: vrasësin, hajdutin ordiner, tradhtarin e atdheut. Ndaj largimi prej kësaj fitoreje do të ishte distancimi i vetëm që do ta ndante zotin Rama nga perceptimi i përbashkët me konkurrentin e tij.

Nga ana tjetër, nuk ka asnjë justifikim e asnjë qarje që mund ta shpëtojë kryetarin e Partisë socialiste nga fakti i hidhur se përkundër gjithë socialistëve të tjerë, ai është i vetmi që herë nuk guxon të konkurrojë fare në zgjedhje (si në ato të përgjithshmet parlamentare) e herë e humbet turpshëm mbështetjen popullore kur garon (si në këto vendoret për Tiranën). Ky nuk është lideri për të cilin e majta shqiptare ka nevojë dhe këtë është mirë të fillojnë ta kuptojnë të majtët e inkuadruar institucionalisht se sa për ata të parreshtuarit, kjo ka qenë e ditur me kohë e vakt.

Një lider i vërtetë i së majtës në Shqipëri do të ishte një burrë a një grua që do të sillte më në fund në skenë e do t’u jepte peshën që u takon debateve të rënda për të cilat çdo shqiptar që e sheh mirëqenien me dylbi vret mendjen përditë. Si ta bëjmë më të begatë jetën e çdo qytetari? Si ta ndalim hovin e ndërsyer të privatizimit që flak në rrugë njerëz, që ua merr atyre pasurinë e ndërtuar me djersë nga prindërit e ua shet pastaj po të njëjtëve njerëz me çmime ku shteti s’ndërhyn dot, se normale – ka hequr dorë nga administrimi i kësaj prone? Si ta bëjmë që të paguajë më shumë njeriun që përfiton më shumë nga shfrytëzimi i pasurisë së vendit, nga infrastruktura e tij, nga forca punëtore dhe krijuese e shqiptarëve? Si t’i orientojmë pastaj këto para drejt pagave të punëtorëve publikë? Drejt spitaleve të shtetit që sot ngjajnë si një rrjet barakash përballë ofensivës arrogante të spitaleve private ku jeta shitet e blihet me çmime ligjërisht të pakontrollueshme? Si ta shpëtojmë arsimin dhe dijen që e ka krijuar njerëzimi nga paketimi dhe tregtimi i saj në shitoret private të dijes ku i pasuri blen gjithçka, e i varfëri lihet në paditurinë e magazinës popullore publike ku askush nuk interesohet për të derisa ai vetë t’ia bëjë bam e të shkojë edhe ai të shpenzojë kursimet te privatët? Si t’i thërrasim njerëzit në rrugë sa herë secili prej këtyre interesave preket sadopak e si të bëhemi barrikadë trupash jo për të mbrojtur mandate deputetësh milionerë, por interesa shqiptarësh anonimë? E në fund, nëse sërish nuk do të jetë në gjendje të gjenerojë atë energji që do ta shndërronte partinë e tij, opozitarizmin siç thotë Muç Nano, në një frymë e modë të përgjithshme, ky lider të kishte kurajën të telefononte kundërshtarin e tij për t’i uruar fitoren e të tërhiqej me dinjitet.

Këtë mision që zoti Rama e paraardhësi i tij nuk arritën ta përmbushin dot, duke iu dorëzuar ankthit burokratik të marrjes së pushtetit për veten e grupin përreth, është koha që ta marrë përsipër dikush tjetër që të ketë kurajën, dëshirën dhe energjinë për ta realizuar. Partia Socialiste ka një mision për të përmbushur dhe ofiqarët e saj teknikë janë thjesht të përkohshëm dhe të shkarkueshëm në rast dështimi. Ndaj edhe pse ekziston përpjekja për t’ia adresuar humbjen personale të zotit Rama gjithë Partisë Socialiste, e për t’i bërë thirrje zgjimit më në fund të gjenisë krijuese të këtij kryetari që vazhdojnë ta presin të zgjohet e që vazhdon të ofrojë artific pas artifici vetëm për të mos u gjykuar si humbës, është mirë që të bëhet përfundimisht leximi i duhur i asaj që ka ndodhur. Humbësi i vërtetë nuk është Partia Socialiste. Kjo parti i fitoi zgjedhjet. Shqiptarët nuk kanë asgjë kundër saj. Humbësi për herë të disatë qyshse ka marrë timonin e kësaj partie është kryetari i saj aktual. Shqipëria foli dhe ajo ka një problem personal me këtë lider dhe modelin e ofruar prej tij. Fajin nuk e ka kurrë populli dhe të ulësh qepenat e partisë së shndërruar në dyqan sa herë s’i del fitimi pronarit, është shantazhi më i ulët që një biznesmen mund t’i bëjë të majtës dhe pronës publike të një vendi ku bën pjesë edhe një Parti e deklaruar si Socialiste.

Ndaj Rama duhet të gjejë kurajën të zbulojë për herë të parë jo gabimet që të tjerët kanë ndaj tij, por ato që ai ka ndaj gjithë të tjerëve. E në fund, të hapë rrugën për shpëtimin e Partisë Socialiste që s’është pronë e tij, nga një epokë eksperimentimi që jo vetëm s’prodhoi sukses, por ka kosto të lartë për të gjithë shqiptarët që rrezikojnë të humbasin prej tij mundësinë e shenjtë të zgjedhjes mes dy të ndryshmeve.

Gazeta Shqip

[Albo]

“Në PS, tradhtia na është kthyer në sistem”

Nga Erion BRAÇE

Për dy ditë me radhë, qyshkur doli në publik lajmi për këtë mbledhje, kam marrë dy këshilla. E para: mos nisni qametin e zakonshëm të të marrurit me njëri-tjetrin; E dyta: nuk është koha për t'u marrë me veten. Këshilla të miqve të mirë, që e kanë bazën tek frika prej asaj që ne prodhojmë shpesh nga ballafaqimet me njëri-tjetrin. Nga këtu në qendër, deri në organizatën më të largët. Por kanë qenë më shumë ata që pyesin: pse heshtni? Unë mendoj se na bën mirë të komunikojmë me njëri-tjetrin; na bën mirë të vendosim bashkërisht për aksionin tonë politik, këtu. Partia Socialiste i fitoi zgjedhjet e 8 majit! Por, ka mjaftuar vetëm një betejë tipike e Sali Berishës, ajo ndaj rezultatit të gjithëparë e fitues të Tiranës, që PS-ja të humbë avantazhin e aksionit politik. Berisha ka bërë gabimin e fundit të jetës, por PS-ja nuk po e ndëshkon! PS-ja nuk mundi të parashikonte e as të ndalte krimin pas zgjedhjeve, konsumuar në një akt final si ndryshim i rezultatit në tavolinë prej një grushti keqbërësish. PS-ja ka ndalur, përfshirë në një betejë juridike që nuk ka duk, për shkak të ambientit të korruptuar ku po zhvillohet, brenda sistemit të kalbur politik. Prej kësaj pike nuk po mund të luftojë edhe pse bëhet fjale për kauzën e njohur, "votën e lirë". Tashmë në kushte krejt të reja, kur PS-ja ka fituar bindshëm besimin e shqiptarëve në zgjedhjet e 8 majit. Sali Berisha ka arritur të fshehë tensionin social që desh shpërtheu m'u në rrugë, madje t'i heqë nervin e betejës PS-së. PS-ja ka fituar bindshëm por po sillet si humbëse. Berisha po na merr zvarrë në një betejë të qëllimtë, për të na ndalur të administrojmë fitoren, madje pa na lënë të gëzojmë për të. PS-ja është fituese por e mëdyshur.
1. Dy mandate që duhen administruar
Më 8 maj, Partia Socialiste mori nga populli dy mandate të qarta:
1. Mandat politik PS u votua si partia më e madhe në vend, me numrin më të madh të votave dhe të zgjedhurve në nivelin e këshillave vendorë;
2. Mandat qeverisës PS-ja u votua si alternativa që do të qeverisë 2/3 e qytetarëve në këtë vend.
2. Problemi i madh i demokracisë
Ne arritëm që në zgjedhjet e 8 majit të ndalim përsëritjen e një vjedhjeje masive, të njëjtë me vjedhjen në zgjedhjet politike të vitit 2009. Por jo deri në fund. Ajo që u duk qartë, krijoi precedentin e paqenë deri më sot, ndryshimin e rezultatit në tavolinë, duke përdorur shumicën e thjeshtë në një trupë politike të njëanshme që administron zgjedhjet. Ajo që u mezi u duk, tërheq alarmin për krijimin e një skeme perfekte të ndërtimit të trupave elektorale fiktivë, me ndikim në rezultatin përfundimtar të çdo gare elektorale. Financuar mjaftueshëm nga paratë e krimit e korrupsionit. Dhe kjo shpërtheu mu në kryeqytetin e këtij vendi. Në Kushtetute thuhet se "Qeverisja bazohet në një sistem zgjedhjesh të lira, të barabarta…". Zgjedhjet e 8 majit dëshmuan se ky premtim kushtetues ka rënë. Premtimet kushtetuese të gjithëpranuara kanë rregulluar bashkëjetesën tonë deri më sot. Rënia e tyre për një pjesë të shoqërisë, në rastin konkret për më shumë se gjysmën, e fut vendin në spiralen e rrezikshme të një konflikti social që dërrmon demokracinë. Ky është problemi i madh me të cilin PS-ja duhet të përballet. Mandati i Tiranës nuk negociohet. Beteja për Tiranën nuk është betejë për pushtetin personal të Edi Ramës, por betejë për të zhbërë një skemë kriminale të vjedhjes së zgjedhjeve dhe shpëtimin e zgjedhjeve si instrument demokratik. Beteja për Tiranën është betejë e çdo qytetari që "vota e lirë" e ndan nga skllavëria. Beteja për Tiranën është beteja e secilit prej nesh, të zgjedhurve, mandati i të cilëve nuk do të përcaktohet nga vota e popullit, por nga vendimi i Sali Berishës. Të dy elementët kriminalë të mësipërm bëjnë të padobishme kushtetutshmërish zgjedhjet, si instrumenti themelor demokratik. Me to, funksional dhe të përdorur tashmë në të gjithë territorin, në zgjedhje politike, manipulimi do jetë masiv. Ky është rreziku që zhbën zgjedhjet dhe demokracinë. Mandati popullor-politik dhe qeverisës që PS-ja mori pas këtyre zgjedhjeve duhet përdorur për të zgjidhur këtë problem të madh të demokracisë. Dy rrugë ka:
- Rrugë institucionale: Reforma të thella të sistemit politik dhe të administrimit të zgjedhjeve. Kjo kërkon pjesëmarrje dhe iniciativë. Prej dy vitesh PS-ja nuk ka bërë jetë parlamentare normale. Rrethanat e imponuara nga Sali Berisha kanë bërë që të jetë kështu. Berisha e ka përdorur këtë për të bërë atë që do. Por, dhe si alibinë e tij shpëtuese përballë çdo institucioni ndërkombëtar, tek i cili Berisha na tregon si parti jashtë sistemi. Caku është kaluar, aq sa PS-ja shihet sot si një parti që ikën dhe jo si një parti në betejë. Kjo është serioze dhe kërkon një vendimmarrje të re të trupës parlamentare, për angazhimin, rolin, detyrat, administrimin e përdorimin e pakicës bllokuese si kusht për reformat jetike të demokracisë, pjesëmarrjen në institucionet kushtetuese.
NDAJ UNË PROPOZOJ: Kthimin e menjëhershëm të deputetëve të PS-së në Kuvend, me një qëllim të përbashkët, me një strategji konkrete, me një alternativë popullore të përballjes me të keqen Berisha atje.
Rrugë jashtë institucionale: Të përballjes me forma demokratike, të ashpra, të protestës për të imponuar garancitë kushtetuese e demokratike të lirisë. Njerëzit duhen thirrur në demonstratë dhe duhen udhëhequr në të. Beteja duhet të vazhdojë në Kuvend dhe në sheshe, por mbi të gjitha përballë me Sali Berishën. Të dyja rrugët nuk përjashtojnë njëra-tjetrën, duhen ndërthurur e përdorur menjëherë.
NDAJ UNË PROPOZOJ: Ditën e buxhetit të ri të qeverisë, si ditën e demonstratës popullore kundër hajdutëve të qeverisë, m'u aty, para e rreth e rrotull Kuvendit.
3. Dy mandatet, ku dhe si duhen përdorur
Kur vota popullore të jep një besim si ai që PS-ja mori më 8 maj, fuqia e besimit duhet të udhëheqë betejën politike për demokracinë, përmirësimin e përfaqësimit dhe alternativës, qeverisjen e mirë e të përgjegjshme. Kjo është përgjegjshmëri. Ajo që po jetojmë si krizë e rëndë e demokracisë, kërkon përdorimin e mandateve të 8 majit në Kuvendin e Shqipërisë, në Partinë Socialiste, në Pushtetin Vendor:
KUVENDIN E SHQIPËRISË
Në një analizë të gjerë, janë një sërë premtimesh kushtetuese që qeverisja e Sali Berishës i ka rrëzuar, nisur nga ai për votën e lirë. Ndërkohë, një sërë garantesh dhe barrierash kushtetuese, ngritur si element kontrolli ndaj sulmit qeveritar mbi Kushtetutën, janë rrëzuar në një akt të qortueshëm bipartizan tre vite më parë, provuar qartësisht si i dëmshëm në tre vitet që vijuan. Premtimet kushtetuese nuk janë mbrojtur, qeveritë dhe partitë i kanë kompromentuar për nevoja politike. Tani është koha për një reformë të Kushtetutës. Ndaj, mandatet e 8 majit duhen përdorur për:
- Reformë të Kushtetutës. (Ndërhyrja që u krye tre vite më parë në Kushtetutë i ka shërbyer krizës dhe ka forcuar pozitat politike të keqbërësve të sistemit). Reforma duhet të zgjidhë krizën: Të garantojë liritë dhe të drejtat, demokracinë si sistemin që kemi zgjedhur për të rregulluar jetën tonë; Të rikthejë balancën, kontrollin mes pushteteve; Të garantojë mbrojtjen e sistemit nga goditjet prej politikanëve që kërkojnë pushtet përtej kufijve kushtetues; Të rikthejë mundësitë që sistemi të vetëmbrohet dhe kthehet në integritet përmes kufijve që ndalin në kohë veprimin antikushtetues të politikanëve që keqdrejtojnë shumica të thjeshta e antidemokratike.
Reformë të sistemit Politik-sistemit zgjedhor e të administrimit të zgjedhjeve. (Ajo që ka ndodhur nga 2009 e deri më sot, është dëshmi se sistemi që ne modeluam është lehtësisht i keqpërdorur brenda partive në krijim të kuorumeve klienteliste e të bindura por edhe lehtësisht i manipulueshëm në zgjedhje çfarëdo, në krijim të shumicave të pavërteta, apolitike por interesash, produkt i manipulimit zgjedhor. Një Dushk edhe më i madh se ai që ishte. Kjo ka sjellë krizën). Reforma duhet t'i japë fund krizës: të garantojë "votën e lirë e të barabartë" si thelbin ku bazohet qeverisja kushtetuese; të garantojë, nga "listimi i zgjedhësve" deri në "leximin e votës", në mënyrë të drejtë, të paanshme dhe transparente parimin "një qytetar një votë"; të modernizojë votimin dhe administrimin e votimit për ta bërë të vërtetë, transparent, të shpejtë, të pamanipulueshëm dhe larg ndikimit të vullnetit keqbërës të cilitdo administrator.
- Reformë të sistemit të drejtësisë. (Ne dështuam në 8 vite të ndërtojmë një sistem drejtësie të pavarur, funksional e eficent, të mbrojtur e mirëpaguar, transparent e të p korruptuar. Është Berisha që po e përdor tani duke instaluar kulturën e padrejtësisë e të pandëshkueshmërisë në vend, shqiptarët dhe në mes tyre që po e vuajmë). Reforma duhet ta zhbëjë këtë Sistem: të ndërtojë e garantojë pavarësinë institucionale të trupës gjyqësore; ta nxjerrë nga çdo lloj varësie prej pushtetit të individit politik dhe votës së tij; ta përtërije me një gjeneratë të re profesionistësh dinjitarë; ta pastrojë me vendosmëri nga anëtarë të korruptuar apo të nënshtruar ndaj korrupsionit politik dhe vendimmarrjes së tij.
- Reformë Administrative dhe të sistemit të Gjendjes Civile. (Kaosi i krijuar me dhe pa ligj në lëvizjen e shtetasve, por dhe falimenti ekonomik i dhjetëra njësive vendore janë sot të dukshme). Reforma duhet t'i japë fund kaosit: të mundësojë një ndarje të re administrative të Shqipërisë që ka në thelb bashkimin për t'u qeverisur më mirë, shtuar e përdorur më mirë burimet ekonomike dhe aksesin e njerëzve në to, si burim mirëqenieje; regjistrim të plotë, ligjor dhe transparent të cilitdo qytetar, familje, pronë, biznesi etj; rregulla të reja të lëvizjes, qëndrimit dhe banimit, ndryshimit të tyre duke vendosur përfundimisht standarde të patjetërsueshme qytetërimi dhe shmangur e ndëshkuar standardet kriminale për qëllime politike, elektorale, të fshehjes së një krimi penal apo fiskal.
NDAJ UNË PROPOZOJ: Një grup të gjerë të reformës kushtetuese, të shtuar me kontribute kombëtare të kësaj fushe, investime tona të menjëhershme në Gjykatën Kushtetuese, Gjykatën e Lartë apo edhe në shoqërinë civile.
PARTINË SOCIALISTE
Zgjedhjet e 8 majit dëshmuan se Partia Socialiste është sot organizata politike më e madhe në vend. Numri i votave që materializon besimin për të vjen në rritje, ashtu si njësitë administrative që ajo do të qeverisë. Ka një debat publik, në të cilin, pushteti shihet i arritshëm prej manovrave numerike. Materializuar kjo prej koalicioneve gjithfarësh. Mendoj që nuk është kështu. Ky vend ka nevojë për "lidership moral" dhe ne nuk mund t'ia mohojmë këtë. Më anë tjetër, besoj që jemi në dilemë. Duhet t'i japim përgjigje pyetjes: si e duam ne PS-në?; por edhe pyetjes: kë do të përfaqësojmë? Më shumë shqiptarë kanë zgjedhur PS-në duke projektuar një parti më të madhe, të majtë, moderne. Kur ndodh kjo, duhet që partia të hapë dyert, të zmadhohet duke mirëpritur njerëz të zakonshëm, grupe sociale, grupe profesionale, grupe interesash, tani edhe gjenerata të reja që duan të lidhin të ardhmen me të. Njëherësh duhet të hapet për të pritur ide, projekte, programe që ideojnë të ardhme të përbashkët. Një shumësi e tillë njerëzish, interesash e idesh, nuk kërkon vetëm një parti por ndërton dhe imponon një "mënyrë jetese"! Pra, PS-ja duhet të jetë më shumë se organizatë, duhet të jetë "mënyrë jetese". Model lirie e zhvillimi, model organizimi e bashkëjetese, komunikimi dhe debati, rregullash dhe bashkimi, model moral interesash dhe karriere, nderi dhe transparence. Ndaj mandati politik i 8 majit duhet përdorur në PS për:
Një program të ri të PS-së
Kujtoj me keqardhje për të tretën herë që ne, partia më e madhe në vend, kemi gati dy vite pa program themelor të Partisë. Tani nuk ka më kohë. Programi duhet t'i japë përgjigje pyetjeve: kë do përfaqësojmë? si do e përfaqësojmë? Një program që shpall si vlerat tona, vlerat më të mira të së majtës evropiane: Së pari; lirinë politike dhe lirinë e shprehjes; Së dyti, lehtësitë ekonomike për të hequr kufizimet ndaj qytetarëve në përdorimin e burimeve ekonomike për të prodhuar e tregtuar dhe shënuar punësimin si e drejtë themelore e qytetarit; Së treti, pronën publike e private; për të garantuar pronën, të drejtat pronësore si mundësi ekonomike për vete e familjen e tij; mbrojtjen e zhvillimin e pronës publike si e mirë e të gjithëve e jo si mundësi qeveritare për ta plaçkitur; Së katërti, sistemin fiskal, për ta çuar barrën e taksave tek ai që përfiton më shumë nga përdorimi i burimeve ekonomike kombëtare publike, vënë në dispozicion; Së pesti, fshatin dhe zhvillimin bujqësor, për të garantuar pronësinë mbi tokën, krijimin e tregut të punës, pra punonjësve të bujqësisë me kontratë; kushte këto për futjen e kapitalit në bujqësi; Së gjashti, arsimin e shëndetësinë dy elementet themelore të mundësive shoqërore, duke krijuar mundësi për shëndet të mirë dhe pjesëmarrje në punësim e shoqëri
Së shtati, sipërmarrjen duke marrë pozicionin e qartë si një parti që krijon mundësi, me rregulla ligjore, të drejta e të barabarta, të taksimit e konkurrencës, ndarjes së kontratave qeveritare, pasurisë apo lejeve e koncesioneve publike;
Reformë lirie
Liria dhe abuzimi me të si në kahun e kufizimit dhe në kahun e keqpërdorimit është problemi më i madh sot i organizatave politike. Kjo është arsyeja përse liria duhet institucionalizuar, garantuar si e drejtë e paprekshme, mbrojtur nga keqpërdorimi prej interesave individuale. Liria duhet: të karakterizojë bërjen pjesë; të garantojë marrjen pjesë; të bëjë të domosdoshëm komunikimin mes të ngjashmeve e të ndryshmeve; të ligjërojë propozimin, idenë, projektin, programin; të udhëheqë debatin;
të bëjë përfshirëse vendimmarrjen; të bëjë të drejtë konkurrimin;
të ndershëm votimin; të detyrueshëm aksionin.
Reformë të rregullave
Rregullat bëjnë të mundur bashkëjetesën në organizatë. Ato vendosin kufijtë për lirinë e gjithsecilit nga fillimi-bërja pjesë deri në fund, dalja jashtë. Ato nuk duhet të tërhiqen, të komprometohen dhe për to duhet të ekzistojë ai që kërkon llogari. Rregullat po kundërshtohen nisur nga pozitat e liridashësit, aq sa sot rregullat dhe organizata shihen njësoj si pengesë për karrierën vetjake. E kur kjo paranojë funksionon, tradhtia bëhet zgjidhja efikase. Tradhtia është kthyer në sistem brenda PS dhe një mundësi për abuzimet elektorale. Rregullat duhet: të garantojnë bërjen pjesë; të bëjnë të domosdoshme marrjen pjesë; të vendosin daljen jashtë kur bashkëjetesa sulmohet apo tradhtohet; të ligjërojnë propozimin, idenë, projektin, programin si kontribut të matshëm; të vendosë debatin si normë brenda partie; të zgjerojë në përfshirje vendimmarrjen; të pranojë si legjitime të drejtën për karrierë në bazë të së cilës qëndron merita e ndërtuar në fushë-betejë; të bëjnë të drejtë konkurrimin; të bëjnë të ndershëm votimin; në fund, të bëjnë të detyrueshëm aksionin
Reformë të institucioneve
Ajo që po i ndodh shtetit, institucioneve të tij, po shpërndahet si infeksion në çdo organizatë, më shumë në çdo organizatë politike. Fuqia politike e individit drejtues tejkalon çdo rregull, del mbi çdo institucion. Kjo po i zhbën institucionet dhe kjo po dobëson deri në paralizë funksionalitetin e çdo organizate. Po ndodh që organizata vihet në lëvizje vetëm kur lëviz individi drejtues, punon vetëm kur punon ai, merr vendime vetëm kur vendos ai për to. Në fakt koha ka treguar se individët kanë kufijtë e tyre politik e biologjik, institucionet duhet të mbeten. Institucionet duhet: të grumbullojnë fuqinë e përbashkët të individëve të organizatës; të garantojnë rregullat e përbashkëta-veçmas ato të komunikimit, propozimit, debatit, karrierës, konkurrimit; të administrojnë pjesëmarrjen në vendimmarrje dhe detyrojë zbatimin e tij; të kufizojnë në mandate drejtuesit por edhe përfaqësuesit, veçmas ata administrativë.
Reformë të strukturës
organizative dhe funksionimit
Hapja e organizatës në funksion të krijimit të hapësirave të reja për cilindo që beson në të, bën të domosdoshme shtrirjen e saj sa më shumë në territor. Një shtrirje kapilare deri në njësinë më të vogël ku grumbullohen e jetojnë qytetarë është jetike. Struktura duhet të funksionojë. Funksionaliteti i saj duhet të burojë nga institucionet, të programohet, orientohet e organizohet prej tyre. Puna, si produkt i funksionalitetit të jetë e matshme. Struktura funksionale duhet: të sigurojë mbulimin kapilar të territorit; të orientojë fuqinë politike të rinisë në terren konkret; të garantojë përfshirjen e gruas në gjysmën e saj; të kapitalizojë interesat profesionale dhe mendimin e kualifikuar të anëtarëve; të programojë punën konkrete dhe të matshme; të ndërtojë punën në ekip si elementin kyç të suksesit.
NDAJ UNË PROPOZOJ: Ngritjen e menjëhershme të grupit që do të hartojë programin e ri të PS; Nisjen e një analize në çdo qendër votimi, me bazë rezultatet e zgjedhjeve të 8 majit e që përfshin këto, kryesinë, asamblenë deri organizatën më të vogël, me produkt rivitalizimin institucional të PS-së.
NË QEVERISJEN VENDORE
Qytetarët zgjodhën më 8 maj Partinë Socialiste për të qeverisur në pjesën dërrmuese të njësive administrative. Pas këtij besimi popullor PS do të qeverisë gati 2/3 e qytetarëve të Shqipërisë. Një mandat i fortë e i qartë qeverisës me të cilin PS ka mundësinë të jetësojë ofertën e saj zgjedhore. Në një pjesë të njësive, qytete e komuna, PS e merr këtë të drejtë për herë të parë pas shumë vitesh, në kushte të një rrënimi të plotë ekonomik të tyre dhe një zhgënjimi të madh të banorëve atje. Të qeverisësh në mes të një krize të rëndë politike, ekonomike, financiare, sociale, nën sulmin e qeverisë së Sali Berishës, presionin për përmbushjen e interesave të familjes së tij dhe gërryerjen e korrupsionit të përhapur është e vështirë. Por e mundur. Ndaj, mandati qeverisës i 8 majit duhet përdorur për:
- Një program kombëtar të qeverisjes vendore
- Zbatimin e Paktit për qytetarin
- Zgjerimin e vendimmarrjes
- Rikthimin e autonomisë vendore
- Një pakt kombëtar kundër interesave të familjes Berisha
për të refuzuar çdo plan të iniciuar apo imponuar dhunshëm nga qeveria qendrore nisur nga interesat e paanë të familjes Berisha. Veçmas në vijën bregdetare nga Velipoja në Ksamil, ku interesat e kësaj familje kanë qenë evidente dhe në konflikt të hapur me interesat qytetare atje. Por edhe në zona të tjera të pasura të vendit, në njësi tashmë të copëtuar nga leje minerare e pushtuara nga industri aspak miqësore me mjedisin dhe qytetarët.
Një pakt kombëtar kundër korrupsionit dhe konfliktit të interesave.
NDAJ UNË PROPOZOJ: Ngritjen e komitetit të të zgjedhurve socialistë; Hartimin sa më parë të një programi parimor të qeverisjes kombëtare dhe një pakti kombëtar kundër interesave të familjes politike Berisha.

GSH

[Albo]

Prapaskenat ne PS, anetarja: Si më përjashtoi Edi Rama nga Asambleja

Tedi Blushi

Entela Hamiti, një prej anëtareve të Asamblesë Kombëtare të Partisë Socialiste, rrëfen në një intervistë për "Gazeta Shqiptare", debatin që ka zhvilluar me Edi Ramën në mbledhjen me dyer të mbyllura. Sipas Hamitit, kryesocialisti e ka "kërcënuar" me përjashtim nga Asambleja, për shkak të qëndrimeve të mbajtura prej saj lidhur me zgjedhjet lokale në zonën e Cërrikut.
Znj. Hamiti, prej sa kohësh jeni anëtare e Asamblesë Kombëtare të PS-së?
Jam zgjedhur anëtare e Asamblesë sipas parimit një anëtar-një votë prej 4 vjetësh. Kam kontribuar qysh në moshën 17-vjeçare për Partinë Socialiste. Kam qenë fillimisht anëtare e FRESSH-it, mandej kryetare e FRESSH-it në Cërrik. Jam zgjedhur gjithashtu anëtare e Këshillit Bashkiak të Cërrikut dhe prej të paktën 7 vjetësh jam anëtare e strukturave më të larta drejtuese të PS-së së rrethit. Vendosa të aderoja në moshë të re në Partinë Socialiste, me bindjen se vetëm kjo forcë politike mund ta nxirrte vendin nga kriza. Kam parë gjithmonë me adhurim personat që e përfaqësonin këtë parti. Ishin figura me integritet dhe që dinin të menaxhonin punët e partisë me qëllim për t'i dhënë asaj fitoren në zgjedhje. Tani situata ka ndryshuar në PS.

Në mbledhjen e fundit të Asamblesë, ju u bëtë pjesë e një debati të ashpër me disa nga figurat më të larta të PS-së, përfshi edhe kryetarin, Edi Rama. Mund të na sqaroni më konkretisht se çfarë ndodhi me ju në këtë mbledhje me dyer të mbyllura?

Gjeneza e këtij debati të ashpër që u zhvillua në Asamble fillon para zgjedhjeve lokale të 8 majit. Në Cërrik, unë së bashku me një grup intelektualësh të PS-së, kemi bërë "luftë" me kryesinë e madhe të partisë në lidhje me kandidatin për kryetar Bashkie, Florenc Doka. Z.Doka është një nga figurat kryesore të PS-së së Cërrikut, me një karrierë të madhe në parti, i cili ka sakrifikuar gjithmonë për këtë forcë politike, përfshi dhe hyrjen në grevën e urisë për kauzën e votës. Kjo kandidaturë gëzonte mbështetjen e të gjithë forumeve dhe organizatave bazë të PS-së. U propozua në bllok prej tyre dhe për pasojë iu kalua kryesisë së partisë për miratim. Por ç'ndodhi? Në momentet e fundit, kryesia e PS-së në shkelje të hapur të statutit e eliminoi këtë kandidaturë për shkak se deputetja e zonës, Shega Ligori insistoi për të vënë një njeriun e saj si kandidat, Arben Ruçin, i cili mandej i humbi zgjedhjet edhe pse Cërriku ka qenë tradicionalisht i majtë. Në këto kushte, të irrituar, me këtë vendim aspak normal dhe të padrejtë të kryesisë së PS-së për të mos pranuar një kandidaturë që gëzonte mbështetjen e të gjithë bazës socialiste, unë së bashku me shtatë intelektualë të tjerë na mbeti si alternativë të mbështesnim z.Doka, i cili vendosi të garonte si i pavarur për postin e kreut të Bashkisë së Cërrikut. Këtë mbështetje ja dhamë për moral pasi e dinim që është e pamundur, që në një qytet të majtë të fitosh duke dalë i pavarur, por ne e bëmë këtë lëvizje për t'i kthyer identitetin PS-së me personat që kanë një karrierë në të dhe jo me persona që hyjnë në PS nga dritarja. Për këtë arsye e kërkova dhe dje fjalën në Asamble. Për të thënë se deputetët duhet ta njohin më mirë bazën, pasi është përgjegjësia e znj.Ligori që PS-ja humbi 10 njësi vendore, Belshin, Shalsin, Kajanin, Grekanin etj, pra komplet zonën për shkak të vendosjes së kandidaturave të papërshtatshme. Tani para se unë të merrja fjalën, deputetja kishte thënë ose ajo ose unë në Asamble. Këtu filloi dhe debati. Vendosa të çohem dhe të tregoj se je deputet dhe mund të kesh të drejtë gjithë kohës por nuk është e drejtë që baza të mos pyetet dhe të shmanget gjithë kohës. Kam marrë fjalën dhe kam sqaruar pozitat e mia sepse më akuzuan se kam garuar dhe për një parti të djathtë në zgjedhjet lokale. Ndërkohë nuk është e vërtetë. Unë kandidova për partinë Lëvizja për Drejtësi e Shqiptarëve në zonën e Belshit, që nuk është parti as e majtë dhe as e djathtë dhe për më tepër që nuk është pjesë e asnjë koalicioni. E bëra këtë lëvizje për moral dhe jo për t'i prishur punë PS-së. Edhe në rast se do të ishte kështu, kjo nuk e justifikon deputeten e zonës pasi dhe në këtë rast është ajo fajtore. Mua në Asamblenë Kombëtare të PS-së nuk më ka zgjedhur as ajo, as kryetari, as kryesia. Më kanë zgjedhur delegatët e Kongresit, me votimin një anëtar një votë ndaj nuk mund të më ndalonin të merrja fjalën.

A e keni sqaruar këtë çështje me kryetarin e PS-së, Edi Rama?

Tentova, por për fat të keq kryetari i PS-së më tha: Ty të kanë thirrur gabimisht në Asamble se nuk je pjesë e saj. Ndaj shfrytëzoj rastin për të sqaruar edhe z.Rama, me gjithë respektin që kam, se ai nuk ka të drejtë të më heqë mandatin e anëtares së Asamblesë sepse unë jam propozuar e zgjedhur nga baza. Vetëm baza ka të drejtë të më heqë mandatin. Dhe fakti që unë kandidova me një parti jashtë koalicioneve të majta dhe të djathta tregon se unë fare mirë, mund të bëja një zgjedhje tjetër duke garuar me një parti të madhe ose dhe të punoja nën rrogoz kundër PS-së, por kurrë nuk e kam menduar dhe bërë këtë.

Po ju çfarë i thatë z.Rama?

Nuk më la kohë të sqarohesha. Më tha që ti moj zonjë je thirrur gabimisht sot dhe pastaj u largua. Ka ardhur koha që në PS duhet pyetur baza, vendimmarrja duhet të jetë horizontale dhe pastaj e deleguar vertikalisht dhe jo siç është kthyer tani PS-ja, në një diell që do të mbulojë gjithë Shqipërinë por që nuk ka forcën e duhur për ta bërë këtë.
Sekretari organizativ i PS-së, Blendi Klosi ju akuzoi gjatë mbledhjes së Asamblesë se ju dhe familja juaj keni hedhur fishekzjarrë kur fitoi e djathta në Cërrik. A është e vërtetë kjo?
Z.Klosi për fat të keq është dezinformuar. Nuk e di ku mund të ketë qenë z.Klosi në 8 maj, por në Cërrik nuk ka qenë që të jetë ketë qenë kaq i informuar për këtë çështjen e fishekzjarrëve. Nëse ai merret me thashetheme dhe pseudoinformacione më vjen shumë keq.

GSH

[Deni_Boy]

Anetarja: Si më përjashtoi Edi Rama nga Asambleja

Entela Hamiti, një prej anëtareve të Asamblesë Kombëtare të Partisë Socialiste, rrëfen në një intervistë për "Gazeta Shqiptare", debatin që ka zhvilluar me Edi Ramën në mbledhjen me dyer të mbyllura. Sipas Hamitit, kryesocialisti e ka "kërcënuar" me përjashtim nga Asambleja, për shkak të qëndrimeve të mbajtura prej saj lidhur me zgjedhjet lokale në zonën e Cërrikut.
Znj. Hamiti, prej sa kohësh jeni anëtare e Asamblesë Kombëtare të PS-së?
Jam zgjedhur anëtare e Asamblesë sipas parimit një anëtar-një votë prej 4 vjetësh. Kam kontribuar qysh në moshën 17-vjeçare për Partinë Socialiste. Kam qenë fillimisht anëtare e FRESSH-it, mandej kryetare e FRESSH-it në Cërrik. Jam zgjedhur gjithashtu anëtare e Këshillit Bashkiak të Cërrikut dhe prej të paktën 7 vjetësh jam anëtare e strukturave më të larta drejtuese të PS-së së rrethit. Vendosa të aderoja në moshë të re në Partinë Socialiste, me bindjen se vetëm kjo forcë politike mund ta nxirrte vendin nga kriza. Kam parë gjithmonë me adhurim personat që e përfaqësonin këtë parti. Ishin figura me integritet dhe që dinin të menaxhonin punët e partisë me qëllim për t'i dhënë asaj fitoren në zgjedhje. Tani situata ka ndryshuar në PS.
Në mbledhjen e fundit të Asamblesë, ju u bëtë pjesë e një debati të ashpër me disa nga figurat më të larta të PS-së, përfshi edhe kryetarin, Edi Rama. Mund të na sqaroni më konkretisht se çfarë ndodhi me ju në këtë mbledhje me dyer të mbyllura?
Gjeneza e këtij debati të ashpër që u zhvillua në Asamble fillon para zgjedhjeve lokale të 8 majit. Në Cërrik, unë së bashku me një grup intelektualësh të PS-së, kemi bërë "luftë" me kryesinë e madhe të partisë në lidhje me kandidatin për kryetar Bashkie, Florenc Doka. Z.Doka është një nga figurat kryesore të PS-së së Cërrikut, me një karrierë të madhe në parti, i cili ka sakrifikuar gjithmonë për këtë forcë politike, përfshi dhe hyrjen në grevën e urisë për kauzën e votës. Kjo kandidaturë gëzonte mbështetjen e të gjithë forumeve dhe organizatave bazë të PS-së. U propozua në bllok prej tyre dhe për pasojë iu kalua kryesisë së partisë për miratim. Por ç'ndodhi? Në momentet e fundit, kryesia e PS-së në shkelje të hapur të statutit e eliminoi këtë kandidaturë për shkak se deputetja e zonës, Shega Ligori insistoi për të vënë një njeriun e saj si kandidat, Arben Ruçin, i cili mandej i humbi zgjedhjet edhe pse Cërriku ka qenë tradicionalisht i majtë. Në këto kushte, të irrituar, me këtë vendim aspak normal dhe të padrejtë të kryesisë së PS-së për të mos pranuar një kandidaturë që gëzonte mbështetjen e të gjithë bazës socialiste, unë së bashku me shtatë intelektualë të tjerë na mbeti si alternativë të mbështesnim z.Doka, i cili vendosi të garonte si i pavarur për postin e kreut të Bashkisë së Cërrikut. Këtë mbështetje ja dhamë për moral pasi e dinim që është e pamundur, që në një qytet të majtë të fitosh duke dalë i pavarur, por ne e bëmë këtë lëvizje për t'i kthyer identitetin PS-së me personat që kanë një karrierë në të dhe jo me persona që hyjnë në PS nga dritarja. Për këtë arsye e kërkova dhe dje fjalën në Asamble. Për të thënë se deputetët duhet ta njohin më mirë bazën, pasi është përgjegjësia e znj.Ligori që PS-ja humbi 10 njësi vendore, Belshin, Shalsin, Kajanin, Grekanin etj, pra komplet zonën për shkak të vendosjes së kandidaturave të papërshtatshme. Tani para se unë të merrja fjalën, deputetja kishte thënë ose ajo ose unë në Asamble. Këtu filloi dhe debati. Vendosa të çohem dhe të tregoj se je deputet dhe mund të kesh të drejtë gjithë kohës por nuk është e drejtë që baza të mos pyetet dhe të shmanget gjithë kohës. Kam marrë fjalën dhe kam sqaruar pozitat e mia sepse më akuzuan se kam garuar dhe për një parti të djathtë në zgjedhjet lokale. Ndërkohë nuk është e vërtetë. Unë kandidova për partinë Lëvizja për Drejtësi e Shqiptarëve në zonën e Belshit, që nuk është parti as e majtë dhe as e djathtë dhe për më tepër që nuk është pjesë e asnjë koalicioni. E bëra këtë lëvizje për moral dhe jo për t'i prishur punë PS-së. Edhe në rast se do të ishte kështu, kjo nuk e justifikon deputeten e zonës pasi dhe në këtë rast është ajo fajtore. Mua në Asamblenë Kombëtare të PS-së nuk më ka zgjedhur as ajo, as kryetari, as kryesia. Më kanë zgjedhur delegatët e Kongresit, me votimin një anëtar një votë ndaj nuk mund të më ndalonin të merrja fjalën.
A e keni sqaruar këtë çështje me kryetarin e PS-së, Edi Rama?
Tentova, por për fat të keq kryetari i PS-së më tha: Ty të kanë thirrur gabimisht në Asamble se nuk je pjesë e saj. Ndaj shfrytëzoj rastin për të sqaruar edhe z.Rama, me gjithë respektin që kam, se ai nuk ka të drejtë të më heqë mandatin e anëtares së Asamblesë sepse unë jam propozuar e zgjedhur nga baza. Vetëm baza ka të drejtë të më heqë mandatin. Dhe fakti që unë kandidova me një parti jashtë koalicioneve të majta dhe të djathta tregon se unë fare mirë, mund të bëja një zgjedhje tjetër duke garuar me një parti të madhe ose dhe të punoja nën rrogoz kundër PS-së, por kurrë nuk e kam menduar dhe bërë këtë.
Po ju çfarë i thatë z.Rama?
Nuk më la kohë të sqarohesha. Më tha që ti moj zonjë je thirrur gabimisht sot dhe pastaj u largua. Ka ardhur koha që në PS duhet pyetur baza, vendimmarrja duhet të jetë horizontale dhe pastaj e deleguar vertikalisht dhe jo siç është kthyer tani PS-ja, në një diell që do të mbulojë gjithë Shqipërinë por që nuk ka forcën e duhur për ta bërë këtë.
Sekretari organizativ i PS-së, Blendi Klosi ju akuzoi gjatë mbledhjes së Asamblesë se ju dhe familja juaj keni hedhur fishekzjarrë kur fitoi e djathta në Cërrik. A është e vërtetë kjo?
Z.Klosi për fat të keq është dezinformuar. Nuk e di ku mund të ketë qenë z.Klosi në 8 maj, por në Cërrik nuk ka qenë që të jetë ketë qenë kaq i informuar për këtë çështjen e fishekzjarrëve. Nëse ai merret me thashetheme dhe pseudoinformacione më vjen shumë keq.

[Albo]

Marko Bello: “Kolegji ka dhene vendime profesionale”

“Vendimet e marra nga Kolegji Zgjedhor per zgjedhjet vendore kane qene ne lartesine e duhur profesionale, ne rastet kur nuk ka pasur presion politik”. Kjo eshte deklarata qe ka bere dje deputeti i Partise Socialiste, Marko Bello, ne lidhje me vendimmarrjen e organit me te larte zgjedhor. Ne nje interviste dhene per televizionin “ABC News”, Bello u shpreh se vendimet qe ka dhene Kolegji per disa komuna ku ka pasur parregullsi, jane deshmi e integritetit profesional te juristeve. Por nga ana tjeter ai ka theksuar se ne rastin e Tiranes, konteksti politik ka qene me i theksuar. “Une si deputet kam shkuar ne Kolegj ne disa raste, per disa ankimime qe kane pasur kandidatet e PS ne komunat e Beratit ku une jam zgjedhur deputet. Pashe qe ju dha te drejte PS ne disa komuna nga Kolegji. Une kuptova qe nga pikepamja profesionale, behej fjale per nje trup juristesh qe dinte te punonte. Fatkeqesia e tyre eshte se nuk lihen te punojne. Ata u lane te punohej mbi baze te ligjit ne ato komuna sepse ato nuk kishin rendesi per z. Berisha”, u shpreh Bello. Deputeti i Partise Socialiste ka folur dhe per rezultatin e zgjedhjeve lokale, duke vleresuar se pervec Tiranes, Partia Socialiste ka arritur fitore spektakolare ne gjithe vendin. Ai theksoi se opozita ka marre me shume njesi vendore dhe me shume keshilltare se zgjedhjet e kaluara. “PS ka shtrire frymemarrjen e saj dhe ka qindra keshilltare me shume sesa ne vitin 2007. Kjo eshte nje fitore spektakolare. Ne, pervec Tiranes, jemi te lumtur qe kemi arritur objektivat ne gjithe Shqiperine. Kemi marre qytete qe per 20 vite nuk i jepnin as 20 per qind te votave Partise Socialiste”, tha dje Bello. Sipas tij kreu i PS-se ne Tirane pati veshtiresi ne garen elektorale, per shkak se “nuk garonte kunder kandidatit Basha, por gjithe mazhorances”. Ai ka folur dhe per qendrimet qe do te mbaje Partia Socialiste ndaj mazhorances pas perfundimit te procesit zgjedhor. Bello u shpreh se cdo vendim do te merret nga struktura, nderkohe qe ka shtuar se nuk perjashtohet as bojkoti i perkohshem dhe protestat. Sipas tij, keto jane rruge legjitime te cdo opozite. “Ne po presim perfundimin e procesit dhe do te ndjekim rrugen ligjore, por kjo s’do te thote se do te heqim dore nga protestat dhe bojkoti i perkohshem. Keto jane mjete qe na i jep hapesira kushtetuese dhe jo mazhoranca. Do te merren vendimet e duhura ne kohen e duhur”, tha Bello. Nga ana tjeter ai ka theksuar se juristet e opozites do te ndjekin cdo procedure qe e mundeson ligji per ankimimin e rezultatit ne Tirane, duke mos perjashtuar as Gjykaten Kushtetuese. “Ne po presim perfundimin e procesit. Aksioni politik i opozites do te vendoset ne kohen e duhur. Ne ne kete faze po ndjekim me vemendje vendimmarrjen e KQZ, dhe do te vazhdojme gjithe proceduren, ne Kolegj, Gjykate Kushtetuese dhe me tej, pra cdo gje qe mund te lejohet ligjerisht”, tha Bello.

Qamil Xhani

[REALIST]

JUANITO i shkrete, mendon ti se PS ka perparesi ndaj PD sa i perket demokracise?
Me te vertete ke nevoje per nje psikiater me shume eksperience. Kam frike se nuk do te pranoje asnje klinike psikiatrike pasi qe je nje rast unik qe veshtire ti gjindet sherimi.
PS as mbledhjet nuk i ben te hapura per mediat dhe ti thua se jane me te perparuar?
I mjere je, i mjere.

[Albo]

Malaj: PS t'i jape fund bojkotit

Deputeti socialist, Arben Malaj, rreshtohet ne zerat brenda selise roze qe jane kunder bojkotit qe kjo force politike po i ben aktualisht institucioneve te vendit. Socialisti tha ne nje bisede mbreme me gazetaren Sonila Meco ne televizionin ABC Nees, se te zgjedhurit e PS-se duhet te rikthehen ne institucione, ne Kuvend, ne menyre qe kontribuojne per rrugen e integrimit te vendit. Madje Malaj shtoi se sipas tij, jane te shumte deputetet e majte qe kerkojne qe te rikthehen ne Kuvend. "Une mendoj, se socialistet duhet te rikthehen ne Parlament. Futja ne Parlament i sherben integrimit te vendit dhe ndaj opozita duhet t'i jape fund bojkotit", u shpreh Malaj. Nga ana tjeter, ai theksoi faktin se ne kete aspekt, PS duhet te realizoje detyrat e saj dhe te respektoje institucionet. Malaj permendi edhe faktin se aktualisht, selia roze ka perpara sfiden e saj te modernizimit dhe ne fokus per te sigurisht mbetet mbyllja e procesit nga Komisioni Qendror i Zgjedhjeve apo Kolegji Zgjedhor, i procesit zgjedhor per Bashkine e Tiranes. "Partia Socialiste do te ndjeke te gjithe hapat ligjore per zgjedhjet ne Tirane", theksoi socialisti.

Megjithate, ndonese pro rikthimit te opozites ne institucione, ne kete rast ne Kuvend dhe komisionet parlamentare, Malaj nuk la pa permendur edhe faktin se problemet nuk eshte se shkaktohen gjithnje nga mungesa e socialisteve ne Kuvend. Sidomos ato ekonomike, qe sipas tij ne Shqiperi ka shume.

Kritik ndaj qendrimit te kryeministrit, Sali Berisha, per mos levizje te taksave ne vend ndonese u rekomandua nga Fondi Monetar Nderkombetar, Malaj tha se qeveria duhet t'i kishte realizuar tashme reformat ekonomike te cilat miratohen me shumice te thjeshte te votave. "Ju kujtoj, se qeveria e miratoi buxhetin e shtetit, pa marre parasysh asnje nga sugjerimet tona. Jo vetem qe nuk pranoi asnje nga sugjerimet, por e ndryshoi buxhetin ne mes te vitit", permendi Malaj. Sipas tij, ajo cka duhet pasur kujdes ne kete situate, eshte fakti se nuk duhet te lejohet me rritja e borxhit publik te vendit, qe socialisti tha se do e demtoje rende ekonomine. Socialisti u shpreh se eshte i bindur se qeveria aktualisht po e fsheh problematiken ekonomike qe ka vendi dhe ne kete aspekt ai u shpreh se per keto ceshtje nuk duhet te diskutohet si nje ceshtje debati partiak, por te diskutohet se si mund te ruhet stabiliteti financiar i vendit. Malaj u shpreh pesimist, se situata ekonomike ne vend nuk eshte aq e mire sa manifestohet, perkundrazi. "Per mendimin tim, qeveria e fsheh permasen e problematikes ekonomike ne vend", vijoi ai.