Shekulli dhe liria e shtypit

[Orku]

Frika e pakuptueshme prej gjyqeve legale
(Dhe liria me pashë për të bërë linçime publike)

Nga Mustafa Nano

“Bashkëshortja e kryeministrit ju ka hedhur në gjyq për shpifje. Si do t’i rezistoni kësaj bukurie, e cila erdhi nga trojet greke para një viti?” – kjo është pyetja e parë që i është drejtuar Fatos Lubonjës në një intervistë të dhënë tek gazeta “Koha Jonë”. Dhe Lubonja, zakonisht pedant e nervoz përballë pyetjeve të tilla, nuk përton kësaj here t’i përgjigjet këtij gazetari mistrec, i cili sipas një logjike të çakorduar, kalon nga padia për shpifje, tek bukuria e Xhoana Nanos e më në fund tek vendi fqinj, Greqia. “Kam përshtypjen se tani po hapet qëllimisht një fushatë hedhjesh në gjyq nga ana e pushtetarëve” – thotë Lubonja midis të tjerash.
Unë personalisht nuk e kam këtë përshtypje; dhe nuk është se këtë e them nga simpatia për pushtetarët, por kjo gjë nuk më rezulton. Më duket një frazë e hedhur ashtu kot, si pa mendje ose në inat e sipër, e Lubonjës. Menjëherë pas pyetjes së parë, vjen pyetja e dytë e gazetarit: “Mendoni se vendi ndodhet në prag të një krize politike?” “Po, e lashë këtë gjë të nënkuptuar në pyetjen e parë”, përgjigjet pak a shumë Lubonja, “por kërkohet maturi e guxim për të mos e lënë vendin të shkojë në destabilizim”.
Unë nuk e përjashtoj faktin që vendi mund të ndodhet në prag të një krize politike, por nuk kam fuqi të kuptoj se ç’lidhje ka padia për në gjyq ndaj Lubonjës (ose fushata e hamendësuar e hedhjeve në gjyq nga ana e pushtetarëve) me krizën politike apo me destabilitetin e vendit. Për më tepër, në përgjigjen e parë nuk flitet fare për krizë politike; përkundrazi, i jepet përgjigje bukurisë që na ka ardhur para një viti nga trojet greke.
Dhe më poshtë vijon intervista, që mbyllet me një pyetje mbi opozitën e me pakënaqësinë e Lubonjës lidhur me faktin, që kjo opozitë vetëm po denoncon. Sidoqoftë, ai nuk e fsheh se e mirëpret ardhjen në pushtet të kësaj opozite “thjesht denoncuese”. Në këtë rastin e fundit, nuk ka ndonjë gjë të çuditshme. Të kesh shpresë tek kjo lloj opozite, është në fund të fundit një qëndrim e rreshtim individual, i cili mund të diskutohet e kundërshtohet gjithë ditën nga njerëz që e shohin ndryshe këtë punë (ndër ta bëj pjesë unë), por nuk mund të anatemohet. Ndryshe, do të anatemonim logjikën e alternancës në demokraci.
Kaq për intervistën, e cila me sa di unë, është performance-a e fundit publike e Lubonjës në rrjedhën e një debati, në qendër të të cilit është ai vetë. Eshtë një nga debatet më absurde që ka prodhuar shoqëria shqiptare, në të cilin Lubonja – është për të ardhur keq – ka marrë pjesë nën shtysën e një protagonizmi shterpë, herë duke u shfaqur si një Messia i izoluar e i keqkuptuar i këtij populli, herë duke kërkuar e duke pritur mbështetje, herë duke paditur me terma të rrumbullakosur të llojit “mafia në pushtet”, herë duke lozur si një populist rrufjan. Ky debat bëhet më absurd, kur dikush kërkon t’i vërë për titull “Mbrojtja e fjalës së lirë nga arbitrariteti i një pushteti mafioz”. Bëhet më absurd akoma, kur në krah të Lubonjës në këtë fushatë “për të mbrojtur fjalën e lirë” rreshtohen lloj-lloj kopukësh me patentë, të cilët e kanë dëshmuar më se njëherë që nuk duan t’ia dinë për fjalën e lirë; madje e kanë dëshmuar edhe në kurriz të Lubonjës. Ky i fundit nuk e ka refuzuar këtë mbështetje. Punë për të.
Por mbështetja në këtë rast duhet refuzuar, jo thjesht ngaqë vjen prej kopukëve (kjo po se po, të paktën sipas meje), por ngaqë në këtë mes nuk ka nevojë për mbështetje të asnjë lloji. Dhe këtu vimë tek thelbi i situatës absurde për të cilën sapo fola, e që me pak fjalë mund të përmblidhet kështu: “Fatos Lubonja ka lexuar diku që Xhoana Nano zotëron 25% të aksioneve tek një stacion televiziv kombëtar, dhe e thotë këtë publikisht. Xhoana Nano padit Fatos Lubonjën në gjyq për shpifje.” Personalisht, në ndryshim nga Lubonja, nuk do të thoja publikisht diçka të lexuar në gazetën më shpifëse e më rrugaçe që gjendet sot në tregun shqiptar, por edhe sikur ta thoja, nuk do t’i trembesha asnjë padie e do të reagoja me qetësi. Një gjë që nuk përgënjeshtrohet, mund të merret për e vërtetë. Kështu që, ngado që ta vërtisësh këtë ngjarje, shfajësimi i Lubonjës është i hazërtë, dhe në këto rrethana nuk merret vesh alarmi i tij për një “persekutim prej pushtetit”, ashtu si nuk merret vesh paragjykimi nga ana e tij i një procesi gjyqësor, e cili sipas të gjitha gjasave do të kishte për pretencë finale pafajësinë e të paditurit. Siç shihet, e gjithë fushata mediatike e ngritur prej Lubonjës e prej mbështetësve të tij, është një stuhi në një gotë uji. Dikush tjetër, do të thoshte që është një pesë me hiç.
Mund të mbrohet mendimi, se çfarë të shqetëson në këtë meselé, është kurajoja e pushtetit për të ngritur padi kundër një gazetari. Sipas meje, kjo është e vetmja gjë që duhej bërë me kohë, duhet bërë sot, duhet bërë edhe në të ardhshmen. Për çdo akuzë publike që bëhet në media, në konferenca shtypi, në tubime, në aktive partie, në parlament, duhet të hapet një padi gjyqësore për shpifje. Vetëm kështu, së pari pushteti apo kushdo qoftë do të mund të japë dëshmi të pastërtisë së vet, dhe së dyti do të pushojë stili i zhvillimit të gjyqeve nëpër televizione. Kur mungojnë paditë për shpifje, atëherë ajo që thuhet publikisht është e vërtetë, gjë që s’do të thotë megjithatë se pretencat politiko-mediatike faqe botës janë një gjë e paqortueshme. Media hedh dyshime e bën hetime. Asgjë më tepër. Kuturisja për të ngritur padi e për zhvilluar gjyqe nëpër televizione vjen prej një kulture politike parademokratike, dhe është pikërisht kjo kulturë që na pengon më shumë se sa çdo korrupsion i denoncuar apo i hamendësuar në rrugën drejt një demokracie të pjekur e funksionale. Bëjmë mirë ta fusim njëherë e mirë në mendje, se institucionet paditëse, gjykuese apo ndëshkuese të shtetit, qoftë edhe kur shfaqen apo janë të padrejta, janë të vetmet institucione legjitime për të bërë këtë punë. Çdo vullnet individual apo grupi, që tenton t’u zërë vendin këtyre institucioneve, është ilegjitim e i rrezikshëm. Sa më i shenjtë e i virgjër të shitet për publikun ky vullnet, aq më shumë ilegjitim e i rrezikshëm është. Eshtë kështu, pasi ngrihet kundër njërës prej aksiomave më të pafajshme e më humane të shtetit të së drejtës, asaj që quhet prezumimi i pafajësisë, gjë që në një shqipërim të lirë do të thotë, se duhet ta besojmë e pranojmë pafajësinë e dikujt, dhe në një shqipërim tekniko-juridik do të thotë, se askush nuk mund të shpallet fajtor pa u provuar si i tillë nga të gjitha shkallët e gjykimit.
Fatosi nuk u shpall shpifës. Ai thjesht u padit si i tillë (sipas meje, gabimisht, por këtu s’ka ndonjë për t’u alarmuar, pasi të gjitha paditë penale e civile janë potencialisht të gabuara). Padia për shpifje ndaj Lubonjës tashmë është tërhequr (më saktë, nuk u bë asnjëherë), por ajo që do të mbetet është diçka tjetër me emrin “fushata mediatike kundër një padie”. Mesazhi i kësaj fushate është sa i qartë, aq edhe i mbrapshtë: përgjegjësi për atë që thonë e bëjnë duhet të mbajnë vetëm një pjesë qytetarësh, pushtetarësh, shtetarësh, etj, fjala vjen Edi Rama, i cili duhet të hetohet, të shkojë në gjyq, të durojë të gjitha shpifjet, sharjet, kërcënimet, të durojë të gjitha paditë publike (dhe të mos harrojmë që linçimi publik qëndron ndaj padisë për gjyq ashtu si qëndron vetgjyqësia kanunore ndaj respektimit të sistemit legal), ndërsa një pjesë tjetër qytetarësh, fjala vjen Fatos Lubonja e të gjithë mbështetësit e tij, nuk duhet të mbajnë përgjegjësi për atë që thonë e atë që bëjnë. Ndryshe, kërkohet mbështetje, bëhet nami, organizohen fushata në mbrojtje të fjalës së lirë, në mbrojtje të opozitës. I bukuri shtet! E bukura logjikë!
Post Scriptum: E kam thënë edhe në një shkrim të shkruar muaj më parë, që gazetarët janë qytetarë e shtetas si të gjithë të tjerët. Personalisht, në rast se do të qëllonte të paditesha nga dikush për në gjyq, do t’u hipja këmbëve e do të shkoja të ballafaqohesha me paditësin. Nuk do të kërkoja mbrojtje extragjyqësore, pasi në demokraci, mbrojtja më e mirë për interesat e qytetarit është mundësia për të paditur e për t’u mbrojtur në një gjyq publik e legal, është mundësia për të patur një avokat, është mundësia për ta njohur akuzën e për ta hedhur poshtë atë. Të gjitha këto mundësi, Fatos Lubonja nuk i ka patur tragjikisht në gjyqet komuniste, të cilat e kanë dënuar me shtatëmbëdhjetë vjet heqje lirie. Mos vallë jemi kthyer prapë në atë kohë? Mos vallë nga ky fakt vjen alarmi i Fatosit? Nëse është kështu, unë do t’i kërkoja të na hapte sytë edhe ne të tjerëve, që nuk arrijmë të shohim kaq qartë.

[Orku]

Ajo qe me habit me shume eshte si ka mundesi qe nje publicist i <> merr persiper te perifrazoje dhe kundershtoje paragraf per paragraf nje interviste ne te cilen kolegu i vet mbrohet dhe sulmon qeverine.... pra nuk ka asnje lidhje me mustafa nanon.

Para disa kohesh gjate hetimeve qe iu bene SHISH doli dhe emri i nje analisti te Shekullit si bashkepunetor i SHISH-it....nuk eshte e veshtire ta kuptoni se per emrin e kujt behej fjale sepse shkrime si ai i mesipermi flasin vete.

Personalisht nuk kam respekt per asnjerin nga personazhet ne fjale por ajo qe me shqeteson eshte armata e shtypit mercenar qe ushqehet nga trafiqet, kontrabanda dhe tenderat te cilat jo vetem nuk i denoncon por i mbulon me lavde standarte per pushtetaret qe i bejne.

Shikoni psh gazeten Koha Jone ne te cilen disa dite rresht emra te ndryshem <> botojne shkrime pro edi rames.
Po e pranojme si koincidence faktin qe te gjitheve iu shkrepi ta mbrojne Edin njeri pas tjetrit brenda tre ditesh...dmth me radhe...po si ka mundesi qe te gjithe i dergojne shkrimet ne te njejten gazete ????

Per fat te keq shtypi po behet pale me krimin.

[alvi]

Tashi eshte turp te bashkepunosh me SHerbimin Informativ SHQIPETAR!
Ej, ca dite ja kena arrit, turp te bashkepunosh me sherbimet sekrete te vendit ten.
ncncncncncnccncncncncncncncnccncncncn
Atij qe ka qen bashkepuntor i SHISH bravo i qofte, ai te pakten po ben dicka per vendin e tij.

[Orku]

o alv une nuk kam thene qe eshte turp une ja kam nxjerre per merite.... po te bashkepunonte kunder nai komploti apo trafiku atehere po do ishte turp...por perderisa bashkepunon per te mbrojtur trafikantet dhe goditur opoziten nuk mund te jete tjeter vecse merite.

[Brari]

Nga klani

..

Bar West

Ngjarja e javes

Jane nisur per turizem te specializuar, por kane perfunduar tek ara e Tares. Ky ka qene fati i tre personazheve te mirenjohur: Arjan Konomi, keshilltar i presidentit Moisiu, Ilva Tare, drejtore e lajmeve tek Vizion Plus dhe Rudina Xhunga, gazetare, drejtuese e emisionit "Shqip". Ariani u propozoi dy vajzave nje udhetim ne Vuno, ku sipas tij ishte nje kishe interesante. Ilva dhe Rudina po gati ishin dhe keshtu moren rrugen. Gjendja e Volvos se Arjanit ishte shenja e pare qe ky udhetim s'do te ishte dhe aq entuziast. Prishet ne Lushnje dhe fale dashamiresise se Pilo Lales, pas disa oresh makina rregullohet. Aty rreth ores 8 te mbremjes arrijne te ngjisin majen e Llogarase, por zbritja mund te perfundonte ne tragjedi. Makina prishet perseri dhe Arjani mezi arrin ta ndaloje ne akullin qe kishte mbuluar rrugen. Erresire, ftohte dhe asnje shenje jete. Me ne fund, pas disa telefonatash gjendet fshatari i vetem i asaj zone, Tarja, qe i shoqeron ne "shtepine" e tij. E falenderojne dhe Rudina i rras Tares t'i mbante dhe lap topin qe nje zot e di pse e kishte marre me vete. Si perfundim bujten tek fshatari zemermire, qe ndau jo vetem ushqimet por edhe te vetmen dhome gjumi. Dhome i thencin se ajo kishte qene nje kthine me dy krevate dopio ku ishin varur qingjat e therrur qe kullonin gjak gjithe naten. Tarja nguli kembe qe tre miqte te flinin ne nje krevat, por ata nuk pranonin kurrsesi. "Jam njeri i pare une, i kuptoj keto gjera. Sa here shkoj ne Tirane shoh Palomen dhe Diegon dhe filloj qaj. Flini bashke se s'ka asnje problem, vend i lire eshte ky", thoshte Tarja, por miqte refuzuan. Ate nate te ftohte, minus disa grade, Ilva Tare dhe Rudina Xhunga fjeten ne nje krevat me gruan e Tares. Ndersa Arjani u shtri ne mes te te zotit te shtepise dhe djalit te tij. Gjashte fryme ne nje dhome. Mengjesi dhe krejt dita tjeter ishte perseri nje aventure, por kete here ne kthim. Volvo e Arjanit mberriti deri ne Tirane, megjithese la dy goma rruges. Nuk dihet nese kjo treshe ka planifikuar ndonje udhetim tjeter, por Arjani eshte i vendosur te nderroje makine.

Permasat e Erjonit

Gjate debatit te nxehte ne parlament, doktor Berisha shkembeu replika edhe me Erjon Bracen e ZP. Erjoni u nxeh keq dhe nuk po linte llaf pa i thene Berishes deri sa u ngrit Paloka dhe bertiti me te madhe mes parlamentit: "Mbylle gojen ore! U bere ti te shash Berishen qe je sa ai i Doktorit". Erjoni nuk denjoi t'i kthente pergjigje nje fyerje me permasa te tilla.

Formacioni luftarak

Pas sherrit te fundit ne parlament, Nano, i cili i ndoqi me qetesi dhe buzagaz gjithe perplasjet, vendosi te ndaje disa detyra mes deputeteve socialiste. "Here tjeter nuk duhet te jemi te papergatitur", tha Nano dhe filloi me propozimet. Agron Duka, megjithese me kembe ne allci, u vendos qe ne parlament te flase sa me pak dhe te ngrihet sa me shume. "Agroni te dale ne vijen e pare, tha Nano, aty ku ka qene Taulant Dedja. Ky perjashtohet nga konfrontimet fizike, pasi historikisht i ka nisur ai te gjitha sherret dhe ne fund e kane rrahur gjithmone".

Nje pyetje per Bejten

Kur e pyeten Andi Bejten se si kishte mundesi qe kryeministri Fatos Nano arrinte, megjithe punet e shumta, te ndiqte lajmet ne te gjitha kanalet televizive, te lexonte gazetat e madje te merrte ne telefon edhe pronaret, u pergjigj: "Nuk e di. Une per veten time njehere jam martuar".

T'ia dhjesim FMN

Pasi presionet ne zyren e tij nga te gjithe nderkombetaret po shtoheshin dhe kur FMN, Banka Boterore e BE ende nuk kishin bere deklarata publike per t'iu kundervene politikave te qeverise shqiptare, Fatos Nano thirri ne zyre ministrin qe e ka te sigurte qe i thote vetem po, Kastriot Islamin. "Si do ja bejme o Kaci, i tha, si do t'i neutralizojme sulmet e tyre. Kaci u mendua, u mendua dhe iu pergjigj: "Dy rruge kemi o shef, ose te bejme nje gje qe s'e realizojme dot, pra te bejme sic po na thone, ose me qe po na e sjellin me maje te hundes, t'i fusim nje t'dhime perfundimtare".

Nano nuk u mendua gjate dhe te nesermen e kesaj bisede emeroi Papadhimen.
--------

nga klan.


lol.


Po ky Konomi i Moisiut..me agjenten e Klosit, Rudinen bredh rrugve te atdheut??

Hajde Moisi hajde..e hoqe Klosin nga dera e te ka hyre nga penxherja..

Na e rrofsh per ver o konom ekonomati..

[Albo]

Orku, pergjigjen e habise e gjen tek:

Njerezit e medhenj diskutojne mbi idete, njerezit medioker diskutojne mbi ngjarjet dhe njerezit e vegjel diskutojne mbi njerezit.

Mediat shqiptare po kalojne te njejten krize identiteti dhe morali qe po kalon edhe nje pjese e politikes shqiptare. Editorialet e shtypit shkruhen per breket e Xhoana Nanos dhe per intervistat e nje gazetari, ne nje kohe kur:

Departamenti i Shtetit Amerikan evidenton Shqiperine si nje vend te pushtuar nga trafikantet e droges dhe qenieve te gjalla.
FMN shtyn dhe kushtezon ndihmen ndaj Shqiperise.
Qeveria shqiptare nuk gezon as mbeshtetjen e maxhorances dhe ministrat brenda qeverise prononcohen kunder politikave te kryeministrit.
Parlamenti shqiptar eshte bllokuar nga debati mbi komisionin "Rama".
Kriza brenda partise socialiste.

Te gjitha keto, mund te sherbenin si editoriale dhe kryeartikuj per median dhe shtypin shqiptar, por cuditerisht keto serviren si lajme te dores se dyte.

[alvi]

Kur ishin bashke

Ka ndodhur ne nje miting elektoral ne qershorin e vitit 1997 pak dite perpara zgjedhjeve. Sali Berisha dhe Jaho Salihi, i denuar nga gjykata e Tiranes si vrases i deputetit Azem Hajdari, jane shfaqur se bashku ne nje filmim te asaj kohe, te cilin e ka transmetuar gazetari Artur Cani ne emisionin Ajsberg. Pamjet kane shkaktuar mjaft zhurme, madje deri ne parlament, por nga ana e Berishes nuk eshte bere asnje koment. Sipas imazheve te transmetuara, Jaho Salihi duhej te bente pjese ne grupin e truprojave qe shoqeronin kryetarin e PD ne ate miting qe do te mbahet mend per shprehjen e Berishes se socialisteve "do t'u ngrije buzeqeshja ne buze".


A i kujtohet njeriu ajo shprehja: Lote krokodili?
Jo prit, se e di un pergjgjen permendesh.
Atij ja futen(perseri)

[Orku]

Alvi mos mer cun se po len nam me mufkat qe keput ketu...duket sikur sa mbaron mbledhja vjen edhe prrallis ato qe degjon.

Shprehja qe permend ti nuk ka lidhje me mitingun e Tropojes por ne nje aktiv te Tiranes.

Jaho Salihi ne 97 ka qene 18 vjec dhe jetonte ne Tropoje i padenuar asnjehere me pare. Rekrutimi i tij nga Haklajt te cilet e veshen polic eshte i mevonshem. Fakti qe mund te kete dale afer Berishes vetem nje here, vetem ne Tropoje, mund te thote edhe qe ishte atje si spiun, mund te thote edhe qe ne ate kohe ishte akoma elektron i lire.

Edhe zani caushi eshte filmuar afer prodit... mos do te thuash qe mbante lidhje me Prodin ???

[manoklla]

Me duket se Lubonja ka te drejte mbi kte ceshtje. Ai Koco Kokeb-olja eshte tipiku i njeriut mashtrues/hajdut/pseudointelektual.

[Honezmi]

Thote nje fjal te urte populli:-"Po u bashkove me krrunde, krrunde do te perfundosh"-
Me kujtohet qe para dy vjetesh letrat e te "dashurve"Nano-Lubonja tek Shekulli,dhe "analizat" qe benin kundra opozites dhe Do. Berishes;dhe po ashtu dhe miqesia e Lubonjes me Ed Ramen!
Tani qe Lubonja u doli nga "grrigja"dhe po i sulmone,dhe opoziten e shikone me nje sy tjeter ,me ate sy qe etem ardhja ne pushtet e opozites, do tu presi rrugen hajdutve, pushtetar i ka zene llahtara,dhe po pregatisin kurthet.
Sherbetori i krye spiunit Klosi ,opozitari i perjetshem i opozites Mustafa Nano mori urrdhrin per sulm!!Po mendoj se do ta mari pergjigjen qe meriton nga Lubonja.
Lubonja haroi shpejt ,se soi i ketyre mostrave e futi ne burg!
Me mire von se sa kurre...Lubonja mbase tani do ta kuptoje,dhe do te ket pak kohe qe te lahet nga llumi i -KRRUNDEVE- qe ka mare nga shoqerija e tije "me gisht ne *****"