Rama boshatis zyrën, merr dokumentat e Arkivit Bashkiak me vehte

[mesuesi_1]

Zhvendosja e objekteve të zyrës tre ditë përpara se Kolegji të jepte verdiktin


Rama boshatis zyrën, merr dokumentat si dhe breshkat

E.KUÇI

Megjithëse Rama ka deklaruar se do të vijojë betejën ligjore për Bashkinë e Tiranës përmes ankimimeve, në të vërtetë edhe ai është i bindur se e ka humbur garën për Bashkinë e Tiranës në zgjedhjet e Tiranës. Që prej katër ditësh, në Bashkinë e Tiranës ka nisur boshatisja e zyrës së Ramës, duke nxjerrë prej andej të gjitha objektet që ishin vendosur në të. Megjithëse ende nuk ishte marrë vendimi i Kolegjit, automjete të Bashkisë së Tiranës të parkuara përpara dyerve të këtij institucioni janë parë që ngarkoheshin me materiale të ndryshme që dilnin nga zyra e kryebashkiakut.

Ka rënë në sy nxjerrja e një sërë dokumentash, që përbënin një masiv të madh, të cilët ngarkoheshin dhe që sipas punonjësve të ngarkim-shkarkimit nuk bëhej i ditur destinacioni. Ka nga ata që besojnë se një pjesë e këtyre dokumenteve do të zhvendosen në zyrën e Kryetarit të PS, ndërsa disa të tjerë shprehen se dokumentacioni mund të shkojë edhe në drejtim të një destinacioni të panjohur.

Nuk është ende e qartë se për çfarë dokumentacioni bëhet fjalë, pasi as që mund të shpresohet që të ketë transparencë nga njerëzit e Bashkisë në këto momente të fundit të tyre në shërbim të Ramës. Operacioni zhvillohet në heshtje të plotë, madje edhe makinat që ngarkohen me dokumente dhe materiale të tjera, për të mos rënë në sy, janë zgjedhur që të jenë të ngjashme me automjetet e pastrimit.

Dihet që në Bashkinë e Tiranës ka një dokumentacion të madh. Përgjatë dhjetë viteve të vendimmarrjes së Ramës, volumi i këtyre materialeve është mjaft i konsiderueshëm. Natyrisht, Rama dhe besnikët e tij nuk do të mund të zbraznin të gjithë arkivin e dokumentave të Bashkisë, pasi kjo do të ishte një shkelje e hapur e ligjit, për të cilin ata do të ngarkoheshin me përgjegjësi. Megjithatë një pjesë e këtyre dokumentave po zhvendosen tani.

Nuk përjashtohet mundësia që po mundohen të asgjësojnë ose të fshehin një pjesë të mirë të atyre dokumentave, të cilat në të ardhmen mund të penalizojnë ish-kryebashkiakun për kontrata klienteliste në kundërshtim me ligjin. Dihet tashmë se Bashkia e Tiranës është një nga institucionet më të akuzuara për nivelin e lartë të korrupsionit dhe kjo ka rënë në sy edhe të ndërkombëtarëve. Një raport i Bankës Botërore i dy viteve më parë e klasifikonte korrupsionin e kësaj Bashkie me lejet e ndërtimit si ndër më të lartin në botë.

Nuk ka dyshim se përpjekjet e Ramës për të mbrojtur me çdo çmim Bashkinë e Tiranës, lidhen edhe me panikun që e ka zënë atë mbi fatin e shumë dokumentave të kompromentuara dhe fakteve që mund të dalin prej investigimeve të mundshme për korrupsion. Bashkia është përdorur gjatë gjithë këtyre viteve si një pronë personale e Ramës dhe abuzimet e evidentuara edhe nga ish-opozita në Këshillin Bashkiak llogariteshin në miliona euro.

Ka nga ata që mendojnë se Rama nuk mund të jetë kurrsesi aq naiv, sa të lërë dokumenta kompromentuese në arkivën e Bashkisë. Po është fakt, se një sërë dokumentash të protokolluara, si ajo e administratorit të Bashkisë, i cili firmoste për një shumë 100 mijë dollarëshe që do të përdorej nga PS për lobim, tashmë janë bërë publike dhe janë objekt i hetimit i organeve të drejtësisë.

Punonjës të afërt dhe të besuar të Ramës janë ngarkuar me selektimin e dokumentacionit. Kjo ka nisur prej ditësh, pasi edhe volumi i dokumentacionit është mjaft i madh dhe përfshin periudhën 10-vjeçare të Ramës në krye të Bashkisë. Prej këtyre dokumentave po hiqen të gjitha ato që mund të kompromentojnë në të ardhmen statusin ligjor të Ramës dhe janë pikërisht këto dokumente që mendohet se po largohen tani nga Bashkia. Një pjesë e mirë e këtij dokumentacioni edhe po fotokopjohet nga origjinali, që të jetë në dispozicion të Ramës.


Zhdukja e dokumentave vepër penale

Për ata zyrtarë të Bashkisë që do të provohet se kanë zhdukur dokumenta dhe kontrata shtetërore nga arkiva e Bashkisë, ligji parashikon dënim të rreptë. Në bazë të Kodit Penal, zhdukja dhe vjedhja e dokumenteve të institucionit dënohet me burgim deri në 5 vite. Konkretisht në nenin 192/a, thuhet se, "asgjësimi me çdo mënyrë i dokumenteve të arkivit ose të bibliotekës, si dhe zhdukja e vjedhja e dokumenteve që janë të një rëndësie të veçantë, në kundërshtim me kërkesat e ligjit, dënohen me gjobë ose me burgim gjer në tre vjet. Vjedhja e dokumenteve të arkivit ose të bibliotekës, që janë të një rëndësie të veçantë, ose eksportimi i tyre në kundërshtim me kërkesat e ligjit, dënohen me gjobë ose me burgim gjer në pesë vjet".


Zhvendosen edhe breshkat

Edhe breshkat fatndjellëse të Ramës kanë pasur të njëjtin fat si të shumë dokumentave të tjera. Ato janë zhvendosur së bashku me akuariumin nga "shtëpia" e tyre e deritanishme në Bashkinë e Tiranës për t'u bërë "militante" socialiste. Ato kanë mbëritur dy ditë më parë në zyrën tjetër të Ramës në PS. Breshkat nuk e kanë parashikuar mirë fatin e Ramës gjatë muajit të fundit, megjithatë, besohet se Rama nuk do të fajësojë edhe ato për humbjen në Tiranë. Dihet që Rama është një supersticioz, që e shikonte fatin e tij tek humori i breshkave, ndërsa nuk dihet se si ato kanë reaguar pas 8 majit. Urojmë që breshkat, tani në zyrën e PS, t'i ndryshojnë fatin zotit Rama.

RD

[Mike Oldfield]

Tentativa Edveriste per te zhdukur provat e krimit jane nje strategji e falimentuar qe ne nisje.
Nderkohe kopjet e te gjitha dokumentacioneve kompromentuese jane aty ku duhet.

[Brari]

rd ben mire ti filmoje kete lloj transporti banditesk.. dhe ti shkoje prapa ketyre makinave hajdutesh.. meqe shiku e prokuroria dihet se jan njesite te ps-se..

mirpo jan ca gjera qe nuk mbulohen..
psh pallati gjigand mu ne rrug te elbasanit ku ish dikur varri nanes mretnesh.. nuk futet dot ne qillota..

lul basha do duhet ti coj ne gjyq jo vetem edvinin por dhe dy m.uterit e tjere te pd-se .. kelmendin dhe brojken.. te cilet para edvinit i pallato-berdellizuan lulishtet e parqet e lagjen e bukur bllok..

[tiranasi90]

me kete qe po boka ky garipi po tregon se paska per te hik nga Shqiperia.
te hiki dhe te thyj qafen me nai vend te Afrikes. francezet kane shume koloni atje.

erdhi thonj paprere nga Parisi dhe hiku i veshur ne Brioni. nuk i shkoi keq si kryebashkiak qafirit.

[Mike Oldfield]

Ene Andi Bushatin me familje ne Zaire e coi Julieni ne fillim te viteve 90, keshtu qe edhe per Edverin e kane lone nje vend atje. Se i paska ca lidhje me francusket ky me hunde te platinte.

[mesuesi_1]

erdhi thonj paprere nga Parisi dhe hiku i veshur ne Brioni. nuk i shkoi keq si kryebashkiak qafirit.

lere fare se ke thene fjale me vend ..... nuk e luan topi ....


.

[grepi, dora vet]

rd ben mire ti filmoje kete lloj transporti banditesk.. dhe ti shkoje prapa ketyre makinave hajdutesh.. meqe shiku e prokuroria dihet se jan njesite te ps-se..

mirpo jan ca gjera qe nuk mbulohen..
psh pallati gjigand mu ne rrug te elbasanit ku ish dikur varri nanes mretnesh.. nuk futet dot ne qillota..

lul basha do duhet ti coj ne gjyq jo vetem edvinin por dhe dy m.uterit e tjere te pd-se .. kelmendin dhe brojken.. te cilet para edvinit i pallato-berdellizuan lulishtet e parqet e lagjen e bukur bllok..

o Brari

të gjitha makinat ishin pa Targa
dhe ka mundsi që të gjith at matrial ta ket derguar për Cahan të hasit ne nje Bunker të mbetur nga Lufta e Kosovës


qfar prralla se


grepi, dora vetë

[juanito02]

Do jete si puna e rrahjes se Gramoz Rucit ky lajm.
Ka kohe qe ka kalu ne superprodhim makina shpifjes ke pd.

[2043]

Kaq i madh eshte mu.ti qe i ka bere Bashkise sa nuk e ngarkon dot me tere ato kamiona .

[Besoja]

Juanito mos të të duket çudi se edhe këtu,u hoqën gjithë ato paisje nga zyra e kryetarit të bashkisë me pretendimin se janë personale.Për këtë,nuk jam kompetent të ta them.