Mulla Jakup Hasipi (1951 - 2006)

[Illyrian_King]

Mulla Jakup Hasipi (1951 - 2006)

Jakup Hasipi (2 shkurt 1951 - 6 janar 2006) u lind dhe jetoi në fshatin Sllupçan të Kumanovës. Ishte magjistër në teologji dhe patriot i njohur jo vetëm në fshat e në rrethin e Kumanovës por në tërë Maqedoninë edhe më gjërë. Ndër të gjitha lirisht mund të thuhet se ishte më oratori dhe më harizmatiku ndër shqiptarët e këtyre trojeve në kohën tonë. Ligjërimet e tija dallohen për nga përmbajtja harizmatike dhe argumentuese. Paraqitja e tijë multimediale këto 25 vitet e fundit e posaçërisht pas viteve 90' ka ndikuar drejtpërdrejt në vetëdijësimin e rrethit të Likovës si në aspektin fetarë Islam ashtu edhe në aspektin kombëtar e patriotik.

Jeta dhe edukimi

Jakup Hasipi u lind në fshatin Sllupçan më 2 shkurt 1951, shkollimin fillor e kreu në vendlindje, shkollimin e mesëm e kreu në Damask të Sirisë në medresenë "el-Furkan'" në vitin 1980. Studimet i kreu në universitetin e famshëm Al-Az'har, në fakultetin e bazave të Fesë Islame të Egjiptit në vitin 1985 ndërsa studimet postdiplomike i vazhdoi në Bejrut të Libanit.

Gjat viteve 1985-1990 punoi si imam në një xhami në Leverkusen të Gjermanisë ku ka dhënë kontribut të çmueshëm në kultivimin e vlerave fetare, morale, kulturore e kombëtare.

I vetëdijshëm për situatën në trojet tona në vitin 1990 kthehet në vendlindje për të kontribuar në gjendjen e rëndë të popullatës. Në ligjëratat e tija ishte shumë i përpikt dhe i guximshëm, kështu që ju ka bër ball kërcënimeve dhe marrjeve të shumta në pyetje nga ana e policisë sllavo-maqedone. Nga kjo periudhë e gjer në vdekjen e tij ka organizuar mbi 5000 ligjërata, kontribut ky që ka dritë çdo ditë në trojet tona përmes ruajtjes multimediale.

Në vitin 2001 gjat luftës në Maqedoni Jakup Hasipi paraqitet si njëri ndër strategët kryesorë në organizimin dhe përkrahjen e luftës, sepse ishte i bindur se vetëm përmes kryengritjes popullata do të jet në gjendje ti arrij liritë dhe të drejtat e veta.

Pas përfundimit të luftës në vitin 2003 në zgjedhjet e rregullta të Bashkësisë Islame në Kumanovë u zgjodh myfti për komunën e Kumanovës dhe Likovës.

Më 7 janar 2006 në një aksident trafiku në magjistralen Shkup - Kumanovë ndërron jetë.

Kontributi në Islam

Kontributi i tij në sferën e Islamit ndër të rinjt dhe të rriturit në Maqedoni dhe Kosovë është i njohur ndër këto troje si përmes pjesmarrjeve të drejtpërdrejta në tubime ashtu edhe përmes ligjërimeve multimediale. Vlen të ceket se të gjitha filmimet audio dhe video jan falas pa asnjë kufizim nga ana e këtij ligjëruesi.

Ndër këto xhirime të ligjëratave më të njohurat janë ligjërata e mabajtur në Ferizaj me rastin e përvjetorit të lindjes së Muhametit, nga e cila ligjërat mbetet thënja e tij se "...pa lexim jemi qumësht i prisht, pa lexim jemi popull i prisht...", si dhe xhirimi i ligjeratave në Prishtinë dhe Ferizaj.

Kontributi Kombëtarë

Si një imam dhe një menaxher i mirë i çështjeve të një fshati ka ndikuar shumë pozitivisht në organizimin e qytetarëve të fshatit si në çështjet e brendshme të fshatit ashtu edhe në ato të jashtme. Organizimi i tij ka qenë i njohur që nga koha e rrënimit të mureve në teritorin e Maqedonisë proçes ky që kishte për qëllim krijimin e trazirave ndër shqiptarët e Maqedonisë.

Ndikimi i tij me një dritë të pastër patriotike ka qenë gjat luftës së vitit 2001 kur me veshje të UÇK-së është paraqitur në opinion dhe ka kërkuar angazhimin masiv të popullatës në luftë kundër sllavo-maqedonasve, emri dhe vepra e tijë kanë pasur ndikim ndër poupllatën gjatë gjithë kohës.

[Illyrian_King]

Poezi nga Jakup Hasipi:

JEMI SHQIPTAR DHE JEMI ME FE

Ne jemi shqiptar dhe jemi me fe,
Nuk ka popull në botë më të lumtur se ne,
Ne jemi krenar që jemi mysliman,
Kemi sunduar botën gjithë anembanë...

Zemërbardhë të gatshëm gjithë për durim,
Jemi bujar dhe kemi dorë për pajtim,
Ne Kur`anin kemi libër të shenjtë,
Ai na mëson gjithmonë të jemi të drejtë.

Pejgamberin tonë me zemër e dojmë,
Dhe Kur`anin net e ditë e lexojmë,
Ne gjithë shkencat në këtë botë do ti mësojmë,
Dhe armikut deri në prag do ti shkojmë.

Mëmëdhenë tonë ne duhet ta mbrojmë
Dhe prej Zotit ndihmë duhet të kërkojmë,
Atë që duhet dhënën kurrë se harrojmë,
Kështu xhennetin së bashku të gjithë e fitojmë.

[Illyrian_King]

Këtu do t'i postoj disa foto të tij gjatë luftës në Iliridë (2001)

Jakup Hasipi me Ali Ahmetin

[Illyrian_King]

[Illyrian_King]

[Illyrian_King]

[Illyrian_King]

Jakup Hasipi gjatë luftës duke biseduar me bashkëluftetar



Jakup Hasipi pyetet për Kombin dhe flamurin kombëtar

[Illyrian_King]

Mulla Jakup Hasipi (1951 - 2006)

Nga: Mexhid Yvejsi

Mulla Jakup Hasipi ishte një hoxhë dijetar,
një burrë atdhetar, një trim luftëtar;
një shembulltyrë për besimtarë,
një pasqyrë për çdo shqiptarë!

Mulla Jakup Hasipi lindi më 2 Shkurt 1951, në katundin Sllupçan të Likovës, në rrethin e Kumanovës. Rrjedh prej një familje fshatare, bujqësore, por besimtare e punëtore…

Shkollën fillore e kreu në vendlindje dhe posa e kreu, në vend të librit, i mbeti shati në dorë, ishte dëshira e babës që djali të bëhët punëtor…!

Të bëhët punëtor, të bëhët krah i tij, në punë të ndryshme në bujqësi…Ndërsa, Jakup Hasipi, djal’i ri, punoi për disa vite me shati n’dorë, por mendjën nuk e kishte tek bujqësia, prej së cilës mvarej shtëpija, por gjithnjë mendonte tek libri, dituria…

Kështu, një ditë, kur Mulla Jakupi ishte në shtëpi, siç kishte dëshirë, i ndodhi një “mrekulli” e mirë. E zgjoi babën nga gjumi dhe i kërkoi do pare, për në Austri me shkue, për me punue. Por, babai i tij, sapo u zgjue i tha: “Jo biro, ti s’ke nevojë të shkosh në Austri me punue, por do të shkosh në Sham (Siri) për me mësue, kjo asht ma mirë, kështu edhe zemra ka dëshirë!”

Nga këto fjalë, Mulla Jakupi jo vetëm që u gëzue, por edhe më shumë u befasue, qysh në këtë mënyrë dëshira iu plotësue…! Më vonë, nana i kishte tregue, se: “ Kur e ke zgjue babën prej gjumit, ai sapo e kishte pa në andërr Pejgamberin (a.s.), i cili i kishte thanë: “ Po, pse ore nuk po e lejon djalin m’i vazhdue mësimet që i ka në zemër!”

Në vitin 1975, në moshën 24 vjeçare, shkoi në Damask, Siri, regjistrohet në Medresenë “El-Furkan”, ku diplomoi në vitin 1980.

Posa e kreu medresenë në Damask, Mulla Jakupi shkoi në Kairo, Egjipt, për të vazhdue studimet e larta në teologji, ku regjistrohet në Universitetin e famshëm “El-Az’har”, ku diplomoi në vitin 1985.

Pas diplomimit në Kairo të Egjiptit nuk kthehet në vendlindje, por shkoi në Gjermani, në qytetin Leverkuzen, ku shërbeu pranë mërgimtarëve, kryesisht, shqiptarë, në xhaminë e qytetit. Shërbeu me përkushtim, me devotshmëri, deri në vitin 1990, si imam, predikues e mësues.

Në vitin 1990, pas 15 viteve shkollim e shërbim në mërgim, kthehet në vendlindje plotë përmallim. Menjëherë, në katundin e tij, e filloi punën në xhami.

Në xhami të katundit Sllupçan të Likovës, me punë vetëmohuese, Mulla Jakupit i doli zani në çdo anë të Kosovës. Zani i tij u përhapë nëpër Maqedoni, u përhapë me shpejtësi edhe në Shqipni… Si ndodhi kjo?

Në fillim të vitit 1994 në Kumanovë u hapë radioja e parë, me emërin” Radio “Zëri i Kumanovës”, ku Mulla Jakupi mbante predikime, fjalime, të cilat dëgjoheshin me vëmendje.

Jo vetëm që dëgjoheshin me vëmendje e kënaqësi, hytbet, predikimet, fjalimet e tij, por ato regjistroheshin nëpër kaseta dhe u përhapeshin si raketa, u përhapeshin me shpejtësi nëpër Kosovë, Maqedoni e Shqipni…

Mulla Jakupi ka ligjërue, ka predikue, ka mbajtur mbi 5000 fjalime, me përmbajtje fetare-atdhetare, në të gjitha trojet shqiptare, në një kohë kur armiqët donin të na shkulnin fare…Kudo që shkonte – kudo frymëzonte…

Frymëzonte nëpër xhami, nëpër salla të kinemave, nëpër pallate të kulturës, nëpër halla të sporteve dhe asnjëherë mundi nuk i shkoi kot, sepse nga gëzimi e frymëzimi kishte edhe lotë, në sallat e mbushura përplotë…!

Kur me 22 Janar 2001 krisi pushka e lirisë në Tearcë të Tetovës dhe pas dy muajve u përhapë edhe në anën e Likovës, në katundin Sllupçan u vendos Komandanti i lavdishëm, Fadil Nimani – Tigri, me bashkëluftëtarët e tij dhe pikërisht në shtëpinë e Mulla Jakupit.

Në këtë shtëpi u themelue Shtabi i UÇK-së për komunën e Likovës, ku Mulla Jakupi jo vetëm që mori pjesë në luftë, por ishte ndër luftëtarët më të dalluar, ndër trimat më të shquar…

Pas luftës nuk shërbeu më në xhaminë e Sllupçanit të Likovës, sepse zgjedhet Myfti i Kumanovës…

Me 7 janar 2006 në rrugën Shkup-Kumanovë, Mulla Jakup

Hasipi, që luftoi ditë e natë aq trimërisht, humbi jetën, për një cast, tragjikisht… !

Siç ishte i madh në jetën e tij, në shërbim të Zotit, në shërbim të popullit, një jetë me plotë përpjekje, po aq i madh ishte edhe në vdekje. Në varrimin e tij, në katundin Sllupçan, ku iu bënë shërbimet fetare e kombëtare, morën pjesë mijëra qytetarë nga të gjitha trojet shqiptare…

Mulla Jakupin e kam takuar disa herë, para e pas luftës, se qysh ishte ky hoxhë, ky dijetar, ky trim, ky luftëtar, se qysh ishte ky njeri e ka ka përshkrue poeti, Burhanudin Fili, në këtë poezi…:

Mulla Jakup Sllupçani

Kuj don Allahu i jep hidajet
E udhëzon, e mëson si don Vet.
Me mirësinë e Tij gjithkah e shetit,
Me nurin e Tij rrugën ia ndritë.
Në jetë shumë raste i përjetojmë
Mulla Jakupin këtu e kujtojmë
Hoxhë Jakupi i Sllupçanit
Brum shqiptari, fryt Imanit.
Le t’a njohim vlla Jakupin:
Me davet e ngarkoi supin.
I la arat, e la shatin,
E la familjen edhe fshatin;
Kumanovë e Vilajet,
U nisë rrugës për gurbet;
Për tixharet ai asht nisë
Jo për marka, as devizë…
Por me dritë t’Zotit m’u pajisë.
Mbas shumë rrugë n’Sham arritë
Për t’marrë dije, që asht dritë.
Ndej në sofër të burrnisë,
Në terbjet të Muhamedisë.
Ditë e natë atje mësoi…
Për ma lart në Misir shkoi;
Se atje, vlla, asht Ez-heri
Qe për dije asht muteberi.
E prej luleve t’diturisë,
Mori nektarin e mirësisë;
Edhe u kthye në Vilajet,
Punës ju vu, ai, për davet…
N’krah janxhikun, n’dorë qitapin,
N’rrugë t’davetit shtrini hapin:
Në Sllupçan e Gjermani,
Në Kosovë, ma vonë n’Shqipni.
Kudo që shkoi e ke takoi,
Me davet, ai, i frymëzoi.
Allahu i dha dije dhe zell,
Që Islamin me këndell.
Allahu vet, ate, e nderoi,
Që fjala e tij n’zemra t’përshkoi…
Dituni, besë e bujari,
Gërshetu bashkë me trimni,
Në mejdan t’jetës i nxorri
Kush qe i zoti, prej tyre mori.
Porse të vehten ban exheli:
Kur t’i vijë dikuj apeli,
Nuk ka shtek për pa u nisë…
Se kështu Allahu e ka ujdisë.
Me shumë nderime u përciell
Shumë xhemat aty u mbledh:
Vilajet, Kosovë, Shqipni,
Prej vendeve tjera e Turqi.
Fort me mall e përcollën,
Deri n’mjekrra lottët rrodhën.
Por, prej Allahut t’gjithë jemi,
E te Ai, sërish kthehemi!
Vepra e tij kurr s’harrohet,
Pema matet mbasi t’rrxohet,
E kush donë atë me nderu
Veprën e tij me vazhdu.
Rahmet past Jakup Sllupçani,
Në Xhennet iu baft Mekami!

[Illyrian_King]

Jakup Hasipi flet për familjen Jasharaj



Jakup Hasipi ligjeratë për luftën në Iliridë, ligjeron nën uniformen e UÇK-së

[Dj_PiRoMaN]

Sot e kete dite,diteve te Premte i degjojme ligjeratat e te mjerit z. Jakup Hasipi
Zoti e shpërbleft me Xhennet inshallah