Kosova bllokon importin e barnave nga Shqipëria

[Nice_Boy]

Tiranë, 6 qershor - Konflikti mes Shqipërisë dhe Kosovës është zhvendosur te barnat \"Made in Albania\". Pavarësisht se qeveritë e dy shteteve i konsiderojnë raportet ekonomike pozitive dhe pa pengesa reciproke për tregti të lirë, në realitet ndodh e kundërta, shkruan gazeta \"Shqip\", duke konstatuar se në nivelin administrativ, të dyja vendet po hasin probleme. Dikur ishin bizneset e Kosovës që ankoheshin (dhe vijon ende) për taksat që dogana e Shqipërisë aplikon për mallrat e tyre. Kryefjalë e kësaj beteje ishte patatja, me të cilën Kosova kishte kryer tregti pa pengesa, derisa pala shqiptare vendosi taksa dhe referenca doganore për të mbrojtur produktin vendas. Kjo ndodhi edhe për lëndët e tjera. Po sot, janë bizneset shqiptare që ankohen, duke dhënë të njëjtat argumente, si kosovarët me pataten, ndoshta me më tepër motive. Të dyja qeveritë kanë lidhur marrëveshje të ndryshme tregtie, sa u takon tarifave doganore preferenciale. Në rastin e produkteve farmaceutike, prodhimet e Kosovës (pavarësisht se nuk eksporton ende në Shqipëri) trajtohen me taksë doganore 0, gjë e cila nuk ndodh me produktet shqiptare në Kosovë. Në të dyja vendet nuk ekzistojnë praktika të njehsuara në fushën e licencimit dhe shitjes së barnave, shqetësim i ngritur pak kohë më parë nga vetë ish presidenti i Kosovës, Behxhet Pacolli. Kjo ndodh për faktin se Kosova nuk e \"njeh\" Shqipërinë si vend i Ballkanit, apo i BE së, por si vend i Botës së Tretë, ku futen India apo Bangladeshi. Duke qenë në këtë listë vendesh, autoritetet kosovare ofrojnë procedura tepër burokratike, deri në 6 muaj, për licencimin e një barne të vetme, importuar nga Shqipëria. Ndryshe ndodh me produktet kosovare, të cilat mund të futen në tregun shqiptar pa qenë nevoja të trajtohen si vende indiane. Në këto kushte, të dyja vendet po vuajnë nga kostot e larta të produkteve që blejnë në vendet e tjera të BE së, duke injoruar bashkëpunimin, me efekte negative në buxhetet respektive të barnave, sa i takon rimbursimit. Problemi pranohet nga vetë Ministria jonë e Ekonomisë, e cila mbulon sektorin e tregtisë së lirë dhe politikën e tarifave doganore. Nga ana tjetër, pala shqiptare nuk jep sqarime pse barnat shqiptare paguajnë taksa kur futen në Kosovë dhe anasjelltas ndodh ndryshe, sikurse është e pakuptimtë trajtimi si vende të Botës së Tretë.

Të dhënat nga INSTAT-i tregojnë se eksportet e barnave drejt Kosovës kapin një vlerë rreth 250 mijë euro.

[Nice_Boy]

Serbis as që guxojn mja përmend bllokaden kurse Shqiperis menjëherë..


Qe cfar politike t'prisht kemi!!

Mjer t'na.

[Enii]

Problemi nuk eshte aty por tek siguria e shendetit , ilacet ne Shqiperi jan aq te pasigurta sa dhe vete Shqiptaret si duan e jo me te duan vendet e tjera , eshte kthyer ne kontrabande e keshtu do trajtohet dhe nga vendet fqinje , te pakten serbet i kane me te sigurta se kane rregulla me te forta kur vjen puna ketu tek ilacet ...

[Sharri-Liburna]

Serbis as që guxojn mja përmend bllokaden kurse Shqiperis menjëherë..


Qe cfar politike t'prisht kemi!!

Mjer t'na.

Nuk eshte problemi qe i frigohen dikujt,po kjo qeveri e krimineleve,me krye kriminelin taci,nuk po mujkan me vjedh prej shqipnis,kurse me ato shtetet e bangladeshit e te indis etj,vjedhin me te madhe,ktu eshte ne pytje hajnia,qeveria e shqipnis nuk po i lejojka me vjedh,ktu eshte problemi kryesor.

[benseven11]

"Të dyja qeveritë kanë lidhur marrëveshje të ndryshme tregtie, sa u takon tarifave doganore preferenciale"

Perderisa dy qeverite kane rene dakort me marreveshje(qe do te thote te dyja qeverite i kane pelqyer tarifat doganore ne te dyja krahet e kalimit) atehere pse ka ankesa????Nuk e detyroi kush me force as qeverine e Kosoves as qeverine e Shqiperise te binte dakort dhe firmoste marreveshjen.
==
"Kosova nuk e \"njeh\" Shqipërinë si vend i Ballkanit, apo i BE së, por si vend i Botës së Tretë"
E kush e thote kete?Ky eshte opinion i gazetarit dhe jo fakt.
=====
Sipas postit produktet farmaceutike qe eksportohen nga kosova nuk kane takse dogane.Kush e ka fajin ketu Shqiperia?
Produktet farmaceutike shqiptare qe eksportohen,sipas artikullit kane takse
dhe kjo takse i paguhet shtetit shqiptar.Kjo me sa duket ndikon ne nje cmim disi te larte te produkteve farmaceutike ne tregun ne Kosove,pasi shitja
per ne kosove merr parasysh shpenzimet e bera per pagimin e takses.
=====

"Në këto kushte, të dyja vendet po vuajnë nga kostot e larta të produkteve që blejnë në vendet e tjera të BE së, duke injoruar bashkëpunimin, me efekte negative në buxhetet respektive të barnave, sa i takon rimbursimit"

Fajin e ka marreveshja e keqe e bere nga dy shtetet.
Per produktet farmaceutike shqiptare qe eksportohen ne kosove,i paguhet takse shtetit shqiptar pasi ashtu eshte ligji per tarifat e eksporteve.(Shteti shqiptar nuk ka asnje problem me kete,perderisa fryn buxhetin e vet me keto taksa exporti,so per shtetin shqiptar eshte zero problem).
Ky fakt duhet te ishte marre parasysh nga ministria e ekonomise ne kosove dhe te bihej ne ujdi me qeverine shqiptare qe per kosoven te behej nje perjashtim pertaksat per barnat duke nxjerre ne shqiperi nje ligj te vecante,"Takse 0 per barnat qe eksportohen ne Kosove"..
Prodhimi i ilaceve mbeshtetet ne procedura rigoroze reaksionesh kimike dhe komponente e gramatura.
Acetominofeni eshte Acetominofen dhe eshte njelloj,pavarsisht se ku prodhohet,ne Gjermani,ne Brazil,ne Japoni,Usa,Shqiperi apo Indi.Ne te gjitha keto vende procedurat e prodhimit te saj jane identike.Nuk mund te thuash qe acetominofeni ne Gjermani eshte me i miri ne bote,pasi ato procedura prodhimi qe ndiqen ne Gjermani,ndiqen ekzakt edhe ne Brazil,Usa,Shqiperi etj.Produkti del me te njejten cilesi,nqs respektohen gramaturat,komponentet dhe procedurat.
Keshtu qe nuk ka llogjike te blehet acetominofeni me cmim te larte ne Gjermani,kur mund ta blesh nga Shqiperia me cmim me te ulet.
Perse cmimi i acetominofenit ne Gjermani eshte me i larte se sa ne Shqiperi.Kjo ka te beje me shpenzimet me te larta ne Gjermani,si shpenzimet per blerjen e lendeve te para,shpenzimet me te medha per pagesen e rrogave te punonjesve,taksat me te larta qe ka industria farmaceutike ne Gjermani,shpenzime me te larta
ne elektricitet,shpenzime me te larta ne kontroll cilesie,administrate,inshuranca, plus kostoja e larte e transportit te produktit.
Keshtu qe cmimi i larte i nje produkti farmaceutik nuk do te thote asnjehere qe ai produkt eshte super super cilesor,eshte mrekullia vete ne kuti.Ai produkt per nga cilesia mund te jete identik me nje produkt shqiptar qe prodhohet me kosto me te ulet dhe per pasoje ka cmim me te ulet.
Nqs ajo Kosova do cmime te uleta barnash te shkoje ne Kine,ka shume shance te beje pazare me leverdi per barnat.Megjithese eshte larg dhe transporti mund te vonoje 6 muaj,cmimi final per treg do jete i ulet,pasi kinezi i shet me cmim me te ulet,ka kosto te ulet shume te prodhimit dhe fiton vetem me shitjet ne volume te medha.Mos u ngaterro fare me indianet ne tregeti,jane te idhet dhe nuk bejne kompromis per te ulur cmime.