Adem Jashari - Hero i Kosovës

[KUSi]

sipas meje Adem Jashari eshte Legjende e gjalle , si cili me sakrifice te madhe e ka luftuar shkaun deri ne debim

[Kandili 1]

Respekt bashkekombaseve tone ne Tirane, qe e mundesuan atje ngritjen e bustit te heroit Adem Jashari!Ademi ishte me te vertete nje trim i madh e zemer shqiptari.Lavdi i qofte emrit dhe vepres se tij!
Shume respekt Thoma Thomait per skulpturen e bukur!Zoti ja lumte doren Thomes!

Brarit :

Ka diqka te vertete nga ato qe shkrove.Por ne anen tjeter,po te pritej deri sa te behej nje ushtri ne kuptimin e vertete te fjales,me arme bashkekohore(kembesorie) e organizim te efektshem strukturore e tj., ke tu na hanger dreqi krejt prej shkau.Pra ne, ne vend qe te organizohemi pa dallime politike,duke e patur qellim clirimin e vendit prej shkaut,perjetuam refuzimin a vrasjen e oficereve te shkolluar vetem pse s`ishin antare te lprk-koqes a ndonje partie tjeter majtiste.

A di cka dhemb ketu,kur eshte fjala te inaugurimi i bustit te herojit?
Dhemb dyfytyresia e thaqit,kupit a shokeve te tyre.Ka plot fakte qe tregojne se keta te fundit as e kane perkrahe as furnizue me arme ,ne momentet vendimtare, heroin tone te cmuar.
Kjo i bie ne nifare menyre: trusja naten e levdo diten!
Rrenat me te medha behen: para zgjedhjeve,gjate luftes dhe pas luftes.
Heroi Adem Jashari, do te mbetet emer shume i respektuar nga gjeneratat e tashme dhe te ardheshme shqiptare.

[Llapi]

Sot në Prekaz fillon ndërtimi i Kompleksit Memorial “Adem Jashari”

Burimet vendore të lajmeve bëjnë të ditur se sot në Prekazin heroik të legjendarit Adem jashari fillon ndërtimi i Kompleksit Memorial. Në ceremoninë e inaugurimit të punimeve të këtij kompleksi me rëndësi kombëtare pritet të marrin pjesë udhëheqësit më të lartë politikë dhe ushtarakë të vendit. Qeveria e Kosovës ka ndarë një pjesë të mjeteve për fazën e parë të ndërtimit, ndërsa Trupat e Mbrojtjes së Kosovës do të marrin pjesë në kryerjen e punimeve.

[Llapi]

Memorial “Adem Jashari”
Në Prekaz janë vënë themelet e lirisë dhe pavarësisë së Kosovës

03.12.2006
Sot në Prekaz është mbajtur një manifestim për nder të përurimit të fillimit të punëve për ndërtimin e Kompleksit Memorial “Adem Jashari”.
Në këtë manifestim ka marrë pjesë një delegacion i lartë i Partisë Demokratike të Kosovës, i kryesuar nga kryetari z.Hashim Thaçi, në të cilin bënin pjesë edhe sekretari i përgjithshëm z.Jakup Krasniqi, nënkryetarët z.Fatmir Limaj, z.Bajram Rexhepi dhe z.Hajredin Kuçi dhe anëtari i Kryesisë z.Adem Grabovci.
Në manifestimin solemn, një fjalë rasti e mbajti ish-zëdhënësi i SHP të UÇK-së z.Jakup Krasniqi, ndërsa gurin themeltar të kompleksit e vuri ish-udhëheqësi politik I UÇK-së, tani kryetar i PDK-së z.Hashim Thaçi.

Në fjalën e tij ish-zëdhënësi i Shtabit të Përgjithshëm të Ushtrisë Çlirimtare të Kosovës, njëri nga njerëzit më të afërt të familjes së komandantit legjendar të UÇK-së Adem Jashari, sekretari i përgjithshëm i PDK-së z.Jakup Krasniqi, në praninë e një numri të madh pjesëmarrësish në këtë eveniment, theksoi se pikërisht në Prekaz, dhe pikërisht në familjen e komandantit legjendar të UÇK-së janë vënë themelet e luftës çlirimtare dhe të lirisë dhe pavarësisë së vendit.

Komandanti ynë legjendar Adem Jashari dhe Ushtria Çlirimtare e Kosovës ka luftuar që në Kosovë të funksionojnë institucione demokratike, që dijnë ta çojnë deri në fund vullnetin dhe sakrificën e gjithë qytetarëve të Kosovës për një shtet sovran dhe të pavarur, të integruar në strukturat euro-atlantike.

Më tej, sekretari i përgjithshëm i Partisë Demokratike të Kosovës z.Jakup Krasniqi tha se sakrifica e familjes Jashari dhe e gjithë dëshmorëve të Ushtrisë Çlirimtare të Kosovës na obligon të gjithëve që të përkushtohemi edhe më shumë për të çuar deri në fund sakrificën dhe amanetin e tyre, për të cilin u flijuan Jasharët legjendarë të Prekazit

Ish-përfaqësuesi politik i UÇK-së z.Jakup Krasniqi në fund i uroi të gjithë qytetarët e Kosovës, dhe posaçërisht familjen Jashari dhe Prekazin, për fillimin e ndërtimit të Kompleksit Memorial, i cili sipas z.Krasniqi do të reflektojë lavdinë, sakrificën dhe krenarinë e Ushtrisë Çlirimtare të Kosovës dhe gjithë qytetarëve të Kosovës.

Në vazhdim të manifestimit, u bë edhe vënia e gurit themeltar të Kompleksit Memorial të UÇK-së në Prekaz, të cilin e vuri ish-udhëheqësi politik i UÇK-së, njëri nga bashkëluftëtarët më të ngushtë të komandantit legjendar të UÇK-së, tani kryetar i PDK-së z.Hashim Thaçi.

[ARIANI_TB]

[ARIANI_TB]

[no name]

Adem Jashari
Historia e Adem Jasharit

Adem Jashari lindi në Prekaz të Drenicës, më 28 nëntor 1955. Këtë vit, Shaban Jasharit, krahas Festës së Flamurit, që e festonte për çdo mot, ju shtua edhe një festë tjetër - Ditëlindja e djalit të cilin e pagëzoi: Adem. Dhe ishte e natyrshme që mbi djepin e t´posalindurit në këtë ditë, Djepi të mbulohej me flamurin e Skënderbeut. Kështu ndodhi atë ditë në familjen Jashari, në Prekazin e Ahmet Delisë. Familjes se xha Shabanit iu shtua edhe një pushkë, në Drenicë jehuan krismat e pushkëve për flamur dhe ushtarin e posalindur të lirisë. Xha Shabanit ju duk se jehona e pushkëve që u zbrazën për lindjen e Adem Jasharit po shpërndahej valë - valë nëpër Drenicë e Kosovë si jehona "Oooo o o prite, prite Azem Galicën o heeejjj", e atij sikur ju duk se po ndëgjonte jehonën: "Prite, prite Adem Jasharin o heeejjj". S´do të ishte çudi që atë ditë, xha Shabani t´i kishte ndëgjuar të dy jehonat, se atë ditë e kaluara po e përcaktonte të ardhmen, ishin bërë një. Atë ditë, Flamuri - Lindja - krisma - jehona ishin determinim i një lavdije të madhe. Adem Jashari erdhi në këtë botë me të vetmin ndryshim nga gjithë moshatarët e tij se ky u lind në ditën e fitorevë më të lavdishme të popullit shqiptar, në Ditën e 28 Nëntorit. Kështu nisi jeta në vazhdimësi në Prekazin e lavdive të përsëritshme. Në festë me krisma e këngë edhe vdekjen e bëjnë me krisma e këngë. Xha Shabani ishte i kujdesshëm me të gjithë fëmijtë, por ndaj Ademit tregonte një kujdes të veçantë, ndoshta pse i kujtohej dita e lindjes, i kujtoheshin krismat e pushkës dhe jehonat e përsëritura të atyre krismave në 28 Nëntorin e vitit 1955.



Xha Shabani pas Luftës së Dytë Botërore, për një kohë pati ushtruar profesionin e mësuesit, por për shkak të veprimtarisë atdhetare ai do të largohet nga procesi mësimor dhe do merrej me bujqësi. Ai pa ndonjë ngurri vendosi të merrej me punimin e tokës dhe edukimin e fëmijëve në frymën e atdhetarizmes. Kështu po rritej Ademi së bashku me vëllezërit më të mëdhenj, Rifatin dhe Hamzën. Ademi kishte një interesim të veçantë për armët, për të bëmat e prekaziotëve gjatë historisë e sidomos i interesonte akti tepër burrëror i Ahmet Delisë dhe ndihma që ai i pati dhënë fqiut, që ishte sulmuar nga bandat serbe. Sopata e Ahmet Delisë, ajo që bandës çetnike i ndau kokat në dysh, ishtë bërë legjendë, legjendë e historisë në mbrojtje të nderit dhe dinjitetit kombëtar. Adem Jashari kishte një interesim të veçantë për Emin Latin, prekaziotin bashkëluftëtar të Azem e Shotë Galicës, të atij brezi trimash, që në gjithë shqiptarinë njiheshin për të burrëri e trimëri. Ndonëse ky brez i trimave me nam të lirisë, Kosovës nuk i sollen çlirimin e bashkimin kombëtar, por brezave ju lan amanet: pushkët trimërore të lirisë. Ky amanet përcillej nga brezi në brez, nga luftëtari ke luftëtari me porosi, që të përcillej si stafetë deri në fitoren mbi armikun e kombit. Prekazi në mënyrën më besnike e përcolli amanetin e luftëtarëve të lirisë, jo vetëm duke e mbajtur syrin në shënjestër, por duke përcjell jehonën e pushkëve të lirisë nga Prekazi në Drenicë e në Kosovë, jehonë që i mbulonte të gjitha tokat e pushtuara të Shqipërisë. A nuk e tregoi këtë edhe Kulla e Shasivar Alisë, në dimrin e ftohtë të vitit 1945? A nuk u përsërit kjo nga pasardhësi i Emin Latit me 13 maj 1981, kur Tahir Meha mbuloi me turp njësinë speciale të policisë beogradase, duke i shkaktuar humbje të mëdha edhe në njerëz edhe në teknikë luftarake agresorit, që kishte aktivizuar për shuarjen e celulave kryengritëse.


Të gjitha këto dhe shumë të tjera që s'u përmendën, lanë gjurmë të thella në edukimin atdhetar të Adem e Hamëz Jasharit dhe çetës së tij trime. Adem dhe Hamez Jashari do të betohen para varrit të Tahir Mehës, se do të vazhdojnë luftën për çlirim deri në fitore. Dhe, ecen guximshëm rrugës së luftëtarëve kombëtarë, duke ngritur si në aspektin organizativ, njashtu edhe duke rritur numerikisht, numrin në rradhët luftëtarëve të lirisë e të pavarësisë, duke ngritur efikasitetin e luftës çlirimtare, me çka ndryshuan rrjedhat e historisë dhe hapen një epokë të re - Epokën e Ushtrisë Çlirimtare të Kosovës. Demonstratat e vitit 1981, ngjarjet e Pranverës së madhe studentore të vitit 1981, të cilat u shëndrruan në Lëvizje të madhe popullore, që me vite mbajten të ndezur flakadanin e lirisë e të çlirimit të kombit, patën ndikim të fortë patriotik në brezin që formuan, organizuan dhe udhëhoqen politikisht dhe ushtarakisht Ushtrinë Çlirimtare të Kosovës. Adem Jashari dhe çeta e tij ka qenë dhe ka mbetur bërthama themeltare e UÇK-së. Në histori mundet edhe të ndodhin ngjarje të rastsishme, por Adem Jashari, çeta dhe familja e tij nuk janë rastësi e historisë, ata me ndërgjegje e vendosmëri u përgatitën për kthesën vendimtare të historisë sonë më të re. Adem Jashari nuk shkoi rastësisht në Shqipëri për të përsosur artin e luftës, të cilin e përvetësonte me shpejtësi të rrufeshme, dallohej nga i gjithë brezi i tij. Në përgatitjet ushtarake tregoi aftësi dhe cilësi të larta në përvetësimin e artit të përdorimit të armeve të ndryshme për luftën çlirimtare. Adem Jashari, ndryshimet që po bëheshin në vitet 90, i shihte me optimizëm, prandaj me vendosmëri e sinçeritet të lartë nisi angazhimin e tij në sferën ushtarake, për organizimin e luftës çlirimtare. Adem Jashari dhe çeta e tij nuk ishin nisur në rrugën e luftës për liri, për hirë të këtij apo atij lideri, pse ky apo ai i paskan sytë e zinj. Ata ishin nisur për çlirimin e Kosovës pa bërë llogari meskine, karieriste apo grabitëse. Ata e donin Kosovën e lirë e të pavarur. Ata ishin të liruar nga ideologjizmat, veç shqiptarizmës. Adem Jashari dhe çeta e tij ndryshimet politike që ndodhen në vitet 90 i priti me optimizëm, besoj shumë, por nuk do të kalojë shumë kohë dhe do të zhgënjehen se kasta e "re" e politikajve po bëhej pengesë e rrjedhave të reja të historisë, po ngulfaste shpirtin luftarak të shqiptarëve liridashës. Kur në fund të vitit 1991, në Kosovë po bëheshin arrestime të të gjithë atyre që ishin përgatitur në Shqipëri, Adem Jashari do të njoftojë çetën e tij dhe të kërkojë nga ata, që të ishin vigjilent se çdo natë armiku mund t´iu trokaste në porta. Ai do t´iu thotë shokëve: "Armët nuk i kemi marrë që t´ia dorëzojmë armikut, por që ta luftojmë deri në fishekun e fundit". Më fjalën e komandantit u pajtuan të gjithë. Dhe, nuk vonoi dita kur armiku do të trokas në portën e Jasharëve. Ishte mëngjesi i hershëm i 30 dhjetorit 1991, ku armiku me një makineri të tërë policore kishte rrethuar Jasharajt dhe kërkuan dorëzimin e Adem Jasharit dhe Jasharëve tjerë. Adem Jashari me vëllezër e shokë apelit të armikut për dorëzim ju përgjigjen me breshëri armësh nga shumë drejtime. Ishte e çartë, çeta e Prekazit kishte vendosur epokën e luftës çlirimtare, ata mes jetës se burgut e të poshtërimit kishin zgjedhur jetën e lavdisë e të lirisë, me të gjitha pasojat që mund t´i kishte. Vetëm të guximshmit nëpër kohë të ndryshme i kanë ndërruar rrjedhat e historisë, kështu ndodhi edhe me Adem Jasharin dhe çetën e tij. Kështu nisin aksionet luftarake mbi policinë e armikut, fillimisht në Drenicë, e për t'u përhapur më vonë ne Llap e Dukagjin, në Drini e kudo në Kosovë. UÇK po bëhëj shpresë për popullin dhe tmerr për armikun, armikut po i rrëshqiste dheu nën këmbë, pasigurinë e shihte të çdo kaçube. Adem Jashari ishte kudo. Ai po bëhej legjendë. Ai ishte kudo ku sulmohej armiku, ai ishte në çdo cep të Kosovës. Vetëm frikacaket nuk mund t´i besonin trimërive e të bëmave të Adem Jasharit, ata nuk dëshironin ndeshjen me armikun dhe sa herë që çeta e tij sulmonte e vriste policinë kriminale të armikut do të thonin: "Këta janë dorë e zgjatur e armikut, janë të Sheshelit apo të Arkanit etj.", - dhe kjo nuk ishte diçka e re, dikush duhej të mbulonte kolaborimin me Beogradin, por paraprakisht duhej akuzohej tjetri. Adem Jashari kishte shumë mundësi, ai kishte zgjedhur me ndërgjegje mundësinë e luftës së armatosur për liri e pavarësi, anipse ai i dinte mundësitë e veprimit luftarak të UÇK-së. Pas luftës se 26 nëntorit 1997, në Llaushë të Re, ku mori pjesë Ademi me çetën e tij, nga e cila armiku u tërhoq me bisht nën këmbë, armiku do të bëjë plane për zhdukjen e Adem Jasharit. Kjo do të ndodhë me 22 janar 1997. Një bandë kriminele kishte sulmuar familjen Jashari, me qëllim që të zhdukej kjo çerdhe e rrezikshme e Ushtrisë Çlirimtare të Kosovës. Por, falë gjakftohësisë e guximit të familjes dhe ndihmes që erdhi nga çeta, armiku u tërhoq pa arritur qëllimin. Ato ditë e tërë Kosova sikur ishte në Lagjen e Jasharëve. Nuk ishte e vështirë ta kuptoje mesazhin që kishte lënë armiku. Armiku ishte tërhequr i bindur se nuk kishte gjetur mënyren e eliminimit të Adem Jasharit dhe familjes Jashari. Armiku dëshironte qoftë edhe largimin e Jasharajve nga trojet e tyre, por Jasharajt nuk i lëshonin trojet stërgjyshore. Ata as të vdekur nuk donin të shkuleshin nga vendi i tyre, për çka kishin nisur luftën. Adem Jashari dhe gjithë Jasharajt nuk e donin ikjen e poshtërimin, ata e dëshironin qëndresën, e donin lirinë dhe pavarësinë e Kosovës. Armiku pas disfatës së 22 janarit kishte filluar përgatitjet për një sulm të përmasave të mëdha policore dhe ushtarake, dhe ky sulm do të fillojë në mëngjesit e hershëm të 5 prillit 1998, pak ditë pasi policia armike kishte pasur një disfatë të Lisat Binak, në Likoshan. Këtë herë forca të mëdha ushtarake dhe policore e kishin rrethuar Prekazin, me orientim kryesor Lagjen e Jasharëve. Lufta për eliminimin e Jasharëve ishte e rreptë. Armiku Prekazin e kishte vendosur në rreth të hekurtë dhe sulmonte nga shumë anë. UÇK-ja aso kohe i kishte mundësitë e kufizuara të sulmit e të depërtimit. Adem Jashari dhe çeta e tij sulmit armik ju përgjigjen me sulm. Lufta që zhvilloi Adem Jashari me shokë që e madhe. Sulmi i armikut vinte nga larg. Pas një rezistence të gjatë dhe herioke, armiku arriti të djegë e shkatërrojë Lagjen e Jasharëve, por jo kurrë vendosmërinë për të vazhduar luftën për liri e pavarësi. Adem Jashari deri në vdekje luftoi e këndoi, jo vdekja e Adem Jasharit nuk është vdekje është përjetësi. Lufta për Prekazin që e ashpër. Qëndresa ishte e madhe. Ushtria Çlirimtare e Kosovës humbi prijetarin e saj. Kosova fitoi komandantin legjendar. Me aktin e rënies se Jasharëve, Kosova mundi frikën dhe për lirinë e pavarësinë u hapen shtigje të reja. Adem Jashari - legjendë, solli kualitet të ri në filozofinë dhe mendësinë e shqiptarëve për jetën, atdheun, lirinë për nderin dhe dinjitetin e kombit. Rënia heroike e Adem Jasharit i dha shtytjen më të fuqishme mobilizimit, strukturimit dhe profesionalizimit të Ushtrisë Çlirimtare të Kosovës. Ushtria Çlirimtare e Kosovës fitoi hapësira të reja veprimi. Komandanti Legjendar i UÇK-së me jetën, veprën dhe lavdinë e tij i dha kualitete dhe përmasa të reja 28 Nëntorit - Festës sonë Kombëtare.

[Kreksi]

Adem Jashari është Hero Kombtar pra per te gjithe shqiptaret e jo vetem hero i kosoves !

[Vicianum]

Reagim ndaj disa shqipfolësve që po mundohen ta njollosin figurën e Komandantit Legjendar Adem Jashari

Adem Jashari lindi në fshatin Prekaz të Komunës së Skenderajt në Drenicën heroike, në ditën e madhe të flamurit, më 28 nëntor 1955, ndërkaq ra heroikisht ballë për ballë me forcat çetnike serbe pikërisht më 6 mars 1998 në Prekaz, vendin ku edhe ishte rritur, edukuar dhe frymëzuar me ndjenjat atdhetare nga prindërit Shaban dhe nënëloke Zahide Jashari, por edhe nga heronjtë tjerë të kësaj ane.

Lindja e tij në ditën dhe muajin e fitoreve të mëdha të kombit shqiptar, kishte dhe do të ketë veçantinë e vet.

I lindur dhe i rritur në një familje dhe në një vendbanim që me të drejtë quhet epiqendra e ngjarjeve të mëdha për Kosovën, ku ndjenja atdhedashëse është gjëja më e shtrenjtë, Adem Jashari, nga këtu qysh si fëmijë i vogël do të mësojë nga burrat e mëdhenj të kësaj familjeje sesi për atdhe nuk bën kursyer as jetën, dhe kështu trimi i madh do të bëhet edhe themelues i Ushtrisë Çlirimtare të Kosovës(UÇK), së bashku bashkëluftëtarët e tjerë ata do ta pasonin rrugën e stërgjyshërve të tyre në kryengritje kundër forcave çetnike serbe, dhe fjalëve të odës së tij i kishte mbetur besnik duke mos i larguar kurrë nga mendja këto fjalë ai dhe familja e madhe e tij ranë heroikisht duke u bërë vulë që vendosi për largimin serbëve fatkëqij nga Kosova dhe zgjoi nga gjumi Diplomacinë e fjetur ndërkombëtare e cila edhe vendosi ta sulmonte Serbinë e degjeneruar dhe ndërhyrjen e forcave të NATO-s në Kosovë.

Edhe pas vdekjes së Komandantit Legjendar Adem Jashari, shokët dhe atdhetarët tjerë nuk u ndalën ata i përhapen fushëbetejat kundër serbëve, duke parë këtë akt vetëflijues për nder të atdheut dhe në shërbim të tij në çdo kohë, shumë bashkatdhetar nga bota perëndimore dhe nga viset e tjera shqiptare do të rreshtohen në radhët e UÇK-së në shërbim të atdheut.

Gëzon fakti se sërish oda e familjes Jashari është duke u ripërtëri me emrat e atyre që neve na kthyen dinjitetin, gëzimin dhe harenë, që të tjerët na kishin privuar disa shekuj me radhë.

E nga e gjithë kjo histori si ka mundësi që dikush të flasë keq për një njeri që jetën ia fali lirisë së kombit të vet, fatkeqësisht që edhe në mesin tonë ka disa persona që as që meritojnë të quhen njerëz, këta persona që kanë dështuar në jetë e që janë të pandërgjegjshëm të cilët fatmirësisht janë në numër të vogël dhe mund të numërohen në gishta, duke i shfrytëzuar mediat si elektronike ashtu ato të shkruara por edhe internetin si mjetin më të mirë ku mund ta fshehin identitetin e tyre, po shpifin për figurat emblematike të Kosovës dhe disa heronj tjerë.

Ata duke shfrytëzuar disa gazeta serbe dhe disa ueb faqe interneti që më ra rastësisht t’i shikojë në internet pash emrat e disa shqipfolësve nga Kosova të cilët mundoheshin ta njollosnin figurën e Adem Jasharit.

Po ashtu këto ditë nëpër disa ueb faqe shqipe në internet po shfaqen emrat e disa personave që po flasin fjalë të pa vërteta për disa personalitet të Kombit shqiptar, e unë do t’i pyesja këta dështakë që edhe jeta ju ka kthyer shpinën sesi mund të flitet keq për një komandant legjendar për një hero që me veprat e tij është i pavdekshëm, për një emblemë të një kombi i cili edhe pse nuk është i gjallë ka arritur të shpallet me dekoratat më të larta shtetërore si:

- Medalja Luftëtar i Lirisë Adem Jashari

- Urdhri Hero i Kosovës

- Medalja e Artë e Lidhjes së Prizrenit…etj

Pastaj shumë institucione shkollore, sheshe dhe rrugë të qyteteve të Kosovës dhe të Shqipërisë janë zbukuruar me shtatore kushtuar Komandantit Legjendar Adem Jasharit.

Sakrificën e këtij heroi e kanë çmuar dhe vazhdojnë ta çmojnë jo vetëm shqiptarët por edhe një numër i konsiderueshëm i popujve që ja dinë rëndësinë lirisë, madje homazhe pranë varrit të Adem Jasharit, kanë bërë edhe disa nga personalitet më të larta të politikës botërore.

E ata të pashpresë dhe të çmendur që mendonin dhe mendojnë edhe sot e kësaj dite se Adem Jashari dhe bashkëluftëtarët e tij kishin nisur rrugën e luftës për liri për hir të këtij apo atij lideri apo të asaj apo kësaj partie, gabojnë sepse është e ditur botërisht se rruga nëpër të cilën ishte nisur atdhetari Adem Jashari me familje ishte rruga e fitores së madhe, ngadhënjimit mbi forcat çetnike serbe, gjë që edhe ndodhi.

E përgatiti: Hajdin ISLAMI

(Autori është gazetar nga Vushtrria-Kosova)

[biligoa]

KOMANDANT NDERI I AKSH-se