Maqedonia voton - 5 qershor 2011

[BlerinaL]

Maqedonia voton, ora 13:00, pjesëmarrja 35%
Lajmi i Fundite Dielë, Qershor 5th, 2011
http://www.panorama.com.al/lajmi-i-f...t-parlamentare

UPDATE- Pjesëmarrja e votuesve në zgjedhjet e sotme parlamentare në Maqedoni, deri në orën 13:00 është 35,08 për qind.

Sipas të dhënave të Komisionit Zgjedhor, pjesëmarrje më e madhe vërehet në Njësinë e Tretë, ku kanë votuar 40,82 e votuesve, në Njësinë e parë kanë votuar 39,10 për qind, në Njësinë e dytë 31,89 për qind, në Njësinë e katër 37,20 për qind, në Njësinë 5 – 34,93. Pjesëmarrja më e vogël deri në këtë orë është regjistruar në njësinë e gjashtë, me 27,6%.

Kryetari i Komisionit Shtetëror të Zgjedhjeve, Boris Kondarko në konferencën për shtyp informoi se në bazë të të dhënave të përpunuara, përfundimisht deri në orën 13:00 në votim kanë dalë 612.814 qytetarë. Kondarko e vlerësoi pjesëmarrjen e votuesve si të madhe, krahasuar me ciklet e tjera zgjedhore.

Ai theksoi se votimi deri tani po zhvillohet kryesisht normalisht, pa probleme më të mëdha.

Ora 10:00

Sipas të dhënave të Komisionit Shtetëror të Zgjedhjeve në Maqedoni deri në orën 10:00 pjesmarrja në zgjedhjet e parakohshme parlamentare ka qenë në shifrat 14,02 për qind.

Raportimet nga Maqedonia flasin për një pjesamarrje të kënaqshme, ndërsa gjithaçka deri në këto momente ka shkuar qetësisht dhe pa incidente.

Maqedoni, sot po mbahen zgjedhjet parlamentare

Në Maqedoni këtë të dielë mbahen zgjedhje të parakohshme parlamentare. Rreth 1,8 milionë shtetas me të drejtë vote do të votojnë për ndarjen e 120 mandateve në parlament, tri vende për herë të parë janë parashikuar për përfaqësues të diasporës.

Sipas anketimeve kryesojnë nacional-konservatorët e partisë VMRO-DPMNE në pushtet, me aleatët e tyre.

Qendrat e votimit u hapën në orësh 7 të mëngjesit dhe do të rrinë të hapura deri në orën 19:00. Rezultatet e para priten ditën e hënë. Zgjedhjet shoqërohen nga 3500 vëzhgues vendas dhe 330 ndërkombëtarë.

Maqedonia vuan aktualisht nën një amulli ekonomike dhe politike. Papunësia është në nivelin 30% dhe reformat e nevojshme ende nuk janë ndërmarrë. Veç kësaj, zënka me Greqinë për emrin, prej vitesh bllokon përpjekjet e Shkupit për anëtarësimin në BE.

Zgjedhjet e parakohshme parlamentare u bënë të nevojshme pas një konflikti në politikën e brendshme.

[strange]

Maqedonia voton...secili qytet shqiptar nga nje parti... hajde mendje hajde...

[BlerinaL]

Maqedonia voton...secili qytet shqiptar nga nje parti... hajde mendje hajde...

Sa parti shqiptare jane tani ne Maqedoni dhe me ke kane bere koalicion nese kane bere?

[strange]

BlerinaL...

PERBERJA E RE PARLAMENTARE
Qytetarët do të deklarohen për 21 lista të partive, koalicioneve dhe lista qytetare që garojnë në këto zgjedhje. Në garën zgjedhore konkurrojnë 7 parti shqiptare: BDI, PDSH, RDK, DR, BDSH, PPD dhe BDK. Ndërsa, në kampin politik maqedonas janë dy koalicionet e mëdha: ai i udhëhequr nga VMRO-DPMNE e kryeministrit të deritanishëm Nikolla Gruevski dhe koalicioni i partive opozitare me Lidhjen Socialdemokrate (LSDM), të cilat përfshijnë të gjitha partitë e tjera të pakicave.(s.g/NEWS24/BalkanWeb)

Keta me shume jane se shqiptaret dhe kan vetem dy kualicone... shqiptaret me te paket ne numer 7 parti te ndara... sjane mire me mend...

[BlerinaL]

BlerinaL...



Keta me shume jane se shqiptaret dhe kan vetem dy kualicone... shqiptaret me te paket ne numer 7 parti te ndara... sjane mire me mend...

Faleminderit strange.

Nese dikush i njeh mire se cfare perfqesojne keto 7 parti shqiptare dhe me cilet parti maqedonse kane zhvilluar koalicion, do isha mirenjohese te shkruante mbi to.

[AnaH_M]

a ka dikush ndonje lajm,kush fitoi? une ndegjova se bdi eshte dukshem para tjerave.

[BlueBaron]

Kush i leverdis shqiptareve qe te fitoje ???

[illyrian rex]

BDI shpalli fitore

Bashkimi Demokratik për Integrim (BDI) ka shpallur fitoren në zgjedhjet e parakohshme parlamentare të cilat u mbajtën të dielën në Maqedoni.

Lajmin e ka konfirmuar zëdhënësja e Shtabit Zgjedhor të BDI-së, Ermira Mehmeti-Devaja. Ajo ka konfirmuar se BDI-ja udhëheq në të gjitha zonat te elektorati shqiptar.
Sipas Shtabit Zgjedhor, partia e Ali Ahmetit ka avantazh në të gjitha komunat përfshirë edhe në atë të Gostivarit.
Në njësinë zgjedhore numër një, BDI-ja deri më tani ka fituar 10 375 vota, PDSH-ja 5 434 vota, RDK 3 572 dhe DR 2 044.
Në njësinë zgjedhore numër dy, BDI ka fituar 9 393 vota, PDSH 4 356 vota, RDK 1 880 dhe DR 2 839.
Në njësinë e pestë zgjedhore BDI-ja ka fituar 6 782 vota, PDSH 4 218, RDK 2 033 dhe DR 2 051.
Në njësinë e gjashtë zgjedhore, partia e Ahmetit ka fituar 27 284, PDSH-ja 16 604, RDK 6 555 dhe DR 2991 vota. /Telegrafi/

---------

Shiqojeni cfar shperndarje e votes se shqiptareve ne Macedoni!
Pramendojeni se cfar ndikimi do te kishin keto vota sikur te formohej nje koalicion parazgjedhor mes partive shqiptare.

[Scion]

Fitoi edhe njehere Injoranca.
Ughh

[illyrian rex]

Numërohen gjysma e votave, prijnë VMRO-DPMNE dhe BDI


Nga 48. 47 për qind e votave të përpunuara nga Komisioni Shtetëror i Zgjedhjeve (KSHZ), dy partitë e deritanishme në pushtet VMRO-DMNE dhe BDI vazhdojnë të jenë në epërsi në taboret politike maqedonase dhe shqiptare.
Sipas të dhënave të para jozyrtare të KSHZ-së, udhëheq koalicioni i kryesuar nga VMRO-DPMNE me 156.805 vota, pas saj është LSDM me 125.188, BDI ka 40.461, PDSH 18.423, RDK e Rufi Osmanit 10. 302, VMRO-PP 9.947, Të Bashkuar për Maqedoninë 5.904 vota, Demokracia e Re 6.434 dhe LDP 4.922 vota.



VMRO-DPMNE dhe BDI në epërsi

Nga rreth 42 për qind e votave të përpunuara nga Komisioni Shtetëror i Zgjedhjeve (KSHZ), dy partitë e deritanishme në pushtet VMRO-DMNE dhe BDI janë në epërsi në taboret politike maqedonase dhe shqiptare.

Sipas të dhënave të para jozyrtare të KSHZ-së, në zgjedhjet e parakohshme parlamentare udhëheq koalicioni i kryesuar nga VMRO-DPMNE me 126.092 vota, pas saj është LSDM me 102.333 vota, BDI ka 33.293, PDSH 13.541, RDK e Rufi Osmanit 8. 150,

VMRO-PP 4.994, Të Bashkuar për Maqedoninë 3.155 vota.

Numrat ndryshojnë nga minuta në minutë, ndërsa KSHZ-ja duhet të dal me të dhëna preliminare zyrtare para mesnate. /Telegrafi/