"TOP FEST" - edicioni i 8-të (2011)

**sirena_adria** · 02-06-2011, 12:05

Ne 14 Shkurt startoi TOP FEST 8 . Ne vijim intervista me Dorian Gjonin, Udheheqes Artistik, dhene asokohe.

“Top Fest 8”

128 konkurrentë nisin garën muzikore. Të rinj e të njohur do të vijnë çdo ditë në “Top Channel” në orën 15.40 në prezantimin e Marinës dhe Luanës. Ndërsa të premten do të vijnë ndryshe. Në një ‘show’ të posaçëm, “Rewind”, me autore Arbana Osmanin dhe prezantues Ledion Liçon, këngëtarët do të vijnë ‘live’ jo vetëm me këngët e tyre, por edhe me hitet botërore. Risi, investim dhe angazhim, që do të finalizohet në datën 22 maj me mbrëmjen e madhe të çmimeve

“Top Fest 8” ngre siparin. Nga sot, në një maratonë të transmetimit televiziv, festivali i vetëm i muzikës moderne shqiptare do të përballë konkurrentët me publikun. 128 konkurrentë nisin garën muzikore. Të rinj e të njohur, ata që duan të shfaqin talentin dhe ata që kanë një sfidë me veten, do të vijnë çdo ditë në “Top Channel” në orën 15.40 në prezantimin e Marinës dhe Luanës. Ndërsa të premten do të vijnë ndryshe. Në një ‘show’ të posaçëm, “Rewind”, me autore Arbana Osmanin dhe prezantues Ledion Liçon, këngëtarët do të vijnë ‘live’ jo vetëm me këngët e tyre, por edhe me hitet botërore. Gjithnjë të shoqëruar nga orkestra e madhe e “Top Channel”. Këtë vit, artistët do të nisin përballjen që në një fazë çerekfinale që do të pasohet nga tri net gjysmëfinale, për të arritur në finalen e madhe të 22 majit. Formati ‘live’ ka sjellë në “Top Fest 8” emra të njohur të muzikës si “Fisnikët”, Eliza Hoxhën, Kujtim Prodanin, Flaka Krelanin, Teuta Kurtin, Mariza Ikonomi, Elvana Gjata apo Flori Mumajesi. Një investim madhor për të sjellë një festival të madh të muzikës moderne. Udhëheqësi muzikor i “Top Fest”, Dorian Gjoni, tregon se interesi i artistëve ka qenë i jashtëzakonshëm, një joshje veçanërisht nga formati ‘live’ i këtij festivali. Skenografia e realizuar nga Fatmir Minga do të jetë më e madhja e “Top Fest”, ndërkohë që festivali mban regjinë e Ergys Lubonjës. Udhëheqësi artistik i festivalit, Dorian Gjoni, na tregon detajet e “Top Fest 8”.

Starton sot transmetimi televiziv i “Top Fest 8”. Si është menduar të vijë në këtë edicion festivali i muzikës moderne? Cilat do të jenë risitë?

Ndryshe nga edicionet e shkuara, ku spektaklit final i kanë paraprirë gjysmëfinalet, sivjet kemi shtuar një fazë tjetër. Është një fazë çerekfinale që do të bëjë përzgjedhjet dhe kualifikimet e para mes artistëve. Nga 128 konkurrentë në “Top Fest 8” do të kalojnë vetëm 64 në këtë fazë, të cilët më pas do të kenë mundësi të testojnë veten në tri faza gjysmëfinale. Përveç transmetimit të përditshëm në “Top Channel” në orën 15.40, i cili sivjet do të drejtohet nga motrat Marina dhe Luana, të premteve do të ketë një ‘show’ të dedikuar për “Top Fest 8” në orën 20.45. I titulluar “Rewind”, ky program që ka për autore Arbana Osmanin dhe prezantues Ledion Liçon, sjell tetë këngëtarë në interpretim ‘live’. Ata vijnë para publikut jo vetëm me këngën konkurruese, por edhe me hite botërore, duke u dhënë kështu një mundësi të shpërfaqin vlerat e tyre vokale e duke i bërë protagonistë të një ‘show’ muzikor. “Top Channel” edhe këtë vit ka investuar që edicioni i tetë i “Top Fest” të vijë në maksimumin e tij.

Për të dytin vit, ky festival vjen ‘live’. Ishte eksperienca e vitit të shkuar që e soli këtë domosdoshmëri?

Patjetër. “Top Fest 7”, i pari edicion ku u aplikua të kënduarit ‘live’ rezultoi shumë i suksesshëm. Këtë vit, dëshirës sonë për ta realizuar tërësisht ‘live’ këtë festival u janë shtuar edhe kërkesat e shumta të këngëtarëve për t’u prezantuar drejtpërdrejtë para publikut. Shqipërisë dhe vetë artistëve u ka munguar kjo mundësi, ndaj edhe ishte bërë e domosdoshme aplikimi i saj në një festival të muzikës moderne si “Top Fest”. Deri më tani artistët kanë ngelur në guaskën e të bërit këngë në studio dhe nuk kishin mundësi të përballeshin me publikun. Të kënduarit ‘live’ në një farë mënyre i klasifikon artistët, i vë ata përballë publikut dhe u jep mundësi të vënë në pah aftësitë.

Si ka qenë interesi për pjesëmarrje në “Top Fest 8”?

Ka pasur jashtëzakonisht kërkesa. Artistë nga të gjitha trevat, nga Kosova, Maqedonia, Mali i Zi, Europa dhe nga Amerika. Janë këngëtarë që sjellin të gjitha rrymat e muzikës sot. Në këtë edicion konkurrojnë ata që kanë bërë legjenda muzikore siç është grupi “Fisnikët”, artistë që u kanë kushtuar përherë vëmendjen e duhur përmbajtjes së këngëve si Eliza Hoxha, kemi grupin trendy “0Energy Band”, këngëtarë që kanë bërë muzikë rok si Flaka Krelani e Teuta Kurti, r&b dhe pop si Mariza Konomi, Elvana Gjata, Flori Mumajesi dhe shumë artistë të tjerë.

“Top Fest” është një arenë që e shfrytëzojnë shumë të rinj për promovimin e talentit të tyre. Nga ana tjetër, të kënduarit ‘live’ duket se ka joshur edhe emra të njohur të muzikës. Si është raporti mes tyre në këtë edicion?

Ndryshe nga viti i shkuar, ku kërkesa ishte më e madhe nga të rinjtë, sivjet raporti është përmbysur. Në këtë edicion ka kërkesa nga artistët e afirmuar si Kujtim Prodani e shumë emra të tjerë të njohur të muzikës që dëshirojnë të prezantohen në këtë eveniment. “Top Fest” është një festival i muzikës moderne dhe sërish theksin e tij e ka te promovimi i artistëve të rinj, por formati ‘live’ duket se i ka ngacmuar edhe artistët e mirënjohur të konkurrojnë në këtë eveniment.

http://www.gazeta-shqip.com/#/kultur...1bcb1d431.html

**sirena_adria** · 02-06-2011, 12:07

**sirena_adria** · 02-06-2011, 12:16

“Top Fest 8”, Këngëtarët në garën e Gjysmëfinales

Oliverta Lila - Gazeta "Shqip" , 2011-04-25

Për tri net, 33 artistë të përzgjedhur nga 128 konkurrentë fillestarë do të interpretojnë “live” në gjysmëfinalet e edicionit të tetë të Festivalit të vetëm të Muzikës Moderne. Një juri profesioniste do të përzgjedhë më pas 16 më të mirët, të cilët do të garojnë në natën finale të 22 majit për çmimin e madh

Gara sa vjen e bëhet më e fortë në “Top Fest 8”. Nga 128 konkurrentë në fazën çerekfinale, vetëm 33 prej tyre vazhdojnë të jenë në lojë për çmimin e madh. Sfida vazhdon për këngëtarët me tri net gjysmëfinale, gjithçka “live”. Mbrëmja e së shtunës ngjiti në skenë 11 artistët e parë, por tashmë edhe përballë një jurie profesioniste. Genti Rushi, drejtues i orkestrës së “Top Show”, producenti i njohur kosovar Florent Boshnjaku dhe këngëtarja e mirënjohur për vokalin e saj, Juliana Pasha, do të jenë tre artistët që së bashku me bordin artistik të festivalit do të zgjedhin këngëtarët e natës finale. Dy netët e mbetura gjysmëfinale do të jenë jo thjesht konkurrim, por një spektakël argëtues për publikun dhe vendimtar për këngëtarët. Këngëtarë të njohur, por edhe të rinj po i afrohen finales së madhe të 22 majit, natë kur do të ndahen edhe trofetë për më të mirët. Ndërsa gjatë këtyre fazave publiku i ka dëgjuar, ka mbështetur njërin apo tjetrin këngëtar në distancë, në fazën finale publiku do të ketë mundësi të shprehë gjykimin përmes votimit. Ndërkohë që për sa i përket anës artistike, udhëheqësi muzikor i “Top Fest”, Dorian Gjoni, premton një spektakël të kuruar në të gjithë elementët, duke investuar si çdo herë me teknologjinë e fundit.

Ka përfunduar transmetimi i përditshëm i këngëve të “Top Fest 8” në “Top Channel”. Si do të vijojë festivali me gjysmëfinalet?

Janë përzgjedhur 33 konkurrentët, të cilët kanë kaluar në fazën gjysmëfinale. Kriteret e përzgjedhjes së tyre kanë qenë në gamë të gjerë, duke filluar nga kualitetet vokale, krijimtaria, stili e deri te performanca dhe kërkesa e publikut. Do të jetë një fazë me shumë emocione, pasi tashmë publiku do të ketë mundësi t'i ndjekë këngët në një “show” special dhe për më shumë do të ridëgjojë këngët më të bukura të këtij edicioni në versionin “live” të pozicionuara në skenografi dhe regji speciale vetëm për këtë event. Gjysmëfinalja e “Top Fest 8” do t’i risjellë artistët në skenë me një imazh dhe performancë shumë tërheqëse.

Tashmë këngëtarët kanë “gjetur” publikun e tyre. Këngët dëgjohen e komentohen. A jeni të kënaqur për pritjen që publiku u bëri këngëve të përzgjedhura?

Jemi munduar të jemi në sinkron me publikun, duke ditur që këngët pjesëmarrëse në “Top Fest” dhe i gjithë ky spektakël janë në shërbim të tij. Këngët në këtë edicion të “Top Fest” janë me cilësi të lartë. Vërehet rritje e kualitetit të interpretimit të artistëve në skenë. Stilet e ndryshme dhe tekstet me tematika të veçanta nuk mungojnë dhe të gjitha këto së bashku plotësojnë nevojat dhe pritshmëritë e publikut dhe gjithashtu edhe tonat.

Tashmë gara bëhet edhe më e fortë. Si do të veprohet me kriteret që do t’i çojë këta këngëtarë në finale?

Në këtë fazë do të prezantohet për herë të parë juria profesioniste, e cila do të përbëhet nga tre artistë, të cilët do të japin opinionet e tyre dhe sigurisht në fundin e kësaj faze, e cila do të zgjasë tri javë, ata së bashku me bordin artistik të festivalit do të përzgjedhin këngët pjesëmarrëse në natën e çmimeve. Maestro Genti Rushi, drejtues i orkestrës së “Top Show”, producenti i njohur kosovar Florent Boshnjaku dhe këngëtarja e mirënjohur për kualitetet e saj dhe teknikën e lartë vokale, Juliana Pasha, do të jenë tre përfaqësuesit e jurisë së fazës gjysmëfinale të “Top Fest”. Ky ekip profesional do të ndjekë me kujdes dhe do të japë idetë për orientimin e mënyrës së gjykimit të këngëve, pasi në këtë fazë të “Top Fest” do të gjykohet me kujdes jo vetëm kënga dhe këngëtari, por edhe elementet e tjera plotësuese të këngëve konkurruese.

Pas përfundimit të fazës së parë gjithçka “live”, një pjesë e këngëtarëve, sidomos ata që e kanë provuar për herë të parë veten në skenë, kanë pasur komentet e tyre për këtë formulë. Si ka qenë kjo përvojë për ta dhe në çfarë përfundimesh ju çojnë reagimet e tyre?

Jemi shumë të kënaqur që artistët pjesëmarrës në këtë eveniment kanë reaguar me pozitivitet ndaj formatit dhe së gjithë mënyrës së organizimit të këtij projekti. Duhet pasur parasysh që kemi të bëjmë me një numër shumë të madh artistësh që marrin pjesë dhe koordinimi i tyre është proces shumë i ndërlikuar, pasi linku i bashkëpunëtorëve që punojnë për këtë projekt është shumë i madh. Deri më tani gjërat kanë ecur në ritmin e duhur dhe ne kemi marrë masa që i gjithë ky event të ketë një mbarëvajtje të plotë. Artistët kanë sfidën e tyre për t'u përballur me publikun nëpërmjet prezantimit të këngëve të tyre dhe të kënduarit “live”, ndërsa sfida që ka “Top Channel” është krijimi i kushteve të plota për prezantimin sa më dinjitoz dhe me sa më shumë cilësi të artistëve te publiku shqiptar. Për çdo artist ky është një suport i jashtëzakonshëm, ndaj jam i sigurt që të gjithë pjesëmarrësit e këtij edicioni janë shumë të kënaqur për këtë mundësi që u është dhënë.

Nuk jemi larg natës finale, më 22 maj. Kanë filluar përgatitjet për spektaklin e madh dhe si do të vijë këtë vit?

Finalja e madhe është një shfaqje kulmore si në pjesën artistike të këngëtarëve, ashtu edhe në të gjithë elementet e tjera plotësuese të këtij eventi. Skenografia, regjia televizive, orkestra e zmadhuar, suporti në performancat e artistëve, teknologjia që do të vihet në shërbim të këtyre elementeve, tapeti i kuq, i cili do të mirëpresë artistët të cilët morën pjesë në këtë event, skenari dhe prezantuesit, surprizat dhe ndarja e trofeve për artistët fitues, do të jenë ajo çka publiku ynë do të ketë mundësi të shijojë më datën 22 maj. Përgatitjet kanë filluar dhe me siguri që emocionet do të jenë shumë të mëdha në këtë natë, e cila do të manifestojë përsëri rritjen e kualiteteve artistike në Shqipëri, duke na dhënë kënaqësi shumë të madhe të gjithëve dhe duke treguar që arti shqiptar ka vlera dhe cilësi për të cilat të gjithë duhet të krenohemi.

http://www.gazeta-shqip.com/#/kultur...750e902cb.html

**sirena_adria** · 02-06-2011, 12:19

“Top Fest 8”: Nata finale, më 5 qershor

Finalja e “Top Fest 8” nuk do të mbahet më 22 maj, ashtu siç ishte lajmëruar. Nata e madhe e çmimeve do të mbahet më 5 qershor në Pallatin e Kongreseve. Organizatorët kanë menduar shtyrjen, në pamundësi që në sallën e Pallatit të Kongreseve të organizohet një natë finale ashtu siç është bërë traditë. Në këto ambiente janë vendosur edhe zyrat e KQZ-së, e për pasojë u bë e pamundur organizimi i festivalit të vetëm të muzikës moderne shqiptare. Gjithsesi organizatorët njoftojnë se biletat e shituara do të jenë sërish të vlefshme për datën 5 qershor, ndërkohë që publiku mund të vazhdojë ende të votojë për këngën e preferuar përmes numrit të mesazheve që shfaqet në emisionet e “Top Channel” dedikuar këtij edicioni. “Top Fest 8” i realizuar sërish live, u ka dhënë mundësinë të ngjiten në skenë 128 këngëtarë të rinj, edhe atyre të afirmuar, për të kënduar live, shoqëruar nga orkestra e “Top Channel”. Gara u bë edhe më e fortë në tri netët gjysmëfinale, një risi e këtij edicioni, ku nga konkurrentët fillestarë u përzgjodhën 33 artistë, të cilët tashmë interpretuan edhe në praninë e një jurie profesioniste të përbërë nga maestro Genti Rrushi, drejtues i orkestrës së “Top Show”-t, producenti i njohur kosovar Florent Boshnjaku dhe këngëtarja e mirënjohur për kualitetet e saj dhe teknikën e lartë vokale, Juliana Pasha. Ndërkohë, këngët tashmë janë familjare për publikun, përmes transmetimit e prezantimit jo vetëm në televizion, por edhe në radio. Drejtori artistik i festivalit, Dorian Gjoni, më parë pati deklaruar se finalja do të jetë nata e emocioneve të mëdha. “Finalja e madhe është një shfaqje kulminante, si në pjesën artistike të këngëtarëve, ashtu edhe në të gjitha elementet e tjera plotësuese të këtij eventi. Skenografia, regjia televizive, orkestra e zmadhuar, suporti në performancat e artistëve, teknologjia që do të vihet në shërbim të këtyre elementeve, tapeti i kuq, i cili do të mirëpresë artistët që morën pjesë në këtë event, skenari dhe prezantuesit, surprizat dhe ndarja e trofeve për artistët fitues, do të jenë ajo çka publiku ynë do të ketë mundësi të shijojë në finale”, ka thënë Gjoni. Prezantuesit e këtij edicioni të tetë do të jenë Marina dhe Luana Vjollca, bashkë me Ledion Liçon. Mbrëmja e 5 qershorit do të kurorëzojë edhe fituesit e këtij edicioni.

http://www.gazeta-shqip.com/#/kultur...4a40f3e9c.html

**sirena_adria** · 02-06-2011, 12:20

Finalja e TOP FEST - 8 Qershor :

http://top-channel.tv/video.php?id=25664

**Endri_** · 02-06-2011, 12:29

Nusja gjinit e fiton ose ato tetovaret me rina rina lol

**sirena_adria** · 02-06-2011, 12:46

Dorian Gjoni: Ja cilët janë emrat e këngëtarëve finalistë në “Top Fest 8

Nesër starton finalja e madhe e “Top Fest 8” dhe ajo që duam të dimë paraprakisht janë emrat e finalistëve dhe të ftuarit. Dorian Gjoni jua shuan kuriozitetin.

Tashmë janë përzgjedhur 16 këngët finaliste, si u bë përzgjedhja, cilët janë finalistët?

Top Fest ka një strukturë të ngritur prej vitesh, ku vlerësimi për kandidatët e çmimeve fituese dhe atyre që do të performojnë në natën finale të këtij eventi, zgjidhen nga bordi artistik. Jemi munduar të zgjedhim ndërmjet këngëve më të mira të këtij edicioni, duke u bazuar në formatin e kategorive konkurruese për çmimet e ndryshme dhe duke tentuar të sjellim një shpërndarje sa më të mirë të stileve dhe artistëve pjesëmarrës në këtë edicion, me qëllimin e arritjes së një niveli sa më të lartë në prezantimin e natës përmbyllëse të këtij eventi, i cili këtë sezon ishte relativisht i gjatë.

Ndër këngëtaret që do të jenë në natën finale mund të përmend: Anjeza Shahini ft Dren Abazi, Flori Mumajesi, Flaka Krelani, Elvana Gjata, Xhensila Myrtezaj, Eugent Bushpepa, Anxhelina Hadergjonaj etj.

Në këtë përzgjedhje të 33 gjysmëfinalistëve, afërsisht gjysma e këngëtarëve nuk janë përfshire në finale. Ishte e vështirë për të vendosur 16 këngët më të mira?

Të gjitha këngët pjesëmarrëse në këtë edicion kanë pasur bukurinë dhe vlerat e tyre. Në të njëjtën kohë, ky event i lançon këngët në një frekuence të konsiderueshme, duke i bërë shumë të afërta për publikun dhe, duke u nisur nga ky këndvështrim, vështirësia e përzgjedhjes së finalistëve është e madhe. Gjithsesi, jemi munduar të jemi korrektë në gjykimin dhe në përzgjedhjen e këngëve, duke planifikuar një finale, e cila do të duhet të sjellë emocione të mëdha tek shikuesi.

Cilët janë emrat e jurisë, çfarë mund të zbulohet deri tani?

Juria e “Top Fest 8” do të jenë Elton Deda, Gent Rushi, Juliana Pasha etj. Juria i merr vendimet në marrëdhënie të ngushtë me bordin artistik për çmimet sipas kategorive dhe, për çmimin e madh, juria dhe bordi artistik bashkëveprojnë me votimin që ka dhe publiku, duke sjellë edhe fituesin e çmimit të madh.

Është vënë re që shumë këngë në këtë edicion të “Top Fest” kanë qenë krijime dedikuese të këngëtarëve për njerëz nga jeta e tyre. Është kjo një risi?

Ka shumë mundësi që artistët shqiptarë të jenë duke kaluar një etapë psikologjike dhe emocionale të ngarkuar. Kjo vihet re në prurjet e këtij edicioni, ku baladat kanë qenë në një numër shumë të madh. Në të njëjtën kohë, kjo tregon edhe një pjekuri psikologjike apo një rritje të nivelit të mendimit, për sa u përket tematikave të shprehjes së fjalës në tekstet e këngëve e deri tek krijimtaria muzikore. E shikoj shumë pozitive këtë tendencë, por mendoj që kjo fazë do të kalojë shumë shpejt, pasi artistët shqiptarë janë të prirë të afrohen më shpejtësi ndaj rrymave muzikore bashkëkohore.

Do të këtë ndryshime në çmimet që do të ndahen, do të ketë çmime të reja apo ndryshime në çmimin e madh?

Do të ketë ndryshime në formulimin e disa çmimeve, por këto ndryshime nuk do të jenë esenciale. Edhe në çmimin e madh do të ketë ndryshime.

Për sa i përket prezantimit, kush prezanton, si do të bëhet prezantimi i festivalit dhe cilët do të jenë disa nga personazhet e njohura që do të dorëzojnë kupa për këngëtarët?

Prezantimi i festivalit do të bëhet nga Ledion Liço, i shoqëruar nga Marina dhe Luana. Do të jenë shumë të ftuar VIP, të cilët do marrin pjesë në ndarjen e çmimeve të këtij edicioni, si: Zana Krasniqi, Blerim Destani, Aleksandër Gjoka, Nik Xhelilaj, Oni Pustina etj.

Nisur nga kjo maratonë me 128 këngë, çfarë të rejash u pikasën në muzikën moderne shqiptare? Sipas jush, a ekziston hendek midis këngëtarëve të njohur dhe panjohur?

Mund të them që muzika moderne shqiptare është ende në fazat e saj të para dhe do të duhet edhe pak kohë që ajo të arrijë pjekurinë e duhur. Sigurisht që ky edicion na njohu nga afër me ritmin aktual të artistëve shqiptarë, të cilët po tregojnë që po ecin me shpejtësi në plotësimin e tyre profesional dhe emocional dhe përballja e tyre me sistemin e të kënduarit live na surprizoi përsëri. Sa i përket hendekut mes artistëve të rinj dhe atyre të njohur, mendoj që nuk ekziston një i tillë, por gjithsesi përvoja ka të mirat e veta, duke sjellë një qëndrueshmëri në përballjen me sfidën e konkurrimit.

Ndërkohë që një festival dikton edhe rrymën tendencë, ky vit cilës rrymë muzikore i dedikohet?

Këtë vit kanë qenë baladat ato që kanë pasur një prurje shumë të madhe. Sa i përket tendencës apo stilit i cili mund të ndikojë në prodhimet e ardhshme në tregun muzikor, mund të veçoj ritmet House në kooperim me motive muzikore folklorike. Mendoj që edhe ky edicion do të sjellë emocione të bukura tek shikuesit e, sidomos te artistët, të cilët do të prekin edhe një herë nga afër skenën gjigante të plotësuar nga orkestra e madhe e “Top-Channel” e cila do të luajë live. Artistët do të shoqërohen nga një skenografi tepër moderne, nga efekte dhe ngjyra shumë speciale, duke mos harruar që regjia televizive dhe cilësia e audios në këtë edicion do të sjellin risinë e radhës për evente të këtij lloji në vendin tonë.

http://www.panorama.com.al/panorama-...0%9ctop-fest-8

**Nolka** · 02-06-2011, 17:54

Postuar më parë nga Endri_

Nusja gjinit e fiton ose ato tetovaret me rina rina lol

Nuk jan te Tetoves por te Pejes

**Nolka** · 02-06-2011, 17:57

ELVANA GJATA meriton fitore !

**sirena_adria** · 02-06-2011, 19:18

Postuar më parë nga Nolka

ELVANA GJATA meriton fitore !

Tema: "TOP FEST" - edicioni i 8-të (2011)

Funksionet e Temës

"TOP FEST" - edicioni i 8-të (2011)

Regullat e Postimit

Projekti Albasoul

Komuniteti i Forumit

Rreth Nesh

Kërko

Krijoni Kontakt