Sytë dhe kujdesi ndaj tyre!

[Ermedin]

Syri, pa dyshim, është organi më i rëndësishëm i trupit, me të cilin njohim
botën, dallojmë e shijojmë ngjyrat dhe lexojmë shenjat e shkronjat.



Pjesët e syrit

Kornea. - gjendet në majën e syrit. Nëpërmjet saj u nënshtrohen dritës edhe fotografitë që vijnë në shikimin drejt retinës.

Shtresa e parë e syrit. - është shtresë e tejdukshme në formë gjysmë topi, e përbërë nga disa shtresa indesh. Ajo nuk ka enë gjaku, gjë që e bën të tejdukshme dhe nëpërmjet saj të kalojnë rrezet e dritës.

Irisi. – pjesa me ngjyrë e syrit, e cila përbëhet nga kapilare gjaku dhe fije muskulore. Ajo e kontrollon sasinë e dritës që depërton në sy, nëpërmjet zgjerimit dhe ngushtimit të bebzës së syrit – në dritë të fortë bebëza ngushtohet, ndërsa në errësirë ajo zgjerohet.

Bebëza. - pjesë e syrit nëpërmjet të cilës kalojnë rrezet e dritës.
Objektivi - gjendet pas irisit. Detyra kryesore e irisit është thyerja e figurave që ato të arrijnë më lehtë në retinën e syrit.

Thjerrëza. - bën thyerjen e dritës dhe i fokuson dhe drejton rrezet e dritës në retinë. Thjerrëza mundëson drejtim të saktë të dritës. Tek sytë e shëndetshëm thjerrëza mund ta ndryshoj formën e saj dhe të mundësoj shikim të qartë, në varësi të largësisë së objektit që shihet.

Retina. - gjendet në dy të tretat e pasme të syrit dhe mundëson fushë të gjerë shikimi. Për shikim të qartë rrezet e dritës duhet të përfundojnë në retinë. Nëse ato do të përfundojnë para ose pas retinës (shkurtpamësi ose largpamësi), atëherë kemi të bëjmë me shikim të mjegulluar. Retina përmban fotoreceptues të shumtë (qeliza që e pranojnë dritën) dhe elemente të tjera, të cilat e shndërrojnë dritën në sinjale elektrike dhe i dërgojnë në tru nëpërmjet nervit të shikimit.

Nervi optik. - gjendet menjëherë pas retinës. Ai bën bartjen e figurave që i shikoni në tru.



Preventivat

Kujdesi për sytë është i gjithanshëm, ndërsa një pjesë e tij është edhe ushqimi i rregullt. Ushqimi mund t'ju ndihmoj t'i mbroni sytë nga sëmundjet e ndryshme dhe ta ruani shikimin. Këto janë ushqimet më të mira për sytë tuaja:

Karotat. - Karotat janë ushqimi më i njohur për sy të shëndetshëm. Karotat janë të pasura me vitaminë А e cila mund ta pengoj verbërinë e natës dhe është shumë e rëndësishme për shëndetin e retinës së syrit. Karotat gjithashtu janë të pasura me antioksidues, beta-karoten, likopen dhe lutein dhe prandaj e zvogëlojnë rrezikun nga degjenerimi makular dhe nga katarakti (perdja).

Lososi dhe sardinat. - Peshk duhet të konsumoni sa më shpesh nëse dëshironi ta ruani shikimin e mirë. Peshku është shumë i dobishëm për sytë sepse është burim i pasur i thartirave yndyrore omega-3. Konsumi i rregullt i thartirave yndyrore omega-3 i mbron enët e vogla të gjakut të cilat gjenden në sytë. Konsumoni peshq, siç janë lososi, harenga ose sardina, të paktën dy herë në javë.

Brokoli. - Ky zarzavat është burim i pasur i antioksiduesve dhe vitaminave dhe është mënyra më e mirë të pranoni aq shumë materie ushqyese vetëm me një kafshatë. Nëse do të konsumoni brokole, ju në të njëjtën kohë do të fusni brenda organizmit vitaminë A, vitaminë E dhe vitaminë C, të cilat së bashku do të luftojnë për ruajtjen e shikimit tuaj të mirë.

Spinaqi. - Kjo bimë përmban karotenoide, siç janë beta-karoteni, luteini, zeaksantini, vitamina C dhe vitamina E. Spinaqi ndihmon shumë në mbrojtjen nga degjenerimi makular dhe nga verbëria e natës.

Vezët. - Vitamina A që e përmbajnë vezët e përmirëson shëndetin e retinës së syrit. Përveç kësaj, vezët përmbajnë vitamina të grupit B, thartira yndyrore esenciale dhe zink. Prandaj rekomandohet që të konsumoni vezë më shpesh. Kështu do ta përmirësoni shikimin tuaj dhe do ta ruani linjën.

Bajamet. - Bajamet janë produkt i shijshëm dhe të pasur me vitaminë E. Kjo vitaminë e ngadalëson zhvillimin e problemeve me shikimin, të cilat shfaqen si rezultat i plakjes dhe mund ta parandaloj shfaqjen e kataraktës.

Luleshtrydhet, boronicat, mjedrat. - Këto janë fruta të vogla të ëmbla dhe të shijshme me burim të pasur të antioksiduesve për të cilat hulumtimet kanë treguar se e zvogëlojnë rrezikun për shfaqjen e sëmundjeve të syve. Ato përmbajnë shumë vitaminë C dhe me të formojnë kombinim ideal për mirëmbajtjen e shëndetit të syve

Bajamet, lajthitë, farat e lulediellit. - Këto bimë janë të pasura me vitaminë E, e cila e pengon zhvillimin e kataraktit dhe degjenerimin e makulës tek të moshuarit.

Majdanozi. - Majdanozi është tonik natyral i shkëlqyer për pastrimin e syve. Në këtë bimë ka sasi të mëdha luteolin, i cili u ndihmon syve gjatë mbrojtjes nga rrezatimet e dëmshme UV.

Produkte tjera: Kungulli, Domatet, Lakra, Hudhra, Qumështi, Avokadoja, Papaja, Kajsitë, Limonët, Portokalli, Çokollata e zezë, Frutat e detit, Çaji i gjelbër, etj.



Ushtrime të rëndësishme

Ushtrimi 1. - Pozicionohuni mirë. Mbulojini sytë me pëllëmbët e duarve tuaja, por mos i shtypni mollëzat e syve. Provoni të relaksoheni dhe shikoni në pëllëmbët tuaja rreth 30 sekonda. Gjatë kësaj kohe merrni frymë thellë dhe qetë.

Ushtrimi 2. - Duke qëndruar në të njëjtin pozicion drejtojeni shikimin tuaj lart dhe qëndroni në atë pozicion rreth 5 sekonda, ndërsa më vonë uleni dhe kthejeni në pozicionin e mëparshëm. Pastaj shikoni poshtë rreth 5 sekonda dhe pas kësaj përsëri kthejeni shikimin në pozicionin fillestar. Përsëriteni këtë veprim 5 herë.

Ushtrimi 3. - Drejtojeni shikimin majtas dhe mbajeni në atë pozicion 5 sekonda, pastaj kthejeni në pozicionin fillestar. Pastaj shikimin drejtojeni djathtas dhe pas 5 sekonda kthejeni në pozicionin fillestar. Këtë veprim përsëriteni 5 herë.

Ushtrimi 4. - Mbyllini sytë sa më fortë dhe mbajini të mbyllur rreth 5 sekonda, pastaj hapini sa më gjerë dhe mbajini kështu rreth 5 sekonda. Këtë veprim përsëriteni 5 herë.

Ushtrimi 5. - Rrotullojini sytë 5 rrathë majtas, pastaj shikimin lëshojeni poshtë. Të njëjtën gjë përsëriteni edhe në anën e djathtë dhe përsëri lirojeni shikimin.

Ushtrimi 6. - Shikimin drejtojeni drejt majës së hundës, mbajeni atje rreth 3 sekonda dhe pastaj kthejeni në pozicionin e mëparshëm. Këtë veprim përsëriteni 5 herë.

Ushtrimi 7. - Gjeni ndonjë objekt që ndodhet afër jush dhe fokusojeni shikimin në atë objekt rreth 2 sekonda, ndërsa më vonë menjëherë hidheni shikimin në ndonjë objekt tjetër dhe mbajeni atje 2 sekonda të tjera. Ushtrimin përsëriteni 10 herë.

Ushtrimi 8. - Nga pozicioni në të cili jeni ulur me shikimin "skanojini" objektet që gjenden përreth jush, si për shembull, karrigen, pikturën, orën, derën etj.

Midis këtyre ushtrimeve bëni një pushim për t'i çlodhur sytë. Gjithashtu për shikimin është mirë që kohë pas kohe fytyrën ta lani me ujë të ftohtë. Masazhin që mund t'ua bëni kohë pas kohe kapakëve të syve dhe vendit përreth syve ndikon në shikimin më të mirë. Përdorni sasi të mjaftueshme të vitaminës E, e cila është e nevojshme për të pasur sy të shëndetshëm. Në fund, bëni përpjekje të flini aq sa duhet.



Burimi: www.EEH-Mk.com