Një krim i tmerrshëm brenda një familje shqiptare nga Maqedonia ka ndodhur mbrëmë vonë në qytetin Einsiedeln të kantonit Schwyz në Zvicër.
Policia zvicerane bëri të ditur se shtetasi i Maqedonisë, me kombësi shqiptare ka qëlluar për vdekje me armë zjarri bashkëshorten dhe vajzën e tij.
Siç bëhet e ditur 56 vjeçari ka vrarë gruan e tij 48 vjeçare dhe vajzën e tij 24 vjeçare rreth orës 22:30, pas një zënke paraprake që kishte shpërthyer midis tyre. Vajza ka ndërruar jetë menjëherë në banesë, ndërsa bashkëshortja ka ndërruar jetë gjatë ditës së sotme, pas plagëve të marra në organet kryesore.
Vrasësi menjëherë është ndaluar nga policia dhe se ndaj tij është shqiptuar masa e paraburgimit. Siç bëhet e ditur nga policia zvicerane, arsyeja e kësaj vrasje ka qenë xhelozia e burrit ndaj gruas apo siç është vlerësuar si shkelje e nderit familjar. /INA/
Krijoni Kontakt